Baaghi TV

Author: عائشہ ذوالفقار

  • ارطغرل غازی ٹیم کی طرف سے مداحوں کو عیدالفطر کی مبارکباد

    ارطغرل غازی ٹیم کی طرف سے مداحوں کو عیدالفطر کی مبارکباد

    ملک بھر میں عید پورے جوش و خروش اور مذہبی احترام کے ساتھ منائی جا رہی ہے شوبز فنکاروں کے ساتھ ساتھ معروف شخصیات بھی سوشل میڈیا پر مداحوں کو عید کی مبارکباد دے رہی ہیں

    باغی ٹی وی : ہر سال کی طرح اس سال بھی ملک بھر میں عید پورے جوش و خروش اور مذہبی احترام کے ساتھ منائی جا رہی ہے شوبز فنکاروں کے ساتھ ساتھ معروف شخصیات بھی سوشل میڈیا پر مداحوں کو عید کی مبارکباد دے رہی ہیں سماجی رابطے کی ویب سائٹ ٹویٹر پر پی ٹی وی پر نشر کئے جانے والے ترک ڈرامےارطغرل کے ہینڈلر سے بھی ڈرامے کی کاسٹ کی طرف سے قوم اور مداحوں کو عیدالفطر کی مبارکباد دی گئی

    ٹویٹر پر عید کی مبارکباد دیتے ہوئے ٹویٹ کیا کہ یہ دن سب کو خوشیاں اور سکون دلائے اور لکھا کہ سب کو ارطغرل فیملی کی طرف سے عید مبارک

    واضح رہے کہ اسلامی فتوحات کی تاریخ پر مبنی ترکی کے شہرہ آفاق ڈرامے ’دیریلیش ارطغرل‘ جسے ترکی کا ’گیم آف تھرونز‘ بھی کہا جاتا ہے اس وقت دنیا بھر میں دیکھا جا رہا ہے اس ڈرامے کو 13 ویں صدی میں اسلامی فتوحات کے حوالے سے انتہائی اہمیت حاصل ہے۔ جبکہ پاکستان میں پاکستان ٹیلی ویژن (پی ٹی وی ) پر یکم رمضان سے پاکستانی وزیراعظم عمران خان کی ہدایت پر نشر کیا جارہا ہے

    دیریلیش ارطغرل‘ ڈرامے کی کہانی 13 ویں صدی میں ’سلطنت عثمانیہ‘ کے قیام سے قبل کی کہانی ہے اور اس ڈرامے کی مرکزی کہانی ’ارطغرل‘ نامی بہادر مسلمان سپہ سالار کے گرد گھومتی ہے جنہیں ’ارطغرل غازی‘ بھی کہا جاتا ہے۔

    ڈرامے میں دکھایا گیا ہے کہ کس طرح 13 ویں صدی میں ترک سپہ سالار ارطغرل نے منگولوں، صلیبیوں اور ظالموں کا بہادری سے مقابلہ کیا اور کس طرح اپنی فتوحات کا سلسلہ برقرار رکھا۔ڈرامے میں سلطنت عثمانیہ سے قبل کی ارطغرل کی حکمرانی، بہادری اور محبت کو دکھایا گیا ہے

    شوبز شخصیات کا عید انتہائی سادگی سے منانے کا فیصلہ

    عید لازمی منائیں چاہے سادگی سے ہی منائیں

    اپنی قوم اور متاثرین کے اہل خانہ کی سلامتی کے لیے دعا گو ہوں

    بہت دکھ کی بات ہے کہ قوم آج 100 جنازوں کے ساتھ عید منائے گی

  • شوبز شخصیات کا عید انتہائی سادگی سے منانے کا فیصلہ

    شوبز شخصیات کا عید انتہائی سادگی سے منانے کا فیصلہ

    پاکستانی شوبز انڈسٹری سے تعلق رکھنے والی معروف شخصیات نے طیارہ حادثے کے باعث عید انتہائی سادگی سے منانے کا فیصلہ کیا ہے۔

