Tag: سعودی عرب

سعودی عرب نے اسرائیلی وزیر اعظم نیتن یاہو کے بیان کو سختی سے مسترد کر دیا۔

غیر ملکی خبر رساں ایجنسی کے مطابق سعودی عرب میں فلسطینی ریاست قائم کرنے سے متعلق اسرائیلی بیان کو مسترد کیا گیا۔ سعودی وزارت خارجہ نے اپنے بیان میں کہا کہ صہیونی وزیر اعظم فلسطینیوں کی جبری بےدخلی کا بیان غزہ میں سنگین جنگی جرائم سے توجہ ہٹانے کی کوشش ہے۔فلسطینیوں کی جبری بےدخلی منظور نہیں ہے۔ اور فلسطینیوں کو ان کا جائز حق مل کر رہے گا یہ ان سے کوئی نہیں چھین سکتا۔

اسرائیلی وزیر اعظم کے بیان پر دیگر عرب ممالک کی جانب سے بھی شدید ردعمل سامنے آیا۔مصر نے اسرائیلی وزیر اعظم نیتن یاہو کے بیان کو سعودی عرب کی خودمختاری کے خلاف قرار دیا۔ متحدہ عرب امارات نے بھی اسرائیلی وزیر اعظم کے بیان کی شدید مذمت کی ہے۔واضح رہے کہ گزشتہ روز اسرائیلی وزیر اعظم نے کہا تھا کہ سعودی عرب فلسطینی ریاست اپنے ملک میں بنا سکتا ہے۔

ایم کیو ایم میں کوئی اختلاف نہیں،مصطفیٰ کمال

سعودی عرب میں 21 ہزار سے زائد غیر قانونی تارکین وطن گرفتار

نئی دہلی کی وزیراعلیٰ بھی مستعفی ہو گئیں

امریکا ، جاپان سمیت 16ممالک سے مزید 118پاکستانی بے دخل

گزشتہ ہفتے سعودی عرب میں غیر قانونی تارکین کے خلاف کام کرنے والی مشترکہ کمیٹی نے 21 ہزار 477 غیر قانونی تارکین وطن کو گرفتار کیا ہے۔

عرب میڈیا کے مطابق جاری بیان میں کہا گیا ہے کہ 30 جنوری سے 5 فروری 2025 کے درمیان ہونے والی گرفتاریوں میں سے 13638 اقامہ قوانین کی خلاف ورزی،4663 گرفتار شدگان سرحدی قوانین کی خلاف ورزی کے مرتکب تھے جبکہ 3176 تارکین لیبر قوانین کی خلاف ورزی میں ملوث تھے۔مذکورہ عرصے کے دوران 1316 افراد گرفتار ہوئے ہیں جو سرحد عبور کرکے ملک میں غیر قانونی طور پر داخل ہونے کی کوشش کر رہے تھے جن میں سے 40 فیصد یمنی، 58 فیصد ایتھوپی جبکہ دوفیصد دیگر ممالک کے تارکین تھے۔کمیٹی کی جانب سے مزید کہا گیا ہے کہ غیر قانونی تارکین کو سہولت فراہم کرنے پر 13 افراد گرفتار کئےگئے ہیں۔

امریکا ، جاپان سمیت 16ممالک سے مزید 118پاکستانی بے دخل

وزیراعلیٰ سندھ سے سابق وزیراعظم راجا پرویز اشرف کی ملاقات

صدر ذرداری پرنس کریم آغا خان کے انتقال پر تعزیت کے لیے لزبن روانہ

عوام سڑکوں پر آگئے تو ایوانوں میں زلزلہ برپا ہوگا، مولانا فضل الرحمان

خیبر پختونخوا :سیکیورٹی فورسز کی کارروائیوں میں7 خارجی ہلاک

ریاض: سعودی کابینہ نے پاکستان کے ساتھ منی لانڈرنگ اور دہشت گردی کی مالی معاونت کے خلاف تحقیقات کے تبادلے کی منظوری دے دی ہے۔

باغی ٹی وی : عرب میڈیا کے مطابق سعودی ولی عہد اور وزیر اعظم شہزادہ محمد بن سلمان کی زیر صدارت کابینہ کا اجلاس منعقد ہوا، جس میں مختلف امور پر غور کیا گیا اجلاس میں فیصلہ کیا گیا کہ سعودی عرب کا ڈائریکٹریٹ آف فنانشل انویسٹی گیشن (DFI) پاکستان کے فنا نشل مانیٹرنگ یونٹ (FMU) کے ساتھ مل کر منی لانڈرنگ، دہشت گردی کی مالی معاونت اور دیگر مالی جرائم کی تحقیقات میں تعا ون کرے گا۔

