پی ٹی آئی پنجاب کے رہنماؤں کے احتجاج کی کال پر تحفظات سامنے آگئے ۔
پی ٹی آئی نے 24 نومبر کو اسلام آباد میں احتجاج کی کال دے رکھی ہے، اس ضمن میں بشریٰ بی بی متحرک ہیں، بشریٰ بی بی پشاور میں اجلاسوں کی صدارت کر رہی ہیں اور پارٹی رہنماؤں کو بندے لانے کا ٹاسک دے رہی ہیں تو دوسری جانب اراکین کے احتجاج کے حوالہ سے شکوے بھی سامنے آئے ہیں، اراکین کا کہنا ہے کہ پشاور اجلاس پنجاب کا تھا مگر پنجاب کے رہنماوں کو نظر انداز کیا گیا ،علی امین گنڈا پور نے حماد اظہر اور میاں اسلم اقبال کو پنجاب کے حوالے سے بات ہی نہیں کرنے دی گئی، پنجاب میں کیا مشکلات ہیں احتجاج کے حوالے سے کیا پلاننگ ہوگی بات چیت ہی نہیں کی گئی ،کارکنوں کو اکٹھا کرنے اور اسلام آباد لیجانے میں بھی مشکلات ہیں، پنجاب میں تو کرایہ پر گاڑیاں ہی نہیں مل رہی کوئی ٹرانسپورٹ گاڑی دینے کو تیار نہیں،احتجاج کے حوالے سے پنجاب کے رہنماوں سے مشاورت کی جاتی تو بہتر ہوتا،پنجاب کے کئی اراکین نے بشریٰ بی بی کے پشاور میں منعقدہ اجلاس پر عدم اعتماد کا اظہار کیا اور کہا کہ بشریٰ بی بی کے احکامات کی بجائے ہم بانی پی ٹی آئی کے احکامات مانیں گے اور احتجاج میں ضرور جائیں گے لیکن بشریٰ بی بی کو رپورٹ نہیں کریں گے،
دوسری جانب حکومت نے تحریک انصاف کی جانب سے 24 نومبر کو اسلام آباد مارچ کی کال سے نمٹنے کیلئے تیاریاں شروع کردی ہیں، وفاقی دارالحکومت میں سکیورٹی انتظامات سخت کرنے کا فیصلہ کیا گیا ہے۔،اسلام آباد پولیس نے 22 نومبر سے رینجرز اور ایف سی کے9 ہزار اہلکار مانگ لیے ہیں جب کہ پولیس حکام کی جانب سے اینٹی رائٹس کٹس بھی طلب کی گئی ہیں،اسلام آباد میں 2 ماہ کے لیے دفعہ 144 بھی نافذ کردی گئی ہے جس کے تحت 5 یا اس سے زائد افراد کے تمام عوامی اجتماعات، جلوسوں، ریلیوں اور مظاہروں پر پابندی عائد ہوگی۔
دوسری جانب سماجی رابطے کی ویب سائٹ ایکس پر سینئر صحافی و اینکر غریدہ فاروقی کا کہنا ہے کہ میری اطلاع کیمطابق وزیراعلی خیبر پختونخوا علی امین گنڈاپور آج ابتدائی ایک پیغام لے کر عمران خان سے اڈیالہ میں اس وقت ملاقات کر رہے ہیں۔ ایسے پیغامات مزید بھی پہنچائے جا سکتے ہیں۔ اور جیسا کہ کل بھی میں نے خبر دی تھی کہ عین ممکن ہے 24 نومبر کا پی ٹی آئی احتجاج کینسل/موخر ہو جائے۔ فیس سیونگ کیلئے کچھ یقین دہانیاں کچھ دیگر معاملات ہو سکتے ہیں؛ یا ٹوکن احتجاج۔ کل بیرسٹر گوہر نے بھی کہہ دیا کہ مطالبات ماننے کی یقین دہانی ہو تو احتجاج ختم کیا جا سکتا ہے۔ کل بھی میں نے خبر دی، آج بھی اس خبر کو نوٹ کر لیں۔ آئندہ کی پیش رفت بھی جلد آپ کے سامنے لاوں گی۔
واضح رہے کہ وزیراعلیٰ پختونخوا علی امین گنڈا پور نے بانی پی ٹی آئی سے اڈیالہ جیل میں ملاقات کی جو ڈیڑھ گھنٹہ جاری رہی، ملاقات میں 24 نومبر احتجاج سمیت دیگر امور پر گفتگو کی گئی کانفرنس روم میں ہونے والی دونوں شخصیات کی اہم ملاقات کی وجہ سے عدالتی کارروائی بھی متاثر ہوئی،وزیراعلیٰ کے پی کے نے بانی پی ٹی آئی عمران خان سے ایپکس کمیٹی اجلاس، 24 نومبر کے پی ٹی آئی کے احتجاج اور دیگر امور پر بات چیت کی، ملاقات ختم ہونے پر وزیراعلیٰ خیبر پختونخوا میڈیا سے کوئی بات کیے بغیر اڈیالہ جیل سے اسلام آباد کے لیے روانہ ہو گئے،
بشریٰ بی بی کی ویڈیو”لیک”ہونے کا خطرہ
24 نومبر کےجلسے کی حتمی کامیابی کیلئے خواجہ آصف کا عمران خان اور بشریٰ کو مشورہ
24 نومبر احتجاج:بشریٰ بی بی کی تمام اراکین اسمبلی کو اپنے ساتھ 5 ہزار افراد لے کر آنے کی ہدایت
بشریٰ بی بی کا "جادو” نہ چل سکا، پشاور میں پی ٹی آئی رہنما عہدے سےمستعفی
نوجوانوں سے بڑی توقعات ہیں، بشریٰ بی بی پارٹی میں متحرک
بشریٰ اور علیمہ میں پھر پارٹی پر قبضے کی جنگ،پارٹی رہنما پریشان
