Baaghi TV

Author: ممتاز حیدر

  • اڈیالہ جیل کے گردونواح کو فوری طور پر ریڈ زون قرار دینے کا فیصلہ

    اڈیالہ جیل کے گردونواح کو فوری طور پر ریڈ زون قرار دینے کا فیصلہ

    راولپنڈی: اڈیالہ جیل کی سکیورٹی مزید سخت کرنے اور ممکنہ خطرات سے نمٹنے کے لیے اس کے گردونواح کے پورے علاقے کو ہنگامی بنیادوں پر ریڈ زون قرار دینے کا فیصلہ کر لیا گیا ہے۔

    ذرائع کے مطابق متعلقہ اداروں نے ریڈ زون کی حدود کے تعین کا عمل تقریباً مکمل کرلیا ہے، جب کہ باضابطہ اعلان آج متوقع ہے۔ نئی حدود طے ہونے کے بعد ریڈ زون کے اندر اور تمام داخلی راستوں پر قانون نافذ کرنے والے اداروں کے تربیت یافتہ اور خصوصی اہلکار بڑی تعداد میں تعینات کیے جائیں گے، تاکہ کسی بھی ناگہانی صورتحال کو فوری طور پر کنٹرول کیا جاسکے۔اعلیٰ حکومتی اور سکیورٹی حلقوں نے اس پیش رفت کو جیل کے مجموعی سکیورٹی پلان کا اہم حصہ قرار دیا ہے۔

    واضح رہے کہ گزشتہ روز وفاقی وزیر قانون اعظم نذیر تارڑ نے وزیر اطلاعات عطا اللہ تارڑ کے ہمراہ پریس کانفرنس میں کہا تھا کہ “اگر کسی نے جیل پر حملے یا جیل توڑنے کی کوشش کا تصور بھی کیا تو ریاست کی جانب سے بھرپور اور فیصلہ کن ردعمل دیا جائے گا۔” ان کا کہنا تھا کہ سکیورٹی ادارے مکمل الرٹ ہیں اور کسی بھی غیر آئینی یا غیر قانونی اقدام کو برداشت نہیں کیا جائے گا۔

  • پی ٹی آئی رہنما شہزاد اکبر اشتہاری قرار

    پی ٹی آئی رہنما شہزاد اکبر اشتہاری قرار

    ڈسٹرکٹ اینڈ سیشن کورٹ اسلام آباد نے پاکستان تحریک انصاف (پی ٹی آئی) کے رہنما شہزاد اکبر کو اشتہاری قرار دے دیا۔

    سیشن عدالت نے شہزاد اکبر کو اشتہاری قرار دینے کا تحریری آرڈر جاری کرتے ہوئے ان کے وارنٹ گرفتاری بھی جاری کر دیے،عدالت نے اپنے حکمنامے میں کہا کہ شہزاد اکبر متعدد بار طلب کرنے کے باوجود عدالت میں پیش نہیں ہوئے، شہزاد اکبر کے خلاف مقدمے کا چالان بھی عدالت میں جمع کروایا جا چکا ہے۔

    یاد رہے کہ شہزاد اکبر کے خلاف سوشل میڈیا پر متنازع بیانات کی بنیاد پر مقدمہ درج ہے، این سی سی آئی اے نے شہزاد اکبرکے خلاف جولائی 2025 میں مقدمہ درج کیا تھا،شہزاد اکبر پی ٹی آئی کی حکومت ختم ہونے کے بعد برطانیہ چلے گئے تھے جہاں کی وہ شہریت بھی رکھتے ہیں۔ کچھ عرصہ قبل شہزاد اکبر کر لندن میں تیزاب گردی کا واقعہ بھی پیش آیا تھا،حکومت پاکستان نے برطانیہ سے شہزاد اکبر اور عادل راجہ کی حوالگی کا مطالبہ بھی کیا ہے

  • فیلڈ مارشل کی چیف آف ڈیفنس تعیناتی،وزارت دفاع نے نوٹفکیشن جاری کر دیا

    فیلڈ مارشل کی چیف آف ڈیفنس تعیناتی،وزارت دفاع نے نوٹفکیشن جاری کر دیا

    وزارت دفاع نے فیلڈ مارشل سید عاصم منیر کی بطور چیف آف ڈیفنس فورسز تعیناتی کا نوٹیفکیشن جاری کردیا۔

