Author: ممتاز حیدر

وزیراعظم نے فیڈرل بورڈ آف ریونیو (ایف بی آر) میں جاری اصلاحات کے حوالے سے جائزہ اجلاس کی صدارت کی. اجلاس کو ٹیکس مقدمات کے حوالے سے بنائی گئی ٹاسک فورس کی رپورٹ پیش کی گئی.

اجلاس سے گفتگو کرتے ہوئے وزیرِ اعظم نے کہا کہ الحمدللہ ایف بی آر میں ڈیجیٹائزیشن اور جاری اصلاحات کے بہتر نتائج آرہے ہیں. وزیراعظم نے ٹاسک فورس کے سربراہ شاد محمد خان اور دیگر ممبران کیلئے محنت اور جانفشانی سے رپورٹ مرتب کرنے پر تحسین کا اظہار کیا. وزیراعظم نے ٹاسک فورس کی طرف سے پیش کردہ ایکشن پلان کی منظوری دے دی.وزیراعظم نے ہدایت کی کہ ایکشن پلان کو ٹائم لائنز کے ساتھ پیش کیا جائے. ٹیکس تنازعات کے جلد حل کے لیے اے ڈی ار (Alternate Dispute Resolution) کے نظام کو مزید مؤثر بنایا جائے.وزیرِ اعظم نے اپنے تاثرات کا اظہار کرتے ہوئے کہا کہ اس نظام سے عدالتوں پر مقدمات کا بوجھ کم ہو گا اور ٹیکس مقدمات کا فیصلہ جلد ہو گا. انہوں نے مزید کہا کہ کمیٹی کی رپورٹ میں مجوزہ سی ایل ایم ایس (Centralized Litigation Management System) کو جلد از جلد قائم کیا جائے. ایف بی آر کے قانونی ونگ میں ضرورت کے مطابق بہترین افرادی قوت کی خدمات لی جائیں. افرادی قوت کی خدمات کے حصول میں میرٹ کو یقینی بنایا جائے۔

اجلاس میں ٹاسک فورس نے 6 اصلاحات پر مبنی ایکشن پلان پیش کیا۔ پلان میں کیس سکروٹنی کمیٹیوں کی تشکیل، سی ایل ایم ایس، کمشنرز سمیت تمام افسران کی کارکردگی کی رپورٹس کا مقدمات کے نتائج سے منسلک کیا جانا اور دیگر اصلاحات شامل ہیں۔اجلاس کو مزید بتایا گیا کہ ٹیکس تنازعات کے ڈیٹا کو منظم کرنے کے لیے خصوصی طور پر تیار کردہ سی ایل ایم ایس کا ڈیجیٹل نظام بنایا جائے گا. نئے نظام سے ٹیکس مقدمات اور تنازعات کی درست رپورٹنگ ممکن ہو گی جس سے ان مقدمات کی بروقت پیروی ہو سکے گی. رواں برس اے ڈی آر کے فورم سے اب تک ٹیکس تنازعات کے فیصلوں سے قومی خزانے میں 24 ارب روپے وصول ہو چکے ہیں.

اجلاس میں وفاقی وزراء ڈاکٹر مصدق مسعود ملک، اعظم نذیر تارڑ، احد خان چیمہ، محمد اورنگزیب، عطا اللہ تارڑ، اٹارنی جنرل منصور عثمان اعوان، وزیر مملکت برائے خزانہ بلال اظہر کیانی، شاد محمد خان سمیت ٹاسک فورس کے ارکان اور اعلیٰ سرکاری افسران نے شرکت کی۔

چیف آف ڈیفنس فورسز فیلڈ مارشل عاصم منیر نےکہا ہےکہ تمام اندرونی و بیرونی چیلنجز کے مدمقابل بنیان مرصوص کی مانند یکجا کھڑے ہیں۔

