Tag: یو اے ای

یو اے ای:ایک ویڈیو ایڈوائزری میں متحدہ عرب امارات میں مقیم پاکستانیوں، ملازمت کے متلاشیوں، اور وزٹ ویزوں پر آنے والوں کو امارات میں تمام قواعد و ضوابط سیکھنے اور ان پر سختی سے عمل پیرا ہونے کی ہدایات دی گئی ہیں-

باغی ٹی وی :خلیج ٹائمز کی رپورٹ کے مطابق قونصل جنرل حسین محمد نے کہا ہے کہ متحدہ عرب امارات میں مقیم پاکستانی اور امارات آنے والوں کی رہنمائی کرنا ہماری ذمہ داری ہے تاکہ وہ مقامی قوانین اور ذمہ داریوں سے آگاہ رہیں اور یہاں قانون کی طرف سے کسی قسم کی پریشانی سے محفوظ رہیں۔

قونصل جنرل حسین محمد کا کہنا تھا کہ متحدہ عرب امارات میں قوانین کی خلاف ورزی پر سنگین نتائج کا سامنا کرنا پڑ سکتا ہے اگر آپ وزٹ ویزا پر ہیں یا تارک وطن ہیں، تو مقامی قوانین کی خلاف ورزی سخت سزاؤں کا باعث بن سکتی ہے، جس میں عدالتی الزامات، جیل، بھاری جرمانے اور ملک بدری شامل ہے ان نتائج سے بچنے کے لیے مقامی قوانین کا احترام اور ان پر عمل کرنا بہت ضروری ہے۔

اسرائیل کسی بھی وقت ایران پر حملہ کرسکتا ہے،نیتن یاہو

خلیج ٹائمز کے مطابق پاکستانی شہریوں کو جاری کیے گئے دبئی کے ویزوں کی تصدیق جنرل ڈائریکٹوریٹ آف ریذیڈنسی اینڈ فارنرز افیئرز (GDRFA) کے ذریعے کی جا سکتی ہے۔ جبکہ ابوظہبی، شارجہ، ام القوین، فجیرہ، عجمان اور راس الخیمہ سے جاری کیے گئے ویزوں کی تصدیق وفاقی اتھارٹی برائے شناخت، شہریت، کسٹمز اور پورٹ سیکیورٹی سے کی جا سکتی ہے۔

رپورٹ کے مطابق نوکری کی غرض سے متحدہ عرب امارات جانے والوں کے لیے سخت ایڈوائزری جاری کرتے ہوئے کہا گیا کہ شہری اپنی تفصیلات سرکاری چینلز کے ذریعے تصدیق کریں تاکہ جعلی نوکری کے اشتہاروں سے بچا جا سکے۔ اگر آپ کو شک ہے تو ابوظہبی میں پاکستانی سفارت خانے یا قونصلیٹ جنرل آف پاکستان سے مدد لے سکتے ہیں۔ امارات میں ملازمت کی تلاش کے محفوظ اور کامیاب تجربے کے لیے آجر کی تفصیلات کی تصدیق کو لازمی قرار دیا گیا ہےاس کے علاوہ امارات میں تمام پاکستانیوں کو ملازمت سے محرومی کا بیمہ بھی حاصل کرنا ہوگا، جسے متحدہ عرب امارات کی انوولنٹری لاس آف ایمپلائمنٹ (ILOE) انشورنس کہا جاتا ہے۔

پی آئی اے کی پرواز کے ایڈرولک سسٹم میں شدید فنی خرابی، کراچی میں …

رپورٹ کے مطابق متحدہ عرب امارات میں تقریباً 1.7 ملین پاکستانی مقیم ہیں، جو خلیجی ملک کی دوسری بڑی کمیونٹی ہیں۔ اس کے علاوہ جنوبی ایشیائی ملک سے ہر سال لاکھوں سیاح امارات کا رخ کرتے ہیں،متحدہ عرب امارات میں پہلے سے مقیم یا وہاں جانے کی تیار کرنے والے پاکستانی شہریوں کیلیے نیچے دی گئی گائیڈلائنز پر عمل کرنا ضروری ہوگا، ایسی پوسٹس شیئر کرنے سے گریز کریں جس سے مذہبی جذبات مجروح ہوں، غیر اخلاقی یا بیہودہ مواد، یا انسانی اسمگلنگ سے متعلق مواد اپ لوڈ نہ کریں، دوسرے ممالک کی پالیسیوں پر تنقید کرنے والی پوسٹ کرنے سے گریز کریں، احتجاج میں حصہ لینے یا دھمکی آمیز مواد کو سوشل میڈیا پر پوسٹ نہ کریں۔

