Baaghi TV

Tag: پی ٹی آئی

  • پی ٹی آئی رہنما کی پیپلز پارٹی میں شمولیت

    کراچی: پی ٹی آئی رہنما اور امیدوار برائے قومی و صوبائی اسمبلی سید ممتاز علی شاہ نے پیپلز پارٹی میں شمولیت اختیار کر لی۔

    باغی ٹی وی : میر پور خاص سے پی ٹی آئی کے این اے 212 اور پی ایس 46 کے امیدوار سید ممتاز علی شاہ نےپاکستان پیپلز پارٹی میں باقاعدہ شمولیت کا اعلان کر دیا ہے، سید ممتاز علی شاہ نے پیپلز پارٹی کی مرکزی رہنما فریال تالپور سے ملاقات کی، اس موقع پر انہوں نے پارٹی قیادت پر بھر پور اعتماد کا اظہار کرتے ہوئے پی پی میں شمولیت اختیار کر لی۔

    اس سے قبل پی ٹی آئی کے صوبائی اسمبلی کے حلقہ پی ایس 61 پر کھڑے ہونے والے امیدوار انور جتوئی پیپلزپارٹی کے رہنما شرجیل میمن کے حق میں دستبردار ہوگئے تھے،انور جتوئی پی ایس 61 سے پاکستان تحریک انصاف کے حمایت یافتہ امیدوار تھے جنہوں نے شرجیل میمن کے حق میں دستبردار ہونے اور پیپلزپارٹی میں شامل ہونے کا اعلان کیا تھا، انور جتوئی نے ساتھیوں سمیت پیپلزپارٹی میں شمولیت کا اعلان کرتے ہوئے شرجیل میمن کی کامیابی کیلیے نیک خواہشات کا اظہار کیا۔

  • پی ٹی آئی کے بیرون ملک مقیم کارکنوں نے پاکستان کیخلاف نیا محاز کھول لیا

    پی ٹی آئی کے بیرون ملک مقیم کارکنوں نے پاکستان کیخلاف نیا محاز کھول لیا

    اسلام آباد: وفاقی تحقیقاتی ادارے (ایف آئی اے) کے ذرائع نے انکشاف کیا ہے کہ پاکستان تحریک انصاف (پی ٹی آئی) نے مبینہ طور پر پاکستان کے خلاف ایک نیا محاذ کھولنے کا منصوبہ شروع کر دیا ہے۔

    باغی ٹی وی : ایف آئی اے ذرائع کا کہنا ہے کہ اس اقدام کے لیے پی ٹی آئی کے بیرون ملک مقیم اراکین اور مختلف اداکاروں نے فنڈز فراہم کیے ہیں اس مبینہ منصوبے کے بنیادی مقاصد، سفارتی اور انسانی حقوق کی تنظیموں کے ذریعے پاکستان پر دباؤ بڑھانا شامل ہے حتمی مقصد حکومت اور اسٹیبلشمنٹ پر عالمی دباؤ ڈال کر پی ٹی آئی کے سابق چیئرمین کے لیے مراعات حاصل کرنا ہے۔

    ایف آئی اے ذرائع نے یہ دعویٰ بھی کیا کہ اس منصوبے میں پروپیگنڈا کی کوششوں کے ذریعے 9 مئی کو جھوٹے فلیگ آپریشن کا الزام لگا کر مسلح افواج اور عوام کے درمیان خلیج پیدا کرنا بھی شامل ہے، ذرائع کے مطابق اس کا مقصد 8 فروری کے انتخابات کو متنازعہ بنانا اور پی ٹی آئی کی مقبولیت کو بڑھانا ہے۔

    ان مقاصد کو حاصل کرنے کے لیے، ایف آئی اے ذرائع کا دعویٰ ہے کہ اس منصوبے پر عمل درآمد شروع ہو چکا ہے، جس کے شواہد مبینہ طور پر فیڈرل بیورو آف انویسٹی گیشن (ایف بی آئی) جیسے اداروں کے پاس پہنچ چکے ہیں-

    مزید برآں، ایف آئی اے ذرائع کا الزام ہے کہ پاکستان اور اس کے اداروں کے خلاف قراردادیں امریکی ایوان نمائندگان اور انسانی حقوق کی تنظیموں کو ماضی میں بھی اسی طرح کے مقاصد کے حصول کے لیے پیش کی جا چکی ہیں، کہا جاتا ہے کہ پاکستان میں انسانی حقوق کی خلاف ورزیوں کے بیانیے کو اجاگر کرنے کے لیے ایک نئی رپورٹ بین الاقوامی فوجداری عدالت برائے تحقیق اور پالیسی (ICCRP) میں پیش کیے جانے کے عمل میں ہے۔

