فیصل آباد(محمد اویس)ڈویژن بھر میں جشن عیدمیلادالنبیؐ مذہبی عقیدت واحترام اورشایان شان طریقے سے منانے کیلئے تمام تر انتظامی وحفاظتی تیاریاں مکمل کر لی گئی ہیں تاہم مذہبی ہم آہنگی،اتحادواتفاق اوربھائی چارے کی فضاء کو قائم ودائم رکھنے کے لئے امن کمیٹیز کے ارکان کا تعاون ہمیشہ قابل ستائش رہاہے۔یہ بات ڈویژنل کمشنر محمود جاوید بھٹی نے سرکٹ ہاؤس میں منعقدہ ڈویژنل امن کمیٹی کے ارکان سے خطاب کرتے ہوئے کہی۔آر پی او غلام محمود ڈوگر،ڈپٹی کمشنرمحمد علی،سی پی او اظہر اکرم،ارکان قومی وصوبائی اسمبلی نواب شیر وسیر،لطیف نذر،شکیل شاہد،فردوس رائے کے علاوہ ایڈیشنل کمشنرز ملک خادم جیلانی،محبوب احمد،ایڈیشنل ڈپٹی کمشنر (جنرل)میاں آفتاب احمد،اسسٹنٹ کمشنر جنرل مصور خان نیازی،ایڈمن آفیسر ریاض انجم،ایس پی سپیشل برانچ انجم کمال اوردیگر افسران بھی موجود تھے جبکہ اجلاس میں ڈویژن کے چاروں اضلاع سے تعلق رکھنے والے علماء کرام اور مذہبی رہنماؤں نے شرکت کی جن میں مفتی ضیاء مدنی،پیر ابراہیم سیالوی،اسلم بھلی،سعید بٹ قادری،مولانا محمد حفیظ،قاری محمد جاوید اختر قادری،قاری محمد عاعف سیالوی،خواجہ معین الدین،خلیل احمد اشرفی،ممتاز حسین گوندل،حافظ نعیم الحق ودیگر شامل تھے۔ڈویژنل کمشنر نے ڈویژن بھر سے امن کمیٹی کے ارکان کا خیر مقدم کرتے ہوئے کہا کہ معاشرتی امن اورمذہبی رواداری کی فضاء برقرار رکھنے کے لئے ان کی شاندارخدمات قابل ستائش ہیں۔انہوں نے کہا کہ ربیع الاول کا مبارک مہینہ تمام مسلمانوں کے لئے یکساں عقیدت واحترام کا حامل ہے جس کے تقدس کو ہر صوت برقرار رہنا چاہیے۔انہوں نے کہا کہ حفاظتی وانتظامی امور کے استحکام کے لئے تمام مکاتب فکر کے علماء کرام ومذہبی رہنماؤں کی مشاورت کو مقدم رکھا جاتا ہے جس سے امن وسلامتی کی ضمانت ملتی ہے۔ڈویژنل کمشنر نے خوشی اوراطمینان کا اظہار کرتے ہوئے کہا کہ فیصل آباد ڈویژن میں تمام مکاتب فکر کے علماکرام آپس میں متحد ومتفق ہیں تاہم اس نوعیت کے اجلاس خیروبرکت اورباہمی رابطے کے استحکام کے لئے منعقد کئے جاتے ہیں۔انہوں نے بھارتی سپریم کورٹ کی طرف سے تاریخی بابری مسجد کی جگہ رام مندر تعمیر کرنے کے کے فیصلے کی شدید مذمت کرتے ہوئے کہا مودی کا یہ اقدام امن کی فضا کو برباد کرنے کی گھناؤنی سازش ہے لیکن علماء کرام اپنے محراب ومنبر سے مذہبی رواداری،پیارومحبت اور قانون کی پاسداری کا درس دیں اور اسوہ حسنہ پر صدق دل سے عمل پیرا ہونے،آپس میں متحد رہنے اورجشن عیدمیلادالنبیؐ کو مذہبی جذبے سے مناتے ہوئے ہر قسم کی خرافات سے اجتناب کرنے کی تلقین کریں جو کہ عشق رسولؐ کا تقاضا ہے۔ آر پی او غلام محمودڈوگر نے امن کمیٹیوں کے ارکان کے مثالی تعاون اورفعال کردار کو خراج تحسین پیش کرتے ہوئے کہا کہ ماہ ربیع الاول کے حوالے سے منعقدہ تمام تر تقریبات کی مکمل سیکورٹی کویقینی بنایا جارہا ہے تاہم ان تقریبات کے منتظمین بھی مشکوک افراد پر نظر رکھیں تاکہ اسلام وملک دشمن عناصر کو تخریب کاری کا موقع نہ ملے۔