    باغی ٹی وی : پاکستانی شوبز انڈسٹری سے تعلق رکھنے والی معروف شخصیات نے طیارہ حادثے کے باعث عید انتہائی سادگی سے منانے کا فیصلہ کیا ہے۔ہرسال عید الفطر مذہبی عقیدت اور جوش و خروش کے ساتھ منائی جاتی ہے لیکن رواں سال عید کی خوشیاں کورونا وائرس کی وجہ سے پہلے ہی بے رنگ تھیں تاہم عید سے صرف 2 دن قبل کراچی میں پی آئی اے طیارہ حادثے نے پاکستانی قوم کو مزید افسردہ کردیا اور یہی وجہ ہے کہ شوبز ستاروں اور معروف شخصیات سمیت عوام نے بھی عید انتہائی سادگی سے منانے کا فیصلہ کیا ہے۔


    معروف ادکار ہمایوں سعید نے ٹوئٹر پر اپنے پیغام میں کہا کہ آئیں سب ملکر اللہ کی رحمت طلب کرتے ہیں اور اپنی خوشی اور زندگی کے لیے دعا کرتے ہیں۔انہوں نے لکھا کہ اللہ سے اپنے گناہوں اور اچھے وقت کہ دعا کریں
    https://www.instagram.com/p/CAjrjAbH5bw/?igshid=aexjppejf583
    ادکار عمران عباس نے لکھا کہ آنکھ تم کو ہی نہ پائے گی تو عید کیسے منائی جائے گی انہوں نے لکھا کہ وہ ان کو بہت یاد کر رہے ہیں جو ان کےساتھ نہیں ہیں لاص طور پر اپنے والد کو اور ان کو جو ایک دن پہلے طیارے حادثے میں ہلاک ہوئے ہیں


    قومی ٹیم کے سابق کپتان وسیم اکرم نے کہا کہ میری خواہش ہے کاش میں اس سال لوگوں کو تنبیع کرنے، تعزیت کرنے اور لوگوں کو حفاظتی تدابیر کا کہنے کے بجائے سب کو عید مبارک کہہ سکتا۔ میں صرف اس لمحے میں امید کرتا ہوں ، ابھی سبھی سکون میں ہیں ، اپنے پیاروں سے رابطے کریں گے اور بہتر کل کی دعا کر رہے ہیں


    وسیم اکرم کی اہلیہ شنیزہ اکرم کا کہنا تھا کہ سب کو عید مبارک، عید ضرور منائیں جشن منائیں اور عید کا لطف اٹھائیں لیکن ایس او پیز کو فالو کریں۔ یاد رکھنا کہ آپ اپنے کنبے سے پیار کرسکتے ہیں ، لیکن کوویڈ نہیں کرتا! انہوں نے ہیش ٹیگ#CelebrateWisely #BeResponsible #EidWithSOPs بھی استعمال کیے

  • طیارہ حادثہ ہم سب کے لیے ایک بڑا نقصان ہے عدنان صدیقی

    طیارہ حادثہ ہم سب کے لیے ایک بڑا نقصان ہے عدنان صدیقی

    پاکستان شوبز انڈسٹری کے معروف اداکار عدنان صدیقی نے مداحوں کو ٹوٹے دل کے ساتھ عید کی مبارک باد دیتے ہوئے کہا کہ یہ عید ماضی کی عیدوں سے کافی مختلف ہو گی

    باغی ٹی وی : پاکستان۔شوبز انڈسٹری کے نامور ادکار عدنان۔صدیقی نے سوشل میڈیا ویب سائٹ انسٹاگرام پر اپنے ایک ویڈیو پیغام میں کہا کہ یہ عید ماضی کی عیدوں سے کافی مختلف ہوگی۔
    https://www.instagram.com/tv/CAiycZGH5xa/?igshid=ilqe1nx7h2n8
    عدنان صدیقی نے کہا کہ پوری دُنیا سمیت ہم بھی کورونا وائرس سے لڑ رہے تھے کہ اچانک جمعۃ الوداع کے دن کراچی میں پی آئی اے کے طیارے کو ایک المناک حادثہ پیش آیا جس میں بہت سی قیمتی جانیں ضائع ہوگئیں۔

    اداکار نے کہا کہ لوگ اپنے پیاروں کے ساتھ عید منانے کے لیے آرہےتھے اور وہ اپنے پیاروں سے ملنے کے بجائے اِس دُنیا سے رخصت ہوگئے۔

