Baaghi TV

Tag: تازہ ترین

  • خیبرپختونخوا میں سیلاب کے باعث 25 ہزار حاملہ خواتین متاثر

    خیبرپختونخوا میں سیلاب کے باعث 25 ہزار حاملہ خواتین متاثر

    پشاور: خیبرپختونخوا میں سیلاب کے باعث 25 ہزار حاملہ خواتین متاثر ہوئیں –

    باغی ٹی وی : اطلاعات کے مطابق ملک بھر میں سیلاب سے ہونے والی تباہ کاریوں کے باعث لاکھوں حاملہ خواتین مشکلات کا شکار ہیں حفظان صحت نہ ہونے کی وجہ سے زچہ و بچہ دونوں کی زندگیوں کو خطرہ ہے جس کے سدباب کےلیے خیبرپختونخوا حکومت سے 300 سے زائد زچہ و بچہ کیمپس قائم کردئیے ہیں۔

    سیلاب سے متاثرہ اضلاع میں ایک ہزار 716ریلیف کیمپ کام کررہے ہیں،شرجیل میمن

    رپورٹ کے مطابق صرف خیبرپختونخوا کے سیلاب سے متاثرہ اضلاع میں 25 ہزار حاملہ خواتین متاثر ہوئی ہیں، جن کیلئے حکومت کی جانب سے 13 اضلاع میں زچہ و بچہ کیمپس قائم کیے گئے ہیں زچہ بچہ میڈیکل کیمپس کیلئے نیو بورن اور سیفٹی کٹس مہیا کی گئی ہیں، اب تک پندرہ ہزار حاملہ خواتین کی اسکریننگ کی گئی ہے۔

    سیلاب سے متاثرہ خاندانوں میں 20 ہزار زچگیاں متوقع ہیں، متاثرین میں زچہ و بچہ کیسز کی مانیٹرنگ اور رپورٹنگ کیلئے لیڈی ہیلتھ ورکرز کو ذمہ داریاں سونپی گئی ہے۔

    قوام متحدہ کے بہبود آبادی کے فنڈ (یو این ایف پی اے) کےمطابق سیلاب سے متاثرہ علاقوں میں تقریباﹰ ساڑھے چھ لاکھ حاملہ خواتین کو محفوظ زچگی اور بچوں کی بحفاظت پیدائش کے لیے طبی سہولیات درکار ہیں۔

    ترکش اداکار سیلاب زدگان کی مدد کیلئے کراچی پہنچ گئے

    یو این ایف پی اے کے جاری کردہ حالیہ اعداد و شمار کے مطابق ایسی 73 ہزار پاکستانی حاملہ خواتین کے ہاں ستمبر میں بچوں کی پیدائش متوقع ہے۔ اقوام متحدہ کے اس ذیلی ادارے نے زور دے کر کہا ہے کہ ان خواتین کی زچگی کے دوران مدد کے لیے ہنر مند طبی عملے کی ضرورت ہو گی، جو نومولود بچوں کی دیکھ بھال بھی کر سکے۔

    یو این ایف پی اے کے مطابق اس کے علاوہ بہت سی خواتین اور لڑکیوں کے خلاف صنفی بنیادوں پر تشدد کا خطرہ بھی بڑھ گیا ہے کیونکہ تقریباﹰ ایک ملین مکانات کو نقصان بھی پہنچا ہے۔

    پاکستان کا جنوبی صوبہ سندھ سیلاب سے سب سے زیادہ متاثرہ صوبوں میں سے ایک ہےہاں حکام نے بہت سے امدادی کیمپ لگا رکھے ہیں تاکہ بے گھر ہو جانے والے سیلاب متاثرین کی مدد اور دیکھ بحال کی جا سکے تاہم متاثرین کا کہنا ہے کہ ان کیمپوں میں حاملہ خواتین کی دیکھ بحال کا مناسب انتظام نہیں۔

    اقوام متحدہ کے پاپولیشن فنڈ (یو این ایف پی اے) پاکستان کی جانب سے فراہم کردہ ڈیٹا کے مطابق بلوچستان میں حاملہ خواتین کی تعداد تقریباً ایک لاکھ 40 ہزار ہے جن میں سے 20 ہزار کے قریب خواتین کے ہاں اگلے ماہ بچوں کی پیدائش متوقع ہے قدرتی آفات میں اوسطاً خواتین کا مردوں کی نسبت جان سے چلے جانے کا خدشہ زیادہ ہوتا ہے۔