آئی ایس پی آر کے مطابق چیف آف ڈیفنس فورسز فیلڈ مارشل عاصم منیر کی زیر صدارت 275 ویں کور کمانڈرز کانفرنس ہوئی، فورم نے مسلح افواج، قانون نافذ کرنے والے اداروں اور مادروطن کے دفاع میں جانوں کا نذرانہ پیش کرنے والے شہریوں کو خراج عقیدت پیش کیا اورکہا کہ شہدا کی لازوال قربانیاں ہمیشہ پاکستان کی قومی سلامتی، اتحاد اور استقامت کی بنیاد بنی رہیں گی،ڈی جی آئی ایس پی آر کے مطابق فورم نےکہا کہ دہشت گرد نیٹ ورکس کے مکمل خاتمے اور ان کے معاون انفرا اسٹرکچر کی تباہی کی جائےگی، پاکستان کی سرزمین کو کسی بھی شرانگیز کارروائی سے روکنے کے لیے موجودہ آپریشنل رفتار برقرار رکھی جائے گی۔ فورم نے آپریشن غضب للحق کے ذریعے دہشت گردوں اور ان کے معاون انفرااسٹرکچرکی مسلسل تباہی کا احاطہ کیا۔

فورم نےکہا کہ افغان طالبان رجیم کی غیرمنطقی اورگمراہ کن پالیسی کے تحت خوارج اور دیگر دہشت گرد تنظیموں کوپناہ گاہیں فراہم کی جارہی ہیں، افغان طالبان رجیم کی دہشت گردی کو سپورٹ افغان عوام کے مفادات کے مکمل برعکس ہے، افغان طالبان رجیم اب اپنے عوام کے سامنے پوری طرح بے نقاب ہوچکا ہے،فورم کا کہنا تھا کہ افغان طالبان رجیم مسلسل پروپیگنڈا کے تحت پاکستان پرافغانستان کے اندر شہریوں کو نشانہ بنانےکا جھوٹا الزام لگارہا ہے، یہ گمراہ کن بیانیہ افغان طالبان رجیم کی ایک منظم ڈس انفارمیشن مہم کا حصہ ہے، اس مہم کا مقصد اپنی اندرونی ناکامیوں سے توجہ ہٹانا اور خود کو مظلوم پیش کرنے کا ڈرامہ رچانا ہے۔پاکستان واضح کرتا ہے کہ ہماری دفاعی کاروائیاں صرف دراندازوں، دہشت گردوں کے خلاف ہیں، ہماری کاروائیاں دہشت گردوں کے ٹھکانوں اور معاون انفرااسٹرکچرکےخلاف درست اہداف پر مبنی ہیں، ابھرتی ہوئی جیو پولیٹیکل پیشرفت علاقائی استحکام پرگہرا اثر ڈال سکتی ہیں،ڈی جی آئی ایس پی آر کے مطابق کورکمانڈرز کانفرنس میں علاقائی کشیدگی سے بچاؤ اور تحمل اختیار کرنے کی اہمیت پر بھی زور دیا گیا۔ فورم کا کہنا تھا کہ پاکستان مسلسل ذمہ داری کا مظاہرہ کرتے ہوئےخطے میں استحکام کے فروغ کی حمایت کرتا ہے، پاکستان صورتحال کو مزید خراب ہونے سے روکنے کی کوششوں کی حمایت کرتا ہے، خطہ میں امن اوراستحکام کا دارومدارباہمی تحمل، ذمہ داری اورخودمختاری کے احترام پرمبنی ہے،فورم کا کہنا تھا کہ قومی سطح پرمعرکہ حق کی یاد منانا بھارتی متکبرانہ سیاسی سوچ کے لیے واضح پیغام ہے، بھارتی متکبرانہ سیاسی سوچ کو واضح پیغام ہےکہ پاکستانی قوم متحد، مضبوط اور ہر لحاظ سے مکمل طور پر تیار ہے،فورم نےمقبوضہ جموں و کشمیر میں جاری مظالم، ماورائے عدالت قتل اور آبادیاتی تبدیلیوں کی شدید مذمت کی، فورم نے مقبوضہ کشمیرکے عوام کی منصفانہ جدوجہد کے لیے پاکستان کی سفارتی، سیاسی اور اخلاقی حمایت کے عزم کا اعادہ کیا۔

