Baaghi TV

Tag: صحت

  • بیٹی کی لاش کندھےپراٹھا کر10کلومیٹرپیدل سفرکرنےوالےباپ کی دردناک کہانی نےسب کورُلا دیا

    بیٹی کی لاش کندھےپراٹھا کر10کلومیٹرپیدل سفرکرنےوالےباپ کی دردناک کہانی نےسب کورُلا دیا

    نئی دہلی: بھارت میں بیٹی کی لاش کندھے پراٹھا کرپیدل گھرلے جانے والے باپ کی ویڈیو نے دیکھنے والوں کورلا دیا۔

    بھارتی ریاست چھتیس گڑھ کے رہائشی ایشورداس نے تیز بخار میں مبتلا اپنی 7سالہ بیٹی کو ڈسٹرکٹ اسپتال میں داخل کیا تھا جہاں چند گھنٹوں بعد وہ چل بسی۔سرکاری اسپتال کی انتظامیہ نے بچی کے باپ کو ایمبولینس فراہم نہ کی تومجبورا باپ کو بیٹی کی لاش کندھے پررکھ کرگھرلے جانا پڑا۔ باپ نے بیٹی کی لاش کولے کر10کلومیٹرپیدل سفرکیا۔

    مجبورباپ کی ویڈیو سوشل میڈیا پروائرل ہوگئی۔سوشل میڈیا صارفین نےاسپتال اورمقامی انتظامیہ کوہٹانے کا مطالبہ کیا۔مقامی وزیرصحت نے استعفیٰ دینےکےبجائے ذمہ دارباپ کے اوپرکے ڈال دی کہ انہیں لاش لےجانےکےلئے ایمبولینس کا انتظارکرنا چاہئیے تھا۔

     

    یاد رہے کہ یہ پہلا موقع نہیں بلکہ اس سے پہلے بھی بھارت میں درجنوں ایسے واقعات رپورٹ ہوچکے ہیں جس میں بےبس ماں باپ اپنے دنیا سے کوچ کرجانےوالے بچوں کو ایسے ہی کندھوں پر اٹھاکرمیلوں‌ لمبا سفرپیدل طئے کرکے گھرواپس پہنچتے ہیں

    ادھر یہ بھی معلوم ہوا ہے کہ بھارت میں صحت کی سہولیات نہ ہونے کےبرابرہیں اور صحت کا نظام صرف طاقتوروں کو ہی سپورٹ کرتا ہے اور یہی وجہ ہے کہ امیروں کے لیے تمام ترسہولیات ہیں جبکہ غریبوں کو کوئی پوچھنے والا نہیں

     

  • وزیر اعلی پنجاب کا ڈاکٹرز کے لئے سال نو کا تحفہ

    وزیر اعلی پنجاب کا ڈاکٹرز کے لئے سال نو کا تحفہ

    وزیر اعلی پنجاب سردار عثمان بزدار نے ڈاکٹرز کے لئے سال نو کا تحفہ دیا ہے

    وزیراعلیٰ عثمان بزدارنے ایڈہاک ڈاکٹروں و دیگر سٹاف کے لئے بڑے ریلیف کا اعلان کیا، وزیراعلیٰ عثمان بزدار کی خصوصی ہدایت پر محکمہ پرائمری و سیکنڈری ہیلتھ کے ایڈہاک ڈاکٹرز و دیگر سٹاف کی ملازمتوں میں ایک برس کی توسیع کا فیصلہ کیا گیا ہے، وزیر اعلی عثمان بزدار نے ایڈہاک ڈاکٹرز و دیگر سٹاف کی ملازمتوں میں ایک برس توسیع کی منظوری دے دی وزیراعلیٰ عثمان بزدار کے اس اقدام سے ہزاروں ایڈہاک ڈاکٹرز و دیگر سٹاف کو حقیقی معنوں میں ریلیف ملے گا ،وزیراعلیٰ عثمان بزدار نے ایڈہاک ڈاکٹرز و دیگر سٹاف کو تنخواہوں کی ادائیگی بروقت یقینی بنانے کی ہدایت کی ہے،

    وزیراعلیٰ پنجاب عثمان بزدار کا کہنا تھا کہ محکمہ پرائمری و سیکنڈری ہیلتھ کے ایڈ ہاک ڈاکٹرز و دیگر سٹاف کی تنخواہوں کی ادائیگی میں حائل رکاوٹوں کودور کرنے کے لئے فوری اقدامات کئے جائیں – دکھی انسانیت کی خدمت میں مصروف ایڈہاک ڈاکٹرزکے مسائل کا پورا احساس ہے-تحریک انصاف کی حکومت آئندہ بھی ڈاکٹرز کے مسائل کے حل کے لئے کوئی کسر اٹھا نہ رکھے گی- شعبہ طب کی بہتری کیلئے تمام ضروری اقدامات اٹھائیں گے۔ایڈہاک ڈاکٹرزو دیگر سٹاف کیلئے آسانیاں پیدا کرنے کیلئے ہر ممکن اقدام کریں گے۔پنجاب حکومت ڈاکٹروں، نرسوں اور پیرامیڈیکل سٹاف کی خدمات کو سراہتی ہے-

    نئے سال کی آمد-محکمہ سپیشلائزڈ ہیلتھ کیئر پنجاب کی جانب سے ڈاکٹروں کو ترقیوں کا تحفہ ،محکمہ سپیشلائزڈ ہیلتھ کیئر نے 36 ایسوسی ایٹ پروفیسرز کو پروفیسر کے عہدوں پر ترقی دے کر مختلف میڈیکل اداروں میں تعینات کر دیا۔

