Tag: غزہ

امریکا کی براؤن یونیورسٹی کےطلبہ نے غزہ میں جنگ بندی کے لیے بھوک ہڑتال کردی۔

باغی ٹی وی : غزہ کے لیے بھوک ہڑتال کرنے والے 19 طلبہ میں مسلم اوریہودی طلبہ بھی شامل ہیں، طلبہ کی جانب سے غیر معینہ مدت تک کلاسوں کے بائیکاٹ کا اعلان کیا گیا ہے، طلبہ نے مطالبہ کیا ہےکہ فلسطین میں انسانی حقوق کی خلاف ورزیوں میں ملوث کمپنیوں سے تعلق ختم کیاجائے،اس کے علاوہ طلبہ نے اسرائیلی حمایتی کارپوریشن سے رابطہ منقطع کرنے کابھی مطالبہ کیا ہے۔

دوسری جانب فلسطین کی مزاحمتی تنظیم حماس نے چند روز میں 15 اسرائیلی فوجی مارنے کا دعویٰ کیا ہے حماس کے عسکری ترجمان القسام بریگیڈ کا کہناہےکہ اسرائیل کی 43 فوجی گاڑیاں تباہ کردیں اور 15 اسرائیلی فوجیوں کو مار گرایا،القسام بریگیڈ کا دعویٰ ہے کہ حماس نے اسرائیل کے 4 فوجی ڈرون قبضے میں لے لیے اور تل ابیب پر بھی راکٹ حملے کیے گئے۔

علی ظفر نے پی ایس ایل 9 کے ترانے کا نام بتا دیا

ادھر اسرائیلی طیاروں کی بمباری سے مزید 130 سے زیادہ فلسطینی شہید ہوگئے مزید برآں یمن پر امریکا اور برطانیہ کی جانب سے حملے کیے گئے ہیں، علاوہ ازیں روس کی درخواست پر اقوام متحدہ سلامتی کونسل کا اجلاس آج طلب کرلیا گیا ہے۔

بلوچستان میں لیویز تھانے پر نامعلوم دہشتگردوں کا حملہ

جنوبی وزیرستان میں آزاد امیدوارکو پولیس نے گرفتار کرلیا

غزہ : اسرائیلی بمباری سے 24 گھنٹوں میں مزید 215 فلسطینی شہید ہوگئے،جبکہ اسرائیل نے غزہ اور دیگر فلسطینی علاقوں میں ناجائز یہودی بستیوں کا نیا منصوبہ تیار کرلیا۔

باغی ٹی وی :غیر ملکی خبر رساں اداروں کے مطابق اسرائیل کی غزہ میں واپسی کے عنوان سے ایک کانفرنس کا انعقاد کیا گیا جس میں قومی سلامتی وزیر اور ارکان پارلیمنٹ بھی پیش پیش رہے، کانفرنس میں غزہ میں 6 غیرقانونی بستیوں سمیت 21 تعمیرات کا نقشہ پیش کیا گیا۔

اسرائیل کی غزہ میں واپسی کے عنوان سے ہونے والی کانفرنس پر امریکا اور فرانس کی جانب سے مذمت کا اظہار کیا گیا ہے، ترجمان وائٹ ہاوس جان کربی کا کہنا تھا کہ واضح کرچکے غزہ کی سرزمین میں کوئی کمی نہیں ہوگی۔

مودی سرکار کی قانونی کارروائی کا خوف،بھارتی شہریوں کا آن لائن پول یا سماجی رائے …

دوسری جانب اسرائیلی فوج نے شمالی غزہ میں اقوام متحدہ امدادی ایجنسی کے پناہ گزین اسکول کا محاصرہ کرلیا، گولہ باری اور فائرنگ سے 10 فلسطینی شہید ہوگئے۔