انہوں نے کہا کہ نبی کریمؐ سے گہری محبت ہمارے ایمان کا اہم حصہ ہے جس کے اچھے انداز میں اظہار کے لئے نظم وضبط،قانون کی پابندی اوردیگر اخلاقی تقاضوں کو مدنظر رکھنا چاہیے۔اس ضمن میں علماکرام اپنے پیروکاروں کو عیدمیلادالنبیؐ کے موقع پر بغیرسائیلنسر موٹرسائیکل چلانے،آتش بازی اورہلڑ بازی سے گریز کرنے کی تاکید کریں۔انہوں نے کہا کہ آپس میں رابطوں کو مضبوط کرنے سے ضابطہ کی ضرورت نہیں رہتی اسی لئے علما کرام سے گہرا تعلق برقرار رکھا جائے گا۔ارکان اسمبلی نے امن کمیٹیوں کے ارکان کی شاندار خدمات اور فعال کردار کو خراج تحسین پیش کرتے ہوئے کہا کہ سرور کونین حضرت محمد صلی اللہ علیہ وآلہ وسلم سے گہری محبت و عقیدت تمام مسلمانوں کے ایمان کا جزو ہے جس میں کوئی اختلاف نہیں ہو سکتا تاہم شرارتی عناصر سے ہوشیار رہنے کی ضرورت ہے۔انہوں نے کہا کہ بھارت ہمارے خلاف پراپیگنڈا میں مصروف ہے لیکن قومی یکجہتی سے سیسہ پلائی دیوار ثابت ہو کر دشمن کے ناپاک عزائم کو خاک میں ملانا ہے۔انہوں نے بھارتی سپریم کورٹ کے فیصلے کی مذمت کرتے ہوئے کہا کہ ہمیں اس موقع پر جذبات کو قابو اور امن کی فضا کو قائم رکھنے کی ضرورت ہے۔انہوں نے کہا کہ فرقہ وارانہ ہم آہنگی‘ بھائی چارے اور اتحاد و اتفاق کے ایسے شاندار ماحول میں امن کا قیام قابل بھروسہ ہے۔اجلاس کے دوران علماکرام ودیگر اراکین نے اپنے بھرپور تعاون کا یقین دلاتے ہوئے کہا کہ آقائے دو عالمؐ کی ولادت باسعادت کا دن ہمارے لئے باعث برکت ہے جسے بھرپور انداز میں عقیدت واحترام کے ساتھ منایاجائے گا اور اس دن کی حرمت پر آنچ نہیں آنے دیں گے۔انہوں نے عید میلاد النبیؐ جلوسوں کے راستوں پر صفائی ستھرائی اورتجاوزات کے خاتمہ کی ضرورت پر زور دیا۔آخرمیں ملک وقوم کی ترقی وخوشحالی،امن وسلامتی،اتحاد ویکجہتی،خیروبرکت، شہدا کشمیر اور مفکر پاکستان ڈاکٹر علامہ محمد اقبال کی روح کے ایصال ثواب کے لئیدعا کی گئی۔
Author: +9251
-
جھیل میں انسان نما چہرے والی مچھلی،دیکھنے والے پریشان بھی حیران بھی
بیجنگ : چین میں انسانی چہرے سے مشابہت رکھنے والی مچھلی نے دیکھنے والوں کو پریشان بھی کردیا اورحیران بھی ، اطلاعات کےمطابق سوشل میڈیا پرانسان نما چہرے والی مچھلی کی ویڈیو وائرل ہورہی ہے جس نے صارفین کو حیران کردیا ہے۔آپ نے کارٹون اور اینیمیٹڈ فلموں تو انسان نما چہرے والی مچھلی یقیناً دیکھی ہوگی لیکن ان دنوں سوشل میڈیا پر حقیقت میں ایک ایسی مچھلی کی ویڈیو وائرل ہورہی ہے جس کا انسان نما چہرہ ہے۔
ذرائع کے مطابق جنوبی چین کے شہر کنمنگ کے قریب واقع ایک گاؤں کی ہے جس کے جھیل میں موجود اس عجیب و غریب خلقت کی فوٹیج کو ایک سیاح نے اپنے کیمرے میں قید کیا۔