    19 پروفیسرز آف سرجری کے عہدوں پر ترقی پانے والوں میں ڈاکٹر یاسمین رفیع کو سروسز انسٹیٹیوٹ آف میڈیکل سائنسز میں، ڈاکٹر عندلیب خانم کو فاطمہ جناح میڈیکل یونیورسٹی، ڈاکٹر وسیم حیات خان سمز ، ڈاکٹر عطاء اللطیف ساہیوال میڈیکل کالج، ڈاکٹر محمد شاکر علامہ اقبال میڈیکل کالج، ڈاکٹر منور جمیل قائد اعظم میڈیکل کالج بہاولپور، ڈاکٹر نوید اختر نشتر میڈیکل یونیورسٹی، ڈاکٹر آمنہ جاوید پی جی ایم آئی، ڈاکٹر نوید اختر ملک راولپنڈی میڈیکل یونیورسٹی، ڈاکٹر وقاص رضا گوجرانولہ میڈیکل کالج، ڈاکٹر محمد اکرم فیصل آباد میڈیکل یونیورسٹی، ڈاکٹر رحمان گلزار علامہ اقبال میڈیکل کالج، ڈاکٹر حریت افضل علامہ اقبال میڈیکل کالج، ڈاکٹر اجمل فاروق کو صفدر میڈیکل کالج سیالکوٹ، ڈاکٹر نذیر احمد کنگ ایڈورڈ میڈیکل یونیورسٹی، ڈاکٹر محمد کامران صفدر میڈیکل کالج، ڈاکٹر لیاقت علی بھٹی ڈی جی خان میڈیکل کالج، ڈاکٹر عمران اسلم قائد اعظم میڈیکل کالج اور ڈاکٹر نادر محمود کو پروفیسر آف سرجری ساہیوال میڈیکل کالج میں تعینات کردیا گیا ہے۔

    پروفیسرز آف گائنی کے عہدوں پر ترقی پانیوالے 10 پروفیسروں میں ڈاکٹر کرن خورشید ملک کو کنگ ایڈورڈ میڈیکل یونیورسٹی، ڈاکٹر ماہلیکہ مقصود سمز، ڈاکٹر سلمہ جبیں قائد اعظم میڈیکل کالج، ڈاکٹر نزہت رشید شیخ زید میڈیکل کالج رحیم یار خان، ڈاکٹر روبینہ کوثر کو سمز، ڈاکٹر روبینہ طارق گوجرانولہ میڈیکل کالج، ڈاکٹر جمشید فیروز قائد اعظم میڈیکل کالج، ڈاکٹر مہر النساء فاطمہ جناح میڈیکل یونیورسٹی، ڈاکٹر طلعت فرخندہ راولپنڈی میڈیکل یونیورسٹی اور ڈاکٹر تبسم طاہرہ کو فاطمہ جناح میڈیکل یونیورسٹی میں تعینات کر دیا گیا۔

    پروفیسرز آف پتھالوجی کے عہدوں پر ترقی پانیوالے 7 پروفیسروں میں شامل ڈاکٹر ایس ایم عباس نقوی کو نشتر میڈیکل یونیورسٹی، ڈاکٹر راحت سرفراز کنگ ایڈورڈ میڈیکل یونیورسٹی، ڈاکٹر ارم مریم رانا راولپنڈی انسٹیٹیوٹ آف کارڈیالوجی، ڈاکٹر شبنم بشیر فاطمہ جناح میڈیکل یونیورسٹی، ڈاکٹر سیما مظہر علامہ اقبال میڈیکل ، ڈاکٹر حمیرا رفیق وزیر آباد انسٹیٹیوٹ آف کارڈیالوجی اور ڈاکٹر شگفتہ ارم کو ساہیوال میڈیکل کالج میں تعینات کر دیا ہے۔

    سیکرٹری سپیشلائزڈ ہیلتھ کیئر ڈاکٹر احمد جاوید قاضی کی جانب سے ترقی پانیوالے پروفیسرز کو مبارکباد دی گئی، اس سلسلہ میں نوٹیفکیشنز جاری کردیے گئے ہیں۔

    لڑکی کو برہنہ کرنیوالے ملزم عثمان مرزا کو پولیس نے عدالت پیش کر دیا

    کیا فائدہ قانون کا، مفتی کو نامرد کیا گیا نہ عثمان مرزا کو،ٹویٹر پر صارفین کی رائے

    لڑکی کو برہنہ کرنے کی ویڈیو، وزیراعظم عمران خان کا نوٹس، بڑا حکم دے دیا

    عثمان مرزا کی جانب سے لڑکی اور لڑکے پر تشدد کے بعد نوجوان جوڑے نے ایسا کام کیا کہ پولیس بھی دیکھتی رہ گئی

    نوجوان جوڑے پر تشدد کیس، پانچویں ملزم کو کس بنیاد پر گرفتار کیا؟ عدالت کا تفتیشی سے سوال

    ویڈیو کس نے وائرل کی تھی؟ عدالت کے استفسار پر سرکاری وکیل نے کیا دیا جواب

    نوجوان جوڑے کو برہنہ کرنے کا کیس،ملزم عثمان مرزا کو عدالت نے کہاں بھجوا دیا؟

    نوجوان جوڑے کو برہنہ کرنے کا کیس،عدالت نے لڑکے اور لڑکی کو کیا طلب

    خواتین کو ویڈیو بنا کر ہراساں کرنے کا کیس، درخواست ضمانت پر آیا فیصلہ

    ویڈیو بنا کر ہراساں کرنے کے ملزم کی درخواست ضمانت پر فیصلہ محفوظ

    ناکے پر کیوں نہیں رکے؟ پولیس اہلکار نے شہری پر گولیاں چلا دیں

    بارہ سالہ بچی کی نازیبا ویڈیو بنانے والا ملزم گرفتار

  • بہترین اوقات جن میں پانی پینا انتہائی مفید ثابت ہوتا ہے

    بہترین اوقات جن میں پانی پینا انتہائی مفید ثابت ہوتا ہے

    پانی جتنا زیادہ پیا جائے اتنا صحت کیلئے مفید ہے انیسویں صدی کے آغاز تک زیادہ پانی پینا بری بات سمجھا جاتا تھا اونچے طبقے کے افراد زیادہ پانی پینا اپنی توہین سمجھتے تھے انہیں لگتا تھا کہ پیٹ کو پانی سے بھرنا تو غریبوں کا کام ہے۔ وہ ایسا کرنا اپنی شان کے خلاف سمجھتے تھے۔

    تاہم آج کل دنیا بھر میں خوب پانی پیا جاتا ہے۔ امریکہ میں بوتل بند پانی کی مانگ سوڈے سے بھی زیادہ ہو گئی ہے ایسا اس لیے بھی ہو رہا ہے کہ دن رات لوگوں کو خوب پانی پینے کا مشورہ دیا جاتا ہے زیادہ پانی پینے کو اچھی صحت کا راز اور خوبصورت جلد کی وجہ بتایا جا رہا ہے اس کے علاوہ زیادہ پانی پی کر کینسر اور وزن سے چھٹکارے کے نسخے بھی عام ہیں۔