فلسطینی وزارت صحت کا کہنا ہے کہ اسرائیلی حملوں میں 24 گھنٹوں میں مزید 215 فلسطینی شہید ہوگئے7 اکتوبر سے فلسطینی شہدا کی تعداد 26 ہزار 637 ہوگئی جبکہ اسرائیلی حملوں میں اب تک 65 ہزار 387 فلسطینی زخمی ہوئے ہیں،اسرائیل کی جانب سے غزہ میں رہائشی علاقوں پر بھی بمباری کی جارہی ہے جس کی وجہ سے متعدد شہادتوں کا خدشہ ہے اسرائیل کا ال امل اسپتال کا محاصرہ آٹھویں روز بھی جاری ہے، اسپتال کے اطراف اسرائیلی فوج کی فلسطینی مزاحمت کاروں سے شدید لڑائی ہوئی۔

بھارتی وزیر کی تاریخی درگاہ کی جگہ مندر بنانے کی دھمکی

دوسری جانب اسرائیلی فوج نے مغربی کنارے میں بھی فائرنگ کردی، آنسو گیس کی شیلنگ کی وجہ سے مزید5 فلسطینی شہید ہوگئے جبکہ متعدد کو گرفتار کیا گیا، اس کے علاوہ شام میں ایرانی حمایت یافتہ ملیشیا کے ٹھکانے پر اسرئیل نے فضائی حملہ کیا جس کے نتیجے میں 6 افراد جاں بحق ہوگئے جبکہ حزب اللہ نے شمالی اسرائیل میں اسرائیلی فوجی اڈوں کو ٹینک شکن میزائلوں سے نشانہ بنایا۔

اردن میں امریکی فوجی اڈے پر ڈرون حملے، 3 امریکی فوجی ہلاک اور …

عالمی عدالت انصاف نے اسرائیل کیخلاف جنوبی افریقہ کی درخواست پر فیصلہ سنا دیا

عالمی عدالت انصاف نے اسرائیل کی درخواست مسترد کر دی۔ عالمی عدالت انصاف نے فیصلے میں کہا کہ اسرائیل نے غزہ میں بڑے پیمانے پر آپریشن کیا،حماس کے حملے کے بعد اسرائیل نے حملہ کیا جس سے متعدد فلسطینی شہید ہوئے ، یہ علم میں ہے کہ غزہ میں انسانی المیہ جنم لے رہا ہے ، اسرائیلی حملوں میں غزہ میں بڑی تعداد میں انفراسٹرکچر تباہ ہوا،غزہ معاملے پر یو این کے کئی اداروں نے قراردادیں بھی پیش کی ہیں ،جنوبی افریقہ نے الزام لگایا اسرائیل نے جینو سائیڈ کنونشن کی خلاف ورزی کی ، عالمی عدالت یہ معاملہ سننے کا اختیار رکھتی ہے ۔نسل کشی کے خلاف فیصلہ سننا ہمارے دائرہ اختیار میں ہے،عالمی عدالت انصاف کو جنیوا کنونشن کے تحت جینوسائیڈ کیس سننے کا اختیار ہے

عالمی عدالت انصاف نے جنوبی افریقا کی درخواست پر فیصلہ سنایا ،عالمی عدالت انصاف نے اسرائیل کی کیس نہ سننے کی درخواست مسترد کردیعالمی عدالت انصاف نے کہا کہ غزہ تباہی کی داستان بن چکا ہے ، اقوام متحدہ کے مطابق غزہ رہنے کے قابل نہیں رہا ،اسرائیل نے جینوسائیڈ سیکشنز کی خلاف ورزی کے الزامات کی تردید کی ، جنوبی افریقہ نے الزام لگایا اسرائیل نے نسل کشی پر جنیوا کنونشن کی خلاف ورزی کی ، اسرائیل کیخلاف جنوبی افریقہ کےمقدے پر کارروائی چلائی جا سکتی ہے ،عالمی عدالت انصاف کی جج نے اسرائیلی وزیر دفاع کا بیان پڑھ کر سنایا،عالمی عدالت انصاف نے کہا کہ اسرائیلی وزیر دفاع نے کہا کہ وہ غزہ میں حیوانوں سے لڑ رہے ہیں،غزہ میں کسی صورت حماس کو نہیں رہنے دیں گے،عالمی عدالت انصاف نے کہا کہ غزہ میں اسپتالوں پر بھی حملے کئے گئے ہیں ، 100 دن گزرنے کے بعد بھی غزہ میں انسانوں کا قتل عام جاری ہے،غزہ کی 20 لاکھ آبادی نفسیاتی اور جسمانی تکالیف میں مبتلا ہے ، غزہ کے بچے نفسیاتی دباو کا شکار ہیں جو سالوں متاثر رہیں گے ، اقوام متحدہ کے مطابق غزہ رہنے کے قابل نہیں رہا ، اسرائیل کے بیانات واضح ہیں غزہ میں پانی دینگے نہ خوراک ،