اس حوالے سے دونوں ممالک کے متعلقہ ادارے ایک مفاہمتی یادداشت (MoU) پر دستخط کریں گے، جس کے تحت معلومات کے تبادلے، مشکوک مالی سرگرمیوں کی نگرانی اور دہشت گرد تنظیموں کی مالی معاونت کی روک تھام کے لیے مشترکہ اقدامات کیے جائیں گے۔

اسماعیلی فرقے کے سربراہ آغا خان انتقال کر گئے
سعودی عرب اور پاکستان کے درمیان منی لانڈرنگ اور دہشت گردی کے خلاف تعاون کی اجازت ایسے وقت میں سامنے آئی ہے جب دونوں ممالک بین الاقوامی سطح پر مالیاتی شفافیت اور غیر قانونی مالی سرگرمیوں کی روک تھام کے لیے اقدامات کر رہے ہیں، اس معاہدے سے نہ صرف مالیاتی نگرانی کا نظام مزید مضبوط ہوگا بلکہ دہشت گردی کی مالی معاونت کے خلاف مشترکہ حکمت عملی وضع کرنے میں بھی مدد ملے گی۔

یومِ یکجہتی کشمیر آج بھرپور انداز سے منایا جا رہا ہے

سعودی عرب اور پاکستان انسداد منی لانڈرنگ اور دہشت گردی کی مالی معاونت کی روک تھام کے عالمی معیارات پر عمل کرنے کے لیے پرعزم ہیں اس تعاون سے پاکستان کو فنانشل ایکشن ٹاسک فورس (FATF) کی گائیڈ لائنز پر عمل درآمد میں مدد ملے گی، جبکہ سعودی عرب اپنے مالیاتی نظام کو مزید مستحکم کرنے کے لیے عالمی اداروں کے ساتھ ہم آہنگی پیدا کرے گا۔

امریکی کے اغوا میں ملوث ایرانی انٹیلی جنس افسران کےپوسٹر جاری

ماہرین کے مطابق، اس معاہدے سے دونوں ممالک کے درمیان اعتماد اور مالیاتی شفافیت میں اضافہ ہوگا، جبکہ غیر قانونی مالی سرگرمیوں کو محدود کرنے میں بھی مدد ملے گی۔

دنیا بھر میں لاکھوں مسافروں کیلئے قابلِ اعتماد پلیٹ فارم اورمشرقِ وسطی اور شمالی افریقہ کی نمبر ٹریول ایپ ویگونے پاکستان میں اپنے آپریشنز اور اوٹی ای(OTA)پلیٹ فارم کو توسیع دینے کا اعلان کیا ہے۔

جس کے بعد اب پاکستانی مسافر "بک آن ویگو”کی سہولت سے مستفید ہوسکیں گے۔ کمپنی نے یہ بھی انکشاف کیا کہ سعودی عرب پاکستانی مسافروں کیلئے اولین پسند کے طور پر برقرار ہے جس میں سالانہ بنیادوں پر 100فیصد سے زائد اضافہ دیکھنے میں آیا ہے۔اپنی ترقیای حکمتِ عملی کے تحت ویگو(Wego) پاکستان کے سب بڑے سیاحتی اور سفری ایونٹ میں سے ایک پاکستان ٹریول مارٹ میں بھی شرکت کرے گی۔کمپنی سے جاری اعلامیئے کے مطابق ویگو (Wego)نے پاکستانی مارکیٹ میں سرمایہ کاری او رجدت جاری رکھی ہوئی ہے تاکہ پاکستانی مسافروں کو سفری انتخاب کی زیادہ سے زیادہ سہولیات فراہم کی جاسکیں۔واضح رہے کہ ویگو (Wego)نے صارفین کو مقامی اور بین الاقوامی سپلائرز کے وسیع نیٹ ورک میں قیمتوں اور آپشنزکا موازنہ کرنے کی سہولت دے کر سفری خریداری کے شعبے میں انقلاب برپا کردیا ہے۔

