Tag: لاہور

لاہور:پیکا آرڈیننس غیرآئینی نہیں:لاہورہائی کورٹ کا تاریخی فیصلہ،اطلاعات کے مطابق لاہور ہائی کورٹ کے جسٹس طارق سلیم شیخ نے ایک اہم کیس کی سماعت کرتے ہوئے کہا ہے کہ پیکاایکٹ کاسیکشن20آئینی ہے،

جسٹس طارق سلیم شیخ نے یہ فیصلہ معروف کیس جس میں میشا شفیع اور علی ظفر فریق تھے کی سماعت کے دوران یہ اہم ریمارکس دیئے ہیں ، ان کا یہ بھی کہنا تھا کہ آئین کاآرٹیکل19جہاں آزادی اظہار کاحق دیتاہےوہیں کچھ پابندیاں بھی عائدکرتا ہےسیکشن20ایسےشحض کےخلاف کارروائی کااختیار دیتاہےجوکسی فرد کی عزت مجروح کرے پیکاایکٹ کاسیکشن20غیرآئینی نہیں

جسٹس طارق سلیم شیخ نے تاریخی فیصلہ صادر کرتے ہوئے کہا ہے کہ پیکا ایکٹ کا سیکشن20غیر آئینی نہیں ہتک عزت دعوی ٰ،فوجداری کارروائی ساتھ چل سکتے،میشا شفیع کے خلاف ایف آئی اے کا مقدمہ ختم کرنے کی درخواست جرمانہ کے ساتھ مسترد کی جاتی ہے

یاد رہے کہ لاہور ہائیکورٹ نے 30 صفحات پر یہ تاریخی فیصلہ معروف کیس میں دیا ہے جس میں گلوکار علی ظفر اور گلوکارہ میشا شفیع فریق تھے

[wp-embedder-pack width=”100%” height=”400px” download=”all” download-text=”” attachment_id=”471693″ /]

لاہور ہائی کورٹ کے جسٹس طارق سلیم شیخ نے عدالت نے گلوکار اور اداکار علی ظفر کا ایف آئی اے میں درج کرایا گیا مقدمہ خارج کرنے کے لیے میشاء شفیع کی درخواست پر محفوظ کیا گیا فیصلہ سنایا، خیال رہےعدالت عالیہ نے میشاء شفیع پر جرمانہ عائد کرتے ہوئے درخواست خارج کردی۔

میشا شفیع نے علی ظفر پر انہیں جنسی ہراسانی کا نشانہ بنانے کا الزام لگا رکھا ہے، اس حوالے سے دونوں کے درمیان عدالتی جنگ جاری ہے۔علی ظفر نے میشاء شفیع سمیت دیگر افراد کے خلاف ایف آئی اے میں مقدمہ درج کررکھا ہے۔میشا شفیع کی جانب سے لاہور ہائی کورٹ میں یہ مقدمہ خارج کرنے کی درخواست دائر کی گئی تھی۔

گلوکارہ کی جانب سے دائر درخواست میں وفاقی حکومت، ایف آئی اے اور علی ظفر کو فریق بنایا گیا تھا۔درخواست میں موقف اختیار کیا گیا تھا کہ دونوں فریقین کا سول کورٹ میں ہتک عزت کا کیس چل رہا ہے، دیوانی مقدمہ زیر سماعت ہونےکے دوران فوجداری مقدمہ درج نہیں کرایا جاسکتا، اس لئے عدالت ایف آئی اے کو میشاء شفیع سمیت دیگر ملزمان کے خلاف درج مقدمہ خارج کرنے کا حکم دے۔

لاہور ہائیکورٹ میں میشا شفیع کی ایف آئی اے کی جانب سے درج مقدمہ خارج کرنے کی درخواست پر سماعت ہوئی۔ عدالت نے محفوظ فیصلہ سناتے ہوئے گلوکارہ میشا شفیع سمیت دیگر کی ایف آئی اے کا مقدمہ خارج کرنے کی درخواستیں جرمانے کے ساتھ خارج کردیں۔

علی ظفر نے عدالتی فیصلہ سامنے آنے کے بعد ٹوئٹر پر ردعمل دیتے ہوئے طنزیہ انداز میں سوال کیا ہے ’’محترمہ (میشا شفیع) سے بڑی عزت سے صرف ایک سوال پوچھئے گا کہ وہ کیا حقیقت ہے جس کے نمایاں ہوجانے کے ڈر سے وہ عدالت سے اتنے سال کہتی رہیں کہ کووڈ میں کینیڈا سے عدالت نہیں آسکتیں مگر پھر کوک اسٹوڈیو کے لیے فوراً آپہنچیں اور پھر عدالت کو بتائے بغیر اپنی جرح بیچ میں چھوڑ کر واپس چلی گئیں؟‘‘

