Baaghi TV

Tag: تازہ ترین

  • افغان خاتون کا طالبان کے سابق ترجمان پر جنسی زیادتی اور تشدد کا الزام

    افغان خاتون کا طالبان کے سابق ترجمان پر جنسی زیادتی اور تشدد کا الزام

    افغان خاتون الہا دلوازیری نے طالبان حکومت کی وزارت داخلہ کے سابق ترجمان قاری سعید خوستی پر اس سے زبردستی شادی کرنے، تشدد کا نشانہ بنانے اور ریپ کرنے کا الزام لگایا ہے-

    باغی ٹی وی : غیر ملکی میڈیا کے مطابق کابل یونیورسٹی کی ایک طالب علم دلوازیر نے یہ الزامات ایک ویڈیو میں لگائے ویڈیو تیزی سے سوشل میڈیا پر وائرل ہو گئی-

    افغانستان سے امریکی افواج کے انخلا کا ایک سال مکمل ہونے پر شاندار جشن


    ویڈیو میں الہا دلوازیری کو روتے ہوئےدیکھا جا سکتا ہے ویڈیو میں انہوں نے الزام عائد کیا کہ سابق طالبان جنگجو خوستی نے اسے زیادتی کا نشانہ بنایا اور اس پر تشدد کیا۔

    دوسری طرف قاری سعید خوستی نے خاتون کی طرف سے الزامات رد کرتے ہوئے کہا ہے کہ انہوں نے خاتون کی عصمت دری کا جرم نہیں کیا تھا انہوں نے زور دے کر کہا کہ انہوں نے دالوازیری کو اس کے "غیر اسلامی عقائد” کی وجہ سے طلاق دی ہے۔


    جبکہ لڑکی نے جو ویڈیو پوسٹ کی ہے اس میں اس کے جسم پر چوٹوں کے نشانات واضح دیکھے جا سکتے ہیں مگر خوستی نے کہا کہ اس نے اسے کبھی نہیں مارا۔

    امریکا میں منجمد اثاثے افغان عوام کی امانت ہیں اس پر نائن الیون کے متاثرین کا کوئی…


    قاری سعید خوستی نے ایک بیان میں کہا کہ اس نے لڑکی سے "اس کے کہنے پر” شادی کی تھی اور اسے یہ معلوم کرنے کے بعد طلاق دے دی تھی کہ اس کے عقائد درست نہیں۔ یہاں تک کہ لڑکی پر قرآن کی توہین کا بھی الزام بھی لگایا۔

    خوستی نے ٹوئٹر پر لکھا کہ 6 ماہ قبل میں نے الٰہ نامی لڑکی سے اس کے کہنے پر شادی کی، اس کے بعد میں نے دیکھا کہ اسے عقیدے کا مسئلہ ہے، میں نے مشورے اور بحث کے ذریعے اس کے عقائد کو درست کرنے کی کوشش کی، لیکن، یہ کامیاب نہیں ہوا۔ یہاں تک کہ اس نے واضح طور پر قرآن پاک کی توہین کی جو کہ ثابت بھی ہے۔


    خوستی نے یہ بھی کہا کہ اس نے لڑکی کو نہیں مارا، اور یہ کہ اس نے ‘اپنی بیوی کو طلاق دے کر قانونی طور پر اس سے علیحدگی اختیار کر لی ہے-

    سوشل میڈیا پر اس حوالے سے رد عمل سامنے آیا ہے جس میں طالبان کے طرز عمل کی مذمت کی گئی ہےتاہم طالبان کی طرف سے سرکاری سطح پر کوئی بیان جاری نہیں کیا گیا۔

    افغانستان قحط کے دہانے پر پہنچ گیا، بدترین حالات پیدا ہونے کا خدشہ ہے،اقوام متحدہ…

  • سید علی گیلانی کی پہلی برسی، ترجمان پاک فوج، وزیراعظم، و دیگر کا پیغام

    سید علی گیلانی کی پہلی برسی، ترجمان پاک فوج، وزیراعظم، و دیگر کا پیغام

    سید علی گیلانی کی پہلی برسی، ترجمان پاک فوج، وزیراعظم، و دیگر کا پیغام
    باغی ٹی وی کی رپورٹ کے مطابق حریت رہنما سید علی گیلانی کی برسی پر ترجمان پاک فوج نے پیغام جاری کیا ہے

    ڈی جی آئی ایس پی آر کے مطابق پاکستانی قوم بہادرسید علی گیلانی کو خراج عقیدت پیش کرتی ہے ،سید علی گیلانی کی مزاحمت اور مقبوضہ جموں کشمیر میں بدترین بھارتی مظالم کیخلاف ان کی جدوجہد مثالی ہے سید علی گیلانی کی حق خودارادیت کیلئے جدوجہد آئندہ نسلوں کو ہمیشہ متاثر کرتی رہے گی

    قبل ازیں وزیراعظم شہبازشریف نے سید علی گیلانی کو خراج عقیدت پیش کرتے ہوئے کہا ہے کہ سیدعلی گیلانی جس طرح اپنی زندگی میں کشمیرکی آزادی کے حوالے سے اہم تھے آج شہیدہو کر بھی ہیں سیدعلی گیلانی کشمیرکی جدوجہدآزادی کا استعارہ تھے وہ جسمانی طور پر ناتواں لیکن ان کا عزم انتہائی مضبوط اور پختہ تھا۔

