Tag: روس

کریملن نے واضح کیا ہے کہ روسی صدر ولادیمیر پیوٹن کا امریکی صدر ڈونلڈ ٹرمپ سے فوری طور پر بات کرنے کا کوئی منصوبہ نہیں ہے، تاہم اس اہم معاملے پر جلد ہی فون کال متوقع ہے۔

جبکہ روسی صدارتی معاون یوری اوشاکوف نے کہا ہے کہ روسی صدر ولادیمیر پیوٹن کے امریکا کے دورے یا امریکی صدر ڈونلڈ ٹرمپ کے روس کے دورے فی الحال ایجنڈے میں شامل نہیں ہیں،اوشاکوف نے روسی خبر رساں ادارے ’تاس‘ کے ایک سوال کے جواب میں کہ آیا ایسے دورے ممکن ہیں، جواب دیا ’فی الحال نہیں‘۔

جب ان سے پوچھا گیا کہ آیا دونوں رہنماؤں کی ممکنہ ملاقات کسی تیسرے ملک میں ہو سکتی ہے، تو انہوں نے جواب دیا کہ یہ ابھی واضح نہیں ہے، یہ اس بات پر منحصر ہوگا کہ فریقین کیا طے کرتے ہیں، لیکن فی الحال اس حوالے سے کوئی بات چیت بھی نہیں ہو رہی۔

سال کے آغاز اور صدر ٹرمپ کی حلف برداری کے بعد سے، روسی اور امریکی صدور کے درمیان 5 بار ٹیلیفونک بات چیت ہو چکی ہے، اپنی پہلی گفتگو کے دوران ہی دونوں رہنماؤں نے براہ راست رابطے برقرار رکھنے اور ذاتی ملاقاتوں کی منصوبہ بندی پر اتفاق کیا تھا۔

کریملن کی جانب سے زور دیا گیا ہے کہ ایک سربراہی اجلاس ضروری ہوگا تاکہ اعلیٰ سطح کی کوششوں کے ذریعے حاصل شدہ نتائج کو باقاعدہ شکل دی جا سکےجب تک ان نتائج کو واضح طور پر قائم نہ کر لیا جائے، ماسکو کے نزدیک ملاقات کے امکان پر بات کرنا قبل از وقت ہوگا۔

چین کے صدر شی جن پنگ اور روسی ہم منصب ولادیمیر پیوٹن کے درمیان ٹیلیفونک رابطہ ہوا ہے-

چین کے خبر رساں ادارے ’شہنوا‘ کے مطابق شی جن پنگ نے ولادیمیر پیوٹن سے گفتگو کرتے ہوئے کہا کہ چین مشرق وسطیٰ میں امن کی بحالی کے لیے تمام فریقوں کے ساتھ بات چیت اور ہم آہنگی کو فروغ دینے کے لیے تیار ہے، اور تعمیری کردار ادا کرتا رہے گا بین الاقوامی برادری کو ماحول کو ’ٹھنڈا‘ کرنے کے لیے کوششیں کرنی چاہئیں، بات چیت اور مذاکرات ہی مسائل کے حل کا بنیادی راستہ ہیں۔

صدر شی جن پنگ نے متحارب فریقین پر زور دیا کہ بین الاقوامی قوانین کی سختی سے پابندی کریں اور معصوم شہریوں کو نقصان پہنچانے سے مکمل گریز کریں، ایران-اسرائیل کشیدگی کے دوران شہریوں کی حفاظت اولین ترجیح ہونی چاہیے، متحارب فریقین، خاص طور پر اسرائیل، فوری طور پر جنگ بندی کرے،جنگ بندی کی فوری ضرورت ہے، اور طاقت کا استعمال بین الاقوامی تنازعات کے حل کا درست طریقہ نہیں۔

روسی صدر نے بھی قیام امن کے لیے چین کے مؤقف کو سراہتے ہوئے اسرائیل اور ایران کے درمیان امن کی کوششوں کی حمایت کی، ’دی ٹیلیگراف‘ کے مطابق روس صدارتی محل کریملن سے جاری بیان میں کہا گیا ہے کہ آج ہونے والی ٹیلیفونک گفتگو میں ولادیمیر پیوٹن اور شی جن پنگ نے ایران پر اسرائیلی حملوں کی شدید مذمت کی ہے۔