پاکستان میں اپنی تازہ ترین توسیع کیساتھ ویگوکے صارفین "بک آن ویگو”کی سہولت کے ذریعے براہِ راست پروازیں اور ہوٹل بک کرواسکتے ہیں جس کے بعد پاکستانی مسافروں کو تیسرے فریقن کی ری ڈائریکشن کی ضرورت ختم ہوجائے گی۔ یہ جدید سہولیت پاکستانی مسافروں کی ضروریات کے مطابق ایک ہموار بکنگ فراہم کرتی ہے۔ اس موقع پر تبصرہ کرتے ہوویگو(Wego)چیف فلائٹ آفیسر ڈین وکس نے کہا کہ ہم پاکستان میں ویگو کی او ٹی ای(OTA)اور بکنگ پلیٹ فارم کی توسیع کے موقع پر بہت خوش ہیں۔یہ پلیٹ فارم ملکی اور بین الاقوامی سفر میں نمایا ں ترقی کا مشاہدہ کررہا ہے۔ انہوں نے انکشاف کیا کہ ویگو(Wego)پر ملکی پروازوں کی تلاش میں سالانہ بنیادوں پر 120فیصد زائد اضافہ ہوا ہے۔ جبکہ سعودی عرب پاکستان مسافروں کیلئے پسندیدہ بین الاقوامی سیاحتوں منزلوں میں شامل ہے۔جس میں سالانہ بنیادوں پر 100فیصد سے زائداضافہ دیکنے میں آیا ہے۔

انہوں نے مزید کہا کہ پاکستان نے محکمہ سیاحتی خدمات(Departement of Tourist Service)سے ٹریول ایجنسی لائسنس کے کامیاب حصول کے بعد پاکستان میں IATAکی ایکریڈیشن حاصل کرنے ویگو کی مسلسل ترقی کیلئے اگلا قدم تھا۔ یہ سنگِ میل پاکستان میں ہمیں توسیع کے مزید مواقع فراہم کرے گا۔جس سے ہم اپنے بین الاقوامی نیٹ ورک کے ذریعے پاکستان مارکیٹ اور مسافروں کو مزید مسابقتی فضائی کرائے فراہم کرسکیں گے۔انہوں نے مزید کہا کہ پاکستان ٹریول مارٹ میں ہماری شرکت ہمیں انڈسٹری ماہرین سے جڑنے اور یہ دکھانے کا شاندار موقع ہے کہ ویگو کس طرح پاکستان صارفین کیلئے سفری منصوبہ بندی کوجدید اور آسان بنا رہا ہے۔ پاکستان ٹریول مارٹ 2025میں ویگو اپنے ایوارڈ یافتہ مارکیٹ پلیس کی نمائش کرے گا جس میں "بک آن ویگو(Book on Wego)”پلیٹ فارم کے جدید فوائد کو نمایا کیا جائے گا۔

اس پلیٹ فارم میں محفوظ ادائیگی اورسفری ڈیلز شامل ہوں گی۔ویگو کا وسیع ٹریول پارٹنر نیٹ ورک، جس میں بڑی فل سروس اور کم لاگت ایئر لائنز، معروف ہوٹل چینز اور مقامی رہائش کنندگان شامل ہیں، پاکستانی مسافروں کو بے مثال انتخاف فراہم کریں گی۔اس موقع پر ویگو(Wego) پاکستان کے ڈائریکٹر عبیداللہ سرور نے کہا کہ پاکستان میں ویگو پلیٹ فارم کی توسیع ہمار ے اس عزم کی عکاسی کرتی ہے کہ ہم پاکستانی صارفین کو عالمی معیار کا سفری بکنگ تجربہ فراہم کریں۔

اپنی جدید ٹیکنالوجی اور مقامی اپروچ کے ساتھ ہماری مقصد سفر کو زیادہ آسان، سستا اور خوشگوار بنانا ہے۔ پاکستان ٹریول مارٹ 2025ہمار ے لیئے مقامی سفری کمیونٹی کے ساتھ روابط بڑھانے اور پاکستان کے ساحت کے شعبے کی ترقی میں کردار ادا کرنے کر بہترین موقع فراہم کرے گا۔ بک آن ویگو پلیٹ فارم کے ذریعے بین الاقوامی پروازیں بک کروانے مسافروں کیلئے ایک مفت eSimفراہم کررہا ہے جس میں 1GBتک کا ڈیٹا شامل ہے۔ جس کے ذریعے صارفی اپنی منزل تک پہنچتے ہی فوری طور رابطے میں آسکتے ہیں اور سستے نرخوں پر آسانی سے اپنا ڈیٹا پلان بڑھاسکتے ہیں۔ بہترین بکنگ کے تجربے کی فراہمی اور سفری صنعت کے ساتھ اشتراک کے ذریعے ویگو عالمی سفری مارکیٹ میں اپنی قائدانہ پوزیشن کو مستحکم کررہا ہے۔