عالمی عدالت انصاف میں جنوبی افریقہ نے غزہ میں فلسطینیوں کی نسل کشی کا الزام اسرائیل پر عائد کرتے ہوئے مقدمہ دائر کیا تھا جس کے بعد عالمی عدالت میں کارروائی جاری تھی، 11 اور 12 جنوری کو ہونے والی سماعت میں جنوبی افریقہ اور اسرائیل نے دلائل پیش کیے تھے،جنوبی افریقہ نے سماعت کے دوران اسرائیل کے خلاف عارضی اقدامات کی استدعا کی تھی

واضح رہے کہ واضح رہے کہ گزشتہ برس حماس کے 7 اکتوبر کے حملے کے بعدغزہ میں سویلین آبادی پر اسرائیلی حملوں پر جنوبی افریقا نے الزام لگایا کہ اسرائیل فلسطینیوں کے خلاف نسل کشی کر رہا ہےجنوبی افریقا کی طرف سے جمع کرائےگئے شواہد میں کہا گیا کہ اسرائیلی کارروائی کا مقصد فلسطینی قومی اور نسلی گروہ کے ایک بڑے حصے کو تباہ کرنا ہے اس مقدمے میں اسرائیلی عوامی بیان بازی اور وزیر اعظم نیتن یاہو کے فلسطینیوں کی "نسل کشی کے ارادے” کے بیانات کو بھی ثبوت کے طور پیش کیا گیا ہےبین الاقوامی قانون کے تحت، نسل کشی کی تعریف کسی قومی، نسلی، مذہبی گروہ کو مکمل طور پر یا جزوی طور پر تباہ کرنے کی نیت سے ایک یا زیادہ کارروائیوں کے ارتکاب سے کی جاتی ہے۔

جنوبی افریقا چاہتا ہے کہ عالمی عدالت انصاف اسرائیل کو غزہ میں اپنی فوجی کارروائیوں کو فوری طور پر معطل کرنے کا حکم دے اگرچہ اسرائیل اور جنوبی افریقا سمیت تمام فریقین عالمی عدالت کے فیصلےکو ماننے کے پابند ہیں لیکن عملی طور پر ایسا ممکن نظر نہیں آتا، اس لیے یہ یقینی ہےکہ اسرائیل ہمیشہ کی طرح اس طرح کے کسی بھی حکم کو نظر انداز کرے گا اور اس کی تعمیل نہیں کرے گا، 2022 میں، عالمی عدالت انصاف نے روس کو یوکرین میں فوری طور پر فوجی آپریشن معطل کرنے کا حکم دیا لیکن اس حکم کو نظر انداز کر دیا گیا۔

غزہ: پیر کے روز جنوبی اور وسطی غزہ کی پٹی میں شدید لڑائی کے دوران 24 اسرائیلی فوجی ہلاک ہو گئے۔

باغی ٹی وی : خبر رساں ادارے روئٹرز کے مطابق اسرائیلی فوج نے منگل کے روز کہا ہے کہ یہ حماس کے خلاف جنگ کے ایک دن میں سب سے بڑی اسرائیلی ہلاکتیں ہیں، جب کہ اسرائیل نے 2024 میں اب تک کے سب سے بڑے زمینی حملے کیے ہیں۔

نیویارک ٹائمز کے مطابق ہلاک ہونے والے 24 فوجیوں میں سے 21 اسرائیلی سرحد کے قریب علاقے کے اندر ایک ہی دھماکے میں ہلاک ہوئے ہیں اخبار نے اسرائیلی فوج کے چیف ترجمان ریئر ایڈمرل ڈینیل کے حوالے سے بتایا کہ زیادہ تر فوجی دو منزلہ عمارتوں کے اندر تھے جو بظاہر اسرائیلی فوج کی جانب سے عمارتوں کو برابر کرنے کے لیے رکھے گئے دھماکہ خیز مواد سے بھرے دھماکے میں منہدم ہو گئیں۔