    گزشتہ روز صدر آصف علی زرداری نے وزیر اعظم کی سفارش پر فیلڈ مارشل سید عاصم منیر کی بطور چیف آف ڈیفنس فورسز تعیناتی کا نوٹیفکیشن جاری کیا تھا،اب صدر مملکت کی منظوری کے بعد وزارت دفاع نے بھی فیلڈ مارشل عاصم منیر کی بطور چیف آف ڈیفنس تعیناتی کا نوٹیفکیشن جاری کر دیا،اعلامیے کے مطابق فیلڈ مارشل عاصم منیر کی بطور چیف آف ڈیفنس فورسز تقرری 5 سال کے لیے ہوگی۔وزارت دفاع نے ائیر چیف مارشل ظہیر احمد بابر کی بطور سربراہ پاک فضائیہ مدت میں2 سال کی توسیع کا نوٹیفکیشن بھی جاری کر دیا،صدر مملکت نے ائیرچیف مارشل ظہیر احمد سدھو کی مدت ملازمت میں بھی 2 سال کی توسیع کی منظوری دی تھی، اعلامیے کے مطابق ائیر چیف کی توسیع شدہ مدت ملازمت 19مارچ2026 سے شروع ہوگی۔

  • سید عاصم منیر کو پاکستان کا پہلا سی ڈی ایف تعینات ہونے پروزیراعظم کی مبارکباد

    سید عاصم منیر کو پاکستان کا پہلا سی ڈی ایف تعینات ہونے پروزیراعظم کی مبارکباد

    وزیراعظم شہباز شریف نے فیلڈ مارشل سید عاصم منیر کو پاکستان کا پہلا سی ڈی ایف تعینات ہونے پر انھیں مبارکباد دی ہے۔

    شہبازشریف نے فیلڈ مارشل سید عاصم منیر کےلئے نیک خواہشات کا اظہار کرتے ہوئے کہا کہ چیف آف ڈیفنس فورسز کی تعیناتی عصری، جدید جنگی تقاضوں سے ہم آہنگ ہے، فیلڈ مارشل کی قیادت میں بہادرافواج نے دشمن کو عبرتناک شکست دی۔وزیراعظم پاکستان نے کہا کہ فیلڈ مارشل کی قیادت میں معرکہ حق میں شاندار کامیابی سے پاکستان کا نام روشن ہوا، عزت ملی۔

    وزیراعظم شہباز شریف نے ایئرچیف ظہیر احمد بابر سدھو کو بھی مدت ملازمت میں 2 سال کی توسیع پر مبارکباد دی اور نیک خواہشات کا اظہار کیا،وزیراعظم نے کہا کہ ظہیر احمد بابر سدھو کی قیادت میں پاک فضائیہ نے معرکہ حق میں پیشہ ورانہ صلاحیتوں کا مظاہرہ کیا، پاک فضائیہ نے دشمن کے جنگی ہوائی جہاز تباہ کیے اور دشمن پر اپنی دھاک بٹھائی، پاکستان کے دفاع، ترقی و خوشحالی کیلئے تمام ادارے مل کر کام کریں گے، ملک کے دفاع کو مل کر ناقابل تسخیر بنائیں گے۔

    صدر مملکت کا نوٹفکیشن آرڈر بڑا عجیب،کیا یہ اصلی یا دوسرا بھی جعلی،مبشر لقمان کے تلخ سوال

