Tag: لاہور

سابق وزیراعظم نواز شریف نے مینار پاکستان جلسہ سے خطاب کرتے ہوئے کہا ہے کہ کہاں سے چھیڑوں فسانہ،کہاں تمام کروں، وہ میری طرف دیکھیں تو میں سلام کروں،آج کئی سالوں بعد آپ سے ملاقات ہو رہی مگر پیار میں کمی نہیں آئی، آج جو خلوص آنکھوں میں دیکھ رہا، یہ ناز ہے، ہمارا رشتہ کئی دہائیوں سے چل رہا ہےنہ آپ نے دھوکہ دیا، نہ نواز شریف نے کبھی دھوکہ دیا، جب بھی موقع ملا بڑے خلوص کے ساتھ خدمت کی،دن رات ایک کر کے عوام کے مسائل حل کئے ، جب بھی موقع ملا کسی قربانی سے دریغ نہیں کیا، جیلوں میں مجھے ڈالا گیا، ملک بدر مجھے کیا گیا،جعلی کیسز مجھ پر ،شہباز شریف، مریم پر بنائے گئے،لیکن کسی نے ن لیگ کو نہیں چھوڑا، کون ہے جو نواز شریف کو پیاروں سے دور کر دیتا ہے، ہم نے پاکستان کو ایٹمی طاقت بنایا، ہم نےلوڈشیڈنگ ختم کی، نواز شریف نے بجلی بنائی اور سستے داموں بیچی، ہم نے بجلی مہنگی نہیں کی، میں بل ساتھ لے کر آیا ہوں،نوا زشریف نے کارکنان سے مخاطب ہو کر کہا آئی لو یو ٹو، جتنی محبت آپ کرتے ہیں میں بھی آپ سے کرتا ہوں، آج آپکی محبت دیکھ کر سارے دکھ درد بھول گیا، یاد بھی نہیں کرنا چاہتا لیکن کچھ دکھ درد ایسے ہوتے ہیں جو بھلائے نہیں جا سکتے، انسان انکو کچھ دیر کے لئے فراموش کر سکتا ہے، کچھ زخم ایسے ہوتے ہیں جو کبھی نہیں بھرتے، آپ جانتے ہیں،کاروبار چلا جائے پھر آ جاتا ہے لیکن پیارے جدا ہو جائیں تو کبھی واپس نہیں ملتے، آج میں سوچ رہا تھا کہ جب بھی میں کبھی وہاں پہنچتاتھا میری والدہ ،میری بیوی میرے استقبال کے لئے کھڑی ہوتی تھیں، آج میں جاؤں گا تو وہ دونوں نہیں ہیں، وہ میری سیاست کی نذر ہو گئیں، یہ بہت بڑا زخم ہے جو نہیں بھرے گا، میرے والد ،والدہ فوت ہوئے تو قبر میں نہ اتار سکا، میری بیوی فوت ہوئی تو قید خانے میں اطلا ع ملی، جیل خانے کے حکام سے پوچھو کہ میں اسکی منتیں سماجتیں کر رہا،میری بات کروا دو، میرے بیٹے سے بات کروا دو، میں پوچھنا چاہتا ہوں کلثوم کس حال میں ہے ، میری بات نہیں کروائی گئی، میں نے کہا میز پر دو دو فون ہیں، دو موبائل، دو لینڈ لائن، ایک کال ملا کر بات کروا دو تو جیل حکام کہنے لگے کہ اجازت نہیں، میں نے کہا کہ کس سے اجازت لینی ہے، تو اس نے کہا کہ میں نہیں کروا سکتا، میں سیل میں چلاگیا، جس میں چارپائی مشکل سے آتی تھی، یہ بات کروانا بھی مشکل کام تھا اسکے لئے، ڈھائی گھنٹوں کے بعد اسکا نمبر ٹو بندہ میرے پاس آتا ہے اور کہتا ہے آپکی بیوی کلثوم اللہ کو پیاری ہو گئی،ہم اب مریم کو اطلاع کرنے جا رہے جس پر میں نے کہا کہ اس کے پاس نہ جانا، میں نے کہا کہ اسکو میرے پاس لاؤ، یا میں جاؤں گا،ہماری ملاقات ایک ہفتے میں ایک گھنٹے کے لئے ہوتی تھی،پاس پاس ہو کر ہم ایک ہفتہ نہیں ملتے تھے،میں نے مریم کو بتایا تو وہ بیہوش گئی،اور گلے لگ کر رونے لگ گئی، کیا گزری ہو گی ان پر ، کیا سوچا ہو گا،یہ ہمارا ملک ہے، میں بھی اسی وطن کی مٹی سے پیدا ہوا، میں بھی سچا پاکستانی ہوں، پاکستان کی محبت میرے سینے میں ہے،چیئرمین پی ٹی آئی کا نام نہیں لیتا چاہتا، اینٹ کا جواب پتھر سے دینے والا نہیں

