Tag: baaghi

قصور
قصور کی صحافی برادری کا ڈسٹرکٹ پریس کلب قصور کے انتخابات کی بدولت منتخب ہونے والے عہدیداران کیلئے نیک تمناؤں کا اظہار

تفصیلات کے مطابق کل ڈسٹرکٹ پریس کلب قصور کے سالانہ انتخابات کا انعقاد ڈی پی سی ہال قصور میں ہوا
جس کے نتجہ میں ضلع بھر کی نئی کابینہ تشکیل پائی
منتخب ہونے والوں میں
چوہدی ظفر اقبال صدر، رانا منصور نائب صدر،سید تنویر اقبال جنرل سیکرٹری ، سید عامر حسین تقوی نائب صدر، چوہدری امجد علی، ماجد فاروق، رانا عدنان بوبی ، فنانس سیکرٹری سید عابد بخاری، سیکرٹری اطلاعات عمران علی نجفی، سیکرٹری اطلاعات ڈاکٹر آصف حنیف شامل ہیں
کامیاب ہونے والے عہدیداران کے لئے قصور کی صحافی برادری نے نیک تمناؤں کا اظہار کیا ہے اور امید ظاہر کی ہے کہ نئی کابینہ آپسی اختلاف کو بھلا کر صحافیوں کی فلاح و بہبود کے لئے ہر ممکن حد تک کوشش کرے گی اور صحافیوں کی آواز بننے کے ساتھ ساتھ قصور کی عوام کی آواز بھی حکام تک پہنچائی جائے گی
تقریب سے خطاب کرتے ہوئے بانی پریس کلب قصور سردار محمد شریف سوہڈل کا کہنا تھا کہ ماضی کی روایات کو برقرار رکھتے ہوئے خفیہ بلٹ پیپر کے ذریعے نئی کابینہ کا انتخاب کیا گیا ہے جو کہ صحافی برادری کی امنگوں پر پورا اترے گی

قصور
چیف آفیسر میونسپل کمیٹی الہ آباد کا ناجائز تجاوزات کے خلاف آپریشن متعدد افراد کو جرمانے اور سامان ضبط کر لیا گیا شہر کی خوبصورتی کے لئے تجاوزات کو برداشت نہیں کیا جائے گا چیف آفیسر کا بیان

تفصیلات کے مطابق گزشتہ روز میونسپل کمیٹی الہ آباد کے چیف آفیسر محمد شبیر نے اپنے عملہ کے ہمراہ چوک الہ آباد اور چاروں سڑکوں پر ناجائز تجاوزات کے خلاف آپریشن کیا اس موقع پر متعدد لوگوں کو جرمانے عائد کئے اور بعض کا سامان بھی ضبط کر لیا گیا چیف آفیسر نے دکانداروں کو وارننگ جاری کی ہے کہ اپنے فرنٹ پر کسی ریڑھی والے کو کھڑا نا ہونے دیں جس دکان کے آگے ناجائز تجاوزات قائم ہوئیں اس دکاندار کے خلاف بھی کاروائی کی جائے گی شہر کی خوبصورتی اور ٹریفک کی روانی کے لئے ناجائز تجاوزات کو ہرگز برداشت نہیں کیا جائیگا مقامی شہریوں نے تجاوزات کا خاتمہ کرنے پر چیف آفیسر کو خراجِ تحسین پیش کیا ہے

قصور
چونیاں کے علاقے الہ آباد میں ڈکیتی کی دو وارداتیں موٹر سائیکل نہ روکنے پر ڈاکوؤں نے بھٹہ مزدور کو گولی مار دی دوسری واردات میں ٹھیکیدار سے گن پوائنٹ پر ہنڈا 125 اور پچیس ہزار روپے نقدی چھین لی گئی پولیس دونوں وارداتوں کو نیا رخ دینے کے لئے کوشاں