رپورٹ کے مطابق اس کے علاوہ دوسروں کی اجازت کے بغیر ان کی تصاویر یا ویڈیوز شیئر نہ کریں۔ حساس علاقوں کی تصاویر نہ لیں۔ دوسروں کی رازداری کا احترام کریں اور افواہوں یا گمراہ کن معلومات کو پھیلانے سے گریز کریں، ذاتی معلومات جیسے اے ٹی ایم پن اور او ٹی پیز کی حفاظت کریں سیاحتی/وزٹ ویزا پر ملازمت اختیار کرنے سے گریز کریں۔ خالی چیک یا کاغذات پر دستخط سے لازمی گریز کریں۔ تمام ٹریفک قوانین پر عمل کریں، کیونکہ بین الاقوامی ڈرائیونگ لائسنس صرف غیر رہائشیوں کے لیے درست ہیں۔ منشیات کے ساتھ ساتھ ممنوعہ اشیاء پر مشتمل ادویات سے سختی سے پرہیز کریں، غیر رجسٹرڈ خیراتی اداروں کے لیے فنڈز جمع نہ کریں، کیونکہ یہ عمل غیر قانونی ہے۔

لیاقت آباد احتجاج: پی ٹی آئی کے 58 سے زائد رہنماؤں پر مقدمہ …

دبئی: متحدہ عرب امارات کے نائب صدر اور وزیر اعظم شیخ محمد بن راشد المکتوم کی صاحبزادی شیخہ مہرہ المکتوم نے شوہر سے طلاق کے چند ہفتوں بعد ’طلاق‘ کے نام سے پرفیوم متعارف کروا دیا۔

باغی ٹی وی : غیر ملکی میڈیا کی رپورٹس کے مطابق 30 سالہ شہزادی شیخہ مہرہ المکتوم نے انسٹاگرام پر اپنے نئے پرفیوم کی لانچ کا اعلان کیا ہے۔انہوں نے اپنے برانڈ مہرہ ایم 1 کے تحت اس پرفیوم کو متعارف کروایا ہے، شہزادی نے پرفیوم کی لانچ سے قبل اس حوالے سے ایک ویڈیو جاری کی تھی، ان کی حالیہ انسٹا پوسٹ نے سوشل میڈیا صارفین کو حیران کر دیا، پوسٹ دیکھ کر یوں لگتا ہے کہ شہزادی اپنی طلاق کا غم بھلا نہیں سکیں۔

شیخہ مہرہ نے ایک سیاہ پرفیوم کی تصویر پوسٹ کی جس کا نام Divorce پر رکھا گیا ہے، جس میں وہ ممکنہ طور پر اپنی حالیہ طلاق کے حوالے سے اشارہ دے رہی ہیں،سوشل میڈیا پر ان کے مداحوں کی جانب سے پوسٹ پر مختلف تبصرے کیے گئے،مذکورہ ویڈیو میں ٹوٹے ہوئے شیشے، کالی پنکھڑیاں اور ایک بلیک پینتھر کا ایک مونٹیج دکھایا گیا تھا، اس کے ساتھ ہی انہوں نے اپنے پرفیوم کی بوتل کی رونمائی بھی کر دی، جس کا رنگ سیاہ اور اس پر ’ڈائیوورس‘ کندہ ہے۔

خیال رہے دبئی کی شہزادی شیخہ مہرہ کی گزشتہ برس 5 اپریل 2023ء کو شیخ مَانع المکتوم سے شادی ہوئی تھی۔ بعد ازاں شادی گزرنے کے ایک سال بعد ہی انہوں اپنے شوہر سے طلاق کا اعلان کیا تھا،جوڑی کی طلاق کی خبر رواں برس 2024 میں پہلے بچے کی پیدائش کے صرف دو ماہ بعد سامنے آئی تھی۔