    ذیا بیطس اور موٹاپے میں مبتلا خواتین میں بریسٹ کینسرکا خطرہ بڑھ سکتا ہے تحقیق

    سنہ 1945 میں امریکہ میں فوڈ اینڈ نیوٹریشن بورڈ آف نیشنل ریسرچ کونسل نے بڑوں کو مشورہ دیا کہ انہیں ہر کیلوری کو ہضم کرنے کے لیے ایک ملی لیٹر پانی پینا چاہیے اس کا مطلب یہ ہوا کہ اگر آپ دن میں دو ہزار کیلوری لینے والی خاتون ہیں تو آپ کو دو لیٹر پانی پینا چاہیے۔ ڈھائی ہزار کیلوری لینے والے مردوں کو دو لیٹر سے زیادہ پانی پینا چاہیے۔

    اس میں صرف سادہ پانی شامل نہیں ہے بلکہ پھلوں، سبزیوں اور دوسری پینے کی چیزوں سے ملنے والا پانی بھی شامل ہے۔ پھلوں اور سبزیوں میں 98 فیصد تک پانی ہو سکتا ہے اس کے علاوہ اس میں کوئی دو رائے نہیں کہ پانی جسم کے لیے بہت ضروری ہے۔ ہمارے جسم کے کل وزن کا دو تہائی حصہ پانی ہی ہوتا ہے۔ پانی جسم سے خراب عناصر کو باہر نکالنے میں اہم کردار ادا کرتا ہے۔

    ڈبل روٹی کے انسانی صحت پر منفی اثرات طبی ماہرین

    ہمارے جسم کا درجہ حرارت درست رکھنے کے لیے، جوڑوں کو برقرار رکھنے کے لیے اس کے علاوہ بھی پانی کئی اہم کام کرتا ہے۔ جسم کے اندر ہونے والی کیمیائی تبدیلیاں بھی پانی کے بغیر ممکن نہیں ہم پسینے، پیشاب اور سانسوں کے ذریعہ پانی جسم سے خارج کرتے رہتے ہیں۔ ایسے میں بے حد ضروری ہے کہ ہم جسم میں پانی کی کمی نہ ہونے دیں۔

    معروف میڈیکل نیوز ویب سائٹ WebMD کے مطابق 24 گھنٹوں میں کچھ اوقات ایسے ہیں جس میں پانی پینا انتہائی مفید ثابت ہوسکتا ہے دن و رات کے ان اوقات میں پانی پینے کا فائدہ دوچند ہوجاتا ہے-

    حکومت غیر متعدی بیماریوں سے بچاؤ کے لیے بھی این سی او سی کی طرز کے اقدامات اٹھائے ماہرین

    جب آپ کو بھوک لگ رہی ہو تو کھانا کھانے سے پہلے پانی پیئں ، جب آپ سو کر اٹھیں: کیونکہ طویل نیند کی وجہ سے آپ کا جسم ایک طرح سے روزے کی حالت میں ہوتا ہے، نہ کچھ کھایا گیا ہوتا ہے اور نہ پیا؛ جب بھی پسینے آنا شروع ہوں تو ایسی حالت میں زیادہ دیر بغیر پانی کے رہنا طبی پیچیدگیوں کا باعث بن سکتا ہے۔

    ورزش سے پہلے، ورزش کے دوران اور ورزش کے بعد پانی پیئں طبیعت خراب ہونے کے دوران جسم میں پانی کی سطح کو برقرار رکھنا ہی بیماری سے افاقے کی کنجی ہے۔ اسہال، اُلٹی، بخار وغیرہ جسم سے پانی کی سطح کو کم کردیتے ہیں، جب آپ ہوائی جہاز میں ہوں جی ہاں! جتنی زیادہ اونچائی ہوگی ہوا میں نمی کا تناسب اتنا ہی کم ہوگا جسکی وجہ سے جہاز کی اندرونی ہوا خشک رہتی ہے کوشش کریں پانی کی بوتل اپنے ساتھ رکھیں۔

    ذیا بیطس کے مریضوں کے لئے مفید پھل

    خواتین کیلئے مخصوص ایام کے آغاز میں جو درد کی لہریں اٹھتی ہیں یہ dehydration کا ہی نتیجہ ہوتا ہے اگر حیض سے پہلے ہی زیادہ مقدار میں پانی پینا شروع کردیا جائے تو اس تکلیف سے بچا جاسکتا ہے۔

    بعد دوپہر کے ہم میں سے اکثریت اپنی توانائی کسی نہ کسی کام یا سرگرمی میں صرف کرچکی ہوتی ہے تھکاوٹ محسوس ہورہی ہوتی ہے۔ ایسے میں کافی یا چائے پینے کے بجائے پانی پی لیا جائے تو وہ زیادہ فائدہ مند ہے ،سر میں درد ہونے کی سب سے عام وجہ پانی کی کمی ہی ہے دماغ کا تین چوتھائی حصہ پانی پر مشتمل ہے۔

    وزن گھٹانے کی پلاننگ میں پانی صرف پیٹ بھرنے والی کیلوری فری شے ہی نہیں بلکہ یہ ہاضمہ بھی اچھا کرتی ہے پانی جسم میں موجود چربی کو گُھلانے کے عمل کو تیز بھی کرتا ہے۔

    مسلسل بے خوابی اور خراب نیند سے فالج کا خدشہ بڑھ سکتا ہے نئی تحقیق

  • #سگریٹ_ٹیکس_بڑھاؤ ، ٹویٹر پر صارفین کا مطالبہ

    #سگریٹ_ٹیکس_بڑھاؤ ، ٹویٹر پر صارفین کا مطالبہ

    #سگریٹ_ٹیکس_بڑھاؤ ، ٹویٹر پر صارفین کا مطالبہ
    باغی ٹی وی کی رپورٹ کے مطابق تمباکو نوشی کے خلاف جاری مہم اگلے مرحلے میں پہنچ چکی ہے

