Tag: baaghi

قصور تھانہ سٹی چونیاں کے ایس ایچ او سید افتخار بخاری کی بڑی کاروائی 9 سال سے مجرم اشتہاری عمران عرف مانی ولد اشتیاق سکنہ منڈی عثمان والا اور مجرم اشتہاری عاصم ولد صدیق کو گرفتار کر لیا

تفصیلات کے مطابق قصور پولیس سرکل ڈی ایس پی چونیاں کے زیر نگرانی اورڈی پی او عمران کشور کی خصوصی ہدایات پر ایس ایچ او تھانہ سٹی چونیاں سید افتخار بخاری نے اپنی ہمراہ ٹیم کے ساتھ 9 سال سے اشتہاری مجرم عمران عرف مانی ولد اشتیاق سکنہ منڈی عثمان والا اور دوسرا مجرم اشتہاری عاصم ولد صدیق کو گرفتار کر لیا 9 سال سے فرار مجرموں کو گرفتار کرنے پر ڈی ایس پی چونیاں اور ڈی پی او عمران کشور تھانہ سٹی چونیاں ہولیس کو شاباش دی میڈیا سے گفتگو کرتے ہوِئے تھانہ سٹی چونیاں کے ایس ایچ او سید افتخار بخاری کا مزید کہنا تھا اپنے علاقے سے جرائم کا خاتمہ میری اولین ترجیح ہے اور قصور پولیس ڈی پی او عمران کشور صاحب کی ہدایت پہ دن رات محترک ہے، منشیات ،جواء ، اور دیگر جرائم کی ہر وقت حوصلہ شکنی کی جائیگی جرائم کے ذریعے نوجوان نسل کو تباہی کی جانب گامزن کرنے والوں کے ساتھ آہنی ہاتھوں سے نمٹا جائے گا تھانہ سٹی چونیاں پولیس کی اچھی کارکردگی پر اہل علاقہ نے تھانہ سٹی چونیاں پولیس کی کاروائی کرتے ہوئے اشتہاری مجرموں کو گرفتار کرنے پر پولیس ٹیم کو خراج تحسین پیش کیا

قصور

ایکسئین واپڈا کے آتے ہی رشوت کا بازار گرم لوگ سخت پریشان
تفصیلات کے مطابق ایکسین واپڈا قصور
محمد شاہد نےآتے ہی کرپشن کے تمام ریکارڈ توڑ دیئے ٹی اے مشتاق اور عمران کے ذریعے ملازمین کو بلیک میل کیا جاتا ہے اگر کوئی ملازمین ان کی ڈیمانڈ نہ پوری کرے تو اسے تبدیل کر دیا جاتا ہے یا اسے شوکاز نوٹس دے دیا جاتا ہے کئی ملازمین کو تو معطل بھی کر دیا جاتا ہے ٹی اے مشتاق اور عمران دفتر میں کھلے عام رشوت لیتے ہے ایکسئین سٹی کے دفتر میں کھلم کھلا کرپشن جاری ہے اپنے دفتر میں ایکسین سٹی محمد شاہد عمران مشتاق کے ساتھ صبح آتے ہیں لین دین کی میٹنگ جاری ہوتی ہے اگر کوئی شہری واپڈا افسران کو بجلی چوری کی شکایت کرتا ہے اس پر نوٹس لینے کی بجائے بجلی چور سے پیسہ وصول کر لیا جاتا ہیں بعد میں سب اچھے کی رپورٹ بنا دی جاتی ہے

قصور
رشتوں کا تقدس پامال جیٹھ نے بھابھی کو زیادتی کا نشانہ بنا ڈالا خاموشی کے لئے سسرالیوں نے تشدد کا نشانہ بنا ڈالا
ملزم پہلے بھی بھابی کو زیادتی کا نشانہ بنا چکا سسر الیوں نے طلاق دینے اور مارنے کی دھمکیاں دے کر خاموشی کا کہا ملزم گرفتار

