Baaghi TV

Tag: پی ٹی آئی

  • مذاکرات کیلئے تیار،بات نہ بنی تو سول نافرمانی تحریک ہو گی،عمر ایوب

    مذاکرات کیلئے تیار،بات نہ بنی تو سول نافرمانی تحریک ہو گی،عمر ایوب

    تحریک انصاف (پی ٹی آئی) کے مرکزی رہنما عمر ایوب نے کہا ہے کہ پارٹی کسی بھی صورت میں مذاکرات کے لیے تیار ہے،

    عمر ایوب نے راولپنڈی میں میڈیا سے گفتگو کرتے ہوئے پی ٹی آئی کی مذاکراتی پالیسی کو مزید واضح کرتے ہوئے کہا کہ قومی حکومت ملک کے مسائل کا حل پیش نہیں کر رہی، اور اس وقت ملک میں صرف فاشزم اور ڈنڈا ہے، جبکہ عدل و قانون کی حکمرانی لانا ضروری ہے۔ پی ٹی آئی کے بانی چیئرمین عمران خان نے پانچ رکنی مذاکراتی کمیٹی تشکیل دے دی ہے۔علی امین گنڈا پور، اسد قیصر،سلمان اکرم راجہ و دیگر کمیٹی میں شامل ہیں، مذاکرات کے لئے شرائط یہ ہیں کہ نہتے لوگوں کے خلاف مقدمے ختم کئے جائیں، نومئی ،24 نومبر کے سانحہ پر عدالتی کمیشن ہونا چاہئے، عمران خان کو غیر قانونی طور پر حراست میں رکھا گیا ہے انہیں رہا کیا جائے، اگر یہ نہیں ہوتا تو پھر ہم آزاد ہیں کہ پارٹی 13 دسمبر کو تحریک کے اگلے مرحلے کا اعلان کر دے گی اور سول نافرمانی کی تحریک شروع کر دی جائے گی۔ انہوں نے یہ بھی واضح کیا کہ پی ٹی آئی کسی بھی صورت میں اپنے مقصد سے پیچھے نہیں ہٹے گی اور عوام کی حمایت حاصل کرنے کے لیے ہر ممکن قدم اٹھائے گی۔

    سینیٹ میں اپوزیشن لیڈر شبلی فراز نے حکومت پر تنقید کرتے ہوئے کہا کہ موجودہ حکومتی جماعت جعلی کیسز کے ذریعے اپوزیشن کو مصروف رکھنا چاہتی ہے، تاکہ وہ اپنے حقیقی مسائل پر بات نہ کر سکیں۔ شبلی فراز کا کہنا تھا کہ حکومت کے ایسے اقدامات سے صرف عوام میں مایوسی بڑھے گی اور ملک کے مسائل حل ہونے کے بجائے مزید پیچیدہ ہوں گے۔

    چند روز قبل، عمران خان کی ہمشیرہ علیمہ خان نے بھی میڈیا سے گفتگو کرتے ہوئے کہا تھا کہ عمران خان نے ہدایت کی ہے کہ اگر اسٹیبلشمنٹ سے مذاکرات ناکام ہو جاتے ہیں، تو پھر سول نافرمانی کی تحریک شروع کی جائے گی۔ علیمہ خان کے اس بیان سے پی ٹی آئی کی جانب سے حکومت پر دباؤ بڑھانے کی حکمت عملی واضح ہوئی۔

    اس تمام صورتحال پر وزیر دفاع خواجہ آصف نے کہا کہ پی ٹی آئی کی پچھلی تحریکوں کی طرح سول نافرمانی کی تحریک بھی بری طرح ناکام ہو گی۔ انہوں نے کہا کہ پی ٹی آئی کے ایسے بیانات صرف سیاسی پوائنٹ اسکورنگ کے لیے ہیں اور عوام کی حمایت حاصل کرنے میں ناکام رہیں گے۔

    وزیراعظم کے مشیر برائے سیاسی امور رانا ثنا اللہ نے بھی پی ٹی آئی کے دعووں پر ردعمل دیتے ہوئے کہا کہ پی ٹی آئی اب کبھی بھی دھرنا دینے کی پوزیشن میں نہیں آئے گی۔ انہوں نے کہا کہ حکومت ہر صورتحال سے نمٹنے کے لیے تیار ہے اور پی ٹی آئی کی جانب سے دھرنے یا سول نافرمانی کی تحریک کا کوئی اثر نہیں ہو گا۔

    تحریک انصاف کی جانب سے مذاکرات کی پالیسی کو مزید واضح کیا گیا ہے، جس میں حکومت سے مذاکرات کا عندیہ دیا گیا ہے۔ تاہم، اگر یہ مذاکرات ناکام ہوتے ہیں تو پی ٹی آئی سول نافرمانی کی تحریک شروع کرنے کی دھمکی دے رہی ہے۔ دوسری جانب حکومت کی جانب سے پی ٹی آئی کی تحریکوں کو ناکامی کا سامنا کرنے کی پیشگوئی کی جا رہی ہے۔

  • پی ٹی آئی احتجاج کے دوران من گھڑت خبریں ، عالمی ادارے کی تحقیقاتی رپورٹ جاری

    پی ٹی آئی احتجاج کے دوران من گھڑت خبریں ، عالمی ادارے کی تحقیقاتی رپورٹ جاری

    اسلام آباد: پاکستان تحریک انصاف کے اسلام آباد میں ہونے والے احتجاج کے دوران تحقیقاتی رپورٹ جاری کر دی گئی-

    باغی ٹی وی : تحقیقاتی رپورٹ عالمی ادارے فیک نیوز واچ ڈاگ نے جاری کی، رپورٹ کے مطابق پی ٹی آئی احتجاج سے چلنے والی من گھڑت خبروں نے تباہ کن کردار ادا کیا، بغیر تصدیق کے خبروں کے پھیلاؤ سے پاکستان کا عالمی سطح پر چہرہ مسخ ہوا وزیر داخلہ سے منسوب آزاد کشمیر کے شہریوں سے متعلق خود ساختہ اور خطرناک بیان زیر گردش رہا جبکہ بانی پی ٹی آئی کے مبینہ ویڈیو پیغام سے متعلق بھی جعلی خبریں چلتی رہیں۔