    سیلاب،صورتحال واضح ہونے تک مسافر ٹرینیں نہیں چلا سکتے،خواجہ سعد رفیق

  • چوتھا مقدمہ، علی وزیر کی درخواست ضمانت پر فیصلہ آ گیا

    چوتھا مقدمہ، علی وزیر کی درخواست ضمانت پر فیصلہ آ گیا

    رکن قومی اسمبلی علی وزیر کی چوتھے کیس میں درخواست ضمانت کی سماعت ہوئی

    اے ٹی سی کراچی نے علی وزیر کی ایک لاکھ روپے کے عوض ضمانت منظور کر لی ،عدالت نے ریمارکس دیتے ہوئے کہا کہ اگر ملزم کسی اور مقدمہ میں گرفتار نہیں تو رہا کیا جائے، علی وزیر کے خلاف چوتھا مقدمہ کراچی بوٹ بیسن تھانے میں درج تھا علی وزیر کے خلاف کراچی کے مختلف تھانوں میں چار مقدمات درج ہیں علی وزیر کی تین مقدمات میں ضمانت پہلے منظور ہوچکی ہے

    علی وزیر پر پی ٹی ایم کے کراچی میں پروگرام کے بعد سہراب گوٹھ تھانے میں مقدمہ درج کیا گیا جس میں رکن قومی اسمبلی علی وزیر ، پی ٹی ایم کی مرکزی قیادت سمیت کارکنان کو نامزد کیا گیا تھا۔پولیس نے ایف آئی آر درج کرنے کے بعد علی وزیر کی گرفتاری کی کوشش کی مگر خیبرپختونخواہ میں موجودگی کی وجہ یہ ممکن نہ ہوسکا جس کے بعد پولیس اور محکمہ داخلہ سندھ نے خیبرپختونخواہ حکومت سے گرفتاری اور حوالگی میں مدد طلب کی اور علی وزیر کو گرفتار کر لیا،علی وزیر جیل میں ہیں،

    ریاست کو للکارنے والے علی وزیر،محسن داوڑ کی رکنیت ختم کی جائے، اسمبلی میں مطالبہ

    محسن داوڑ اور علی وزیر کا سی ٹی ڈی نے ریمانڈ مانگا تو عدالت نے بڑا حکم دے دیا

    پی ٹی ایم کے رہنما علی وزیر پر غداری کا مقدمہ بنایا جائے،ٹویٹر پر ٹاپ ٹرینڈ

    ایک بیان کی بنیاد پر کیسے کسی کو نااہل کر دیں؟ علی وزیر نااہلی کیس میں الیکشن کمیشن کے ریمارکس

  • سیلاب،صورتحال واضح ہونے تک مسافر ٹرینیں نہیں چلا سکتے،خواجہ سعد رفیق

    سیلاب،صورتحال واضح ہونے تک مسافر ٹرینیں نہیں چلا سکتے،خواجہ سعد رفیق

    وفاقی وزیر ریلوے خواجہ سعد رفیق خصوصی ٹرین پررحیم یار خان ریلوے اسٹیشن پہنچ گئے

    اس موقع پر وزیر ریلوے خواجہ سعد رفیق کا کہنا تھا کہ ریلوے ٹریک کی سیفٹی کیلئے عملہ دن رات کام کرتا ہے کمزور ٹریک پر انجینئرنگ ریسٹریکشن لگتی ہے اور ٹرین کی اسپیڈ کم ہوجاتی ہے،ایم ایل ون پراجیکٹ 4 سال سے تاخیر کا شکار ہے، ایم ایل ون کا تخمینہ اب 10 ارب ڈالر ہے جوہمارے پاس نہیں پاکستان کے پاس 500 ملین ڈالر بھی نہیں ،سابق وزیر شیخ رشید نے فریم ورک ایگریمنٹ توڑ دیا تھا فریم ورک ایگریمنٹ کیلئے وزیراعظم کے ہمراہ چین جارہا ہوں،کوشش ہے رواں سال ایم ایل ون پر آن گراؤنڈ کام شروع ہو جائے،ہم سب کی اخلاقی ذ نہ دار ی ہے کہ سیلاب متاثرین کی مدد کریں،

    وزیر ریلوے خواجہ سعد رفیق کا مزید کہنا تھا کہ سندھ اور بلوچستان میں سیلاب سے ریلوے انفراسٹرکچر شدید متاثر ہوا،مال بردار گاڑیاں پانی میں سے گزر کر چل رہی ہیں، جب تک پانی نہیں اترے گا ٹریک کی اصل صورتحال سامنے نہیں آئے گی، صورتحال واضح ہونے تک مسافر ٹرینیں نہیں چلا سکتے 5 روز کے لیے سندھ اور بلوچستان جا رہا ہوں ،سندھ اور بلوچستان کے سیلاب سے متاثرہ علاقوں میں نقصانا ت کا جائزہ لیں گے،پہلا دورہ سکھر کا کروں گا ،وہاں نقصانات اور متاثرہ ٹریکس کا جائزہ لوں گا،سندھ اور بلوچستان میں سیلاب سے ریلوے انفراسٹرکچر  شدید متاثر ہوا،ایم ایل ون، ٹو اور تھری شدید متاثر ہوئے،موجودہ صورتحال میں محکمہ ریلوے مالی بحران کا شکار ہوگیا ہے محکمہ ریلوے کا موجودہ خسارہ 13 ارب روپے ہے چینی کمپنی کو کہا ہے پہلے روہڑی تا کراچی ریلوے سیکشن مرمت کریں،ہم عالمی مالیاتی اداروں کی سرمایہ کاری کیلئے کوشش کررہے ہیں سڑک اور ریلوے ٹریک بنانے میں زمین آسمان کا فرق ہے،ریلوے کو پاوں پر کھڑا کرنے کیلئے 15 سے 20 سال درکار ہیں،ہم نے 2013 اور 2018 تک ٹرن آراونڈ کیا وہ برباد ہوگیا،