میرے زمانے میں روٹی 4 روہے کی تھی آج کتنے کی ہے ، نواز شریف کا پنڈال سے سوال
نواز شریف کا کہنا تھا کہ مجھے ایٹمی دھماکوں کے وقت پانچ ارب کی پیشکش کی گئی، آج ہم ایک ارب ڈالر کی بھیک مانگ رہے ہیں اسوقت مجھے بھی کچھ مل جاتے لیکن میں اس مٹی کی بات کر رہا، اس مٹی نے اجازت نہیں دی کہ پاکستان کے مفاد کے خلاف جاؤں، دنیا کا طاقتور ترین صدر کہہ رہا ہے کہ دھماکے نہ کرنے، ہم نے کئے اور انڈیا کے دھماکوں کا جواب دیا،میری جگہ کوئی اور ہوتا، آپ جانتےہیں کون ہوتا؟ وہ امریکہ کے‌صدر کے آگے بول سکتا تھا، کیا اسی بات کی ہمیں سزا ملتی ہے، اسی بات پر ہماری حکومتیں توڑ دی جاتی تھیں، ہمارے خلا ف فیصلے آتے ہیں، میرے زمانے میں روٹی چار روپے کی تھی ،بتاؤ آج کتنے کی ہے؟آج 20 روپے کی روٹی ہے، اسلئے مجھے نکالا ، اس لئے کہ نواز شریف نے بیٹے سے تنخواہ نہیں لی،یہ کہاں کا فیصلہ ہے؟ پھر ملک کا یہ حال ہو گیا کہ بربادیوں کی حد تک چلا گیا، اب واپس آئے گا، لائیں گے واپس اسکو ہم،

مجھے کیوں نکالا؟ نواز شریف کا مینار پاکستان پر ایک بار پھر سوال
نواز شریف کا کہنا تھا کہ یہ بھی بتاؤ، پٹرول کتنے کا ملتا تھا میرے دور میں؟ میرے دور میں ساٹھ روپے لیٹر ملتا تھا یا نہیں آج کتنے کا ہے؟ اسلئے نکالا نواز شریف کو؟ آج پاکستان میں ڈالر کتنے کا ہے، میرے زمانے میں 104 کا تھا، آج 250کے لگ بھگ ہے، اس سے بھی اوپر ہے، اسی لئے پاکستا ن میں مہنگائی کا طوفان ہے، اسلئے نواز شریف کو نکالا تھا کہ اس نے ڈالر کو ہلنے نہیں دیا، روپیہ مضبوطی کے ساتھ کھڑا تھا، پتہ نہیں ہم ناشکرے کیوں ہیں، ملک ترقی کی طرف چل رہا ہے،اگر میری حکومت چلتی تو آج کوئی بیروزگار نہ ہوتا، غریب کو علاج معالجے کے لئے جائیداد نہ بیچنی پڑتی، آج تو سوچنا پڑتا ہے ، حالات مشکل ہو گئے، بجلی کا بل دیا جائے یا بچوں کا پیٹ پالا جائے،آج چینی 250کی ہے، میرے زمانے میں 50کی تھی، اسلئے مجھے نکالا؟ پاکستان اس وقت ایشین ٹائیگر بننے جا رہا تھا، پاکستان جی 20 میں جا رہا تھا،جو ہم سے پیچھے تھے وہ آگے چلے گئے، ہم پیچھے رہ گئے،ہم نے نہ صرف انکو پکڑنا ہے بلکہ ان سے آگے بھی جانا ہے.میں آج کئی سالوں بعد تقریر کر رہا ہوں، چھ سال بعد کسی اپنےجلسے سے خطاب کر رہا ہوں، یہ بتانا چاہتا ہوں ،میں نصراللہ خان کا بل لایا ہوں، مئی 2016 میں اس وقت بل کتنا تھا؟حالانکہ اس وقت دھرنے ہو رہے تھے وہ کون کروا رہا تھا؟ دھرنوں کے باوجود بجلی پہنچا دی،موٹروے بنائی، گلگت والو مت بھولو کہ گلگت سے سکردو موٹروے بھی نوازشریف نے بنائی، چترال والے بتائیں کہ لواری ٹنل کس نے بنائی، وہ بھی ہم نے بنائی، گوادر سے کوئٹہ ہم نے موٹروے بنائی، پشاور سے اسلام آباد ،لاہور سے اسلام آباد، ملتان سے لاہور ،ملتان سے سکھرموٹروے سب کس نے بنائیں، نواز شریف نے بنوائیں، کیا اسلئے مجھے بار بار نکالا.نصراللہ کا بل میری حکومت میں 1600 روپے تھا، اگست 2022 میں اسکا بل 15 ہزار ہے، کیا بجلی مہنگی نواز شریف نے کی؟ اس وقت سے مہنگی ہونا شروع ہوئی جب نواز شریف کو نکالا تھا،مٹی کی محبت میں وہ قرض اتارے ہیں جو واجب نہیں تھے، غالب نے مجھ جیسوں کہاہے کہ زندگی اپنی کچھ اس شکل سے گزری غالب، ہم بھی کیا یاد کریں گے،