علی ظفر نے ایک اور ٹوئٹ میں میشا شفیع سے سوال پوچھا ’’اور پھر نہایت احترام سے پوچھیے گا کہ کیا وہ میرے ہرجانے کے کیس میں جہاں ان کو ان کا موقف بیان کرنے کا پورا موقع دیا جار ہاہے، اپنی جرح مکمل کروانے کے لیے اس ہفتے کی 12 تاریخ کو عدالت آئیں گی؟ یا پھر سے نہیں آئیں گی؟‘‘۔

واضح رہے کہ میشا شفیع سمیت دیگر نے اپنے خلاف درج ایف آئی اے کے مقدمے کو لاہور ہائیکورٹ میں چیلنج کیا تھا۔ میشا شفیع نے لاہور ہائیکورٹ میں دائر درخواست میں موقف اختیار کیا تھا کہ ایف آئی اے نے علی ظفر کی درخواست پر حقائق کے برعکس مقدمہ درج کیا جبکہ ایف آئی اے نے ملزمان کا موقف لیے بغیر مقدمہ درج کیا۔ درخواست میں استدعا کی گئی تھی کہ عدالت ایف آئی اے کی جانب سے درج مقدمہ خارج کرنے کا حکم دے۔

لاہور:آصف زرداری نوازشریف سے ذرا بچ اورذرا ہٹ کررہیں:کہیں استعمال نہ ہوجائیں:اہم شخصیت کی نصیحت ،اطلاعات کے مطابق آصف زرداری صاحب کو احتیاط برتنی چاہیے، اب بھی نواز شریف سے محتاط رہنے کی ضرورت ہے،ملک کی بڑی سیاسی شخصیت نے آصف زرداری کو نواز شریف سے محتاط رہنے کا مشورہ دے دیا۔

تفصیلات کے مطابق پاکستان پیپلز پارٹی کے سینئر رہنما اعتزاز احسن نے آصف علی زرداری کو نواز شریف سے محتاط رہنے کا مشورہ دے دیا۔لاہور میں میڈیا سے گفتگو کرتے ہوئے اعتزاز احسن نے پی پی شریک چیئرمین کو مشورہ دیتے ہوئے کہا کہ آصف زرداری صاحب کو احتیاط برتنی چاہیے، اب بھی نواز شریف سے محتاط رہنے کی ضرورت ہے۔

صحافی کے اعتزاز احسن سے سوال پر کہ وزیر اعظم گھر جا رہے ہیں؟ انھوں نے کہا لوگوں کو رویہ دیکھ کر اندازہ ہو جائے گا کہ عمران خان گھر جا رہے ہیں یا نہیں، ملک اور اداروں کے لیے وزیر اعظم ناگزیر ہوتا ہے، اگر عمران خان وزیر اعظم نہیں ہوں گے تو کوئی اور وزیر اعظم ہوگا، اگلی حکومت کسی اور کی نہیں بلکہ عوام کی حکومت ہوگی۔

واضح رہے کہ وزیر اعظم عمران خان کے سابق ترجمان ندیم افضل چن نے دوبارہ پیپلز پارٹی میں شمولیت اختیار کر لی ہے، انھوں نے شمولیت کا اعلان بلاول بھٹو کی رہائش گاہ پر ان سے ملاقات کے بعد کیا، میڈیا سے گفتگو کے موقع پر خورشید شاہ، شیری رحمان، قمر زمان کائرہ، بیرسٹر اعتزاز احسن سمیت کئی اہم رہنما موجود تھے۔اس موقع پر بلاول بھٹو زرداری نے ندیم افضل چن کو مخاطب کرتے ہوئے کہا کہ پیپلزپارٹی آپ کا گھر ہے واپس آنے پر خوش آمدید کہتا ہوں، اب اسلام آباد پہنچنے سے پہلے سلیکٹڈ اپنے گھر کی راہ لے گا کیونکہ پیپلزپارٹی عوامی طاقت پر یقین رکھتی ہے اب عوام ہی فیصلے کریں گے۔