کریملن کے ایک معاون نے صحافیوں کو بتایا کہ دونوں رہنماؤں نے ’اسرائیلی اقدامات کی شدید مذمت کی جو اقوام متحدہ کے چارٹر اور بین الاقوامی قوانین کی دیگر دفعات کی خلاف ورزی ہیں،اس بات پر اتفاق پایا گیا کہ ایران کے جوہری پروگرام سے متعلق اسرائیلی اور مغربی خدشات کا حل فوجی طریقے سے ممکن نہیں، اور صرف سفارت کاری کے ذریعے ہی کامیابی حاصل کی جا سکتی ہے،چینی صدر شی جن پنگ نے پیوٹن کو یہ بھی بتایا کہ وہ ایران کے حوالے سے روس کی ثالثی کی کوششوں کی حمایت کرتے ہیں۔

روس کے صدر ولادی میر پیوٹن نے امریکی ہم منصب ڈونلڈ ٹرمپ سے ٹیلیفونک رابطہ کیا جس میں مشرق وسطیٰ کی بگڑتی صورتحال پر تشویش کا اظہار کیا گیا۔

غیر ملکی خبررساں ادارے روسی صدر نے امریکی صدر 50 منٹ طویل گفتگو کی، دونوں رہنمائوں نے اسرائیل اور ایران کے درمیان کشیدگی کے خاتمے کے لیے کوششوں کی ضرورت پر زور دیا۔

کریملن کے ترجمان یوری اوشاکوف نے بتایا کہ پیوٹن نے ایران کے خلاف اسرائیلی فوجی کارروائی کی مذمت کی اور صورتحال کے مزید بگڑنے کے خطرات پر تشویش کا اظہار کیا۔

دوسری جانب ڈونلڈ ٹرمپ نے اپنی سوشل میڈیا سائٹ ’ٹروتھ سوشل‘ پر بتایا کہ اسرائیل ایران جنگ ختم ہونی چاہیے، میں نے روسی صدر کو بتایا کہ یوکرین جنگ بھی ختم ہونی چاہیے۔

مسلم امہ متحد ہو کر ایران کی سپورٹ کے لیے کھڑی ہے، شہزادہ محمد بن سلمان

پنجاب اور خیبرپختونخوا کے سرحدی علاقے میں آپریشن، خوارجی دہشتگرد مولوی نذیر ہلاک

ایران کے اسرائیل پر حملے، امریکا نے یوکرین سے میزائل دفاعی نظام مشرق وسطیٰ منتقل کردیے

یوکرین کو روس کے ساتھ جنگ میں ہلاک ہونے والے اپنے یک ہزار 200 فوجیوں کی لاشیں موصول ہوئی ہیں۔

’روئٹرز‘ کے مطابق قیدیوں کے تبادلے کی رابطہ کمیٹی نے ٹیلی گرام پر جاری کردہ ایک بیان میں کہا کہ لاشوں کی واپسی یوکرین اور روس کے درمیان اس ماہ کے آغاز میں استنبول میں ہونے والے مذاکرات کے دوران طے پانے والے معاہدوں کا حصہ ہے۔

واضح رہے کہ اس سے قبل 19 مارچ کو روس اور یوکرین کے درمیان 175 جنگی قیدیوں کا تبادلہ ہوا تھا، روس اور امریکی صدر کے درمیان ٹیلی فون پر رابطے کے بعد قیدیوں کے تبادلے کا اعلان ہوا تھا، جب کہ متحدہ عرب امارات نے روس اور یوکرین کے قیدیوں کے تبادلے میں ثالثی کردار ادا کیا تھا۔

صحت کے شعبے میں بہتری لانے کیلئے پاکستان کی آبادی کو کنٹرول کرنا ہوگا، مصطفیٰ کمال

’روئٹرز‘ نے بتایا تھا کہ امریکی صدر ڈونلڈ ٹرمپ اور روسی صدر ولادی میر پیوٹن کے درمیان ٹیلی فون پر بات چیت کے بعد روس اور یوکرین نے 175 جنگی قیدیوں کا تبادلہ کیا تھااس حوالے سے روسی وزارت دفاع نے قیدیوں کے تبادلے کی تصدیق کرتے ہوئے کہا تھا کہ روس نے 22 زخمی یوکرینی فوجیوں کو بھی رہا کردیا ہے روسی وزارت دفاع کا کہنا تھا کہ ان 22 افراد کو فوری طبی امداد کی ضرورت ہے اور انہیں خیر سگالی کے طور پر واپس بھیج دیا گیا ہے۔