    جنرل عاصم منیر کی تقرری ملکی سلامتی کے تقاضوں کے عین مطابق ہے،وزیراعلیٰ بلوچستان

    دوسری جانب اسپیکر قومی اسمبلی سردار ایاز صادق نے چیف آف آرمی اسٹاف، فیلڈ مارشل سید عاصم منیر کو ملک کے پہلے چیف آف ڈیفنس فورسز کے عہدہ پر تعیناتی پر مبارکباد دی ہے، اسپیکر قومی اسمبلی نےفیلڈ مارشل سید عاصم منیر کیلئے نیک خواہشات کا اظہار کیا اور کہا کہ فیلڈ مارشل سید عاصم منیر کی بطور چیف آف ڈیفنس فورسز تعیناتی خوش آئند ہے، فیلڈ مارشل سید عاصم منیر کی بطور چیف آف ڈیفنس فورسز تعیناتی ان کی قائدانہ صلاحیتوں کا مظہر ہے، بھارت کے ساتھ جنگ کے دوران فیلڈ مارشل سید عاصم منیر نے نہایت جراتمندانہ فیصلے کیے، چیف آف ڈیفنس فورسز فیلڈ مارشل سید عاصم منیر کی کمان میں پاک افواج نے بھارتی جارحیت کا منہ توڑ جواب دیا، قوم کو فیلڈ مارشل سید عاصم منیر کی جرات و بہادری پر فخر ہے، فیلڈ مارشل سید عاصم منیر کی قیادت میں مسلح افواج نے عالمی سطح پر پاکستان کا نام روشن کیا، چیف آف ڈیفنس فورسز سید عاصم منیر کی قیادت میں بری، بحری اور فضائی افواج کے مابین ہم آہنگی مزید بہتر ہوگی، پاکستان کی مسلح افواج نے علاقائی اور بین الاقوامی سطح پر اپنی پیشہ ورانہ صلاحیتوں کا لوہا منوایا ہے، چیف آف ڈیفنس فورسز کی قیادت میں مسلح افواج نے دہشتگردی کے ناسور کے خاتمے کے لیے مؤثر کارروائیاں کیں، فیلڈ مارشل سید عاصم منیر کی بطور چیف آف ڈیفنس فورسز تعیناتی ملک کے لیے نیک شگون ثابت ہوگی،

    اسپیکر قومی اسمبلی سردار ایاز صادق نےائیر چیف ظہیر بابر سدھو کی مدت ملازمت میں توسیع پر انہیں بھی مبارکباددی اور کہا کہ ائیر چیف ظہیر بابر سدھو کی سربراہی میں پاک فضائیہ نے بھارتی جارحیت کا دنداں شکن جواب دیا،دنیا پاک فضائیہ کی پیشہ ورانہ صلاحیتوں کی معترف ہے،

  • بیٹے کی خواہش،میانوالی میں والدین نے دوماہ کی بیٹی کی جان لے لی

    بیٹے کی خواہش،میانوالی میں والدین نے دوماہ کی بیٹی کی جان لے لی

    میانوالی کے تھانہ ہرنولی کی حدود میں دو ماہ کی بچی پلوشہ بی بی کی نعش گھر میں موجود پانی کی ٹینکی سے برآمد ہوئی۔پولیس نے تحقیقات کے بعد والد کو گرفتار کر لیا،والدین نے مبینہ طور پر دو ماہ کی بیٹی کو قتل کردیا،

    پولیس کا کہنا ہے کہ والدین بیٹے کی خواہش رکھتے تھے، بیٹی کے پیدا ہونے پر مبینہ طور پر اسے قتل کردیا۔ واقعے کا مقدمہ درج کرلیا گیا،پولیس کا کہنا ہے کہ دو ماہ کی بچی کو پانی کی ٹینکی میں ڈوبو کر مارا گیا ہے، بچی کے والد کو گرفتار کرلیا گیا، ماں کی گرفتاری کے لیے چھاپے مارے جارہے ہیں۔ درج مقدمے کے مطابق 04 دسمبر 2025 کو صبح 9 بجے کے قریب اے ایس آئی سید انور خان بمعہ سرکاری موبائل اور پولیس اہلکار ڈیوٹی پر موجود تھے کہ مخبر خاص نے اطلاع دی کہ گاؤں کیانوالہ شرقی میں ایک گھر کی پانی والی ٹینکی سے دو ماہ کی بچی کی لاش ملی ہے۔پولیس فوری طور پر جائے وقوعہ پہنچی جہاں ورثاء نے بتایا کہ بچی کی نعش ٹینکی سے نکال کر چارپائی پر رکھ دی گئی تھی۔ اطلاع دینے والے افراد نے شبہ ظاہر کیا کہ بچی کو پانی کی ٹینکی میں پھینک کر قتل کیا گیا ہے۔

