Tag: سعودی عرب

سعودی عرب کے وزیر خارجہ فیصل بن فرحان نے کہا ہے کہ اسرائیل اور فلسطین کے درمیان پائیدار امن صرف دو ریاستی حل سے ہی ممکن ہے۔

نیو یارک میں اقوام متحدہ کی کانفرنس سے خطاب کرتے ہوئے انہوں نے فرانس کے صدر ایمانویل میکرون کا شکریہ ادا کیا جنہوں نے فلسطین کو ریاست تسلیم کرنے کا اعلان کیا خطے میں امن کے قیام کے لیے عالمی برادری کو دو ریاستی حل کی حمایت کرنی چاہیے۔

واضح رہے کہ برطانیہ، کینیڈا، آسٹریلیا اور پرتگال کے بعد فرانس بھی فلسطین کو ریاست تسلیم کرنے والے ممالک کی فہرست میں شامل ہوگیا ہے،نائب وزیراعظم اور وزیر خارجہ اسحاق ڈار نے فلسطین کو ریاست تسلیم کرنے کے حالیہ عالمی فیصلوں کا خیرمقدم کرتے ہوئے کہا ہے کہ فرانس، برطانیہ، کینیڈا، آسٹریلیا، پرتگال اور دیگر کئی ممالک کے اقدامات قابلِ تحسین ہیں۔

اقوام متحدہ کے ہیڈکوارٹر میں منعقدہ ایک اعلیٰ سطحی بین الاقوامی کانفرنس میں شرکت کے بعد اپنے بیان میں اسحاق ڈار نے کہا کہ یہ کانفرنس سعودی عرب اور فرانس کی مشترکہ صدارت میں فلسطین کے مسئلے کے پرامن حل اور دو ریاستی حل کے نفاذ کے لیے منعقد کی گئی تھی،پاکستان کو فخر ہے کہ وہ 1988 میں فلسطین کے آزادی کے اعلان کے فوراً بعد اسے ریاست تسلیم کرنے والے اولین ممالک میں شامل تھا۔

اسحاق ڈار کا کہنا تھا کہ بین الاقوامی قانون کے تحت فلسطینی ریاست کو تسلیم کرنا مشرقِ وسطیٰ میں منصفانہ، پائیدار اور جامع امن کے قیام کی جانب ایک اہم پیش رفت ہے پاکستان عالمی برادری، خصوصاً اُن ممالک سے اپیل کرتا ہے جنہوں نے تاحال فلسطین کو تسلیم نہیں کیا کہ وہ بھی بین الاقوامی اصولوں کے تحت اس انسانی اور سیاسی فریضے کو پورا کریں۔

سعودی عرب نے یمن کے عوام کے لیے سعودی پروگرام برائے ترقی و تعمیر نو کے تحت 1.38 بلین سعودی ریال (368 ملین امریکی ڈالر سے زائد) کی اضافی امداد دینے کا اعلان کیا ہے۔

سعودی اخبار سعودی کے مطابق یہ امداد خادم حرمین شریفین شاہ سلمان بن عبدالعزیز کے حکم اور ولی عہد و وزیراعظم شہزادہ محمد بن سلمان کی سفارشات پر فراہم کی جا رہی ہے، جو یمن میں سلامتی، استحکام اور ترقی کے لیے مملکت کے عزم کا اظہار ہے۔سعودی وزارتِ خارجہ نے بیان میں کہا کہ یہ امدادی پیکیج یمن کی اقتصادی، مالی اور مالیاتی استحکام کو مضبوط بنانے کے لیے ترتیب دیا گیا ہے، تاکہ ملک شدید اقتصادی بحران سے نکل سکے۔ یہ امداد یمن کی صدارتی قیادت کونسل کے چیئرمین ڈاکٹر رشاد العلیمی کی درخواست پر دی جا رہی ہے۔

اعلان کے مطابق امداد میں حکومت کے بجٹ کی معاونت، ایندھن کی فراہمی اور عدن میں قائم شہزادہ محمد بن سلمان اسپتال کے عملیاتی بجٹ کی فراہمی شامل ہے۔بیان میں مزید کہا گیا کہ امداد شفاف حکمرانی کے اصولوں کے تحت دی جا رہی ہے تاکہ یمنی حکومت کی اقتصادی اصلاحات کو تقویت دی جا سکے۔