    دی کرومیٹک کے زیر اہتمام تمباکو نوشی کے خلاف ملک گیر مہم جاری ہے، اس مہم میں تمباکو نوشی سے بچوں کو دور رکھنے کے لئے آگاہی پروگرام کئے جاتے ہیں تو وہیں سوشل میڈیا پر بھی بھر پور مہم چلائی جاتی ہے، آج سماجی رابطے کی ویب سائٹ ٹویٹر پر ایک ٹرینڈ چلایا گیا جس میں حکومت سے مطالبہ کیا گیا کہ #سگریٹ_ٹیکس_بڑھاؤ تا کہ کمسن بچے سگریٹ نہ خرید سکیں اور منشیات کی لت سے دور رہیں،

    تمباکو نوشی کے خلاف کرومیٹک اور باغی ٹی وی کے اشتراک سے مہم جاری ہے، پہلے مرحلے میں باغی ٹی وی پر تمباکو نوشی کے خلاف چالیس سے زائد بلاگز شائع کئے گئے اب اگلے مرحلے میں تمباکو نوشی کے خلاف جاری اس مہم میں صارفین نے بڑی تعداد میں حصہ لیا، صارفین نے تمباکو نوشی کے نقصانات پر ٹویٹس کیں اور اپنے جذبات کا اظہار کیا

    پاکستان میں83 ارب سگریٹ بنائے جاتے ہیں اور وہ ہر سال پھونک دیئے جاتے ہیں پاکستان کو سگریٹ بنانے کی اجازت ہے کہ انڈسٹری ہمیں کیا فائدہ دے رہی ہے اکانومی پر کیا اثر ہے کیا اس سے نوکری مل رہی ہے حکومت ٹیکس کیوں نہیں لگاتی سگریٹ نوشی ہمارے نوجوانوں کا مستقبل تباہ کر رہی ہے ایک لاکھ ستر ہزار اموات ہر سال تمباکو سے ہوتی ہیں اور اسکا متبادل نوجوان سگریٹ نوشی کر دیتے ہیں بچوں کو ٹارگٹ کیا جاتا ہے ہمیں بچوں کو بچانا ہے-

    ایک صارف سیدہ ام حبیبہ کا کہنا تھا کہ اس ٹرینڈ کی مخالفت میں لکھنا ہو تو یہی ہیش ٹیگ استعمال کیجیے
    #سگریٹ_ٹیکس_بڑھاؤ

    https://twitter.com/HSbuddy18/status/1473618000108568587

    https://twitter.com/HassanSajid01/status/1473606648472113153

    https://twitter.com/Rehna_7/status/1473606139552092166

    https://twitter.com/ali_14572/status/1473604974890336259

  • دانش سکولوں کے اساتذہ کے لئے خوشخبری

    دانش سکولوں کے اساتذہ کے لئے خوشخبری

    وزیراعلیٰ پنجاب سردار عثمان بزدار کی زیرصدارت پنجاب دانش سکولز اینڈ سینٹرز آف ایکسیلینسی اتھارٹی کا اجلاس ہوا،

    پنجاب کے 4دانش سکولوں کو مکمل طورپر سولر توانائی پر منتقل کردیا گیا. وزیراعلیٰ عثمان بزدار نے طلبہ کے مفت یونیفارم کے لئے اضافی فنڈز فراہم کرنے کی منظوری دے دی دانش سکولوں کے اساتذہ کی تنخواہوں میں حکومت پنجاب کے فیصلے کے مطابق اضافے کی اصولی منظوری دے دی گئی، دانش سکولوں لئے انتظامی عہدوں پر بھرتیوں کی اجازت دے دی گئی دانش سکولز اتھارٹی کو انٹرن شپ پروگرام شروع کرنے کی اجازت دے دی گئی،

    دانش سکولوں میں ڈیجیٹل لرننگ کونسلنگ کاآغاز کیا جائے گا دانش سکولوں میں اکیڈمک او رسپورٹس میں ٹاپ کرنے والوں کے لئے 50 ہزار تک انعامات دیئے جائیں گے، دانش سکولوں کے طلبہ کے لئے آغا خان سکول ٹریننگ پروگرام کی طرز پر تربیتی نشستیں ہوں گی، ہوسٹل میں رہائش پذیر طلبہ کی والدین سے ملاقات کے لئے خصو صی کمروں اور کینٹین کا قیام کیا جائے گا،
    وزیراعلیٰ عثمان بزدار نے دانش سکولز کے زیر تکمیل پراجیکٹ کے لئے فنڈز جاری کرنے کی ہدایت کی اور کوٹ قیصرانی، تونسہ، بھکر اور منکیرہ کے دانش سکولوں جلد ازجلد مکمل کرنے کاحکم دیا، وزیراعلیٰ پنجاب عثمان بزدار کا کہنا تھا کہ دانش سکولو ں میں زیر تعلیم طلبہ کے بہن بھائیوں کو بھی ایڈمشن کی اجازت دے رہے ہیں -چکوال او رپیرمحل کے سینٹرز آف ایکسیلینسی کے پراجیکٹ بھی جلد مکمل کئے جائیں -پنجاب میں ایشیاء کا سب سے بڑا بورڈنگ ادارہ پاکستان کے لئے اعزاز ہے-تا ندلیانوالہ میں نئے دانش سکول کا آغاز چند ہفتوں میں کردیا جائے گا-دانش سکولز ا تھارٹی کی کارکردگی دوسروں کے لئے مشعل راہ ہے-دانش سکولز اتھارٹی نے وائس چیئرپرسن سمیرا احمد کی سربراہی میں اعلیٰ کارکردگی کامظاہرہ کیا-

    صوبائی وزیر مراد راس کا کہنا تھا کہ وزیراعلیٰ عثمان بزدار کی نادار بچوں کی تعلیم کیلئے سپورٹ قابل تحسین ہے-وائس چیئرپرسن سمیرا احمد کا کہنا تھا کہ پنجاب کے ٹیلنٹ کو سامنے لانے کے لئے کوشاں ہیں -اجلاس میں دی جانے والی بریفنگ میں بتایا گیا کہ دانش سکولوں میں روزانہ حکومت پنجاب کی طرف سے 30 ہزار بچوں کو کھانا فراہم کیا جاتا ہے-ڈے سکالرز کو بھی دانش سکول میں ایڈمشن دیا جارہاہے-طلبہ کے لئے ہوسٹل میں آٹومیٹک روٹی پلانٹ لگائے گئے ہیں -دانش سکولوں میں شجرکاری مہم کے دوران مستقل نگہداشت کے نظام کے تحت 96ہزار پودے لگائے گئے -میانوالی میں دانش سکولز کے 40ہزار بچوں نے سالانہ سپورٹس میں حصہ لیا-