    اے ایس آئی سید انور نے بتایا کہ تحقیقات اور اہل گاؤں کے بیانات سے معلوم ہوا کہ مقتولہ کے والد محمد شہزاد اور والدہ سلمہ بی بی کے خلاف شدید شبہات پائے جاتے ہیں۔ بتایا گیا ہے کہ دونوں میاں بیوی نے مبینہ طور پر اپنی ہی بچی کو ٹینکی میں پھینکا، جس کے نتیجے میں معصوم بچی جان سے گئی۔اطلاع دینے والوں کا کہنا ہے کہ والدین بچی کی پیدائش سے ناخوش تھے، جس بنا پر یہ انتہائی قدم اٹھایا گیا۔پولیس نے موقع سے شواہد اکٹھے کیے اور بچی کی لاش کو لیڈی کانسٹیبل شہناز بی بی اور کانسٹیبل سیف اللہ کی نگرانی میں پوسٹ مارٹم کے لیے ٹی ایچ کیو ہسپتال پپلاں روانہ کر دیا۔دوران تفتیش شواہد کی روشنی میں قتل کی دفعہ 302/34 ت پ کے تحت مقدمہ رجسٹر کر لیا گیا ہے۔

  • سوشل میڈیا پر پاک فوج،پنجاب حکومت کیخلاف پوسٹ،پولیس اہلکار پر مقدمہ درج

    سوشل میڈیا پر پاک فوج،پنجاب حکومت کیخلاف پوسٹ،پولیس اہلکار پر مقدمہ درج

    لاہور کے علاقے گلشنِ اقبال تھانے میں ایک پولیس کانسٹیبل کے خلاف سرکاری ڈیوٹی کے دوران مبینہ طور پر پنجاب حکومت، پاک فوج اور کالعدم تنظیم کے حق میں سوشل میڈیا پوسٹس کرنے پر مقدمہ درج کر لیا گیا ہے۔ ابتدائی اطلاعی رپورٹ ،ایف آئی آر نمبر 1386/25 پولیس آڈر 2002 کی دفعہ 155/C کے تحت درج کی گئی۔

    درج مقدمے کے متن کے مطابق یکم دسمبر 2025 کی رات تقریباً 8 بج کر 35 منٹ پر اے ایس آئی محمد پرویز، اہلکار زوہیب ، عمران اور ڈرائیور صفدر گشت کے سلسلے میں سرکاری گاڑی نمبری 646/LEG پر کریم بلاک مارکیٹ میں موجود تھے۔ گشت کے دوران اے ایس آئی محمد پرویز نے اپنا فیس بک اکاؤنٹ کھولا تو ایک آئی ڈی “AQEEL NOOR” پر ایسی متعدد پوسٹس نظر آئیں جو مبینہ طور پر پنجاب حکومت کے خلاف،پاک آرمی کے خلاف،اور ایک کالعدم تنظیم کی حمایت میں شیئر کی گئی تھیں۔پڑتال کے دوران معلوم ہوا کہ فیس بک اکاؤنٹ چلانے والا شخص محمد عقیل ولد نور محمد ہے جو کہ پولیس کانسٹیبل (18849/C)ایس ڈی پی او آفس مسلم ٹاؤن میں کمپیوٹر آپریٹر کے طور پر تعینات ہے۔رپورٹ کے مطابق مذکورہ اہلکار کے سوشل میڈیا رویے کو محکمہ پولیس کے ڈسپلن کی سنگین خلاف ورزی اور ادارے کی بدنامی کا باعث قرار دیا گیا۔

    اے ایس آئی محمد پرویز نے تمام ریکارڈ مرتب کر کے تحریری استغاثہ کے ساتھ کنسٹیبل عمران کے ذریعے مقدمہ درج کرانے کی درخواست تھانے بھجوائی۔ تحریر موصول ہونے پر احمد مجدد نے مقدمہ درج کر کے تفتیش انویسٹی گیشن ونگ کے حوالے کرنے کی ہدایت جاری کی۔مقدمے کے اندراج کے بعد متعلقہ تفتیشی افسر کو کیس منتقل کر دیا گیا ہے۔

  • صدر مملکت کا نوٹفکیشن آرڈر بڑا عجیب،کیا یہ اصلی یا دوسرا بھی جعلی،مبشر لقمان کے تلخ سوال

    صدر مملکت کا نوٹفکیشن آرڈر بڑا عجیب،کیا یہ اصلی یا دوسرا بھی جعلی،مبشر لقمان کے تلخ سوال

    باغی ٹی وی کی رپورٹ کے مطابق سینئر صحافی واینکر پرسن مبشر لقمان نے اپنے پروگرام میں آج جاری ہونے والے نوٹیفکیشنز کے حوالہ سے سنگین سوالات اٹھا دیے ہیں،بنا تاریخ کے نوٹفکیشن ملنے پر مبشر لقمان وزیراعظم و صدارتی سیکرٹریٹ کے افسران پر برس پڑے،وزیر اطلاعات عطاتارڑ سے جواب مانگ لیا.