ڈی جی آئی ایس پی آر کے مطابق چیف آف ڈیفنس فورسز نے کمانڈروں کو ہدایت کی ابھرتے ہوئے خطرات کے پیش نظر مستعدی اور آپریشنل تیاری کی اعلیٰ سطح کو برقرار رکھیں۔ چیف آف ڈیفنس فورسز نے پیشہ ورانہ مہارت کے تسلسل اور مربوط ردِعمل کے لیے اقدامات کی ضرورت پر زور دیا۔ آرمی چیف نے روایتی و غیر روایتی دونوں نوعیت کے چیلنجز سے نمٹنے کے لیے پیشگی اقدامات کی ضرورت پر زور دیا، فیلڈ مارشل نے معرکہ حق کا یادگار سال مکمل ہونے پر قوم اور مسلح افواج کو مبارک باد پیش کی، فیلڈ مارشل نے معرکہ حق کو ایک اہم سنگِ میل قرار دیا۔

فیلڈ مارشل سید عاصم منیر کا کہنا تھا کہ معرکہ حق قومی اتحاد، اجتماعی عزم اور پاکستان کی خودمختاری کی ہر قیمت پر تحفظ کے غیر متزلزل عہد کی عکاسی کرتا ہے، معرکہ حق عوام، حکومت اور افواج پاکستان کے درمیان غیر متزلزل ہم آہنگی کی علامت ہے، تمام اندرونی و بیرونی چیلنجز کے مدمقابل ‘بنیان مرصوص’ کی مانند یکجا کھڑے ہیں، چیف آف ڈیفنس فورسز نے مسلح افواج کی تیاری، پیشہ ورانہ مہارت اور جنگی صلاحیتوں پر اطمینان کا اظہار کیا، چیف آف ڈیفنس فورسز نے انسداد دہشت گردی کارروائیوں میں کمانڈرز اور فارمیشنز کے عزم، مستعدی اورکامیابی کو سراہا۔

عوام کی جانب سے مولانا شیخ محمد ادریس کے اس بہیمانہ قتل پر شدید غم وغصے کا اظہار کیاجارہا ہے. عوامی حلقوں میں صوبائی حکومت کی جانب سے امن و امان کی صورتحال کی ناکامی پرکڑی تنقید کی جارہی ہے۔ شیخ محمد ادریس کی شہادت پہلا واقعہ نہیں اس سے قبل بھی فتنہ الخوارج دین مدارس اورسیاسی رہنماوں کو نشانہ بناتے رہے ہیں

21جولائی 2025 کو چارسدہ تھانہ تنگی حدود میں فتنہ الخوارج نےفائرنگ کرکےمعروف مذہبی رہنما پیر ابراہیم کو شہید کیا تھا. 10جولائی 2025کوباجوڑ کے علاقے شندئی موڑ میں عوامی نیشنل پارٹی کے رہنمامولانا خان زیب کوبھی فتنہ الخوارج نے شہید کردیا تھا۔ 14مارچ2025کو جنوبی وزیرستان میں ایک مسجد پر خودکش حملے کے نتیجے میں جےیوآئی کےضلعی امیر مولانا عبداللہ ندیم زخمی ہوئے تھے،28فروری میں اکوڑہ خٹک میں دارلعلوم حقانیہ کی مسجد کو نشانہ بنایا گیاجس میں جےیوآئی رہنما حامدالحق حقانی شہید ہوگئے

ماہرین کے مطابق فتنہ الخوارج اپنے افغان طالبان اور ہندو آقاوں کے ایما پر سافٹ ٹارگٹس کو نشانہ بنا رہے ہیں ۔ سیکیورٹی ادارے فتنہ الخوارج کی ان مذموم کوششوں کو کامیاب نہیں ہونے دیں گے۔ علمائے کرام پرفتنہ الخوارج کے پے درپے حملے ان کے غیراسلامی اورانسانیت کا دشمنِ ہونے کے واضح ثبوت ہیں۔

