Baaghi TV

Tag: پی ٹی آئی

  • کراچی سے کلین سوئپ کریں گے ، اگلا میئر ہمارا ہوگا، علی زیدی

    کراچی سے کلین سوئپ کریں گے ، اگلا میئر ہمارا ہوگا، علی زیدی

    کراچی :علی زیدی نے کہا ہےکہ کراچی سے کلین سوئپ کریں گے، اگلا میئر ہمارا ہوگا۔پاکستان تحریک انصاف کے رہنما علی زیدی نے میڈیا سے گفتگو کرتے ہوئے کہا کہ تمام خواتین اور ورکرز کا شکریہ، اہم اعلان کر رہا ہوں خان صاحب کراچی آرہے ہیں۔انہوں نے کہا کہ حیدرآباد سے بھی پی ٹی آئی بڑی جماعت بن کر سامنے آرہی ہے، حیدرآباد والو تیار ہو جاؤ عمران خان حیدرآباد بھی آرہا ہے۔

    علی زیدی کا کہنا تھا کہ ایم اے 245 پر بھی الیکشن ہونے جا رہا ہے، این اے 245 سے بھی الیکشن جیتیں گےان کا یہ بھی کہنا تھا کہ الیکشن والے دن کراچی والو بڑی تعداد میں باہر نکلنا ، اتنی بڑی تعداد میں نکلنا کہ کسی کی دھاندلی کرنے کی ہمت نہ ہو۔

    پاکستان تحریک انصاف کے رہنما علی زیدی کا مزید کہنا تھا کہ اس حکومت کا یہ آخری چانس تھا، کراچی سے اس مرتبہ کلین سوئپ کریں گے جبکہ اب کے بار پی ٹی آئی آئے گی اور دس سال کے لئے آئے گی۔

    دوسری جانب پاکستان تحریک انصاف کے رہنما علی زیدی نے اپنے ایک بیان میں کہا تھا کہ کل ہم نے تمام اداروں کے پاس جا کر انفارمیشن جمع کرائی تھی، سب کو بتایا کہ خان صاحب کی تقریر اسکرین کے ذریعے لائیو دکھائیں گے۔انہوں نے کہا کہ صبح سے عمران اسماعیل اور میں دیکھ رہے ہیں کہ پولیس تنگ کر رہی ہے، پولیس نے ساؤنڈ کے ٹرک کے شیشی توڑ دیے ہیں، سندھ حکومت مارشل لاء سے بھی گری ہوئی حرکتیں کر رہی ہیں۔

    علی زیدی نے کہا کہ الیکشن میں دہشتگردی آپ روک نہیں سکے، ایک آدمی جان بحق ہوگیا، صحافیوں کے ساتھ زیادتیاں ہو رہی ہیں، عمران ریاض اور ایاز امیر کو زخمی کیا گیا، ہم یہاں پر امن احتجاج کر رہے ہیں۔

  • پی ٹی آئی کے جلسے میں بولی وُڈ اداکار رنبیر کپور اور کرکٹر عماد وسیم کی آمد؟خبریں تیزی سے وائرل

    پی ٹی آئی کے جلسے میں بولی وُڈ اداکار رنبیر کپور اور کرکٹر عماد وسیم کی آمد؟خبریں تیزی سے وائرل

    اسلام آباد:پاکستان تحریک انصاف (پی ٹی آئی) آج ہفتہ کو اسلام آباد میں مہنگائی اور موجودہ حکومت کے اقدامات کے خلاف احتجاج اور سیاسی قوت کا مظاہرہ کرنے جا رہی ہے۔دوسری طرف یہ بھی خبریں آرہی ہیں کہ پی ٹی آئی کے جلسے میں بولی وُڈ اداکار رنبیر کپور اور کرکٹر عماد وسیم بھی پہنچ چکے ہیں‌

    چیئرمین تحریک انصاف عمران خان نے 2 جولائی کو ملک بھر میں پیٹرولیم مصنوعات کی قیمتوں میں اضافے اور بڑھتی ہوئی مہنگائی کے خلاف احتجاج کی کال دی تھی۔

    وزیرِاعظم کا گوادر میں گھریلو صارفین کو سولر پینل فراہم کرنے کا فیصلہ

    ممتاز حیدر

    عمران خان راولپنڈی کے علاقے رحمان آباد سے ریلی کی قیادت کرتے ہوئے پریڈ گراؤنڈ پہنچیں گے، جبکہ ملک کے دور دراز علاقوں سے پی ٹی آئی کارکنان کی آمد کا سلسلہ بھی جاری ہے۔