    فیک نیوز واچ ڈاگ رپورٹ میں بتایا گیا کہ علی امین گنڈا پور اور بشریٰ بی بی کی گرفتاری سے متعلق جعلی خبر نے احتجاج کی شدت بڑھائی جبکہ پمز اور پولی کلینک اسپتال میں سینکڑوں لاشوں کی جعلی خبروں کے بھی منفی اثرات ہوئے، اسد قیصر کو پی ٹی آئی چیئرمین بنانے سے متعلق جعلی خبریں بھی بریکنگ نیوز بنیں، بانی پی ٹی آئی کے صاحبزادے سلیمان عیسیٰ خان کے نام سے جعلی اکاؤنٹ سےکارکنان کو اکسایا جاتا رہا، بانی پی ٹی آئی کو اڈیالا جیل سے منتقل کرنے کی خبریں بھی جعلی ثابت ہوئیں۔

    اس کے علاوہ فیک نیوز واچ ڈاگ کی تحقیقاتی رپورٹ میں کہا گیا ہے کہ احتجاج کے دوران آرمی اکیڈمیز سے 600 جوانوں کے استعفے کی خبریں بھی بےبنیاد ثابت ہوئیں جبکہ اسد قیصر اور محمود خان اچکزئی پر فائرنگ کی بے بنیاد خبریں بھی چلائی گئیں۔

    تحقیقاتی رپورٹ میں کہا گیا کہ قاسم سوری کے بانی پی ٹی آئی کی صحت سے متعلق بیانات کے انتہائی منفی اثرات ہوئے، ڈی پی او اٹک غیاث گل کی پریس کانفرنس میں پی ٹی آئی احتجاج کی پرانی تصویر چلائی گئی دوران نماز کنٹینر سےگرنے والے پی ٹی آئی کارکن کی موت کی خبر بھی عالمی سطح پر زیر بحث رہی تاہم گرنے والے کارکن کےمنظر عام پر آنے اور وزیر اعلیٰ کےپی سے ملاقات سے موت کی خبریں بھی غلط ثابت ہوئیں۔

    رپورٹ میں کہا گیا ہے کہ فیک نیوز کی وجہ سے سیکورٹی اداروں بلکہ پی ٹی آئی قیادت کو بھی شدید مشکلات کاسامنا رہا، فیک نیوز کے متاثرین میں حکومت، سکیورٹی ادارے اور سیاسی جماعتیں شامل ہیں، پاکستان میں فیک نیوز کے سدباب سے متعلق ہنگامی بنیادوں پر اقدامات کی ضرورت ہے۔

  • پی ٹی آئی میں پھوٹ نظر آرہی ہے یہ ساری فراڈ پارٹی ہے،خواجہ آصف

    پی ٹی آئی میں پھوٹ نظر آرہی ہے یہ ساری فراڈ پارٹی ہے،خواجہ آصف

    اسلام آباد: وزیر دفاع خواجہ آصف نے کہا ہے کہ پی ٹی آئی میں پھوٹ نظر آرہی ہے یہ ساری فراڈ پارٹی ہے-

    باغی ٹی وی : وزیر دفاع خواجہ آصف نے نجی ٹی وی سے خصوصی گفتگو میں کہا ہے کہ جسٹس منصور علی نے کہا ہے کہ 26 آئینی ترمیم کے بعد عوام کا اعتماد عدلیہ سےاٹھا جائےگا تو میں نےٹوئٹ میں ان سے پوچھا ہےکہ اس سےپہلے ثاقب نثار یا کھوسو صاحب کے وقت میں یا دوسرے جج صاحبان خاموشی سے گھر کیوں چلے گئے تھے اس وقت جو فیصلے ہورہے تھے اور میاں نوازشریف کا جو فیصلہ ہوا ان کو جس طرح عدالتوں نے ٹارگٹ کیا اس وقت ان جج صاحبان کو خیال نہیں آیا۔

    خواجہ آصف کا کہنا تھا کہ مولانا فضل الرحمان بھائی ہیں کسی وقت بھی مدارس بل پر بیٹھ کر بات ہوسکتی ہے جو بھی تحفظات ہیں سنیں گے، ڈیجیٹل میڈیا کے حوالے سے ساری دنیا میں اقدامات کیے جارہے ہیں ملک میں اس چیز کی بہت ضرورت ہے قانون سازی ہونی چاہیے بانی پی ٹی آئی سول نافرمانی کی کال دے کر شوق پورا کر لیں اگر وہ کال دینا چاہتے ہیں تو میرے خیال میں ان کی کال کو کوئی فالو نہیں کرے گا اس وقت ملک کے عوام مسائل کا حل چاہتے ہیں اور مسائل اسی صورت حل ہوسکتے ہیں کہ ملک میں امن ہو اگر بار بار اسلام آباد پر حملہ ہوگابار بار خیبرپختونخوا کی طرف سے دھمکیاں دی جائیں گی اور جھوٹ کی سیاست کی جائے گی تو کبھی مسائل حل نہیں ہوسکتے۔

    وزیر دفاع کا کہنا تھا کہ آج تک پی ٹی آئی والے بارہ لاشیں بھی نہیں دیکھا سکے پہلے وہ ہزاروں پھر دو سو سے زائد قتل عام کہتے تھے لیکن یہ بارہ لاشیں بھی نہیں دیکھا سکے بلکہ بعض لاشیں زندہ ہوگئیں ہیں جن کو انھوں کہا کہ جاں بحق ہوئے ہیں وہ زندہ ہیں ، پارٹی میں بہت سے اختلافات ہیں یہ پارٹی نہیں بلکہ متجن ہے بانی پی ٹی آئی کی ہمشیرہ کی لڑائی ان کی بیگم کے ساتھ ہے وہ ایک الگ لیڈر شپ کی لڑائی ہے یہ پارٹی شکست کا شکار ہوجائے گی پی ٹی آئی میں پھوٹ نظر آرہی ہے یہ ساری فراڈ پارٹی ہے۔