    اداکار نے کہا کہ صرف طیارے میں سوار مسافر ہی نہیں بلکہ جن گھروں پر طیارہ گرا اُن میں سے بھی کئی لوگ زخمی ہوئے اور کئی لوگ جاں بحق ہوئے۔

    عدنان صدیقی نے طیارہ حادثے میں جاں بحق ہونے والے افراد کے لیے دُعائے مغفرت کی اوراس افسوسناک واقعے میں زخمی ہونے والے افراد کی جلد صحتیابی کے لیے بھی دُعا کی

    اداکار نے کہا کہ طیارہ حادثے سے متاثر ہونے والے تمام خاندانوں سے میری دلی ہمدردی ہے اور دُعا ہے کہ اللہ تعالیٰ آپ سب کو صبر عطا فرمائے۔

    اُنہوں نے کہا کہ طیارہ حادثہ ہم سب کے لیے ایک بہت بڑا نقصان ہے۔

    آخر میں اُنہوں نے کہا کہ ’میں اپنے ٹوٹے ہوئے دل کے ساتھ آپ سب کو عید مبارک کہتا ہوں، خوش رہیں اور سلامت رہیں۔

  • اپنی قوم اور متاثرین کے اہل خانہ کی سلامتی کے لیے دعا گو ہوں

    اپنی قوم اور متاثرین کے اہل خانہ کی سلامتی کے لیے دعا گو ہوں

    عوام اور معروف شخصیات کے ساتھ شوبز انڈسٹری سے تعلق رکھنے والے فنکاربھی سوشل میڈیا پر اپنے پیغامات کے ذریعے حادثے کا شکار ہونے والے پی آئی اے کے طیارے پر افسوس کا ا ظہار کر رہے ہیں

    باغی ٹی وی :پاکستان شوبز انڈسٹری کے معروف اداکار اور گلوکار علی ظفر کا کہنا ہے کہ وہ عید الفطر کے موقع پر قوم اور متاثرین کی سلامتی کے لیے دُعاگو ہیں

    عید الفطر کے موقع پر معروف گلوکار علی ظفر نے سوشل میڈیاویب سائٹ ٹوئٹر پر اپنے پیغام میں لکھا ہے کہ اس عید کے موقع پر میرا دل اُن تمام خاندانوں کے ساتھ ہے جنہوں نے عالمی وبا اور طیارہ حادثے میں اپنے پیاروں کو کھو دیا ہے اور جن کے پیارے ابھی بھی اپنی زندگی بچانے کے لیے کوشش کر رہے ہیں۔


    اداکار و گلوکار نے لکھا کہ میرے پاس اُن تمام خاندانوں کو تسلی دینے کے لیے الفاظ نہیں ہیں لیکن میں اپنی قوم اور تمام متاثرین کے اہل خانہ کی سلامتی کے لیے دُعاگو ہوں۔

    علی ظفر نے لکھا کہ اُمید کرتا ہوں کہ مستقبل میں آنے والی عیدیں ہمارے لیے خوشیاں لائے گی

    اداکار نے اپنے پیغام کے آخر میں عوام کو گھروں میں محفوظ رہنے کی بھی تلقین کی

    واضح رہے کہ جمعۃ الوداع کے دن دوپہر کو لاہور سے کراچی آنے والے قومی فضائی ادارے (پی آئی اے) کی پرواز کراچی میں لینڈنگ سے 30 سیکنڈ قبل حادثے کا شکار ہوگئی تھی جس کے نتیجے میں97 افراد جاں بحق ہوئے

    عید لازمی منائیں چاہے سادگی سے ہی منائیں

    بہت دکھ کی بات ہے کہ قوم آج 100 جنازوں کے ساتھ عید منائے گی

  • عید لازمی منائیں چاہے سادگی سے ہی منائیں

    عید لازمی منائیں چاہے سادگی سے ہی منائیں

    پاکستان شوبز انڈسٹری کے معروف اداکار و میزبان فیصل قریشی کا کہنا ہے کہ عید لازمی منائیں چاہے سادگی سے ہی منائیں

