Baaghi TV

Author: ممتاز حیدر

  • کوہاٹ میں افغان طالبان کے حمایت یافتہ خوارج کے ڈرون حملے ناکام

    کوہاٹ میں افغان طالبان کے حمایت یافتہ خوارج کے ڈرون حملے ناکام

    کوہاٹ: سیکیورٹی فورسز نے افغان طالبان کے حمایت یافتہ خوارج دہشت گردوں کی جانب سے کیے گئے ڈرون حملے کی کوشش ناکام بنا دی۔

    سیکیورٹی ذرائع کے مطابق دہشت گردوں نے کوہاٹ کے علاقے میں ڈرونز لانچ کیے جنہیں بروقت کارروائی کرتے ہوئے اینٹی ڈرون سسٹم کے ذریعے الیکٹرانک طریقے سے ناکارہ بنا دیا گیا۔حکام کا کہنا ہے کہ سسٹم کی مدد سے دو ڈرونز کو کامیابی سے تباہ کیا گیا، تاہم گرنے والے ملبے کے باعث دو شہری زخمی ہوگئے جنہیں فوری طور پر قریبی اسپتال منتقل کر دیا گیا۔سیکیورٹی اداروں کے مطابق علاقے میں سرچ اور کلیئرنس آپریشن جاری ہے جبکہ فورسز دہشت گرد خطرات اور ان کے سرپرستوں کے خلاف مکمل طور پر چوکس ہیں۔ذرائع کا مزید کہنا ہے کہ پاکستان کی سیکیورٹی فورسز دہشت گردی کے خاتمے اور شہریوں کے تحفظ کے لیے ہر ممکن اقدامات جاری رکھے ہوئے ہیں۔

  • ناکام اخبار کو دیکھیں تو لگتا ہے ہم جیت نہیں رہے، ٹرمپ کی نیویارک ٹائمز پر تنقید

    ناکام اخبار کو دیکھیں تو لگتا ہے ہم جیت نہیں رہے، ٹرمپ کی نیویارک ٹائمز پر تنقید

    امریکی صدر نے نیویارک ٹائمز پر تنقید کرتے ہوئے کہا ہے کہ ناکام اخبار کو دیکھیں تو لگتا ہے ہم جیت نہیں رہے، ہم ایران ک فوجی معاشی اور دیگر شعبوں میں مکمل تباہ کررہے ہیں، ہمارے پاس بے مثال فوجی طاقت اور لامحدود اسلحہ موجود ہے۔

    امریکی صدر ڈونلڈ ٹرمپ نے نیویارک ٹائمز پر تنقید کرتے ہوئے کہا ہے کہ ناکام اخبار نیویارک ٹائمز دیکھیں تو لگتا ہے ہم جیت نہیں رہے، ہم ایران کو فوجی، معاشی اوردیگر شعبوں میں مکمل تباہ کررہے ہیں، ایران کی نیوی، فضائیہ اب باقی نہیں رہیں۔ان کا کہنا ہے کہ ایران کے میزائل، ڈرونز اور دیگر ہتھیار تباہ کررہے ہیں، ایران کے رہنماؤں کو بھی صفحہ ہستی سے مٹا دیا گیا، ہمارے پاس بے مثال فوجی طاقت اور لامحدود اسلحہ موجود ہے۔امریکی صدر نے مزید کہا کہ ایرانی 47 سال سے دنیا بھر میں معصوم لوگوں کو قتل کررہے ہیں،امریکا دنیا بھر میں تیل پیدا کرنے والا سب سے بڑا ملک ہے، جب بھی تیل کی قیمتیں بڑھتی ہیں امریکا بہت پیسے بناتا ہے، لیکن صدر کی حیثیت سے میرے لیے زیادہ اہم بات یہ ہے کہ ایران کو مشرقِ وسطیٰ اور دنیا کو تباہ کرنے سے روکا جائے۔

  • افغانستان،خواتین کے حقوق کی پامالی کے خلاف دنیا بھر سے آوازیں اٹھنے لگیں

    افغانستان،خواتین کے حقوق کی پامالی کے خلاف دنیا بھر سے آوازیں اٹھنے لگیں

    افغان طالبان رجیم کی آمرانہ پالیسیاں اور خواتین کے حقوق کی پامالی کے خلاف دنیا بھر سے آوازیں اٹھنے لگیں

