Tag: پاکستان

کراچی :چوہدری شجاعت حسین نے ملک کے استحکام و سیاست میں شرافت کو فروغ دیا:ان خیالات کااظہار پاکستان مسلم لیگ سندھ کے صدر طارق حسن کیا ، ان کا کہنا تھا کہ پاکستان مسلم لیگ (ق) سندھ کے تحت تمام شہروں. گاؤں اور گھوٹوں میں پاکستان مسلم لیگ کے مرکزی صدر سابق وزیراعظم چوہدری شجاعت حسین کا یوم پیدائشں بھرپور انداز میں منایا گیا اس موقع پر سالگرہ کے کیک کٹنگ کی تقریبات منعقد کی گیئں

ذرائع کے مطابق اس موقع پر مسلم لیگ سندھ کے صدر محمد طارق حسن نے کہا کہ قائد چوہدری شجاعت حسین نے ہمیشہ جمہوریت کی بالادستی. ملک کے استحکام اور سیاست میں شرافت کے فروغ کیلئے ہر اول درجے کا کردار ادا کیا اس موقع پر مسلم لیگ ق سندھ کے جنرل سیکرٹیری کنور ارشد علی خان نے کہا کہ بلاشبہ قائد چوہدری شجاعت حسین سیاست میں رواداری کی پہچان ہیں

اس موقع ہر مسلم لیگ ق کراچی کے صدر محمد جمیل احمد خان نے کہا کہ چوہدری شجاعت حسین کی حق و سچ کے پیغام کیلئے کوشاں ہیں اس موقع پر مسلم لیگ کے صوبائی سیکرٹیری اطلاعات محمد صادق شیخ نے کہا کہ چوہدری شجاعت حسین انتہائی وضع دار. معاملہ فہم.سچائی و عظمت کی گواہی مخالفین بھی دیتے ہیں اللہ پاک قائد چوہدری شجاعت حسین ہمیشہ شاد و آباد اور صحت مند رکھے

اس موقع پر سندھ کے سینئر نائب نعمت خلجی. شاہد عباسی. معیزالحسن. نیاز شیخ. فرید قریشی. عبدالقادر چاچڑ. مالک جانباز. سردار الہی بخشں بھٹی اور دیگر نے سندھ بھر میں تقریبات سے خطاب کیا.

لاہور:شوکت خانم اسپتال کے عطیات کی رقوم پی ٹی آئی پارٹی فنڈ کا حصہ:حقیقت یا افسانہ:تفصیلات آگئیں‌،اطلاعات کے مطابق پی ٹی آئی کے مخالف اس وقت پی ٹی آئی کے فنڈز میں غیرقانونی فارن فنڈنگ ثابت کرنے کےلیے کوشاں ہیں ، اس حوالے سے ایک معروف میڈیا گروپ نے فارن فنڈنگ کیس میں پی ٹی آئی کو فنڈز دینے والوں کا پیچھا کیا اوراس لمبی باگ دوڑ میں صرف 40 افراد نے جواب دیا ،

معروف میڈیا گروپ کا جن سے رابطہ ہوا ان 40 افراد کی فہرست میں شامل 34.5 فیصد ڈونرز نے کہا کہ انہوں نے رقم شوکت خانم اسپتال کے لیے دی تھی،عطیات دینے والوں میں سے بعض افراد کو حیرت ہوئی کہ ان کے عطیات کی رقوم کو سیاسی مقاصد میں کیوں استعمال کیا گیا۔

دی نیوز میں فخر درانی کی شائع ہونے والی رپورٹ میں انکشاف کیا گیا ہے کہ غیرملکی فنڈنگ کیس کے حوالے سے اسپتال کو عطیہ دینے والے اس بات سے لاعلم تھے کہ عطیات پی ٹی آئی کو منتقل ہوئے، بعض ڈونرز نے سوال کیا ہے کہ عطیات شوکت خانم کے لئے دیئے، پارٹی فنڈز کے طور پر کیوں استعمال کیا؟ جب کہ وفاقی وزیر اطلاعات فواد چوہدری کا کہنا تھا کہ پارٹی ریکارڈ سے حقائق کی تصدیق کی جاسکتی ہے کہ عطیات کس مقصد کے لئے دیئے گئے۔