    منصوبے کے ایک حصے کے طور پر، مبینہ طور پر پاکستانی حکومت اور افواج کے کردار کو منفی انداز میں پیش کرنے کے لیے ایک متعصب دستاویزی فلم تیار کی گئی ہے، جس کی جلد ریلیز کا منصوبہ ہے۔ مزید برآں، ایسے دعوے کیے جا رہے ہیں کہ پی ٹی آئی کا مقصد امریکی اور مغربی میڈیا میں اسپانسر شدہ مضامین کی اشاعت کے ذریعے پاک فوج، انٹیلی جنس ایجنسیوں، الیکشن کمیشن اور دیگر اداروں کو نشانہ بنانا ہے۔

    ایف آئی اے ذرائع کا مزید کہنا ہے کہ 9 مئی کے واقعات کو جھوٹا فلیگ آپریشن ثابت کرنے کے لیے مزید لابیسٹ فرموں کی خدمات حاصل کی گئی ہیں، حتیٰ کہ من گھڑت کہانی میں سینئر حاضر سروس فوجی افسران کے نام بھی شامل ہیں۔ مبینہ طور پر اس منصوبے میں انٹر سروسز انٹیلی جنس (آئی ایس آئی) پر ایف بی آئی کی رپورٹ شائع کرنے کے ارادے سے پاکستانی نژاد امریکی شہریوں کو دھمکیاں دینے کا الزام لگانا شامل ہے۔

    ایف آئی اے ذرائع کے مطابق، ان پیش رفت کے درمیان سوشل میڈیا پر "آپریشن گولڈ سمتھ” کے حوالے سے باتیں گردش کر رہی ہیں۔ خبروں اور تجزیوں کی اشاعت کو "آپریشن گولڈ سمتھ” کا حصہ قرار دیا جا رہا ہے، جس میں ایف آئی اے نے "آپریشن گولڈ سمتھ پلس” کے مشتبہ سودوں کے ذریعے کئی افراد کے خلاف اہم شواہد حاصل کرنے کا دعویٰ کیا ہے۔

    ایف آئی اے ذرائع نے انکشاف کیا ہے کہ حالیہ چیف جسٹس آف پاکستان کے خلاف ایک منظم اور بدنیتی پر مبنی پروپیگنڈہ مہم شروع کی گئی ہے مختلف بین الاقوامی میڈیا آؤٹ لیٹس، جن میں دی انٹرسیپٹ، دی اکانومسٹ، نیویارک ٹائمز، الجزیرہ، بی بی سی اردو، اور دیگر شامل ہیں، مبینہ طور پر اس رپورٹ کردہ اقدام کے حصے کے طور پر پاکستان مخالف مضامین شائع کر چکے ہیں۔

  • پاکستان تحریک انصاف نے منشور کا اعلان کردیا

    اسلام آباد: پاکستان تحریک انصاف نے منشور کا اعلان کردیا، جس کے مطابق وزیراعظم کا انتخاب براہ راست ہوگا۔

    باغی ٹی وی: اسلام آباد میں پریس کانفرنس کرتےہوئے پی ٹی آئی کےبیرسٹر گوہر خان نے منشور کا اعلان کرتےہوئےبتایا کہ نیا پاکستا ن نیا تبدیلی کا نظام ہمارے منشور کا حصہ ہے ، ایک جمہوری حکومت میں وزیر اعظم پاور کا منبع ہوتا ہے،تحریک انصاف حکومت میں آ کر آئینی ترامیم کرے گی کہ وزیراعظم کا انتخاب چند ایم این ایز کی بجائے ڈائریکٹ عوام کرے یعنی وزیراعظم عوام کی مرضی سے منتخب ہو کر آئے گا۔

    اس حوالے سے بیرسٹر گوہر نے مزید بتایا کہ ہم اسمبلی کی مدت 5 سال سے کم کر کے 4 سال کریں گےسینیٹ کی مدت پانچ سال کریں گے ، سینیٹ میں بھی ریفارمز لائیں گے ، آدھے سینیٹر براہ راست منتخب ہوں گے، اقتدار میں آکر عوام کے بنیادی حق کیلئے کریمنل پروسیجر کو تبدیل کریں گے، جس ٹیم نے چھ ماہ میں منشور کو تیار کیا وہ سامنے نہیں بیٹھ سکے ، ہمیں منشور دینے میں دشواری ہے تو پارٹی کیلئے اور کیا مشکلات ہوں گی۔