9-نومبرسکھوں کی تاریخ کا بھی حصہ بن گیا تاریخ ساز کرتارپور راہداری کے افتتاح کے مناظر
انسان نما چہرے والی مچھلی کی ویڈیو چین کی سوشل میڈیا ویب سائٹ ویبو کر شیئر کی گئی، جس میں مچھلی کو ایک جھیل کے کنارے پانی کی سطح پر تیرتے اور سر ہلاتے دیکھا جاسکتا ہے۔اس وقت سوشل میڈیا پر بڑی تعداد میں اس ویڈیوکو دیکھا بھی جارہاہے اور شیئر بھی کیا جارہا ہے
سپریم کورٹ کے ہندووں کے حق میں فیصلے سے حوصلہ ملا،اسی کی تناظر میں آگے بڑھیں گے:مودی
ویڈیو شیئر کرنے والے صارف کے مطابق مچھلی کے سر دو سیاہ نقطے ہیں جو بظاہر انسانی آنکھوں نما نظر آتے ہیں اور دو لکیریں نیچے کی جانب ہیں جو انسانی ناک جیسی لگتی ہیں جبکہ ایک لکیر انسانی منہ کی شبیہ بنا رہی تھی۔یہ پہلی مرتبہ نہیں ہے بلکہ سنہ 2010 میں ایک 44 سالہ برطانوی شہری نے دعویٰ کیا تھا کہ اس کے پاس موجود مچھلی انسان نما شکل اختیار کرلی ہے۔
-
فیصل آباد گندم کے کاشتکاروں کو سبسڈی پر تصدیق شدہ بیج فراہم کئےگئے
فیصل آباد(محمد اویس)وزیر اعظم پاکستان کے زرعی ایمرجنسی پروگرام کے تحت گندم کی پیداوار میں اضافہ کے قومی منصوبہ کے تحت گندم کے کاشتکاروں کو سبسڈی پر تصدیق شدہ بیج فراہم کئے جا رہے ہیں اس سلسلے میں ڈویژن بھر میں 59269 اور ضلع فیصل آباد میں 17600 تھیلوں کی تقسیم کا کوٹہ مختص کیا گیا ہے۔اس ضمن میں ضلع فیصل آباد سے تعلق رکھنے والے کسانوں میں 200 تھیلے تقسیم کرنے کی تقریب محکمہ زراعت کے آفس میں منعقد ہوئی۔ایم پی اے عادل پرویز گجر اس موقع پر مہمان خصوصی تھے جبکہ ڈائریکٹر زراعت چوہدری عبدالحمید اور محکمہ زراعت کے دیگر افسران بھی موجود تھے۔ڈائریکٹر زراعت نے بتایا کہ کسانوں میں گندم کے تصدیق شدہ بیج اجالا2006،فیصل آباد 2008،اناج،فخر اور دیگر اقسام کے بیج تقسیم کئے جارہے ہیں۔انہوں نے بتایا کہ ایک بیگ کی قیمت 2700 روپے ہے جبکہ حکومت بذریعہ ووچر 1200روپے کی سبسڈی دے رہی ہے۔انہوں نے بتایا کہ گندم کے کسانوں کے مابین پیداواری مقابلوں کے علاوہ ضلع میں 123نمائشی پلاٹ بھی لگائے جائیں گے جس کے لئے بھی سبسڈی دی جائے گی۔انہوں نے کاشتکاروں کو سبسڈی کے حصول کے لئے طریقہ کار سے بھی آگاہ کیا۔ تقریب سے خطاب کرتے ہوئے ایم پی اے عادل پرویز گجر نے کہا کہ وزیر اعظم پاکستان عمران خان اور وزیر اعلیٰ پنجاب سردار عثمان بزدار کی قیادت میں موجودہ حکومت شعبہ زراعت کی ترقی اور کسانوں کی فلاح و بہبود کیلئے دن رات کوشاں ہے۔انہوں نے بیج حاصل کرنے والے گندم کے کسانوں کو مبارکباد دی اور کہا کہ وہ گندم کی پیداوار میں اضافے کیلئے بھرپور محنت کریں۔
۔۔۔///۔۔۔ -
لاشوں کے ساتھ رہنے والی خاتون کون؟پولیس، سیکورٹی ادارے بھی خوفزدہ