میری دعا ہے کہ اللہ تعالیٰ میرے دل کے اندر کبھی کوئی انتقام کا جذبہ نہ لے کر آنا، نواز شریف
نواز شریف کا کہنا تھا کہ مشکل سے اللہ نکالے گا،زخم بھرتے بھرتے وقت لگے گا لیکن بدلے کی کوئی تمنا نہیں، تمنا یہی ہے کہ میری قوم کے لوگ خوشحال ہو جائیں ، انکو روزگار ملے، باعزت پاکستانی بننے کا موقع ملے، غربت، جہالت نہ ہو، یہ نواز شریف چاہتا ہے، میری دعا ہے کہ اللہ تعالیٰ میرے دل کے اندر کبھی کوئی انتقام کا جذبہ نہ لے کر آنا، میں قوم کی خدمت کرنا چاہتا ہوں، پہلے بھی کی ہے، مریم سامنے بیٹھی ہے، میں جیل میں تھا تو مریم کو نیب نے گرفتار کیا، اسکی بیٹی اپنی آنکھوں سے یہ منظر دیکھ رہی تھی، اتنا ظلم،شہباز شریف کو بھی جیل میں بند کر دیا، بیٹوں کو بھی بند کر دیا، رانا ثناء اللہ، حنیف عباسی کو سزائے مو ت دینے کے چکر میں تھے، سعد رفیق دو سال جیل میں رہے،23 سالوں میں 15 سال جیل میں، مقدمے یا باہر رہا، اگر یہ 23 سال پاکستان کو دیئے ہوتے تو پاکستان جنت بنا ہوتا، ہم پاکستان کو پھر جنت بنائیں گے،میں پوچھتا ہوں کہ جو دور ہمارے ملک میں گزرا ہے اسکا کوئی ایک کارنامہ، کوئی ایک منصوبہ بتا دیں، ہم سے پوچھتے ہیں کہ ہمارا بیانیہ کیا ہے،بیانیہ پوچھنا ہے تو اورنج لائن، میٹرو بس، گرین لائن سے پوچھو،ایٹمی دھماکوں سے پوچھو،ہمارا بیانیہ روٹی کی قیمت، ڈالر کے ریٹ، بجلی کے بل سے پوچھا، ہمارا بیانیہ پوچھنا ہے تو پھر اخلاقیات سے پوچھا،بزرگوں کی عزت سے پوچھو، ہم کسی کی پگڑی نہیں اچھالتے،ہماری بہنیں یہاں موجود ہیں، آرام سے جلسہ سن رہی ہیں، ڈھول کی تھاپ پر یہاں ناچ گانا نہیں ہو رہا،

ہمسایوں کے ساتھ اچھے تعلقات،مسئلہ کشمیر کا باوقار تدبیر کے ساتھ حل،متحد ہوکر چلنا ہو گا، نواز شریف
نواز شریف کا کہنا تھا کہ میں سمجھتا ہوں کہ پاکستان کے عوام کو جو درپیش مسائل ہیں، اب کوتاہی کی گنجائش نہیں، مسائل کے اسباب پر غور کریں،اور آئین کی رو کے مطابق متحد ہو کر مستقبل کا پلان بنائیں، ہمارے آئین پر عملدرآمد کرنے والے ریاستی اداروں کو قوم سے ملکر کام کرنا ہو گا، دنیا میں مقام حاصل کرنا ہے تو سب کو ملکر کام کرنا ہو گا، چالیس سال کا نچوڑ بتا رہا ہوں، اس کے بغیر ملک آگے نہیں بڑھے گا، آئین پر عملدرآمد کے لئے سب کو اکٹھا ہونا پڑے گا،ہمیں ایک نئے سفر کی آغاز کی ضرورت ہے، نیا سفر شروع کرنا ہے، طے کریں کہ ہم نئے سفر کا آغاز جوش و خروش سے کریں گے،چار سال بعد بھی میرا جذبہ ماند نہیں پڑا،ہمیں فیصلہ کرنا ہو گا،کشکول توڑنا ہو گا، قومی غیرت وقار کو بلند کرنا ہو گا، غربت کا خاتمہ کرنا ہوگا، ہمسایوں کے ساتھ اور دنیا کے ساتھ تعلقات استوار کس طرح کرنے ہیں، فیصلہ کرنا ہے ہمسایوں کے ساتھ لڑائی کر کے دنیا کے ساتھ اچھا تعلق نہیں قائم کر سکتے، کشمیر کے حل کے لئے باوقار تدبیر کے ساتھ آگے بڑھنا ہو گا،ہم نے اس صورتحال سے باہر نکلنا ہے، میں سمجھتا ہوں کہ کس طرح سے اپنے معاملات کو ٹھیک کرنا ہے، میرا دل زخموں سے چور ضرور ہے مگرآج میں اپنے رب سے دعا کر رہا ہوں کہ میرے دل میں رتی برابر بھی انتقام کی خواہش نہیں بس تو قوم کی تقدیر بدل دے،میرے ساتھ دعا کرنی ہے کہ آج میں بدلا ہوا پاکستان دیکھوں ، میں آپ کو جگانے آیا ہوں، آگے بڑھو، اور پاکستان کو سنبھالو، اور آئندہ کسی کو اجازت نہ دینا کہ آپکے ملک کے ساتھ سلوک کر سکے، میں نے آج بہت ضبط سے،صبر سے کام لیا ہے، میں نے کوئی ایسی بات نہیں کی جو میں سمجھتا ہوں کہ نہیں کرنی چاہئے تھی، میں سمجھتا ہوں کہ میرے ساتھ دعا کریں کہ اللہ تعالیٰ فلسطین کی مدد کرے، انکو ظلم سے بچائے، فلسطین میں ظلم انسانیت کا قتل ہے، ہم اس کی مذمت کرتے ہیں،دنیا سے اپیل کرتے ہیں کہ انصاف سے کام لو، اور فلسطین کا باعزت حل نکالو، انکا حق انکو واپس دیا جائے، تا کہ وہ بھی چین سکون سے زندگی گزار کر سکیں،