    باغی ٹی وی : عید الفطر کے موقع پر فیصل قریشی نے سماجی رابطے کی ویب سائٹ ٹوئٹر پر جاری کردہ اپنے پیغام میں لکھا کہ ہم سب ہی وبائی بیماری اور حالیہ المناک واقعے کی وجہ سے پریشان ہیں لیکن ہمیں پھر بھی اللہ تعالیٰ کے حکم پر عمل کرتے ہوئے عید لازمی منانی چاہیے۔


    فیصل قریشی نے لکھا کہ عید تمام امت مسلمہ کے لیے االلّہ تعالیٰ کی طرف سے تحفہ ہےہمیں عید کے موقع پر اپنی دُعاؤں میں اُن تمام لوگوں کو یاد رکھنا ہے جو عالمی وبا اور طیارہ حادثے سے متاثر ہوئے۔

    اداکار نے مزید۔لکھا کہ س لیے ہمیں عید سادگی سے اور لازمی منانی چاہیے

    واضح رہے کہ جمعۃ الوداع کے دن دوپہر کو لاہور سے کراچی آنے والے قومی فضائی ادارے (پی آئی اے) کی پرواز کراچی میں لینڈنگ سے 30 سیکنڈ قبل حادثے کا شکار ہوگئی تھی جس کے نتیجے میں97 افراد جاں بحق ہوئے

  • بہت دکھ کی بات ہے کہ قوم آج 100 جنازوں کے ساتھ عید منائے گی

    بہت دکھ کی بات ہے کہ قوم آج 100 جنازوں کے ساتھ عید منائے گی

    پاکستان شوبز انڈسٹری کی معروف اداکارہ عائزہ خان نے عیدالفطر کے موقع پر کراچی طیارے حادثے میں جاں بحق ہونے والے افراد کو یاد کرتے ہوئے کہا کہ۔آج بہت دکھ کی بات ہے کہ قوم۔سو جنازوں کے ساتھ عید منائے گی

    باغی ٹی وی : پاکستان شوبز انڈسٹری کی معروف ادکارہ عائزہ خان نے سماجی رابطے کی ویب سائٹ ٹوئٹر پر جاری اپنے پیغام میں کہا کہ ہم عید سے قبل اپنے باپ اور بیٹوں کو کھو چکے ہیں۔


    عائزہ خان نے کہا کہ طیارہ حادثے میں ہم اپنی ماؤں اور بیٹیوں کو کھوچکے ہیں۔

    اداکارہ نے کہا کہ یہ ہمارے لیے بہت ہی دُکھ کی بات ہے کہ آج ہماری قوم 100 جنازوں کے ساتھ عید منائے گی۔


    عائزہ خان نے اپنے ایک اور ٹوئٹ میں پی آئی اے ایئر بیس 320 کو یاد کرتے ہوئے عیدالفطر کی مبارکباد پیش کی۔


    اُنہوں نے چاند رات کے موقع پر بھی طیارہ حادثے کو یاد کرتے ہوئے کہا کہ جہاں دیکھوں اُداسی ہی اُدسی ہے، ایسے میں کیا چاند رات اور کیا عید۔

    اداکارہ نے کہا کہ بس اللّہ ہم سب پر اپنا کرم کرے

    اس سے قبل اپنے ایک ٹویٹ میں عائزہ خان نے گزشتہ روز کراچی میں حادثے کا شکار ہونے والے بد قسمت طیارے میں اپنی اور شوہر دانش تیمور کی موجودگی کی خبروں کی تردید کی تھی

    گزشتہ روز سے سوشل میڈیا پر کچھ خبریں زیرِ گردش تھیں کہ کراچی میں گر کر تباہ ہونے والے پی آئی اے طیارے میں عائزہ خان اور اُن کے شوہر دانش تیمور بھی موجود تھے۔


    عائزہ خان نے ٹوئٹر پر اپنا پیغام جاری کرتے ہوئے کہا تھا کہ براہ مہربانی جھوٹی خبریں پھیلانا بند کریں۔

    عائزہ خان نے کہا تھا کہ جھوٹی خبریں پھیلانے کے بجائے اُن لوگوں کے لیے دُعا کریں جو اِس افسوسناک حادثے کا شکار ہوئے ہیں۔