سعودی ولی عہد شہزادہ محمد بن سلمان اور نو منتخب امریکی صدر ڈونلڈ ٹرمپ کے درمیان ایک اہم ٹیلی فونک رابطہ ہوا ہے۔ اس ملاقات میں سعودی ولی عہد نے امریکی صدر کو منصب سنبھالنے پر مبارکباد دی اور دونوں رہنماؤں نے دوطرفہ تعلقات کو مزید مستحکم کرنے کے عزم کا اظہار کیا۔

ٹیلی فونک گفتگو کے دوران سعودی ولی عہد اور امریکی صدر نے باہمی سرمایہ کاری، دوطرفہ تعلقات کی مضبوطی اور مشرق وسطیٰ میں قیام امن اور سلامتی پر تفصیل سے تبادلہ خیال کیا۔ دونوں رہنماؤں کا کہنا تھا کہ خطے میں امن و امان قائم کرنے کے لیے مشترکہ کوششوں کی ضرورت ہے۔

قبل ازیں گزشتہ روز سعودی ولی عہد کی زیر صدارت سعودی کابینہ کا اجلاس ہوا جس میں علاقائی اور بین الاقوامی سطح پر ہونے والی تازہ ترین پیش رفت پر غور کیا گیا۔ اجلاس میں امریکی صدر ڈونلڈ ٹرمپ کو آئینی حلف اٹھانے اور ریاستہائے متحدہ کی صدارت سنبھالنے پر مبارکباد دی گئی۔ سعودی کابینہ نے امید ظاہر کی کہ غزہ کی پٹی میں جنگ بندی کا معاہدہ اسرائیلی جنگ کے خاتمے اور فلسطینی عوام کے حقوق کے حصول میں مددگار ثابت ہوگا۔کابینہ نے یہ بھی کہا کہ فلسطینیوں کو ان کے حقوق، خاص طور پر مشرقی یروشلم اور 1967 کی سرحدوں کے ساتھ ایک آزاد ریاست کے قیام کا حق ملنا ضروری ہے تاکہ مشرق وسطیٰ میں مستقل امن قائم کیا جا سکے۔

سعودی ولی عہد محمد بن سلمان نے اس بات کا اظہار کیا کہ سعودی عرب امریکہ کے ساتھ اگلے چار سالوں میں 600 ارب ڈالر کی سرمایہ کاری کرنا چاہتا ہے۔ روئٹرز کے مطابق، ولی عہد نے صدر ٹرمپ سے کہا کہ ان کی انتظامیہ کی متوقع اقتصادی اصلاحات سعودی عرب اور امریکہ کے درمیان بے مثال اقتصادی خوشحالی کا باعث بن سکتی ہیں۔شہزادہ محمد بن سلمان نے اس بات پر زور دیا کہ اگر مزید مواقع پیدا ہوئے تو یہ سرمایہ کاری مزید بڑھ سکتی ہے، جس سے دونوں ممالک کے درمیان اقتصادی تعلقات میں مزید استحکام آئے گا۔ یہ قدم سعودی عرب کی ترقیاتی پالیسی اور امریکہ کے ساتھ تجارتی تعلقات کو مزید فروغ دینے کی کوششوں کا حصہ ہے۔

سعودی ولی عہد محمد بن سلمان اور امریکی صدر ڈونلڈ ٹرمپ کے درمیان یہ ٹیلی فونک رابطہ دونوں ممالک کے تعلقات میں نئے باب کا آغاز کر سکتا ہے، جس سے مشرق وسطیٰ میں امن و استحکام اور عالمی اقتصادی تعلقات میں مزید بہتری کی توقع کی جا رہی ہے۔

جب سے موجودہ حکومت خیبر پختونخوا میں آئی ہے صوبہ تباہ ہو گیا ،عوام پھٹ پڑی

پیسہ زندگی میں کتنی اہمیت کا حامل؟ مبشر لقمان کا یو ای ٹی میں طلبا سے خطاب