    پی ٹی آئی منشور سے متعلق بیرسٹر گوہر نے مزید بتایا کہ ہمارا سلوگن ’ ایک قوم ایک جیسے قانون، سب ہوں گے برابر ’ ہے ریاست مدینہ میں مدینہ جیسے قانون ہوں ،ہمارےسول اور کریمنل پی ایل ڈی قوانین بہت مشکل ہیں صحت کارڈ کو مزید بہتر کریں گے، ایجوکیشن میں پڑھا لکھا پاکستان بنےگا ، ہنر مند پاکستان سلوگن ہوگا، ایجوکیشن سسٹم میں بہتری لائیں گے۔

    ان کا کہنا تھا کہ ہم نے 168 صفحوں کا منشور پیش کیا ہے جو سب سے مختلف ہے، ایک ملک میں دو قانون نہیں ہو سکتے، قانون کی حکمرانی میں چیک اینڈ بیلنس ہوتا ہے ساری طاقت ایک ادارے کے پاس نہیں ہونی چاہیے، صحت کارڈ کو مزید بہتر کریں گے اپنے منشور میں چھوٹا خاندان خوشحال پاکستان ہمارا سلوگن ہوگا ، آبادی کو کنٹرول کرنے پر کام کریں گےپاکستان کی نوجوان نسل کیلئے مضبوط جواں خوشحال پاکستان سلوگن ہوگا۔

    ان کا کہنا تھا کہ ، ہم اداروں کو پرائیوٹائز کریں گے، ہم بچت کے نظام کی طرف بھی جائیں گے ، ماحولیات کی طرف سلوگن ہرا بھر خوشحال پاکستان ہوگا، ہم غیر ملکی فیول کے بجائے سولر کی طرف توجہ دیں گے ہمارے نشان آزاد ہیں لیکن ہمارے امیدوار آزاد نہیں، شاندار پاکستان شاندار مستقبل اور خراب ماضی سے چھٹکارہ ہمار سلوگن ہوگا، اقتدار میں آنے کے بعد ایک ٹرتھ اینڈ ریکنیسلیشن کمیشن بنایا جائے گا۔

  • پی ٹی آئی کی لاہور، کراچی ، پشاور سمیت مختلف علاقوں میں ریلیاں ،درجنوں کارکن گرفتار

    پی ٹی آئی کی لاہور، کراچی ، پشاور سمیت مختلف علاقوں میں ریلیاں ،درجنوں کارکن گرفتار

    لاہور: بانی پی ٹی آئی عمران خان کی کال پر تحریک انصاف کے کارکنوں نے لاہور، کراچی ، پشاور سمیت مختلف علاقوں میں ریلیاں نکالیں ، تاہم پولیس نے کریک ڈاؤن کرتے ہوئے متعدد کارکنوں کو گرفتار کرلیا۔

    باغی ٹی وی:کراچی میں تحریک انصاف نے کلفٹن میں ریلی نکالی جہاں پولیس نے 50 سے زائد کارکنان کو حراست میں لے لیا جبکہ کراچی میں پی ٹی آئی کی ریلی کے دوران پی ٹی آئی کارکنوں اور پولیس میں تصادم ہوگیا،تین تلوار پر تقریر کے دوران پی ٹی آئی کارکنان اور پولیس میں جھڑپ ہوئی، پی ٹی آئی کارکنوں کی جانب سے پولیس پر پتھروں اور ڈنڈوں سے حملہ کیا گیا،پتھراؤ سے ایس ایچ او سمیت متعدد پولیس اہلکار زخمی ہوگئے-

    پولیس کا کہنا ہےکہ ایس ایچ او بوٹ بیسن ریاض نیازی کو شدید زخمی حالت میں اسپتال منتقل کیا گیا ہے پولیس نے لاٹھی چارج اور شیلنگ کرکے ریلی میں شرکت کے لیے آنے والےکارکنوں کو منتشر کردیا جب کہ متعدد کارکنوں کو گرفتار بھی کرلیا گیا اس دوران ٹریفک بھی معطل رہی جو کہ کچھ دیر بعد بحال ہوگئی۔