اسرائیلی فوج کے ترجمان کا کہنا ہے کہ 24 اسرائیلی فوجیوں کی ہلاکت سات اکتوبر 2023 کے بعد سے ایک دن میں اسرائیلی فوج کا سب سے بڑا جانی نقصان ہے، اسرائیل غزہ میں حماس کے باقی ماندہ مضبوط ٹھکانوں پر حملے کر رہا ہے اور سرحد کے قریب علاقوں کو خالی کرانے کی کوشش کی جارہی ہے۔

میکسیکو سٹی: اسرائیل کے خلاف جنگی جرائم کی تحقیقات کیلئے میکسیکو اور چلی نے عالمی فوجداری عدالت میں درخواست دائر کر دی۔

باغی ٹی وی: تفصیلات کے مطابق میکسیکو اور چلی کی جانب سے دائر مشترکہ درخواست میں کہا گیا کہ فلسطینیوں کے خلاف اسرائیل کے جنگی جرائم کی تفتیش کی جائےچلی کی وزارت خارجہ کی جانب سے جاری بیان میں کہا گیا ہے کہ جنگی جرائم کا اسرائیل کی جانب سے جنگی جرائم ہوں یا فلسطین کی جانب سے، چلی تفتیش کی حمایت کرتا ہے۔

اس سے قبل جنوبی افریقہ کی جانب سے بھی عالمی فوجداری عدالت میں اسرائیل کے خلاف فلسطینیوں کی نسل کشی سے متعلق درخواست دائر کی گئی تھی،دوسری جانب فلسطین میں جنگی جرائم پر اسرائیلی صدر کے خلاف دورہ سوئٹزرلینڈ کے دوران شکایت درج کی گئی،سوئس پراسیکیوشن نے جمعہ کو کہا کہ غزہ جنگ میں جنگی جرائم پر اسرائیلی صدر اسحاق ہرتصوغ کے خلاف سوئٹزرلینڈ کے دورے کےموقع پر شکایت جمع کروائی گئی ہےفیڈرل پراسیکیوٹر آفس (بی اے) نےتصدیق کی ہےکہ اسے اسرائیلی صدر کے خلاف مجرمانہ شکایت موصول ہوئی ہے جو جمعرات کو ڈیووس میں عالمی اقتصادی فورم کے سالانہ اجلاس میں غزہ جنگ پر بات کرنے کے لیے موجود تھے۔

سینئیر لیگی رہنما کو پارٹی سے نکال دیا گیا،نوٹیفکیشن جاری

بی اے نے ایک بیان میں کہا کہ مجرمانہ شکایات کی جانچ اب معمول کے طریقہ کار کے مطابق کی جائے گی، "متعلقہ شخص کے استثنیٰ کے سوال کا جائزہ لینے کے لیے” وہ وزارتِ خارجہ کے ساتھ رابطے میں تھا تاہم آفس نے یہ نہیں بتایا کہ مخصوص شکایات کیا تھیں یا انہیں کس نے درج کروایا تھا۔

مخالفین خلائی مخلوق سے امید لگائے ہوئے ہیں،بلاول بھٹو

مخالفین خلائی مخلوق سے امید لگائے ہوئے ہیں،بلاول بھٹو

مقبوضہ فلسطین کے محصور علاقے غزہ کیلئے پاکستان سے بھیجی جانے والی امدادی سامان کی چوتھی کھیپ اُردن پہنچ گئی۔

باغی ٹی وی: 20 ٹن امدادی سامان کی چوتھی کھیپ گزشتہ روز پاک فضائیہ کی خصوصی پرواز سے روانہ کی گئی تھی، امدادی سامان میں سرجیکل طبی سامان، خشک کھانے کی اشیا اورحفظان صحت کی کٹس شامل ہیں،اُردن میں پاکستان کے سفیر اور اُردن کے چیف آف ائیرفورس نے امدادی سامان وصول کیا، یہ امدادی سامان وصولی کے بعد تقسیم کے لیے غزہ روانہ کردیا جائے گا۔

