Author: غنی محمود قصوری

قصور
تھانہ سٹی پتوکی پولیس کا فوری ایکشن ہواٸی فاٸرنگ اور ون ویلنگ کرنے والے گرفتار
سوشل میڈیا پر ون ویلنگ کرتے ہوئے ہوائی فائرنگ کرنے کی تصاویر وائرل کرنے والے دو ملزمان گرفتار کر لٸے گٸے
ملزمان اسد اور حسن دونوں موٹرسائیکل پر سوار ہو کر ون ویلنگ کرتے رہے اور اس دوران ہوائی فائرنگ بھی کرتے رہے
ملزمان اپنی غیر قانونی حرکات کی تصاویر سوشل میڈیا پر بھی وائرل کرتے رہے
تھانہ سٹی پولیس نے فوری کاروائی کرتے ہوئے چند گھنٹوں میں دونوں ملزمان کو گرفتار کر لیا
اور ملزمان کے قبضہ سے پسٹل اور موٹرسائیکل کو قبضہ میں لیکر مزید تفتیش شروع کر دی ہے

قصور
اتفاق رولر فلور مل بہتی گنگا میں ہاتھ دھونے لگی قیمتیں کم ہوتے ہی فاٸن آٹا کے تھیلوں کا وزن کم کر دیا
تفصیلات کے مطابق اتفاق فلور مل راٸیونڈ روڈ قصور بہتی گنگا میں ہاتھ دھونے لگی فاٸن آٹے کا تھیلا 90 کلو گرام کا تھیلا چند دن پہلے 4200 روپیہ کا تھا جس پر گورنمنٹ نے ریٹ کم کرنے کا آرڈر جاری کیا تو مل نے تھیلے کی قیمت کم کرکے 3900 روپیہ کر دی اور ساتھ ہی وزن 90 کلو کی بجاٸے 84 کلو کر دیا اور اب مذید چند دنوں سے 80 کلوگرام کر دیا گیا ہے جس سے مل مالکان ناجاٸز منافع کما رہے ہیں اور سارا بوجھ غریب نان باٸیوں پر آ گیا ہے کیونکہ پراٸس کنٹرول مجسٹریٹ روٹی و نان کے کم وزن پر تو نان باٸیوں کو جرمانے کرتے ہیں مگر کم وزن پر فلور مل مالکان کو نہیں

قصور
میونسپل کمیٹی چونیاں کا ٹریکٹر ڈرائیور اور اے سی چونیاں کا گن مین ہزاروں روپے کی دیہاڑیاں لگانے لگے رشوت نہ دینے والوں کو چھ چھ گھنٹے سرکاری گاڑی میں گھمایا پھرایا جاتاہے مقامی پولیس اسٹیشن میں ملزمان کے خلاف کاروائی کرنے کی بجائے اے سی آفس چونیاں میں لے جا کر مک مکا کیا جاتاہے ڈی سی قصور اور وزیر اعلی پنجاب سے نوٹس لینے کا مطالبہ تفصیلات کے مطابق میونسپل کمیٹی چونیاں کا ٹریکٹر ڈرائیور نیاز جٹ اور گن مین سلیم اے سی چونیاں کے لئے بدنامی کا باعث بن رہےہیں ناجائز تجاوزات اور گیس ریفلنگ اور دیگر الزامات کی آڑ میں غریب لوگوں کو گرفتار کیا جاتا ہے اور فوری طور پر مقامی پولیس اسٹیشن میں کاروائی کروانے کی بجائے الزام علیہان کو اے سی چونیاں کے سرکاری ڈالہ میں بٹھا کر چھ چھ گھنٹے ذلیل وخوار کیا جاتا ہے اور تحصیل بھر میں گھمایا پھرایا جاتا ہے اور گرفتار افراد کو مک مکا پر مجبور کیا جاتاہے اور اکثر لوگوں کو جرمانوں کی رسیدیں بھی نہیں دی جاتی شام کے بعد گرفتار افراد کو چونیاں میں بند کر کے اے سی چونیاں اپنے گھر چلا جاتا ہے بعد ازاں ٹریکٹر ڈرائیور نیاز اور گن مین سلیم بھاری نذرانے لے کر ملزمان کو رہا کر دیتے ہیں اور نذرانہ نہ دینے والوں کے خلاف مقدمات درج کروا دیئے جاتے ہیں مقامی شہریوں نے وزیر اعلیٰ پنجاب، چیف سیکرٹری پنجاب اور ڈی سی قصور سے مطالبہ کیا ہے کہ اے سی آفس چونیاں کے کرپٹ عملہ جو کہ گیس ریفلنگ کی دکانوں ، ناجائز تجاوزات اور دیگر غیر قانونی کام کرنے والوں سے سالہا سال سے منتھلیاں وصول کرتے آ رہے ہیں ان کے خلاف قانونی کارروائی کی جائے