نواز شریف کا کہنا تھا کہ گالی کا جواب گالی سے نہیں دینا، راستہ کٹھن ہے لیکن کریں گے، ملک کی تعمیر نو کریں گے، بے روزگاری کم کرٰیں گے، موٹروے بنائیں گے، پاکستان کو خوشحال بنائیں گے،مسلم لیگ ن کا ایجنڈہ یہی ہو گا،برآمدات کو بڑھانا ہے، زراعت کی اصلاحات کرنی ہیں، آئی ٹی میں انقلاب لانا ہے،انصاف کے نظام میں بھی اصلاحات لانی ہیں، نوجوان، پارٹی لیڈر سن لیں، نواز شریف نے جو کہا ہے کر کے دکھایا ہے،

درود شریف ،تہجد پڑھیں، باوضو رہیں،اللہ سے جو مانگیں گے ملے گا، نواز شریف کی جلسہ کے شرکاء کو نصیحت
نواز شریف نے جلسے سے خطاب میں کہا کہ درود ابراہیمی پڑھا کریں، تسبیح میرے پاس بھی ہے لیکن دوسروں سے سامنے نہیں نکالتا، بغل میں چھری اور منہ میں رام رام مجھے نہیں آتا، دعا کریں اللہ سے ،اللہ وہ عطاکرے گا جو مانگیں گے، ندامت کا ایک آنسو،زندگی کے سارے گناہ دھو دیتا ہے،تہجد کے وقت ایک آنسو بہائیں، اللہ کو یاد کر کے دیکھیں اللہ کس طرح تقدیر بدلتا ہے، خشوع و خضو ع کے ساتھ پڑھیں، درود شریف سو بار نہیں تو دس بار پڑھ لیں، اللہ کا نام لیتے ہوئے دل میں کھوٹ نہیں ہونا چاہئے، سالوں بعد گفتگو ہوئی، اللہ تعالیٰ سب کو خیرو برکت کی زندگی دے، اللہ سب پر رحم کرے، سب کو عزت کی روزی دے، فرض شناس پاکستانی بنائے، میرے دل سے دعائیں نکل رہی ہیں، یہی میرا آپ سے رشتہ ہے، نواز شریف نے خطاب کے آخر میں پاکستان زندہ باد کا نعرہ لگوایا،

سابق وزیراعظم نواز شریف سٹیج پر پہنچے تو ن لیگی قیادت نے ہاتھوں میں ہاتھ ڈالر کر کارکنان کے ساتھ اظہار یکجہتی کیا، سٹیج پر شہباز شریف، رانا ثناء اللہ، اسحاق ڈار،حمزہ شہباز،عابد شیر علی،و دیگر موجود تھے، نواز شریف نے ہاتھ ہلا کر کارکنان کے نعروں کا جواب دیا، مریم نواز سے نواز شریف گلے ملے، اس موقع پر مریم نواز نے اپنے والد کے پاؤں چھوئے، نواز شریف آبدیدہ نظر آئے،نواز شریف نے سٹیج پر پہنچ کر ن لیگی رہنماؤں سے مصافحہ کیا،ایاز صادق، اعظم نذیر تارڑ بھی سٹیج پر موجود تھے

نواز شریف رہنماؤں سے مصافحہ کے بعد ڈائس پر آئے، نواز شریف کے ہمراہ مریم نواز تھیں، شہباز شریف اورحمزہ شہباز بھی ہمراہ تھے، ہاتھوں میں ہاتھ ڈال کر رہنماؤں نے یکجہتی کا اظہار کیا، نواز شریف کے خطاب سے قبل تلاوت کی گئی اور نعت رسول مقبول پڑھی گئی.

 نواز شریف کو آج تک انصاف نہیں ملا،

نواز شریف کا استقبال،11 ہزا ر گاڑیاں آنے کا امکان

نواز شریف کا وطن واپسی پہنچنے پر ممکنہ طور پر ہیلی کاپٹر کے ذریعے جاتی امرا جانے کا امکان

سات منٹ پورے نہیں ہوئے اور میاں صاحب کو ریلیف مل گیا،شہلا رضا کی تنقید

پینا فلیکس پر نواز شریف کی تصویر پھاڑنے،منہ کالا کرنے پر مقدمہ درج

نواز شریف کے خصوصی طیارے میں جھگڑا،سامان غائب ہونے کی بھی اطلاعات

سابق وزیراعظم نواز شریف مینار پاکستان جلسہ گاہ پہنچ گئے،

مریم نواز نے اپنے والد کا سٹیج پر استقبال کیا،نواز شریف سٹیج پر پہنچے تو ن لیگی قیادت نے ہاتھوں میں ہاتھ ڈالر کر کارکنان کے ساتھ اظہار یکجہتی کیا، سٹیج پر شہباز شریف، رانا ثناء اللہ، اسحاق ڈار،حمزہ شہباز،عابد شیر علی،و دیگر موجود تھے، نواز شریف نے ہاتھ ہلا کر کارکنان کے نعروں کا جواب دیا، مریم نواز سے نواز شریف گلے ملے، اس موقع پر مریم نواز نے اپنے والد کے پاؤں چھوئے، نواز شریف آبدیدہ نظر آئے،نواز شریف نے سٹیج پر پہنچ کر ن لیگی رہنماؤں سے مصافحہ کیا،ایاز صادق، اعظم نذیر تارڑ بھی سٹیج پر موجود تھے