    جمہوریت پر چلنے سے مسائل حل ہوں گے اور بلوچستان کی بقا اسی میں ہے …

    https://x.com/PTIofficial/status/1751569593368289424?s=20

    راولپنڈی میں این اے 56 میں ریلی نکالی گئی جو ڈھوک رتہ سے ہوتی ہوئی ریلی سید پور روڈ پر اختتام پذیر ہوئی، راولپنڈی میں جاتلی کے علاقے میں پولیس نے کریک ڈاؤن کرکے دس کارکنوں کو تحویل میں لے لیا،ریلی کے شرکا نے ایک ریاست دو دستور نامنظور کے نعرے لگائے، انہوں نے پی ٹی آئی پرچم اور عمران خان کی تصاویر اٹھا رکھی تھیں، پشاور میں بھی ریلی نکالی گئی تاہم پولیس نے ریلی کو رنگ روڈ پر روک دیا، اس موقع پر پولیس اور پی ٹی آئی کارکنوں میں ہاتھا پائی ہوئی، پولیس نے کئی پی ٹی آئی کارکنوں کو گرفتار کرلیا۔

    عوام کا سمندر بتا رہا ہے کہ آٹھ فروری کو شیر آرہا ہے ،شہباز شریف

    لاہور میں علامہ اقبال روڈ بانی چیرمین کے نعروں سے گونج اٹھا۔ این اے 119میں تحریک انصاف کے حمایت یافتہ امیدوار میاں شہزاد فاروق کی قیادت میں ریلی نکالی گئی جس میں مردوں ، عورتوں اور خواتین نے بڑی تعداد میں شرکت کی، پولیس کی بھاری نفری تعینات تھی لیکن کارکنوں کی تعداد زیادہ ہونے پر راستے سے ہٹ گئی۔

    پولیس کا کہنا ہے کہ پی ٹی آئی کارکنوں نے ریلی کے لئے این او سی نہیں لیا جس کے بغیر جو بھی روڈ پہ آئے گا گرفتار کیا جائے گا۔

    اس ملک کو صرف پاکستان پیپلزپارٹی ہی بچا سکتی ہے،بلاول

  • جاوید ہاشمی کےگھر پولیس کا چھاپہ،داماد اور نواسہ گرفتار

    جاوید ہاشمی کےگھر پولیس کا چھاپہ،داماد اور نواسہ گرفتار

    ملتان : سینیئر سیاستدان جاوید ہاشمی کا کہنا ہے کہ ملتان کے علاقے مخدوم رشید میں تحریک انصاف کے ورکرز کنونشن کے دوران ان کی رہائش گاہ پر پولیس نے چھاپہ مارا اور پی ٹی آئی امیدوار زاہد بہار ہاشمی اور ان کے ملازمین کو گرفتار کرلیا۔

    باغی ٹی وی: جاوید ہاشمی نے سوشل میڈیا پر جاری اپنی پوسٹ میں لکھا کہ پنجاب پولیس کے رات ایک بجے بیسیوں اہلکاروں نے میری مخدوم رشید کی رہائش گاہ کا محاصرہ کر لیا اور غیر قانونی طور میرے گھر کی چادر چار دیواری کا تقدس پامال کرتے ہوئے بلا وارنٹ اندر داخل ہو گئے میرے داماد شاہد بہار ہاشمی اور نواسے قاسم ہاشمی کو غیر قانونی تحویل میں لے لیا گیا ہے تمام ملازمین کو گرفتار لیا گیا ہے، انہوں نے الزام لگایا کہ پولیس دروازے توڑ کر گھر میں داخل ہوئی اور تشدد کیا۔
    https://x.com/JavedHashmiJH/status/1750257104282091824?s=20
    ذرائع کے مطابق جاوید ہاشمی کی رہائش گاہ پر منعقدہ پی ٹی آئی کے ورکرز کنونشن میں پی ٹی آئی رہنما مہر بانو قریشی اور زین قریشی کو بھی شرکت کرنا تھی۔
    https://x.com/JavedHashmiJH/status/1750263193925038111?s=20

    تعلیم کے ساتھ ساتھ تربیت اور اخلاقیات پر بھی توجہ مرکوز کرنا ہو گی،عارف علوی

    ملک کے بالائی علاقوں میں بارش کا امکان

    دفع 144 کی خلاف ورزی پر لاہور میں گرفتاریاں شروع

  • نگران حکومت ، اسٹیبلشمنٹ اور الیکشن کمیشن ملے ہوئے ہیں،عمران خان

    نگران حکومت ، اسٹیبلشمنٹ اور الیکشن کمیشن ملے ہوئے ہیں،عمران خان

    راولپنڈی : پاکستان تحریک انصاف (پی ٹی آئی) کے چیئرمین عمران خان نے کہا ہے کہ 9 مئی واقعات پر نگران وفاقی حکومت کی نگرانی میں تحقیقات کو نہیں مانتے پنجاب میں دفعہ 144 صرف پی ٹی آئی کے لیے لگائی گئی ہے، اب دیکھ لینا پی ٹی آئی کو جلسے اور ریلیوں کی اجازت نہیں ملے گی، دفعہ 144 نواز شریف نے لگوائی ہوگی،یہ جو مرضی کرلیں ہم نے آخری بال تک الیکشن لڑنا ہے۔