پاکستان تحریک انصاف (پی ٹی آئی) کی جانب سے الیکشن کمیشن آف پاکستان (ای سی پی) کو پیش کی گئی ان افراد کی فہرست جنہوں نے پارٹی کو عطیات فراہم کیے تھے کی صداقت مشکوک ہو گئی ہے کیوں کہ ان میں سے بعض نے استفسار کیا ہے کہ ان کے عطیات ، سیاسی مقاصد کے لیے کیوں استعمال کیے گئے۔

پی ٹی آئی کے مطابق فراہم کردہ فہرست میں شامل افراد نے 4 لاکھ 60 ہزار ڈالرز پارٹی فنڈز میں دیئے۔ تاہم، ان میں سے تقریباً 35 فیصد افراد نے دی نیوز کو بتایا ہے کہ انہوں نے پی ٹی آئی کو عطیات نہیں دیئے تھے بلکہ ان کے عطیات شوکت خانم اسپتال کے لیے تھے۔ جب کہ صرف 27 فیصد کا کہنا تھا کہ انہوں نے پارٹی فنڈز کے لیے عطیات دیئے تھے۔

الیکشن کمیشن آف پاکستان نے پی ٹی آئی کے سابق رکن اکبر ایس بابر کی پٹیشن پر پی ٹی آئی کی غیرملکی فنڈنگ کیس میں سماعت کررہی ہے۔ پی ٹی آئی نے پارٹی کے بینک اکاؤنٹس اور غیرملکی کمپنیوں کی فہرست کے ساتھ 1414 عطیات فراہم کرنے والوں کے نام بھی جمع کیے ہیں جنہوں نے 2013 میں پارٹی فنڈز کے لیے 467320 ڈالرز عطیہ کیے۔

دی نیوز نے اس حوالے سے دو ہفتے طویل تحقیقات کی ہیں تاکہ فہرست میں شامل پارٹی کو فنڈز دینے والے افراد کے بارے میں معلومات حاصل کی جاسکیں۔ اس مقصد کے لیے 80 ڈونرز کو سیمپل کے طور پر منتخب کیا گیا۔

دی نیوز نے 40 افراد سے رابطہ کیا جنہوں نے 1 ہزار ڈالرز یا اس سے زائد کے عطیات دیئے تھے جب کہ 40 ایسے افراد کو منتخب کیا گیا جنہوں نے 500 ڈالرز یا زائد کے عطیات دیئے تھے۔

ان 80 عطیات دینے والوں میں 29 نے دی نیوز کے سوالات کے جوابات دیئے۔ صرف 8 افراد (27.5 فیصد) نے دعویٰ کیا کہ انہوں نے پی ٹی آئی کو سیاسی مقاصد کے لیے عطیات دیئے تھے کیوں کہ ان کا ماننا تھا کہ عمران خان تبدیلی لاسکتے ہیں۔

10 افراد نے (34.5 فیصد) نے کہا کہ انہوں نے رقم شوکت خانم اسپتال کے لیے دی تھی کیوں کہ وہ باقاعدگی سے ایسا کرتے رہے ہیں۔ جب کہ 7 افراد (24 فیصد) کا کہنا تھا کہ انہیں یاد نہیں ہے۔ جب کہ باقی ماندہ 4 افراد (13.7 فیصد) نے جواب دینے سے انکار کردیا۔

شوکت خانم اسپتال کے لیے عطیات دینے والوں میں سے بعض افراد کو حیرت ہوئی کہ ان کے عطیات کی رقوم کو سیاسی مقاصد میں کیوں استعمال کیا گیا۔ 2017 میں پی ٹی آئی نے امریکا میں رکن سازی کی مہم شروع کی تھی اور امریکا میں پارٹی ورکرز کو ممبر شپ کارڈز بھجوائے تھے۔