ایودھا: پولیس نے ایک ایسی عورت کو گرفتار کیا ہے جو 2 ماہ سے لاشوں کے ساتھ رہ رہی تھی۔تفصیلات کے مطابق بھارتی ریاست اتر پردیش کے شہر ایودھیا میں پولیس نے شہریوں کی اطلاع پر ایک گھر کا تالہ توڑا تو وہاں ایک خاتون موجود تھی جو لاشوں کے ساتھ کافی دن سے وقت گزار رہی تھی۔
مودی اورسپریم کورٹ ہندوتوا کی محافظ ،مسجدکی جگہ مندرامت کیخلاف اعلان جنگ ہے، مسعود خان
پڑوسیوں نے پولیس کو اطلاع دی کہ برابر والے گھر سے شدید بدبو آرہی ہے اور گھر کے باہر تالا لگا ہے جب کہ مکینوں کے بارےمیں کوئی اطلاع نہیں ہے۔پولیس کا کہنا ہےکہ خاتون کے چہرے پر کوئی پریشانی کے اثار نہیں تھے
پولیس جب گھر کا تالہ توڑ کر اندر داخل ہوئی تو وہاں ایک خاتون دو لاشوں کے ہمراہ موجود تھی، پولیس کا کہنا ہے کہ وہ لاشیں خاتون کی والدہ اور بہن کی تھیں ۔پولیس کا کہنا ہےکہ پہلے تو پولیس اور دیگر سیکورٹی اداروں نے بھی اس خاتون سے خوف محسوس کیا مگر بعد ازاں اسے گرفتارکرے تھانے پہنچا دیا گیا
پولیس کا کہنا ہے کہ لاشیں 2 ماہ پرانی تھیں جن کا پوسٹ مارٹم کیا جارہا ہے جب کہ خاتون کو گرفتار کرکے اس کا میڈیکل چیک اپ کروایا جارہا ہے اور ڈاکٹرز کی رپورٹ موصول ہونے کے بعد خاتون کی ذہنی حالت کے بارے میں معلوم ہو سکے گا۔
-
مودی اورسپریم کورٹ ہندوتوا کی محافظ ،مسجدکی جگہ مندرامت کیخلاف اعلان جنگ ہے، مسعود خان
کراچی: بھارتی سپریم کورٹ کا فیصلہ ہندوتوا کے تحفظ کا فیصلہ ہے، یہ فیصلہ اسلام اور مسلمانوں کے خلاف ایک سازش ہے ، بھارت کی اسی سازش کے پردے فاش کرتے ہوئے صدر آزاد کشمیر مسعود خان نے بابری مسجد کی جگہ مندرکی تعمیرکے بھارتی فیصلے کو امت کیخلاف اعلان جنگ قرار دیتے ہوئے کہا ہے کہ فیصلہ متعصب اور جانبداری پر مبنی ہے۔
مودی کےاسرائیلی جاسوس ایجنسی سے خفیہ تعلقات سامنے لائے جائیں، بھارتیوں نے مطالبہ کردیا
تفصیلات کے مطابق کراچی میں گورنر سندھ عمران اسماعیل ، جماعت اسلامی کے رہنماؤں اور دیگر سے ملاقات اور میڈیا سے بات کرتے ہوئے صدر آزاد کشمیر نے کہا کہ بھارتی سپریم کورٹ نےانتہائی جانبدارانہ اورمتعصبانہ فیصلہ کیا۔
سپریم کورٹ کے ہندووں کے حق میں فیصلے سے حوصلہ ملا،اسی کی تناظر میں آگے بڑھیں گے:مودی
سردار مسعود خان نے کہا کہ بھارتی سپریم کورٹ نے فیصلہ ایسےوقت میں دیا جب پاکستان نےکرتارپورراہداری کاافتتاح کیا، پاکستان نے امن، محبت اورمذہب کےتقدس کاپیغام دیا جب کہ بھارت نےپیغام دیاکہ وہ مسلمانوں کےمقدس مقامات کااحترام نہیں کرتا۔سردار مسعود خان نے کہا کہ بھارت کےاس اقدام نےہندومسلم تصادم کاآغاز کیاہے ،بھارت چاہتاہےکہ ایک نیاتصادم اورشورش پیداہو با ہماری ذمہ داری ہےکہ بھارت کوروکنےکیلئے عملی اقدامات کریں۔
9-نومبرسکھوں کی تاریخ کا بھی حصہ بن گیا تاریخ ساز کرتارپور راہداری کے افتتاح کے مناظر
