Tag: کشمیر

واشنگٹن : بھارت کی طرف سے کشمیری مسلمانو‌ں‌کی زندگیاں بڑی مشکل اوراذیت ناک بنا دی گئی ہیں ، جہاں ایک طرف مقبوضہ کشمیر کے باسیوں پر ظلم وتشدد جاری ہے وہاں بھارت کی یہ مکاری ہےکہ وہ کنٹرول لائن پر بسنے والے کشمیریوں‌ سے بھی جینے کا حق چھین رہا ہے ،بھارت کے انہیں مظالم کی تصویر کشی کا جومنظر امریکی اخبار نے پیش کیا ہے وہ بھی پڑھنے کے قابل ہے،

وزیراعلیٰ کی بیٹی اور بہن گرفتار

ذرائع کے مطابق امریکی نشریاتی ادارے نےآزاد کشمیر لائن آف کنٹرول کی صورتحال پر رپورٹ جاری کردی جس میں بتایا گیا ہے کہ ’بھارتی شیلنگ سے لوگوں کے گھروں کو نقصان پہنچا ہے‘۔تفصیلات کے مطابق معروف امریکی نشریاتی ادارے سی این این نے کشمیر سے متعلق اپنی خصوصی رپورٹ میں بھارت کے مقبوضہ و آزاد کشمیر میں جاری ظلم و بربریت کو دنیا پر عیاں کردیا، امریکی ٹی وی نے اپنی رپورٹ میں بتایا ہے کہ بھارتی شیلنگ کے باعث آزاد کشمیر کے شہری خوفزدہ ہیں۔

کرپشن پر سزایافہ مگر اجازت بھی مل گئی؛کیا معاملہ ہے ؟

سی این این کا اپنی رپورٹ میں کہنا تھا کہ آزادکشمیر کےرہائشیوں کوایل اوسی پربھارتی شیلنگ کا سامنا ہے، بھارتی شیلنگ کے باعث لوگوں کے گھروں کو نقصان پہنچا ہے۔نشریاتی ادارے نے رپورٹ میں بتایا کہ بھارتی شیلنگ سےلوگوں کی معمولات زندگی متاثرہوتےہیں۔

دھرنے کو کیسے کنٹرول کرنا ہے وفاقی حکومت نے اہم فیصلے کرلیئے

امریکی ٹی وی کا کہنا تھا کہ دوسری جانب مقبوضہ کشمیرمیں کرفیو،روڈبلاک ہے، مواصلاتی ذرائع بندہونےسےلوگ خاندانوں سےرابطہ نہیں کرسکتے کرفیو کے باعث مقبوضہ کشمیر کے ریائشیوں کو شدید مشکلات لاحق ہیں۔رپورٹ کے مطابق کشمیریوں کاکہناہےبھارتی فوجی آنسوگیس،پیلیٹ گن استعمال کرتی ہے۔

سری نگر: مقبوضہ کشمیر کی صورت حال مزید خراب ہونے لگی ، بھارتی فوج کو اب اپنے ہی ہمدردوں سے ہمدردی نہ رہی اور نہ اعتماد رہا ، جس کی وجہ سے مقبوضہ کشمیر میں قابض بھارتی فورسز نے سابق وزیراعلیٰ فاروق عبداللہ کی بہن اور بیٹی کو گرفتار کرلیا۔بھارتی میڈیا رپورٹس کے مطابق مقبوضہ کشمیر کی خصوصی حیثیت ختم کیے جانے کے خلاف سری نگر میں متعدد خواتین احتجاجی مظاہرہ کررہی تھیں کہ اس دوران بھارتی فورسز نے کئی خواتین کو گرفتار کرلیا جن میں سابق وزیراعلیٰ مقبوضہ کشمیر فاروق عبداللہ کی بہن اور بیٹی بھی شامل ہیں۔