یوکرین کے صدر ولادی میر زیلینسکی نے سماجی رابطے ک ویب سائٹ ’ایکس‘ پر ایک بیان میں اس تبادلے کو اپنی نوعیت کا سب سے بڑا واقعہ قرار دیا تھا۔

صحت کے شعبے میں بہتری لانے کیلئے پاکستان کی آبادی کو کنٹرول کرنا ہوگا، مصطفیٰ کمال

روس نے یوکرین کے شہر خارکیف پر ڈرون، میزائل اور گائیڈڈ فضائی بموں سے شدید حملہ کیا، جس کے نتیجے میں کم از کم تین افراد ہلاک اور ایک ڈیڑھ ماہ کے شیر خوار سمیت 22 افراد زخمی ہو گئے۔

غیر ملکی خبر رساں ادارے کے مطابق خارکیف، جو یوکرین کے بڑے شہروں میں شامل ہے اور روسی سرحد سے چند درجن کلومیٹر کے فاصلے پر واقع ہے، جنگ کے آغاز سے اب تک مسلسل روسی حملوں کا نشانہ بنا ہوا ہے۔شہر کے میئر ایہور تیریخوف نے ٹیلیگرام پر جاری بیان میں کہا کہ مکمل جنگ کے آغاز کے بعد خارکیف کو اس وقت سب سے طاقتور حملے کا سامنا ہے۔ انہوں نے بتایا کہ رات بھر درجنوں دھماکوں کی آوازیں سنی گئیں اور روس نے بیک وقت میزائل، ڈرون اور گائیڈڈ بموں سے حملہ کیا۔

ایہور تیریخوف کے مطابق رہائشی عمارتیں، تعلیمی ادارے اور بنیادی ڈھانچے کی تنصیبات حملوں کی زد میں آئیں۔خارکیو کے گورنر اولیح سینیہوبوف نے کہا کہ شہر کے ایک صنعتی انفرا اسٹرکچر پر 40 ڈرونز، ایک میزائل اور چار گائیڈڈ بم برسائے گئے، جس سے شدید آگ بھڑک اٹھی، اور ملبے تلے اب بھی لوگ موجود ہو سکتے ہیں۔

یوکرینی فوج کے مطابق روس نے رات بھر یوکرین پر 206 ڈرون، 2 بیلسٹک اور 7 دیگر میزائل داغے۔ فضائی دفاعی نظام نے 87 ڈرونز مار گرائے جبکہ 80 دیگر ضائع ہو گئے۔ رپورٹ کے مطابق دس مختلف مقامات کو نشانہ بنایا گیا۔

وفاقی بجٹ 10 اور سندھ کا بجٹ 13 جون کو پیش ہوگا

عیدالاضحی پر پنجاب کلین اپ آپریشن شروع، آلائشوں کی فوری تلفی اور جدید نگرانی کا نظام فعال

ایران اور افغان طالبان کی امریکی سفری پابندیوں کی مذمت، فیصلے کو نسل پرستانہ قرار دے دیا

ماسکو: روسی حکام کے مطابق یوکرین سے متصل علاقوں میں دو پل دھماکوں کے نتیجے میں گر گئے جس کے باعث ایک مسافر ٹرین پٹری سے اتر گئی اور کم از کم سات افراد جاں بحق ہو گئے ہیں۔

بریانسک ریجن میں ہفتہ کی رات ہونے والے ایک دھماکے سے سڑک کا پل ریل کی پٹڑی پر گر گیا، جس سے ماسکو جانے والی ٹرین کا بڑا حصہ تباہ ہو گیا، 71 افراد زخمی ہوئے جن میں سے 44 افراد اسپتال میں داخل ہیں، کرسک ریجن میں بھی اتوار کی صبح ایک مال بردار ٹرین کے نیچے سے پل دھماکے سے تباہ ہو گیا، جس سے ٹرین کے ڈرائیور کو شدید چوٹیں آئیں اور عملے کو فوری طور پر اسپتال منتقل کیا گیا۔