صدرآزادکشمیر کا کہنا تھا کہ بھارت مقبوضہ کشمیرسےتوجہ ہٹانا چاہتا ہے مقبوضہ وادی میں کرفیوکو97دن ہوگئے ہیں،مقبوضہ وادی میں خواتین کی بےحرمتی کی جارہی ہےا ور 9لاکھ غاصب بھارتی افواج رات کی تاریکی میں گھروں پرحملہ کررہی ہے۔واضح رہے کہ بھارتی سپریم کورٹ نے بابری مسجد کی زمین ہندوؤں کو دینے کا حکم سناتے ہوئے فیصلے میں کہا تھا کہ بھارتی حکومت کی زیرنگرانی بابری مسجد کی جگہ مندر بنے گا اور مسلمانوں کو ایودھیا میں متبادل جگہ دی جائے ۔
بنارس ہندو یونیورسٹی میں’مسلم پروفیسر‘ کی تقرری پر ہنگامہ، طلبا نے کیا احتجاجی مظاہرہ
-
9-نومبرسکھوں کی تاریخ کا بھی حصہ بن گیا تاریخ ساز کرتارپور راہداری کے افتتاح کے مناظر
ننکانہ صاحب :کرتارپورراہداری کی آج کی پررونق تقریب کے مناظرنے پوری دنیا کو مسحورکردیا ، جہاں ایک طرف دنیا کے میڈیا کی نظریں کرتارپورراہداری کی تقریب پر لگی اورجمی ہوئی تھیں وہاں اس کے کچھ مناظر نے دلوں ، نظروں اور سوچوں کو اس طرح مرکوز کیا کہ کوئی بھی تعریف کیے بغیر نہ رہ سکا ،
آج کا دن پاکستان نہیں بلکہ دنیا کی تاریخ کا ایک یادگاردن بن گیا ہے جس دن پاکستان نے بھارت کو نظریاتی پر دوحصوں میں تقسیم کردیا ، پاکستان نے تاریخ ساز قدم اٹھاتے ہوئے سکھ برادری کے مذہبی پیشوا باباگرونانک کے 550ویں جنم دن کے موقع پر کرتارپور راہداری کا باضابطہ افتتاح کردیا۔
وزیر اعظم عمران خان نے ہفتہ کو منعقدہ ایک پروقار تقریب میں راہداری کا باضابطہ افتتاح کیا جہاں ہزاروں کی تعداد میں بھارتی سکھ یاتریوں نے گردوارہ دربار صاحب کا دورہ کیا۔
سابق بھارتی وزیر اعظم منموہن سنگھ، سابق بھارتی کرکٹر نوجوت سنگھ سدھو، بھارتی پنجاب کے وزیر اعلیٰ امریندر سنگھ اور بالی وڈ اداکار سنی دیول سمیت ہزاروں کی تعداد میں سکھ یاتریوں نے اپنے مذہب کے مقدس ترین مقامات میں سے ایک کی زیارت کی۔
کرتارپور کے مقام پر پاکستان وزیراعظم عمران خان نے ٹرمینل ون اور امیگریشن کاؤنٹرز کا دورہ کیا اور یاتریوں کے لیے چلائی جانے والی شٹل سروس سے گوردوارہ پہنچے، جہاں انہوں نے گوردوارے کے مختلف حصوں کا معائنہ کیا۔
وزیر اعظم عمران خان نے افتتاحی تقریب میں اپنے باھرتی ہم منصب نریندر سنگھ مودی کو ایک مرتبہ پھر مسئلہ کشمیر کا حل نکالنے پر زور دیا۔سکھ یاتریوں نے راہداری کھولنے پر وزیر اعظم عمران خان کو خراج تحسین پیش کرتے ہوئے اس اقدام پر ان کا شکریہ ادا کرتے ہوئے خوشی کا اظہار کیا۔
بھارتی سکھ یاتریوں کی پاکستان روانگی سے قبل ان کی دستاویزات کا معائنہ کیا جا رہا ہے
ہزاروں کی تعداد میں سکھ یاتری کرتارپور راہداری کی افتتاحی تقریب میں شرکت کے پہنچ رہے ہیں
پاکستان مخالف فلمیں بناکرانتہاپسندہندووں کے پاکستان کے خلاف اکسانے والے بالی وڈ اسٹار سنی دیول کرتاپورپہہنچے تو پاکستان کے سیکورٹی اداروں نے بھرپورپروٹوکول اور سیکورٹی فراہم کرتے ہوئے پنڈال کی طرف لارہے ہیں،
وزیر اعظم عمران خان کرتارپور راہداری کے افتتاح کے بعد تقریب سے خطاب کر رہے ہیں