مقبوضہ کشمیر سے ذرائع کے مطابق فورسز نے مقبوضہ کشمیر کے سابق جسٹس بشیر احمد خان کی اہلیہ کو بھی گرفتار کرلیا جب کہ دیگر گرفتار کی جانے والی خواتین میں معروف علمی شخصیات بھی شامل ہیں۔گرفتار کی جانے والی سابق وزیراعلیٰ فاروق عبداللہ کی بہن ثریا عبداللہ کا کہنا تھا کہ 5 اگست سے آرٹیکل 370 کی منسوخی کے بعد ہم گھروں میں قید ہیں، یہ ایک ایسا زبردستی کا رشتہ ہے جس کا کوئی فائدہ نہیں۔

بھارتی میڈیا کے مطابق سری نگر میں احتجاج کرنے والی ان خواتین نے پلے کارڈز اٹھا رکھے تھے جہاں انہوں نے لال چوک پر جیسے ہی احتجاج شروع کیا تو پولیس کی بھاری نفری نے کئی خواتین کو حراست میں لے لیا اور انہیں قریبی پولیس اسٹیشن منتقل کردیا گیا۔

اسلام آباد:مفادپرست افغانی اندر سے ہندوستانی ، کشمیریوں سے نفرت ، مغضوب ٹھہرے پاکستانی،اطلاعات کے مطابق افغان حکومت بھارتی خوش نودی حاصل کرنے کے لیے اندھی ہو گئی ہے، پڑوسی ملک میں کشمیر سے متعلق پاکستانی سفارت خانے کی تقریب روکنے کی کوشش کر کے انڈیا کو خوش کیا گیا۔

تفصیلات کے مطابق پاکستانی سفیر زاہد نصر اللہ نے کہا ہے کہ آج یوم سیاہ کشمیر سے متعلق سفارت خانے میں تقریب کا انعقاد کیا گیا تھا جس میں سفارت کار، سیاسی عمائدین اور دیگر اہم شخصیات نے شرکت کرنا تھی، تاہم تقریب سے 2 گھنٹے قبل سفارت خانے کے باہر مظاہرہ کیا گیا۔

پاکستانی سفیر کا کہنا تھا سفارت خانے کے باہر جمع ہونے والے مظاہرین نے پاکستان مخالف نعرے لگائے، مظاہرے کے باعث مہمان سفارت خانے نہیں پہنچ سکے، مہمانوں کو ڈنڈا بردار مظاہرین دھمکاتے بھی رہے۔زاہد نصر اللہ نے بتایا کہ اس سلسلے میں افغان حکام سے بھی رابطے کی کوشش کی گئی لیکن وہاں سے جواب نہیں ملا، پولیس سے بھی رابطہ کیا گیا لیکن پولیس نے کہا کہ اوپر سے آرڈر نہیں۔

سفارتی ذرایع کا کہنا ہے کہ ملی بھگت سے پاکستانی سفارت خانے کے گیٹ پر مظاہرہ کیا گیا تاکہ یوم سیاہ کشمیر سے متعلق تقریب کو منعقد ہونے سے روکا جا سکے۔ واضح رہے کہ آج جموں و کشمیر پر بھارت کے غاصبانہ قبضے کو 72 سال مکمل ہو گئے ہیں، پاکستان سمیت دنیا بھر میں کشمیری یوم سیاہ منا رہے ہیں۔

خیال رہے کہ اسلام آباد میں واقع افغان سفارت خانے کی جانب سے بھی ویزے کے حصول کے لیے آنے والے پاکستانیوں کے ساتھ تضحیک آمیز رویّہ اختیار کیا جا رہا ہے، جس کے باعث پاکستانیوں میں شدید تشویش پائی جاتی ہے۔

نئی دہلی :یورپی یونین نے بھارت کو مکار کراردیتے ہوئے کشمیریوں‌کے بنیادی حقوق کا نہ صرف ڈاکو قرار دیا ہے بلکہ کہا کہ بھارت ایک ہی وقت میں کشمیریوں‌کاقتل عام بھی کررہا ہے اور ڈھٹائی بھی دکھا رہا ہے ،