دوسری جانب غزہ میں وزارت صحت نے 7 اکتوبر 2023 سے اب تک کے ایک سو دنوں کے دوران فلسطینی شہدا کے اعدادو شمار جاری کر دئیے ہیں، اتوار کے روز جاری کردہ ان اعدادو شمار کے مطابق اب تک مجموعی طور پر تصدیق شدہ اور معلوم شہادتوں کی تعداد 23968 ہے اسرائیل کی پچھلی کسی بھی جنگ میں فلسطینیوں کی جانیں لینے کی تعداد اور بچوں کی تعداد کے حوالے سے بھی بلند تر شرح ہے۔

ایمازون جنگل میں گمشدہ شہر دریافت

غزہ میں شہید ہونے والوں کی اس تعداد کو اگر سو دنوں کے حوالے سے اوسطاً دیکھا جائے تو ہر روز غزہ میں 239 فلسطینیوں کی شہادتیں بنتی ہیں۔ ان میں گھریلو فلسطینی عورتوں اور فلسطینی بچوں کی تعداد کا تناسب سب سے زیادہ ہے۔

این ایچ آئی نے کالی کھانسی کے پھیلاؤ کے خدشات ظاہر کر دیئے

غربت کی ماری عوام ، الیکشن کا ماحول؟ تجزیہ ، شہزاد قریشی

غزہ:اسرائیلی فوج کی غزہ میں ہفتے کے روز بھی بمباری جاری ہے، ہلاکتوں کی تعداد 24 ہزار کے قریب پہنچ گئی ہے،جبکہ فلسطینیوں کے لیے انٹرنیٹ کی سروس ایک بار پھر بند کر کے مواصلاتی لاک ڈاؤن کر دیا گیا ہے۔

باغی ٹی وی: اے ایف پی کے مطابق اسرائیل نے غزہ میں بمباری صبح سویرے کی ،بمباری غزہ کے جنوبی شہر خان یونس اور رفح کی طرف کی گئی ہے، یہ زیادہ پر ہجوم علاقے ہیں،جمعہ کے روز اس بمباری سے پہلے ہی ‘پال ٹیل’ نامی ٹیلی کام کمپنی نے غزہ میں انٹرنیٹ سروسز بن کرنے کا اعلان کر دیا تھا ‘ ایکس ‘ پر اپنی پوسٹ میں ‘ پال ٹیل’ نے لکھا تھا ‘ غزہ میں پھر انٹر نیٹ کا بلیک آؤٹ ہو گیا۔’

فلسطینی ہلال احمر نے اس مواصلاتی بندش کے بعد کہا ہے کہ بمباری کے بعد زخمیوں تک فوری پہنچننا مشکل ہو رہا ہے کہ اطلاعات کا فوری موصول ہونا مشکل ہو گیا ہے فلسطینی وزارت صحت کے مطابق اب تک غزہ میں بچوں اور فلسطینی عورتوں سمیت کل ہلاک شدگان کی تعداد 23708 ہو گئی ہے۔ ان میں سب سے زیادہ تعداد بچوں اور فلسطینی عورتوں کی ہے۔

امریکی انٹیلی جنس کاخان یونس میں سرنگوں میں حماس کی قیادت کی موجودگی کا انکشاف

الجزیرہ نے جمعہ کے روز اپنی ایک رپورٹ میں کہا تھا کہ حقوق کے ادارے نے بتایا کہ غزہ میں ہونے والی قتل و غارت کی حالیہ تاریخ میں مثال نہیں ملتی جہاں اسرائیل نے تین ماہ سے زیادہ عرصے سے سرحد بند رکھی ہوئی ہے، جس کی وجہ سے زندہ بچ جانے والے افراد بھوک، بیماری اور سردی کے ساتھ ساتھ اسرائیلی بمباری کے نشانے پر ہیں۔

