Tag: راولپنڈی

راولپنڈی :کورونا کیسز میں اضافہ : راولپنڈی میں 4 کالجوں سمیت مزید 15 تعلیمی ادارے بند،اطلاعات کے مطابق ملک بھر کی طرف راولپنڈی اور اسلام آباد میں کورونا کی لہر تیز ہوگئی ہے اور کورونا کے تابڑ توڑ حملوں اور کورونا کیسز میں اضافےکے بعد راولپنڈی میں چار کالجوں سمیت مزید 15 تعلیمی ادارے بند کر دیےگئے۔

ضلعی صحت کے حکام کے مطابق ان تعلیمی اداروں میں پانچ فروری تک تعلیمی سرگرمیاں معطل رہیں گی۔حکام کے مطابق ان تعلیمی اداروں میں طلبا ، اساتذہ اور عملے کے 83 افراد متاثر ہوئے تھے۔

کورونا وائرس کی وجہ سے راولپنڈی میں مزید 15 تعلیمی اداروں کو سیل کردیا گیا ہے۔

راولپنڈٰی میں کورونا وائرس کے باعث بند کئے گئے تعلیمی اداروں میں 11 سکولز اور گارڈن کالج سمیت چار کالجز شامل ہیں ، اداروں میں 83 سٹودنٹس، اساتذہ اور عملہ میں کورونا وائرس کی تشخیص ہوئی ہے جبکہ یہ تعلیمی ادارے 10 روز کیلئے سربمہر کئے گے ہیں ۔

راولپنڈی میں اس سے پہلے 24 تعلیمی اداروں کو کورونا وائرس کی وجہ سے سربمہر کیا گیا ہے، سیل کئے جانے والے سکولوں میں گورنمنٹ گرلز ہائی سکول کہوٹہ، گورنمنٹ گرلز ہائی سکول کلیال اڈیالہ ، گورنمنٹ گرلز ہائی سکول ویسٹریج، گورنمنٹ گرلز ہائی سکول صرافہ بازار ، گورنمنٹ گرلز ہائی سکول ایلیٹ مری، گورنمنٹ گرلز ہائی سکول کلرسیداں ، گورنمنٹ گرلز ہائی سکول مسلم ٹاؤن، گورنمنٹ گرلز ہائی سکول چوکی برحد کوٹلی ستیاں ، گورنمنٹ کوہ نور گرلز ہائی سکول، گورنمنٹ بوائز ہائی سکول چونگی22، گورنمنٹ ایلیٹ سکول مورگاہ شامل ہیں ۔

کالجز میں گورنمنٹ گارڈن کالج راولپنڈی، گورنمنٹ ایسوسی ایٹ کالج فار ویمن مری روڈ ، گورنمنٹ ایسوسی ایٹ کالج فار ویمن ڈھوک کالا خان اور گورنمنٹ ایسوسی ایٹ کالج فار ویمن گوالمنڈی شامل ہیں۔

محکمہ صحت کے حکام کا کہنا ہےکہ کورونا وائرس کے باعث راولپنڈی میں اب تک 39 تعلیمی اداروں کو سیل کیا جا چکا ہے۔

وزیراعظم صاحب، ہم گھبرا لیں،لوگوں کی جانیں بچانیوالے طبی عملہ کی دہائی
باغی ٹی وی کی رپورٹ کے مطابق چین سے پھیلنے والے کرونا نے دنیا بھر کی طرح پاکستان میں بھی تباہی مچائی

کرونا سے بچاؤ کے لئے پاکستان بھر میں طبی عملے نے صف اول میں رہ کر خدمات سرانجام دیں اور کرونا مریضوں کا نہ صرف علاج معالجہ کیا بلکہ شہریوں کو کرونا سے بچاؤ کے لئے آگاہی بھی دی گئی، کرونا کی اس لہر میں طبی عملے کے سینکڑوں افراد کی پاکستان بھر میں موت بھی ہوئی ہے اسکے باوجود طبی عملہ کرونا سے نہیں گھبرایا اور علاج معالجہ کرتا رہا تا ہم اب حکومت نے ایسا کام کیا ہے کہ کرونا میں خدمات سرانجام دینے والے طبی عملے کو گھبراہٹ شروع ہو گئی ہے

راولپنڈی انسٹی ٹیوٹ آف یورولوجی جو مری روڈ راولپنڈی میں واقع ہے۔اس انسٹی ٹیوٹ کی میڈیکل ٹیم نے اپنے اہل وطن کو کورونا کی تباہ کاریوں سے بچانے کے للیے تمام ترکوششیں جاری رکھی ہیں حتی کہ اپنی جان کی بھی پرواہ نہیں‌ کی ،باغی ٹی وی کو ملنےوالی مصدقہ اطلاعات اور دستاویزات میں یہ چیز سامنے آئی ہے کہ فرنٹ لائن پرلڑنے والے ان انسانی خدمت گاروں نے اس دوران جس لگن اور محنت سے کام کیا اس کی مثال نہیں ملتی ، حکومت نے کرونا کے علاج کی سہولت کا اعلان کیا ، جس پرراولپنڈی کے اس انسٹی ٹیوٹ کی پوری ٹیم نے دن رات یہ فرض منصبی نبھایا اور مسلسل کئی ماہ سے خدمات انسانیت کا یہ سفر جاری ہے ۔تا ہم حکومت کی جانب سے پچھلے ماہ سے طبی عملے کو کسی قسم کا کوئی معاوضہ نہیں دیا گیا