نواز شریف رہنماؤں سے مصافحہ کے بعد ڈائس پر آئے، نواز شریف کے ہمراہ مریم نواز تھیں، شہباز شریف اورحمزہ شہباز بھی ہمراہ تھے، ہاتھوں میں ہاتھ ڈال کر رہنماؤں نے یکجہتی کا اظہار کیا، نواز شریف کے خطاب سے قبل تلاوت کی گئی اور نعت رسول مقبول پڑھی گئی.

نواز شریف شاہی قلعہ سے گاڑی پر جلسہ گاہ کی طرف گئے، ن لیگی رہنما حمزہ شہباز نے نواز شریف کی گاڑی کی ڈرائیونگ کی،

نواز شریف معمار پاکستان ہے، جب بھی قوم کی تقدیر بدلی تو اقتدار سے ہٹا دیا گیا،شہباز شریف
ن لیگ کے صدر، سابق وزیراعظم شہباز شریف نے نواز شریف کی موجودگی میں خطاب کرتے ہوئے کہا کہ آج لاکھوں لوگ یہاں موجود ہیں، دل کی اتھاہ گہرائیوں سے نواز شریف کو خوش آمدید کہنے آئے ہیں جو قوم کا بیٹا ہے، آپ کا بھائی ہے،یہ نواز شریف جدوجہد ہے،مینار پاکستان گواہی دے رہا ہے کہ اس سے بڑا جلسہ،پرجوش مجمع کبھی نہیں ہوا، میں آپکو سلام پیش کرتا ہوں، نواز شریف معمار پاکستان ہے، جب بھی قوم کی تقدیر بدلی تو اقتدار سے ہٹا دیا گیا،نواز شریف نے جیلیں کاٹیں مگر صبر کا دامن ہاتھ سے ہاتھ نہیں چھوڑا، نو مئی کا واقعہ دو ر کی بات ،نواز شریف کے ہوتے ہوئےکوئی گملہ نہیں ٹوٹا، نواز شریف آ گیا، پاکستان کی تقدیر بدلے گی،نواز شریف نے کہا کہ میں پاکستان کی سالمیت پر سودا نہیں کروں گا، نواز شریف نے پاکستان کو ایٹمی پاکستان بنایا، واجپائی مینار پاکستان آیا تھا اور اس وقت اس نے کہا تھا کہ پاکستان بنتے وقت ہم پر بڑے گھاؤ لگتے ہیں، ہم پاکستان کو تسلیم کرتے ہیں، لاہور کا معاہدہ جس میں کشمیر کا ذکر تھا وہ واجپائی نے نواز شریف کے ساتھ کیا، پھر ایک ڈکٹیٹر آیا اور معاہدے کے خلاف کام کیا،ظلم اور زیادتیاں ہوئیں لیکن نواز شریف نے برداشت کیا،

مینار پاکستان ن لیگی جلسہ ،فلسطین پر اسرائیلی تسلط کے خلاف قرارداد پیش
ن لیگی رہنما سابق وفاقی وزیرخواجہ سعد رفیق نے نواز شریف کے خطاب سے قبل قرار داد پیش کرتے ہوئے کہ نواز شریف کی صدارت ،قیادت میں آج مطالبہ کرتے ہیں کہ ارض فلسطین سے اسرائیل کا ناجائز تسلط ختم کروایا جائے،کشمیر سے بھارتی تسلط ختم کروایا جائے،

مریم نواز کا کہنا تھا کہ اللہ کا شکر ہے چار سال بعد نواز شریف واپس آیا،اللہ نے انکو سلامتی، شفا دی اور آج چار سال بعد عزت سے گھر واپس آیا،مریم نواز نے کہا کہ اب کون وزیراعظم بننے جا رہا ہے، اس دھرتی کا بیٹا آ رہا ہے، فارن فنڈنگ والا نہیں آ رہا.

نواز شریف سٹیج پر پہنچے تو مریم نواز نے شرکاء سے کہا کہ موبائل کی لائٹ آن کر لیں اور نواز شریف کو دکھائیں کہ کتنے لوگ انکے استقبال کے لئے موجود ہیں، شرکا نے موبائل کی لائٹس آن کیں، ایک شرکاء نے کہا کہ میرے پاس موبائل نہیں، جس پر مریم نواز نے کہا کہ میری ٹیم کے کسی ممبر سے رابطہ کرنا میں موبائل بھیجوں گی، مریم نے آزادی پل پر کھڑے شرکاء کی موبائل لائٹس بھی آن کروائیں،

سابق وزیراعظم نواز پہنچ گئے ہیں، نواز شریف کا طیارہ لاہور میں لینڈ کر چکا ہے،نوا زشریف کے طیارے نے لاہور لینڈ کیا تو جہاز میں موجود کارکنان نے وزیراعظم نواز شریف، دیکھو دیکھو کون آیا، شیر آیا کے نعرے لگائے،نواز شریف کا شہباز شریف نے استقبال کیا اور انہیں پھولوں کا ہار پہنایا،وزیراعظم ایئر پورٹ سے ہیلی کاپٹر کے ذریعے جلسہ گاہ پہنچ رہے ہیں،نواز شریف کا ہیلی کاپٹر شاہی قلعہ میں اترا.