کرتارپورراہداری کی تقریب میں شرکت کے لیے آئے ہوئے سکھ یاتری گردوارہ دربار صاحب میں جانے کے لیے قطار میں کھڑے ہیں
کرتارپورپہنچنے پر 72 سال بعد پہلی مرتبہ سکھ یاتری گردوارہ دربار صاحب میں مذہبی رسومات ادا کر رہے ہیں
وزیر اعظم عمران خان، بالی وڈ اداکار سنی دیول سمیت دیگر افراد کرتار راہداری کی افتتاحی تقریب کے موقع پر موجود ہیں
کرتارپورراہداری کی پررونق تقریب میں پاکستان کے وزیر اعظم نے عقیدت کا اظہار کرتے ہوئے سکھوں کے روایتی انداز میں سر پر رومال باندھ رکھا ہے،
سابق بھارتی کرکٹر نوجوت سنگھ سدھو نے تقریب سے خطاب کرتے ہوئے وزیر اعظم عمران خان کا شکریہ ادا کیا اور اس موقع پر کہا کہ عمران خان پاکستان نہیں پوری دنیا میں آباد 15 سکھوں کے بھی وزیراعظم ہیں
کرتارپور آئے ایک سکھ یاتری پاکستان اور وزیراعظم عمران خان کے لیے دعا مانگ رہے ہیں
گردوارہ دربار صاحب میں مذہبی رسومات کی ادائیگی کا ایک مناظر،دنیا بھر سے آئے ہوئے ہزاروں سکھ اپنے جزبات میں گم اپنی عقیدت کا اظہار کررہے ہیں، -
پاکستان پرامن ملک:فٹبال کے فروغ کیلیےعالمی شہرت یافتہ فٹبالرزپاکستان پہنچ گئے
کراچی : پاکستان ایک پرامن ملک ہیے اور اب وہاں ہر قسم کی کھیلوں کے لیے زبردست ماحول ہے ، اطلاعات کے مطابق پاکستان میں فٹبال کے فروغ کے لیے عالمی شہرت یافتہ سابق فٹبالر لوئس فیگو، کارپوس پایول، کاکا اور نکولس آنیلکا آج کراچی پہنچ گئے۔چاروں عالمی شہرت یافتہ آج علی الصبح کراچی کے جناح انٹرنیشنل ایئرپورٹ پہنچے جہاں سے انہیں سخت سیکیورٹی حصار میں ہوٹل منتقل کیا گیا۔
کراچی سے ذرائع کے مطابق ابتدائی شیڈول کے مطابق ان اسٹارز کو کراچی میں ایئرپورٹ پر میڈیا کے نمائندوں سے گفتگو کرنی تھی لیکن سیکیورٹی خدشات کے سبب انہیں براہ راست ہوٹل پہنچا دیا گیا جس کے سبب ایئرپورٹ ان کے استقبال کے لیے موجود شائقین کو بھی شدید مایوسی کا سامنا کرنا پڑا۔
چاروں اسٹارز نے کراچی کے مقامی ہوٹل میں پریس کانفرنس سے خطاب کرتے ہوئے ملک میں فٹبال کے فروغ کے لیے اپنا بھرپور کردار ادا کرنے کی یقین دہانی کرائی۔پرتگال کے فیگو، برازیل کے کاکا، اسپین کے پایول اور فرانس کے آنیلکا آج دوپہر ڈولمین مال پہنچے اور شائقین سے گفتگو کی جبکہ شام میں راحت اسٹیڈیم میں کراچی کے مقامی فٹبال کلب کے مدمقابل ہوئے۔
بھارت کامسلمانوں پردہراوار، پہلے کشمیراب بابری مسجد مندرمیں تبدیل، شدید ہندومسلم فسادات کاخدشہ
اس موقع پر عوام کا جوش و جذبہ دیدنی تھا جنہوں نے انٹرنیشنل فٹبالرز کو خوب داد دے کر فٹبال سے اپنی محبت کا اظہار کیا۔ یہ تمام اسٹار کل لاہور میں بھی نمائشی میچ میں شرکت کریں گے۔یہ ایونٹ رواں سال اپریل میں شیڈول تھا لیکن بعدازاں منتظمین نے چند وجوہات کے پیش نظر شیڈول کو تبدیل کردیا تھا۔
عمران خان نے کرتارپورراہداری مکمل کرکے سکھوں کے دل جیت لیے،مودی