ایشیا کپ: بھارتی کپتان نے ہینڈ شیک سوال کو نظرانداز کردیا

افغانستان میں 679 کتابوں پر پابندی، 18 مضامین بھی نصاب سے خارج

اردو الفاظ استعمال کرنے پر بھارتی ٹی وی چینلز کو نوٹسز

ایشیا کپ: پاک بھارت ٹیمیں دوبارہ آمنے سامنے، اینڈی پائی کرافٹ ہی ریفری مقرر

سعودی عرب نے توانائی کے شعبے میں بڑی تبدیلی کا فیصلہ کرتے ہوئے شمسی توانائی کی عالمی طاقت بننے کا عزم ظاہر کیا ہے۔

سعودی حکومت نے 2030 تک 130 گیگاواٹ شمسی پیداوار کا ہدف مقرر کیا ہے۔ اس وقت ملک کے وسیع صحرا میں بڑے پیمانے پر سولر پینلز نصب کیے جا رہے ہیں۔ 2024 میں سعودی عرب کی شمسی توانائی کی پیداوار بڑھ کر 4,340 میگاواٹ تک پہنچ گئی، جو 2023 میں 2,585 میگاواٹ تھی۔

سعودی منصوبے کے مطابق 2030 تک ملک کی پچاس فیصد بجلی قابلِ تجدید ذرائع سے حاصل کی جائے گی۔ حکام کا کہنا ہے کہ یہ تبدیلی صرف ماحولیاتی نہیں بلکہ معاشی طور پر بھی ناگزیر ہے، کیونکہ شمسی توانائی دنیا کا سب سے سستا اور تیز ترین متبادل توانائی کا ذریعہ بن چکی ہے۔

دی وال اسٹریٹ جرنل کے مطابق سعودی عرب میں کئی بڑے سولر منصوبے شروع ہو چکے ہیں جن میں سے کچھ مکمل بھی کر لیے گئے ہیں۔ یہ اقدام سعودی عرب کو توانائی کی دنیا میں ایک نئے لیڈر کے طور پر ابھار رہا ہے۔

ایمان مزاری کیس: وزارت داخلہ نے خصوصی پراسیکیوٹرز مقرر کر دیے

چھتیس گڑھ: بھارتی فورسز کی کارروائی میں 10 مقامی قبائلی ہلاک

لندن میں کل دائیں بازو اور اینٹی فاشزم ریلیاں، جھڑپوں کا خدشہ

سعودی عرب شام کی حکومت کو ساڑھے 16 لاکھ بیرل خام تیل فراہم کرئے گا.

سعودی ایجنسی کے مطابق سعودی فنڈ فار ڈویلپمنٹ کے چیف ایگزیکٹو سلطان المرشد اور شام کے وزیر توانائی محمد البشیر نے اس سلسلے میں ایک مفاہمتی یادداشت پر دستخط کیے۔ یہ اقدام خادم الحرمین شریفین شاہ سلمان بن عبدالعزیز اور ولی عہد و وزیراعظم شہزادہ محمد بن سلمان بن عبدالعزیز کے ہدایات کے تحت کیا گیا۔اس گرانٹ کا مقصد شام کی ریفائنریز کے آپریشنز کو بہتر بنانا، ان کی مالی و عملی پائیداری کو یقینی بنانا اور اقتصادی ترقی کے لیے معاونت فراہم کرنا ہے۔

یہ فیصلہ اقتصادی چیلنجز کا مقابلہ کرنے، اہم شعبوں کی ترقی کو فروغ دینے اور پائیدار ترقی کے اہداف حاصل کرنے میں مددگار ثابت ہوگا۔

سندھ میں پہلی بار اساتذہ کے لیے اے آئی بیسڈ آن لائن ٹریننگ پروگرام کا آغاز

سعودی عرب کے جنوبی مغربی علاقے اسیر میں طوفانی بارشوں نے تباہی مچا دی، اچانک آنے والے سیلابی ریلے کئی گاڑیوں کو بہا لے گئے۔