    بنیادی انسانی حقوق کی سنگین پامالیاں اور دہشتگردوں کی سرپرستی افغان طالبان رجیم کی پہچان بن چکی ہے،طالبان رجیم کے آمرانہ رویے اور عالمی قوانین کی خلاف ورزیوں نے افغانستان کو سفارتی اور اقتصادی تنہائی کی طرف دھکیل دیا،افغان میڈیا ہشت صبح اور خامہ پریس کے مطابق اقوام متحدہ کی سلامتی کونسل میں 40 ممالک نے مشترکہ بیان میں افغانستان میں خواتین پرکڑی پابندیوں کی شدید مذمت کی، ان ممالک نے افغان خواتین کیساتھ یکجہتی کا اظہار کیا جو اپنے حقوق اور آزادیوں پر بڑھتی ہوئی پابندیوں کا سامنا کر رہی ہیں ،افغانستان میں خواتین اور لڑکیوں کے حقوق کی منظم خلاف ورزیاں جاری ہیں، مسئلے پر عالمی توجہ بڑھانے کی ضرورت ہے ،لڑکیوں کی تعلیم اور خواتین کے کام پر پابندیاں افغانستان کی معیشت اور سماجی استحکام کو طویل مدتی نقصان پہنچا سکتی ہیں ،یوناما کی نئی تحقیق کے مطابق افغانستان میں خواتین کو انصاف تک رسائی میں مردوں کے مقابلے میں تقریباً چار گنا زیادہ مشکلات کا سامنا ہے ،سفارتکاروں اور انسانی حقوق کے کارکنوں نے خواتین اور لڑکیوں کی صورتحال بہتر بنانے کیلئے مؤثر اقدامات اور پالیسی تبدیلیوں پر زور دیا،

    ماہرین کے مطابق طالبان رجیم کی پالیسیاں صرف افغان خواتین کے حقوق کی پامالی نہیں بلکہ پورے ملک کی ترقی اور مستقبل کی تباہی کا سبب بن رہی ہیں،افغان طالبان دہشت گرد گروہوں کی پشت پناہی کے بجائے خواتین کی سماجی، معاشرتی اور اقتصادی زندگی پر توجہ دیں،قابض افغان طالبان رجیم کی آمرانہ طرز حکمرانی اور ظالمانہ پالیسیاں افغانستان کو عالمی تنہائی میں دھکیل رہی ہیں ،

  • مودی کی ناقص پالیسیاں ، منی پور میں کشیدگی برقرار، بھارتی فوجی سمیت 20 افراد یرغمال

    مودی کی ناقص پالیسیاں ، منی پور میں کشیدگی برقرار، بھارتی فوجی سمیت 20 افراد یرغمال

    انتہاپسند ہندوتوانظریہ کےزیرتسلط بھارت میں علیحدگی پسند تحریکیں عروج پر پہنچ گئیں

    منی پور میں بھارتی فوجی سمیت 20 افراد کے یرغمالی کے واقعہ نے بھارتی حکومت کی داخلی کشیدگی پر سوالات اٹھا دیے بھارتی جریدہ دی پرنٹ کے مطابق؛منی پور میں بڑھتی کشیدگی کے دوران کُکی گروپ نے بھارتی فوجی سمیت 20 افراد کو یرغمال بنا لیا،منی پور پولیس نے واقعے کو دو گروہوں کُکی اور ناگا کے درمیان تصادم کا نتیجہ قرار دیا،اس سے قبل ناگا سے وابستہ مسلح افراد نے کُکی کسانوں پر حملہ کر کے دو افراد کو اغوا کر لیا تھا،

    ماہرین کے مطابق؛منی پور کی عوام مودی کی ظالمانہ پالیسیوں سے دل برداشتہ ہو کر بھارت سے آزادی کا مطالبہ کر رہی ہے،منی پور میں جاری آگ و خون کا کھیل جلد بھارت سے علیحدگی کی صورت میں سامنے آئے گا ، منی پور میں بدامنی مودی کی ہٹ دھرمی اور علیحدگی پسند تحریکوں کے ساتھ غیر مؤثر مذاکرات کی ناکامی کا ثبوت ہے

  • امریکی طیارہ عراق میں‌گر کر تباہ

    امریکی طیارہ عراق میں‌گر کر تباہ

    امریکی سینٹرل کمانڈ (سینٹکام) نے طیارہ مغربی عراق میں گر نےکی تصدیق کردی۔

    سینٹکام نے سوشل میڈیا پر جاری پیغام میں کہا کہ ایندھن بھرنے والے طیارے کے نقصان سے آگاہ ہیں، ایک طیارہ مغربی عراق میں گرا اور دوسرا بحفاظت لینڈ کرگیا،سینٹکام کے مطابق واقعہ آپریشن ایپک فیوری کے دوران پیش آیا، اس وقت امدادی کارروائیاں جاری ہیں،امریکی میڈیا کے مطابق تباہ ہونے والے طیارے میں 6 افراد سوار تھے،دوسری جانب ایران کی ختم الانبیا سینٹرل ہیڈکوارٹر نے دعوی کیا کہ امریکا کا ری فیولنگ طیارہ عراق کی مزاحمتی فورسز نے مار گرایا ہے اور اس میں موجود تمام اہلکار ہلاک ہوگئے ہیں۔