    وفاقی دارالحکومت میں ملزم عثمان مرزا کا نوجوان جوڑے پر بہیمانہ تشدد،لڑکی کے کپڑے بھی اتروا دیئے، ویڈیو وائرل

    نوجوان جوڑے پر تشدد کرنیوالے ملزم عثمان مرزا کے بارے میں اہم انکشافات

    لڑکی کو برہنہ کرنیوالے ملزم عثمان مرزا کو پولیس نے عدالت پیش کر دیا

    کیا فائدہ قانون کا، مفتی کو نامرد کیا گیا نہ عثمان مرزا کو،ٹویٹر پر صارفین کی رائے

    لڑکی کو برہنہ کرنے کی ویڈیو، وزیراعظم عمران خان کا نوٹس، بڑا حکم دے دیا

    عثمان مرزا کی جانب سے لڑکی اور لڑکے پر تشدد کے بعد نوجوان جوڑے نے ایسا کام کیا کہ پولیس بھی دیکھتی رہ گئی

    نوجوان جوڑے پر تشدد کیس، پانچویں ملزم کو کس بنیاد پر گرفتار کیا؟ عدالت کا تفتیشی سے سوال

    قبل ازیں وزیراعلیٰ پنجاب سردار عثمان بزدارکی زیرصدارت اعلیٰ سطح کا اجلاس ہوا، اجلاس میں محکمہ صحت کے ترقیاتی منصوبوں پر پیش رفت کا جائزہ لیا گیا، وزیراعلیٰ پنجاب عثمان بزدار کا کہنا تھا کہ ہیلتھ ڈویلپمنٹ پراجیکٹس میں تاخیر قابل برداشت نہیں۔ عوام کی سہولت کے پیش نظر اضلاع کے ہسپتالوں اور طبی مراکز صحت کے زیر تکمیل منصوبوں کو جلد مکمل کیا جائے۔ وزیراعلیٰ نے مدر اینڈ چائلڈ ہسپتالوں کے منصوبوں پر کام کی رفتار تیز کرنے کی ہدایت کی اور کہا کہ جناح ہسپتال اور نئے جنرل ہسپتال میں ایمرجنسی بلاک وقت کی اہم ضرورت ہے۔سروسز ہسپتال میں مریضوں کے رش کے پیش نظر ایمرجنسی بلاک کی تعمیر و توسیع کی جائے گی۔دور دراز علاقوں کے ہسپتالوں اور مراکز صحت کے توسیعی منصوبوں میں معیار اور شفافیت کو ملحوظ خاطر رکھا جائے۔ضلعی ہسپتالوں میں کارڈیک وارڈ بننے سے بڑے ہسپتالوں میں رش کم ہوگا۔بلوچستان کے ضلع رکھنی میں جدید سہولیات سے مزین ہسپتال بنائیں گے۔رکھنی کے سول ہسپتال میں گائنی اور ایمرجنسی علاج کی سہولتیں بھی فراہم کی جائیں گی

