Author: ممتاز حیدر

مستقبل میں دریائے چناب سے سیلاب کی تباہ کاریاں بچانے کیلئے واپڈا نے چناب پر 4 ڈیم بنانے کا فیصلہ کرلیا، تقریباً 300 ارب روپے مالیت کا منصوبہ 4 سال میں مکمل کیا جائے گا۔

واپڈا حکام کے مطابق 298 ارب روپے مالیت کے منصوبے سے اضافی پانی ڈیمز میں ذخیرہ کرکے سیلابی صورتحال پر قابو پایا جائے گا۔دستاویز میں بتایا گیا ہے کہ منصوبے سے 45 لاکھ ایکڑ فٹ پانی ذخیرہ اور 330 میگا واٹ بجلی پیدا ہوگی، چنیوٹ اور شاہ جیوانہ ڈیمز سے 80، 80 میگاواٹ بجلی پیدا ہوگی۔حکام کا کہنا ہے کہ بھارت مون سون سیزن میں دریایے چناب میں اچانک پانی چھوڑ دیتا ہے، اچانک سیلاب سے کھڑی فصلوں اور املاک کو نقصان پہنچتا ہے، خشک سالی کے دوران بھارت دریائے چناب کا پانی اچانک روک بھی لیتا ہے، مستقبل میں سیلاب اور قلت آب سے نمٹنے کیلئے پلان تیار کیا گیا ہے، سیلابی صورتحال یا پانی میں کمی کی صورت میں ڈیم موزوں ثابت ہوں گے۔

بانی پی ٹی آئی عمران خان کی بہن علیمہ خان نے کہا ہے کہ عمران خان نے بار بار کہا کہ وکلا کو کہیں عدالتوں میں جا کر بیٹھ جائیں میرے کیسز لگوائیں لیکن وکیل کچھ نہیں کر رہے ،

میڈیا سے گفتگو کرتے ہوئے علیمہ خان کا کہنا تھا کہ پارٹی کو دو ٹوک کہتے ہیں کہ عمران خان کی صحت کے معاملے پر فیملی سے پوچھے بغیر کوئی فیصلہ نہ کریں ،ہم پی ٹی آئی کی طرف سے کچھ نہیں ہوتا دیکھ رہے، پارٹی بانی کی صحت سے متعلق آج کے بعد کوئی بات نا کرے ،عمران خان کی صحت پر فیصلے کا مینڈیٹ پارٹی کے پاس نہیں ، فیملی اور ذاتی ڈاکٹرز کے پاس ہے ، محسن نقوی کا کہنا ہے کہ عمران خان کی صحت سے متعلق پارٹی اور وہ ایک پیچ پر ہیں میں آج واضح کردوں عمران خان کی صحت کا معاملہ پارٹی کا میڈیٹ نہیں صرف فیملی کا مینڈیٹ ہے ،مارے ساتھ صرف حسین اخونزاہ رابطے میں تھے اور شفاء ہسپتال نام آیا تو حسین آخونزادہ سے رابطہ کیا تو انہوں نے کہا کہ کانفرنس کال میں محسن نقوی سے بات ہوئی ہے،عمران خان کی صحت پر پی ٹی آئی فیصلہ نہیں کر سکتی ،چیف جسٹس سرفراز ڈوگر کو اسلام آباد ہائی کورٹ لایا ہی اسی لیے گیا ہے کہ وہ عمران خان کے کیسز نہ سنیں ،سہیل آفریدی بات کرنے کے لیے آئے تو جسٹس ڈوگر اٹھ کر بھاگ گئے ،

دوسری جانب بیرسٹر سلمان صفدر کا کہنا ہے کہ عمران خان کو ہاسپٹل لے جانے سے ثابت ہو چکا کہ ان کا علاج جیل میں ممکن نہیں،اگر اس ہفتے عمران خان اور بشری بی بی کے کیسز نہ سنے گئے تو اگلے ہفتے کیسز براہ راست سپریم کورٹ میں دائر کر دیں گے ،عدالتی عملے کی جانب ہمیں یقین دہانی کرائی گئی ہے کہ کل جمعرات کے روز عمران خان کے کیسز مقرر ہوں گئے توشہ خان ٹو کیس کی درخواست پر یہ اعتراض لگایا یے کہ وکا لت نامے نہیں دیے جارہے ہم نے اڈیالہ جیل حکام سے دس مرتبہ رابطہ کیا ہے کہ وکلات نامے دستخط کر کے ہمیں دیں۔

وزیرِ اعلیٰ خیبر پختونخوا سہیل آفریدی نے کہا ہے کہ اوپن کورٹ میں چیف جسٹس کو سلام کیا لیکن سوا گھنٹے انتظار کے بعد بھی ایک صوبے کے وزیرِ اعلیٰ کو جواب نہیں دیا گیا۔