    وزیراعظم کے مشیر برائے امور کشمیر و گلگت بلتستان قمر زمان کائرہ نے کہاہے کہ سید علی گیلانی پاکستان کے زبردست حامی تھے اور وہ خود کو پاکستان کا حصہ سمجھتے تھے ،وہ کشمیروں کے دلوں کی آواز تھے،ایل او سی کے دونوں طرف کے کشمیری سید علی گیلانی کی آواز پر لبیک کہتے تھے

    آج یکم ستمبر2022 ہے اوربابائے حریت سید علی شاہ گیلانی کی پہلی برسی ہے ، سید علی شاہ گیلانی کودنیا سے رخصت ہوئے ایک سال گزرگیا مگران کے اقوال زریں ، ان کی تحریک آزادی کشمیرکے لیے جدوجہد کے سنہری اصول اورعزم مصمم ہمارے لیے ایک نمونہ ہے

    سید علی گیلانی نے کشمیریوں کی تحریک آزادی کو اس طرح جلا بخشی کہ اب وہ ہمارے اندر موجود نہیں ہیں مگراس کے باوجود انہوں نے کبھی تنہائی کا احساس نہیں ہونے دیا ، وہ ہمیشہ کشمیریوں کے لیے ایک مشعل راہ تھے اس موقع پر کشمیریوتھ الائنس کے صدر سید مجاہد گیلانی اورکشمیریوتھ الائنس کی طرف سے سید علی شاہ گیلانی کو خراج عقیدت پیش کرتے ہوئے ان کے درجات کی بلندی کےلیے دعائیں کی گئیں اوران کی کشمیریوں کے لیے جدوجہد آزادی کے مشن کو خراج تحسین پیش کیا گیا

    کشمیر یوتھ الائنس کی قیادت کی طرف سے سید علی شاہ گیلانی کو خراج تحسین پیش کرتے ہوئے کہا گیا کہ سید علی شاہ گیلانی کشمیر کا پاکستانی، وہ عظیم حریت لیڈر جس نے بندوقوں کی نوک پر اور ڈنکے کی چوٹ پر ’ہم پاکستانی ہیں پاکستان ہمارا ہے‘ کا نعرہ اپنی زندگی کا استعارہ بنایا اور ایک عظیم مجاہد کی حیثیت سے اپنی جان مال سب کچھ کشمیر پر نچھاور کردیا اور ذرا برابر تردد نہ کیا۔

    سید علی گیلانی، ہاں وہ کشمیر میں پاکستان کی آواز تھے، جس نے اپنی زندگی کے آخری 12 سال بدترین علالت کی حالت میں سفاک دُشمن کی اسیری میں گزار دیے۔ سید علی گیلانی مرحوم ہی کی بدولت آج ایسے وقت میں جب بھارت کا زیر انتظام جموں و کشمیر دنیا کی سب سے بڑی جیل میں تبدیل ہو چکا ہے جذبہ حریت اور فکرِ حریت پوری آب و تاب کے ساتھ قائم و دائم ہے۔ سیدعلی گیلانیؒ ایک فرد کا نام نہیں بلکہ ایک نظریہ ، فلسفہ ،جدو جہد، یقین محکم، عمل پیہم، ایک امید، ایک روشنی،ایک زندگی کا نام اور آزادی کانا م ہے۔ سید علی گیلانی ہم میں موجود نہیںمگر ان کے نظریات ہماری رانمائی کے لیے موجود ہےمرحوم گیلانی صاحب نے شمع ہی ایسی روشن کر ڈالی ہے کہ کشمیر کا ہر نوجوان جذبہِ حریت سے سرشار ہے اور غلامی کا طوق قبول کرنے کو تیار ہیں۔جب گیلانی صاحب مرحوم جھوم کر کہتے تھے کہ ہم پاکستانی ہیں پاکستان ہمارا ہے، تو یہاں ہم بھی جھوم جاتے، گیلانی صاحب آزادی کی دعا کرتے تو ہم بھی آمین کہتے۔ان کے جانے کا غم کبھی کم تو نہ ہوگا لیکن اُن سے وعدہ ہے کہ جب تک سانس چلتی رہے گی کشمیر کے ساتھ روح کا یہ رشتہ قائم و دائم رہے گا۔خدا تعالیٰ مرحوم سید علی گیلانی صاحب کے درجات کو بلند کرے اور انہیں جوارِ رحمت میں جگہ عطا فرمائے۔ (آمین)

  • سعودی عرب کے علاقے الباحہ میں زلزلے کے جھٹکے

    سعودی عرب کے علاقے الباحہ میں زلزلے کے جھٹکے

    سعودی عرب کے جنوب مغربی علاقے الباحہ میں زلزلے کے جھٹکے محسوس کئے گئے-

    باغی ٹی وی : "العربیہ” کے مطابق سعودی عرب کے جیولوجیکل سروے کے مطابق مملکت کے جنوب مغرب میں الباحہ میں بدھ کی صبح آنے والے زلزلے کے جھٹکے محسوس کئے گئے ابھی تک کسی جانی یا مالی نقصان کی کوئی اطلاع نہیں ہے۔

    اسپین میں اولوں کا طوفان 20 ماہ کی بچی ہلاک، درجنوں افراد زخمی

    جیولوجیکل سروے کے مطابق ارضیاتی خطرات کے مرکز میں نیشنل نیٹ ورک کے اسٹیشنوں نے آج صبح 9:34 بجے زلزلے کا پتہ لگایا۔ریکٹر اسکیل پر اس کی شدت 3.62 تھی-