    اداکارہ نے اپنے اگلے ٹوئٹ میں جھوٹی خبریں پھیلانے والوں کے لیے ہدایت کی دعا کرتے ہوئےکہا تھا کہ اللہ اُن کو ہدایت دے جو بنا کسی تصدیق کے جھوٹی خبریں سوشل میڈیا پر پھیلا دیتے ہیں اور اللّہ ہم سب کو اپنے حفظ و امان میں رکھے۔


    علاوہ اپنے ایک ٹویٹ میں اداکارہ نے اپنے ایک ٹویٹ میں جنید جمشید کو یاد کرتے ہوئے کہا تھا کہ اس حادثے نے ایک بار پھر جنید جمشید کی شہادت کے غم۔کو تازہ کر دیا ہے

    یاد رہے کہ گزشتہ روز لاہور سے کراچی آنے والی قومی فضائی ادارے (پی آئی اے) کی پرواز کو ایک المناک حادثہ پیش آیا جس میں 97 افرادجاں بحق ہوگئے۔

  • اداکارہ میرا کےکورونا ٹیسٹ کے نتائج سامنے آگئے

    اداکارہ میرا کےکورونا ٹیسٹ کے نتائج سامنے آگئے

    پاکستان شوبز انڈسٹری کی معورف اداکارہ میرا کا کورونا وائرس کا ٹیسٹ نیگیٹو آگیا ہے۔

    باغی ٹی وی : پاکستان شوبز انڈسٹری کی معورف اداکارہ میرا کورونا وائرس کی وبا کے باعث کی گئی فضائی بند ش کی وجہ سے امریکا میں پھنس گئیں تھیں۔ تاہم وہ منگل کی رات واشنگٹن سے لاہور پہنچیں تھیں جس کے بعد انہوں نے ایک نجی ہوٹل میں خود کو قرنطینہ کر لیا تھا اداکارہ میرا کا گزشتہ روز نجی ہوٹل میں کورونا وائرس کا ٹیسٹ کیا گیا تھا جس کے نتائج منفی آئے ہیں

    اداکارہ میرا کی جانب سے کورونا وائرس ٹیسٹ منفی آنے پر خوشی کا اظہار کیا گیا ہے

    واضح رہے کہ پاکستان پہنچنے سے قبل اداکارہ امریکہ میں سوشل میڈیا پر کافی فعال تھیں ان کی پاکستان واپسی سے متعلق ویڈیو اپیل اور فرنٹ لائن پر کورونا وائرس کے خلاف لڑنے والے عملے کو خراج تحسین پیش کرنے کے علاوہ دیگر پیغامات سوشل میڈیا پر گردش کرتے رہے تھے

    اداکارہ میرا نے ویڈیو پیغام میں ہاتھ جوڑ کر وزیراعظم عمران خان سے مدد کی اپیل کی تھی اداکارہ میرا نے کہا تھا کہ میں بیرون ملک میں اس طرح کے حالات میں نہیں بلکہ پاکستان آ کر اپنے ملک میں مرنا چاہتی ہوں-

    کورونا وائرس : امریکا میں پھنسی اداکارہ میرا لاہور پہنچ گئیں

    میرا کا ڈاکٹرز نرسز اور پیرامیڈیکل سٹاف کو خراج تحسین

    نیویارک میں پھنسی اداکارہ میرا نے واپسی کے لیے ہاتھ جوڑ لیے

    میرا کی وزیر اعظم سے مدد کی درخواست ڈرامہ نکلی

    یہ وقت کسی کا مذاق اڑانے کا نہیں؛ اداکارہ میرا

  • میں نے اپنا کام کرلیا ہے اب آپ کو اپنا حق ادا کرنا ہے سونیا حسین

    میں نے اپنا کام کرلیا ہے اب آپ کو اپنا حق ادا کرنا ہے سونیا حسین

    پاکستان شوبز انڈسٹری کی معروف اداکارہ سونیا حسین کا کہنا ہے کہ مجھے لگتا ہے یہ وقت صاحب استطاعت لوگوں کے لیے ایک بہترین موقع ہے کہ وہ اس مشکل گھڑی میں حقدار لوگوں کی مدد کریں۔