    خواجہ آصف کا کہنا تھا کہ بشری بی بی جس گاڑی پر فائرنگ کا بول رہی ہیں وہ گاڑی لے آئیں کہیں کوئی سوراخ ہوئے ہوں گے بانی پی ٹی آئی کا بھی بیان تھا میری شلوار سے بارہ گولیاں گزر گئیں وہ بھی خاوند کی طرح بیان دے رہی ہے ویڈیو موجود ہے بشری بی بی گاڑی میں بیٹھ کر ہاتھ ہلاتی جارہی ہے۔

  • عمران خان کی سول نافرمانی کی کال،پی ٹی آئی کور کمیٹی میں اختلافات

    عمران خان کی سول نافرمانی کی کال،پی ٹی آئی کور کمیٹی میں اختلافات

    پاکستان تحریک انصاف (پی ٹی آئی) کی کور کمیٹی کا اجلاس منعقد ہوا، جس میں پارٹی کے اندرونی اختلافات دیکھنے کو ملے۔ اجلاس میں عمران خان کی جانب سے سول نافرمانی کی تحریک شروع کرنے کی تجویز پر پی ٹی آئی کے رہنما آپس میں متفق نہ ہو سکے، جس کے نتیجے میں پارٹی کے اندر اس معاملے پر اختلافات کھل کر سامنے آئے۔

    تحریک انصاف کی کور کمیٹی کا اجلاس بیرسٹر گوہر کی صدارت میں ہوا،،اجلاس میں ملکی سیاسی صورتحال پر تبادلہ خیال کیا گیا، بیرسٹر علی ظفر نے بانی تحریک انصاف کے پیغام سے کورکمیٹی کو آگاہ کیا، بیرسٹر علی ظفر نے بانی تحریک انصاف کا پیغام کور کمیٹی کو دے دیا،اجلاس میں پی ٹی آئی کے سینئر رہنما علی محمد خان نے پارٹی کے بانی عمران خان کی سول نافرمانی کی تحریک کی مخالفت کی۔ علی محمد خان نے واضح طور پر کہا کہ ابھی اس تحریک کو شروع نہ کیا جائے۔ انہوں نے تجویز دی کہ عمران خان کو اس تحریک کے آغاز سے پہلے منایا جائے تاکہ ان کی جانب سے اس فیصلے پر دوبارہ غور کیا جا سکے۔علی محمد خان کا کہنا تھا کہ ہمیں اس وقت تحریک کے آغاز سے متعلق تمام پہلوؤں پر نظر ثانی کرنی چاہیے، کیونکہ اس طرح کی تحریک کے اثرات ملک کی معیشت اور عوام پر گہرے اثرات ڈال سکتے ہیں۔ اس وقت ترسیلات زر روکنے کا فیصلہ ملک کی معیشت کے لیے نقصان دہ ہو سکتا ہے، اور ہمیں اس معاملے پر غور و فکر کرنا چاہیے۔

    اجلاس میں شریک پی ٹی آئی کی رہنما عالیہ حمزہ نے کہا کہ اگر عمران خان نے ترسیلات زر روکنے کی کال دی تو بیرون ملک مقیم پاکستانی اس پر لبیک کہیں گے۔ انہوں نے کہا کہ اوورسیز پاکستانیوں کے لیے یہ ایک اہم پیغام ہوگا اور وہ بانی تحریک انصاف کی ہدایت پر آفیشل چینلز سے ترسیلات زر نہیں بھیجیں گے۔ عالیہ حمزہ کے مطابق اس اقدام سے بیرون ملک پاکستانیوں کا ملک کے ساتھ تعلق مزید مضبوط ہوگا، لیکن اس کے اثرات ملکی معیشت پر پڑ سکتے ہیں۔

    اجلاس میں پی ٹی آئی کے رہنما حلیم عادل شیخ نے بھی عمران خان کی سول نافرمانی تحریک کی حمایت کی۔ ان کا کہنا تھا کہ اگر بانی تحریک انصاف نے ترسیلات زر روکنے کا پیغام دیا ہے تو اس پر عمل کرنا چاہیے۔ حلیم عادل شیخ نے کہا کہ اس طرح کی تحریک سے ملک میں تبدیلی لانے کی کوشش کی جا رہی ہے، اور اگر پارٹی کے بانی نے کوئی فیصلہ کیا ہے تو ہمیں اس کی حمایت کرنی چاہیے۔

    پی ٹی آئی کی کور کمیٹی کے اجلاس میں سول نافرمانی تحریک کے حوالے سے پارٹی کے اندر اختلافات کھل کر سامنے آئے ہیں۔ اس اجلاس میں اختلافات کے باوجود، پارٹی کے کچھ رہنما اس بات پر متفق نظر آئے کہ عمران خان کے فیصلوں کا احترام کیا جانا چاہیے، اور اس حوالے سے مزید مشاورت کی ضرورت ہے۔پی ٹی آئی کی کور کمیٹی کے اجلاس کے نتائج سے واضح ہے کہ پارٹی میں سول نافرمانی کی تحریک کے حوالے سے اب تک ایک مؤثر موقف قائم نہیں ہو سکا۔ کچھ رہنما اس تحریک کے حامی ہیں، جب کہ دیگر اس کی ممکنہ منفی اثرات کو سامنے رکھتے ہوئے اس کی مخالفت کر رہے ہیں۔ اس صورتحال میں یہ دیکھنا باقی ہے کہ پارٹی کے اندرونی اختلافات کب ختم ہوں گے اور عمران خان کی قیادت میں پی ٹی آئی آئندہ کس سمت میں پیش قدمی کرے گی۔

