واشنگٹن: امریکی صدر ڈونلڈ ٹرمپ کے گزشتہ روز عائد کیے گئے تجارتی ٹیرف کا دائرہ دنیا کے دور افتادہ غیر آباد برفانی جزیروں تک جا پہنچا،جہاں صرف پینگوئنز رہتی ہیں-
باغی ٹی وی : برطانوی اخبار کے مطابق انٹارکٹکا کے قریب آسٹریلیا کے زیر انتظام غیر آباد جزائر ہرڈ آئی لینڈ اور میکڈونلڈ آئی لینڈز پر بھی امریکا کی جانب سے 10 فیصد تجارتی ٹیرف عائد کر دیا گیا ہےیہ جزائر زمین کے دور افتادہ ترین مقامات میں شمار ہوتے ہیں جہاں صرف برفانی گلیشیئرز اور پینگوئن پائے جاتے ہیں، ان جزائر پر انسانی آمد و رفت نہ ہونے کے برابر ہے اور یہاں انسانوں کا آخری دورہ تقریباً 10 سال قبل ہوا تھا۔
وائٹ ہاؤس کی جانب سے جاری کی گئی ٹیرف کا شکار ہونے والے ممالک کی فہرست میں ان جزیروں کو بھی شامل کیا گیا ہے، ہرڈ آئی لینڈ اور میکڈونلڈ آئی لینڈز میں کوئی عمارت یا انسانی آبادی موجود نہیں ہیں، اس وجہ سے ان جزائر کے حوالے سے پیش کیے گئے برآمدی اعداد و شمار حیران کن ہیں۔
زرمبادلہ کے سرکاری ذخائر میں7 کروڑ ڈالر کا اضافہ
عالمی بینک کیمطابق 2022 میں امریکا نےان جزیروں سے 14 لاکھ ڈالرمالیت کی درآمدات کیں جن میں زیادہ ترمشینری اور الیکٹریکل آلات شامل تھے تاہم ان اشیا کی نوعیت واضح نہیں۔
برطانوی اخبار کے مطابق ہرڈ آئی لینڈ اور میکڈونلڈ آئی لینڈز کے علاوہ دیگر آسٹریلوی بیرونی علاقوں (ایکسٹرنل ٹیریٹریز) جیسے کوکوس (کیلنگ) آئی لینڈز، کرسمس آئی لینڈ اور نورفولک آئی لینڈ پر بھی ٹیرف عائد کیا گیا ہے حالانکہ یہ علاقے خود مختار نہیں ہیں اور آسٹریلیا کے ماتحت سمجھے جاتے ہیں۔
پیپلزپارٹی کینال معاملےپر ہر چیز کی قربانی دےسکتی ہے،مراد علی شاہ
نورفولک آئی لینڈ کی آبادی صرف 2188 افراد پر مشتمل ہے اور اس پر 29 فیصد ٹیرف عائد کیا گیا ہے جو آسٹریلیا پر عائد 10 فیصد ٹیرف سے 19 فیصد زیادہ ہے سال 2023 میں نورفولک آئی لینڈ سے امریکا کو تقریباً 6 لاکھ 55 ہزار امریکی ڈالر کی برآمدات ہوئیں جن میں 4 لاکھ 13 ہزارڈالر کے چمڑے کے جوتے شامل تھے، تاہم نورفولک آئی لینڈ کے ایڈمنسٹریٹر جارج پلانٹ نے ان اعداد و شمار کو مسترد کرتے ہوئے کہا کہ نورفولک آئی لینڈ سے امریکا کو کسی بھی قسم کی برآمدات کا کوئی ریکارڈ موجود نہیں۔
آسٹریلوی وزیراعظم اینتھونی البانیز نے ان جزائر پر عائد کردہ ٹیرف پر ردعمل دیتے ہوئے کہا کہ ’نورفولک آئی لینڈ پر 29 فیصد ٹیرف لگا دیا گیا ہے، میں نہیں سمجھتا کہ نورفولک آئی لینڈ امریکا جیسے بڑے تجارتی ملک کے لیے کوئی خطرہ ہے، لیکن یہ ظاہر کرتا ہے کہ زمین پر کوئی بھی جگہ محفوظ نہیں‘۔
ماہرین فلکیات نے ایک دور دراز کہکشاں دریافت کر لی
واضح رہے کہ امریکی صدر ٹرمپ نے پاکستان سمیت دنیا کے مختلف ممالک پر جوابی ٹیرف عائد کرنے کا اعلان کیا ہےامریکا کی جانب سے اعلان کردہ یہ ٹیرف 100 سے زائد ممالک پر لاگو ہوگا اور اس کا نفاذ 9 اپریل سے ہوگا۔