روس نیٹو پر حملہ کب کرے گا؟ جرمن ڈیفنس چیف کا دعویٰ سامنے آ گیا

روسی حکام نے واقعے کی تحقیقات شروع کر دی ہیں اور اسے "غیر قانونی مداخلت” اور "دہشت گردی کا واقعہ” قرار دیا ہے۔،روسی صدر ولادیمیر پیوٹن کو تمام صورتحال سے مسلسل آگاہ رکھا گیا۔

واقعے کے بعد روسی ریلوے نے مرمت کے لیے خصوصی ٹرینیں روانہ کر دی ہیں ادھر استنبول میں روس-یوکرین حکام کی ممکنہ ملاقات سے ایک دن قبل یہ دھماکے کسی بڑی پیشرفت کو سبوتاژ کرنے کی کوشش قرار دیئے جا رہے ہیں۔

پاکستان کو ایک مستحکم عالمی معیشت بنانے کیلئے پر عزم ہیں،وزیراعظم

روس نے افغانستان کی جانب سے ماسکو کے لیے نامزد کردہ سفیر کو سرکاری طور پر قبول کر لیا ہے، جس کے بعد دونوں ممالک کے درمیان سفارتی تعلقات کے ایک نئے مرحلے کا آغاز ہوا ہے۔

افغان وزارتِ خارجہ کی جانب سے جاری بیان کے مطابق کابل میں تعینات روسی سفیر نے افغان قائم مقام وزیرِ خارجہ امیر خان متقی سے ملاقات کی۔ ملاقات کے دوران روسی سفیر نے ماسکو کے لیے مقرر کیے گئے افغان سفیر کی نامزدگی کی رسمی منظوری (نوٹ وربال) افغان حکام کو پیش کی۔

افغان وزارتِ خارجہ نے اس پیشرفت کو دونوں ممالک کے درمیان بڑھتے ہوئے اعتماد اور تعلقات کا مظہر قرار دیا ہے۔ بیان میں مزید کہا گیا ہے کہ روس کی جانب سے افغان سفیر کی منظوری اس بات کی علامت ہے کہ عالمی سطح پر امارتِ اسلامی افغانستان کے ساتھ سفارتی روابط میں بتدریج بہتری آ رہی ہے۔

واضح رہے کہ روس ان چند ممالک میں شامل ہے جنہوں نے کابل میں طالبان حکومت کے ساتھ محدود سطح پر ہی سہی، مگر براہِ راست سفارتی روابط بحال رکھے ہوئے ہیں۔ ماسکو کی جانب سے یہ منظوری نہ صرف افغان سفارتی عملے کی قبولیت کی عکاسی کرتی ہے بلکہ افغانستان کے لیے عالمی منظرنامے میں ایک اہم سفارتی پیشرفت بھی سمجھی جا رہی ہے۔

کراچی میں زلزلے کے جھٹکے، شہری خوفزدہ ہوکر گھروں سے باہر نکل آئے

پاک بحریہ کی بندرگاہوں پر دو روزہ مشقیں، اہم بحری تنصیبات کے تحفظ کو مؤثر بنانے پر توجہ

تونسہ: پولیس اور دہشت گردوں کے درمیان مقابلہ، 4 دہشت گرد ہلاک

پی پی 52 سیالکوٹ: ضمنی انتخاب کے ووٹوں کی گنتی جاری

امریکی صدر ڈونلڈ ٹرمپ نے یورپی یونین کی مصنوعات پر 50 فیصد ٹیرف عائد کرنے کا فیصلہ موخر کر دیا۔

ٹیرف کی ڈیڈ لائن کو یکم جون سے بڑھا کر9 جولائی کر دیا ۔ ڈونلڈ ٹرمپ نے یہ فیصلہ یورپی کمیشن کی صدر کیساتھ ٹیلیفونک گفتگو کے بعد کیا امریکی صدر کا کہنا تھا کہ یورپی کمیشن کی سربراہ سنجیدہ مذاکرات چاہتی ہیں،ایران کے ساتھ جوہری مذاکرات بہت اچھے جا رہے ہیں، میں چاہتا ہوں کہ معاہدہ ہو کیونکہ میں بم نہیں دیکھنا چاہتا، ایران کے ساتھ جوہری معاہدہ طے پانے کے امکانات ہیں۔

ٹرمپ نے اپنی ناراضی کا اظہار کرتے ہوئے خبردار کیا کہ اگر پیوٹن پورے یوکرین پر قبضہ کرنا چاہتے ہیں تو یہ روس کے زوال کا باعث بنے گا یوکرین میں روسی صدر کے اقدامات سے مطمئن نہیں ،صدر پیوٹن لوگوں کو ہلاک کر رہے ہیں جس کی وجہ سے میں ناخوش ہوں۔