    سوشل میڈیا پر جھوٹے بیانات،پروپیگنڈہ،مزید 7 ملزمان پر مقدمہ

    17 ملین سے زائد لائکس والی ٹک ٹاکر سومل کی بھی نازیبا ویڈیو لیک

    چھ ملین فالورز والی ٹک ٹاکر گل چاہت کی نازیبا ویڈیو بھی لیک

    ٹک ٹاکرز خواتین کی نازیبا ویڈیو لیک،کاروائی کیوں نہیں ہو رہی

    ٹک ٹاکر مسکان چانڈیو کی بھی نازیبا،برہنہ ویڈیو لیک

    مناہل اور امشا کےبعد متھیرا کی ویڈیولیک،کون کر رہا؟ حکومت خاموش تماشائی

    نازیبا ویڈیو لیک،وائرل ہونے پر متھیرا کا ردعمل آ گیا

    اب کون سی ٹک ٹاک گرل اپنی ویڈیوز لیک کرنے والی ، اور کیوں؟

    مناہل،امشا کے بعد متھیرا کی بھی برہنہ ویڈیو لیک،وائرل

  • جی ایچ کیو حملہ کیس،گنڈاپور،شبلی فراز سمیت 25 ملزمان کے وارنٹ

    جی ایچ کیو حملہ کیس،گنڈاپور،شبلی فراز سمیت 25 ملزمان کے وارنٹ

    انسداد دہشت گردی عدالت نے جی ایچ کیو حملہ کیس میں 25 ملزمان کے ناقابل ضمانت وارنٹ گرفتاری جاری کر دیئے

    عدالت نے وزیر اعلی خیبر پختونخوا علی امین گنڈاپور، شبلی فراز، کنول شوزب، راشد حفیظ کے ناقابل ضمانت وارنٹ گرفتاری جاری کرد یئے، عدالت نے کرنل شبیر، عمر تنویر بٹ، شہریار آفریدی،زین قریشی،میجر طاہر صادق،عظیم اللہ خان، فہد مسعود،محمد جاوید،ذاکراللہ، کے بھی ناقابل ضمانت وارنٹ گرفتاری جاری کر دیئے،عدالت نےسی پی او راولپنڈی کو وارنٹ گرفتاری پر تعمیل کرنے کا حکم دے دیا،عدالت نے ملزمان کو 10 دسمبر کو گرفتار کر کے عدالت پیش کرنے کا حکم دے دیا،وارنٹ گرفتاری انسداد دہشت گردی کی خصوصی عدالت کے جج امجد علی شاہ کی جانب سے جاری کیئے گئے ہیں،ملزمان کے ناقابل ضمانت وارنٹ گرفتاری عدم حاضری کی بناء پر جاری کیئے گئے ہیں

    واضح رہے کہ 9 مئی کے جی ایچ کیو گیٹ حملہ کیس میں عمران خان سمیت تمام ملزمان پر فردِ جرم عائد کر دی گئی ہے،شیخ رشید احمد،شیخ اشد شفیق،راجہ بشارت،زرتاج گل پر بھی فرد جرم عائد کی گئی ہے، وکلاء کے دلائل مکمل ہونےکے بعد جج امجد علی شاہ نے فرد جرم کمرہ عدالت میں پڑھ کر سنائی،مجموعی طور پر 100 ملزمان پر فرد جرم عائد کی گئی ہے۔

    عمران خان اور دیگر پر عائد فرد جرم میں الزامات کی تفصیلات سامنے آئی ہیں ، پی ٹی آئی رہنماؤں پر جی ایچ کیو پرحملہ، افواج پاکستان کو بغاوت پراکسانے کا الزام ہے،فرد جرم میں پی ٹی آئی رہنماؤں پر 9 مئی سے قبل منصوبہ بندی کرکے عسکری اہداف کا تعین اور 9مئی واقعات، ملکی داخلی، سلامتی اور ریاستی استحکام پر براہ راست حملےکاا لزام ہے،فرد جرم میں کہا گیا ہے کہ پی ٹی آئی قیادت نے سیاسی مقاصد کے لیے دہشت گرد تنظیموں کی طرز پر منظم منصوبہ بندی کی، پرتشدد مظاہروں سے حکومت کو دباؤ میں لانا دہشت گردی کے زمرے میں آتا ہے، جولائی 2023 میں محکمہ داخلہ پنجاب نے 9 مئی واقعات پر رپورٹ جاری کی،فرد جرم میں پی ٹی آئی رہنماؤں پر 102 گاڑیوں کو نقصان پہنچانے اور 26 سرکاری عمارتوں پر منظم حملے کرنے کا الزام بھی عائد کیا گیا ہے،فردجرم میں کہا گیا ہے کہ سانحہ 9 مئی میں 1 66کروڑ 56 لاکھ روپے مجموعی نقصان کا تخمینہ ہے۔

    سوشل میڈیا پر جھوٹے بیانات،پروپیگنڈہ،مزید 7 ملزمان پر مقدمہ

    17 ملین سے زائد لائکس والی ٹک ٹاکر سومل کی بھی نازیبا ویڈیو لیک

    چھ ملین فالورز والی ٹک ٹاکر گل چاہت کی نازیبا ویڈیو بھی لیک

    ٹک ٹاکرز خواتین کی نازیبا ویڈیو لیک،کاروائی کیوں نہیں ہو رہی

    ٹک ٹاکر مسکان چانڈیو کی بھی نازیبا،برہنہ ویڈیو لیک

    مناہل اور امشا کےبعد متھیرا کی ویڈیولیک،کون کر رہا؟ حکومت خاموش تماشائی

    نازیبا ویڈیو لیک،وائرل ہونے پر متھیرا کا ردعمل آ گیا

    اب کون سی ٹک ٹاک گرل اپنی ویڈیوز لیک کرنے والی ، اور کیوں؟

    مناہل،امشا کے بعد متھیرا کی بھی برہنہ ویڈیو لیک،وائرل

  • میں بشریٰ بی بی کے ساتھ” فل ٹائم” تھا،علی امین گنڈا پور

    میں بشریٰ بی بی کے ساتھ” فل ٹائم” تھا،علی امین گنڈا پور

    وزیراعلیٰ خیبر پختونخوا علی امین گنڈا پور نے کہا ہے کہ میں بشریٰ بی بی کے ساتھ فل ٹائم تھا،آخر تک تھااور ان کو وہاں سے لے کر آنا، سب کچھ میں نے کیا، اب اُس کے علاوہ کسی اور کے بارے میں ان کی کوئی رائے ہے، تو وہ ان کی ذاتی رائے ہے،وہی جواب دے سکتی ہیں