لیکن دوسری طرف پاکستان تحریک انصاف سے راہیں جدا کر کے واپس پیپلز پارٹی میں شامل ہونے والے ندیم افضل چن کے بھائی اور تحریک انصاف کے رکن اسمبلی وسیم چن نے بڑے بھائی کے پیپلز پارٹی میں شامل ہونے پر اپنے ردعمل کا اظہار کیا ہے۔

ندیم افضل چن نے لاہور میں چیئرمین پیپلز پارٹی بلاول بھٹو زرداری سے ملاقات کر کے دوبارہ پیپلز پارٹی میں شامل ہونے کا اعلان کیا۔اس موقع پر ندیم افضل چن کا کہنا تھا کہ کچھ مجبوریوں کی وجہ سے تحریک انصاف میں شامل ہونے کا غلط فیصلہ کیا لیکن اپنے گھر میں واپس آنے پر خوش ہوں۔

ندیم افضل چن کے تحریک انصاف سے پیپلز پارٹی میں شمولیت کے فیصلے پر ان کے چھوٹے بھائی اور پی ٹی آئی رکن اسمبلی وسیم چن نے اپنے ردعمل کا اظہار کیا ہے۔

ندیم افضل چن کے پیپلز پارٹی میں جانے کے بعد انکے چھوٹے بھائی وسیم چن کاموقف جو پیپلز پارٹی کے 2008 تا 13 دور حکومت میں ملکوال سے ایم پی اے رہ چکے ہیں…..@SHABAZGIL @fawadchaudhry @UsmanAKBuzdar pic.twitter.com/25vGXpTlO3

— Sikandar Gondal (@sikandarhayat3) March 6, 2022

وسیم چن کی جانب سے جاری ویڈیو پیغام میں کہا گیا ہے کہ ندیم افضل چن کا پارٹی چھوڑنے کا فیصلہ ان کا ذاتی فیصلہ ہے، اس فیصلے میں والد صاحب یا ہم بھائیوں کی تائید حاصل نہیں ہے۔

ان کا مزید کہنا تھا کہ افضل چن نے بہتر سمجھا کہ وہ پیپلز پارٹی کے ساتھ بہتر چل سکتے ہیں، انہوں نے اپنی سیاسی راہیں ہم سے جدا کر لیں، ہم اس فیصلے میں ان کے بالکل بھی ساتھ نہیں ہیں۔

وسیم چن کا کہنا تھا کہ ہمارے پاس تحریک انصاف کا مینڈیٹ ہے اور ہم اپنے مینڈیٹ کی پاسداری کریں گے، ہم تحریک انصاف کے ساتھ ہیں اور ہمیں عمران خان پر مکمل اعتماد ہے۔ان کا یہ بھی کہنا تھا کہ کسی کے ذاتی اختلافات اپنی جگہ مگرعمران خان عالم اسلام کا ایک مقبول لیڈر ہے

گورنر پنجاب نے صوبائی خاتون محتسب نبیلہ حاکم علی خان کی زیر نگرانی لاہور میں ہونیوالی ”ویمن کانفر نس فار پیس 2022“سے خطاب کرتے ہوئےکہا کہ خواتین کو بااختیار بنانے اور صنفی مساوات کے حوالے سے پاکستان کی سمت، عزم اور اقدامات بڑے واضح ہیں-

باغی ٹی وی : اس موقع پر لاہور میں امر یکی قونصل جنرل ولیم کے‘سماجی کارکن فرزانہ باری‘صوبائی خاتون محتسب نبیلہ حاکم علی خان‘ڈاکٹر صبور احمد سمیت دیگر بھی موجود تھے –

پی ٹی آئی میں ورکر کی تذلیل کی جاتی ہے۔لیلی پروین نے پی ٹی آئی کو خیرباد کہہ دیا

”ویمن کانفر نس فار پیس 2022“سے خطاب کرتے ہوئے گورنر پنجاب چوہدری محمد سرور نے کہا کہ ہم پورے عزم کے ساتھ خواتین کے حقوق کی فراہمی کے لئے سرگرم عمل ہیں اور انشا اللہ ہم اس مشن میں کامیاب بھی ہوں گے‘قیام پاکستان میں فاطمہ جناح سمیت دیگر خواتین فر نٹ لائن پر کام کرتی رہی ہیں جن پر ہمیں فخر ہے‘ملک میں دہشت گردی کے خاتمے اور امن کے قیام میں خواتین کے کردار کو کسی صورت نظر انداز نہیں کیا جاسکتا ملک میں آئین وقانون کی حکمرانی حکومت کی اولین تر جیح ہے اس پر کوئی سمجھوتہ نہیں کریں گے۔