آکسفیم نے اپنے بیان میں بتایا کہ اسرائیل فوج روزانہ کی بنیاد پر 250 کی اوسط سے فلسطینیوں کو قتل کر رہی ہے، جو حالیہ برسوں میں پیش آنے والے کسی بھی بڑے تنازع میں ہونے والی اموات سے کہیں زیادہ ہے ادارے نے دیگر تنازعات سے موازنہ کیا ہے کہ 21 ویں صدی میں ہونے والے بڑے تنازعات میں روزانہ کی بنیاد پر سب سے زیادہ شام میں 96.5، سوڈان میں 51.6، عراق میں 50.8، یوکرین میں 43.9، افغانستان میں 23.8 اور یمن میں 15.8 ہلاکتیں ریکارڈ کی گئی تھیں۔

اسرائیل اور حماس کے درمیان قیدیوں کے تبادلے کے معاہدے کی نئی تجویز

بیان میں کہا گیا کہ اسرائیل نے غزہ کو امداد بھیجنے پر پابندیاں عائد کر رکھی ہیں جس کی وجہ سے مسائل مزید گھمبیر ہو رہے ہیں کیونکہ صرف ہفتہ وار صرف 10 فیصد غذائی امداد پہنچائی جارہی ہے، جو بمباری اور کارروائیوں کے دوران بچ جانے والوں کے لیے شدید خطرات کا باعث ہے۔

ادھر امریکی ادارے ہیومن رائٹس واچ نے ورلڈ رپورٹ 2024 جاری کردی ہے، جس میں کہا گیا ہے کہ غزہ میں گزشتہ برس ہونے والی بمباری، کارروائیاں، بدسلوکی اور قتل و غارت کی اسرائیل اور فلسطین کے درمیان تنازع کی تاریخ میں مثال نہیں ملتی۔

غزہ پر اسرائیلی حملوں میں 151 فلسطینی شہید،مکمل کمیونیکیشن بلیک آؤٹ

غزہ پر اسرائیل کے وحشیانہ حملوں میں مزید151 فلسطینی شہید ہوگئے جبکہ بمباری کی وجہ سے انٹرنیٹ اور ٹیلی کام سروسز بھی معطل ہوگئی۔

باغی ٹی وی: عرب میڈیا کے مطابق فلسطینی وزارت صحت نے اپنے بیان میں کہا ہے کہ گزشتہ 24 گھنٹے میں اسرائیلی حملوں میں مزید 151 فلسطینی شہید اور 248 زخمی ہوئے، 7 اکتوبر سےجاری اسرائیلی حملوں میں23ہزار708 فلسطینی شہید اور 60 ہزار سے زائد زخمی ہوئے ہیں، جبکہ غزہ پٹی میں ایک بار پھر مکمل کمیونیکیشن بلیک آؤٹ کر دیا گیا ، اسرائیلی بمباری کی وجہ سے غزہ میں انٹرنیٹ اور ٹیلی کام سروسز معطل ہوگئی۔

عرب میڈیا کے مطابق دیر البلاح میں الاقصیٰ شہدا اسپتال کے ڈائریکٹر نے خبردار کیا ہے کہ ایندھن کی کمی کی وجہ سے اسپتال جلد بند ہو جائے گا،جنریٹر مکمل طور پر بند ہونے کی صورت میں بچوں اور مریضوں کو موت کا خطرہ ہے۔

دوسری جانب گزشتہ24گھنٹوں میں غزہ پٹی میں 15 اسرائیلی اہلکار زخمی ہوئے،7 اکتوبر سےاب تک 580 فوجی ہلاک اور 2 ہزار 511 زخمی ہوئے جبکہ جنوبی افریقا نے اسرائیل پر غزہ میں فلسطینیوں کی نسل کشی کا الزام عائد کرکے عالمی عدالت انصاف (آئی سی جے) میں کیس دائر کیا ہوا ہے۔

دی ہیگ: جنوبی افریقا نے اسرائیل پر غزہ میں فلسطینیوں کی نسل کشی کا الزام عائد کرکے عالمی عدالت انصاف (آئی سی جے) میں کیس دائر کیا ہے، دلائل میں کہا کہ اسرائیل غزہ میں فلسطینیوں کی منظم طریقے سے نسل کشی کر رہا ہے۔