    باغی ٹی وی : پاکستان شوبز انڈسٹری کی معروف اداکارہ سونیا حسین نے مستحق لوگوں کی مدد کرنے کے لئے راشن بیگز تیار کرلئے انسٹاگرام پر اداکارہ نے راشن بیگز کی ویڈیو شیئر کی ہے، ساتھ ہی انہوں نے مداحوں کو پیغام دیتے ہوئے کہا کہ ’ہر سال رمضان المبارک کے بابرکت مہینے میں ہر ایک شخص اپنی حیثیت کے مطابق بڑھ چڑھ کر اپنے مستحق بھائیوں کی مدد کرتا ہے لیکن اس بار لاک ڈاؤن کی وجہ سے بہت سے لوگ جو دوسروں کی بڑھ چڑھ کر مدد کرتے تھے وہ خود مالی مسائل کا شکار ہوگئے ہیں۔
    https://www.instagram.com/tv/CADRBJajFUV/?igshid=4phm1ejvs2yk
    اداکارہ نے کہا کہ مجھے لگتا ہے یہ وقت صاحب استطاعت لوگوں کے لیے ایک بہترین موقع ہے کہ وہ اس مشکل گھڑی میں حقدار لوگوں کی مدد کریں۔

    انہوں نے کہا کہ میں نے ایک چھوٹی سی نیکی کرنے کا سوچا ہے کہ جسمیں ہم اپنی اسطاعت کے مطابق اشیائے ضرورت لے کر راشن بیگ تیار کریں گے،یہ آپ پر منحصر ہے کہ آپ راشن کے کتنے بیگز بناتے ہیں ضروری نہیں کہ آپ ایک ہزار یا پانچ سو بیگ بنائیں آپ ایک بیگ بھی بنا کر یا اپنی حیثیت کے مطابق کسی ضرورت مند کی مدد کر سکتے ہیں۔

    سونیا حسین نے کہا کہ راشن تقسیم کرتے وقت اس بات کا ضرور خیال رکھیں کہ کسی کی عزت نفس آپ کی وجہ سے مجروح نہ ہو، آپ یہ کام چُپ چاپ بھی کرسکتے ہیں ہمارے یہاں غربت کے شکار افراد کی تعداد بہت زیادہ ہے اس لیے ہم سب کو مل کر اُن مستحق لوگوں کی مدد کرنی ہوگی اور اپنا حق ادا کرنا ہوگا کیونکہ اس طرح ہم ان کے مسائل میں کمی لاسکتے ہیں

    اداکارہ نے راشن بیگ کے ساتھ ایک کاغذ پرآئیے مل کر مُسکراہٹیں بکھیریں لکھا اور ساتھ ہی ہنسنے والی شکل بھی بنائی۔

    اِ ویڈیو کے کیپشن میں سونیا حسین نے لکھا کہ ’یہ مایوسی ختم کرنے کا بہترین طریقہ ہے، کہ اٹھو اور کچھ کرو انہوں نے لکھا کہ میں نے اپنا کام کرلیا ہے ابیہ وقت ہے جب آپ کو اپنا حق ادا کرنا ہے-

    سونیا حسین نےمداحوں کو دھوپ کے فائدے بتا دیئے

  • یہ دنیا_!!! بقلم:جویریہ بتول

    یہ دنیا_!!! بقلم:جویریہ بتول

    یہ دنیا_!!!
    (بقلم:جویریہ بتول)۔
    کیا کریں کہ دنیا یہ ہر حال میں لا دوا ہے__؟
    بولو تو بھی جرح ،نہ بولو تو بھی خفا ہے__!!!
    گُل پاشی کے ہمراہ یاں سنگ بازی کی بھی بارش__
    دیکھتے ہیں ہم کہ اکثر وفا کا بدلہ جفا ہے__!!!
    رُک جاؤ تو آتی ہے دنیا ہمدردی کے بول لے کر__
    جو بڑھو ذرا تو قدموں میں یہی کڑی زنجیر نما ہے__
    کہتے ہوکیا، ملے تمہیں بدلہ اسی جہاں میں__؟
    کیسی ہے یہ بے خبری، کسے ملا صلہ ہے…؟
    جفا کی ہر اک ادا کو تبسم کا دے کر تحفہ__
    جانو کہ گھور شب کے بعد ہی سویرا ہے__!!!
    حقوق اللّٰہ کہ حقوق العباد،جب اُسی کی رضا کے واسطے…
    تو پھر کسی کی بےرُخی کا،کیسا کوئی گِلہ ہے…؟؟
    دنیا کے پیچ و خم سے اُلجھ کر رہنے والے__
    مانے گا اک دن، کہ اس کا تو یہی خاصہ ہے__!!!
    خامشی کی ردا اوڑھے،درگزر کا عصا تھامے__
    جو بڑھ رہا ہے آگے، سچ کہ وہ کتنا بھَلا ہے__!!!!!
    ==============================
    {جویریات ادبیات}
    ¤¤¤¤¤¤¤¤¤¤¤¤¤¤¤¤¤¤¤¤¤¤