    خواجہ سعد رفیق کا مزید کہنا تھا کہ ریلوے کو پاوں پر کھڑا کرنے کے لیے اب پھر صفر سے شروع کریں گے، یہاں حکومت آتی ہے تو لوگ اسے گرانے میں لگ جاتے ہیں،عمران خان اور انکے سہولت کاروں نے ملکی معیشت کو تباہ کردیا، 22کروڑ عوام کے ملک کو چلانا کوئی آسان کام نہیں ہے، جب ملک دیوالیہ پن پر آجائے دنیادینے کوتیار نہ ہو تو آئی ایم ایف کے پاس جانا پڑتا ہے آئی ایم ایف سے ایگریمنٹ ہوا ہے تو سیلاب آگیا پاکستان کی تاریخ کا خطرناک سیلاب ہے جسکے اثرات 10 سال تک محسوس کیے جائیں گے بڑی مشکلوں سے فیز ون آپریشن شروع کیا ہے،لوگوں کی جانوں کے ساتھ کھیل نہیں سکتے ریلوے ملازمین نے جذبہ جہاد کے ساتھ کام کیا جو قابل تحسین ہے، چند روز میں تفتان تک ٹریک کلیئر کردیں گے کوشش ہے کسی طرح سے پانی ریلوے ٹریک سے ہٹ جائے، بہت مشکل صورتحال ہے،مالی نقصان بھی زیادہ ہورہاہے،ریلوے کو روزانہ 15،16کروڑ روپے کا نقصان پہنچ رہا ہے،جب آفت آتی ہے تو شکست تسلیم نہیں کرتے ڈٹ کہ مقابلہ کرتے ہیں،

    سول ایوی ایشن نے گونگلوؤں سے مٹی جھاڑ دی،پائلٹ کوذمہ دار ٹھہرانے کا لیٹر کیوں جاری کیا گیا؟ سنئے مبشر لقمان کی زبانی

    طیارہ حادثہ،ابتدائی رپورٹ اسمبلی میں پیش، تحقیقاتی کمیٹی میں توسیع کا فیصلہ،پائلٹس کی ڈگریاں بھی ہوں گی چیک

    طیارہ حادثہ، تحقیقات کے لئے جے آئی ٹی تشکیل

    لاشوں کی شناخت ،طیارہ حادثہ میں مرنیوالے کے لواحقین پھٹ پڑے،بڑا مطالبہ کر دیا

    کراچی طیارہ حادثہ،طیارہ ساز کمپنی ایئر بس نے ابتدائی تحقیقاتی رپورٹ جاری کر دی

  • سیلاب کے بعد سڑکوں کی کیا صورتحال؟ این اے ایچ نے بتا دیا

    سیلاب کے بعد سڑکوں کی کیا صورتحال؟ این اے ایچ نے بتا دیا

    سیلاب کے بعد سڑکوں کی کیا صورتحال؟ این اے ایچ نے بتا دیا

    بارشوں اورسیلاب نے مواصلاتی نظام کو متاثر کیا ہے،شاہراہوں کی بحالی کے لیے این ایچ اے نے سر توڑ کوششیں کی ہیں،

    ترجمان این ایچ اے سہیل آفتاب کا کہنا ہے کہ این ایچ اے ماہرین تعمیرات متاثرہ علاقوں میں موجود رہے ہیں، سندھ میں این ایچ اے کا روڈ نیٹ ورک 2085 کلو میٹر ہے،انڈس ہائی وے این 55 کا 495 کلو میٹر کوٹری سے کشمور تک کا حصہ سندھ میں ہے،سیہون کے مقام پر 13 کلو میٹر کے حصہ پر سیلاب کا پانی موجود ہے ،سیہون پل کو نقصان پہنچنے کے باعث ٹریفک معطل ہے، دادو، میہڑکے درمیان 32 کلو میٹر کا حصہ سیلاب کی زد میں ہے، دادو تا مورو پل اور قاضی عامری پل کے ذریعے ٹریفک کو این 95 کی طرف موڑ دیا گیا ،دادو میہڑ سیکشن پر پانی کی سطح کم ہونے پر شاہراہ کو ٹریفک کے لیے کھول رہے ہیں،