    اسلام آباد:پریڈ گراؤنڈ جلسہ، ایک شخص سے پستول اور گولیاں…

    لیکن کیا بھارتی اداکار رنبیر کپور اور پاکستانی کرکٹر عماد وسیم بھی جلسے میں شرکت کے لیے پہنچ چکے ہیں؟سوشل میڈیا پر جلسے کی ایک تصویر خوب وائرل ہو رہی ہے جس میں بول وڈ اداکار رنبیر کپور اور کرکٹر عماد وسیم کے ہم شکل کو دیکھا جاسکتا ہے۔

    عمران خان کنٹینر پر سوار،جلسہ گاہ پہنچ گئے

  • اسلام آباد:پریڈ گراؤنڈ جلسہ، ایک شخص سے پستول اور گولیاں برآمد

    اسلام آباد:پریڈ گراؤنڈ جلسہ، ایک شخص سے پستول اور گولیاں برآمد

    اسلام آباد:پریڈ گراؤنڈ جلسہ، ایک شخص سے پستول اور گولیاں برآمد،اطلاعات کے مطابق وفاقی دارالحکومت اسلام آباد کے پریڈ گراؤنڈ میں پاکستان تحریک انصاف کے جلسے میں ایک شخص سے پستول اور گولیاں برآمد ہوئی ہیں ،

    اسلام آباد سے ذرائع کے مطابق وفاقی پولیس حکام نےاس وقت اس شخص کی تلاشی لی جب یہ شخص جلسہ گاہ میں داخل ہورہاتھا،پولیس کا کہنا ہے کہ پریڈ گراونڈ جلسہ گاہ انٹری پوائنٹ پر غنی نامی شخص سے اسلحہ برآمد کیا

    پولیس حکام کا کہنا ہے کہ اسلام آباد کے پریڈ گراونڈ جلسے میں آنے والا اسلحہ بردار شخص کے پی کے، پبلک ہیلتھ ڈیپارٹمنٹ کا ملازم ہے

    پولیس کا کہنا ہے کہ کے پی سے آئے ہوئے اس شخص کے قبضے سے تیس بور پسٹل، دس راؤنڈ برآمد ہوئے ، پولیس کا یہ بھی کہنا ہے کہ اس اسلحہ بردار شخص گرفتار کر لیا گیا،پولیس ذرائع کے مطابق اس شخص سے تفتیش جاری ہے اورتحقیقات کا دائرہ وسیع کردیا گیا ہے

    وفاقی پولیس نے ضلع بھر میں سکیورٹی ریڈ الرٹ کردی،آئی جی اسلام آباد ڈاکٹر اکبر ناصر خاں نے احکامات جاری کر دئیے ۔

    ڈی آئی جی آپریشنز، ایس ایس پی آپریشنز کو ضلع بھر میں سرچ و کومنگ آپریشنز کرنے کی ہدایات،ضلع بھر کے داخلی و خارجی راستوں پر موثر چیک پوائنٹس لگادئیے گئے جو دوسرے قانون نافذ کرنے والے اداروں اور ایکسائز اینڈ ٹیکسیشن ڈیپارٹمنٹ کے تعاون سے موثر چیکنگ کو یقینی بنائیں گے ۔

    اس کے علاوہ ریڈ زون میں بھی سکیورٹی ریڈ الرٹ کر دی گئی اور پولیس کے خصوصی دستے تعینات کر دئیے گئے جبکہ کسی بھی لااینڈآرڈر صورتحال سے نمٹنے کے لئے پولیس اہلکاروں کو10ہزار سے زائد آنسو گیس کے شیل بھی مہیا کر دئیے گئے ہیں ۔ تمام افسران کو ہدایات جاری کردی گئی ہیں کہ وہ خوداپنے اپنے علاقوں میں رہیں اور کسی بھی لااینڈ آرڈر صورتحال سے نمٹنے کے لئے نفری کو بریف کریں اور تمام ڈیوٹی کو خود چیک کریں ۔

    ڈیوٹی پر تعینات تمام اہلکاروں کو مکمل کٹ کے ساتھ بھیجا جائے ۔ دوران ڈیوٹی موبائل فون کے استعمال نہیں کیا جائے گا۔ ڈی آئی جی آپریشنز ، ایس ایس پی آپریشنز خود شہر کے مختلف علاقوں کا دورہ کریں اور ان ہدایات پر عمل درآمد کو یقینی بنائیں ۔