    رپورٹ کے مطابق جی ایس اے کے ترجمان طارق ابا الخیل نے بتایا کہ ایک خصوصی ٹیم فوری طور پر اس علاقے میں گئی جہاں زلزلہ آیا تھا تاکہ نقصانات کا پتہ لگایا جا سکے ٹیم نے ان وجوہات کا پتہ لگانے کے لیے علاقے کا بھی معائنہ کیا جن کی وجہ سے یہ زلزلہ آیا –

    طارق ابا الخیل نے وضاحت کی کہ یہ زلزلہ بحیرہ احمر میں ٹیکٹونک دباؤ کا نتیجہ تھا ، اور علاقے میں زلزلہ کی سرگرمیوں کے بارے میں رپورٹ تیار کرنے کے لیے ضروری معلومات اکٹھی کی جا سکیں۔

    انہوں نے یہ بھی بتایا کہ زلزلے ہر جگہ قدرتی چیز کے طور پر ان کے واقع ہونے کی پیشگی انتباہ کے بغیر آتے ہیں ابا الخیل نے تصدیق کی کہ ہر زلزلے کی شدت مختلف ہوتی ہے اور الباحہ میں جو کچھ آیا اسے قدرتی زلزلہ سمجھا جاتا ہے زلزلے کے جھٹکے المخواہ اور بلجراشی کے علاقوں کے رہائشیوں نے بھی محسوس کیے ہیں-

    بارشوں اورسیلابوں کے باوجود پانی پینے پرپابندی کیوں؟ریاست مسی سیپی سے اہم خبرآگئی

  • یو اے ای: ابوظبی کی جامع مسجد کے قریب چھوٹا طیارہ گر کر تباہ

    یو اے ای: ابوظبی کی جامع مسجد کے قریب چھوٹا طیارہ گر کر تباہ

    متحدہ عرب امارات کے دارالحکومت ابوظبی کی جامع مسجد کی کارپارک میں ایک چھوٹا طیارہ گر کر تباہ ہو گیا ہے جس کے نتیجے میں اس کا پائلٹ زخمی ہو گیا ہے۔

    باغی ٹی وی : متحدہ عرب امارات کے دارالحکومت ابوظہبی میں بدھ کو ایک چھوٹا طیارہ گر کر تباہ ہو گیا پولیس کے مطابق حادثے میں پائلٹ زخمی ہوا تاہم کوئی جانی نقصان نہیں ہوا حادثہ طیارے میں تکنیکی خرابی کی وجہ سے پیش آیا ہے۔

    افغانستان سے امریکی افواج کے انخلا کا ایک سال مکمل ہونے پر شاندار جشن

    ایک انجن والا سیسنا طیارہ متحدہ عرب امارات کے دارالحکومت کے وسط میں واقع نجی جیٹ طیاروں کے لیے ایک خصوصی ہوائی اڈے کی جانب پرواز کررہا تھا لیکن وہ ملک کی سب سے بڑی سفید سنگ مرمر بنی جامع مسجد کے نزدیک گرگیا۔

    ایران نےخلیج میں امریکی ڈرون کو قبضےمیں لےکرچھوڑ دیا

    یواے ای کے سرکاری خبررساں ادارے وام کے مطابق جنرل سول ایوی ایشن اتھارٹی نے بتایا کہ حادثے کے نتیجے میں طیارے کا پائلٹ زخمی ہوگیا اور اسے ضروری علاج اور نگہداشت کے لیے اسپتال منتقل کردیا گیا ہے۔

    جی سی اے اے نے ابتدائی تحقیقات کے حوالے سے بتایا کہ حادثہ تکنیکی خرابی کی وجہ سے پیش آیا ہے اور اس وقت طیارہ ہوائی اڈے پراترنے کے لیے آرہا تھا۔

    روسی افواج کے تابڑتوڑحملے یوکرینی افواج کو بھاری جانی ومالی نقصان

  • سپریم کورٹ ،نیب قانون میں ترامیم کیخلاف عمران خان کی درخواست پرہوئی سماعت

    سپریم کورٹ ،نیب قانون میں ترامیم کیخلاف عمران خان کی درخواست پرہوئی سماعت

    سپریم کورٹ ،نیب قانون میں ترامیم کیخلاف عمران خان کی درخواست پر سماعت ہوئی

    دوران سماعت چیف جسٹس عمر عطا بندیال نے ریمارکس دیتے ہوئے کہا کہ آپ نے ایک تفصیلی جواب جمع کرایا ہے ، کیا جواب کی کاپیاں دوسرے فریقین کو فراہم کی ہیں؟ خواجہ حارث نے عدالت میں جواب دیا کہ جی کاپیاں فراہم کردی ہیں، چیف جسٹس عمر عطا بندیال نے ریمارکس دیتے ہوئے کہا کہ ہم آج کیس پر ایک بجے تک سماعت کریں گے ، کل نہیں کرسکیں گے، چیف جسٹس عمرعطا بندیال نے خواجہ حارث سے مکالمہ کرتے ہوئے کہا کہ آپ کیس گھنٹے کے اندر بیان کردیں، حکومتی وکیل مخدوم علی نے کہا کہ کیس میں ترمیم شدہ درخواست داخل کی گئی ،بہتر ہوگا نوٹس جاری کیا جائے،