باغی ٹی وی کو ملنے والی رپورٹ کے مطابق طبی عملے کا کہنا ہے کہ پانچ ماہ ہو گئے ہمیں تنخواہیں نہیں ملیں ہمارا گھر کا بجٹ کیسے چلے؟ طبی عملے نے وزیراعظم عمران خان سے مطالبہ کیا ہے کہ انکی تنخواہوں کی فراہمی کے اقدامات کئے جائیں

[wp-embedder-pack width=”100%” height=”400px” download=”all” download-text=”” attachment_id=”457993″ /]

راولپنڈی کے اس انسٹی ٹیوٹ میں‌220 سے زیادہ نرسیں، 34 ڈاکٹرز، 20 پیرا میڈیکس کو پچھلے 05 ماہ کی تنخواہ نہیں ملی۔ حکومت کی جانب سے ایک بار لیٹرجاری کیا گیا جس میں کہا گیا کہ نومبر تک تنخواہیں دے دیں گے اور اب نومبر کے بعد دسمبر بھی گزر گیا ، جنوری بھی اختتام پذیر ہونے والا ہے، وعدے اور دعوے کے باوجود طبی عملے کو تنخواہیں نہیں دی گئیں جس پر طبی عملے نے آواز اٹھائی ہے اور کہا ہے کہ وزیراعظم صاحب، اب ہمیں گھبرا لینا چاہئے،آپ بہتر جانتے ہیں کہ مہنگائی کے اس دور میں کس طرح گزارے ہوتے ہوں گے ، ڈاکٹروں اور پیرا میڈیکل ٹیم کے یہ لوگ قرض اٹھا اٹھا کر اپنا اور اپنے بچوں کا پیٹ پال رہے ہیں‌، لیکن اب تو ہمیں کوئی قرض بھی نہیں دے رہا ،جباب کچھ کریں ہمیں‌ بےآسرا کرکے نہ ماریں‌ ، ہمارا صبر تو دیکھیں کہ پانچ ماہ ہوگئے ہیں‌ تنخواہیں بھی نہیں مل رہی لیکن نہ تو کبھی احتجاج کیا اور نہ کسی مریض کی خدمت میں کوئی کسراٹھا رکھی ہے، خدا را اپنے لوگوں کواپنے لوگوں‌ کے قہر سے بچائیے

اسلام آباد:اغواء کے بعد قتل ہونے والی وجیہہ سواتی کی میت امریکہ نے منگوالی اطلاعات کے مطابق راولپنڈی میں اغوا کے بعد قتل ہونے والی پاکستانی نژاد امریکی خاتون وجیہہ سواتی کی میت اسلام آباد ائیرپورٹ سے امریکا روانہ کردی گئی۔

ذرائع کے مطابق امریکی نژاد پاکستانی خاتون وجیہہ سواتی کی میت اسلام آباد ائیرپورٹ سے غیرملکی پرواز کے ذریعے امریکا روانہ کردی گئی۔ میت کو ہسپتال سےائیرپورٹ پہنچانے کے لئے بھی مریکی سفارت خانے کا عملہ ساتھ گیا۔وجیہہ سواتی کی لاش کی گزشتہ روزراولپنڈی میڈیکل کالج میں بامنگ کی گئی۔ بامنگ کے وقت بھی امریکی سفارتی عملہ ہسپتال میں موجود رہا۔

وجیہہ سواتی کو اس کے سابق شوہررضوان نے 16 اکتوبرکوقتل کردیا تھا اورلاش لکی مروت کے پیضو میں اپنے ملازم کے گھرمیں دفن کردی تھی۔پولیس تفتیش کے دوران ملزم رضوان نے جائیداد کے معاملے پرمقتولہ سے تنازع کا اعتراف کیا تھا۔پولیس نے وجیہہ سواتی کے قتل کے الزام میں سابق شوہر رضوان سمیت 6 افراد کوگرفتارکیا ہے۔

یاد رہےکہ پاکستانی نژاد امریکی خاتون وجیہہ سواتی قتل کیس میں گرفتار ملزم رضوان حبیب نے دوران تحقیقات مزید انکشافات کیے ہیں۔

پاکستانی نژاد امریکی خاتون وجیہہ سواتی کے قتل کیس میں گرفتار ملزم رضوان حبیب نے دوران تفتیش مزید انکشافات کئے ہیں، ملزم نے بتایا کہ والد نے کہا تھا کہ وجیہہ کو قتل کرنے میں صرف 50 ہزار لگیں گے، سابقہ اہلیہ وجہیہ کو تیز دھار آلے سے قتل کیا اور لاش گاڑی کی ڈگی میں ڈال کر منتقل کی۔

ملزم نے پولیس کو دئیے گئے بیان میں بتایا کہ وجیہہ کی لاش کو گاڑی میں مہارت کے ساتھ چھپا کر خیبرپختونخوا میں ایک قریبی رشتہ دار کے گھر لےگیا اور ان کے کمرے میں تدفین کی۔ملزم نے پولیس کو بتایا کہ قتل کے بعد پولینڈ جاکر پناہ اور شہریت لینےکا منصوبہ بنایا تھا جس کے لیے پاسپورٹ بھی حاصل کرلیا تھا۔