  • مخصوص نشستوں پر نوٹیفکیشن بارے عدالت کا تحریری فیصلہ جاری

    مخصوص نشستوں پر نوٹیفکیشن بارے عدالت کا تحریری فیصلہ جاری

    لاہور:مخصوص نشستوں پر نوٹیفکیشن بارے عدالت کا تحریری فیصلہ جاری ہوچکا ہے ،جس میں لاہور ہائی کورٹ نے الیکشن کمیشن کی جانب سے تحریک انصاف کی درخواست خارج کرنے کا اقدام کالعدم کر دیا تھا

    تفصیلات کے مطابق لاہورہائی کورٹ نے منحرف ارکان کے ڈی سیٹ ہونے پر 5 مخصوص نشستوں پر تحریک انصاف کے ارکان کا نوٹیفکیشن جاری کرنے کا تحریری حکم جاری کردیا۔

    عدالتی حکم میں کہا گیا کہ الیکشن کمیشن تحریک انصاف کی فہرست پر خالی نشستوں پر ممبران پنجاب اسمبلی کا نوٹیفکیشن جاری کرے۔

    لاہور ہائی کورٹ نے تحریری حکم میں کہا کہ ایڈیشنل رجسٹرارجوڈیشل عدالت کے حکم سے الیکشن کمیشن کو آگاہ کرے۔عدالت نے الیکشن کمیشن کی جانب سے تحریک انصاف کی درخواست خارج کرنے کا اقدام کالعدم کرکرتے ہوئے تحریک انصاف کی پنجاب اسمبلی میں خواتین اور اقلیتی ارکان کا نوٹیفکیشن جاری کرنے کی درخواست منظورکرلی۔

    لاہور ہائی کورٹ نے مسلم لیگ نون کی جانب سے مخصوص نشستوں پر ارکان کی نااہلی کے بعد کوٹہ دوبارہ نکالنے کی درخواست خارج کردی۔

    ادھرلاہور ہائیکورٹ کے کل کے فیصلے کیخلاف تحریک انصاف کی اپیل پر سپریم کورٹ میں سماعت ہوئی

    چیف جسٹس عمر عطا بندیال کی سربراہی میں 3 رکنی بینچ نے کیس کی سماعت کی، جسٹس اعجاز الاحسن اور جسٹس جمال خان مندوخیل بینچ میں شامل ہیں پی ٹی آئی کے وکیل ڈاکٹر بابر اعوان روسٹرم پر آگئے ویڈیو لنک پر لاہور سے وکیل امتیاز صدیقی پیش ہوئے ، چیف جسٹس عمر عطا بندیال نے استفسار کیا کہ 5درخواستیں ہیں کس کی طرف سے کون سا وکیل پیش ہورہا ہے ؟

    بابر اعوان نے کہا کہ میں درخواست گزار سبطین خان کی طرف سے پیش ہورہا ہوں 16 اپریل کو حمزہ شہباز کو وزیر اعلیٰ منتخب کرنے کا انتخاب ہوا، وزیراعلیٰ کے انتخاب کے روز فلور پر پرتشدد ہنگامہ ہوا، جسٹس اعجاز الاحسن نے ریمارکس دیتے ہوئے کہا کہ جس جج نے اختلافی نوٹ دیا ہے وہ ایک نکتے پر متفق بھی ہوئے ،فیصلے میں کہا ہے کہ جنہوں نے 197 ووٹ لیے ان میں سے25 نکال دیئے ہیں،جب وہ 25 ووٹ نکال دیتے ہیں تودوبارہ گنتی کرائیں، 4 ججز نے یہ کہا ہے کہ پہلے گنتی کرائیں اگر 174 کا نمبر پورا نہیں تو پھر انتخاب کرائیں،آپ یہ کہنا چاہتے ہیں آپ کے کچھ ممبران چھٹیوں اور حج پر گئے ہیں،جتنے بھی ممبرا یوان میں موجود ہوں گے اس پر ووٹنگ ہوگی،جو کامیاب ہوگا وہ کامیاب قرار پائے گا، سماعت ابھی جاری ہے

  • صدر پی ٹی آئی کراچی بلال غفار نے ایم پی اے ملک شہزاد کیخلاف مقدمہ درج کرادیا

    صدر پی ٹی آئی کراچی بلال غفار نے ایم پی اے ملک شہزاد کیخلاف مقدمہ درج کرادیا

    کراچی :صدر پی ٹی آئی کراچی بلال غفار نے ایم پی اے ملک شہزاد کیخلاف مقدمہ درج کرادیا،اطلاعات کے مطابق پاکستان تحریک انصاف کراچی کے صدر اور رکن سندھ اسمبلی بلال غفار نے اپنی ہی جماعت کے ایم پی اے ملک شہزاد کیخلاف مقدمہ درج کروادیا۔ ایف آئی آر میں مؤقف اختیار کیا گیا ہے کہ ملک شہزاد کی قیادت میں 70 سے 80 افراد میرے گھر پہنچے، مجھے کچھ ہوا تو اس کے ذمہ دار ملک شہزاد ہوں گے، انہیں گرفتار کیا جائے۔