    عدالت نے کہا کہ حقیقت ہے کہ لوگ ٹیکس گوشواروں میں مکمل اثاثے اورآمدن ظاہر نہیں کرتے ، جس پر چیئر مین پی ٹی آئی عمران خان کے وکیل کا کہنا تھا کہ آمدن یا اثاثے ظاہر نہ کرنا نیب کا جرم نہیں بنتا ، ظاہر نہ کردہ آمدن کا غیر قانونی ہونا لازمی نہیں ہے، جسٹس منصور نے ریمارکس دیتے ہوئے کہا کہ کوئی قانون پالیسی یا اصولوں کیخلاف ہونے کی بنیاد پر کالعدم نہیں ہو سکتا پالیسی اصولوں کے مطابق قماربازی اور منشیات کیخلاف قانون ہونا چاہیے۔

    خواتین کو تعلیم سے روکنا جہالت،گزشتہ 7ماہ سے انتشار کا کوئی واقعہ نہیں ہوا،طاہر اشرفی

    کسی بھی مکتبہ فکر کو کافر نہیں قرار دیا جا سکتا ،علامہ طاہر اشرفی

    امریکا اپنی ہزیمت کا ملبہ ڈالنا چاہتا ہے تو پاکستان اس کا مقابلہ کرے،علامہ طاہر اشرفی

    وزیراعظم  نے مکہ میں دوران طواف 3 مرتبہ مجھے کیا کہا؟ طاہر اشرفی کا اہم انکشاف

  • شمسی توانائی سے بجلی پیدا کرنے کے منصوبے کی منظوری

    شمسی توانائی سے بجلی پیدا کرنے کے منصوبے کی منظوری

    وزیراعظم شہبازشریف نے عوام کے لئے شمسی توانائی سے بجلی پيدا کرنے کے منصوبے کی منظوری دے دی ہے۔اس فیصلے سے مہنگے درآمدی ايندھن کی مد ميں اربوں ڈالر کی بچت ہوگی۔

    وزیراعظم شہباز شريف نے متعلقہ اداروں کو شمسی توانائی کے منصوبے پرہنگامی بنیادوں پر کام شروع کرنے کی ہدايت کردی ہے۔ اس منصوبے کے تحت سولر پاور پلانٹس ميں مہنگےدرآمدی ايندھن کی بجائے شمسی توانائي سے 10 ہزارمیگاواٹ بجلی پیدا ہوگی۔


    پہلے مرحلے میں سرکاری عمارتوں،بجلی اور ڈیزل سے چلنے والے ٹیوب ویلز اور کم یونٹ استعمال کرنے والے گھریلو صارفین کو سورج کی روشنی سے پیدا ہونے والی بجلی دی جائے گی۔ وزيراعظم نے ہدايت کی کہ آئندہ گرميوں ميں عوام کو بجلی کی فراہمی میں خاطر خواہ ریلیف ديا جائےاورآئندہ ہفتے تمام اسٹیک ہولڈرز کی پری بڈ کانفرنس بلائی جائے۔


    واضح رہے کہ پاکستان میں توانائی، خصوصا، بجلی کا بحران حکومت کو درپیش بڑے چیلنجز میں سے ایک بہت اہم چیلنج ہے۔ تقریبا ایک دہائی سے ماہرین کہتے آرہے ہیں کہ اگر توانائی کی طلب و رسد کے درمیان حائل خلیج کو مؤثر انداز میں پُر نہ گیا تو اقتصادی تنزلی نا گزیر ہوگی۔ بجلی کی قلّت ہر سال بڑھتی جارہی ہے جس کی وجہ سے عوام کو یومیہ اوسطا چھ سے آٹھ گھنٹے کی لوڈشیڈنگ برداشت کرنا پڑتی ہے۔

    جبکہ دیہی علاقوں میں صورت حال بہت خراب ہے جہاں دن بھر میں صرف دو سے تین گھنٹوں کے لیے بجلی دستیاب ہوتی ہے۔ ایک تحقیق سے پتہ چلا ہے کہ پاکستان کی آبادی کا تیرہ فی صد حصہ بجلی کے بغیررہ رہا ہے۔ دوسری جانب عالمی سطح پر اقتصادی مسابقت میں ہر سال اضافہ ہوتا جا رہا ہے۔ ایسے میں پاکستان کے لیے مزید ضروری ہوجاتا ہے کہ بجلی کے مسئلے کا ایک محفوظ ، مامون اور پائے دار حل وضح کیا جائے جو اسٹریٹجک اقتصادی ترقی اور سماجی انفرااسٹرکچر سے منسلک ہو۔

    دوسری طرف سورج کی روشنی سے تیار کردہ بجلی کو محفوظ کرنے کے لیے زیادہ تر لیتھیئم آئن بیٹریز کا استعمال کیا جاتا ہے۔ مگر یورپ میں بہت سے محققین اب ایک نئی ٹیکنالوجی پر کام کر رہے ہیں جو قابل تجدید توانائی کے استعمال کے طریقے کو ہی بدل دے گی۔