نواز شریف کا ہیلی کاپٹر جلسہ گاہ کے قریب پہنچا تو سٹیج سے نواز شریف زندہ باد کے نعرے لگوائے گئے،اس موقع پر مریم نواز نے بھی کارکنان کی جانب سے نعروں کا ہاتھ ہلا کر جواب دیا.مریم نواز اس دوران آبدیدہ بھی نظر آئیں،

نواز شریف کا جہاز لاہور ائیر پورٹ پر پہنچ گیا#baaghitv #pakistan #lahore #NawazSharif #PMLN #Lahore #MinarePakistan pic.twitter.com/8kxFkeIKur

— Baaghi TV باغی ٹی وی (@BaaghiTV) October 21, 2023

نواز شریف کو مٹانے والے کتنے آئے اور کتنے چلے گئے، مریم نواز کا خطاب
نواز شریف کے جلسہ گاہ پہنچنے سے قبل مریم نواز کا کہنا تھا کہ نواز شریف کے استقبال کے لئے تمام کارکنان کو خوش آمدید کہتے ہیں، مریم نواز نے تمام صوبوں کے نام گنوائے اور کہا کہ پورا پاکستان یہاں‌موجود ہے،رنگ روڈ، موٹروے سب جام ہیں، قافلے آ رہے ہیں، مجھے سمجھ نہیں آ رہی کہ قافلے آئیں گے تو وہ کہاں سمائیں گے میں نے آج تقریر نہیں کرنی، تقریر نواز شریف کرے گا، میں نے صرف سلام کرنا تھا اور بتانا تھا کہ و تعز من تشا و تذل من تشاء، اللہ جسے چاہے عزت دے، پوری دنیا بھی مل جائے اور وہ اسکو ختم کرنا چاہے تو جب تک اللہ نہ چاہے ختم نہیں ہو سکتا، نواز شریف اسکی زندہ مثال ہے،آج اللہ کے آگے سر جھکاتی ہوںَ شکر الحمدللہ،نواز شریف کو مٹانے والے کتنے آئے اور کتنے چلے گئے، میں سمجھتی تھی، مینا رپاکستان بہت بڑی جگہ ہے مگر مجھے نہیں پتہ تھا کہ ن لیگ کے شیروں کے لئے یہ جگہ بھی چھوٹی پڑ جائے گی

ن لیگی رہنما حمزہ شہباز سٹیج پر مریم آئے تو مریم نواز نے کہا کہ آج ن بھی یہیں کھڑی ہے اور شین بھی، اللہ تعالیٰ دونوں بھائیوں کی جوڑی سلامت رکھے،نواز شریف شاہی قلعہ پہنچے تو دیگر رہنما استقبال کے لئے گئے تا ہم مریم نواز سٹیج پر ہی موجودرہیں،

مریم نواز کا کہنا تھا کہ نواز شریف نے 11 سال جلا وطنی برداشت کی، نواز شریف واحد لیڈر ہے جس کی تاریخ میں اتنے سیاسی اتار چڑھاؤ آئے، اس نے دکھ اور تکلیفیں اٹھائی، سیاسی تکلیفیں میں نہیں گنتی، سیاسی ورکرسیاسی اتار چڑھاؤ سے نہیں گھبراتے لیکن کچھ دکھ نواز شریف کو ایسے لگے جن کا مداوار ساری زندگی ممکن نہیں، اس مٹی کی خاطر نوا ز شریف ایک بار پھر موجود ہے، آج ان شاء اللہ پاکستان نواز شریف کا ایک اور عروج دیکھنے جا رہا ہے.آج اسکے مخالفین دو دور تک نظر نہیں آ رہے جو ہیں گھروں میں دبک کر بیٹھے ہیں اور ہر طرف سے نواز شریف کی آواز آ رہی ہے،

مریم نواز نے جلسہ گاہ میں نعرہ تکبیر بھی لگوایا، نواز شریف نے لاہور پہنچ کر ن لیگی رہنماؤں سے ملاقات کی اور مغرب کی نماز ادا کی، نواز شریف ہیلی کاپٹر سے اترے تو سی سی پی لاہور نے انہیں سلیوٹ کیا،

سابق وزیراعظم نواز شریف کی آمد پر آج مینار پاکستان گراؤنڈ میں جلسہ ہو رہا ہے، ن لیگی کارکنان ملک بھر سے لاہور پہنچے ہیں

مریم اورنگزیب نے ٹویٹ کرتے ہوئے کہا ہے کہ پاکستان مسلم لیگ (ن) کے صدر شہبازشریف لاہور کے ہوائی اڈے پر پہنچ گئے۔ شہبازشریف نے محمد نوازشریف کی تصویر والی شرٹ پہنی ہوئی ہے