وفاقی وزیر اطلاعات و نشریات فواد چوہدری نے دی نیوز سے گفتگو کرتے ہوئے کہا ہے کہ یہ ناممکن ہے کہ شوکت خانم کےعطیات سیاسی مقاصد میں استعمال کیے گئے ہوں۔

ان کا کہنا تھا کہ جب کوئی ڈونر ایل ڈی سی پر دستخط کرتا ہے تو چیک میں واضح لکھا ہوتا ہے کہ وہ رقم کس مقصد کے لیے دی جارہی ہے۔ جنہوں نے 1 ہزار ڈالرز یا زائد رقوم دی ہے وہ بذریقہ چیکس دی گئی ہے۔ اس کی تصدیق چیکس سے ہوسکتی ہے۔

وزیر اطلاعات کا مزید کہنا تھا کہ اگر اس نمائندے نے عطیات فراہم کرنے والوں کے نام فراہم کیے تو وہ ریکارڈ سے تصدیق کرسکتے ہیں کہ انہوں نے رقوم اسپتال کے لیے دیں یا پارٹی فنڈز کے لیے دیں

دبئی : ابراج گروپ کے مرکزی کردار:عارف نقوی کو دبئی میں 24 ارب 5 کروڑ جرمانہ،کاروبار پر پابندی،اطلاعات کے مطابق دبئی فنانشل سروسز اتھارٹی نے سرمایہ کاروں کو گمراہ کرنے اور دھوکا دینے پر ابراج گروپ کے عارف مسعود نقوی اور وقار صدیق کے خلاف ابراج گروپ کے حوالے سے سنگین ناکامیوں پر فیصلہ کردیا ہے۔

اماراتی اخبار خلیج ٹائمز کی رپورٹر کے مطابق ڈی ایف ایس اے نے اپنے فیصلے میں عارف نقوی پر 49 کروڑ 78 لاکھ 60 ہزار درہم (تقریباً 24 ارب 5 کروڑ روپے) اور ان کے ساتھ وقار صدیق پر 42 لاکھ 20 ہزار درہم (تقریباٍ 20 کروڑ 38 لاکھ روپے) کا جرمانہ عائد کیا ہے جبکہ دونوں کے دبئی میں کوئی بھی بزنس کرنے پر پابندی لگادی گئی ہے۔

عارف نقوی اور وقار صدیق نے ڈی ایف ایس اے کے فیصلے کے خلاف فنانشل مارکیٹس ٹریبونل سے رجوع کیا تھا اور استدعا کی تھی کہ فیصلے کے خلاف اپیل پر کوئی فیصلہ ہونے تک ڈی ایف ایس اے کو فیصلہ جاری کرنے سے روکا جائے۔

ایف ایم ٹی نے عارف نقوی اور وقار صدیق کی درخواست مسترد کرتے ہوئے رواں ماہ ڈی ایف ایس اے کو فیصلے جاری کرنے کی اجازت دے دی تھی تاہم جرمانہ کی ادائیگی کے حوالے سے حکم امتناع دے دیا تھا تاہم دبئی میں کسی بھی قسم کے کاروبار پر پابندی کے حوالے سے فیصلے کو بھی برقرار رکھا گیا تھا۔

عارف نقوی نے 2002 میں ابراج گروپ کی بنیاد رکھی تھی یہ کمپنی خطے کی سب سے بڑی پرائیویٹ ایکویٹی فرم بن گئی تھی جس کے زیر انتظام14 ارب ڈالر کے اثاثے ہیں۔ عارف نقوی ابراج گروپ کے سب سے بڑے شیئر ہولڈر، سی ای او اور ایگزیکٹیو وائس چیئرمین تھے۔