    ان خیالات کا اظہار مبشر لقمان نے اپنے یوٹیوب چینل مبشر لقمان آفیشل پر ایک وی لاگ میں کیا، مبشر لقمان کا کہنا تھا کہ بڑا ہی عجیب لگ رہا ہے مجھے یہ پروگرام کرتے ہوئے، یہ چھوٹا سا پروگرام ہے لیکن ٹاپ بریکنگ لے کر آ رہا ہوں یہ اس نوٹفکیشن کے مطابق ہے جس پر ہم سب نے مبارکباد دی، ٹی وی پر آ کر بھی مبارکباددی کہ یہ پاکستان کے لئے بہت اچھا ہے لیکن مجھے سمجھ نہیں آتا کہ ہماری اشرافیہ نالائق ہے یا چالاک ہے،میری سمجھ سے بالاتر ہے، یہ نوٹفکیشن کیا ہے میں اس کو دیکھ رہا ہوں تو لگتا ہے کہ یہ نوٹفکیشن غلط ہے، آپ مجھے بتائیں کہ یہ نوٹفکیشن صحیح ہے یا پہلے کی طرح غلط ہے، جس طرح اعزاز سید نے خبر دی تو بعد میں کہا گیا کہ یہ فیک ہے، بحرحال اس کے بعد نوٹفکیشن آ گیا،

    مبشر لقمان کا کہنا تھا کہ میری چڑیل نے کہا کہ نوٹفکیشن دیکھا جس پر میں نے کہا میں نے کیا دیکھنا جنہوں نے دیکھنا ہے وہ دیکھیں، محسن نقوی، فیصل واوڈا خوش ہوں گے اور لوگ بھی خوش ہوں گے،چڑیل کے دوبارہ کہنے پر میں نے پھر نوٹفکیشن دیکھا ،نوٹفکیشن بڑا سادہ ہے،سات لائنز ہیں ٹوٹل،اس موقع پر مبشر لقمان نے نوٹفکیشن پڑھ کر سنایا.آخری لائن میں مہینہ کے ساتھ تاریخ نہیں لکھی گئی جس پر مبشر لقمان کا کہنا تھا کہ دسمبر 2025 ہے لیکن تاریخ کون سی؟ تاریخ نہیں لکھی گئی، اب اس پر بحث ہو گی کہ کونسی تاریخ ہے آج کی ہی یا پہلے کی،یا کب کی، دوسرا نوٹفکیشن ہے ایئر چیف کی مدت ملازمت میں توسیع کا،اس میں بھی تاریخ نہیں لکھی گئی،یہ کس قسم کا نوٹفکیشن ہے، یہ مجھے واٹس ایپ پر سارے ملے، ہو سکتا ہے کسی نے مجھے غلط بھیج دیا ہو تاہم میری درخواست ہے عطا تارڑ سے کیونکہ وہ وزیر اطلاعات ہیں کہ مجھے بتا دیجیے گا کہ اس پر تاریخ ہے ہی یا نہیں یا میرے پاس جو ہے وہ غلط ہے، اگر اس پر تاریخ نہیں ہے تو اسکی لیگل ویلیو کیا ہے،یہ فوری نافذ ہو گا یا پھر دوبارہ تاریخ لکھی جائے گی اور صدر کے دستخط ہوں گے،یا دوبارہ سے نیا نوٹفکیشن ہونا ہے، یہ کس چکر میں ہمیں ڈال دیا مجھے یاد ہے جب جنرل باجوہ کا نوٹفکیشن ہونا تھا اسوقت بہت چکر پڑے تھے،آصف سعید کھوسہ نے بھی سپریم کورٹ بلا لیا تھا،پھر نوٹفکیشن لکھ کر دیا گیا اور پھر آیا،میرے خیال سے اب دوبارہ یہ نوٹفکیشن ایک لائن کے انکو لکھ کر بھیجنے پڑیں گے پھر دستخط ہوں گے،کیونکہ خود سے ہمارے وزیراعظم ہاؤس میں پتہ نہیں کس کی ذمہ داری ہے کیونکہ میں نے وزیراعظم سیکرٹریٹ یا صدارتی سیکرٹریٹ میں کام نہیں کیا، اب پتہ نہیں کس کی غلطی ہے لامنسٹری کی غلطی ہے یا کسی اور کی، جو بھی ہے مذاق بنا دیا ہے کیوں ایسی حرکتیں کرتے ہیں آپ لوگ،