تفصیلات کے مطابق گزشتہ شام قلعہ ناتھا سنگھ کا رہائشی اور پھوکر کا ٹھیکیدار محمد رمضان اپنے گھر جا رہا تھا کہ قصور مین روڈ پر تین نامعلوم مسلح ڈاکوؤں نے گن پوائنٹ پر پچیس ہزار روپے نقد اور ہندا 125 موٹر سائیکل چھین لی دوسری واردات میں چونیاں سے آنے والے بھٹہ مزدور محمد ندیم کو نامعلوم ڈاکوؤں نے روکنے کی کوشش کی موٹر سائیکل نہ روکنے پر پیچھے سے فائرنگ کر کے شدید زخمی کر دیا ندیم جنرل ہسپتال لاہور میں داخل ہے دوران آپریشن ایک گردہ اور تلی ضائع ہونے کی اطلاع ملی ہے الہ آباد پولیس دونوں وارداتوں کے رخ تبدیل کرنے کی کوشش کر رہی ہے مقامی شہریوں نے گزشتہ چند روز کے دوران ایک درجن کے قریب خونی وارداتیں ہونے پر شدید غم وغصہ کا اظہار کیا ہے اور ڈی آئی جی شیخوپورہ رینج سے مطالبہ کیا ہے کہ ناقص کارکردگی اور وارداتیں کنٹرول نہ کرنے پر ایس ایچ او الہ آباد کو فی الفور معطل کیا جائے اور وارداتوں پر کنٹرول پایا جانے باوثوق ذرائع کے مطابق الہ آباد پولیس ڈاکوؤں کو کنٹرول کرنے کی بجائے مختلف حیلوں بہانوں سے صحافیوں کو کنٹرول کرنے کے لئے کوشاں ہے

قصور
پروگرام ،خدمت آپکی دہلیز پر، کی سر عام دھجیاں اڑائی جانے لگیں،شہر کے عین وسط میں وقف جگہ دفتر ایس ڈی پی او،لائبریری،و پارک پر گندگی کا راج ،انتظامیہ خاموش تماشائی،شہری مختلف بیماریوں کا شکار ہونے لگے

تفصیلات کے مطابق قصور شہر کے وسط میں پروگرام،خدمت آپکی کی دہلیز پر، کی دھجیاں اڑائی جا رہی ہیں
شہر کے وسط مین چوک بلدیہ بالمقابل تھانہ سٹی اے ڈویژن قصور کے سامنے ایس ڈی پی او کے دفتر کیلئے وقف،لائبریری و پارک کیلئے چھوڑی گئی خالی جگہ پر میونسپل کارپوریشن کے اہلکاروں نے شہر بھر کا کچرا جمع کرنا شروع کیا ہوا ہے جس سے ہر طرف بدبو کا راج ہے اور لوگ مختلف بیماریوں کا شکار ہو رہے ہیں
اس بابت چند ماہ سے اہلیان علاقہ نے تحریری درخواستیں بھی دی ہیں تاہم کوئی عملدرآمد نہیں ہو سکا
بکرا عید پر یہ جگہ آلائشوں سے بھر دی جاتی ہے جس سے شہریوں کو سخت پریشانی کا سامنا کرنا پڑتا ہے شہریوں نے ڈپٹی کمشنر قصور آسیہ گل سے ازخود نوٹس لے کر کاروائی کا مطالبہ کیا ہے اور جلد سے جلد لائبریری و پارک کی تعمیر کا مطالبہ کیا ہے

قصصر
کھڈیاں خاص میں مہنگائی کا طوفان برقرار ریلیف کے نام پر سہو لت بازار بند
گاجر 300،آلو 100،ادرک 600،لہسن 200،ٹماٹر 200 روپے کلو میں فروخت ۔پرائس کنٹرول مجسٹریٹ سرکاری نرخوں پر عملدرآمد کروانے میں بری طرح ناکام

تفصیلات کے مطابق پنجاب حکومت کی طرف سے عوام الناس کے لئے کم نرخوں پر وافر مقدار میں اشیاء ضرور یہ سہولت بازار میں دستیاب کرنا تھا۔ضلعی انتظامیہ کی طرف سے کوئی ایک بھی اسٹائل نہیں لگایا گیا ۔دکاندار وں کی من مانیاں جاری ہیں حکومتی نرخوں پر اشیاء ضرور یہ فروخت کرنے سے انکار کر دیا سبزیوں کے ریٹس آسمانوں پر باتیں کر رہی ہیں مہنگائی کے اس طوفان نے غریب عوام اور متوسط طبقہ کا جینا محال کر دیا ہے ۔شہری رانا ذوالفقار زلفی، محمد رفیق، ظفر، ذین،عرفان، ھارون،محمود، ودیگر نے کہا عیدالضحی کی آمد آمد ہے مہنگائی کا جن قابو سے باہر ہے مہنگائی مافیا کے خلاف ایکشن خواب بن کر رہ گیا ہے