پاکستان مسلم لیگ (ن) کے صدر شہبازشریف لاہور کے ہوائی اڈے پر پہنچ گئے۔ شہبازشریف نے محمد نوازشریف کی تصویر والی شرٹ پہنی ہوئی ہے pic.twitter.com/JGj2lgpGau

— Marriyum Aurangzeb (@Marriyum_A) October 21, 2023

مسلم لیگ ن کے قائد نواز شریف ابھی مینار پاکستان پر نہیں پہنچے تھے لیکن جلسہ گاہ ابھی ہی بھر چکا ہے اور بہت بڑی تعداد ابھی جلسہ گاہ کے باہر موجود ہے۔ مسلم لیگ ن نے جسے تاریخ ساز جلسہ کا کہا تھا وہ آج ہوتا نظر آرہا ہے۔قافلے ابھی تک آ رہے ہیں،ن لیگ کے ٹکٹ ہولڈر، سابق اراکین اسمبلی قافلے لے کر پہنچ رہے ہیں، نواز شریف جب تک جلسہ گاہ آئیں گے تو گراؤنڈ کے اندر کارکنان بڑی تعداد میں موجود ہو گی، دیکھنا یہ ہے کہ لاہوری اس جلسے میں کتنی شرکت کرتے ہیں کیونکہ جلسہ میں ملک بھر سے لوگ آئے ہیں،

مسلم لیگ ن کی رہنما مائزہ حمید کا کہنا ہے کہ جلسہ گاہ میں رات سے عوام کا جوش و خروش ہے،نواز شریف کی آمد میں لوگ انہیں خوش آمدید کہنا چاہتے ہیں ،نواز شریف پاکستانی عوام کے لئے امید کی کرن ہیں، اب پاکستان میں خوشحالی کا دور شروع ہو گا

 نواز شریف کو آج تک انصاف نہیں ملا،

نواز شریف کا استقبال،11 ہزا ر گاڑیاں آنے کا امکان

نواز شریف کا وطن واپسی پہنچنے پر ممکنہ طور پر ہیلی کاپٹر کے ذریعے جاتی امرا جانے کا امکان

سات منٹ پورے نہیں ہوئے اور میاں صاحب کو ریلیف مل گیا،شہلا رضا کی تنقید

پینا فلیکس پر نواز شریف کی تصویر پھاڑنے،منہ کالا کرنے پر مقدمہ درج

نواز شریف کے خصوصی طیارے میں جھگڑا،سامان غائب ہونے کی بھی اطلاعات

سابق وزیراعظم نواز شریف پاکستان پہنچ گئے، نواز شریف کا خصوصی طیارہ اسلام آباد ایئر پورٹ پر لینڈ کر گیا، نواز شریف کی آمد کے موقع پر سیکورٹی کے سخت انتظامات ہیں،نواز شریف کے طیارے نے اسلام آباد ایئر پورٹ پر لینڈ کیا تو اس موقع پر طیارے میں سوار کارکنان نے اللہ اکبر کے نعرے لگائے ، نواز شریف زندہ باد کے نعرے لگائے گئے،دوران سفر نواز شریف طیارے میں اپنی نشست پر بیٹھے رہے، طیارے میں صحافی بھی سوار تھے،مقامی اور انٹرنیشنل میڈیا کے لوگ بھی طیارے میں سوار تھے، ن لیگی کارکنان نے اسوقت بھرپور نعرے بازی کی.

نواز شریف کے طیارے میں سوار تمام مسافر جہاز کے اندر ہیں، نوا ز شریف 20 منٹ کے لئے طیارے سے باہر گئے ہیں، جو قانونی ٹیم سے ملاقات اور قانونی کاغذات پر دستخط کریں گے، نواز شریف نے اسلام آباد ہائیکورٹ سے ضمانت لی تھی اس وجہ سے انہوں نے اسلام آباد ایئر پورٹ پر لینڈ کیا.نواز شریف جہاز سے اترے تو اس موقع پر صحافیوں کو باہر نہیں جانے دیا گیا، صحافی بھی طیارے میں ہی رہ گئے جس پر صحافیوں نے احتجاج بھی ریکارڈ کروایا،نواز شریف جہاز سے اترے تو ان کے چہرے پر خوشی کے آثار تھے، سابق وزیر خزانہ اسحاق ڈار نے نواز شریف کا ایئر پورٹ پر استقبال کیا.

نادرا کی ٹیم اسلام آباد ایئر پورٹ پہنچی اور نواز شریف نے بائیو میٹرک کروائی، ایئر پورٹ پر اعظم نذیر تارڑ، عطا تارڑ کے ساتھ نواز شریف نے مشاورت کی، نواز شریف کی امیگریشن کا عمل مکمل کر لیا گیا، نواز شریف کے ہمراہ سیکورٹی سٹاف بھی ہے، نواز شریف نے جہاز سے نکلتے وقت کہا تھا کہ وہ چند منٹوں میں دوبارہ واپس آ رہے ہیں،قانونی امور پر گیسٹ ہاؤس میں نواز شریف نے مشاورت کی.اسحاق ڈار ، اعظم نذیر تارڑ، بیرسٹر ظفر اللہ خان نے نواز شریف سے مشاورت کی،نواز شریف نے تمام دستاویزات پر دستخط کردئیے ،نواز شریف 2019 کے بعد آج پاکستان واپس آئے، بیمار ہو کر نواز شریف پاکستان سے علاج کے لئے گئے تھے تا ہم لندن میں ہی مقیم رہے .