ایشیائی جیوجِتسو چیمپئن شپ: بانو بٹ نے بھارتی حریف کوشکست دے دی

امریکی صدر کا کہنا تھا کہ پیوٹن یوکرین میں بہت سے لوگوں کو مار رہے ہیں مجھے نہیں معلوم ، پیوٹن کو کیا ہو گیا ہے، پیوٹن شہروں پر راکٹ برسا کر لوگوں کو مار رہا ہے مذاکرات کے دوران شہروں پر راکٹ داغنا مجھے بالکل پسند نہیں، روس پر مزید پابندیاں لگانے پر غور کر رہا ہوں، میں انہیں طویل عرصے سے جانتا ہوں اور میرے ہمیشہ پیوٹن کے ساتھ اچھے تعلقات رہے ہیں، لیکن وہ لوگوں کی جانیں لے رہے ہیں جس سے میں خوش نہیں۔

پاکستان اسٹاک ایکسچینج میں کاروبار کا ملا جلا رجحان

اتوار کی رات کو روس نے یوکرین میں 367 ڈرونز اور میزائل داغے، جنہوں نے کئی شہروں کو نشانہ بنایا، جن میں ملک کا دارالحکومت کیف بھی شامل ہےحملے میں کم از کم 12 افراد ہلاک اور متعدد زخمی ہوئے ہیں۔ یوکرینی فضائیہ نے دعویٰ کیا کہ انہوں نے 45 میزائل اور 266 روسی ڈرونز کو مار گرایا، لیکن متعدد علاقے شدید متاثر ہوئے۔

روس نے یوکرین پر جنگ کے آغاز کے بعد سے اب تک کا سب سے بڑا ڈرون حملہ کیا ہے، جس میں متعدد مکانات تباہ ہوگئے اور ایک خاتون ہلاک ہو گئی۔

بین الاقوامی خبر رساں ادارے رائٹرز کے مطابق، یوکرین کی فضائیہ نے بتایا کہ صبح 8 بجے تک روس کی جانب سے یوکرینی شہروں پر 273 ڈرونز داغے گئے، جو کہ ماسکو کی جانب سے فروری میں قائم کردہ پچھلے ریکارڈ سے بھی زیادہ ہیں۔حملہ اتوار کے روز اُس وقت کیا گیا جب امریکی صدر ڈونلڈ ٹرمپ اور روسی صدر ولادیمیر پیوٹن کے درمیان ممکنہ جنگ بندی پر بات چیت متوقع تھی۔یوکرینی انٹیلی جنس سروس کا دعویٰ ہے کہ روس نے اتوار کے روز ایک بین البراعظمی بیلسٹک میزائل داغنے کا بھی ارادہ کیا تھا، جس کا مقصد مغرب کو خوفزدہ کرنا تھا۔ تاہم ماسکو کی جانب سے اس دعوے پر کوئی فوری ردعمل سامنے نہیں آیا۔

ادھر، صدر ولادیمیر زیلنسکی نے روم میں پوپ لیو کی تاجپوشی کے موقع پر امریکی نائب صدر جے ڈی وینس اور سیکرٹری آف اسٹیٹ مارکو روبیو سے ملاقات کی۔ یوکرینی میڈیا کے مطابق ملاقات تقریباً 40 منٹ جاری رہی، جس میں دونوں ممالک کے وفود کے درمیان اہم امور پر بات چیت ہوئی۔صدر زیلنسکی نے کہا کہ یوکرین حقیقی سفارت کاری کے لیے تیار ہے اور جلد از جلد مکمل اور غیر مشروط جنگ بندی کو ضروری قرار دیا۔

یاد رہے کہ یوکرین اور روس کے درمیان جمعے کے روز تین سال بعد پہلی مرتبہ براہ راست مذاکرات ہوئے، جو مبینہ طور پر سابق امریکی صدر ڈونلڈ ٹرمپ کی جانب سے فریقین پر جنگ بندی کے لیے دباؤ کا نتیجہ تھے۔

بلوچستان میں فورسز کی کارروائیاں، بھارتی حمایت یافتہ 3 دہشت گرد ہلاک