Tag: پی ٹی آئی

اسلام آباد: انسداد دہشت گردی عدالت اسلام آباد نے اعظم سواتی کی عبوری ضمانت منظور کرلی۔

باغی ٹی وی : اعظم سواتی جوڈیشل کمپلیکس توڑپھوڑ کیس میں عدالت کے سامنے پیش ہوئے،کیس کی سماعت انسداد دہشت گردی عدالت کےجج طاہرعباس سپرا نےکی، عدالت نے اعظم سواتی پر دہشت گردی کی دفعات کےتحت درج مقدمےمیں دائمی وار نٹ منسوخ کردئیے۔

اعظم سواتی نے درخواست ضمانت قبل ازگرفتاری بھی دائرکردی، وکیل صفائی نے کہا کہ عدم پیشی کے باعث عدالت نے اعظم سواتی کی ضمانت خارج کردی تھی، انسداد دہشت گردی عدالت نے 10 ہزار روپے کے مچلکوں کے عوض اعظم سواتی کی عبوری ضمانت 20 اپریل تک منظور کرلی۔

حافظ نعیم الرحمان نئے امیر جماعت اسلامی منتخب

دوسری جانب جناح ہاؤس توڑ پھوڑ اور جلاؤ گھیراؤ کے مقدمے میں گرفتار 20 ملزمان کی ضمانتیں منظور کرلی گئیں، انسداد دہشت گردی لاہور کی عدالت کےجج ارشد جاوید نے ملزمان کی صمانتیں منظور کرنے کا فیصلہ سنایا اور حکم دیا کہ اگر کوئی اور مقدمہ درج نہ ہو تو ملزمان کو رہا کردیا جائے، ملزمان میں محمد یار ،الطاف محمود ،عمر زاہد ،محمد عارف سمیت 20 ملزمان شامل ہیں جن کے خلاف تھانہ سرور روڑ پولیس نے مقدمہ درج کیا تھا۔

جعلی ادویا ت بنانے والے گینگ کے کارندے گرفتار

ملکی زرمبادلہ کے ذخائر کے نئے اعداد و شمار جاری

اسلام آباد: پی ٹی آئی رہنما شیر افضل مروت نے کہا ہے کہ ہم اسلام آباد دھرنے کے لیے جارہے ہیں، ہمیں 30 ہزار تگڑے نوجوان درکار ہیں،دیکھتے ہیں کون ہم پرلاٹھیاں برساتا ہے۔

باغی ٹی وی : ایک بیان میں انہوں نے مخصوص نشستوں پرحلف نہ لینے کے علی امین گنڈاپور کے بیانیے کی بھی تائید کرتے ہوئےکہا کہ مخصوص نشستیں مسلم لیگ (ن) اور جے یو آئی کو کیسے دی جاسکتی ہیں ہم اسلام آباد دھرنے کے لیے جارہے ہیں، ہمیں 30 ہزار تگڑے نوجوان درکار ہیں، دھرنے میں 30ہزار لوگ ہوں گے دیکھتے ہیں کون ہم پرلاٹھیاں برساتا ہے، ہم مخصوص نشستوں پر حلف نہ لینے کے علی امین گنڈاپورکےبیانیے کی تائید کریں گے۔

دوسری جانب پاکستان تحریک انصاف کے رہنما شیر افضل مروت اور گلوکار سلمان احمد کے درمیان سوشل میڈیا پر لفظی جنگ چھڑ گئی ہے، ایک طرف سلمان احمد نے شیر افضل مروت کو ”رانگ نمبر“ قرار دیا تو جواباً شیر افضل مروت نے انہیں 5 اپریل تک انتظار کرنے کا کہہ دیا۔

سلمان احمد نے ”ایکس“ پر جاری اپنے پیغام میں کہا کہ ’شیر افضل مروت آپ نے اپنے لیڈر کا غلط فائدہ اٹھایا، عمران خان نے آپ کو سائیڈ لائن کرکے درست کیا، خرم روکھڑی کی طرح آپ بھی رانگ نمبر ہیں، انہوں نے یوٹیوبر عادل راجا اور حیدر مہدی کا ذکر کرتے ہوئے لکھا کہ سچائی کی نشاندہی کرنے پر وہ ان دونوں کی حمایت کرتے ہیں-

جس کے جواب میں شیر افضل مروت نے لکھا کہ ’آپ کا بیان آپ کی سوچ کا عکاس ہے، ایسے تنازع سے آپ لوگوں کو اپنی طرف متوجہ کرنا چاہتے ہیں، آپ اور آپ جیسے دو غداروں سے میری سوشل میڈیا ٹیم نمٹ لے گی، 5 اپریل تک انتظار کریں، آپ کو جواب ضرور دیا جائے گا-