سعودی نیشنل سینٹر برائے موسمیات نے وارننگ جاری کرتے ہوئے کہا ہے کہ مملکت کے کم از کم 10 علاقوں میں شدید بارشیں، آندھیاں اور ممکنہ سیلاب کا خطرہ ہے۔محکمہ موسمیات کے مطابق نجران، جازان، اسیر، الباحہ، مکہ اور مدینہ کے علاقوں میں سب سے زیادہ اثر متوقع ہے، جہاں بارش کے ساتھ ژالہ باری اور تیز ہوائیں بھی چل سکتی ہیں۔

مزید بتایا گیا کہ کچھ علاقوں میں گرد و غبار اور ریت کے طوفان کے باعث حدِ نگاہ متاثر ہونے کا خدشہ بھی ہے۔حکام نے شہریوں سے اپیل کی ہے کہ وہ احتیاطی تدابیر اختیار کریں اور سرکاری ہدایات پر عمل کریں تاکہ کسی بھی نقصان سے محفوظ رہ سکیں۔

پاکستان سیلابی صورتحال سے دوچار،متاثرین کا ساتھ دیں گے،یوسف رضا گیلانی

شینگھائی تعاون تنظیم اجلاس، شہباز شریف عالمی راہنماؤں کی توجہ کا مرکز بنے رہے

جدہ:سعودی عرب کے وزیر خارجہ شہزادہ فیصل بن فرحان نے کہا ہے کہ اسرائیل کی غزہ میں مسلسل خلاف ورزیاں دو ریاستی حل کے لیے جاری بین الاقوامی کوششوں کو کمزور کررہی ہیں،وہ ممالک جو اب تک اسرائیل کے جرائم کی مذمت کرنے میں ہچکچاہٹ کا شکار ہیں، انہیں اپنے مؤقف پر نظرِ ثانی کرنی چاہیے۔

سعودی عرب کے شہر جدہ میں اسلامی تعاون تنظیم (او آئی سی) کے اجلاس سے خطاب کرتے ہوئے وزیر خارجہ نے کہاکہ مملکت کی جانب سے فلسطینی ریاست کو تسلیم کرنے کے لیے جاری عالمی مہم میں مزید ممالک شامل ہو رہے ہیں،وہ ممالک جنہوں نے فلسطین کو بطور ریاست تسلیم کرنے کا فیصلہ کیا ہے، ان کی تعداد مسلسل بڑھ رہی ہے۔

حماد اظہر کا این اے 129 سے ضمنی الیکشن میں حصہ نہ لینے کا اعلان

انہوں نے ایک بار پھر اس مؤقف کو دہرایا کہ سعودی عرب 1967 کی سرحدوں کے مطابق فلسطینی ریاست کے قیام کی غیر متزلزل حمایت کرتا ہے،سعودی عرب نے غزہ کی پٹی میں فوری جنگ بندی کا مطالبہ کیا ہے اور عالمی برادری پر زور دیا ہے کہ وہ اسرائیلی قبضے کو ختم کرے،وہ ممالک جو اب تک اسرائیل کے جرائم کی مذمت کرنے میں ہچکچاہٹ کا شکار ہیں، انہیں اپنے مؤقف پر نظرِ ثانی کرنی چاہیے۔

این ایف سی ایوارڈ میں بلوچستان کی ضروریات اور ترجیحات اجاگر کریں گے، وزیراعلیٰ بلوچستان

اسلامی تعاون تنظیم (او آئی سی) کا یہ اجلاس غزہ کی موجودہ صورتحال اور اسرائیلی جارحیت کے پس منظر میں منعقد کیا جا رہا ہے، جس میں پاکستان کی نمائندگی نائب وزیراعظم و وزیر خارجہ اسحاق ڈار کر رہے ہیں، جبکہ رکن ممالک کے دیگر وزرائے خارجہ بھی شریک ہیں، اسحاق ڈار مقبوضہ فلسطینی علاقوں سے اسرائیل کے مکمل انخلا کی حمایت کریں گے ساتھ ہی وہ غزہ پر اسرائیل کے مجوزہ مکمل فوجی قبضے اور فلسطینی عوام کو بے دخل کرنے کے مذموم منصوبے کو سختی سے مسترد کریں گے۔

مودی بھی عمران خان کے نقش قدم پر،امریکہ سے تعلقات کی بہتری کیلئے فرم ہائر کر لی