باغی ٹی وی : نیدر لینڈز کے شہر دی ہیگ میں واقع عالمی عدالت انصاف میں اسرائیل کے خلاف فلسطینیوں کی نسل کشی کے مقدمےکی سماعت ہوئی دوران سماعت جنوبی افریقا کی جانب دلائل میں کہا گیا کہ غزہ میں 3 مہینے میں 23 ہزار فلسطینی شہری قتل کیےگئے ہیں جس میں 70 فیصد بچے اور خواتین ہیں، نو زائیدہ بچوں کو بھی نہیں چھوڑا گیا،اسرائیل اقوام متحدہ کے نسل کشی کنونشن کی خلاف ورزی کا مرتکب ہے، جن علاقوں کو اسرائیل نے خود محفوظ قرار دیا وہاں بم مارے گئے، اسپتالوں پر بمباری کی گئی۔

دلائل میں کہا گیا کہ اسرائیل نے غزہ میں امداد روک کر قحط کی صورتجال پیدا کردی ہے، 93 فیصد آبادی کو بھوک کا سامنا ہے، اب اسرائیل کی فضائی بمباری سے بھی زیادہ غزہ میں فلسطینیوں کے بھوک سے مرنےکا خدشہ ہے جنوبی افریقا نے عالمی عدالت انصاف سے اسرائیلی حملے فوری رُکوانے کی اپیل کی ہے غزہ کو تباہ کرنےکا منصوبہ اسرائیل کے اعلیٰ حکام کی جانب سے بنایا گیا ہے۔

دوسری جانب اسرائیل نے الزامات کی تردید کرتے ہوئے انہیں بے بنیاد قرار دیا ہے، اسرائیل کی جانب سے دلائل جمعےکو پیش کیے جائیں گے۔

کیس کے حوالے سے یو این جنیوا مرکز نےکہا ہےکہ انسانی حقوق کے ماہرین اسرائیل کے خلاف کیس کی سماعت کا خیرمقدم کرتے ہیں، جنوبی افریقا نے غزہ میں اسرائیل کی نسل کشی کے الزامات پرکیس دائر کیا ہے عالمی عدالت انصاف کا فیصلہ حتمی ہوتا ہے جس پر نظر ثانی اپیل ممکن نہیں، تمام ریاستوں سے درخواست ہےکہ عالمی عدالت انصاف سے تعاون کریں۔

واضح رہے کہ گزشتہ برس حماس کے 7 اکتوبر کے حملے کے بعدغزہ میں سویلین آبادی پر اسرائیلی حملوں پر جنوبی افریقا نے الزام لگایا کہ اسرائیل فلسطینیوں کے خلاف نسل کشی کر رہا ہےجنوبی افریقا کی طرف سے جمع کرائےگئے شواہد میں کہا گیا کہ اسرائیلی کارروائی کا مقصد فلسطینی قومی اور نسلی گروہ کے ایک بڑے حصے کو تباہ کرنا ہے اس مقدمے میں اسرائیلی عوامی بیان بازی اور وزیر اعظم نیتن یاہو کے فلسطینیوں کی "نسل کشی کے ارادے” کے بیانات کو بھی ثبوت کے طور پیش کیا گیا ہےبین الاقوامی قانون کے تحت، نسل کشی کی تعریف کسی قومی، نسلی، مذہبی گروہ کو مکمل طور پر یا جزوی طور پر تباہ کرنے کی نیت سے ایک یا زیادہ کارروائیوں کے ارتکاب سے کی جاتی ہے۔

جنوبی افریقا چاہتا ہے کہ عالمی عدالت انصاف اسرائیل کو غزہ میں اپنی فوجی کارروائیوں کو فوری طور پر معطل کرنے کا حکم دے اگرچہ اسرائیل اور جنوبی افریقا سمیت تمام فریقین عالمی عدالت کے فیصلےکو ماننے کے پابند ہیں لیکن عملی طور پر ایسا ممکن نظر نہیں آتا، اس لیے یہ یقینی ہےکہ اسرائیل ہمیشہ کی طرح اس طرح کے کسی بھی حکم کو نظر انداز کرے گا اور اس کی تعمیل نہیں کرے گا، 2022 میں، عالمی عدالت انصاف نے روس کو یوکرین میں فوری طور پر فوجی آپریشن معطل کرنے کا حکم دیا لیکن اس حکم کو نظر انداز کر دیا گیا۔