اسلام آباد: تحریک انصاف کی رہنما زرتاج گل نے کہا ہے کہ بشریٰ بی بی کو زہر دے کر عمران خان کو جھکانے کی کوشش کی جارہی ہے-

باغی ٹی وی : نجی ٹی وی کے پروگرام میں سینئیر صحافی حامد میر کے ساتھ گفتگو میں زرتاج گل نے کہا کہ تحریک انصاف کے ساتھ 2سال سے جو ہورہا ہے زبان زدعام ہے، پی ٹی آئی کی خواتین پر لاٹھی چارج، شیلنگ اور ان کی چادر چار دیواری کو پامال کیا گیا ،ان کو اندازہ ہے کہ جیل میں قید خواتین کے اہل خانہ پر کیا گزر رہی ہے، عمران خان نے پاکستان کو صحیح معنوں میں خودمختار بنانے کا مقدمہ لڑا، عمران خان نے عالمی سطح پر کشمیر، فلسطین، سبز پاسپورٹ اور شانِ رسول صلی اللہ علیہ وآلہ وسلم کا مقدمہ لڑا۔

زرتاج گل کا کہنا تھا کہ بشریٰ بی بی کی صحت کے معاملات دن بدن گرتے جارہے ہیں، بشریٰ بی بی کی جان کو خطرے کی خبریں کافی دنوں سے آرہی ہیں، بشریٰ بی بی کو زہر دے کر عمران خان کو جھکانے کی کوشش کی جارہی ہے،9مئی کو ڈیرہ غازی خان میں تھی لیکن صرف پنڈی ڈویژن میں مجھ پر 14دہشتگردی کی ایف آئی آر درج کردی گئیں،مجھ پر 43کیسز بنائے گئے اتنے کیس شاید پاکستان کی تاریخ میں کسی عورت پر نہیں ہوں گے،سب پرچے ختم ہوگئے تو مجھ پر گائے چوری کا مقدمہ بھی کردیا گیا۔

پاکستان کرکٹ بورڈ کے کئی شعبوں کی تشکیل نو کا فیصلہ

زرتاج گل نے کہا کہ اعظم سواتی کی پرائیویسی میں مداخلت ہوئی تو وہ رو رہے تھے، آج ججوں کے گھروں کی پرائیویسی بھی محفوظ نہیں رہی ہے، (ن) لیگ نے تاریخ سے کچھ نہیں سیکھا، ان پر ظلم ہوا تو کہا مخالفین پر سو گنا زیادہ ظلم کرو، ا ن کی وجہ سے پنجاب میں بھی گمشدگیاں شروع ہوگئی ہیں، اویس لغاری کو جتوانے کیلئے( ن) لیگی حکومت نے مجھ پر 43مقدمات درج کروائے۔

وفاقی بیوروکریسی میں تقرر و تبادلے، نوٹیفکیشن جاری

مخصوص نشستوں پر حلف نہ لینے کا معاملہ، اسپیکر اور ڈپٹی اسپیکر صوبائی اسمبلی کو …

اسلام آباد: 9مئی کے مقدمات میں بانی پی ٹی آئی عمران خان کی بریت کی درخواست دائر کر دی گئی۔

باغی ٹی وی : ڈسٹرکٹ اینڈ سیشن کورٹ اسلام آباد میں بانی پی ٹی آئی کے خلاف تھانا کھنہ میں درج 9 مئی کے واقعات سے متعلق کیس کی سماعت ہوئی، جوڈیشل مجسٹریٹ کی عدالت میں بانی پی ٹی آئی کے وکیل نعیم پنجوتھا پیش ہوئے اور انہوں نے عمران خان کی بریت کی درخواست دائر کی۔

جوڈیشل مجسٹریٹ صہیب بلال نے استفسار کیا بانی پی ٹی آئی کیخلاف مقدمہ کا چالان جمع ہو گیا ہے، بانی پی ٹی آئی پر کتنے کیسز رہتے ہیں؟وکیل نعیم پنجوتھا نے کہا بانی پی ٹی آئی کی توشہ خانہ کی سزا معطل ہو چکی، عدت میں نکاح، سائفر کیس میں سزائیں ابھی باقی ہیں جبکہ 190 ملین پاؤنڈ اسکینڈل کیس میں ضمانت کرانی ہے،بعد ازاں عدالت نے بانی پی ٹی آئی کی بریت کی درخواست پر نوٹس جاری کرتے ہوئے 15 مئی کو دلائل طلب کر لیے۔

اسلام آباد: بانی پاکستان تحریک انصاف عمران خان نے شیر افضل مروت کو فوکل پرسن کی ذمہ داریوں سے ہٹاتے ہوئے انہیں اپنی سوشل میڈیا ٹیم بھی ختم کرنے کی ہدایت کردی ہے۔

