لاہور کے علاقے ڈیفنس میں شادی سے انکار پر نوجوان نے 24 سالہ ماڈل گرل کو قتل کر دیا، قتل کی واردات لاہور کے علاقے ڈیفنس سی کی حدود میں رونما ہوئی-

باغی ٹی وی : پولیس کے مطابق کمالیہ کی 24 سالہ سمیعہ نواز لاہور کے علاقے باغبان پورہ میں مقیم تھی، مقتولہ شادی شدہ اور تین سالہ بیٹی کی ماں تھی اور شوہر سے علیحدگی کے بعد نوجوان سلیمان سے مل کر ماڈلنگ کرتی تھی۔

پولیس کا کہنا ہے کہ سلیمان ماڈل گرل سے شادی کرنا چاہتا تھا لیکن سمیعہ نے انکار کر دیا جس پر سلیمان نے اسے فوٹو شوٹ کے بہانے ڈیفنس میں بلایا اور گاڑی میں ہی گولی مار دی سر میں گولی لگنے سے ماڈل سمیعہ موقع پر ہی جاں بحق ہوگئی جب کہ ملزم کو پولیس نے گرفتار کرلیا۔

پولیس نے لاش پوسٹ مارٹم کے لیے بھجوا کر ملزم کو حراست میں لے لیا ہے ملزم کے قبضے سے 30 بور پستول برآمد کی گئی ہے اور واقعے کی مزید تفتیش بھی شروع کر دی ہے۔

داؤد ابراہیم کے دو قریبی ساتھیوں کی گرفتاری کا کیا گیا دعویٰ

دوسری جانب گوجرہ میں نامعلوم ملزمان نے گورنمنٹ کالج فار بوائز کی خاتون لیکچرار کو اغوا کرلیا چار کار سوار رکشہ میں سفر کرنے والی خاتون کو زبردستی اٹھا کر لے گئے۔

پولیس کا کہنا ہےکہ حادثےکےوقت گورنمنٹ پوسٹ گریجویٹ کالج فار بوائز گوجرہ کی خاتون لیکچرارفروا وسیم چھٹی کے بعد موٹر سائیکل رکشہ میں کالج سے اپنےگاؤں 351 ج ب واپس جارہی تھی خاتون لیکچرار کو رکشہ سے چار کار سواروں نے مبینہ طور پر اغواء کیا، جس کے اغوا کا مقدمہ تین نامزد اور ایک نامعلوم ملزم کے خلاف درج کرلیا گیا۔

گھریلو ملازم "مالکن” کو لے کر بھاگ گیا، مالک تھانے پہنچ گیا

لاہور: فسٹ ایٸر کی طالبہ کالج جاتے ہوٸے اغوا،اطلاعات کے مطابق لاہور کے علاقہ مزنگ کے علاقے سے فسٹ ایٸر کی طالبہ کالج جاتے ہوٸے اغوا ٕکرلی گئی ہے، بچی کے والد نے بیٹی کے اغوا کی تصدیق کردی ہے

ادھراس حوالے سے ذرائع کا کہنا ہےبچی کے والد کہتے ہیں‌ کہ مزنگ علاقے شاداب کالونی کے رہاٸشی میری بیٹی 9مٸی کو گھر سے کالج گٸی نامعلوم ملزمان نے راستے سے اغوا ٕ کرلیا

بچی کے والد کا کہنا تھا کہ چند دن پہلے بیٹی کے موباٸل فون نمبر پر نامعلوم شخص نے کال کرکے دوستی کرنے کا کہا انکار پر اغوا ٕ کی دھمکی دی ، بچی کے والد محمد شفیق کا کہنا ہے کہ میری بیٹی کو نامعلوم فون کرنے والے نے اغوا ٕ کیا

ادھر اس حوالے سے یہ بھی معلوم ہوا ہے کہ بچی کے والدنے اپنی بیٹی کے اغوا کا مقدمہ تھانہ مزنگ میں دو روز قبل مغویہ کی والد نے اندراج مقدمہ کے لیے درخواست دی مگر مقدمہ درج نہ ہوسکا۔

ادھر بچی کے والد محمد شفیق کا کہنا ہے کہ میری بیٹی کی جان کو اغوا ٕ کاروں سے حطرہ ہے۔اعلیٰ پولیس حکام میری بیٹی کواغوا کاروں کے نرغے سے نکالنے اور اس کو محفوظ واپس والدین تک پہنچانے کے لیے اقدامات کریں

کراچی :دعا زہرہ کیس:اہم پیش رفت: پولیس نے مبینہ نکاح خواں کو حراست میں لے لیا ،اطلاعات کے مطابق کراچی کے علاقے الفلاح سے لاپتا ہونے والی دعا زہرہ کیس میں اہم پیش رفت ہونے کی اطلاعات تھیں مگراس میں ایک موقع پر پھر ڈرامائی موڑ آگیا

ذرائع کے مطابق لاہور کے علاقے مزنگ سے پولیس نے مبینہ نکاح خواں حافظ غلام مصطفیٰ کو حراست میں لے لیا، نکاح نامے کے مطابق دعا زہرہ، ظہیر احمد کا نکاح غلام مصطفیٰ نے پڑھایا تھا۔

پولیس کا کہنا تھا کہ غلام مصطفیٰ سے نکاح نامے کے حوالے سے تحقیقات کررہے ہیں، نکاح خواں سے تحقیقات مکمل ہونے پر اصل حقائق سامنے لائیں گے۔ لیکن بعد میں معلوم ہوا کہ نکاح جعلی ہے

واضح رہے کہ اس سے قبل تفتیشی حکام کا کہنا تھا کہ دعا زہرہ کے پولیس کو ملنے کی خبروں میں کوئی صداقت نہیں ہے۔

یاد رہے کہ دعا زہرہ کا مبینہ نکاح شیراکوٹ کے علاقے میں ہوا، نکاح مزنگ کےرہائشی حافظ غلام مصطفی نےکرایا۔ پولیس کونکاح نامہ کراچی پولیس سےموصول ہوا تھا۔

اس سے قبل دعازہرہ کے والد کا کہنا تھا کہ مجھے ایڈیشنل آئی جی کراچی کی کال آئی ہے لاہور پولیس بھی نہیں کہہ رہی کہ بچی انکے پاس ہے۔

ان کا کہنا تھا کہ نکاح نامے میں جعلی معلومات درج ہیں سی سی ٹی وی بھی جعلی آئی تھی ، تمام خبریں بھی جعلی ہیں، سندھ اور پنجاب پولیس رابطے میں ہے مگر کلیم نہیں کر رہے۔

خیال رہے کہ 10 روز قبل کراچی کے علاقے گولڈن ٹاؤن سے 14 سالہ لڑکی دعا زہرہ لاپتہ ہوئی تھی جس کے بعد پولیس نے اس کی تلاش کے لیے مختلف مقامات پر چھاپے بھی مارے تھے تاہم پولیس اب تک دعا زہرہ کو تلاش کرنے میں ناکام رہی ہے۔