    پاکستان تحریک انصاف کراچی کے اراکین سندھ اسمبلی ایک دوسرے کیخلاف ہوگئے، صدر پی ٹی آئی کراچی بلال غفار نے ایم پی اے ملک شہزاد کیخلاف تھانہ ٹیپو سلطان میں مقدمہ درج کرادیا، ایف آئی آر میں حملہ کرنے، بلوہ اور نقصان پہنچانے کی دفعات شامل کی گئی ہیں۔

    بلال غفار نے مقدمے میں مؤقف اختیار کیا ہے کہ ملک شہزاد کی قیادت میں گزشتہ رات ایک بج کر 15 منٹ پر میرے گھر 70 سے 80 افراد پہنچے، میرے گارڈ اور دیگر ملازمین کو حبس بے جا میں رکھا اور تشدد کیا۔صدر پی ٹی آئی کراچی نے مزید کہا کہ مجھے کچھ ہوا تو اس کے ذمہ دار ملک شہزاد ہوں گے، انہیں گرفتار کیا جائے۔

    دوسری جانب ملک شہزاد کا کہنا ہے کہ بلال غفار ہمارے بھائی ہیں، ان سے رابطہ نہیں ہورہا تھا، بلدیاتی الیکشن پر کچھ کارکنان کو تحفظات تھے، بات کرنے گئے تھے۔انہوں نے تسلیم کیا کہ کچھ کارکنان نے چوکیدار وغیرہ سے بدتمیزی کی ہے، بلال غفار سے رابطے میں ہیں، معاملہ ختم ہوجائے گا۔

    واضح رہے کہ نومبر 2021ء میں کراچی کے جوڈیشل مجسٹریٹ غربی نے شہری کے گھر میں داخل ہوکر تشدد اور قتل کی دھمکیاں دینے کے کیس میں رکن سندھ اسمبلی ملک شہزاد اعوان کی گرفتاری کا حکم دیا تھا۔

    اس سے قبل مارچ 2021ء میں ملک شہزاد اعوان نے این اے 249 پر امجد آفریدی کو ٹکٹ جاری کرنے پر بھی تحفظات کا اظہار کرتے ہوئے صوبائی اسمبلی کی رکنیت سے استعفیٰ دینے کا اعلان کرتے ہوئے اپنا استعفیٰ حلیم عادل شیخ کو جمع کرایا تھا۔

  • چیف الیکشن کمشنر سے پی ٹی آئی نے استعفے کا مطالبہ کردیا

    چیف الیکشن کمشنر سے پی ٹی آئی نے استعفے کا مطالبہ کردیا

    پاکستان تحریکِ انصاف کی رہنما اور سابق وفاقی وزیر شیریں مزاری نے مطالبہ کیا ہے کہ چیف الیکشن کمشنر استعفیٰ دیں کیونکہ ان کی ساکھ ختم ہو گئی ہے۔

    پی ٹی آئی رہنما فواد چوہدری اور اسد عمر کے ہمراہ شیریں مزاری نے میڈیا سے گفتگو کے دوران کہا کہ آئین کو بدلنے کی کوششیں اعلیٰ عدالت سے مسترد کی جا رہی ہیں، سیکریٹری الیکشن کمیشن بھی استعفیٰ دیں۔

    شیریں مزاری کا کہنا ہے کہ چیف الیکشن کمشنر چاہتے ہیں کہ آئین کو بدل دیا جائے اور وہ آئین کو بیک ڈور سے بدلنا چاہ رہے ہیں۔

    انہوں نے کہا کہ یہ الیکشن کمیشن شفاف الیکشن نہیں کرا سکتا لہذا سپریم کورٹ اس کے خلاف ایکشن لے اور چیف الیکشن کمشنر کی عزت اسی میں ہے کہ وہ خود استعفیٰ دیں۔

    سابق وفاقی وزیر کا یہ بھی کہنا ہے کہ پنجاب میں 5 مخصوص نشستوں کو فوری نوٹیفائی کیا جائے، الیکشن کمیشن نوٹیفکیشن پر بیٹھا ہوا ہے۔
    انہوں نے تحفظات کا اظہار کرتے ہوئے کہا کہ الیکشن کمشنر کو فوری طور پر مستعفی ہوجانا چاہئے. کیونکہ آئین کے خلاف فیصلے کیئے جارہے ہیں.