آزادی کی منزل قریب ،کشمیریوں کو تنہا نہیں‌چھوڑیں گے، فردوس عاشق

باغی ٹی وی ذرائع کے مطابق یورپی یونین پارلیمنٹ کے ممبران نے اپنے اہم اجلاس میں کشمیرکی صورت حال پر بہت زیادہ تشویش کا اظہار بھی کیا ہے ، اپنے اہم اجلاس میں یورپی پارلیمنٹ کے کے اراکین نے بھارت کی طرف سے کشمیریوں کے بنیادی حقوق چھیننے کے حوالے سے کہا ہے کہ بھارت نہ صرف کشمیریوں کو ان کا حق خودارادیت دے رہا ہے جس کو توثیق اقوام متحدہ کی سیکورٹی کونسل اپنے فیصلوں میں دے چکی ہے بلکہ اپنی جارحیت کو مزید بڑھاوا دے رہا ہے

پاکستان میں اقلیتوں کے حقوق کے تحفظ کا ایک اورشاہکار

باغی ٹی وی ذرائع کے مطابق کونسل آف یورپی یونین کی سربراہ ٹتی ٹپرانین نے5 اگست کو اٹھائے جانے والے بھارتی جارحیت کے اقدام کی مذمت کرتے ہوئے کہا ہےکہ کشمیریوں کو جینے کے حق سے بھی محروم کردیا گیا ہے ، انہوں نے مزید کہا کہ 370 اے کو ختم کرکے بھارت نے انسانی حقوق کے سارے تقاضوں کو بھی ختم کردیا ہے، اب یہ برداشت نہیں‌، بھارت پر دباو بڑھایا جائے کہ وہ کشمیریوں کو ان کا حق خود ارادیت دے دے

ایک لاکھ کشمیری شہید،11ہزارخواتین کی عصمت دری،دنیا پھربھی خاموش،بہت افسوس

نیویارک:ٹوئیٹرکشمیریوں کے قتل کا حامی ،مقبوضہ کشمیرسے متعلق10 لاکھ ٹویٹس بلاک کردیئے گئے ، اطلاعات کے مطابق امریکہ کے شہر نیویارک میں قائم کمیٹی ٹو پروٹیکٹ جرنلسٹس نے کہا ہے کہ ٹوئٹر نے بھارتی حکومت کے اشارے پر مقبوضہ کشمیر سے متعلق 10 لاکھ ٹوئٹس کو بلاک کردیا۔

تفصیلات کے مطابق کشمیر میڈیا سروس نے اپنی رپورٹ میں بتایا ہے کہ سی پی جے کی تحقیق میں یہ انکشاف ہوا کہ بھارتی حکومت کے دباؤ پر ٹوئٹر نے مقبوضہ کشمیر کی حقیقی صورتحال پر مبنی مختلف اکاؤنٹس تک رسائی بند کردی۔ رپورٹ میں بتایا گیا ہے کہ بھارت2017 سے کشمیرپرٹوئٹ روکنےکےلیے ٹوئٹر پر دباؤڈال رہاہے اور دو سال کے دوران 10 لاکھ ٹوئٹس کو بلاک کر چکا ہے۔

رپورٹ کے مطابق مقبوضہ کشمیرکےمواد پرسیکڑوں ویب سائٹس غیرقانونی قراردی گئیں اور 100 سے زائد ایسے اکاؤنٹس کواپنے پلیٹ فارم سے ہٹا دیا جو کہ مقبوضہ کشمیر کی صورتحال کو اجاگر کرنے میں مصروف تھے۔ ٹوئٹرنے دنیا کے دیگر ممالک سے زیادہ مقبوضہ کشمیر سے متعلق مواد شیئر کرنے والے اکاؤنٹس کو بلاک کرنے پر اتفاق کیا تھا۔

سی پی جے کا کہنا ہے کہ ٹوئٹرکو وادی کی اصل صورتحال بتانے کے لیے صحافی ایک مستند اور موثر ذرائع کے طور پر استعمال کرتے تھے اور اسی بنیاد پر بھارتی حکومت نے ٹوئٹر پرمتعدد اکاؤنٹس بند کرنے کے لیے دباؤ ڈالا۔یادرہے کہ اس سے پہلے ٹوئیٹرانتظامیہ بڑی تعداد میں‌پاکستانیوں کے کشمیریوں کی حمایت سے متعلق اکاونٹس بلاک کرکے اپنی مسلم اور کشمیردشمن سوچ کا مظاہرہ کرچکی ہے