باغی ٹی وی: ذرائع کا کہنا ہے کہ عمران خان کی جانب سے یہ فیصلہ کور کمیٹی کی سفارشات پر کیا گیا ہے، عمران خان نے کور کمیٹی کی سفا رشات کو منظور کرتے ہوئے ملاقاتیوں کے لیے نئے ناموں کی فہرست دے دی ہے جس میں عمر ایوب، سینیٹر شبلی فراز، علی ظفر اور بیرسٹر گوہر کو شا مل کیا گیا ہے، شیر افضل مروت اور عمیر نیازی کو اڈیالہ جیل میں ملاقاتیوں کے لیے نام دینے کی فہرست سے نکال دیا ہے-

کور کمیٹی کے گزشتہ اجلاس میں شیر افضل مروت اور عمیر نیازی پر شدید تنقید کی گئی تھی، پارٹی رہنماؤں کا مؤقف تھا کہ مذکورہ دونوں رہنما عمران خان سے سب سے زیادہ ملاقاتیں کرتے ہیں تاہم عمران خان کا پیغام واضح انداز میں پارٹی تک نہیں پہنچتا، شیر افضل مروت اور عمیر نیازی عمران خان سے ملاقات کرنے کے لیے فوکل پرسنز مقرر ہوئے جبکہ اس حوالے سے کور کمیٹی کو اعتماد میں نہیں لیا گیا۔

غیرملکی این جی او کی گاڑی پر حملے پر تحقیقات کر رہےہیں،اسرائیلی وزیراعظم

ذرائع نے بتایا کہ عمران خان نے منگل کو اڈیالہ جیل میں بیرسٹر گوہر کو شیر افضل کو پیغام دینے کی ہدایات کی ہیں کہ وہ فوری طور پر اپنا سوشل میڈیا ٹیم بند کریں اور پی ٹی آئی کے آفیشل سوشل میڈیا پلیٹ فارم پر ہی انحصار کیا جائے،جبکہ عمران خان نے جمعرات کو صرف سیاسی شخصیات سے ہی ملاقات کرنے کا فیصلہ کیا ہے اور فوکل پرسنز کو جمعرات کو صرف اور صرف سیاسی لوگوں کے نام بھیجنے کی ہدایات کی ہیں۔

باغی ٹی وی کی خبر پر ایکشن کمشنر بہاول پور نے اوچ شریف شہر …

دوسری جانب شیر افضل مروت نے کہا ہے کہ میرے اور عمیر نیازی کی جگہ شبلی فراز اور عمر ایوب کو جیل میٹنگز کے لیے فوکل پرسن بنائے جانے سے متعلق خبروں کے ایک حصے میں پیدا ہونے والا تاثر اذیت ناک ہے اور پارٹی کے اندر تقسیم اور گروہ بندی کی طرف اشارہ کرتا ہے۔ یقیناً یہ افواہیں جھوٹی ہیں مسٹر شبلی اور عمر ایوب خان کو شامل کیا گیا ہے جبکہ پہلے سے نوٹیفائیڈ فوکل پرسنز کو نہیں ہٹایا گیا ہے۔ خبریں جھوٹی اور گمراہ کن ہیں۔ ہم میں سے جو لوگ یہ جھوٹی خبریں لگا رہے ہیں وہ پارٹی کو نقصان پہنچا رہے ہیں-

عوامی پریس کلب ٹھٹھہ کے وفد کی ڈپٹی کمشنر سے ملاقات، مختلف امور پر تبادلہ …

اسلام آباد: پاکستان تحریک انصاف نے ججوں کے خط کے معاملے پر سپریم کورٹ کے ازخود نوٹس میں 7 رکنی بینچ کی تشکیل پر اعتراض کرے ہوئے وکلا کنونشن بلانے کا مطالبہ کیا-

باغی ٹی وی : ترجمان تحریک انصاف رؤف حسن نے کہا ہے کہ عدالتیں بظاہرکینگروکورٹس اور اسٹیبلشمنٹ کے ہاتھ کھلونا بنی ہوئی تھیں، ایجنسیاں، ایگزیکٹو، چیف جسٹس عامر فاروق اور چیف جسٹس قاضی فائز عیسیٰ ججز کے خط میں جوابدہ تھے، انکوائری کمیشن بنانے سے پہلے کابینہ نے فیصلہ سنا دیا، انکوائری کمیشن سے اپنی مرضی کا فیصلہ لیا جانا تھا، کابینہ میٹنگ میں اس خط کو جھوٹ کا پلندہ قرار دیا گیا، تصدق جیلانی بہت اچھے شخص ہیں، ان کے اپنے بیٹے ثاقب جیلانی نے باقی وکلا کے ہمراہ خط کے مندرجات کےمطابق کارروائی کےلیےخط لکھا۔