گورنر پنجاب چوہدری محمد سرورنےکہا کہ کسی بھی ملک کی ترقی کے لئے وہاں خواتین کی ترقی اور ان کا تحفظ لازم ہوتا ہے ہمیں درپیش سماجی ومعاشی مشکلات کے باوجود پاکستان میں قیادت کے کلیدی مناسب پر خواتین کی تعداد میں بتدریج اضافہ ہوا ہے ہمارے ملک میں ایک خاتون وزیراعظم رہیں،کم عمر ترین نوبل پرائز جیتنے والی خاتون کا تعلق بھی پاکستان سے ہے وزیر اعظم عمران خان کی قیادت میں موجودہ حکومت خواتین کو مضبوط بنانے اور ان کو زیادہ سے زیادہ روزگار کی فراہمی پر کام کر رہی ہے ہم خواتین کسی صورت تنہا نہیں چھوڑ یں گے۔

چوہدری محمد سرور نے کہا کہ گورنر سٹیٹ بنک اور قومی اسمبلی کی سپیکر کے علاوہ ایک بڑی تعداد میں خواتین وزرا، سفارت کار، ججز، اعلیٰ سطح کی سول سرونٹس اور ڈپلومیٹس ہیں ہماری خواتین لڑاکا طیارے اڑاتی ہیں، اقوام متحدہ کے امن دستوں میں خدمات انجام دیتی ہیں جبکہ ایک خاتون آرمی میں تھری سٹار جنرل بھی بنی ہیں خواتین کو بااختیار بنانے اور صنفی مساوات کی منزل ابھی دور ہے ہمیں اس راہ میں آنے والی مشکلات کا پورا ادراک ہے لیکن ہم اپنے آہنی عزم سے اس ضمن میں اب تک حاصل ہونے والی کامیابیوں سے آگے بڑھتے ہوئے اپنے اہداف حاصل کرکے رہیں گے۔

گور نر پنجاب نے کہا کہ موجودہ حکومت احساس پروگرام سمیت ہر منصوبے میں خواتین کو انکا حق دے رہی ہے پاکستانی خواتین میں ٹیلنٹ کی کمی نہیں الحمد للہ آج پاکستانی خواتین تعلیم،صحت،سپورٹس اور بزنس سمیت ہر شعبے میں کامیابی سے آگے بڑ ھ رہی ہے اور دنیا میں پاکستان کا نام روشن کر رہی ہے خواتین کے ساتھ ہونیوالے مظالم اور ناانصافی کو کسی صورت برداشت نہیں کیا جاسکتا۔

اسحاق ڈار کی ویڈیو لنک کے ذریعے حلف لینے کے درخواست سماعت کے لیے مقرر

صوبائی خاتون محتسب نبیلہ حاکم علی خان نے کہا کہ موجودہ حکومت نے خواتین کے تحفظ عملی اقدامات کیے ہیں اور اب خواتین کو جائیداد میں بھی حصہ مل رہا ہے جہاں خواتین کو ہر اساں کرنے سمیت کوئی بھی واقعہ ہمارے نوٹس میں آتا ہے تو ہم سخت ایکشن لیتے ہیں خواتین کے ساتھ ظلم اور ناانصافی کر نیوالے کسی صورت سزاؤں سے اب بچ نہیں سکیں ہم نے خواتین کو مضبوط بنانا ہے کیونکہ پاکستان کی مضبوطی کے لیے خواتین کا مضبوط ہونا بھی ضروری ہے۔

لاہور میں امر یکی قونصل جنرل ولیم کے نے کہا کہ مجھے خوشی ہے کہ پاکستان میں حکومت کے ساتھ ساتھ دیگر ادارے اور این جی اوز بھی خواتین کے تحفظ کیلئے بھر پور کام کر رہی ہیں جہاں بھی خواتین کے تحفظ کے لیے کام ہوگا ہم انکو مکمل سپورٹ کرتے ہیں اور کسی بھی معاشرے میں امن اور مضبوطی کے لئے خواتین کو انکے حقوق کی فراہمی لازم ہے۔

گورنر خیبر پختونخوا، وزیر اعلیٰ اور کور کمانڈر پشاور کی کوہاٹی گیٹ امام بارگاہ آمد