    میڈیا سے بات کرتے ہوئے وزیراعلیٰ خیبر پختونخوا علی امین گنڈا پور کا کہنا تھا کہ ہماری تو تاریخ ہے پانی پت پر کتنے حملے ہوئے تھے ابھی تو ہم نے پانچ کئے ہیں ابھی تو بہت رہتے ہیں انشااللہ فتح کریں گے اسطرح نہیں مانیں گے تو فتح کرکے دکھائیں گے، پانی پت کے برابر آ چکے ،سومنات کی طرف بڑھیں گے،ہم مذاکرات کرنے کی بات ملک کے لئے کر رہے ہیں، آئین نے ہمیں احتجاج کا حق دیا ہے، مذاکرات کرنے ہیں تو کر لیں،نہیں کرنے تو بھی ہم احتجاج کر رہے ہیں،ایک ایسا شخص، جس کی پارٹی نے بلوچستان اور سندھ میں ہماری پارٹی پر پابندی کی قراردادیں منظور کروائیں، اور گولیاں چلانے کے احکامات دینے میں بھی ان کی پارٹی شامل تھی، میں ایسے شخص کی اے پی سی میں جاؤں گا ،ایسا نہیں ہو سکتا، ایسی پارٹی اپنے آپ کو جمہوری کہتی ہے،یہ فارغ ہے، کوٹ ،ٹائی پہنے اور فوٹو نکلوائے بس،جتنی سختی کر لیں ہم اب بہت آگے بڑھ چکے ہیں.اس پیپلز پارٹی نے 1977 میں لاہور کے اندر وہی بھٹو، جسے ہم شہید کہتے ہیں، کرسی کے لیے لوگوں کو مروایا، ماڈل ٹاؤن میں مسلم لیگ ن نے جو کیا، وہ بھی سب کے سامنے ہے اوران انہوں نے مل کر جو حرکت کی ہے، اس کا حساب لیا جائے گا،یہ نفرت پیدا کروا رہے ہیں،کیا چاہتے ہیں کہ لوگ اپنا حق نہ مانگیں، مینڈیٹ چور ہیں یہ غیر آئینی اقدامات کر رہے ہیں،

    قبل ازیں گومل میڈیکل کالج کے سالانہ کانووکیشن سے خطاب کرتے ہوئے وزیراعلیٰ خیبر پختونخوا علی امین گنڈا پور کا کہنا تھا کہ ملک کو ایسی قیادت دیں جو اس ملک کو عظیم بنائے، دور دراز علاقوں میں ہیلتھ یونٹ کو فعال بنائیں گے، امن و امان کی صورتِ حال اور دور ہونے سے لوگ ڈیوٹی کرنے نہیں جاتے،جن لوگوں نے تاریخ رقم کی انہوں نے کچھ غیر معمولی کام کیا، آپ بھی وہی لوگ بنیں اور پسماندہ علاقوں میں جا کر خدمت کریں،مجھے خوشی ہے کہ چانسلر کی حیثیت سے موجود ہوں، اگر آپ کا ماضی ٹھیک نہیں ہے تو آپ اپنے حال کو ٹھیک کر لیں، جب دماغ سے سوچیں گے تو تمام مسائل حل ہو جائیں گے۔

    ڈی چوک سے کون بھاگا؟ بشریٰ یا پی ٹی آئی قیادت

    عدالت پیش نہ ہونیوالی بشریٰ بی بی ایک بار پھر سیاسی طور پر متحرک

    رقص و سرور کی محفل،بیٹے موسیٰ اور سابق شوہر خاورمانیکا کو بشریٰ بی بی کب "تبلیغ” کریں گی

    بشریٰ بارے انٹرویو، مشال یوسف زئی کو عہدے سے ہٹا دیا گیا

    بشریٰ بی بی کی سیاسی انٹری نئی نہیں،عمران خان کی بہن پھٹ پڑی

    پی ٹی آئی مظاہرین کے تشدد سے متاثرہ پنجاب رینجرز کے جوانوں کے انکشافات

    سروسز بیچنے والیوں سے مجھے یہ فتوی نہیں چاہیے،سلمان اکرم راجہ کا بشریٰ کو جواب

    پی ٹی آئی کا ہلاکتوں کے حوالے سے جھوٹا پروپیگنڈا بے نقاب

    احتجاج ،ناکامی کا ذمہ دار کون،بشریٰ پر انگلیاں اٹھ گئیں

    پی ٹی آئی کا ہلاکتوں کا دعویٰ فیک نکلا،24 گھنٹے گزر گئے،ایک بھی ثبوت نہیں

    مظاہرین کی اموات کی خبر پروپیگنڈہ،900 سے زائد گرفتار

    شرپسند اپنی گاڑیاں ، سامان اور کپڑے چھوڑ کر فرار ہوئے ہیں ،عطا تارڑ

    مبشر لقمان کی وزیر داخلہ محسن نقوی پر تنقید،رانا ثناء اللہ کے دور سے موازنہ

  • ڈی چوک سے کون بھاگا؟ بشریٰ یا پی ٹی آئی قیادت

    ڈی چوک سے کون بھاگا؟ بشریٰ یا پی ٹی آئی قیادت

    پی ٹی آئی کی سیاست میں جاری تضادات نے ایک نیا موڑ اختیار کر لیا ہے، خاص طور پر 26 نومبر کے احتجاج کے بعد، جب بشریٰ بی بی کے بیانیے اور پی ٹی آئی کی قیادت کے بیانات میں واضح اختلافات سامنے آئے ہیں۔ پی ٹی آئی کے اس احتجاج کے حوالے سے عوام تذبذب کا شکار ہیں، کیونکہ دونوں طرف سے پیش کردہ بیانیے ایک دوسرے سے متضاد ہیں۔