  • اسپین میں اولوں کا طوفان 20 ماہ کی بچی ہلاک، درجنوں افراد زخمی

    اسپین میں اولوں کا طوفان 20 ماہ کی بچی ہلاک، درجنوں افراد زخمی

    اسپین میں طوفانی ژالہ باری سے ناصرف مالی نقصان ہوا بلکہ 20 ماہ کی بچی بھی جان سے ہاتھ دھو بیٹھی اور درجنوں افراد زخمی بھی ہو گئے۔

    باغی ٹی وی : اسپین کے شہر کاتالونیا کےعلاقےگیرونا میں طوفانی ژالہ باری ریکارڈ کی گئی شمال مشرقی ہسپانوی علاقےکے کچھ حصوں میں شدید طوفان برپا ہوا ہے، دو دہائیوں میں دیکھا جانے والا سب سے بڑا پتھر برسا اور درجنوں افراد زخمی ہو گئے جس کی ویڈیو سوشل میڈیا پر بھی وائرل ہو رہی ہے۔

    دنیا کی پہلی اسپورٹس کارہوا میں پرواز کرنے کے لیے تیار


    ویڈیو میں دیکھا جاسکتا ہے کہ ژالہ باری نے کچی چھتوں، شیشوں اور گاڑیوں کو بھی شدید نقصان پہنچایا ہے جب کہ ژالہ باری سے 20 ماہ کی بچی ہلاک ہوگئی اور30 سے زائد افراد زخمی بھی ہوئے۔

    اس کے علاوہ بتایا جا رہا ہے کہ پڑنے والے اولوں کی جسامت 4 انچ تک چوڑی ہے جس کی تصاویر لوگوں نے سوشل میڈیا پر بھی شیئر کی ہیں۔

    لڑکی، جس کا نام ظاہر نہیں کیا گیا ہے، صوبہ گیرونا کے شہر لا بسبل ڈی ایمپورڈا میں منگل کی رات طوفان کے دوران اولوں کی زد میں آ گئی۔ اسے صوبائی دارالحکومت کے ایک ہسپتال لے جایا گیا، لیکن بدھ کی صبح وہ زخموں کی تاب نہ لاتے ہوئے چل بسی۔

    زیر تحقیق سمندری جہاز کے ملبے کی حقیقت 18 برس بعد سامنے آگئی

    قصبے کے میئر کارم وال نے بدھ کی صبح سپین کے قومی نشریاتی ادارے RTVE کو بتایا کہ "ہمارے پاس اس چھوٹی بچی کا خوفناک معاملہ ہے جو اولے کی زد میں آ گئی اس کے لیے بہت کچھ نہیں کیا جا سکتا تھا اور وہ آج مر گئی۔ یہ ایک خوفناک حادثہ تھا۔


    میئر نے کاتالان ریڈیو اسٹیشن RAC 1 کو بتایا کہ شاید ہی کوئی بارش ہوئی ہو، صرف 11 سینٹی میٹر تک چوڑے اولے گرے۔ انہوں نے مزید کہا کہ اولے صرف 10 منٹ کے لیے گرے، لیکن یہ 10 منٹ بھی دہشتناک تھے-
    https://twitter.com/CyberRealms1/status/1564987320671129602?s=20&t=-0y5DNAb9wSxF6c-0IhLWQ
    کاتالان کے علاقائی صدر پیرے آراگونیس نے کہا کہ ان کی دلی ہمدردی لڑکی کے خاندان اور ان تمام لوگوں کے ساتھ ہیں جو طوفان سے متاثر ہوئے ہیں۔ انہوں نے علاقائی ایمرجنسی سروسز کا بھی شکریہ ادا کیا۔

    بارشوں اورسیلابوں کے باوجود پانی پینے پرپابندی کیوں؟ریاست مسی سیپی سے اہم خبرآگئی

    اراگونیس نے ایک ٹویٹ میں کہا کہ اس سانحے سے تکلیف دہ طور پر متاثر ہوا، میں اہل خانہ سے تعزیت کرنا چاہتا ہوں ژالہ باری سے متاثر ہونے والے لا بسبل کے رہائشیوں کے ساتھ ہم مکمل تعاون کریں گے کاتالونیا کی حکومت آپ کے ساتھ ہے۔


    کاتالان موسمیات کے دفتر، میٹیو کیٹ نے کہا کہ اس قصبے میں 10 سینٹی میٹر قطر کے اولے ملے ہیں جہاں لڑکی کی موت ہوئی تھی، جو کہ 2002 کے بعد سے اس خطے میں سب سے زیادہ ہے۔

    کاتالونیا کی علاقائی فائر فائٹنگ سروس، نے کہا کہ اسے راتوں رات La Bisbal d’Empordà سے 39 کالیں موصول ہوئیں، اور دو قریبی قصبے Forallac سے۔ اس میں کہا گیا ہے کہ ژالہ باری نے چھت کی ٹائلیں توڑ دی ہیں اور کچھ تاریں گرا دی ہیں۔

    افغانستان قحط کے دہانے پر پہنچ گیا، بدترین حالات پیدا ہونے کا خدشہ ہے،اقوام متحدہ…


    رہائشیوں نے سوشل میڈیا پر تصویریں پوسٹ کیں جن میں اولوں کے پتھروں اور گھروں، گاڑیوں اور بیرونی فرنیچر کو پہنچنے والے نقصان کو دکھایا گیا ہے۔

    دوسری جانب غیر ملکی میڈیا رپورٹس کے مطابق اسپین کے بیشتر علاقے خشک سالی اور ہیٹ ویو کی لپیٹ میں ہیں