    فواد چودھری نے کہا کہ: بی اے پی رکن نے کہا کہ ٹیلفون کالز پر اجلاس کا بزنس چل رہا ہے، اور یہ ایجنڈا پر نہین بلکہ کالز پر چل رہا ہے.

    انہوں نے مزید کہا کہ صدر پاکستان سپریم کورٹ کو کہہ رہے ہیں کہ کمیشن بنایا جائے مگر کمیشن نہیں بنایا جائے.

    فواد چودھری کے مطابق: 25 مئی سے پاکستان کا آئین معطل ہے اور پاکستان میں تو آمریت نافض ہے.

  • لانگ مارچ میں توڑپھوڑ سے متعلق کیس: پی ٹی آئی کے 14 رہنماؤں کی عبوری ضمانتوں میں توسیع

    لانگ مارچ میں توڑپھوڑ سے متعلق کیس: پی ٹی آئی کے 14 رہنماؤں کی عبوری ضمانتوں میں توسیع

    لاہور میں انسداد دہشت گردی کی عدالت (اے ٹی سی) نے چار مختلف مقدمات میں پی ٹی آئی کے 14 رہنماؤں کی عبوری ضمانتوں میں 19 جولائی تک توسیع کر دی۔

    باغی ٹی وی : لاہور میں انسداد دہشت گردی کی عدالت (اے ٹی سی) نے منگل کو 25 مئی کو اسلام آباد کی طرف پارٹی کے لانگ مارچ کے دوران جلاؤ گھیراؤ اور توڑ پھوڑ کے چار مختلف مقدمات میں پی ٹی آئی کے 14 رہنماؤں کی عبوری ضمانتوں میں 19 جولائی تک توسیع کر دی۔

    کراچی: شہریوں نے ڈاکو کو پکڑ کر زندہ جلا دیا

    برہان معظم ملک ایڈووکیٹ نے پی ٹی آئی رہنماؤں کی نمائندگی کرتے ہوئے عدالت کو آگاہ کیا کہ پولیس جان بوجھ کر ان کے مؤکلوں سے پوچھ گچھ نہیں کر رہی اور تفتیشی افسر (IO) اس وقت دستیاب نہیں تھے۔

    ایم کیو ایم رہنما کنور نوید جمیل برین ہیمبرج کے باعث اسپتال منتقل

    اے ٹی سی لاہورنے پی ٹی آئی رہنماؤں کو متعلقہ تھانوں میں شامل تفتیش ہونے کا حکم دیا پی ٹی آئی رہنما شفقت محمود ، حماد اظہر ، یاسمین راشد ، اسلم اقبال،جمشید اقبال چیمہ ، مراد راس ،عندلیب عباس سمیت 18 ملزمان اے ٹی سی لاہور پیش ہوئے،تھانہ شفیق آباد پولیس نےپی ٹی آئی رہنماؤں کے خلاف مقدمہ درج کر رکھا ہے-

    قومی اسمبلی نےآئندہ مالی سال 2022-23 کیلئے 278 کھرب روپےکے اخراجات کی منظوری دیدی

  • پی ٹی آئی کو دیوار کے ساتھ لگانے کی کوشش کی جا رہی ہے،یاسمین راشد

    پی ٹی آئی کو دیوار کے ساتھ لگانے کی کوشش کی جا رہی ہے،یاسمین راشد

    پاکستان تحریک انصاف سینٹرل پنجاب کی صدر ڈاکٹر یاسمین راشد نے سیکرٹری اطلاعات عندلیب عباس۔ ڈاکٹر عظیم الدین لکھوی۔ زینب عمیر کے ہمراہ پارٹی آفس جیل روڈ میں پریس کانفرنس کرتے ھوئے کہاکہ پنجاب کی مخصوص نشستوں پر لاہور ہائیکورٹ کے فیصلے کا خیرمقدم کرتے ہیں۔

    ڈاکٹر یاسمین راشد نے کہا کہ الیکشن کمیشن کے حوالے سے ہمارے شک بالکل ٹھیک ہیں۔ سندھ میں الیکشن کمیشن بالکل ناکام رہی ہے۔ زرداری مافیا نے ساری سیٹیں لینے کیلئے دھاندلی کی ہے ۔جب بات کرو الیکشن کمیشن سے الیکشن کی تو وہ کہتے ہے کہ ابھی تیاری نہیں ہے۔ ضمنی الیکشن پرانی لسٹوں میں ہورہے ہیں۔