  • ارطغرل غازی کے بعد ، نیٹ فلکس پر پانچ ترک شو اور فلمیں جو آپ کو پسند آئیں گی

    ارطغرل غازی کے بعد ، نیٹ فلکس پر پانچ ترک شو اور فلمیں جو آپ کو پسند آئیں گی

    پاکستان میں کئی سالوں سے مختلف ڈراموں کو اردو ڈبنگ کے ساتھ چینلز پر نشر کیا جارہا ہے مگر جو مقبولیت ترک مسلمانوں کی تیرہویں صدی میں اسلامی فتوحات پر مبنی ترکش ڈرامہ سیریل ’’ارطغرل غازی‘‘ جسے ترکی کا گیم آف تھرونز بھی کہا جاتا ہے ملی اس کی مثال نہیں ملتی

    باغی ٹی وی: پاکستان میں کئی سالوں سے مختلف ڈراموں کو اردو ڈبنگ کے ساتھ چینلز پر نشر کیا جارہا ہے فلموں سے لے کر دل گرفتہ سیریل تک ، ترکی کے تفریحی مشمولات یہاں کے لوگوں کو کافی حد تک متاثر کرتے ہیں، اور اس میں ہر ایک کے لئے کچھ نہ کچھ ہوتا ہے۔ اگرچہ پاکستان میں پچھلے کچھ سالوں میں کئی تُرک نشر کیے گئے ہیں ، جن میں عجیب و غریب ،مقبول عشق-میمن ، فریحہ اور کوسم سلطان شامل ہیں ، اور کچھ ایسے بھی ہیں جن کے بارے میں ابھی تک آپ نہیں جانتے۔

    یہاں ترکی کی پانچ فلموں اور شو ز کی ایک فہرست ہے جو آپ لاک ڈاؤن کے دوران ضرور دیکھیں-

    1) محافظ
    یہ سیریز ان میں سے ایک ہے جو ترکی کو ابھی نیٹ فلکس پرشائقین کے لئے دستیاب ہے۔ بنیادی طور پریہ ڈرامہ فنتاسی ، پروٹیکٹر ایک لڑکے ، ہاکان (الوسائے) پر مبنی ہے جو ہیرو بننے کے خواب دیکھتا ہے اور ایک دن زبردست ہیرو بن جاتا ہے۔

    ہاکان کو اتفاقی طور پر ایک سخت جگہ پر بھیج دیا جاتا ہے جسمیں اسنے محافظ کاکردار ادا کرنا ہو تا ہے ، جس کا فریضہ کسی غیر قانونی اور لافانی کام کو روکنا ہے۔

    بہت زیادہ انکشاف کیے بغیر ، ہم صرف اتنا کہیں گے ، اگر آپ ایک سنسنی خیز انٹرٹینمنٹ کی تلاش میں ہیں تو تو ، یہ آپ کے لئے بہترین ہے!