ان کا کہنا تھاکہ تصدق جیلانی کی کمیشن سے معذرت کے بعد ازخود نوٹس لیا گیا، ججوں کے خط کا معاملہ انتہائی اہم ہے جس پر سات رکنی بینچ قبول نہیں ہے، مقدمے پر فوری طور پر فل کورٹ تشکیل دیا جائے اور ازخود نوٹس کیس کی سماعت براہ راست نشر کی جائے،ججز خط پر وکلا کنونشن بلایا جائے۔

حلقہ پی ایس 129 سے حافظ نعیم الرحمان کی کامیابی کا نوٹیفکیشن جاری

وزیراعظم پاکستان کی چینی باشندوں کی فول پروف سیکورٹی کی یقین دہانی

20 سال سےچلنے والا ایرانی ڈیزل و پٹرول سمگلنگ کا بڑا نیٹ ورک پکڑا …

اسلام آباد: قائم مقام امیر جماعت اسلامی لیاقت بلوچ سے پی ٹی آئی رہنما اسد قیصر نے ٹیلی فونک رابطہ کیا-

باغی ٹی وی : ٹیلیفونک رابطے میں لیاقت بلوچ اور اسد قیصر نے جمہوریت کی مضبوطی کے لئے جدوجہد جاری رکھنے پر دونوں جماعتوں کے درمیان مثبت رابطے قائم کرنے پر اتفاق کا اظہار کیا۔

سابق سپیکر اسد قیصر نے کہا کہ غلط فہمیاں دور کرکے آگے بڑھنا چاہتے ہیں، ماضی میں رابطوں کے حوالے سے کنفیوژن پیدا ہوئی جبکہ لیاقت بلوچ نے کہا کہ پی ٹی آئی کارکنوں کی جدوجہد اور ایثار کی قدر کرتے ہیں، جماعت اسلامی آئین، قانون اور جمہوریت کی بالادستی کے لئے جدوجہد کررہی ہے، قومی قیادت کو باہمی اختلافات بھلا کر سیاسی و معاشی استحکام کے لئے کوششیں کرنا ہوں گی-

اسلام آباد: پاکستان تحریک انصاف ( پی ٹی آئی) نے اسلام آباد ہائیکورٹ کے ججز کے خط کے معاملے کو عدالتِ عظمیٰ کے لارجر بینچ کے سامنے رکھنے اور کھلی عدالت میں اس پر کارروائی کا مطالبہ بھی کیا گیا۔

باغی ٹی وی: پاکستان تحریک انصاف کی کور کمیٹی کا اجلاس ہوا جس میں ملکی عدلیہ اور قانونی مفاد سے جڑے اس حساس ترین معاملے پر چیف جسٹس کی وزیراعظم سے ملاقات پر نہایت تشویش کا اظہار کیا گیا،کور کمیٹی تحریک انصاف کے مطابق اسلام آباد ہائیکورٹ کے ججز کا خط وفاقی حکومت کی ایجنسیوں کیخلاف ایک فردِ جرم ہے اور معزز عدالتِ عالیہ کے حاضر سروس ججز کے سنجیدہ ترین مراسلے کی ایک ریٹائرڈ جج کے ذریعے تحقیقات آزادانہ، غیرجانبدارانہ اور شفاف تحقیقات سے ایک بھونڈا مذاق ہے۔

کور کمیٹی اعلامیے میں کہا گیا کہ اپنے خط میں اسلام آباد ہائیکورٹ کے ججز نے چیف جسٹس آف پاکستان اور سپریم جیوڈیشل کونسل کے سامنے عدلیہ کے وجود کو لاحق بنیادی چیلنج کو بے نقاب کیا ہے اور عوامی مینڈیٹ پر ڈاکے کے بل بوتے پر وجود میں آنے والی حکومت ہر لحاظ سے ملک میں جاری لا قانونیت اور غیر آئینی مداخلت کی سب سے بڑی بینیفیشری ہے،چوری کے مینڈیٹ پر بیٹھا غیرمنتخب وزیراعظم یا اس کی حکومت کسی قسم کی تحقیقات کروانے کے قابل ہے نہ ہی اس قسم کی تحیقیقات کی کوئی کریڈیبیلیٹی ہوگی، لہٰذا چیف جسٹس عدلیہ کے مستقبل کو ٹاؤٹوں پر مشتمل انتظامیہ کے رحم و کرم پر چھوڑنے کی بجائے ساتھی ججوں کو انصاف فراہم کریں۔

کور کمیٹی نے مطالبہ کیا کہ ہائیکورٹ کے ججز کے مطالبے کی روشنی میں جوڈیشل کانفرنس بھی طلب کی جائے اور ہر سطح کے ججز کو اس موضوع پر حقائق قوم کے سامنے رکھنے کا موقع دیا جائے۔