دبئی : یو اے ای میں جنسی زیادتی یا محرم رشتہ داروں کے جنسی تعلق کے نتیجے میں ٹھہرنے والے حمل کو چند شرائط کے ساتھ ضائع کرنے کی اجازت دے دی۔

باغی ٹی وی: عالمی میڈیا کے مطابق :متحدہ عرب امارات کی کابینہ کی طرف سے ایک قرارداد منظور کی گئی ہے، جس میں کہا گیا ہے کہ اگر حمل کسی خاتون کے ساتھ جنسی زیادتی یا اس کی رضامند کے بغیر ٹھہرا ہو یا حمل کا سبب بننے والا خاتون کا محرم ہو، اس صورت میں اسقاط حمل کی اجازت ہے۔

قرار داد میں اسقاط حمل کے لیے ایک شرط طے کی گئی ہے کہ حمل 120دن تک کا ہو، اس سے زائد مدت کے حمل کو گرانے کی اجازت نہیں ہو گی اس کے علاوہ یہ قانون ایسے لوگوں پر لاگو ہو گا جو کم از کم ایک سال سے متحدہ عرب امارات میں مقیم ہوں، اسقاط حمل کے عمل کو طبی پیچیدگیوں سے پاک اور خواتین کے لیے محفوظ بنایا جائے،یہ قرار داد متحدہ عرب امارات کے صدر اور وزیراعظم کی توثیق کے بعد نافذ العمل ہو جائے گی۔

دبئی، جو اپنی خشک آب و ہوا اور تیز درجہ حرارت کے لیے جانا جاتا ہے، منگل کے روز موسلا دھار بارش سے متاثر ہوا، جس سے صحرائی ملک میں بڑے پیمانے پر سیلاب آ گیا،6 گھنٹوں سے زائد بارش کے دوران نہ صرف انٹرنیشیل ائیرپورٹ سمیت سڑکیں، مالز دیگر پبلک مقامات برساتی پانی سے متاثر ہوئےبلکہ اس علاقے میں موسمیاتی تبدیلیوں کے بڑھتے ہوئے اثر و رسوخ کے بارے میں خدشات کو جنم دیا حکام نے کم از کم ایک ہلاکت اور گھر اور کاروبار کو نمایاں نقصان کی بھی اطلاع دی-

باغی ٹی وی : منگل کے روز متحدہ عرب امارات میں آنے والے شدید گرج چمک کے بعد، دبئی کو نمایاں سیلاب کا سامنا کرنا پڑا، صحرائی شہر ریاست میں صرف چند گھنٹوں میں ڈیڑھ سال سے زیادہ کی بارش ہوئی منگل کی صبح 9 بجے کے قریب شدت اختیار کرنے والے طوفان نے دبئی انٹرنیشنل ایئرپورٹ پر بڑی شاہراہوں اور آپریشنز میں خلل ڈالا، جو بین الاقوامی سفر کے لیے دنیا کے مصروف ترین ہوائی اڈوں میں سے ایک ہے، ہوائی اڈے کے آس پاس کی سڑکیں ڈوب گئی تھیں، اور لگژری کاروں میں سوار امیر ڈرائیور سیلاب زدہ گلیوں میں ‘تیرتے’ دکھائی دے رہے تھے۔

غیر ملکی میڈیا نے رپورٹ کیا ہے کہ متحدہ عرب امارات میں ہونے والی بارش مصنوعی بارش برسانے کی کوششوں کا نتیجہ تھی متحدہ عرب امارات کی حکومت کی جانب بارشوں کے حوالے سے سائنس کا استعمال کیا گیا ہے، اس مصنوعی بارش کے پرا جیکٹ کے حوالے سے متحدہ عرب امارات محکمہ موسمیات کے ادارے نیشنل سینٹر آف میٹیورولاجی کی جانب سے ناسا اور نیشنل سینٹر آف ایٹموسفیرک ریسرچ کے تعاون سے اس پراجیکٹ پر کام کیا گیا ہے۔

