Author: ممتاز حیدر

طالبان رجیم کی بڑھتی عالمی سفارتی تنہائی،افغانستان کیلئے امدادی فنڈز میں ریکارڈ کمی دیکھنے میں آئی ہے

طالبان رجیم کی انتہا پسندانہ پالیسیوں کے باعث افغانستان سفارتی تنہائی کا شکارہورہا ہے،طالبان رجیم کی انتہاپسندانہ پالیسی، افغان عوام انسانی بحران کی صورت میں ادا کررہے ہیں،نارویجن ریفیوجی کونسل کی رپورٹ کے مطابق افغانستان کیلئے امدادی فنڈنگ ریکارڈ کم سطح پر ہے،ضرورت کے ہر6 ڈالرزمیں سے صرف ایک ڈالر دستیاب ہے،امریکہ پہلے افغانستان کی مجموعی امداد کا 40 فیصد فراہم کرتا تھا،امریکہ اب اپنی تمام مالی امداد بند کرچکا ہے،افغانستان پناہ گزین کونسل کی دنیا کے نظرانداز شدہ بحرانوں کی لسٹ میں شامل ہوگیا، ،جرمن مبصرتھامس رُٹیگ کے مطابق طالبان انسانی حقوق کا احترام نہیں کرتے، سفارتی طورپرتسلیم نہیں کیا جانا چاہیئے

مودی کا ایرانی سپریم لیڈر کی آخری رسومات میں جانے سے انکار،بھارتی دوغلی پالیسی عیاں ہو گئی

ایرانی سپریم لیڈرآیت اللہ خامنہ ای کی آخری رسومات میں مودی کی عدم شمولیت اسرائیل اور بی جے پی کے گٹھ جوڑ کاواضح ثبوت ہے ،مرحوم ایرانی سپریم لیڈر کی آخری رسومات میں بہار کے گورنر اور وزیر مملکت برائے خارجہ کو بھیجا گیا ہے، ایرانی سپریم لیڈر کی تدفین پر جانے سے انکار پر بھارت کے اندر سے بھی مودی کو شدید تنقید کا نشانہ بنایا جا رہاہے،بھارتی تجزیہ کار پروین شانے نے شدید تنقید کی کہ؛ مودی ایران اس لیے نہیں جا رہے کہ امریکا اور اسرائیل ناراض نہ ہو جائیں ،بی جے پی کے حامی بھارتی دفاعی تجزیہ کار جے ڈی بخشی نے بھی تنقید کرتے ہوئے کہا کہ؛ بھارت میں اندرا گاندھی کی آخری رسومات میں ایرانی سپریم لیڈر خود تشریف لائے مودی کو بھی جانا چاہیےدعوت کے باوجود ایرانی سپریم لیڈر کی تدفین میں شرکت نہ کرنا مودی کی کھوکھلی سفارتکاری کی عکاسی ہے،ایران کے سپریم لیڈر کی آخری رسومات میں ایک جونیئر وزیر مملکت اور صوبائی گورنر کو بھیجنا ان کی ترجیحات کو واضح کرتا ہے.

امریکی پاپ سپر اسٹار ٹیلر سوئفٹ اور امریکی فٹبال اسٹار ٹریول کیلیس رشتۂ ازدواج میں منسلک ہوگئے، جبکہ ان کی شادی کی تقریب نیویارک میں انتہائی شاندار انداز میں منعقد کی گئی۔

غیر ملکی میڈیا رپورٹس کے مطابق ٹیلر سوئفٹ کی پبلسسٹ ٹری پین نے تصدیق کی کہ ٹیلر سوئفٹ اور ٹریوس کیلسی نے جمعے کے روز نیویارک میں شادی کی۔ اسی موقع پر Madison Square Garden پر "JUST & T MARRIED” کے الفاظ روشن کیے گئے، جنہیں دونوں شخصیات کے ناموں کی جانب اشارہ قرار دیا جا رہا ہے۔رپورٹس کے مطابق میڈیسن اسکوائر گارڈن میں منعقدہ شادی کی تقریب میں ہالی ووڈ سمیت شوبز انڈسٹری کی متعدد معروف شخصیات نے شرکت کی، جبکہ دو روزہ تقریبات کا آغاز جمعرات کو محدود پیمانے پر ہونے والی ایک نجی تقریب سے ہوا، جس میں تقریباً 100 مہمان شریک ہوئے۔جمعے کو ہونے والی مرکزی تقریب کے دوران بڑی تعداد میں مداح میڈیسن اسکوائر گارڈن کے باہر موجود رہے۔ شدید گرمی کے باوجود سیکیورٹی کے سخت انتظامات کیے گئے اور پولیس نے دوپہر سے اطراف کی متعدد سڑکیں بند کر دیں۔میڈیا رپورٹس کے مطابق مہمانوں کی آمد کو خفیہ رکھنے کے لیے پردوں اور خصوصی خیموں کا انتظام کیا گیا، تاہم کئی معروف شخصیات کو ہوٹلوں سے تقریب کی جانب جاتے ہوئے دیکھا گیا۔