اسلام آباد ہائی کورٹ کے باہر میڈیا سے بات کرتے ہوئے وزیراعلیٰ خیبر پختونخوا سہیل آفریدی کا کہنا تھا کہ چیف جسٹس اسلام آباد سے ملاقات نہیں ہو رہی تھی اس لیے اوپن کورٹ میں گئے، چیف جسٹس سے بات کرنے کی کوشش کی، روسٹرم پر گیا اور سلام کیا لیکن جواب نہیں ملا، ہم دکھانا چاہتے ہیں کہ پاکستان تحریکِ انصاف احتجاجی یا انتشاری سیاست نہیں کرتی، ہم تمام آپشنز استعمال کرنے کے بعد پرامن احتجاج کرتے ہیں جو ہمارا حق ہے، سوا گھنٹے انتظار کے بعد بھی چیف جسٹس نے سلام کا جواب نہیں دیا، شوکت خانم اسپتال کے ڈاکٹرز سے طبی معائنے کی درخواست بھی جمع کرائی گئی لیکن اسے منظور نہیں کیا گیا۔

دوسری جانب اسلام آباد ہائی کورٹ کے کوریڈور میں وزیرِ اعلیٰ خیبر پختون خوا سہیل آفریدی کی ویڈیو بنانے والے شخص سے پولیس نے موبائل فون چھین لیا،پولیس نے سہیل آفریدی کے ساتھ موجود شخص سے موبائل فون چھین کر ویڈیو ڈیلیٹ کرائی، ویڈیو ڈیلیٹ کرانے کے بعد متعلقہ شخص کو موبائل فون واپس کر دیا گیا،عدالتی احکامات کے تحت عدالت کے احاطے میں موبائل فوٹیج بنانے پر پابندی ہے۔

پیپلز پارٹی کی سینئر رہنما،رکن قومی اسمبلی سحر کامران نے کہا ہے کہ روس کے یومِ محافظانِ وطن کی تقریب میں شرکت ان کے لیے باعثِ اعزاز رہی، جہاں انہوں نے روسی سفیر اور اعلیٰ عسکری و سفارتی شخصیات کے ہمراہ شرکت کی۔

سماجی رابطے کی ویب سائٹ ایکس پر ایک پوسٹ میں تصاویر شیئر کرتے ہوئے سحر کامران کا کہنا تھا کہ انہیں Albert P. Khorev، جو پاکستان میں روس کے سفیر ہیں، کے ساتھ تقریب میں شرکت کا موقع ملا۔ تقریب کے مہمانِ خصوصی شکیل غضنفر(ڈپٹی چیف آف دی ایئر اسٹاف، پاکستان ایئر فورس) تھے، جبکہ روس کے دفاعی اتاشی Vadim N. Fenchenko اور دیگر معزز شخصیات بھی اس موقع پر موجود تھیں۔اسلام آباد میں منعقدہ اس تقریب سے خطاب کرتے ہوئے روسی سفیر نے فوج اور عوام کے درمیان پائیدار اتحاد پر زور دیا اور روس کی دفاعی تاریخ اور خودمختاری کے تحفظ کی جدوجہد کو خراجِ تحسین پیش کیا۔ سحر کامران نے کہا کہ سفیر کے خیالات نے انہیں بے حد متاثر کیا، خاص طور پر قومی سلامتی اور عوامی یکجہتی کے حوالے سے دیے گئے پیغامات نے۔انہوں نے مزید کہا کہ اس تقریب نے پاکستان اور روس کے درمیان جاری سفارتی اور دفاعی تعلقات کو مزید اجاگر کیا۔ ان کا کہنا تھا کہ دونوں ممالک کے درمیان باہمی تعاون، علاقائی امن اور خوشحالی کے لیے نہایت اہم ہے۔

سحر کامران نے اس عزم کا اظہار کیا کہ پاکستان اور روس کے درمیان تعلقات کو مزید مضبوط بنانے کے لیے مشترکہ کاوشیں جاری رکھی جائیں گی تاکہ دونوں ممالک کے عوام باہمی احترام اور تعاون کی فضا میں ترقی کی منازل طے کر سکیں۔

تقریب میں ایران اور ازبکستان کے سفرا سمیت مختلف ممالک کے سفارتی نمائندوں اور سفارتی برادری کے اراکین نے بھی شرکت کی۔روسی سفارتخانے کے دفاعی اتاشی کرنل Vadim N. Fenchenko بھی اس موقع پر موجود تھے۔ تقریب کی نمایاں جھلک معزز مہمانوں کی جانب سے یادگاری کیک کاٹنے کی تقریب تھی، جو باہمی دوستی اور تعاون کی علامت کے طور پر پیش کی گئی۔

واضح رہے کہ "ڈیفنڈر آف دی فادر لینڈ ڈے” ہر سال روس میں منایا جاتا ہے، جس کا مقصد موجودہ اور سابق فوجی اہلکاروں کو خراجِ تحسین پیش کرنا ہے۔ اسلام آباد میں منعقدہ یہ تقریب پاکستان اور روس کے درمیان بڑھتے ہوئے سفارتی اور دفاعی تعلقات کی عکاسی کرتی ہے۔