    باغی ٹی وی: اڈیالہ جیل میں صحافیوں سے گفتگو کے دوران سابق وزیراعظم عمران خان نے کہا کہ 9 مئی واقعات پر نگران وفاقی حکومت کی نگرانی میں تحقیقات کو نہیں مانتے، 9 مئی سے متعلق کوئی آزادانہ انکوائری نہیں ہوئی نگران حکومت اور اسٹیبلشمنٹ اور الیکشن کمیشن ملے ہوئے ہیں، جب تک جی ایچ کیو، جناح ہاؤس اور دیگر تنصیبات کی سی سی ٹی وی فوٹیج چوری کرنے والوں کو نہیں پکڑا جاتا حقائق سامنے نہیں آسکتے، جس نے بھی جلاؤ گھیراؤ کیا ہے اس کو پکڑا جائے لیکن پہلے آزادنہ تحقیقات کرائی جائیں۔

    نیب نے پشاور میں پی ٹی آئی دور میں بھرتی ہونے والے …

    سابق وزیراعظم نے مزید کہا کہ انہوں نے کور کمانڈر ہاؤس لاہور، جی ایچ کیو اور اسلام آباد ہائیکورٹ کی سی سی ٹی وی فوٹیجز ہی غائب کر دی ہیں، امریکا میں کیپیٹل ہِل پر جب حملہ ہوا تو ملزمان کو سی سی ٹی وی فوٹیجز کی مدد سے گرفتار کیا گیا، ہمارے پاس ویڈیوز ہیں جس میں یاسمین راشد کارکنان کو تلقین کر رہی ہیں کہ کور کمانڈر ہاؤس کی طرف نہیں جانا۔

    عمران خان نے کہا کہ 80 فیصد فوج پی ٹی آئی کے ساتھ ہے، یہ جو مرضی کر لیں، انتخابی نشان لے لیں پی ٹی آئی کوہرا نہیں سکتے، ایسی پری پول دھاندلی تاریخ میں کبھی نہیں ہوئی، انہوں نے 8 فروری کو بھی دھاندلی کرنی ہے، دھاندلی کے باوجود ضمنی انتخابات ہارنے پر یہ پی ٹی آئی کو فیلڈ نہیں دے رہے، میرا ہاتھ عوام کی نبض پر ہے، عوام کا غصہ8 فروری کو نکلے گا،8 فروری کو جو ان کے ساتھ ہونے والا ہے وہ ان کے وہم و گمان میں بھی نہیں-

    انتخا بی مہم کے دوران حکومتی مشینری کا استعمال،الیکشن کمیشن نے نوٹس لے لیا

    سابق چیئرمین پی ٹی آئی نے ایک سوال کے جواب میں کہا کہ میری ایک ہی ڈیل ہے اور وہ ہے صاف اور شفاف انتخابات کرائیں اور جمہوریت لائیں، یہ جو سوچ رہے ہیں اس سے ملک کو نقصان پہنچے گا، یہ الیکشن نہیں آزادی کی جدوجہد ہے،ہ میرے اور شاہ محمود سمیت کسی سے کسی قسم کے مذاکرات نہیں ہورہے ہم نے پوسٹل بیلٹ کے لیے اپلائی کر رکھا ہے۔

    انہوں نے کہا کہ نواز شریف کے جلسوں میں تو کوئی آ نہیں رہا، اس کے جلسوں میں پی ٹی آئی کے نعرے لگ رہے ہیں، نواز شریف خود تو گھر بیٹھے ہیں کہ یہ مجھے سلیکٹ تو کر رہے ہیں، کیمپین کی ضرورت ہی نہیں۔