  • کوروناوائرس کے خاتمہ تک وباء کے خلاف جنگ جاری رہے گی, ڈاکٹریاسمین راشد

    کوروناوائرس کے خاتمہ تک وباء کے خلاف جنگ جاری رہے گی, ڈاکٹریاسمین راشد

    صوبائی وزیرصحت ڈاکٹریاسمین راشدکی مقامی ہوٹل میں یونیسف کے تعاون سے محکمہ پرائمری اینڈ سیکنڈری ہیلتھ کئیرکے زیر اہتمام تعلیمی اداروں میں کوروناوائرس سے بچاؤ کے انتظامات کے حوالہ سے جامع منصوبہ بندی کیلئے پروگرام ”سیف کیمپس“ کی لانچنگ تقریب میں بطورمہمان خصوصی شرکت کی۔ اس موقع پر صوبائی وزیر ہائرایجوکیشن راجہ یاسرہمایوں، سیکرٹری صحت پنجاب کیپٹن(ر)محمد عثمان یونس،ڈی جی ہیلتھ سروسزپنجاب ڈاکٹرہارون جہانگیر،سیکرٹری محکمہ سکول ایجوکیشن سارہ اسلم،وائس چانسلرکنگ ایڈورڈمیڈیکل یونیورسٹی پروفیسرڈاکٹر خالدمسعودگوندل،وائس چانسلر جی سی یونیورسٹی پروفیسرڈاکٹراصغرزیدی،علماء کرام ودیگرسرکاری محکمہ جات کے افسران،پروفیسرزاور ڈاکٹرزکی کثیرتعدادنے شرکت کی۔ سیکرٹری محکمہ پرائمری اینڈ سیکنڈری ہیلتھ کئیرکیپٹن(ر)محمد عثمان یونس نے افتتاحی کلمات پیش کئے اورپروگرام کی لانچنگ کی افادیت بیان کی۔
    صوبائی وزیر صحت ڈاکٹریاسمین راشدکا لانچنگ تقریب کے شرکاء سے خطاب کیا۔
    ڈاکٹریاسمین راشدکا کہنا ہے کہ وزیراعظم عمران خان اور وزیراعلی پنجاب سردارعثمان بزدارکے ویژن کے مطابق حکومت پنجاب نے کوروناوبا ء کے خلاف انتہائی موئثرطریقے سے جنگ لڑی ہے۔انتہائی عمدہ آگاہی تقریب منعقدکرنے پر کیپٹن(ر)محمد عثمان یونس اور محکمہ پرائمری اینڈ سیکنڈری ہیلتھ کئیرکوشاباش دیتی ہوں۔
    حکومت پنجاب نے 2020میں کوروناوباء کے مریضوں کے علاج پر14ارب روپے کی خطیررقم خرچ کی ہے۔پنجاب میں 19نئی بی ایس ایل لیول تھری لیبز قائم کی گئی ہیں۔ گذشتہ روزکابینہ اجلاس میں مزید 4نئی لیبز قائم کرنے کا فیصلہ کیاگیاہے۔ کسی بھی وباء کے تدارک میں تشخیص کا کردارسب سے اہم ہوتاہے۔پنجاب کے تمام سرکاری ہسپتالوں میں کوروناکاشکارمریضوں کا مفت علاج جاری ہے۔اللہ تعالی کے فضل وکرم سے باقی ممالک کی نسبت پاکستان میں کوروناوائرس کے باعث کم اموات ہوئی ہیں۔ کوویکس کے تعاون سے پاکستان کی 20فیصدآبادی کیلئے ڈیڑھ کروڑ مفت کوروناویکسین جلدآجائے گی۔آج آگاہی سیمینارکے انعقادکابنیادی مقصد تعلیمی اداروں میں بچوں کو حفاظتی تدابیرکے ذریعے کوروناوباء سے بچانا ہے۔ والدین تعلیمی اداروں کی انتظامیہ پر پورااعتمادکرکے اپنے معصوم بچوں کو تعلیم کی خاطربھیج رہے ہیں۔ تعلیمی اداروں میں بچوں کو کوروناوباء سے بچانے کیلئے محکمہ صحت اور محکمہ تعلیم بھرپورکرداراداکررہے ہیں۔ پاکستان میں زیادہ آبادی نوجوان طبقے پر مشتمل ہے۔پاکستانی قوم نے اب تک کوروناوباء کا ڈٹ کرمقابلہ کیاہے۔کیمپس کو بچوں کیلئے محفوظ بناناتعلیمی اداروں کی انتظامیہ کی ذمہ داری ہے۔کوروناوباء کے تدارک کیلئے محکمہ صحت محکمہ تعلیم کے ساتھ ہرقسم کے تعاون کیلئے تیارہے۔ تعلیمی اداروں میں اساتذہ طالبعلموں سے کوروناوباء سے بچاؤ کیلئے حفاظتی تدابیرپر سختی سے عملدرآمدکروائیں۔بچے کلا س روم میں ماسک پہننے،سماجی فاصلوں اور ہاتھ بارباردھونے کو یقینی بنائیں. حفاظتی تدابیراپناکرہم 90فیصدکوروناوباء پرقابوپاسکتے ہیں۔ پنجاب کے سرکاری ہسپتالوں میں روزانہ کی بنیادپر بہت بڑی تعدادمیں کوروناکے مریض صحتیاب ہورہے ہیں۔ آج پاکستان کے مستقبل معصوم بچوں کو خطرناک وباء کوروناسے بچانے کے عہدکادن ہے۔کوروناوائرس کے خاتمہ تک وباء کے خلاف جنگ جاری رہے گی۔صوبائی وزیر ہائرایجوکیشن راجہ یاسرہمایوں کا تقریب کے شرکاء سے خطاب کیا۔
    راجہ یاسرہمایوںنے کہا کہ محکمہ صحت پنجاب کی انتھک محنتوں کے باعث آج تعلیمی ادارے دوبارہ کھولنے کے قابل ہوئے ہیں۔ تعلیمی اداروں میں ایس اوپیزپرسختی سے عملدرآمدکروایاجارہاہے۔۔

  • شیخ زید ہسپتال لاہور میں زائد المیعاد ادویات بیچے جانے کا انکشاف.

    شیخ زید ہسپتال لاہور میں زائد المیعاد ادویات بیچے جانے کا انکشاف.

    لاہور (ہیلتھ رپورٹر) شیخ زید ہسپتال لاہور میں موجود فارمیسی انسانی زندگی سے کھیلنے میں مصروف، انتظامیہ خاموش تماشائی.
    تفصیلات کے مطابق شیخ زید ہسپتال لاہور کی فارمیسی میں ایکسپائرڈ ادویات فروخت ہونے کا انکشاف.
    زائد المیعاد انجکشن مریض کوتین دن سے لگائے جا رہے تھے، اس بات کی نشاندہی خود مریض کے ساتھ موجود فیملی کے افراد کی جانب سے غور کرنے پر ہوئی، جبکہ ہسپتال انتظامیہ اس حوالے سے بے خبر تھی.

    لاہور کے اس بڑے ہسپتال میں مریضوں کی بڑی تعداد زیراعلاج رہتی ہے، جب کہ ایک اندازے کے مطابق یہ ایکسپائری انجکشن کئی مریضوں کے لئے فارمیسی سے بیچے جاچکے ہیں.
    نشاندہی کرنے والے اکمل سومرو کا بتانا ہے کہ شیخ زید ہسپتال لاہور کی فور ڈی فارمیسی پر ایکسپائری انجکشن فروخت کیے جا رہے ہیں میری والدہ کو تین روز تک ایکسپائری انجکشن لگتے رہے، ڈرگ انسپکٹر اور ڈپٹی سیکرٹری ہیلتھ پہنچے تو مزید ادویات ایکسپائری پکڑی گئیں.

  • ماضی میں صحت اور تعلیم کو نظرانداز کیا گیا اسلیے صحت کا نظام غیر موثر،وزیراعظم عمران خان

    ماضی میں صحت اور تعلیم کو نظرانداز کیا گیا اسلیے صحت کا نظام غیر موثر،وزیراعظم عمران خان