یاد رہے کہ ان چاروں اسٹارز نے رواں سال کے آغاز میں بھی ایونٹ کی تشہیر کے سلسلے میں پاکستان کا دورہ کیا تھا اور یہ پاکستان میں گزشتہ تین سال میں دوسرا موقع ہے کہ عالمی شہرت یافتہ فٹبال اسٹارز نمائشی میچ کے لیے یہاں آئے ہیں۔جولائی 2017 میں کراچی اور لاہور میں نمائشی میچز کا ناعقاد کیا گیا تھا جس میں آنیلکا کے ساتھ ساتھ سابق عظیم برازیلین اور انگلش فٹبالرز رونالڈینو اور ریان گگز ایکشن میں نظر آئے تھے۔
-
سپریم کورٹ کے ہندووں کے حق میں فیصلے سے حوصلہ ملا،اسی کی تناظر میں آگے بڑھیں گے:مودی
نئی دہلی :سپریم کورٹ کے ہندووں کے حق میں فیصلے سے حوصلہ ملا ،اسی کی تناظر میں آگے بڑھیں گے، ان خیالات کا اظہاربھارتی وزیراعظم مودی نے ایک بھارتی جنتا پارٹی کے اجلاس میں کیا ، بھارتی وزیر اعظم نریندر مودی کا کہنا ہے کہ سپریم کورٹ کا بابری مسجد کیس پر سنائے گئے فیصلے سے سب مطمئن ہیں اور فیصلہ متفقہ طور پر آیا ہے۔
بابری مسجد کا عدالتی فیصلہ انصاف کے تقاضے پورے کرنے میں ناکام رہا، دفتر خارجہ
بھارتی اخبار ‘دی ہندو’ کی رپورٹ کے مطابق نریندر مودی نے قوم سے خطاب کرتے ہوئے کہا کہ ‘آج سپریم کورٹ نے ایسے معاملے پر فیصلہ سنایا جس کی دہائیوں پرانی تاریخ تھی’۔اس اجلاس میں مودی نے کہا کہ ‘پورا ملک چاہتا تھا کہ مقدمے کی سماعت روزانہ کی بنیاد پر ہو اور ایسا ہی ہوا، تاہم یہ معاملہ اب اپنے اختتام کو پہنچ چکا ہے’۔
بھارتی سپریم کورٹ نے آر ایس ایس ٹولے کے ناپاک ارادوں کی حوصلہ افزائی کی، سراج الحق
مودی نے کہا کہ ‘پوری دنیا جانتی ہے کہ بھارت دنیا کا سب سے بڑا جمہوری ملک ہے اور آج یہ بھی ثابت ہوگیا کہ یہ بھرپور صلاحیت کا حامل اور مضبوط ملک ہے’۔نریندر مودی نے دعویٰ کیا کہ ‘جس طرح سے ہر طبقے کے لوگوں نے اس فیصلے کو کھلے دل سے قبول کیا ہے، اس سے اتحاد کا مظاہرہ ہوتا ہے’۔
بھارت کامسلمانوں پردہراوار، پہلے کشمیراب بابری مسجد مندرمیں تبدیل، شدید ہندومسلم فسادات کاخدشہ
انہوں نے کہا کہ ‘سپریم کورٹ نے انتہائی تحمل سے سب کی بات سنی اور سب کو مطمئن کرنے کے لیے متفقہ طور پر فیصلہ سنایا ہے اور اس کے لیے ججز، عدلیہ اور عدالتی نظام کی جتنی تعریف کی جائے کم ہے’۔مودی نے بھارتی جنتا پارٹی کے رہنماوں کو مبارک باد دیتے ہوئے کہا کہ میں نے تو پہلے ہی کہہ دیا تھا کہ فیصلہ ہمارے حق میں آئے گا ، پھر پریشانی کس بات کی
بابری مسجد قیام سے انہدام تک، بھارتی حکومت، عدالت ہندوتوانظریے کے پیروکاربن کر سامنے آئے
-
مودی کےاسرائیلی جاسوس ایجنسی سے خفیہ تعلقات سامنے لائے جائیں، بھارتیوں نے مطالبہ کردیا
نئی دلی :بھارتی وزیراعظم نریندا مودی اسرائیلی خفیہ ایجنسی کا ایجنٹ ہے، مودی کی خفیہ ملاقاتوں اور تعلقات کو قوم کے سامنے آنا چاہیے ، اطلاعات کےمطابق بھارت میں 19شہریوں کے گروپ نےنریندرمودی کی حکومت کو کھلا خط لکھا ہےجس میں ان سے اسرائیل کی جاسوس کمپنی سےتعلقات منظرعام پرلانے کا مطالبہ کیا گیا ہےکھلا خط لکھنےوالوں میں صحافی ،وکلا،دانشور ،سماجی کارکن شامل ہیں۔