    قومی شاہراہ این 5 کا کراچی سے کوٹ سبزل تک کا 608 کلو میٹر حصہ سندھ میں ہے قومی شاہراہ این 5 کا کراچی سے کوٹ سبزل تک 23 مختلف مقامات پر پانی جمع ہے، قومی شاہراہ این 65 سکھر اور جیکب آباد سیکشن پر پانی جمع ہونے سے معمولی نقصان ہوا سکھر تا جیکب آباد سیکشن تریفک کے لیے کھول دیا گیا لاڑکانہ، قمبر شہداد کوٹ شاہراہ پر پانی جمع ہے، سڑک ٹریفک کے لیے کھلی ہے، میرپور خاص اور عمر کوٹ کے درمیان 35 کلو میٹر حصے کو شدید نقصان پہنچا ہے، میر پور خاص تا عمر کوٹ کے درمیان سڑک پر متبادل راستے سے ٹریفک جاری ہے بلوچستان ایم 8 گوادر سے لے کر خوشاب اور رتوڈھیرو تک جانے والی شاہراہ پر لینڈ سلائیڈنگ ہوئی، بلوچستان ایم 8 کے ذریعے سندھ کو ملانے والی شاہراہ کو ون وے ٹریفک کے لیے کھول دیا گیا

    قبل ازیں وفاقی وزیر مواصلات مولانااسعد محمود کی ہدایت پر چیئرمین این ایچ اے کی دن رات کاوشوں سے ایم 8 سیکشن بحال کردیا گیا وزیراعظم شہباز شریف نے ملک بھر میں تمام روڈ نیٹ ورکس بحال کرنے کی ہدایت کی تھی ایم 8 موٹروے سیکشن بحال ہونے سے گوادر، آواران، خضدار اور رتوڈیرو کیلئے ٹریفک بحال ہوگئی ہے ترجمان این ایچ اے نے کہا کہ ایم 8 موٹروے سیکشن کو مسافروں کی آسانی کیلئے فی الحال یکطرفہ کھولا گیا ہے

    سیلاب متاثرین کی بحالی،پنجاب حکومت اوردعوت اسلامی کا ملکر کام کرنے پر اتفاق

    عمران خان نے ووٹ مانگنے کیلئے ایک صاحب کو بھیجا تھا،مرزا مسرور کی ویڈیو پر تحریک انصاف خاموش

    وزیراعلیٰ سندھ مراد علی شاہ سے جاپان کے سفیرکی کراچی میں ملاقات ہوئی ہے

    منچھر جھیل کا سیلابی پانی تمام یوسیز میں 8 سے 10 فٹ تک موجود ہے ،وزیراعلیٰ سندھ

    سیلابی پانی کے بعد لوگ مشکلات کا شکار ہیں کھلے آسمان تلے مکین رہ رہے ہیں

  • اہم قومی فیصلے سیاسی مفادات سے مشروط نہیں. وفاقی وزیر خواجہ محمد آصف

    اہم قومی فیصلے سیاسی مفادات سے مشروط نہیں. وفاقی وزیر خواجہ محمد آصف

    مسلم لیگ ن کے رہنما خواجہ محمد آصف نے کہا ہے کہ اہم قومی فیصلے سیاسی مفادات سے مشروط نہیں ہوتے۔

    سماجی رابطوں کی ویب سائٹ ٹوئٹر پر جاری بیان میں انہوں نے کہا کہ عمران خان اقتدار کی ہوس میں اتنا گر چکا ہے کہ آرمی چیف کے تقرر کو الیکشن اور سیاست سے نتھی کررہا ہے۔


    خواجہ محمد آصف نے اپنے ٹوئٹ میں مزید کہا کہ موجودہ حکومت اس ذمے داری سے متعلق مقررہ وقت پر آئین اور ادارے کی بہترین روایات کو مدنظر رکھتے ہوئے فیصلہ کرے گی۔اہم قومی فیصلے سیاسی مفادات سے مشروط نہیں ہوتے۔ جبکہ گزشتہ روز ایک ٹی وی انٹرویو میں خواجہ آصف نے کہا تھا کہ آرمی چیف کی تعیناتی پر اتحادیوں سے مشاورت سے پہلے ادارے اور پھر متعلقہ افراد سے بات ہوگی لیکن ابھی اس کا آغاز نہیں ہوا۔

    خواجہ آصف نے ایک ٹوئیٹ ریٹوئیٹ کیا جس میں سلیم صافی نے دعوی کیا تھا کہ: عمران خان نے کرپشن کا جو کارڈ نوازشریف ،مریم نواز ،شہبازشریف ،آصف زرداری، فریال تالپوراورمولانا فضل رحمن پر کھیلا ان میں سے کسی ایک پربھی وہ کرپشن ثابت نہ کرسکے تو اب اس غبارے سےہوا نکل گئ ہے.