    وزیراعظم عمران خان کی زیر صدارت صوبہ پنجاب میں یونیورسل ہیلتھ انشورنس کی فراہمی کے حوالے سے پیش رفت پر جائزہ لیا گیا۔
    اس اجلاس میں وزیر اعلی پنجاب سردار عثمان بزدار، وزیر برائے اقتصادی امور مخدوم خسرو بختیار، مشیر وزیر اعظم شہزاد اکبر، معاون خصوصی ملک امین اسلم، صوبائی وزیر خزانہ پنجاب مخدوم ہاشم جواں بخت، معاون خصوصی وزیر اعلی پنجاب ڈاکٹر فردوس عاشق اعوان اور سینئر افسران شریک تھے
    اجلاس میں پنجاب کی صوبائی کابینہ کی جانب سے صوبے کی 100 فیصد آبادی کو اس سال کے آخر تک یونیورسل ہیلتھ کوریج کی فراہمی کی منظوری کے بعد اب تک کی پیش رفت کےحوالے سے آگاہ کیا گیا ۔ صحت سہولت پروگرام کی فزیبلٹی، بجٹ کے تخمینے، اور مرحلہ وار عملدرآمد پر شرکاء کو تفصیلی بریفنگ دیتے ہوئے آگاہ کیا گیا کہ قلیل مدتی پلان کے تحت موجودہ مالی سال کے اختتام تک ساہیوال اور ڈیرہ غازی خان ڈویژن کے 7 اضلاع میں ہیلتھ کارڈز کی فراہمی یقینی بنائی جائے گی جبکہ دسمبر 2021 تک پنجاب کی 100 فیصد آبادی کو یونیورسل ہیلتھ انشورنس کے تحت ہیلتھ کارڈ کے ذریعے علاج معالجے کی بہتر سہولیات میسر ہوں گی۔
    وزیراعظم عمران خان نے اجلاس سے خطاب کرتے ہوئے کہا کہ ماضی میں صحت اور تعلیم کے شعبوں کو نظرانداز کیا گیا جس کی وجہ سے صحت کا نظام غیر موثر ہو گیا اور اس کا سب سے زیادہ نقصان غریب عوام کو ہوا۔ عوام، خصوصا نچلے طبقےکو صحت کی معیاری اور سستی سہولیات کی فراہمی اور سماجی تحفظ فراہم کرنا موجودہ حکومت کی اولین ترجیح ہے ۔
    ہیلتھ کارڈ کی فراہمی کی بدولت نہ صرف عام آدمی کو صحت کے حوالے سے تحفظ فراہم ہو گا جس وہ گزشتہ ستر سال سے محروم رہا بلکہ نظام صحت میں بھی انقلابی تبدیلی رونما ہو گی اور نظام صحت پختہ بنیا دوں پر استوار ہو گا۔ وزیراعظم عمران خان نے یونیورسل ہیلتھ انشورنس کے اہداف کی تکمیل کے حوالے سے مسلسل مانیٹرنگ کرنے کی ہدایت کی اور وفاقی حکومت کی طرف سے ہر ممکن تعاون کی یقین دہانی کرائی ۔

  • صحت کے اعتبار سے 2021، ملک بھر میں کتنے ارب روپے خرچ؟

    صحت کے اعتبار سے 2021، ملک بھر میں کتنے ارب روپے خرچ؟

    پنجاب میں سرکاری سطح پر کینسر بیماری کے مریضوں کو سہولت فراہم کررہے ہیں:ڈاکٹریاسمین راشد
    میاں میرہسپتال لاہورمیں بریسٹ کینرکلینک کے ذریعے مریضوں کی تشخیص سمیت تمام سہولیات فراہم کی جاتی ہیں
     اقتدارمیں آتے ہی سرکاری ہسپتالوں میں 50فیصدخالی اسامیوں کا تحفہ ملا، سوفیصدمیرٹ پر32ہزار ڈاکٹرز، نرسز، پیرامیڈکس اور فارماسٹس سمیت دیگرعملہ بھرتی کیا
    پنجاب کے 2کروڑ93لاکھ خاندانوں کو سالانہ80ارب روپے لاگت سے دسمبر2021تک صحت سہولت کارڈ فراہم کردئیے جائینگے
    صوبائی وزیر صحت ڈاکٹریاسمین راشدکاشیخ زید ہسپتال میں کینسرسرجری کانفرنس میں بطورمہان خصوصی اظہار خیال.
    لاہور04 فروری :صوبائی وزیر صحت ڈاکٹریاسمین راشدنے شیخ زید ہسپتال میں کینسرسرجری کانفرنس میں بطورمہان خصوصی شرکت کی۔ اس موقع پر چیئرمین شیخ زیدہسپتال پروفیسرڈاکٹرمتین اظہار، ایڈمنسٹریٹر ڈاکٹر اکبرحسین، پروفیسرڈاکٹر ہارون،پروفیسر ڈاکٹر جاوید مجید اور وڈیولنک کے ذریعے وائس چانسلر کنگ ایڈورڈ میڈیکل یونیورسٹی پروفیسر ڈاکٹر خالد مسعود گوندل ودیگرسٹیک ہولڈرزنے شرکت کی۔مقررین نے کینسربیماری کے تدارک کیلئے مختلف تجاویز پیش کیں۔
        صوبائی وزیر صحت ڈاکٹریاسمین راشدنے اظہار خیال کرتے ہوئے کہا کہ انتہائی اہم موضوع پر آگاہی کانفرنس منعقدکروانے پرانتظامیہ کی کاوش کو سراہتے ہیں۔گذشتہ حکومتوں کی جانب سے جان لیوابیماری کینسرکے تدارک اور علاج کی سہولتیں دینے کی طرف بالکل توجہ نہیں دی گئی۔پنجاب میں سرکاری سطح پر کینسر بیماری کے مریضوں کو سہولت فراہم کررہے ہیں۔ماضی کی حکومتوں نے کینسربیماری کے مریضوں کو سہولت دینے کی کوئی منصوبہ بندی نہیں کی ہے۔انہوں نے کہا کہ پنجاب میں کینسرکے مریضوں کے علاج معالجہ کیلئے خصوصی ہسپتال بنانے کا منصوبہ پائپ لائن میں ہے۔ میاں میرہسپتال لاہورمیں بریسٹ کینرکلینک کے ذریعے آنے والے مریضوں کی تشخیص سمیت تمام سہولیات فراہم کی جاتی ہیں۔ صوبائی وزیر نے کہا کہ اقتدارمیں آتے ہی سرکاری ہسپتالوں میں 50فیصدخالی اسامیوں کا تحفہ دیاگیا۔ہماری حکومت نے سوفیصدمیرٹ پر32ہزار ڈاکٹرز، نرسز، پیرامیڈکس اور فارماسٹس سمیت دیگرعملہ بھرتی کیا۔وزیر اعظم عمران خان اور وزیراعلی پنجاب سردارعثمان پنجاب کے ہرفردکوصحت کی بہترین سہولیات فراہم کرناچاہتے ہیں۔ ڈاکٹریاسمین راشد نے کہا کہ فلاحی ریاست بنانے کیلئے عوام کو صحت اور تعلیم کے شعبہ میں سہولت دینا پڑتی ہے۔پنجاب کے 2کروڑ93لاکھ خاندانوں کو سالانہ80ارب روپے کی لاگت سے دسمبر2021تک صحت سہولت کارڈ فراہم کردئیے جائینگے۔ انہوں نے کہا کہ ہم انفرادی نہیں اجتماعی بھلائی پر یقین رکھتے ہیں۔عوام کی خدمت کی سچی نیت پر اللہ تعالی انسان کی ضرور غیبی امداکرتاہے۔ ملتان میں 40سال بعدنشتر ٹوہسپتال بنے جارہاہے۔