قصور حساس ادارے کی وردی میں ملبوس نوجوان نے علاقہ مکینوں کو خوف و ہراس میں مبتلا کردیا
ملزم نے سرعام کیمرے توڑ دئیے فائرنگ اور بھی کی
نوجوان کی طرف سے فائرنگ اور توڑ پھوڑ کی سی سی ٹی وی فوٹیج حاصل کر لی گٸی ہے
فوٹیج میں اہلکار کو ہاتھ میں ڈنڈا لئے اور بعد میں فائرنگ کرتے دیکھا جا سکتا ہے
لطیف پورہ قصور کےرہائشی سلیم نے سربازار قانون ہاتھ میں لیا ہوا ہے
تھانہ بی ڈویژن پولیس نے ملزم کے خلاف مقدمہ درج کرکے کارروائی شروع کردی
ملزم باوردی اپنی گلی میں لگے سی سی ٹی وی کیمرے توڑ رہا ہے
ملزم اکثر و بیشتر محلے داروں کے ساتھ سر راہ مبینہ تشدد بھی کرتا ہے

قصور
دربار بابا بلہے شاہ زاٸرین کیلٸے بند ہونے کی بدولت لوگوں نے سڑک پر واقع مین گیٹ پر ہی فاتحہ خوانی کرنی شروع کر دی سرعام دفعہ 144 کی خلاف ورزی
تفصیلات کے مطابق کرونا الرٹ کے پیش نظر دربار بابا بلہے شاہ کو زاٸرین کیلٸے بند کیا گیا ہے اور ملک بھر کی طرح قصور میں بھی دفعہ 144 کا نفاذ ہے مگر دربار پر آٸے زاٸرین نے دفعہ 144 کی خلاف ورزی کرتے ہوٸے سڑک پر لگے مین گیٹ پر ہی فاتحہ خوانی کرنی شروع کر دی ہے جس سے گیٹ پر ایک ہجوم کی کیفیت بن جاتی ہے دربار میں بنی پولیس چوکی ملازمین بھی باہر موجود نہیں بلکہ اندر سے دروازہ بند کرکے بیٹھے ہیں دربار کے اندر بیٹھے ہیں دربار کے باہر 2 اوقاف ملازمین تعینات ہیں جن کی باتوں کو زاٸرین یکسر نظر انداز کرتے ہیں

قصور نادرا آفس نے لوگوں کی زندگیاں خطرے میں ڈال دیں
کرونا وائرس پر نادرا نے حفاظتی اقدامات ہوا میں اڑا دئیے
دفعہ 144 کے باوجود لوگوں کا ہجوم نادرا آفس میں جمع
درجنوں افراد بغیر حفاظتی انتظامات کے آفس کے باہر اور اندر موجود
نادرا آفس میں نا ہی حفاظتی انتظامات کئے گئے اور نا کسی کو ماسک دیا گیا
سینکڑوں افراد و عملہ کی زندگیوں کو خطرہ میں ڈال دیا گیا ہے
ڈی سی آفس کے ساتھ واقع نادرا آفس نے شہریوں کی زندگیاں خطرے میں ڈال دیں

قصور میں کرونا وائرس سے متاثرہ شخص کی جو خبر گردش کر رہی تھی ٹیسٹ کرنے پر رزلٹ منفی آیا
تفصیلات کےمطابق کل کرونا واٸرس کے مشتبہ مریض کو ڈسٹرکٹ ہیڈ کوارٹرز ہسپتال قصور لایا گیا جہاں الحمد اللہ اس کا ٹیسٹ منفی آیا ہے
حاجی پارک قصور کا رہاہشی شحض چند دن قبل ہی سعودی عرب سے واپس آیا تھا جسے طبیعت خراب ہونے پر ہسپتال لایا گیا جہاں اس کے ٹیسٹ کرنے پر کرونا واٸرس کی بیماری سامنے نہیں آٸی
ہسپتال ذراٸع نے ٹیسٹوں کے منفی ہونے کی تصدیق کر دی ہے