قصور
محکمہ انہار قصور راجباہ پکھوکی کے ایس ڈی او کی بے حسی پکھوکی ٹیل بکن مینر ٹیل کے کسانوں کو دوماہ سے پانی سے محروم کر رکھا ہے

تفصیلات ڈسٹرکٹ کرائم رپورٹر اکرم راول سے کھڈیاں سے نکلنے والی نہر پکھوکی کا دو ماہ سے پانی دستیاب ہے مگر بکنکے مینر ٹیل اور پکھوکی ٹیل کے سینکڑوں کسان پانی نا ملنے کی وجہ سے انتہائی پریشان ہیں فصلیں گرمی کی شدت کی وجہ سے گل سڑ رہی ہیں اور نہری پانی نا ہونے کی وجہ سے دھان کی فصل تاخیر کا شکار ہے اور جو کسان کاشت کر چکے ہیں وہ نہری پانی نا لگنے کی وجہ سے پریشانی میں مبتلا ہیں ٹیل کے بیشتر کسانوں نے بتایا کہ نہر میں پانی آے تقریبا دوماہ ہو چکے ہیں مگر ہمارے مینر میں پانی ابھی تک ٹیلوں تک نہیں پہنچا اور ہماری فصلیں تباہ برباد ہو گئی ہیں کیونکہ شدت کی گرمی ہے اور واپڈا کی سپلائی بھی آنکھ مچولی پر مبنی ہے ہمارا زیادہ تر دارومدار نہری پانی پر ہے مگر ایس ڈی او نے ابھی تک ہماری پریشانی کا کوئی حل نہیں نکالا نا ہمیں نہری پانی دیا ہے اگر کوئی تھوڑا سا پانی آتا ہے تو وہ پیچھے ہی چوری کروا دیا جاتا ہے ایس ڈی او سے جب بھی رابطہ کرو تو ہر بار ٹال مٹول سے کام لیتا آ رہا ہے ایسے کرتے ہوے تقریبا دو ماہ گزر گے ہیں آج بھی ہم پانی کی بوند بوند کو ترس رہے ہیں ہمارا کوئی پریشان حال نہیں ہماری ڈی سی قصور چیف ایریگیشن اور وزیر اعلی پنجاب سے اپیل ہے کہ از خود نوٹس لے کر ہم کو پانی میسر کیا جاے تاکہ ہماری فصلیں مزید تباہ ہونے سے بچ سکیں متعدد کسانوں نے بتایا کہ ہم پانی کی عدم دستیابی کے لیے اعلی احکام کو درخواستیں بھی ارسال کر رہے ہیں

قصور
دالگراں بازار میں ناجائز تجاوزات کی بھر مار قصور دالگراں بازار میں کوئی ایسی جگہ نہیں جہاں پر دکانداروں اور ریڑی بانوں نے سڑک کو اپنی ذاتی ملکیت نہ سمجھا ہو

تفصیلات کے مطابق قصور ایک تاریخی شہر ہے اور اس کے گلیاں اور بازار بھی پرانے دور کے بنے ہوئے ہیں جو اتنے زیادہ کشادہ نہیں ہیں اوپر سے قصور دالگراں بازار میں آج کل ان میں ناجائز تجاوزات کی بھر مار ہے۔ قصور دالگراں بازار میں کوئی ایسی جگہ نہیں جہاں پر دکانداروں اور ریڑی بانوں نے سڑک کو اپنی ذاتی ملکیت نہ سمجھا ہوا ہو اور اس پر ناجائز تجاوزات بڑھا کر عام شہری کے لیے پریشانی کا باعث ہے تاہم قصور دالگراں بازار کو ناجائز تجاوزات سے پاک کرنے کے لیے ضلعی انتظامیہ کی کاروائی کاغذی حد تک محدود ہے۔شہریوں کا کہنا ہے کہ قصور دالگراں بازار میں کوئی ایسا دکاندار نہیں جس نے جگہ نہ گھیری ہوئی ہو انہوں نے کہا کہ قصور میں ناجائز تجاوزات کے خلاف گرینڈ آپریشن کے بغیر ناجائز تجاوزات کا خاتمہ ناممکن ہے ارباب اس معاملے کا جلد نوٹس لے کر سخت کاروائی عمل میں لائیں۔ شہریوں نے مزید بتایا کہ دس فٹ کی بازار پر جب دکاندار اور ریڑھی والا ہی قابض ہو جائے تو عام آدمی کہاں جائے گا سرکار کو اس مسئلے پر سنجیدگی سے غور کرنا چاہیے۔ قصور دالگراں بازار میں تجاوزات کو تنقید کا نشانہ بناتے ہوئے شہریوں کا مزید کہنا ہے کہ بازار میں تجاوزات کی بھر مار سے سڑکیں سکڑ کر بہت تنگ ہو چکی ہیں جن پر تھوڑی سا رش تو عام آدمی کے لیے پیدل چلنا محال ہو گیا شہریوں کا مزید کہنا تھا قصور دالگراں بازار پرائمری اسکول کے سامنے سے فلفور تجاوزات ختم کروائیں جائیں اور قصور کی عوام نے ڈپٹی کمشنر قصور سے فوری نوٹس لینے کا مطالبہ کیا ہے