    سینئر صحافی سلیم صافی نے مزید کہا کہ: میرا دعوی ہے کہ جتنی کرپشن عمران خان کی حکومت میں ہوئی ہےاتنی ماضی کی کسی حکومت میں نہیں ہوئی ہے.

    ایک اور بیان میں خواجہ آصف نے کہا کہ: ملاقاتیں تحریک انصاف والے کرے اور خط جلسوں میں لہراۓ عمران خان اور بیرونی سازش کاالزام ہم پر درحقیقت یہ ایک منافقت کی انتہاء ہے. لہذا تف ہے ان لوگوں کی ذھنیت پر جو اس کے جھوٹ پر یقین کرتے ہیں. خواجہ آصف نے یہ بیان سینئر صحافی طلعت حسین کی ایک پوسٹ کے جواب میں جس میں لکھا تھا کہ عمران خان نے روبن رفیل سے ملاقات کی ہے جبکہ ماضی میں امریکیوں پر سازش کا الزام لگا چکے ہیں.

  • سرکاری ملازم نے برطرفی کے 41 سال بعد اپیل دائرکر دی

    سرکاری ملازم نے برطرفی کے 41 سال بعد اپیل دائرکر دی

    سپریم کورٹ میں سرکاری ملازم کی برطرفی کیس کی سماعت 19 ستمبر تک ملتوی کر دی گئی

    عدالت نے برطرفی کے 41 سال بعد اپیل دائر کرنے پر دلائل طلب کر لیے ، جسٹس امین الدین نے ریمارکس دیتے ہوئے کہا کہ ملازم کو 1977 میں محکمہ تعلیم خیبرپختونخوا سے برطرف کیا گیا،برطرفی کیخلاف 2021 میں عدالت سے رجوع کیا گیا،جسٹس سردار طارق نے درخواست گزارسے استفسار کیا کہ بتائیں اتنا عرصہ آپ کہاں رہے، جسٹس امین الدین خان نے استفسار کیا کہ 41 سال بعد برطرفی کیخلاف اپیل دائر کرنے کا خیال کیسے آیا،برطرف ملازم نے عدالت سے استدعا کی کہ مجھے وکیل کرنے کیلئے وقت دیا جائے،

    جسٹس سردارطارق مسعود نے ریمارکس دیتے ہوئے کہا کہ گزشتہ سماعت پر بھی یہی عذر پیش کیا گیا تھا،آخری موقع ہے وکیل کرلیں بصورت دیگر آئندہ سماعت پر خود دلائل دیں،

    سپریم کورٹ نے دیا پی ٹی آئی کو جھٹکا،فواد چودھری کو بولنے سے بھی روک دیا

    بیانیہ پٹ گیا، عمران خان کا پول کھلنے والا ہے ،آئی ایم ایف ڈیل، انجام کیا ہو گا؟

    سینئر قیادت پرہتک آمیز،انتہائی غیرضروری بیان پرپاک آرمی میں شدید غم وغصہ ہے،ڈی جی آئی ایس پی آر

  • سیلاب سے متاثرہ اضلاع میں ایک ہزار 716ریلیف کیمپ کام کررہے ہیں،شرجیل میمن

    سیلاب سے متاثرہ اضلاع میں ایک ہزار 716ریلیف کیمپ کام کررہے ہیں،شرجیل میمن

    وزیراعلیٰ سندھ مراد علی شاہ سے جاپان کے سفیرکی کراچی میں ملاقات ہوئی ہے

    جاپان کے سفیرنے سندھ میں سیلاب سے جانی نقصان پر اظہار تعزیت کیا اور کہا کہ مشکل کی اس گھڑی میں سندھ سیلاب متاثرین کی بحالی میں مدد کرینگے ،وزیراعلیٰ سندھ سید مراد علی شاہ کا کہنا تھا کہ سندھ میں بارشوں اور سیلاب کے باعث 600 لوگ جاں بحق ہوئے سندھ میں بارشوں اور سیلاب سے 23 اضلاع متاثر ہوئے ہیں،