    مبشر لقمان کا مزید کہناتھا کہ ایک دو لائنوں والا نوٹفکیشن صحیح نکال نہیں سکتے لیکن 25 کروڑ آبادی والا ملک چلائیں گے،اب اس کو خسارے سے،ا ندھیروں سے نکالیں گے ،معاشی ترقی کریں گے، میں اس پر کیا کہوں، مجھے غصہ نہ چڑھے تو کیا ہو.اور اگر یہ غلط ہے، میرے پاس غلط نوٹفکیشن آیا ہے تو میری تصحیح کر لیجے گا .اللہ اس ملک کو اپنی امان میں رکھے.

    جنرل عاصم منیر کی تقرری ملکی سلامتی کے تقاضوں کے عین مطابق ہے،وزیراعلیٰ بلوچستان

    صدر مملکت نے چیف آف ڈیفنس فورسز کی تقرری کی منظوری دے دی

  • بحران ختم نہ ہوا،بھارتی ایئر لائن انڈیگو کی 550 سے زائد پروازیں منسوخ

    بحران ختم نہ ہوا،بھارتی ایئر لائن انڈیگو کی 550 سے زائد پروازیں منسوخ

    20 سال پرانی ایئر لائن کے لیے یہ ایک ریکارڈ ہے کہ انڈیگو نے جمعرات کے روز 550 سے زائد پروازیں منسوخ کر دیں، کیونکہ آپریشنل خلل تیسرے روز بھی جاری رہا۔

    ایئر لائن متعدد مسائل، جن میں کیبن کریو کی مشکلات اور ٹیکنالوجی سے متعلق مسائل شامل ہیں، کے باعث شدید پروازوں میں تعطل کا سامنا کر رہی ہے۔ انڈیگو نے اپنے شیڈولز میں تبدیلی کی ہے، ایئر لائن نے کہا ہے کہ آئندہ دو سے تین دنوں میں مزید پروازیں منسوخ کی جائیں گی۔ انڈیگو روزانہ تقریباً 2,300 پروازیں چلاتی ہے اور اپنی وقت کی پابندی کو اپنی شناخت قرار دیتی ہے؛ بدھ کے روز اس کی آن ٹائم کارکردگی 19.7 فیصد رہی، جو منگل کے 35 فیصد سے نمایاں کمی ہے۔سول ایوی ایشن وزارت اور ریگولیٹر ڈی جی سی اے نے آج انڈیگو کے سینئر حکام سے ملاقات کی تاکہ صورتحال کا جائزہ لیا جا سکے اور حل نکالا جا سکے۔

    انڈیگو کے سی ای او پیئٹر ایلبرز نے عملے کو بتایا کہ آپریشنز کو معمول پر لانا اور وقت کی پابندی بحال کرنا کوئی "آسان ہدف” نہیں ہوگا۔بھارتی میڈیا کے مطابق ممبئی ایئرپورٹ پر کم از کم 118 پروازیں منسوخ ہوئیں، بنگلورو میں 100، حیدرآباد میں 75، کولکاتہ میں 35، چنئی میں 26 اور گوا میں 11 پروازیں منسوخ ہوئیں۔ دیگر ائیرپورٹس سے بھی پروازوں کی منسوخی کی اطلاعات موصول ہوئیں۔انڈیگو نے اعتراف کیا ہے کہ اس نے نئے ضوابط کے تحت عملے کی ضروریات کا غلط اندازہ لگایا اور پلاننگ میں خامیاں رہ گئیں، جس کے نتیجے میں ایسے وقت میں عملے کی دستیابی ناکافی رہی جب سرد موسم اور فضائی ٹریفک میں اضافہ بھی آپریشنز کو متاثر کر رہا تھا۔