قصور
ڈسٹرکٹ پریس کلب قصور کے ضلعی عہدیداران کے انتخابات کا اعلان کر دیا گیا،انتخابات مورخہ 12 جولائی بروز سوموار ڈی پی سی قصور ایوان صحافت ھال میں ہونگے

تفصیلات کے مطابق ڈسٹرکٹ پریس کلب قصور کے انتخابات 2021/2022 کا اعلان کر دیا گیا ہے
ڈسٹرکٹ پریس کلب کے انتخابات 12 جولائی کو ڈسٹرکٹ پریس کلب قصور میں ہونگے
انتخابات چیئرمین الیکشن بورڈ چوہدری ندیم اختر کی صدارت و ممبران الیکشن بورڈ ملک عبدالعزیز، اصغر علی بھٹی، محمد جاوید سہوترا،مختار احمد شاکر کی زیر نگرانی ہونگے
ڈسٹرکٹ پریس کلب قصور کے کل 555 عام ممبران ڈی پی سی کی اکثریت رائے سے ضلع بھر سے نو منتخب کونسل ممبران کو اپنی مرضی سے بذریعہ خفیہ بیلٹ پیپر منتخب کرینگے

الیکشن لڑنے کے خواہش مند ممبران ڈسٹرکٹ پریس کلب میں 10 جولائی تک درخواست فارم الیکشن بورڈ کو جمع کراونے کے اہل ہیں
نیز کسی بھی نشست پر اگر کوئی امیدوار بلا مقابلہ کامیاب ہوا تو وہ اسی اجلاس میں حاضر کونسل ممبران سے تائیدی ووٹ لے سکے گا
الیکشن کے قریب آتے ہی امیدواران نے سیاسی جوڑ توڑ تیز کر دی ہے

قصور
مقصود ریاض چوہدری جنرل سیکرٹری ڈسڑکٹ بار قصورنے کہاہے کہ رجسٹری برانچ بالخصوص رجسٹری محررکی کرپشن عروج پر تھی چونکہ ان کی چاندرات تھی اگلے دن شیڈول چینج ہونا تھا جس کی شکایات عوام اور وکلاء برادری نے مجھے کیں جس پر میں ہمراہ دیگروکلاء تحصیل اور رجسٹری برانچ میں آکرصورت حال دیکھی تو ٹاؤٹ مافیا کا راج تھ اجس پر پوچھ گچھ کی گئی تو رجسٹری برانچ کے کرپشن کے بادشاہوں نے بدتمیزی کی جس پر رجسٹری محرر لیاقت بانڈے وغیرہ کی خوب درگت بنائی اور کرپشن کے خلاف احتجاج کرتے ہوئے تحصیل کی تالہ بندی کرتے ہوئے عام عوام کوانصاف دلانے کی کوشش کی گئی اور لمبی قطاریں ختم کروائیں گئیں
ان خیالات کااظہار انہوں نے میڈیا سے گفتگو کرتے ہوئے کیا انہوں نے کہا کہ رجسٹری محرر اور دیگر ملازمین نے شیڈول تبدیل ہونے کی آر میں رجسٹری پاس کرنے کے ریٹ مقررکررکھے تھے لاکھوں روپے کے عوض ایک رجسٹری پاس کر رہے تھے اس دوران برانچ میں سائلین کی لائنیں لگ گئی پیسے نہ دینے والوں کو شدید گرمی اور دھوپ میں لائنوں میں کھڑا کر دیا گیا وکلاء کے اس اقدام کی سائلین اور عوامی حلقوں نے خوب سراہا اور رجسٹری برانچ کی کرپشن کو روکنے کیلئے حکومت سے ٹھوس اقدامات کا مطالبہ بھی کرتی ہے