    انہوں نے کہا کہ شبیر گجر کے معاملے پر ہماری ایف آئی آر ابھی تک درج نہیں ہوئی ھے۔ الیکشن کمیشن اگر بے بس ہے تو ن لیگ دھاندلی کرنا چاہتی ہے۔ ہمیں امید ہے کہ اس الیکشن میں دھاندلی ہو گی۔گزشتہ روز چئیرمین عمران خان لاہور تشریف لائے اور انہوں نے لاھور کے چاروں ضمنی حلقوں میں ورکرز کنونشن سے خطاب کیا اور ہمارے ورکرز کنونشن جلسوں میں بدل گئے۔لوگ سڑکوں پر کھڑے ہو کر خطاب سنتے رہے ۔

    اس وقت تک سروے کے مطابق ضمنی حلقوں میں پنجاب میں تحریک انصاف لیڈ کر رہی ہیں۔ ہر روز سی ایم ہاؤس میں میٹنگز ہوتی ہیں کہ ضمنی انتخابات میں دھاندلی کس طرح کرنی ہیں۔ انہوں مزید کہاکہ کسی ادارے کا کام نہیں کہ الیکشن میں انٹر فیر کرے۔ اب نیوٹرل کو کہتے ہیں وہ نیوٹرل رہیں ۔الیکشن کمیشن کی ذمہ داری ہے کہ انتخابات شفاف ہوں۔

    علاوہ ازیں پاکستان تحریک انصاف سینٹرل پنجاب کی صدر ڈاکٹر یاسمین راشد نے پارٹی دفتر جیل روڈ میں رہنماؤں سے ملاقاتیں کیں۔ ملاقاتوں میں ضمنی الیکشن کی کمپین کے حوالے سے تبادلہ خیال کیا گیا۔اس موقع پر ڈاکٹر یاسمین راشد نے گفتگو کرتے ھوئے کہاکہ پنجاب اسمبلی کی مخصوص نشستوں پر الیکشن کمیشن کی جانب سے نوٹیفکیشن جاری نہ کرنے کے خلاف پی ٹی آئی کی لاہور ہائیکورٹ میں درخواست کی منظوری خوش آئند عمل ھے۔عدالت نے الیکشن کمیشن کو مخصوص نشستوں پر نوٹیفکیشن جاری کرنے کی ہدایت کر دی ھے۔

    ڈاکٹر یاسمین راشد نے کہاکہ یہ پی ٹی آئی کی بہت بڑی فتح ھے۔ ہم اس فیصلے کا خیرمقدم کرتے ہیں اور ہائیکورٹ کے شکر گزار ہیں۔ اس فیصلے سے حمزہ شہباز کی ناجائز پنجاب حکومت کی آئینی اور قانونی حیثیت ختم ہو گئی ھے۔ اداروں کی طرف سے پی ٹی آئی کو غیر آئینی اور غیر قانونی طور پر دیوار کے ساتھ لگانے کی کوشش کی جا رہی ہے۔ پی ٹی آئی کو پنجاب میں 20 سیٹوں پر ہرانے کی کوشش کی جا رہی ھے۔ ضمنی الیکشن میں پی ٹی آئی عوام کی طاقت سے کامیابی حاصل کرے گی اور پنجاب میں حکومت بنائے گی۔

    اس موقع پر عندلیب عباس۔ محمد احمد چٹھہ۔ اعجاز منہاس ۔ طارق حمید ۔ مبین سلطان ۔ شنیلہ علی موجود تھے

  • پی ٹی ائی کو5مخصوص نشستوں کے باوجود پنجاب حکومت کو کوئی خطرہ نہیں

    پی ٹی ائی کو5مخصوص نشستوں کے باوجود پنجاب حکومت کو کوئی خطرہ نہیں

    لاہور ہائیکورٹ نے پنجاب اسمبلی کی مخصوص نشستوں پر ارکان کا نوٹیفکیشن نہ کرنےکے خلاف تحریک انصاف کی درخواست منظور کرتے ہوئے الیکشن کمیشن کو مخصوص نشستوں پرنوٹیفکیشن جاری کرنےکی ہدایت کردی۔

    باغی ٹی وی کی رپورٹ کے مطابق لاہور ہائیکورٹ کی الیکشن کمیشن کو ہدایت کے بعد اگر پانچ مخصوص نشستیں پاکستان تحریک انصاف کو مل جائیں تو بھی پیجاب اسمبلی میں مسلم لیگ ن کی حکومت کی عددی اکثریت برقرار رہے گی اور حمزہ شہباز کی حکومت کو کوئی خطرہ نہیں ہو گا.