    رات کی ڈیوٹی کی تعریف، جو پہلے رات 12 بجے سے صبح 5 بجے تک تھی، اب عارضی طور پر رات 12 بجے سے صبح 6 بجے تک کے لیے واپس لے لی گئی ہے۔ اسی طرح، رات کے وقت دو لینڈنگ کی حد بھی عارضی طور پر معطل کر دی گئی ہے۔

  • جنرل عاصم منیر کی تقرری ملکی سلامتی کے تقاضوں کے عین مطابق ہے،وزیراعلیٰ بلوچستان

    جنرل عاصم منیر کی تقرری ملکی سلامتی کے تقاضوں کے عین مطابق ہے،وزیراعلیٰ بلوچستان

    ملک کے پہلے چیف آف ڈیفنس فورسز فیلڈ مارشل جنرل عاصم منیر کو وزیر اعلیٰ بلوچستان میر سرفراز بگٹی نےمبارکباد دی ہے

    وزیراعلیٰ بلوچستان میرسرفراز بگٹی کا کہنا تھا کہ پاکستان فیلڈ مارشل جنرل عاصم منیر کی قیادت میں ایک مضبوط اسلامی فلاحی ریاست کے طور پر اُبھرا،پاک افواج نے فیلڈ مارشل جنرل عاصم منیر کی سربراہی میں دشمن کی ہر جارحیت کو ناکام بنا کر قوم کا سر فخر سے بلند کیا، فیلڈ مارشل جنرل عاصم منیر کی تقرری قوم کی اُمنگوں اور ملکی سلامتی کے تقاضوں کے عین مطابق ہے، پاکستان کی سرحدوں کی حفاظت کرنے والا ہر جوان فیلڈ مارشل جنرل عاصم منیر کی قیادت پر بھرپور اعتماد رکھتا ہے، فیلڈ مارشل جنرل عاصم منیر کا وژن ملکی دفاع، قومی سلامتی اور امن کے قیام کے لیے تاریخی سنگِ میل ثابت ہوگا، بلوچستان کی عوام فیلڈ مارشل جنرل عاصم منیر کی پیشہ ورانہ قیادت کو خراجِ تحسین پیش کرتی ہے، ملکی وحدت، یکجہتی اور دفاع کے سفر میں بلوچستان ہمیشہ پاک افواج کے شانہ بشانہ کھڑا رہے گا، فیلڈ مارشل جنرل عاصم منیر کی قیادت میں پاکستان کا مستقبل زیادہ محفوظ، مستحکم اور روشن دکھائی دیتا ہے،

  • صدر مملکت نے چیف آف ڈیفنس فورسز کی تقرری کی منظوری دے دی

    صدر مملکت نے چیف آف ڈیفنس فورسز کی تقرری کی منظوری دے دی

    صدر مملکت نے فیلڈ مارشل سید عاصم منیر کی بطور چیف آف ڈیفنس فورسز تقرری کی منظوری دے دی

    فیلڈ مارشل سید عاصم منیر کو پانچ سال کے لیے چیف آف آرمی اسٹاف اور چیف آف ڈیفنس فورسز مقرر کر دیا گیا،
    ائیر چیف مارشل ظہیر احمد بابر سدھو کی مدت ملازمت میں دو سال کی توسیع کی منظوری دی گئی،صدر مملکت نے آرمی چیف کے ساتھ ساتھ چیف آف ڈیفنس فورسز اور چیف آف ایئر سٹاف کو ان کی کامیاب مدت کے لیے نیک خواہشات کا اظہار کیا۔

    قبل ازیں وزیراعظم شہباز شریف نے فیلڈ مارشل سید عاصم منیر کی بطور چیف آف آرمی اسٹاف اور بیک وقت چیف آف ڈیفنس فورسز تعیناتی کی سمری باقاعدہ طور پر منظور کرتے ہوئے ایوانِ صدر بھجوائی تھی، پاکستان میں پہلی بار چیف آف ڈیفنس فورسز کا عہدہ قائم کیا گیا ہے، جس کے پہلے سربراہ فیلڈ مارشل سید عاصم منیر ہیں. چیف آف ڈیفنس فورسز کا نیا عہدہ تینوں مسلح افواج کے درمیان عسکری ہم آہنگی، رابطوں اور دفاعی حکمتِ عملی میں یکجہتی کو مزید مضبوط بنائے گا۔