    ادھر جنوب مغربی امریکا میں بھی ہیٹ ویو کی پیشگوئی کی گئی ہے ہیٹ ویو کے پیش نظر کیلی فورنیا میں الیکٹرک گاڑیوں کو چارج کرنے سے منع کر دیا گیا ہے جبکہ کیلی فورنیا نےکچھ روز پہلے ہی پیٹرول پر چلنے والی گاڑیاں بند کرنے کا اعلان کیا تھا۔

    دوسری جانب امریکن پبلک پاور ایسوسی ایشن کاکہنا ہےکہ صارفین شام 4 سے رات 9 بجے تک بجلی کااستعمال کم کردیں کیونکہ بجلی کی طلب کے باعث سسٹم پردباؤ زیادہ ہے۔

    محکمہ موسمیات کی سندھ میں ستمبر کے مہینے میں معمول سے زائد بارشوں کی پیشگوئی

  • بشریٰ بی بی کی جانب سے ملک ریاض سے ہار لینے کے سوال پر عمران نے کہا ہیرے بہت سستے ہوتے

    بشریٰ بی بی کی جانب سے ملک ریاض سے ہار لینے کے سوال پر عمران نے کہا ہیرے بہت سستے ہوتے

    سابق وزیر اعظم عمران خان کی موجودہ اہلیہ بشریٰ بی بی کی جانب سے کاروباری شخصیت ملک ریاض سے ہار لینے کے سوال پر عمران خان نے کہا ہیرے بہت سستے ہوتے ہیں لہذا کسی مہنگی چیز کی بات کرو۔

    انسداد دہشت گردی کی عدالت سے روانگی پر ذرائع ابلاغ کے نمائندے کی جانب سے عمران خان سے سوال کیا گیا تو پی ٹی آئی چیئرمین عمران خان کا کہنا تھا کہ ہیرے بہت سستے ہوتے ہیں، کوئی مہنگی چیز کی بات کرو۔ انسداد دہشت گردی کی عدالت کے باہر جمعرات یکم ستمبر کو جب پاکستان تحریک انصاف ( پی ٹی آئی ) کے چیئرمین اور سابق وزیراعظم عمران خان عبوری ضمانت میں توسیع ملنے کے بعد واپس روانہ ہونے لگے تو میڈیا نمائندگان نے ان پر سوالات کی بوچھاڑ کر ڈالی۔

    ایک صحافی کی جانب سے عمران خان سے سوال کیا گیا کہ “ آپ کی اہلیہ پر ملک ریاض سے ہیروں کا ہار لینے کا الزام ہے کیا لیا تھا؟ “۔ جس پر عمران خان نے مسکراتے ہوئے جواب دیا کہ “ ہیرے بہت سستے ہوتے ہیں، کوئی مہنگی چیز کی بات کرو“۔ ایک موقع پر انہوں نے سوالات کے جواب میں مسکرا کر کہا کہ “ میں ہر روز زیادہ خطرناک ہوتا جا رہا ہوں “۔

    بعد ازاں گاڑی میں بیٹھتے ہوئے عمران خان نے پارٹی رہنماؤں سے مشورہ کرتے ہوئے کہا کہ میں ٹاک کرلوں کیا؟، جس پر فیصل جاوید نے انہیں مشورہ دیا کہ نہیں نہیں اپ کی ٹاک کرنا مناسب نہیں ہے۔

    واضح رہے کہ اسلام آباد کی انسداد دہشت گردی کی عدالت میں خاتون مجسٹریٹ اور اسلام آباد پولیس کے سینیر افسران کو دھمکیاں دینے سے متعلق سابق وزیراعظم اور پاکستان تحریک انصاف ( پی ٹی آئی ) کے چیئرمین عمران خان کے خلاف دہشت گردی کے مقدمے کی سماعت آج بروز جمعرات یکم ستمبر کو ہوئی جہاں انہٰں عدالت نے بزات خود پیش ہونے کا حکم دیا اور وہ پیش بھی ہوئے.

    کیس کی سماعت انسداد دہشت گردی کی عدالت کے جج راجہ جواد نے کی۔ سماعت کے موقع پر سیکیورٹی کے سخت انتظامات کیے گئے۔

    یاد رہے کہ چیئرمین پی ٹی آئی کے خلاف تھانہ مارگلہ میں دہشت گردی کی دفعات کے تحت مقدمہ درج ہے۔ ایڈیشنل سیشن جج اور اعلیٰ پولیس افسران کو دھمکیوں کے معاملے پر سابق وزیراعظم عمران خان کیخلاف مجسٹریٹ اسلام آباد علی جاوید کی مدعیت میں مقدمہ درج کیا گیا تھا۔ ایف آئی آر میں کہا گیا تھا کہ 20 اگست کو پاکستان تحریک انصاف کے رہنما شہباز گِل کی گرفتاری کے خلاف عمران خان کی قیادت میں ریلی نکالی گئی۔

    درج ایف آئی آر کے متن کے مطابق عمران خان نے تقریر میں پولیس افسران اور جج کو دھمکیاں دیں اور ڈرایا، عمران خان کی تقریر کا مقصد عدلیہ اوراعلیٰ حکام کادہشت زدہ کرنا تھا۔ متن میں یہ بھی لکھا تھا کہ دھمکیوں کا مقصد یہ تھا کہ عدلیہ اور حکام اپنی قانونی ذمہ داریاں پوری نہ کریں، تقریر سے پولیس حکام عدلیہ اورعوام میں خوف وہراس پھیلایا گیا ہے، تقریر سے عوام میں بے چینی، بد امنی، دہشت پھیلی اور امن تباہ ہوا