    سندھ کے صوبائی وزیر اطلاعات شرجیل میمن کا کہنا ہے کہ سندھ کے سیلاب سے متاثرہ اضلاع میں ایک ہزار 716ریلیف کیمپ کام کررہے ہیں،ریلیف کیمپوں میں 5 لاکھ 29ہزار707متاثرین کو منتقل کیا جا چکا ہے جیدر آباد 296،شہید بے نظیر آباد577اورمیر پور خاص ڈویژن میں52ریلیف کیمپ قائم ہیں سکھر 269 ،لاڑکانہ 481 اور کراچی ڈویژن میں 41 ریلیف کیمپ قائم کیے گئے متاثرین کو کیمپوں میں کھانا، پانی ، ادویات اور دیگر سہولیات فراہم کی جارہی ہیں، متاثرین میں اب تک ایک لاکھ 87 ہزار 91 خیمے تقسیم کیے جاچکے ہیں متاثرین میں مچھر دانیاں فولڈنگ بستر اور ایک ہزار 350 چولہے بھی تقسیم کیے گئے ہیں،متاثرین سیلا ب کو راشن بیگز بھی دئیے گئے ہیں،مخیر حضرات اور فلاحی ادارے امدادی سامان کی تقسیم کے لیے پی ڈی ایم اے سے رابطہ کریں، سیلاب متاثرین کو ریسکیو کرنا اولین ترجیح ہے اب تک بارشوں اور سیلاب سے لگ بھگ 600 افراد جاں بحق ہوئے ،سیلابی علاقوں میں وزیر اعلیٰ سندھ سمیت وزراء, ارکان اسمبلی کام کر رہے ہیں,

    سندھ کے صوبائی وزیر سعید غنی کا کہنا تھا کہ ملک میں آئین اور قانون کی بالادستی ہونی چاہیے سیلاب کے باعث کئی چیلنجز کا سامناہے بارشوں اورسیلاب کے بعد ڈینگی سمیت مختلف بیماریوں نے جنم لیا متاثرین کی بحالی کسی بھی حکومت کے لیے فوری طور پر ممکن نہیں ،

    شہباز گل کی گرفتاری، پی ٹی آئی کے ڈنڈا بردار کارکن بنی گالہ پہنچ گئے

    شہباز گل کی گرفتاری پی ٹی آئی نے عدالت سے رجوع کرنے کا فیصلہ کر لیا

    نعرے ریاست مدینہ کےاورغلامی امریکہ کی واہ شہبازگل باجوہ

    شہباز گل پر ایسا تشدد ہوا جو بتایا جا سکتا اور نہ دکھایا جا سکتا ہے، بابر اعوان

  • شاداب اور آصف کی ٹکرکو بھارتی پولیس نے ٹریفک آگاہی مہم کیلئے استعمال کر لیا

    شاداب اور آصف کی ٹکرکو بھارتی پولیس نے ٹریفک آگاہی مہم کیلئے استعمال کر لیا

    بھارتی پولیس نے ایشیا کپ ٹی ٹوئنٹی 2022 کے فائنل میں پاکستان ٹیم کے کھلاڑی شاداب خان اور آصف علی کے کیچ چھوڑنے کی ویڈیو کے ذریعے پاکستانی ٹیم پر ٹرولنگ کی ہے۔

    باغی ٹی وی : دہلی پولیس نے اپنے مصدقہ ٹوئٹر اکاؤنٹ پر پاکستانی کھلاڑی آصف علی اور شاداب کی ٹکر سےکیچ چھوٹنےکی ویڈیو کو ٹریفک آگاہی کے لیے استعمال کیا۔


    ویڈیو کے کیپشن میں دہلی پولیس نے لکھا کہ ‘اے بھائی ذرا دیکھ کر چلو’، اس کے ساتھ ہی ویڈیو میں روڈ سیفٹی اور ایشیا کپ کے ہیش ٹیگز کا بھی استعمال کیا گیا ہے۔

    شاداب خان نے ایشیا کپ کے فائنل میں شکست کی ذمہ داری قبول کر لی

    واضح رہے کہ سری لنکا کے خلاف ایشیا کپ کے فائنل میں پاکستان کرکٹ ٹیم نے میچ میں بہترین اسٹارٹ لیا اور 58 رنز پر سری لنکا کی آدھی ٹیم کو پویلین بھیج دیا، تاہم راجا پکسے کی شاندار بلے بازی کی بدولت سری لنکا ٹیم 171 رنز کا پہاڑ جیسا ہدف دینے میں کامیاب ہوئی۔

    محمد حسنین کے 19ویں اوور کی آخری گیند پر راجا پکسے نے ایک اونچا شاٹ کھیلا تو باؤنڈری لائن پر کھڑے آصف علی نے کیچ پکڑنے کی کوشش کی، لیکن شاداب خان نےمداخلت کرتے ہوئےآصف علی کو کیچ لینے میں رکاوٹ ڈالی اوردونوں فیلڈروں کی ٹکرسےگیند باؤنڈری سے باہر چلی گئی اور چھکا ہوگیا-

    ایک طرف پاکستانی ٹیم کی ناقص فیلڈنگ پر کھلاڑیوں کو جہاں تنقید کا سامنا کرنا پڑ رہا ہے وہیں بھارت کے شہر دہلی کی پولیس نے ٹیم کی خراب فیلڈنگ کے ایک سین کو ٹریفک آگاہی کے لیے استعمال کرنا شروع کردیا ہے۔