تفصیلات کے مطابق قصور کے نواحی گاؤں تتارہ میں اوباش جیٹھ نے بھابھی کو زبردستی زیادتی کا نشانہ بنا ڈالانازیہ بی بی گھر میں اکیلی تھی کہ ملزم خادم اسے زبردستی کمرے میں لے گیا جہاں پر ملزم زیادتی کا نشانہ بناتا رہا حالت غیر ہونے پر ملزم نازیہ کو کمرے میں بند کر کے فرار ہو گیا دریں اثنا نازیہ بی بی کے سسرالیوں نے واقع جان کر نازیہ بی بی پر تشدد کیا اور خاموش رہنے کے لئے حراساں کرتے ہوئے اسے جان سے مارنے کی دھمکیاں دیتے رہے ملزم اس سے قبل بھی نازیہ کو اپنی حواس کا شکار بنا چکا ہے جس پر سسرال والوں نے خاموش نہ رہنے پر طلاق دینے اور جان سے مار دینے کی دھکمیاں بھی دی تھی پولیس نے ملزم کو گرفتار کرکے تفتیش شروع کر دی ہے

قصور
پنجاب کیمسٹ کونسل کی گورنمنٹ کی طرف سے ایڈوانس ٹیکس کے نفاذ کے خلاف آج 15 جولائی کی ہڑتال کے اعلان پر قصور کے کیمسٹ و ڈرگسٹ نے بھی اظہار یکجہتی کرنے کا فیصلہ کیا اور گورنمنٹ سے اپنا فیصلہ واپس لینے کا مطالبہ کیا

تفصیلات کے مطابق آج 15 جولائی کو پنجاب کیمسٹ کونسل کی طرف سے ادویات کی خریداری پر ایڈوانس ٹیکس کے نفاذ کے خلاف ہڑتال کا اعلان کیا گیا ہے جس کی تائید میں قصور کے کیمسٹ و ڈرگسٹ نے بھی اس ہڑتال کی تائید کی ہے اور پنجاب کیمسٹ کونسل سے اظہار یکجہتی کیا ہے اور گورنمنٹ آف پاکستان سے مطالبہ کیا ہے کہ ایڈوانس ٹیکس لینے کا فیصلہ فوری طور پر مؤخر کیا جائے کیونکہ گورنمنٹ پہلے ہی ادویات ساز کمپنیوں کے ساتھ ہول سیل ڈیلروں و میڈیکل سٹور مالکان سے کافی ٹیکس لے رہی ہے اب فائلر و نان فائلر کا ٹیکس بڑھا کر مذید ظلم کیا جا رہا ہے

واضع رہے کہ گورنمنٹ کے فیصلے کے مطابق ایک لاکھ کی ادویات کی خریداری پر پہلے سے لگے ٹیکسوں کے علاوہ اب فائلر سے 3 فیصد اور نان فائلر سے 5 فیصد مذید ٹیکس لینے کا فیصلہ کیا ہے جو کہ سراسر زیادتی ہے
گورنمنٹ ادویات ساز کمپنوں سے ٹیکس لیتی ہے اس کے بعد ہول سیل ڈیلروں و میڈیکل سٹور مالکان سے بھی انکم و سیلز ٹیکس بھی لیا جاتا ہے اور اب اتنے ٹیکسوں کے بعد اس ٹیکس کا نفاذ سراسر زیادتی ہے

قصور
کھڈیاں خاص جیسا لاکھوں کی آبادی والا شہر انتظامیہ کی بے حسی اور لاپرواہی کی وجہ سے لوڈشیڈنگ کے عذاب میں مبتلا، کھڈیاں سٹی کے سب ڈویژنز کھڈیاں سٹی اور بستی غوث صابری کو رورل ایریا سے اربن ایریا میں شامل کیا جائے، عوام الناس کا مطالبہ

تفصیلات کے مطابق قصور کے نواحی قصبہ کھڈیاں شہر میں لوڈشیڈنگ کا دورانیہ 12 گھنٹے سے تجاوز کر گیا ہے جس سے لوگوں کو شدید پریشانی کا سامنا ہے. واضح رہے کے لاکھوں کی آبادی کا شہر کو رورل ڈویژن میں شامل کر کے سخت زیادتی کا نشانہ بنایا جا رہا ہے، لائن لاسز 10 فیصد سے کم ہونے کے باوجود 12 گھنٹے کی لوڈشیڈنگ کی جا رہی ہے. ہم ہر لحاظ سے اربن ایریا والا ٹیکس دے رہے ہیں پھر بھی رورل ڈویژن میں شامل کیا ہوا ہے جو کہ سخت زیادتی ہے. عوام الناس نے اعلیٰ حکام سے مطالبہ کیا ہے کہ ضلع قصور کے سب سے بڑے قصبے جس کی آبادی لاکھوں میں ہے اسے رورل ڈویژن سے اربن ڈویژن میں شامل کر کے لوڈشیڈنگ کا خاتمہ کیا جائے