بعض مبصرین نے اس دو روزہ تقریب کو "صدی کی شادی” قرار دیا ہے، جبکہ عالمی میڈیا کے مطابق اس تقریب کو وہی غیر معمولی توجہ حاصل ہوئی جو عموماً شاہی شادیوں کو ملتی ہے۔رپورٹس میں یہ دعویٰ بھی کیا گیا ہے کہ شادی کی تقریبات پر کروڑوں ڈالر خرچ کیے گئے، جبکہ تقریب سے قبل ٹیلر سوئفٹ اور ٹریوس کیلسی نے 20 سے زائد فلاحی اداروں کو مجموعی طور پر 26 ملین ڈالر عطیہ کیے۔ تاہم ان مالی دعوؤں کی آزاد ذرائع سے باضابطہ تصدیق سامنے نہیں آئی ہے۔

یمن میں سعودی عرب کی زیر قیادت عسکری اتحاد نے حوثی باغیوں کو سخت انتباہ جاری کرتے ہوئے کہا ہے کہ اگر سعودی عرب کو کسی بھی قسم کا نشانہ بنایا گیا تو اس کا بھرپور اور غیرمعمولی طاقت کے ساتھ جواب دیا جائے گا۔

غیر ملکی میڈیا رپورٹس کے مطابق یمنی حوثیوں نے سعودی عرب پر یمن کی فضائی حدود کی خلاف ورزی کا الزام عائد کیا تھا۔ حوثی قیادت کا کہنا تھا کہ اگر یہ مبینہ خلاف ورزیاں جاری رہیں تو وہ سعودی عرب کے ہوائی اڈوں، اہم سرکاری و عسکری تنصیبات، اور خشکی و سمندر میں موجود حساس مقامات کو نشانہ بنا سکتے ہیں۔

حوثیوں کے اس بیان کے بعد سعودی اتحاد کی جانب سے ردعمل سامنے آیا، جس میں واضح کیا گیا کہ سعودی عرب کی سلامتی پر کسی بھی حملے یا حملے کی کوشش کو ہرگز برداشت نہیں کیا جائے گا۔سعودی اتحاد کے ترجمان نے خبردار کیا کہ اگر حوثیوں نے سعودی سرزمین یا اس کے اہم مفادات کو نشانہ بنانے کی کوشش کی تو اتحاد فیصلہ کن اور غیرمعمولی طاقت کا استعمال کرتے ہوئے فوری جواب دے گا۔

برطانیہ نے جنسی جرائم میں سزا یافتہ گرومنگ گینگ کے مبینہ سرغنہ شبیر احمد کو پاکستان بھیجنے کے معاملے پر غور شروع کر دیا ہے، جبکہ اس سلسلے میں پاکستانی حکام سے بھی رابطہ کیا گیا ہے۔

برطانوی نشریاتی ادارے کے مطابق شبیر احمد کی ممکنہ ملک بدری کے حوالے سے برطانیہ نے پاکستان سے ابتدائی مشاورت کا آغاز کر دیا ہے۔ رپورٹ میں بتایا گیا ہے کہ برطانوی وزیراعظم سر کئیر اسٹارمر نے بھی اس کیس کا ازسرِنو جائزہ لینے کی ہدایت جاری کی ہے۔برطانوی میڈیا کے مطابق غیر ملکی مجرموں کو ان کے آبائی ممالک بھیجنے کے لیے متعلقہ ملک کی رضامندی قانونی طور پر ضروری ہوتی ہے، اسی لیے پاکستان سے اس معاملے پر رابطہ کیا گیا ہے۔

یاد رہے کہ شبیر احمد کو 2012 میں جنسی جرائم کے مقدمات میں سزا سنائی گئی تھی۔ وہ حال ہی میں اپنی سزا مکمل کرنے کے بعد جیل سے رہا ہوا ہے، جس کے بعد اس کی ممکنہ ملک بدری کا معاملہ دوبارہ زیر غور آیا ہے۔برطانوی حکام کی جانب سے تاحال شبیر احمد کی پاکستان حوالگی کے حوالے سے کوئی حتمی فیصلہ سامنے نہیں آیا، تاہم اس معاملے پر قانونی کارروائی اور دونوں ممالک کے درمیان مشاورت جاری ہے