    ایشیاکپ فائنل میں شکست ،شعیب اختر قومی ٹیم پر برس پڑے

    بھارتی پولیس کی جانب سے ٹریفک قوانین کی آگاہی کے لئے اس طرح دلچسپ ویڈیو سامنے آتی رہتی ہیں اس سے قبل بھی بھارتی پولیس نے ٹریفک قوانین کی آگاہی کے لیے اداکارہ کرینہ کپور کے فلمی سین کا دلچسپ استعمال کیا تھا دارالحکومت دہلی کی ٹریفک پولیس نے ’’کبھی خوشی کبھی غم‘‘ فلم سے کرینہ کپور کا ایک سین کاٹ کر اپنی آگاہی ویڈیو میں ایڈٹ کرکے لگائی تھی –


    اداکارہ کے سین کو ایڈٹ کرکے ویڈیو میں موجود ریڈ لائٹ پر لگایا گیا تھا جس میں وہ کہتی نظر آرہی ہیں کہ کون ہے یہ جس نے دوبارہ مڑ کر مجھے نہیں دیکھا، دہلی پولیس کے اقدام کا مقصد یہ آگاہی دینا تھا کہ ٹریفک سگنل کے سرخ رنگ پر ہر حال میں رکنا ہے، اکثر لوگ سگنل کی پرواہ کیے بغیر گاڑیاں دوڑا دیتے ہیں جس سے کئی بار حادثات بھی پیش آتے ہیں-

    ثقلین مشتاق کا شعیب ملک کے ٹوئٹ پر ردعمل

  • 10سالہ بچی کے ساتھ زیادتی کے بعد نعش سوئمنگ پول میں ڈبونے والا درندہ صفت ملزم گرفتار

    10سالہ بچی کے ساتھ زیادتی کے بعد نعش سوئمنگ پول میں ڈبونے والا درندہ صفت ملزم گرفتار

    سی سی پی اولاہور غلام محمود ڈوگر نے اپنے دفتر میں پریس کانفرنس کرتے ہوئے کہا ہے کہ تھانہ مناواں کی حدود میں 10سالہ بچی ماریہ کو قتل کر کے نعش سوئمنگ پول میں ڈبونے والا درندہ صفت ملزم گرفتار کر لیا گیا ہے

    سی سی پی اولاہور غلام محمود ڈوگر کا کہنا تھا کہ ملزم علی رضا نے معصوم بچی کو اکیلا پا کر زیادتی کا نشانہ بنا ڈالا،منہ اور گلا دبا کر قتل کر دیا،سفاک ملزم نے گھناؤنے فعل کو حادثے کا رنگ دینے کے لیے مقتولہ کی لاش سوئمنگ پول میں پھینک دی،ماریہ اپنے بھائی سجاد اور 05 سالہ بہن عجرہ کے ساتھ ملزم کے سوئمنگ پول پر نہانے آئی تھی، سوئمنگ پول کا مالک علی رضا بچی کو بسکٹ کا لالچ دے کر کینٹین کے پیچھے لے گیا،ماریہ کے کافی دیر نظر نہ آنے پر بہن بھائی نے سوئمنگ پول مالک سے دریافت کیا،ملزم علی رضا نے مقتولہ ماریہ کے بہن بھائی کو کہا کہ ان کی بہن گھر چلی گئی ہے،بعد ازاں ملزم نے مقتولہ کے سوئمنگ پول میں ڈوب جانے کا ڈرامہ رچا دیا،اصل ملزم تک پہنچنے کے لیے 11مشکوک افراد کے ڈی این اے اور پولی گراف ٹیسٹ کروائے گئے،مقتولہ بچی اور ملزم علی رضا کے نمونے پنجاب فرانزک سائنس لیبارٹری بھجوائے گئے،

    سی سی پی اولاہور غلام محمود ڈوگر کا کہنا تھا کہ سی آئی اے اورانویسٹی گیشن پولیس کی مشترکہ ٹیموں نے شب و روز کی محنت کے بعد ملزم کو گرفتار کیا،مضبوط چالان مرتب کر کے ملزم کو کیفر کردار تک پہنچائیں گے، ہائی پروفائل کیسز حل کرنے پر ڈی آئی جی انوسٹی گیشن اور ان کی ٹیم کو مبارکباد پیش کرتا ہوں،یہ ہمارے لیے انتہائی چیلنجنگ کیس تھا،ہم نے اصل ملزم کو بروقت گرفتار کر لیا تھا،وزیر اعلی پنجاب نے بھی اس کیس کو فوری حل کرنے اور انصاف کے تقاضے پورے کرنے کا حکم دیا تھا،