  • موجودہ سیلاب یا عذاب ، ازقلم:غنی محمود قصوری

    موجودہ سیلاب یا عذاب ، ازقلم:غنی محمود قصوری

    موجودہ سیلاب یا عذاب

    ازقلم غنی محمود قصوری

    ایک محتاط اندازے کے مطابق 14 جون 2022 سے لے کر اب تک ملک بھر میں شدید بارشوں کے باعث سیلابی کیفیت سے جانبحق ہونے والوں کی تعداد 900 سے تجاوز کر چکی ہے جن میں 386 مرد،191 عورتیں اور 326 بچے شامل ہیں جبکہ زخمی ہونے والے افراد کی تعداد 1293 سے تجاوز کر چکی ہے-

    ماہ رمضان بابرکت مہینے سے حکومت بنانے اور حکومت گرانے کا سلسلہ جاری ہے کسی کو کرسی بچانے کی فکر ہے تو کسی کو کرسی گرانے کی ،ہر ایک کے پاس حکومت گرانے اور بنانے کیلئے ایم پی اے،ایم این اے خریدنے کے پیسے ہیں مگر نہیں تو سیلاب متاثرین کی مدد کیلئے نہیں-

    دنیا سے اپیلیں کی جا رہی ہیں کہ ہماری مدد کی جائے ہمیں بھیک دی جائے تاکہ کچھ سیلاب متاثرین کو دیا جائے تو باقی اپنی جیبوں میں بھرا جائےتاہم بفضل تعالی غیور پاکستانی اپنی مدد آپ کے تحت اپنے مسلمان بھائیوں کی مدد میں مصروف ہیں مگر سیاستدانوں کی طرف سے اب بھی کرسی کرسی کا کھیل جاری ہے اور مملکت پاکستان ایک بار پھر بہت بڑی آفت میں گھرا ہوا ہے-

    گزشتہ دو ماہ سے پاکستان کے صوبہ پنجاب، صوبہ سندھ ،صوبہ بلوچستان،صوبہ خیبر پختونخوا اور آزاد کشمیر شدید سیلاب کی لپٹ میں ہیں تقریباً پاکستان کے کل رقبہ کا 60 فیصد سے زائد رقبہ سیلاب میں ڈوبا ہوا ہے سب سے زیادہ سندھ و بلوچستان اور خیبرپختونخوا متاثر ہوئے ہیں اس سیلاب کے باعث 3 کروڑ سے زائد افراد متاثر ہوئے ہیںاور سیلاب کے باعث 4 ہزار کلومیٹر سے زائد سڑکیں تباہ ہو گئی اور 7 لاکھ کے قریب گھر،دکانیں،ہوٹلز تباہ ہو گئے ہیں جبکہ لاکھوں جانور بھی ہلاک ہو چکے ہیں-

    ایک اندازے کے مطابق 10 ارب ڈالر سے زائد کا نقصان ہو چکا ہے پاکستان کی تاریخ کی سب سے بڑی قدرتی آفت اس وقت مسلط ہے
    اس سے قبل 2010 میں شدید سیلاب آیا تھا جسے اقوام متحدہ کی طرف سے آہستگی سے سونامی میں تبدیل ہونے والا سیلاب قرار دیا تھا
    2010 میں پاکستان کے 78 ضلع متاثر ہوئے تھے جبکہ اس بار 116 ضلع متاثر ہوئے ہیں-

    کچھ لوگ کہہ رہے ہیں کہ یہ سیلاب ایک قدرتی آفت ہے تو کچھ کہہ رہے ہیں کہ یہ ناقص منصوبہ بندی کے باعث ہےآئیے دیکھتے ہیں قرآن مجید کی رو سے یہ سیلاب کیا ہے اللہ تعالی سورہ المؤمنون میں فرماتے ہیں ” ‏اور ہم نے آسمان سے ٹھیک اندازے کے مطابق پانی اُتارا
    پھر اُسے زمین میں ٹھہرا دیا اور یقین رکھو، ہم اُسے غائب کردینے پر بھی قادر ہیں”

    قرآن بتا رہا ہے کہ اللہ نے پانی برسانے کا علاقہ ٹھیک چنا ہے اور اللہ تعالی اس پانی کو غائب بھی کرنے کی قدرت رکھتا ہے یعنی اس علاقے کو پانی کی ضرورت تھی مگر ہم نے اس ضرورت کو سمجھا نہیں اور اسے ضائع ہونے دینے کے ساتھ اپنی جانوں و املاک کو تباہ بھی کروایا –

    ابھی کل ہی کی تو بات ہے کہ چولستان کا علاقہ خشک سالی سے بنجر ہو گیا تھا اور بارشوں کیلئے دعائیں کی جا رہی تھیں تب بھی یہی سیاسی بندر بانٹ والا سلسلہ جاری تھا تھا اور اب سیلاب کی تباہ کاریوں کو نظر انداز کرکے کرسی کرسی کا کھیل جاری ہے-