    سابق وزیراعظم عمران خان نے امیدواروں کے لیے پیغام دیتے ہوئے کہا کہ سب تیار رہیں، یہ جس امیدوار کو پکڑیں گے ہم اس کی جگہ کسی اور کو کھڑا کر دیں گے، یہ عوام سے ڈرے ہوئے ہیں، ہمارے امیدواروں کو میری تصویر لگانے کی اجازت نہیں دی جا رہی، یہاں تک کہ امیدواروں کو قیدی نمبر 804 لکھنے کی بھی اجازت نہیں ہے جو ہماری پارٹی میں نہیں رہے، ان کو ہماری تصویر لگانے کا کہہ رہے ہیں، تحریک انصاف کے ساتھ وہ ہو رہا ہے جو پہلے تاریخ میں کبھی کسی سیاسی جماعت کے ساتھ نہیں ہوا۔

    گلگت بلتستان میں زرعی انقلاب کیلئے ہرممکن تعاون کریں گے،ڈاکٹرکوثرعبداللہ ملک

    صحافی نے عمران خان سے سوال کیا کہ راولپنڈی میں آپ کی تنظیم کے عہدیداروں نے سمابیہ طاہر پر امیدواروں سے پیسے لینے الزام لگایا ہے۔بانی پی ٹی آئی عمران خان نے جواب دیا کہ سمابیہ طاہر کی پیسے لینے کی بات پر میں یقین نہیں کرتا۔

    اس سوال پر کہ آپ نے جن امیدواروں کو ٹکٹ دیئے ہیں ان پر آپ کے اپنے لوگوں کو تحفظات ہیں، عمران خان نے کہا کہ مجھے نہیں معلوم کس کو ٹکٹ ملا کس کو نہیں مجھے مشاورت کی اجازت ہی نہیں دی گئی۔

    گوہر اعجاز کو وزیرداخلہ کا اضافی چارج مل گی،نوٹیفکیشن جاری

  • ابرار الحق کا الیکشن سے دستبردار ہونے کا اعلان

    ابرار الحق کا الیکشن سے دستبردار ہونے کا اعلان

    نارووال: پاکستان تحریک انصاف (پی ٹی آئی ) کے سینئر رہنما ابرار الحق نے بھی الیکشن سے دستبردار ہونے کا اعلان کردیا۔

    باغی ٹی وی: نارووال کے حلقہ این اے 76 سے پی ٹی آئی امیدوار ابرار الحق نے عام انتخابات سے دستبردا ر ہونے کا اعلان کر دیا ہے، انہوں نے کہا ہے کہ موجودہ حالت کے پیشِ نظر میں نے دوستوں اور فیملی سے مشورے کے بعد یہ فیصلہ کیا کہ آئندہ الیکشن میں حصہ نہیں لوں گا، واضح رہے کہ این اے 76 میں ابرار الحق کا مقابلہ مسلم لیگ ن کے رہنما احسن اقبال سے تھا۔

    قبل ازیں سابق وزیر اطلاعات فواد چوہدری نے بھی عام انتخابات سے اپنے گروپ سمیت دستبرداری کا اعلان کیا تھا ، فواد چوہدری نے الیکشن کمیشن کو خط میں لکھا کہ انتخابات کا مقصد عوام کو اپنے نمائندے چننے کا اختیار دینا ہے، لیکن اگر انتخابات میں چناؤ ہی نہیں تو انتخابات کا کیا مقصد ہے، جہلم میں کیسے الیکشن ہو رہے ہیں، مجھے الیکشن سے دستبردار کرانے کے لیے جعلی مقدمات میں گرفتار کیا گیا، میرے کاغذات نامزدگی میں رکاوٹ ڈالی گئی، میرا بھائی کاغذات جمع کرانے جہلم پہنچا تو اسے گرفتار کیا گیا ، اور دھمکی دی گئی کہ جہلم واپس نہ آنا۔

    جج دلاور کی تحقیقات ہونی چاہئیں،بانی پی ٹی آئی کیخلاف ناجائز فیصلہ کیا

    گزشتہ 3 دہائیون میں مسلم لیگ ن نے پاکستان کی معیشت کو سنبھالنے میں …

    غزہ میں شدید لڑائی کے دوران 24 اسرائیلی فوجی ہلاک

  • لاہور: حلقہ این اے 119 سے پی ٹی آئی رہنما مریم نواز کے حق میں دستبردار

    لاہور: حلقہ این اے 119 سے پی ٹی آئی رہنما مریم نواز کے حق میں دستبردار

    لاہور :قومی اسمبلی کے حلقہ این اے 119 سے پاکستان تحریک انصاف کے امیدوار مہر محمد وسیم مسلم لیگ (ن) کی چیف آرگنائزر مریم نواز کے حق میں دستبردار ہوگئے اور کارکنوں سمیت ن لیگ میں شمولیت اختیار کرلی۔