قصور
ڈسٹرکٹ پریس کلب قصور کے انتخابات ملتوی نٸی تاریخ کا اعلان 5 اپریل کے بعد کیا جاٸے گا
تفصيلات کے مطابق ڈسٹرکٹ پریس کلب قصور کے انتخابات جو کہ کل مورخہ 18 مارچ کو ہونے تھے کو کرونا الرٹ اور دفعہ 144 کے پیش نظر ملتوی کر دیا گیا ہے چیٸرمین و بانی ڈسٹرکٹ پریس کلب قصور سردار شریف سوہڈل نے ممبران و امیدواران سے مشورے کے بعد فیصلہ کیا اور کہا کہ ہم قانون کا احترام کرتے ہیں اور اس مشکل گھڑی میں ہم صحافی برادری گورنمنٹ کے ساتھ کھڑی ہیں لہذہ 5 اپریل کے بعد الیکشن کی نٸی تاریخ کا اعلان کیا جاٸے گا پریس کلب کے تمام ممبران و امیدواران نے سردار شریف سوہڈل کے فیصلے کو خراج تحسین پیش کیا

قصور میں میں پتنگ بازوں کے گرد گھیرا تنگ امن وامان کے قیام کو یقینی بنانے اور پتنگ بازی کی روک تھام کے سلسلہ میں قصور پولیس کا شہر میں فلیگ مارچ

تفصیلات کے مطابق امن وامان کے قیام کو یقینی بنانے اور پتنگ بازی کی روک تھام کے سلسلہ میں قصور پولیس نے بھاری نفری کے ساتھ شہر قصور میں فلیگ مارچ کیا
ڈی پی او قصور زاہد نواز مروت کی خصوصی ہدایات پر ڈی ایس پی صدر عالم شیر جاوید کی قیادت میں فلیگ مارچ کیا گیا
فلیگ مارچ میں ایس ایچ او اے ڈویژن، بی ڈویژن، صدرقصور،انچارج چوکیات، ایلیٹ فورس،محافظ فورس، ٹریفک پولیس اور پولیس کے دیگر یونٹس نے حصہ لیا
فلیگ مارچ کے دوران جگہ جگہ شہریوں میں کائیٹ فلائنگ کی روک تھام کے سلسلہ میں بذریعہ مائیکرو سپیکر شہریوں کو ہدایات بھی دی گئیں
پتنگ بازی ایک خونی کھیل ہے کسی صورت برداشت نہیں کیا جائے گا اور کم عمر بچوں کی صورت میں والد کے خلاف مقدمہ درج کیا جائے گا۔
فلیگ مارچ سٹیل باغ موڑ سے شروع ہو کر شہر سے گزرتا ہوا سٹیل باغ موڑ پر ہی اختتام پذیر ہوا

قصور وزیر اعلی پنجاب کی ہدایت پر سیکرٹری بلدیات پنجاب احمد جاوید قاضی کا ضلع قصور کا دورہ
تحصیل کونسل آفس قصور میں انتظامیہ، افسران و عملے سے ملاقات کی۔
صوبائی سیکرٹری نے لوکل گورنمنٹ ایکٹ کے تحت ہونیوالے اقدامات پر مقامی انتظامیہ سے بریفنگ بھی لی۔
وزیر اعلی پنجاب کی ہدایت کے مطابق نئے نظام میں آبادی، رقبے اور دیگر مسائل کے تناسب کو مد نظر رکھتے ہوئے منصوبہ بندی کر رہے ہیں
آنیوالے وقت میں تحصیل کونسلوں اور ویلج پنچائتوں کا اہم کردار ہو گا سیکرٹری بلدیات پنجاب احمد جاوید قاضی کی گفتگو
دورے کے دوران سیکرٹری بلدیات پنجاب نے اپنی ٹیم کے ہمراہ کلین گرین پنجاب مہم کے تحت پودے بھی لگائے۔
صوبائی سیکرٹری نے قصور کے نواح میں واقع لونے کی اور ہر دو محمد گاؤں کے دورہ کے دوران لوگوں کو لوکل گورنمنٹ، ویلج پنچائت اور نیبر ہڈ کونسلز ایکٹ پر بھی آگاہی دی۔