    قیام پاکستان سے لے کر کرسی کی اس چھینا چھینی نے حکمرانوں کو ایسا مصروف کئے رکھا ہے کہ انہیں نا تو ڈیم بنانے کی فرصت ہے اور نا ہی ڈیم کی مخالفت میں لوگوں کو اکسانے والوں سیاستدان کے خلاف کاروائی کی ہوگی بھی کیوں آخر بھینس ہی تو بھینس کی بہن ہوتی ہے-

    کل ہی کی تو بات ہے کہ کرونا آیا تھا تو ڈنڈے کے زور پر ایس او پیز پر عمل درآمد کروایا گیا تھا مگر افسوس کہ ڈنڈے کے زور پر ڈیم نہیں بنوائے جا رہے کرونا ایس او پیز پر سختی کروا کر دنیا سے امداد لینی تھی جبکہ ڈیم بننے سے پاکستان خودکفیل ہو گا اور یوں دنیا کی امداد سے ہم محروم رہیں گے-

    ایک اکیلے کالا باغ ڈیم کے بننے سے لاکھوں ایکڑ بنجر زمین سیراب ہو گی اور مچھلی کی پیدوار زیاد ہو سکے گی جبکہ اس ڈیم سے پانی سٹور کرکے سیلاب پر بڑی حد تک قابو کرنے کیساتھ سستی ترین بجلی بھی حاصل ہو سکے گی-

    مگر کیا کریں ہمارے حکمرانوں کو اپنے مخالفوں کو چپ تو کروانا آتا ہے مگر ملکی مفاد میں مخالفت کرنے والوں کو قابو کرنا نہیں
    شاید اس کی وجہ یہ ہے کہ ہمیں مانگنے کا چسکا لگ گیا ہے اور اب ہمارا مانگے بنا گزارا نہیں اگر اب بھی ڈیموں بارے نا سوچا گیا تھا مستقبل میں اس سے بھی بڑی تباہی کا خدشہ ہے-

  • دنیا میں تیل کی قیمت گررہی جبکہ حکومت مہنگا کررہی. شیخ رشید

    دنیا میں تیل کی قیمت گررہی جبکہ حکومت مہنگا کررہی. شیخ رشید

    دنیا میں تیل کی قیمت گررہی ہے جبکہ امپورٹد حکومت تیل مزید مہنگا کررہی ہے.

    پیٹرول کی قیمتوں میں اضافے پر ردعمل کا اظہار کرتے ہوئے سوشل میڈیا پر سابق وفاقی وزیر شیخ رشید احمد نے کہا ہے کہ دنیا میں تیل کی قیمت گررہی ہے، اور پاکستان میں موجودہ حکومت ڈیزل 10 روپے اور بجلی 4.5 روپے مہنگی کررہی ہے، عوام کو بے زبان، بے آواز سمجھنے والے پچھتائیں گے۔


    سابق وفاقی وزیر کا کہنا تھا کہ سیلاب کے بعد غذائی اور وبائی بحران آئے گا، غذائی قلت گوداموں اور دکانوں کو لوٹ کھائے گی، یہ سیلاب کے بہانے بھارت سے تجارت اوراسرائیل سے دوستی کریں گے۔
    سابق وفاقی وزیر اور عوامی مسلم لیگ کے سربراہ شیخ رشید نے ایک بار پھر پیشگوئی کی ہے کہ شہبازشریف نوازشریف کے راستے کی رکاوٹ بنیں گے، جب کہ ستمبر اور اکتوبر میں پی ڈی ایم ٹوٹ پھوٹ کا شکار ہوجائے گی،۔


    سماجی رابطے کی ویب سائٹ ٹویٹر پر اپنی ٹویٹ میں عوامی مسلم لیگ کے سربراہ شیخ رشید کہنا تھا کہ ستمبر اور اکتوبر ستمگر مہینے ہیں یہ سیاسی بھونچال لائیں گے، تعیناتیاں، تنزلیاں، تبدیلیاں اور اہم عدالتی فیصلے انہی دو مہینوں میں ہوں گے۔

    سابق وفاقی وزیر شیخ رشید کا کہنا تھا کہ ستمبر اکتوبر میں ن اور ش ہی آمنے سامنے نہیں بلکہ پی ڈی ایم (PDM) بھی ٹوٹ پوٹ کا شکار ہوگی، جب کہ نوازشریف کے راستے کی رکاوٹ شہباز شریف خود بنیں گے۔ شیخ رشید کا مزید کہنا تھا کہ عدلیہ کا ذمہ دارانہ اور دانشمندانہ رویہ قابل تعریف ہے۔

    واضح‌ رہے کہ حکومت پاکستان نے آئندہ 15 روز کے لیے پیٹرولیم مصنوعات کی قیمتوں میں اضافہ کر دیا ہے۔ وزارت خزانہ کی جانب سے جاری نوٹی فکیشن کے مطابقی پٹرول کی قیمت میں 2 روپے 7 پیسے اضافہ کیا گیا ہے جس کے بعد اس کی نئی قیمت 235 روپے 98 پیسے ہو گئی۔ ہائی اسپیڈ ڈیزل کی قیمت دو روپے 99 پیسے کے اضافے کے بعد 247 روپے 43 پیسے ہو گئی ہے۔
    ائٹ ڈیزل آئل 9 روپے 79 پیسے فی لیٹر مہنگا کر دیا گیا ہے۔اس کی نئی قیمت 201 روپے 54 پیسے ہو گئی ہے۔