فیصلے کہا گیا ہے کہ عارف نقوی جان بوجھ کر ابراج انویسٹمنٹ لمیٹڈ کے ذریعے سرمایہ کاروں کو گمراہ کرنے میں ملوث تھا۔ خاص طور پر ڈی ایف ایس اے نے پایا کہ عارف نقوی نے ذاتی طور پر ایسے اقدامات کیے جو براہ راست یا بالواسطہ طور پر سرمایہ کاروں کو گمراہ اور دھوکا دیتے تھے۔

اسلام آباد:ضابطہ فوجداری میں ترامیم کی تفصیلات سامنے آ گئی ہیں۔،اطلاعات کے مطابق منشیات کیس میں سزائے موت ختم، خواتین کی جاسوسی جرم، ضابطہ فوجداری کی تفصیلات سامنے آ گئیں

ترمیم کے مطابق ملزمان کے معائنے کے لیے میڈیکل بورڈ میں ماہر نفسیات شامل ہوں گے، ایس ایچ او کے لیے گریجویشن کی ڈگری لازمی ہو گی اور جہاں مقدمات کا بوجھ زیادہ ہو گا وہاں ایس ایچ او اے ایس پی رینک کا ہو گا۔

مجوزہ فوجداری ترمیمی قوانین کے مطابق مفرور ملزمان کے شناختی کارڈ اور بینک اکاؤنٹس بلاک کر دیے جائیں گے جبکہ جلسے جلوسوں میں اسلحہ لے کر جانے کی اجازت نہیں ہو گی، دفعہ 161 کے تحت ہونے والے بیانات کی آڈیو ویڈیو ریکارڈنگ بھی کی جائے گی، پراسیکیوٹر تفتیش سے مطمئن نہ ہو تو مزید یا ازسرنو تحقیقات کا کہہ سکے گا۔

ترامیم کے مطابق فوجداری مقدمات کا ٹرائل 9 ماہ میں ہو گا، ہر ماہ ہائیکورٹ کو پیشرفت رپورٹ جمع کرانی ہو گی، غیر سنجیدہ مقدمہ بازی پر سیشن کورٹ 10 لاکھ روپے تک جرمانہ کر سکے گی اور 9 ماہ میں ٹرائل مکمل نہ ہونے پر ٹرائل کورٹ ہائیکورٹ کو وضاحت دینے کی پابندی ہو گی، ٹرائل کورٹ کی وضاحت قابل قبول ہوئی تو مزید وقت دیا جائے گا۔

بل میں یہ بات بھی شامل کی گئی ہے کہ ٹرائل کورٹ میں گواہان کے بیانات کی آڈیو ویڈیو ریکارڈنگ کی جائے گی، گواہ بیان کے ٹرانسکرپٹ سے اختلاف کرے تو ریکارڈنگ سے استفادہ کیا جائے گا، گواہ عدالت نہ آ پائے تو ویڈیو لنک پر بیان ریکارڈ کروا سکیں گے جبکہ بیرون ملک مقیم گواہان بھی مجاز افسر کی موجودگی میں بیان ریکارڈ کروا سکے گا۔

ترامیم کے مطابق فوجداری مقدمات میں تین دن سے زیادہ کا التواء نہیں دیا جا سکے گا، تین دن سے زیادہ التوا دینے پر ٹرائل کورٹ کو وجوہات بتانا ہوں گی۔اس کے علاوہ فوجداری ریفارمز میں منشیات مقدمات میں سزائے موت ختم کرنے کی تجویز بھی دی گئی ہے اور کہا گیا ہے کہ سزائے موت کی جگہ مجرم کو باقی تمام زندگی جیل میں گزارنے کی سزا ہو گی۔

ریلوے ایکٹ میں بھی سزائے موت ختم کرنے کی تجویز دےدی گئی ہے جبکہ غیر قانونی پولیس حراست پر7سال تک سزا کی تجویز کی گئی ہے اور مفرور ہونے پر بھی 7 سال تک کی سزا بھی مقرر کرنے کی تجویز کی گئی ہے۔