    باغی ٹی وی : مہر محمد وسیم نے اپنے ساتھیوں سمیت مریم نواز سے ملاقات کی، ملاقات میں پرویز رشید، مریم اورنگزیب، علی پرویز ملک، خواجہ عمران نزیر اور دیگر رہنما بھی موجود تھے،اس موقع پر پی ٹی آئی کے قومی اور صوبائی اسمبلی کے امیدوارمہر محمد وسیم اورحامی مریم نواز کے حق میں دستبردار ہوگئے مہر محمد وسیم اور ان کے ساتھیوں نے حلقے میں مریم نواز کی حمایت کا اعلان کیا –

    مریم نواز نے مہر محمد وسیم اور ان کے ساتھیوں کی مسلم لیگ (ن) میں شمولیت کا خیرمقدم کیا اور کہا کہ آپ نے ترقی کے قافلے میں شمولیت اختیار کرلی ہے2018 سے 2022 تک نااہلی کا اثر پور ے پاکستان نے دیکھا اور بھگتا،سیاسی مخالفین کو رلانے کی خواہش رکھنے والوں کے پیدا کردہ مسائل کے باعث آج پورا پاکستان رو رہا ہے۔

    ملک وقوم کی خدمت کی ایک نئی تاریخ رقم کرنی ہے،مریم نواز

    مہر وسیم اور ان کے ساتھی 25 جنوری کوجلسے میں باضابطہ مسلم لیگ (ن) میں شمولیت کا اعلان کریں گے اور مریم نواز بھی جلسے میں شرکت کریں گی۔

    عدالت میں نیب کے گواہ کے بیان کے بعد ریفرنس بے بنیاد ثابت ہو گیا،پی …

    ’کے الیکٹرک‘ کو مزید لائسنس دینے پرعدالت جائیں گے،حافظ نعیم

  • عدالت میں نیب کے گواہ کے بیان کے بعد ریفرنس بے بنیاد ثابت ہو گیا،پی ٹی آئی

    عدالت میں نیب کے گواہ کے بیان کے بعد ریفرنس بے بنیاد ثابت ہو گیا،پی ٹی آئی

    اسلام آباد: پی ٹی آئی کی جانب سےعمران خان کے خلاف توشہ خانہ ریفرنس سے متعلق دعویٰ کیا گیا ہے کہ عدالت میں نیب کے گواہ کے بیان کے بعد ریفرنس بے بنیاد اورمن گھڑت ثابت ہو گیا۔

    باغی ٹی وی: پی ٹی آئی کے اعلامیہ میں کہا گیا کہ عمران خان کے وکیل شہباز کھوسہ ایڈووکیٹ ⁦‪نے نیب کے اسٹار گواہ عمران مسیح کی جرح میں سارا کیس اڑا کر رکھ دیا، عمران مسیح دبئی میں بھارتی دُکان پر 3800 درہم ماہانہ پر پارٹ ٹائم سیلزمین ہے۔

    پی ٹی آئی نے دعویٰ کیا کہ عمران مسیح کو نیب نے توشہ خانہ کی جیولری کی تصاویر بھیجیں اور اس سے لیے گئے جواب کی بنیاد پر سارا کیس بنایا، ‏گواہ عمران مسیح ایک ایف اے پاس شخص ہے جو 8 برس کی کوششوں کے باوجود بی کام کا امتحان پاس نہ کر سکا عمران مسیح کے پاس جیولری کو پرکھنے کا کوئی سرٹیفکیٹ نہیں ہےعمران مسیح کو اپنے پاس ہیروں کا تعین کرنے کے لیے موجود متعلقہ سرٹیفیکٹ IGI کا مخفف بھی معلوم نہیں اور ‏عمران مسیح کو اپنی دوکان کے مالک کا بھی معلوم نہیں کہ وہ کون ہے۔

    افغانستان میں ٹی ٹی پی کی پناہ گاہوں اور تربیتی مراکز کی موجودگی کے …

    اعلامیہ میں کہا گیا کہ سیلز مین عمران مسیح نے مارکیٹ ریسرچ اور دکانوں سے لگائے گئے تخمینے کا کوئی تحریری ثبوت پیش نہیں کیا اور نہ ہی ‏عمران مسیح کو کمپنی کی طرف سے قیمت کے تعین اور عدالت میں گواہی کے حوالے سے کوئی اتھارٹی لیٹر جار ی نہیں کیا گیا نیب کے ریفرنس میں دئیے گئے تحائف کا مشینز سے معائنہ نہیں کیا گیا کیونکہ اس کے پاس ان تحائف کی صرف تصا ویر دستیاب تھیں، ‏گواہ عمران مسیح نے اپنی رپورٹ میں ہیروں کا وزن گرام میں لکھا جبکہ ہیروں کا وزن قیراط میں کیا جاتا ہے۔