  • پانی کے امراض کا بڑھتا پھیلاؤ:سندھ حکومت غفلت کی نیند میں مبتلا

    پانی کے امراض کا بڑھتا پھیلاؤ:سندھ حکومت غفلت کی نیند میں مبتلا

    پانی کے نام پر سندھ کے باسیوں کو زہر دینابند کیا جائے: پاسبان
    کینجھر جھیل کی آلودگی انسانی جانوں کے لئے شدید خطرہ ہے: عبدالحاکم قائد

    پانی صحت کی علامت اور زندگی کی بقا کا ضامن ہے،حفاظت کی جائے، واٹر ریسورس کنزرویشن کے لئے با اختیار ادارہ بنایا جائے-

    کراچی میں پاسبان ڈیموکریٹک پارٹی کے وائس چیئرمین عبدالحاکم قائد نے کہا ہے کہ پانی کے نام پر سندھ کے باسیوں کو زہر دینا بند کیا جائے۔ کینجھر جھیل میں بڑھتی ہوئی آلودگی انسانی جانوں کے لئے شدید خطرہ ہے۔ نوری آباد اور کوٹری کی فیکٹریوں سے خارج ہونے والے صنعتی فضلہ کی پانی میں آمیزش اسے زہریلا بنا رہی ہے، فوری سد باب کیا جائے۔ چیف منسٹر، گورنر ہاؤس، سندھ اسمبلی اور سیکریٹریٹ میں منرل واٹر پر مکمل پابندی عائد کر کے کھینجر جھیل سے پانی سپلائی کیا جائے تاکہ حکمرانوں کو پینے کے پانی کی آلودگی کے مسئلہ کا احساس ہو سکے۔ پانی کی صفائی کا خیال رکھا جائے، پانی کی صفائی کے نام پر مختص بجٹ کو ہڑپ ہونے سے محفوظ بنایا جائے۔ پاکستان میں واٹر ریسورس کنزرویشن کے لئے با اختیار ادارہ بنایا جائے۔پانی کے ذخائر کو آلودگی سے بچایا جائے۔ترقی یافتہ ممالک کی طرح بارش کے پانی کو محفوظ رکھنے کا طریقہ کار وضع کیا جائے۔ پانی صحت کی علامت اور زندگی کی بقا کا ضامن ہے۔ قیمتی عطیہ خداوندی ہے، اس کی حفاظت کی جائے۔

    پاسبان پریس انفارمیشن سیل سے جاری کردہ بیان میں ملک پانی کی کمی اور آلودگی پر گفتگو کرتے ہوئے عبدالحاکم قائد نے مزید کہا کہ پاکستان ان دس ممالک میں شامل ہے جسے اگلے بیس سال میں پانی کی بد ترین قلت کا سامنا ہوگا۔ پاکستان کی پچاس فیصد آبادی کو پینے کا صاف پانی میسر نہیں ہے۔ ستر فیصد آبادی کو گھر تک پانی نہیں پہنچتا۔ پانی کی قلت اور فراہمی ایک بہت اہم ایشو ہے۔ پاکستان میں اس وقت کم و بیش دو سو پچیس آب گاہیں موجود ہیں جہاں تیزی سے بڑھتی ہوئی آلودگی ایک انتہائی سنگین مسئلہ ہے۔ کراچی، ٹھٹھہ اور نوری آباد کے لاکھوں لوگوں کو پانی کی فراہمی اسی جھیل سے کی جاتی ہے۔ اس جھیل کی مناسب دیکھ بھال نہ ہونے اور اس میں آلودگی شامل ہونے کی وجہ سے اس کا پانی مضر صحت ہوتا جا رہا ہے۔ کینجھر جھیل میں فیکٹریوں کا صنعتی فضلہ پھینکا جاتا ہے اور یہی پانی کراچی اور ٹھٹھہ میں عوام کو سپلائی کیا جاتا ہے جس کی وجہ سے صحت کے سنگین خطرات پیدا ہورہے ہیں جس میں جگر کی خرابی، آنکھوں کی بیماریاں، ہیپا ٹائٹس اور کینسر جیسی خطرناک بیماریاں شامل ہیں۔ سندھ حکومت بے حسی اور لاپرواہی ترک کر کے خواب غفلت سے جاگ جائے۔عوام کی صحت اور جان سے کھیلنا بند کرے۔

    ہر سال لاکھوں، کروڑوں روہے پانی کی صفائی کے نام پر مختص کئے جاتے ہیں اس کے باوجود عوام کو غیر معیاری اور مضر صحت پانی کیوں فراہم کیا رہا ہے؟ کینجھر جھیل کی آلودگی پر عوام میں تشویش کی لہر دوڑ گئی ہے لیکن حکومت کے کانوں پر جوں بھی نہیں رینگتی۔ محض روایتی بیانات سے کام لیا جاتا رہا ہے۔ صحت مند شہری ہی اپنی صلاحیتوں سے ملک کو فائدہ پہنچا سکتا ہے۔ کمزور مومن تو خدا کو بھی پسند نہیں ہے۔اس وقت صوبے میں کتنے واٹر ٹریٹمنٹ پلانٹ اور فلٹریشن پلانٹ کام کر رہے ہیں، کتنے ناکارہ پڑے ہیں اور مزید کتنے واٹر ٹریٹمنٹ پلانٹ اور فلٹریشن پلانٹ کی ضرورت ہے؟ کیا صوبے اور ملک میں کوئی ایسا ادارہ ہے جو اس اہم مسئلہ کا نوٹس لے، رپورٹ بنائے اور صوبائی حکومت کا احتساب کر سکے؟ گر اس اہم مسئلہ کا نوٹس نہیں لیا گیا تو حکمرانوں اور ارکان اسمبلی کو آلودہ پانی کے انجکشن لگانے کی عوامی مہم کا آغاز بھی کیا جا سکتا ہے#