    بشریٰ بی بی کی اسلام آباد میں پی ٹی آئی کے احتجاجی دھرنے میں شامل ہونے کے بعد، ان کا پہلا بیان منظر عام پر آیا۔ انہوں نے کہا کہ وہ اکیلی ڈی چوک میں رہ گئی تھیں اور قیادت نے انہیں بے یار و مددگار چھوڑ دیا تھا۔ اس بیان میں بشریٰ بی بی نے شکایت کی کہ قیادت اور عوام نے ان کا ساتھ نہیں دیا، اور رات ساڑھے بارہ بجے وہ 30 سے 40 کارکنان کے ہمراہ ڈی چوک سے نکل آئیں۔

    تاہم، بشریٰ بی بی کے اس بیان کے برعکس، شواہد بتاتے ہیں کہ وہ 11 بج کر 57 منٹ پر علی امین گنڈاپور کی گاڑی میں فرار ہو گئیں تھیں۔ تاہم پی ٹی آئی رہنماؤں کا کہنا ہے کہ ہم احتجاج میں شامل تھے اور نہیں بھاگے، یہ تضاد عوام کے لیے سوالات کا سبب بن رہا ہے کہ بشریٰ بی بی کا بیان اور قیادت کے بیانیے میں کس کا بیان سچا ہے؟ کوئی نہ کوئی جھوٹ بول رہا ہے۔بشریٰ بی بی کے بیان نے پی ٹی آئی قیادت کو بھی بے نقاب کیا ہے جو انہیں اکیلا چھوڑ کر فرار ہو گئی تھی،

    ایک اور قابل ذکر پہلو وہ ہے جس میں بشریٰ بی بی نے پٹھان کارڈ استعمال کیا ،بشریٰ بی بی کا بیان میں پٹھانوں کی غیرت کا ذکر کیا اور قوم کو بانٹنے کی کوشش کی گئی۔ اس کے ساتھ ہی، ایک اور غیر واضح بیان، شہادت کے بارے میں غیر مبہم بیان۔ بانی پی ٹی آئی کے نام پر شہید ہونے کا بیانیہ، عوام کو گمراہ کرنے کی سازش،شہادت کا رتبہ صرف دین کے لیے، سیاست کے لیے نہیں،

    بشریٰ بی بی کا یہ بیانیہ پی ٹی آئی قیادت کی سیاست کے جال کو بے نقاب کرتا نظر آ رہا ہے، جہاں ایک طرف قیادت اپنے دعوے کر رہی ہے اور دوسری طرف حقیقت میں بشریٰ بی بی کی باتوں میں تضادات ہیں۔ عوام ابھی تک اس تذبذب کا شکار ہیں کہ آخرکار کس کا بیانیہ سچ ہے، اور کس نے جھوٹ بولنے کی کوشش کی ہے۔اختتاماً, 26 نومبر کا احتجاج ایک نئے سیاسی بحران کی جانب بڑھ رہا ہے، جہاں بشریٰ بی بی اور پی ٹی آئی قیادت کے بیانیے میں تضاد سامنے آ رہا ہے۔ سیاست کی پیچیدگیاں اور جھوٹ بولنے کے الزامات عوام کی نظروں میں اہم سوالات کو جنم دے رہے ہیں۔

    17 ملین سے زائد لائکس والی ٹک ٹاکر سومل کی بھی نازیبا ویڈیو لیک

    چھ ملین فالورز والی ٹک ٹاکر گل چاہت کی نازیبا ویڈیو بھی لیک

    ٹک ٹاکرز خواتین کی نازیبا ویڈیو لیک،کاروائی کیوں نہیں ہو رہی

    ٹک ٹاکر مسکان چانڈیو کی بھی نازیبا،برہنہ ویڈیو لیک

    مناہل اور امشا کےبعد متھیرا کی ویڈیولیک،کون کر رہا؟ حکومت خاموش تماشائی

    نازیبا ویڈیو لیک،وائرل ہونے پر متھیرا کا ردعمل آ گیا

    اب کون سی ٹک ٹاک گرل اپنی ویڈیوز لیک کرنے والی ، اور کیوں؟

    مناہل،امشا کے بعد متھیرا کی بھی برہنہ ویڈیو لیک،وائرل

  • نومئی مقدمہ،صاحبزادہ حامدرضا سمیت دیگر پر فردجرم عائد

    نومئی مقدمہ،صاحبزادہ حامدرضا سمیت دیگر پر فردجرم عائد

    نومئی کو فیصل آباد میں تھانہ سول لائن اور تھانہ غلام محمد آباد میں ہونے والے جلاؤ گھیراو کے مقدمات میں عدالت نے پی ٹی آئی کے 160 کارکنان پر فرد جرم عائد کر دی۔ صاحبزادہ حامد رضا پر بھی نو مئی کے مقدمے میں فردجرم عائد کر دی گئی ہے

    تھانہ غلام محمد آباد میں درج مقدمے میں بھی کارکنان پر فرد جرم عائد کر دی گئی جبکہ تھانہ سول لائن کے دونوں مقدمات میں بھی کارکنان پر فرد جرم عائد کی جا چکی ہے۔ پی ٹی آئی کی قیادت، بشمول شبلی فراز اور زرتاج گل، نے عدالت میں حاضری سے استثنیٰ کی درخواست کی جسے عدالت نے منظور کر لیا ہے۔زرتاج گل سمیت دیگر قیادت کو 14 دسمبر کو دوبارہ عدالت میں طلب کیا گیا ہے۔ ان کی طلبی کا مقصد ان کی موجودگی کی ضرورت کو پورا کرنا ہے، جیسا کہ ان کے وکیل نے عدالت میں بیان دیا۔