    لاہور ہائیکورٹ کا الیکشن کمیشن کو مخصوص نشستوں کا نوٹیفیکیشن جاری کرنے کا حکم

    مسلم لیگ ن کے وزیراعلی پنجاب کے لئے امیدوارحمزہ شہباز 16 اپریل 2022کو پنجاب کے وزیراعلیٰ منتخب ہوئے تھے انہیں پنجاب اسمبلی کے 371 کے ایوان میں سے197 ووٹ ملے تھےتاہم حمزہ شہباز کو ووٹ دینے والے 25 ارکان اسمبلی کا تعلق پاکستان تحریک انصاف سے تھا جس بنا پر انہیں ڈی سیٹ کر دیا گیا ،25 ارکان کے ڈی سیٹ ہونے کے بعد پنجاب اسمبلی ممبران کی تعداد 346 رہ گئی۔

    پنجاب اسمبلی کی موجودہ صورتحال کے مطابق پنجاب اسمبلی میں حکومتی جماعت (ن) لیگ کے پاس 166 سیٹیں ہیں. پنجاب اسمبلی میں پیپلزپارٹی کی حمایت بھی مسلم لیگ ن کو حاصل ہے اورپنجاب کے ایون میں پیپلزپارٹی کے ارکان کی تعداد7ہے جبکہ پنجاب اسمبلی کے تین آزاد ارکان اور راہ حق پارٹی کا ایک ووٹ بھی (ن) لیگ کے پاس ہے.انہیں جمع کر کے پنجاب اسمبلی میں (ن) لیگ کے حکومتی اتحاد کے ووٹوں کی تعداد 177 ہے۔

    وپنجاب اسمبلی میں پاکستان تحریک انصاف کو183 نشستیں ملی تھیں لیکن پی ٹی ائی کے 25 ارکان پارٹی کی پالیسیوں کے باعث منحرف ہو گئے اور انہوں نے وزارت اعلی کیلئے مسلم لیگ ن کے امیدوار حمزہ شہباز کو ووٹ دیا جس پر انہیں ڈی سیٹ کر دیا گیا. ڈی سیٹ ہونے کے بعد پی ٹی آئی کی پنجاب اسمبلی میں نشستیں 158 رہ گئیں۔

    پنجاب اسمبلی میں پی ٹی آئی کے 158جبکہ تحریک انصاف کی اتحادی (ق) لیگ کے 10 ارکان ہیں انہیں ملا کر اپوزیشن کے 168 ارکان بنتے ہیں ، رپورت کے مطابق اگر عدالتی فیصلے کے بعد پاکستان تحریک انساف کو 5 مخصوص نشستیں مل بھی جائیں تو اپوزیشن اتحادکی تعداد173بنتی ہے یعنی مخصوص نشستوں کے بعد بھی حکومتی اتحاد کو اپوزیشن پر 4 ووٹوں کی برتری حاصل رہے گی۔

    اس صورتحال میں مسلم لیگ ن کی حکومت کو اپوزیشن اتحاد سے کسی قسم کا کوئی خطرہ نہیں ہے، تاہم اپوزیشن اتحاد کی کوشش ہے کہ وہ وہ حکومت کو ٹف ٹائم دینے کیلئے ضمنی الیکشن میں ذیادہ سے ذیادہ نشستیں حاصل کرے.تاہم دوسری جانب حکومت بھی پرعزم ہے کہ وہ ضمنی الیکشن میں کلین سوئپ کرے کرے گی.

  • لاہور ہائیکورٹ کا الیکشن کمیشن کو مخصوص نشستوں کا نوٹیفیکیشن جاری کرنے کا حکم

    لاہور ہائیکورٹ کا الیکشن کمیشن کو مخصوص نشستوں کا نوٹیفیکیشن جاری کرنے کا حکم

    لاہور ہائیکورٹ کاالیکشن کمیشن کو مخصوص نشستوں کا نوٹیفیکیشن جاری کرنے کا حکم

    باغی ٹی وی کی رپورٹ کے مطابق پنجاب اسمبلی کی مخصوص نشستوں کا نوٹفکیشن نہ کرنے کے حوالہ سے دائر درخواست پر لاہور ہائیکورٹ میں سماعت ہوئی،

    لاہور ہائیکورٹ کے جسٹس شاہد وحید نے تحریک انصاف کی درخواست پر سماعت کی ،لاہور ہائیکورٹ نے درخواستوں کو منظور کر لیا،پی ٹی آئی کی نشستوں کا نوٹیفکیشن کرنے کا حکم دے دیا پی ٹی آئی کے وکیل بیرسٹر علی ظفرکی جانب سے لاہور ہائی کورٹ میں دلائل دیئے ایڈووکیٹ جنرل پنجاب اور ایڈیشنل اٹارنی جنرل نے درخواستوں کی مخالفت کی،عدالت نے کہا کہ الیکشن کمیشن پانچ مخصوص نشستوں کا نوٹیفکیشن جاری کرے