صدرآصف علی زرداری کا مولانا محمد ادریس ترنگزئی پر حملے اور ان کی شہادت پر گہرے دکھ اور افسوس کا اظہار
صدرِ مملکت آصف علی زرداری نےشہید کے اہلِ خانہ سے دلی تعزیت اور ہمدردی کا اظہار،مرحوم کے درجات کی بلندی اور لواحقین کے لیے صبر کی دعا کی صدرِ مملکت کی واقعے میں زخمی پولیس اہلکاروں کی جلد صحتیابی کے لیے نیک تمنائیں کیںَ ،صدرآصف علی زرداری کا کہنا تھا کہ ایسے بزدلانہ دہشت گردانہ اقدامات سے قوم کے حوصلے پست نہیں کیے جا سکتے،وطنِ عزیز سے دہشت گردی کے مکمل خاتمے کے لیے قومی عزم مضبوط اور غیر متزلزل ہے،دہشت گرد عناصر کے خلاف بلا امتیاز کارروائی جاری رہے گی، ملک کو امن کا گہوارہ بنایا جائے گا

جے یو آئی کے صوبائی امیر سینٹر مولانا عطاءالرحمن کا کہنا تھا کہ مولانا ادریس کی شہادت بہت بڑا سانخہ ہے۔ خیبرپختونخوا سے بدامنی کا خاتمہ چاہتے ہیں۔ مولانا محمد ادریس ترنگزئی کی شہادت جیسے واقعات سے ہمارے حوصلے پست نہیں ہونگے۔ہم نے اس ملک اور قوم کی ہمیشہ خدمت کی ہے۔ کوئی بھی ہمیں اس ملک وقوم کی خدمت سے کوئی نہیں روک سکتا۔صوبائی حکومت 13 سالوں سے ہم پر مسلط ہے،صوبائی حکومت کا اپنے بانی کی رہائی کے علاوہ کوئی اور ایجنڈہ نہیں ہے۔خیبرپختونخوا حکومت امن دینے میں بری طور پر ناکام ہوچکی ہے۔شہید مولانا کے قاتلوں کو جلد گرفتار کیا کائے۔

مرکزی مسلم لیگ کے جوائنٹ سیکرٹری محمد یعقوب شیخ کا کہنا تھا کہ چارسدہ میں مسلح افراد کے حملے میں شیخ محمد ادریس ترنگزئی پر فائرنگ کا واقعہ قابل مذمت ہے،خیبر پختونخوا میں علماء کرام کی شہادتیں ہو رہی ،حکومت علماء کرام کو تحفظ فراہم کرے،شیخ محمد ادریس ترنگزئی کے اہلخانہ سے افسوس کا اظہار ،مرحوم کے لئے دعائے مغفرت کرتے ہیں،حملے میں زخمی پولیس اہلکاروں کی صحت یابی کے لئے دعا گوہیں، شیخ محمد ادریس ترنگزئی پر حملہ کرنے والے ملزمان کی گرفتاری یقینی بنا کر قرارواقعی سزادی جائے،

وزیراعظم شہباز شریف نے گزشتہ رات متحدہ عرب امارات میں ہونے والے میزائل اور ڈرون حملوں کی شدید الفاظ میں مذمت کی ہے۔

وزیراعظم شہباز شریف کا کہنا تھاکہ یو اے ای میں ہونے والے میزائل اور ڈرون حملوں پر شیخ محمد بن زاید النہیان کے ساتھ مکمل یکجہتی کا اظہار کرتا ہوں،پاکستان اس مشکل وقت میں یوے ای کی حکومت اور اماراتی بہن بھائیوں کے ساتھ مضبوطی سےکھڑا ہے،انتہائی ضروری ہے کہ جنگ بندی کو برقرار رکھا جائے اور اس کا احترام کیا جائے، خطے میں پائیدار امن و استحکام کیلئے مذاکرات کو ضروری سفارتی گنجائش فراہم کی جانی چاہیے۔

یاد رہے کہ گزشتہ روز یو اے ای پر 3 میزائل اور ڈرون حملے کیے گئے تھے،اس حوالے سے اماراتی وزارت دفاع کا کہنا تھا کہ ایران سے 12 بیلسٹک میزائل، 3 کروز میزائل اور 4 ڈرونز امارات پر داغے گئے، یو اے ای جواب کا حق محفوظ رکھتا ہے،ایرانی میڈیا کے مطابق سکیورٹی ذرائع نے ایران سے امارات پر حملوں کی تردید کرتے ہوئے کہا کہ حملے پر امریکا کو جوابدہ ٹھہرایا جائے کیونکہ واقعہ امریکی فوجی مہم جوئی کے باعث پیش آیا۔