متحدہ عرب امارات میں بارش کا 75 سالہ ریکارڈ ٹوٹ گیا

اس حوالے سے نیشنل سینٹر آف میٹیورولاجی کے ماہرین کی جانب سے عرب میڈیا سے بات چیت میں کہنا تھا کہ گزشتہ 24 گھنٹوں میں کلاؤڈ سیڈنگ آپریشن کا استعمال کیا گیا ہے، ماہرین نے بتایا کہ جب بھی آسمان پر بادل ہوتے ہیں، ہم یہ کلاؤڈ سیڈنگ کا آپریشن انجام دیتے ہیں، گزشتہ 2 دن ہم نے اس حوالے سے 6 ٹرپس مکمل کیے ہیں،جبکہ ماہرین کی جانب سے کلاؤڈ سیڈنگ کے دوران متحدہ عر ب امارات کے درجہ حرارت میں کمی کا بھی بغور جائزہ لیا گیا، جس کے مطابق اس آپریشن کے بعد 10 ڈگری تک درجہ حرارت گر گیا۔

واضح رہے کہ گزشتہ کئی سال سے متحدہ عرب امارات کی جانب سے خشک ماحول سے لڑنے کے لیے، ذراعت کو بڑھانے کے لیے اور پانی کے مسائل کو حل کرنے کے لیے کلاؤڈ سیڈنگ کا استعمال کیا جا رہا ہے اس آپریشن میں ہوائی جہاز کے ذریعے بادلوں میں نمک کے فلیئرز اور دیگر ضروری مادے چھوڑے جاتے ہیں تاہم اس سب میں اہم بات یہ ہے کہ اس آپریشن میں کامیاب ہونے کے لیے آسمان میں بارش والے بادلوں کا ہونا ضروری ہے، جس کے تحت نمک کے فلیئرز اپنا کام کر پاتے ہیں۔

نو مسلم جنوبی کورین پاپ سنگر، داؤد کم کا کوریا مسجد بنانے کا اعلان

ذرائع کے مطابق سائنسدانوں کی جانب سے پانی کی طرف متوجہ ہونے والے سالٹ فلئیرز کو سالٹ کے نینو پارٹیکلز کے ساتھ چھوڑا جاتا ہے، جس کے بعد بادلوں میں بارش کی مقدار میں اضافہ ممکن ہو جاتا ہےکلاؤڈ سیڈنگ سے رین فال ریٹ میں سالانہ 10 سے 30 فیصد تک اضافہ ہو جاتا ہےدوسری جانب برطانوی یونی ورسٹی کے میٹیورولاجسٹ ایڈورڈ گراہم کا کہنا ہے کہ کلاؤڈ سیڈنگ میں استعمال ہونے والا نمک ماحول کو نقصان نہیں پہنچاتا ہے، جبکہ متحدہ عرب امارات کے بعد سعودی عرب، ایران نے بھی اس مںصوبے میں دلچسپی کا اظہار کیا ہے۔

متحدہ عرب امارات کی جانب سے یہ پروگرام 90 کی دہائی میں شروع کیا گیا تھا، جبکہ اس حوالے سے ناسا اور نیشنل سینٹر آف ایٹموسفیرک ریسرچ کی خدمات حاصل کی گئیں، متحدہ عرب امارات نے کچھ ماہ قبل پاکستان کوبھی مصنوعی بارش برسانے میں مدد دی تھی۔

"این سی ایم نے موسم کی نگرانی کے لیے 86 خودکار موسمی اسٹیشنوں (AWOS) کا ایک قومی نیٹ ورک قائم کیا ہے، چھ موسمی ریڈار جو پورے متحدہ عرب امارات کا احاطہ کرتے ہیں، اور ایک اپر ایئر اسٹیشن مرکز نے موسمیاتی ڈیٹا بیس بھی بنائے ہیں اور اعلیٰ درستگی کے اعداد و شمار کی ترقی میں مدد کی ہے۔ UAE میں موسم کی پیشین گوئیاں اور نقلی سافٹ ویئر،” UAEREP کے عمل کی تفصیل پڑھتی ہے، اس وقت، این سی ایم العین ہوائی اڈے سے چار بیچ کرافٹ کنگ ایئر C90 طیارے چلاتا ہے جو جدید ترین ٹیکنالوجیز اور آلات سے لیس ہیں جو کلاؤڈ سیڈنگ اور ماحولیاتی تحقیق کے لیے استعمال کیے گئے ہیں۔”

سعودی معاون وزیر دفاع اسلام آباد پہنچ گئے،آرمی چیف سے ملاقات شیڈول