نواز شریف اسلام آباد سے لاہور کیلئے روانہ،شہباز شریف ایئر پورٹ پہنچ گئے
قانونی ٹیم سے مشاورت کے بعد نواز شریف اسلام آباد سے لاہور روانگی کے لیے طیارے میں سوار ہوگئے ہیں، اسلام آباد سے نواز شریف کے خصوصی طیارے نے لاہور کے لئے اڑان بھر لی ہے، نواز شریف کی لاہور آمد پر شہباز شریف استقبال کریں گے،بعد ازیں ہیلی کاپٹر کے ذریعے نواز شریف جلسہ گاہ پہنچیں گے،

میاں محمد شہباز شریف علامہ اقبال انٹرنیشنل ایئرپورٹ پہنچ گئے، شہباز شریف اپنے سکیورٹی پروٹوکول کے ساتھ ایئرپورٹ پہنچے، شہباز شریف اییرپورٹ پر میاں نواز شریف کا ایئرپورٹ پر استقبال کریں گے

مسلم لیگ ن کے قائد نواز شریف ابھی مینار پاکستان پر نہیں پہنچے لیکن جلسہ گاہ ابھی ہی بھر چکا ہے اور بہت بڑی تعداد ابھی جلسہ گاہ کے باہر موجود ہے۔ مسلم لیگ ن نے جسے تاریخ ساز جلسہ کا کہا تھا وہ آج ہوتا نظر آرہا ہے۔قافلے ابھی تک آ رہے ہیں،ن لیگ کے ٹکٹ ہولڈر، سابق اراکین اسمبلی قافلے لے کر پہنچ رہے ہیں، نواز شریف جب تک جلسہ گاہ آئیں گے تو گراؤنڈ کے اندر کارکنان بڑی تعداد میں موجود ہو گی، دیکھنا یہ ہے کہ لاہوری اس جلسے میں کتنی شرکت کرتے ہیں کیونکہ جلسہ میں ملک بھر سے لوگ آئے ہیں،

نواز شریف کی اسلام آباد آمد،کاغذات پر دستخط،تصاویر

نواز شریف کی اسلام آباد سے لاہور خصوصی پرواز کا شیڈول جاری کر دیا گیا، نواز شریف کی خصوصی پرواز پونے تین بجے اسلام آباد سے لاہور کے لئے روانہ ہوگی

نواز شریف کے حریف اور بد خواہ قصہ پارینہ بن گئے,خواجہ آصف
ن لیگی رہنما ، سابق وفاقی وزیر، خواجہ آصف نے سماجی رابطے کی ویب سائٹ ٹویٹر پر ٹویٹ کرتے ہوئے کہا ہے کہ نواز شریف آج کے دن کے لئے ھم نے 4سال رب العزت سے دعائیں ما نگیں ۔ تاریخ کی عدالت نے 3دہائیوں میں بار بار اللہ کی مہربانی سےآپ کو سرخرو کیا۔ آپکے حریف اور بد خواہ قصہ پارینہ بن گئے۔ آپ 3دفعہ خوشحالی کی نوید بن کے آۓ۔ جلا وطنی یا قید عوام سے آپکا رشتہ و محبت کم نہ کرسکے۔ نواز شریف وفا کا نشان بن گیا۔ مٹی کی محبت میں آپ نے وہ قرض اتارے جو واجب بھی نہیں تھے۔ آئیں عہد کریں مادر وطن کو ناقا بل تسخیر بنائیں گے۔ عام شہری کی زندگی میں آسانیاں پیدا کریں گے آمین

سابق وزیراعظم نواز شریف اور شہباز شریف کا ٹیلی فونک رابطہ ہو اہے

نواز شریف کا استقبال،خصوصی ٹرین کراچی سے روانہ

واضح رہے کہ اسلام آباد ہائیکورٹ نے نواز شریف کو 21 اکتوبر کو پاکستان واپسی پر ائیرپورٹ پر گرفتار کرنے سے 24 اکتوبر تک روک دیا ، چیف جسٹس عامر فاروق اور جسٹس میاں گل حسن اورنگزیب نے احکامات جاری کئے، عدالت نے نواز شریف کو 24 اکتوبر کو ہائی کورٹ کے سامنے پیش ہونے کا حکم دے دیا.

 پنڈال میں جلسے کے شرکا کی آمد کا سلسلہ شروع 

نواز شریف کی آمد،طیارے پھینکیں گے پھول

نواز شریف کو وطن واپسی پر گرفتار نہیں کیا جائے گا

سیاسی مفادات کے لئے ملک کونقصان نہیں پہنچانا چاہئے

غیر ملکی سفارت خانوں نے اپنے شہریوں کو محتاط رہنے کی ہدایت کر دی 

 نواز شریف کو آج تک انصاف نہیں ملا،

نواز شریف کا استقبال،11 ہزا ر گاڑیاں آنے کا امکان

نواز شریف کا وطن واپسی پہنچنے پر ممکنہ طور پر ہیلی کاپٹر کے ذریعے جاتی امرا جانے کا امکان