    8 فروری کے الیکشن ملک کے مستقبل کا فیصلہ کریں گے،حمزہ شہباز

    الیکشن کمیشن نے پولنگ اسٹیشنز بنانے کیلئے 1200ووٹرز کا قانون یکسر نظر انداز کردیا

  • توہین الیکشن کمیشن کیس میں جیل ٹرائل کیخلاف درخواست سماعت کیلئے مقرر

    توہین الیکشن کمیشن کیس میں جیل ٹرائل کیخلاف درخواست سماعت کیلئے مقرر

    لاہور: سابق وزیراعظم اور بانی پی ٹی آئی عمران خان کی توہین الیکشن کمیشن کیس میں جیل ٹرائل کیخلاف درخواست لاہور ہائیکورٹ میں سماعت کیلئے مقرر ہوگئی۔

    باغی ٹی وی : جسٹس عالیہ نیلم کی سربراہی میں تین رکنی بینچ 22 جنوری کو سماعت کرے گا،لاہور ہائیکورٹ میں سابق چیئرمین پی ٹی آئی نے جیل ٹرائل روکنے کیلئے درخواست دائر کر رکھی ہےعمران خان نے اپنے وکیل سمیر کھوسہ ایڈووکیٹ کی وساطت سے درخواست میں موقف اختیار کیا ہے کہ توہین الیکشن میں جیل ٹرائل کا نوٹی فکیشن غیر قانونی ہے، اس حوالے سے حقائق کو مد نظر نہیں رکھا گیا لہذا عدالت نوٹی فکیشن کو کالعدم قرار دے ،رجسٹرار آفس نے سابق چئیرمین پی ٹی آئی کی درخواست سماعت کیلئے مقرر کردی ہے۔

    دوسری جانب توشہ خانہ ریفرنس کی اڈیالہ جیل میں سماعت ہوئی جس میں 2 گواہوں کے بیانات قلمبند کرلیے گئے جبکہ ایک گواہ پر جرح مکمل کرلی گئی، ریفرنس کی سماعت احتساب عدالت اسلام آباد کے جج محمد بشیر نے کی، بانی پی ٹی آئی کو عدالت کے روبرو پیش کیا گیا-

    اڈیالہ جیل میں ہونے والی توشہ خانہ ریفرنس کی سماعت کے دوران دبئی سے آئے گواہ کے بیان پر جرح مکمل کی گئی، سلطانی گواہ انعام اللہ شاہ اور صہیب عباسی کے بیانات قلمبند ہو گئے جس کے بعد توشہ خانہ ریفرنس کی سماعت 23 جنوری تک ملتوی کردی گئی۔

    مالیت کا تخمینہ لگانے والی کمپنی کے ملازم کا بیان قلمبند کرکے جرح مکمل کرلی گئی۔ گواہ کا بیان مکمل ہونے پر وکیل صفائی شہباز کھوسہ نے جرح کی، گواہ کے مطابق کونسل جنرل پاکستان کی جانب سے تخمینہ کیلئے اپروچ کیا گیا، کمپنی نے مجھے ان چیزوں کی مارکیٹ ویلیو سرچ کرنے کا کہا، گراف جیولری سیٹ کا تخمینہ 19.492ملین امریکی ڈالر لگا، تخمینے کی رپورٹ کونسل جنرل پاکستان کے دفتر جمع کرائی۔

    گواہ نے بتایا کہ محسن حبیب نے گراف جیولری سیٹ کے تخمینہ کیلئے تصاویر دیں، میں کمپنی میں بطور پارٹ ٹائم سیلزمین کا کام کرتا ہوں، جیولری کے تخمینہ کیلئے مجھے کوئی ادائیگی نہ کی گئی، مجھے کمپنی کی جانب سے ماہانہ تنخواہ دی جاتی ہے، کونسلیٹ نے کمپنی کو کیا ادائیگی کی مجھے معلوم نہیں ہے۔

    واضح رہے کہ ایک دن پہلے ہونے والی سماعت میں احتساب عدالت نے توشہ خانہ کیس میں گواہ عبداللہ کا بیان قلمبند کیا گیا تھا-