    انسداد دہشتگردی عدالت میں پیشی کے بعد سنی اتحاد کونسل کے سربراہ صاحبزادہ حامد رضا نے میڈیا سے گفتگو کرتے ہوئے کہا کہ 9 مئی کے واقعات پر وہ جوڈیشل کمیشن کا مطالبہ کرتے ہیں۔ انہوں نے کہا کہ حساس اداروں پر حملہ کرنے کے کیس میں فرد جرم عائد کی گئی ہے اور پی ٹی آئی کے کارکنان تمام مقدمات میں عدالتوں میں پیش ہو رہے ہیں، کیونکہ وہ اپنے موقف پر قائم ہیں۔حامد رضا نے مزید کہا کہ "ہمارا بائیو میٹرک کر لیا گیا ہے، لیکن یہ نہیں معلوم کہ کس کس کیس میں فرد جرم عائد کی گئی ہے۔” انہوں نے کہا کہ بانی پی ٹی آئی عمران خان مذاکرات کے لیے سنجیدہ ہیں اور سول نافرمانی ایک جمہوری حق ہے۔ "فیصل آباد میں ریاست کی طرف سے ظلم ہو رہا ہے اور ہمارا حق ہے کہ ہم احتجاج کریں۔” "پلیٹ لیٹس اسی کے گرتے ہیں جس کے خون میں کوئی ملاوٹ شامل ہو۔” انہوں نے کہا کہ اگرچہ پانچ کی بجائے سات سال بھی ہوں، بانی پی ٹی آئی عمران خان اپنے موقف پر قائم ہیں، اور ممکن ہے کہ رانا ثناءاللہ کی پانچ سال والی بات اپنے لیے ہو۔ آئندہ چند دنوں میں حالات بدل سکتے ہیں اور مذاکرات جاری ہیں۔ "بشری بی بی کے شوہر جیل میں ہیں، اور ان کا حق ہے کہ وہ اپنے شوہر کے لیے باہر نکلیں۔”

    بندوق کی نوک پر ڈولفن ایان سے برہنہ رقص کا واقعہ،ہیومن رائٹس کونسل کی مذمت

    گن پوائنٹ پر خواجہ سرا ڈولفن ایان سے برہنہ رقص کروا کر ویڈیو کر دی گئی وائرل

    لاہور بیورو کیخلاف بغاوت کی خبر کیسےباہر آئی؟ اکرم چوہدری سیخ پا،ذاتی کیفے میں اجلاس میں تلخی

    اکرم چوہدری کی مذہبی منافرت پھیلانے کی کوشش ،ہم نے چینل ہی چھوڑ دیا،ایگریکٹو پروڈیوسر بلال قطب

    اکرم چوہدری نجی ٹی وی کا عثمان بزدار ثابت،دیہاڑیاں،ہراسانی کے بھی واقعات

    اکرم چوہدری کا نجی ٹی وی کے نام پر دورہ یوکے،ذاتی فائدے،ادارے کو نقصان

  • سوشل میڈیا پر شرانگیزی پھیلانے والے مزید 13 ملزمان کیخلاف مقدمات

    سوشل میڈیا پر شرانگیزی پھیلانے والے مزید 13 ملزمان کیخلاف مقدمات

    سوشل میڈیا پر منفی پروپیگینڈا اور شرانگیزی پھیلانے والے مزید 13 ملزمان کیخلاف مقدمات درج کر لئے گئے

    سوشل میڈیا پر منفی پروپیگینڈے میں ملوث افراد کیخلاف کارروائیاں تیز کر دی گئی ہیں،حکومت نے سوشل میڈیا پر شرانگیزی پھیلانے والوں کیخلاف سخت ایکشن شروع کررکھا ہے،، ریاست اور ریاستی اداروں کیخلاف منفی پروپیگینڈے میں ملوث مزید 13 افراد کیخلاف مقدمات درج کر لئے گئے،جعلی خبریں سوشل میڈیا پر پھیلانے والے ملزمان میں سلیم اختر، سلمان ناصر ، ساجد حسین، محمد خالد خورشید ،عاصم ایوب اور بابر مظفر شامل ہیں،شیر عظیم خان، مبین شاہ ، علی حیدر، نادرحسین، چودھری ذوالفقار، جمیل مرزا اور محمد باسط ملک پر بھی مقدمات درج کئے گئے ہیں،ملزمان کا تعلق گوجرانوالہ، سیالکوٹ، گجرات، لیہ ،رحیم یار خان،مظفر گڑھ، ہہاولنگر، گلگت، غذراور ژوب سے ہے،

    اس سے پہلے بھی 19 ملزمان کے خلاف مقدمات درج کیے جا چکے ہیں،ان ملزمان کیخلاف سخت قانونی کارروائی عمل میں لائی جا رہی ہے،

    سوشل میڈیا پر جھوٹے بیانات،پروپیگنڈہ،مزید 7 ملزمان پر مقدمہ

    17 ملین سے زائد لائکس والی ٹک ٹاکر سومل کی بھی نازیبا ویڈیو لیک

    چھ ملین فالورز والی ٹک ٹاکر گل چاہت کی نازیبا ویڈیو بھی لیک

    ٹک ٹاکرز خواتین کی نازیبا ویڈیو لیک،کاروائی کیوں نہیں ہو رہی

    ٹک ٹاکر مسکان چانڈیو کی بھی نازیبا،برہنہ ویڈیو لیک

    مناہل اور امشا کےبعد متھیرا کی ویڈیولیک،کون کر رہا؟ حکومت خاموش تماشائی

    نازیبا ویڈیو لیک،وائرل ہونے پر متھیرا کا ردعمل آ گیا

    اب کون سی ٹک ٹاک گرل اپنی ویڈیوز لیک کرنے والی ، اور کیوں؟

    مناہل،امشا کے بعد متھیرا کی بھی برہنہ ویڈیو لیک،وائرل

  • بندوق کی نالی سے معیشت ٹھیک نہیں ہو گی ،شاہد خاقان عباسی

    بندوق کی نالی سے معیشت ٹھیک نہیں ہو گی ،شاہد خاقان عباسی

    عوام پاکستان پارٹی کے کنوینئر شاہد خاقان عباسی نے کہا ہے کہ اکٹھے بیٹھ کر مسائل کا حل نکلے گا،بندوق کی نالی سے معیشت ٹھیک نہیں ہو گی