قصور
ڈسٹرکٹ ہسپتال قصور کی کالونی کے مکین پینے کے پانی سے محروم۔ملازمین کی رہائشی کالونی میں نصب ٹینکی کی موٹر چلانے کیلئے کوئی مستقل ملازم نہیں ،مکینوں کا ڈپٹی کمشنر قصور سے فوری نوٹس لے کر پینے کے صاف پانی کی بلا تعطل فراہمی کا مطالبہ کیا ہے

تفصیلات کے مطابق ڈسٹرکٹ ہسپتال قصور کے ملازمین کیلئے بنائی جانیوالی رہائشی کالونی میں جس میں ڈاکٹرز، کنسلنٹ، پیرا میڈیکل سٹاف سمیت دیگر ملازمین رہائش پذیر ہیں، کالونی کے مکینوں کو پینے کا صاف پانی تقریباً ڈیڑ ھ ماہ سے میسر نہیں اگر کبھی کبھار پانی آبھی جائے تو یہ اس مضرصحت پانی میں ریت اور کیڑے تیرتے صاف دیکھے جا سکتے ہیں۔اس پانی کی وجہ سے ملازمین اور ان کے بچوں میں موذی امراض میں مبتلا ہورہے ہیں۔ ٹینکی میں نصب موٹر چلانے کیلئے کوئی مستقل ملازم بھی نہیں ہے، اگر مکین اس موٹر کو خود چلانا چاہیں تو اس کے راستے میں بڑی بڑی خطرناک جھاڑیاں موجود ہیں* جن میں سے گزرتے ہوئے ملازمین سخت خوف کا شکار رہتے ہیں۔ ملازمین پانی کی عدم دستیابی کی وجہ سے بروقت اپنی ڈیوٹی پر نہیں پہنچ پاتے۔ اس بابت ایم ایس ہسپتال کوبار ہامرتبہ شکایت اور درخواستیں دے چکے ہیں مگر ایم ایس نے عدم دلچسپی کا مظاہرہ کیا اور تاحال اس سلسلے میں کوئی کارروائی نہ کی ہے
کالونی کے مکینوں نے ڈپٹی کمشنر قصور سے فوری نوٹس لینے اور مکینوں کو پینے کے صاف پانی کی بلا تعطل فراہمی کا مطالبہ کیا ہے۔

قصور
معروف سیاستدان و عوام دوست اتحاد کے سربراہ سردار فیصل اورنگزیب کا کہنا ہے کہ
واٹر ٹریٹمنٹ پلانٹ تحصیل قصور کے تقریبا 30 سے 35 گاؤں جس میں کیسر گڑھ ۔ موضع مان ۔باہمنی والا۔۔
شیخ پورہ ۔۔مہالم کلاں۔۔
رجںی والا آ راہیاں۔۔ رسول نگر۔۔ کھریپڑ۔۔ حسین خان والا۔۔
نئے کی۔۔نوری والا۔۔رتنے والا۔ جوڑا۔ ۔پتوں کلاں ۔۔نور پور نہر۔۔گوہڑ۔۔بہادر پور۔۔دولے والا۔۔بگری۔۔ گگڑ۔ ۔ٹوڈے پور۔۔
لکھنے کی۔۔ روڑ سینگھ والا۔۔
نند کا تکیہ۔۔ساندہ۔چستانہ۔۔اٹھیل پور۔۔کچاپکا۔۔میں منظوری دینے پر اور کی سیڈوں پر کام مکمل بھی ہو چکا ہے ہم وزیراعلی پنجاب اور گورنر پنجاب کے تہہ دل سے مشکور ہیں اور ان کا شکریہ ادا کرتے ہیں ۔۔جنہوں نے ہمارا درینہ مسلہ پانی کا حل کیا۔۔