    واضح رہے کہ مناواں کے علاقے شریف پورہ میں 10 سالہ بچی ماریہ اپنے بھائی اور چھوٹی بہن کے ساتھ ایک روز قبل سوئمنگ پول میں نہانے گئی اور پھر اچانک غائب ہوگئی جب بھائی نے ماریہ کو تلاش کرنے کی کوشش کی تو سوئمنگ پول کے مالک نے بتایا کہ وہ گھر جا چکی ہے والدین کے مطابق دونوں بچوں کے گھر آنے کے بعد جب ماریہ کو تلاش کیا تو وہ کہیں نہیں ملی جب دوبارہ سوئمنگ پول پہنچے تو مالک نے بتایا کہ وہ ڈوب گئی ہے، جس پر اسے ہسپتال منتقل کیا گیا۔ہسپتال میں ڈاکٹرز نے موت کی تصدیق کی جس کے بعد والدین نے بچی کے قتل کے خلاف ایف آئی آر درج کروائی تھی

    بیوی طلاق لینے عدالت پہنچ گئی، کہا شادی کو تین سال ہو گئے، شوہر نہیں کرتا یہ "کام”

    50 ہزار میں بچہ فروخت کرنے والی ماں گرفتار

    ایم بی اے کی طالبہ کو ہراساں کرنا ساتھی طالب علم کو مہنگا پڑ گیا

    یہ ہے لاہور، ایک ہفتے میں 51 فحاشی کے اڈوں پر چھاپہ،273 ملزمان گرفتار

    طالبعلم کے ساتھ گھناؤنا کام کرنیوالا قاری گرفتار،قبرستان میں گورکن کی بچے سے زیادتی

  • سرکاری تدفین سے قبل عوام کو ملکہ الزبتھ کے آخری دیدار کی اجازت

    سرکاری تدفین سے قبل عوام کو ملکہ الزبتھ کے آخری دیدار کی اجازت

    برطانوی حکومت نے عوام کو ملکہ الزبتھ کے آخری دیدار کی اجازت دے دی-

    باغی ٹی وی: غیر ملکی میڈیا کےمطابق برطانوی حکام عوام کو ملکہ الزبتھ کے تابوت کو دیکھنے کی اجازت دینے کے لئے تیار ہیں۔ ملکہ کے آخری دیدار کا سلسلہ بدھ کی شام تک جاری رہے گا-

    ملکہ الزبتھ دوم کی وفات پر پاکستان میں یوم سوگ،قومی پرچم سرنگوں رہا

    برطانیہ پر 70 سال تک حکومت کرنے والی آنجہانی ملکہ کوآخری نظر دیکھنے کو 19 ستمبر کو ہونے والی ان کی سرکاری تدفین سے قبل لاکھوں لوگوں کی آمد متوقع ہے ان کی آخری رسومات میں عالمی رہنما شرکت کریں گے۔

    دوسری جانب برطانوی وزارت ثقافت نے کہا ہے کہ عوام کے اراکین پارلیمنٹ کے ویسٹ منسٹر ہال میں تابوت کو بدھ 14 ستمبر کی شام 5 بجے سے لے کر 15 ستمبر کی صبح 06:30 بجے تک 24 گھنٹے دیکھ سکیں گے۔

    وزارت ثقافت نے مزید کہا کہ جو لوگ شرکت کرنا چاہتے ہیں انہیں کئی گھنٹے قطاروں میں انتظار کرنا پڑے گا۔ شاید رات بھر بڑی تعداد کی توقع ہےاور یہ مشورہ دیا جاتا ہے کہ پہلے سے چیک کریں اور اس کے مطابق منصوبہ بندی کریں اور طویل انتظار کی مدت کے لیے تیاری کریں۔

    ملکہ الزبتھ دوم کے اصولوں پر عمل پیرا رہوں گا، شاہ چارلس سوم

    ریل آپریٹرز نے کہا ہے کہ وہ لندن کے اندر مسافروں کی تعداد میں اضافے کی توقع کرتے ہیں انہوں نے مسافروں کو مشورہ دیا کہ وہ پیدل اپنی آخری منزلوں کے لیے راستہ مکمل کرنے کی تیاری کریں۔

    واضح رہے کہ 70سال تک برطانیہ پر حکمرانی کرنے والی ملکہ الزبتھ دوم 96 برس کی عمر میں جمعرات کو بیلمورل میں انتقال کر گئیں الزبتھ1952 میں ملکہ بنیں اور اپنے دور میں انھوں نے بڑے پیمانے پر سماجی تبدیلی دیکھی –

    ملکہ کی موت کے بعد ان کے سب سے بڑے بیٹے اور ویلز کے سابق شہزادے چارلس برطانیہ کے نئے بادشاہ اور دولتِ مشترکہ میں شامل 14ممالک کے سربراہ بن گئے ہیں۔ بادشاہ چارلس نے باضابطہ طور پر برطانیہ کے نئے بادشاہ کا منصب سنبھال لیا ہے اور ملکہ کنسورٹ کمیلا پارکر بھی ان کے ہمراہ تھیں

    ملکہ برطانیہ کی وفات کے بعد برطانیہ سے کوہ نور کی واپسی کا مطالبہ

    ۔