    پریس کانفرنس کرتے ہوئے شاہد خاقان عباسی کا کہنا تھا کہ آج اکٹھے بیٹھ کر ملکی معاملات حل کرنے کی ضرورت ہے،کیوں گولی چلی، کیوں مظاہرین آئے،؟کیونکہ آپ نے اپوزیشن کو دیوار سے لگایا ہوا ہے۔عمران خان نے بھی اپوزیشن کو دیوار سے لگایا۔میرے دور میں جو ہوا اس کا ذمہ دار ہوں۔دھرنا صحیح ہوا یا غلط لیکن گولی نہیں چلی۔کسی کو قتل نہیں کیا۔عمران خان کے دور میں ہم نے بھی مشکل وقت گزارا ،سیاست میں دشمنی اب خونی ہو گئی ہے صدر اور وزیراعظم کی ذمہ داری ہے ،تمام جماعتوں کو بیٹھ کر ملکی مفاد کو دیکھتے ہوئے مذاکرات کرنا ہونگے.اسلام آباد میں پٹھانوں کوگرفتارکیاجارہا ہے، ملک میں قانون نام کی چیزنہیں، رات کی تاریکی میں 26ویں آئینی ترمیم کی گئی، یہ سمجھتے ہیں بندوق کےزورپرترقی کرینگے، یہ درست نہیں، ہم نہ حکومت میں نہ اپوزیشن میں ۔ہم ملک کی بات کر رہے ہیں، حکومت بات کرے، ہم اسکے ساتھ ہیں،جو ملک کی بات کرے ہم اس کے ساتھ ہیں۔یہ کسی ایک کے بس کی بات نہیں ہے،

    اڈیالہ میں بانی پی ٹی آئی سے ملاقات کے لیے تیار ہوں،شاہد خاقان عباسی
    شاہد خاقان عباسی کا کہنا تھا کہ اڈیالہ میں بانی پی ٹی آئی سے ملاقات کے لیے تیار ہوں اگر سسٹم ملنے دے۔ ن لیگ کاووٹ کوعزت دو کا بیانیہ دفن ہو چکا ہے، نوجوان مایوس ہوکرملک چھوڑ کر باہر جا رہے ہیں۔ میاں صاحب آٹھ فروری کویہ کہہ دیتے ہم الیکشن ہار گئے ہیں، آج ملک کی سیاست کچھ اور ہوتی، آج بھی فیصلے ان کے ہاتھ میں ہیں، جوملک کے حالات کو بہتر کرسکتے ہیں،جو پارلیمان ساری رات بیٹھ کر بغیر پڑھے ترمیم کردے اس سے کوئی امید نہیں۔مجھے کوئی امید نہیں، جو حکومت یہ کام کرے اس سے بھی مجھےکوئی امید نہیں ہے،ہماری سوچ یہ ہے کہ سب ایک جگہ بیٹھیں، بات ملک کی کریں، آگے بڑھنے کی بات کریں،ہم ہر ایک سے ملنے کو تیار ہیں،حکومت اپوزیشن جنگ میں مصروف ہیں،پورا ملک تماش بین ہے۔جن کو حکومت و اپوزیشن ہونا چاہئے وہ متحارب ہیں، یہ خرابی کو ہم نے دور کرنا ہے، کم از کم چھ آٹھ لوگ ایسے ہوں جو بات کر سکیں، دوری کو ختم کرنے کی کوشش کریں،مہنگائی بڑھ گئی ہے،سٹاک مارکیٹ کا اوپرجانا حکومت کی ناکامی کی دلیل ہے، لوگ اپنا پیسہ باہر بھیج رہے ہیں سٹاک خرید رہے ہیں،

    ہر پاکستانی گزرتے سال کے ساتھ غریب ہو رہا ہے،مفتاح اسماعیل
    دوسری جانب عوام پاکستان پارٹی کے رہنما مفتاح اسماعیل کا کہنا ہے کہ حکومت کا کارنامہ یہی ہے کہ ہر چیز مہنگی کر دی گئی ہے،پاکستان میں 40 فیصد لوگ غربت کی لکیر سے نیچے ہیں، آج بھی ملک میں لاکھوں بچے بھوکے سوئیں گے، ہر پاکستانی گزرتے سال کے ساتھ غریب ہو رہا ہے، اس حکومت نے اپنا پورا سال ضائع کر دیا، حکومت نے ایک سال میں صرف اپنی کرسی مضبوط کی ہے،سب سے مہنگی بجلی اور گیس پاکستان میں ہے۔ڈیڑھ لاکھ سٹاک مارکیٹ میں کام کر رہے انکے لئے اچھی بات ہےلیکن اس سے عوام کو کیا فائدہ، عوام کے پاس تو بل بھرنے، راشن کے پیسے ہونے چاہئے، دوائی کے پیسے ہونے چاہئے، دس سال پہلے جو تین بچوں کی کفالت کرتا تھا کیا آج وہ کر سکتا ہے، اسٹاک مارکیٹ کا اوپر جانا اچھی بات ہے لیکن غربت کتنی ہے، معیشت کی بات کرتے ہوئے غریب عوام کو بھی دیکھنا چاہئے،لوگوں کی آمدن کم ہوئی، عوام غریب ہوئے، تنخواہیں کٹ رہی ہیں،کہیں ایک تنخواہ،کہیں آدھی دی جا رہی، حکومت نے صرف قانون سازی کر کے خود کو مضبوط کیا،عوام کے لئے کچھ نہیں کیا، صوبوں کو وزارتیں نہیں دیں، زراعت پر ٹیکس نہیں لگایا، اپنے خرچے کم نہیں کئے لیکن تنخواہ دار پر ٹیکس حکومت نے لگا دیا، حکومت اپنے ان کارناموں پر خوش ہے کہ زیادہ ٹیکس لے رہے ہیں مہنگی بجلی گیس بیچ رہے ہیں تو اس پر شہباز شریف کو مبارکباد دیتے ہیں.