بابری مسجد کا عدالتی فیصلہ انصاف کے تقاضے پورے کرنے میں ناکام رہا، دفتر خارجہ
یاد رہے کہ فیس بک کی ملکیتی کمپنی واٹس ایپ نے اسرائیل کی ایک ٹیکنالوجی کمپنی این ایس او گروپ پر مقدمہ دائر کیا ہے کہ اس نے جاسوسی میں مختلف حکومتوں کی مدد کرنے کے لیے دنیا بھر میں اس کے صارفین کے موبائل فون ہیک کیے۔
بھارتی سپریم کورٹ نے آر ایس ایس ٹولے کے ناپاک ارادوں کی حوصلہ افزائی کی، سراج الحق
مودی حکومت کو لکھےگئے خط میں کہا گیا ہے کہ بھارتی حکومت بتائےکہ کیا اس نے ہماری نگرانی بڑھا دی ہے ؟واٹس ایپ کا کہنا ہےکہ ایک اسرائیلی کمپنی نے چار براعظموں میں 1400 صارفین کے موبائل فون ہیک کیے جن میں سفارتکار، سیاسی مخالفین، صحافی اور سینئر حکومتی عہدیداران کو اپنا نشانہ بنایا۔
بھارتیو!کرتارپورراہداری پاکستانیوں کے کشادہ دل ہونے کی نشانی ہے‘مہوش حیات پھربول اٹھیں
بھارتی شہریوں کی طرف سے یہ خط اس انکشاف کے بعد کیا گیا کہ مودی اسرائیل سے خفیہ معلومات شیئر کرتے ہیں، دوسریطرف واٹس ایپ کی جانب سے سان فرانسسکو کی فیڈرل کورٹ میں دائر مقدمے میں الزام عائد کیا گیا ہےکہ این ایس او اسرائیلی حکومت کے 20 ممالک میں جاسوسی کے عمل میں سہولت کاری کررہی ہے ۔
-
3468 موبائل چھین لیے گئے ،اسٹریٹ کرائم کی وارداتیں کم نہ ہوسکیں، رپورٹ جاری
کراچی:اسٹریٹ کرائمز کی رپورٹ پڑھ کر ہر کسی کا دل دکھ جاتا ہے ، پاکستان کے سب سے بڑے شہرکراچی جسے شہر قائد کہا جاتا ہے میں اسٹریٹ کرائم کی وارداتیں کم نہ ہوسکیں، گزشتہ ماہ شہریوں کو 5 ہزار سے زائد گاڑیوں،موٹرسائیکلوں اورموبائل فون سے محروم کردیا گیا اکتوبر میں کراچی کے شہریوں سے 3468 سے زائد موبائل فون چھین لیے گئے۔
بھارت کامسلمانوں پردہراوار، پہلے کشمیراب بابری مسجد مندرمیں تبدیل، شدید ہندومسلم فسادات کاخدشہ
پولیس حکام کی رپورٹ کے مطابق رپورٹ کے مطابق ماہ اکتوبر میں شہریوں سے 2374 موٹرسائیکلیں چوری اور چھینی گئیں، شہریوں کو 97 گاڑیوں سے محروم کردیا گیا۔دوسری جانب کراچی کے مختلف تھانوں میں موجود لاوارث موٹر سائیکلوں کی فہرست تیار کرلی گئی ہے۔
پاکستان میں ذیابطس بڑی تیزی سے پھیل رہا ہے،آگاہی بہت ضروری ہے، ماہرین طب
ایس ایس پی کا کہنا ہے کہ 43 موٹر سائیکلیں کراچی کے مختلف تھانوں میں موجود ہیں، مالکان دستاویزات دکھا کر موٹر سائیکلیں لے جاسکتے ہیں۔ایس ایس پی کا کہنا تھا کہ موٹر سائیکلیں مختلف علاقوں سے چوری اور چھینی گئی تھیں۔واضح رہے کہ شہر قائدمیں اسٹریٹ کرائمز کی وارداتوں میں شہریوں کو روزانہ موٹرسائیکل، گاڑیوں اور قیمتی اشیا سے محروم کردیا جاتا ہے۔
بلدیاتی ایکٹ 2013 کےغیرفعال،2019 نافذ، نئی ذمہ داریاں سونپ دی گئیں