    اس ڈرامے کے مرکزی کرداروں میں ایناٹیائے اولسوئی ، ہزار ارگیلی ، اوکان یالبِک اور توران شامل ہیں

    2) میریکل ان سیل نمبر 7:
    ایک کوریائی کلاسک کا ترکی کی موافقت ، یہ فلم حقیق طور پر دیکھنے والوں کو رُلا دیتی ہے- ہم مذاق نہیں کر رہے ہیں ، یہ فلم دیکھنے جے دوران آپ کو اپنے ساتھ تشو کا ڈبہ رکھنے کی ضرورت پڑے گی

    اس فلم کی کہانی میں ایک چھوٹی سی لڑکی اووا (نیسہ صوفیہ آکسانگور) اور اس کا ذہنی مریض والد مہمت (ارس بلٹ آئینیملی) کے ساتھ گھومتے ہوئے انہوں نے محبت سے میمو کو فون کیا۔ میمو پر غلطی سے ایک چھوٹی بچی کے قتل کا الزام عائد کیا گیا ہے ، اور اس فلم نے اس کہانی میں رہتے ہوئے باپ اور بیٹی کے تکلیف دہ سفر کو آگے بڑھایا ہے۔

    3) سدیس سین:
    یہ فلم دیکھنے والوں کو بہت زیادہ متاثر کرتی ہے ، سدیس سین ترکش فلم ہے جس کی کہانی کوریائی فلم ،ہمیشہ. سے لی گئی ہے ۔ اس فلم میں علی (ابراہیم سیلیککول) کی کہانی دکھائی گئی ہے ، جو ایک تاریک ماضی کے تھکے ہوئے باکسر اور حزال (بیل بلگین) ، ایک اندھی عورت کی کہانی ہے۔

    "جرم ، پچھتاوا ، معافی ، چھٹکارا اور محبت ، تمام سدیس سین میں مرکزی کردار ادا کرتے ہیں ، ایک جدید رومانوی سٹوری جو ہر موڑ پر دلکش ہے۔ سسپنس اور پلاٹ ٹوسٹس سے بھر پور فلم ہے جو دیکھنے ولوں کو اپنے سحر میں جکڑ لیتی ہے ، یہ ایک ایسے شخص کے یہ نیٹ فلکس پر بھی دستیاب ہے اس کا دورانیہ 1 گھنٹہ اور 45 منٹ ہے

    4)20 منٹس:
    2013 کے اس ڈرامہ سیریل میں علی (ایلکر اکسم) اور ان کی اہلیہ میلک (ٹوبا بائیکسٹن) کی کہانی سنائی گئی ہے جو ان واقعات کے چکر میں پھنسے ہوئے ہیں جو ان کی معمول کی زندگی کے لئے اجنبی ہیں۔

    اس میں بیکری کے ایک کامیاب مالک ، میک پر ایک نوجوان کے قتل کا الزام ہے اور اسے 20 سال قید کی سزا سنائی گئی ہے۔ ایک تاریخی استاد علی ، اپنی پیاری بیوی کی بے گناہی کو ثابت کرنے اور اس کی طرف سے سوالیہ نشانات رکھنے والے حلیفوں کے ساتھ اپنی ٹوٹی ہوئی خاندانی زندگی کو بچانے کے لیے اکیلا رہ جاتا ہے

    اس کہانی کے تھرلرکو یقینی طور پر آپ کو کچھ دن تک بھلا نہیں پائیں گے-

    5) تتلی کا خواب:
    2014 میں ہونے والے 86 ویں اکیڈمی ایوارڈ میں ترکی کی بہترین غیر ملکی زبان کی فلم ، بٹرفلائز ڈریم 1940 کی دہائی پر مبنی ایک ڈرامہ فلم ہے۔

    دو دوست ، ریٹا اونور (میرٹ فرات) اور مظفر طیب اسلو (کاوانا تتلویٹ) ، جو دوسری جنگ عظیم کے دوران کی زندگی گذار رہے ہیں ، جب ان دونوں کو ایک ہی لڑکی سے پیار ہو جاتا ہے تو ان کی دنیائیں الٹ جاتی ہیں۔ اگر دنیا جنگ اور قحط سے دوچار ہو جاتی ہے تو یہ دونوں بھی تپ دق سے بچنے کے لئے جدوجہد کرتے ہیں۔

    خلیل الرحمن قمر کا ’ارطغرل غازی‘ جیسا ڈرامہ پاکستان میں بنانے کا اعلان

    وزیراعظم عمران خان نے ارطغرل غازی کے علاوہ ایک اور ترک ڈرامے کو پاکستان میں نشر کرنے کی خواہش کا اظہار کر دیا