اور ہم امید کرتے ہیں ہماری تحصیل قصور کو روڈز کی گرانٹ کا پیکج ضرور دیا جائے گا انشااللہ ۔جس میں کچہری تا سہجرہ روڈ۔۔ گنڈا سنگھ والا تا حسین خاں والا روڑ ۔ موضع مان تا ہری ہر روڈ۔۔مہالم کلا ں تا رجی والا آرائیاں روڈ ۔۔
بی آر بی نہر تا لوگڑھجھگیاں روڑ۔۔ شامل ہیں۔۔اور بھی بہت سارے گاؤں ہمارے ہیں جن میں پانی پینے کے قابل نہیں ہے ہم درخواست کرتے ہیں کہ ہمیں ان گاؤں میں واٹر ٹریٹمنٹ صاف پانی کے پلانٹ دیے جائیں۔۔چمڑا فیکٹریاں کا کیمیکل والا پانی روہی نالے میں ڈال دیا گیا تھا آج سے کوئی دس سال قبل پہلے اس کی وجہ سے قصور کے ارد گرد سے لے کر کھڈیاں تک جتنے گاؤں ہیں ان کا پانی پینے کے قابل نہیں رہا

قصور
ڈی پی او قصور عمران کشور کی خصوصی ہدایت پر ڈی ایس پی ٹریفک قصور کا چھانگامانگا فلائی اوور کاوزٹ،ٹریفک پولیس اہلکاروں کو ہیوی ٹریفک مکمل طور پر بند رکھنے کی بریفنگ

تفصیلات کے مطابق ڈی پی او قصور عمران کشور کی خصوصی ہدایت پر ڈی ایس پی ٹریفک پولیس قصور اقبال حمید نے چھانگا مانگا فلائی اوور کاوزٹ کیا اور ٹریفک سمیت تمام انتظامات کا جائزہ لیا ڈیوٹی پر موجود ٹریفک پولیس جوانوں اعجاز خاں ودیگر کو دوران بریفنگ ہدایات جاری کیں کہ فلائی اوور سے تمام قسم کی ہیوی ٹریفک کو فلائی اوور کی مرمت تک مکمل طورپر بند رکھا جائے تا کہ کسی بھی جانی و مالی نقصان کے خدشہ سے عوام کو بچایا جاسکے میڈیا کو اقبال حمید راں نے بتایا کہ ٹریفک پولیس کے جوان 24گھنٹے فلائی اوور پر ڈیوٹی پر موجود ہیں جس کی نگرانی میں خود کررہا ہوں فلائی اوور کی مرمت کاکام جلد مکمل کر لیا جائے گا شہری ٹریفک پولیس کے ساتھ تعاون بڑھائیں تا کہ ٹریفک روانی متاثر نہ ہو ۔

قصور
قصور کی صحافی برادری کا ڈسٹرکٹ پریس کلب قصور کے انتخابات کی بدولت منتخب ہونے والے عہدیداران کیلئے نیک تمناؤں کا اظہار

تفصیلات کے مطابق کل ڈسٹرکٹ پریس کلب قصور کے سالانہ انتخابات کا انعقاد ڈی پی سی ہال قصور میں ہوا
جس کے نتجہ میں ضلع بھر کی نئی کابینہ تشکیل پائی
منتخب ہونے والوں میں
چوہدی ظفر اقبال صدر، رانا منصور نائب صدر،سید تنویر اقبال جنرل سیکرٹری ، سید عامر حسین تقوی نائب صدر، چوہدری امجد علی، ماجد فاروق، رانا عدنان بوبی ، فنانس سیکرٹری سید عابد بخاری، سیکرٹری اطلاعات عمران علی نجفی، سیکرٹری اطلاعات ڈاکٹر آصف حنیف شامل ہیں
کامیاب ہونے والے عہدیداران کے لئے قصور کی صحافی برادری نے نیک تمناؤں کا اظہار کیا ہے اور امید ظاہر کی ہے کہ نئی کابینہ آپسی اختلاف کو بھلا کر صحافیوں کی فلاح و بہبود کے لئے ہر ممکن حد تک کوشش کرے گی اور صحافیوں کی آواز بننے کے ساتھ ساتھ قصور کی عوام کی آواز بھی حکام تک پہنچائی جائے گی
تقریب سے خطاب کرتے ہوئے بانی پریس کلب قصور سردار محمد شریف سوہڈل کا کہنا تھا کہ ماضی کی روایات کو برقرار رکھتے ہوئے خفیہ بلٹ پیپر کے ذریعے نئی کابینہ کا انتخاب کیا گیا ہے جو کہ صحافی برادری کی امنگوں پر پورا اترے گی