    بیرسٹر علی ظفر نے دلائل دیتے ہوئے عدالت میں کہا کہ الیکشن کمیشن مخصوص نشستوں پرنوٹیفکیشن جاری نہیں کررہا، منحرف ارکان کوڈی سیٹ کرنے کے بعد الیکشن کمیشن نوٹیفکیشن جاری کرنے کا پابند ہے جنرل سیٹ کے تناسب سے فہرست کے مطابق نوٹیفکیشن کیا جاتا ہے لہٰذا الیکشن کمیشن سیاسی جماعتوں کی دی گئی فہرست بدل نہیں سکتا ہم نے الیکشن کمیشن کوکہا کہ اس پرنوٹیفکیشن جاری کریں الیکشن کمیشن نے کہا کہ 20 سیٹیں خالی ہوئی ہیں اس لیے پارٹیوں کی کل نشستیں بھی بدلی ہیں الیکشن کمیشن کا یہ مؤقف قانون کے مطابق نہیں

    ایڈووکیٹ جنرل نے عدالت میں مؤقف اختیار کیا کہ مخصوص نشستوں پرنوٹیفکیشن جنرل الیکشن کے بعد ہوتا ہے اب 20 نشستوں کی وجہ سے سیاسی جماعتوں کی پوزیشن بدل گئی ہے میرا تو خیال تھا کہ یہ لارجر بینچ کا معاملہ ہے عدالت نے پنجاب اسمبلی کی مخصوص نشستوں کا نوٹیفکیشن نہ کرنے کے خلاف درخواست منظور کرلی اور الیکشن کمیشن کو مخصوص نشستوں پرنوٹیفکیشن جاری کرنےکی ہدایت کردی

    عدالت کا فیصلہ آنے کے بعد تحریک انصاف کے رہنما فیاض الحسن چوہان کا کہنا ہے کہ الیکشن کمیشن نے غیر آئینی اور غیر قانونی اسٹینڈ لیا ہو ا تھا،لاہور ہائی کورٹ کا فیصلہ پی ٹی آئی کےلیے تازہ ہوا کا پہلا جھونکا ہے،ہمارا مطالبہ ہے کہ اس ناجائز حکومت کے خلاف جو بھی کیسز ہیں، ہماری شنوائی کریں،ہم بھی شہری ہیں، آئین اور قانون کے مطابق ہمارا حق دیا جائے سندھ میں بھی آئین اور قانون کی دھجیاں اڑائی گئیں،

    عدلیہ اورججز پرانگلیاں اٹھانا، ججز پر الزامات لگانا بند کریں،جس پراعتراض ہے اس کا نام لیں،چیف جسٹس

    یہ معاملہ عدلیہ کی آزادی سے متعلق ہے،عدالت کا اٹارنی جنرل کو حکم

    عدلیہ کی غیر متعلقہ حدود میں مداخلت شرمندگی کا باعث بنتی ہے،سپریم کورٹ

    عدلیہ کے خلاف نازیبا اور توہین امیز ریمارکس،سینئر اینکر پرسن بارے عدالت کا بڑا حکم

    واضح رہے کہ تحریک انصاف کے اراکین نے وزیراعلیٰ کے انتخاب میں حمزہ شہباز کو ووٹ دیئے تھے جس کے بعد الیکشن کمیش نے منحرف اراکین کو ڈی سیٹ کر دیا تھا، اب خالی سیٹوں پر الیکشن کا اعلان ہو چکا ہے، مخصوص نشستوں کے حوالہ سے پی ٹی آئی نے درخؤاست دی ہے کہ نئی سیٹیں الاٹ کی جائیں

    پنجاب اسمبلی کی کی مخصوص نشستوں کے حوالے سے اور ان کا نوٹیفکیشن الیکشن کمیشن نے ضمنی انتخابات تک روک دیا تھا، الیکشن کمیشن نے فریقین کے دلایل سننے کے بعد پی ٹی آئی کے 25 منحرف قانون سازی کی ڈی سیٹ ہونے کے بعد خالی ہونے والی خواتین اور اقلیتوں کی 5 مخصوص نشستوں پر نئے اراکین پنجاب اسمبلی کے نوٹی فکیشن سے متعلق فیصلہ سنایا تھا اور پی ٹی آئی کی درخؤاست کو مسترد کر دیا تھا جس کے بعد پی ٹی آئی نے الیکشن کمیشن کے فیصلے کو لاہور ہائیکورٹ میں چیلنج کیا تھا