فوجداری قوانین کی مجوزہ ترامیم کے مطابق خواتین کی جاسوسی اور پیچھا کرنے کو بھی جرم قرار دینے کی تجویز پیش کی گئی ہے جبکہ کوئلے پر چلنے اور کسی کو پانی میں پھینکنے کو بھی جرم قرار دینے کی تجویز ہے۔ترامیم میں یہ بھی لکھا ہے کہ آڈیو، ویڈیو اور ای میلز بھی قابل قبول شواہد تصور ہوں گے، ویڈیو درست ثابت ہو تو بنانے والے کی عدالت میں پیشی کی ضرورت نہیں ہو گی۔

لاہور:کہانی گیراپوزیشن ملی جو صرف غلط بیانی اور پروپیگنڈے کی ماہر ہے: اطلاعات کے مطابق وزیراعلیٰ عثمان بزدار نے کہا ہے کہ ہمیں اپوزیشن بھی وہ ملی جو صرف بیان بازی اور پروپیگنڈے کی ماہر ہے، ان میں استعفے دینے کی ہمت ہے، نہ ہی یہ مارچ کر سکتے ہیں، استعفے اور لانگ مارچ کی باتیں سن سن کر لوگ تنگ آچکے ہیں۔

وزیراعلیٰ پنجاب عثمان بزدار نے اپنے بیان میں کہا ہے کہ اپوزیشن نے پہلے کورونا پر سیاست چمکائی پھر ڈینگی پر، کورونا وبا کے دوران اپوزیشن کا منفی کردار تاریخ کا حصہ بن چکا، آزمائش کی گھڑی میں ڈیڑھ انچ کی مسجد بنانے والے عناصر بے نقاب ہوچکے ہیں، حکومت نے کورونا سے نمٹنے کیلیے بَروقت فیصلے کیے۔

عثمان بزدار کا کہنا تھا کہ کامیاب حکمتِ عملی کے باعث دیگر ممالک کی نسبت پاکستان میں کورونا کا پھیلاؤ کم ہوا، اپوزیشن جماعتوں نے منفی سیاست کر کے قومی یکجہتی کو نقصان پہنچایا، عوام کے مسترد شدہ عناصر کے ہاتھ پہلے کچھ آیا، نہ ہی آئندہ آئے گا۔

ادھر کل کپتان اپنی ٹیم کے بہترین کھلاڑی اور پنجاب کے وزیراعلیٰ عثمان بزدار سے ملاقات کےلیے لاہور تشریف لانے کی خواہش رکھتے ہیں،اس حوالے سے معلوم ہوا ہے کہ وزیراعظم عمران خان کا کل ایک روزہ دورہ لاہور کا امکان ہے۔ وزیراعلی اور گورنر پنجاب سمیت صوبائی وزراء سے ملاقاتیں اور ترقیاتی کاموں پر بریفنگ لیں گے۔

ذرائع کے مطابق وزیراعظم عمران خان اپنے دورہ لاہور میں عثمان بزدار سے ایوان وزیراعلی میں ملاقات کریں گے۔ وزیراعلی صوبے کے اہم امور بارے وزیر اعظم کو بریف کریں گے۔ گورنر پنجاب چودھری سرور کی بھی وزیراعظم سے ملاقات ہوگی۔ گورنر پنجاب اب پاک اتھارٹی کے منصوبوں میں پیشرفت بارے بریف کریں گے۔

پنجاب کابینہ کے سینئر وزراء بھی وزیراعظم سے ملاقات کریں گے۔ سنٹرل بزنس ڈسٹرکٹ کا وزٹ بھی وزیراعظم کے دورے میں شیڈول ہے جبکہ عمران خان ایوان وزیراعلی میں مختلف اجلاسوں کی صدارت بھی کریں گے۔