Tag: actress

ورسٹائل اداکارہ بشری انصاری نے ہمیشہ ہی اپنے کام سے شائقین کو چونکا دیا ہے، ان کا ایکٹنگ کیرئیر پانچ دہائیوں پر مشتمل ہے، اور آج بھی شائقین بشری انصاری کو دیکھنا چاہتے ہیں. حال ہی میں‌ اداکارہ نے آرٹس کونسل کراچی میں ایک پریس کانفرنس کی اس میں‌انہو‌ں نے کہا کہ مجھے تو اداکاری کے فارمیٹ ہی نہیں‌معلوم ہے ، نہ میں کبھی اداکاری کہیں‌سیکھنے گئی نہ ہی مجھے معلوم ہے اچھی اداکاری کیا ہوتی ہے بس کیمرے کے سامنے جب بھی آئی کام کر لیا اور گھر کو آ گئے . انہوں نے کہا کہ میں کبھی کسی آرٹ اسکول میں نہیں گئی۔اور نہ ہی کسی اکیڈمی سے

اداکاری کی تربیت لی۔ہمیں پسند کرنے والے بہت اچھے تھے۔ سکون سے ہمارے کام کو دیکھتے تھے۔انہوں نے ہی ہمیں اسٹار بنایا۔ماضی بہت پرسکون تھا۔بڑے بڑے فن کار سامنے آئے۔اس زمانے میں غزلیں بھی توجہ سے سنی جاتی تھیں۔ اب تو وقت بہت بدل گیا ہے۔موبائل پر میسج بھی جلدی جلدی سے سنتے ہیں۔30 برس قبل سکون تھا۔آج کل بھی ٹیلنٹ سامنے آرہا ہے۔وہاج علی جیسے فن کار سامنے آرہے ہیں۔کیفی خلیل نے پیار ہوا تھا سے بہت مقبولیت حاصل کی۔اب ہنسانا مشکل ہوگیا ہے۔کسی کے چہرے پر ہلکی سی مسکراہٹ بھی لاسکوں تو خود کو کامیاب سمجھتی ہوں۔میرے مداحوں کی میں ہر دم شکر گزار ہوں کیونکہ وہ اتنے برسوں سے مجھے برداشت کررہے ہیں.