  • تیل کی قیمتیں آؤٹ آف کنٹرول !!! جنگ مزید پھیل گئی

    تیل کی قیمتیں آؤٹ آف کنٹرول !!! جنگ مزید پھیل گئی

    روس کی دھمکی، امریکہ پریشان، فرانس نے تڑی لگادی، چین کا راستہ روک لیا جائے گا ؟؟؟
    اردگان نے صہیونیوں کوآئینہ دیکھا دیا، امریکی بمبار طیارے برطانیہ پہنچ گئے

  • خطے کی صورتحال،قومی اثرات تشویشناک ، چیلنجز کا مقابلہ متحد ہو کر ہی کیا جا سکتا ہے،تابش قیوم

    خطے کی صورتحال،قومی اثرات تشویشناک ، چیلنجز کا مقابلہ متحد ہو کر ہی کیا جا سکتا ہے،تابش قیوم

    مرکزی مسلم لیگ کے ترجمان تابش قیوم نے کہا ہے کہ ایثار و قربانی ، اتحاد و اتفاق وقت کا تقاضہ ہے، اللہ تعالی پاکستان کو سرخرو کرے گا،خطے کی صورتحال،قومی اثرات تشویشناک ، چیلنجز کا مقابلہ متحد ہو کر ہی کیا جا سکتا ہے،عالمی منڈی میں تیل کی قیمت میں واضح کمی واقعہ ہوئی اور وزیر اعظم مزید اضافے کی بات کر رہے ہیں،حکومت نے قبل از وقت 55 روپے کا اضافہ کیا جبکہ ذخائر موجود تھے، اس کی تحقیقات ہونی چاہئے اور قیمتوں کو معمول پر لایا جائے،

    ان خیالات کا اظہار انہوں نے مرکزی مسلم لیگ سنٹرل ایگزیکٹو کمیٹی اجلاس کے بعد گفتگو کرتے ہوئے کیا، تابش قیوم کا کہنا تھا کہ پٹرول کا ذخیرہ ہونے کے باوجود قیمتوں میں اضافے کا اثرغریب عوام،مزدورپر پڑے گا،حالات کی پیش بندی حکومت کو بہتر انداز میں کرنی چاہئے تھی،بھاری لیویز، ٹیکسز اور ناقص معاشی پالیسیوں کا بوجھ سیدھا عوام پر ڈال دیا گیا ،مہنگائی کی وجہ سے غریب عوام خود کشیوں پر مجبور ہو جاتے ہیں،مشکل گھڑی میں مرکزی مسلم لیگ خدمت کا دائرہ وسیع کرے گی،قوم کومتحد رکھیں گے،ایثار، قربانی اور بھائی چارے کی مثال بن کر تمام کارکنان غریب عوام کی خدمت کے لیئے متحرک رہیں،سحر و افطار کے دسترخوان کے ساتھ ساتھ سہولت بازار اور سستے تندور کا یونین کونسل سطح پربندوبست کیا جائے۔یونین کونسل کی سطح پر سب سے زیادہ متاثر ہونے والے افراد کی فہرست مرتب کر کے راشن کا بندوبست کیا جائے۔حالات سنگین ہونے کی صورت میں مرکزی مسلم لیگ کی سنٹرل ایگزیکٹو کمیٹی نےشعبہ خدمت خلق کے چیئرمین شفیق الرحمان وڑائچ کوملک گیر منصوبہ بندی کی ذمہ داری سونپ دی،

  • مشرق وسطیٰ جنگ،مصنوعی ذہانت کے ذریعے غلط معلومات پھیلائی جانے لگیں

    مشرق وسطیٰ جنگ،مصنوعی ذہانت کے ذریعے غلط معلومات پھیلائی جانے لگیں

    مشرق وسطیٰ میں جاری جنگ کے دوران مصنوعی ذہانت کے ذریعے پھیلائی جانے والی غلط معلومات میں تیزی سے اضافہ دیکھا جا رہا ہے۔

    ماہرین کے مطابق مکمل طور پر جعلی تصاویر کے علاوہ اب ایک اور رجحان سامنے آیا ہے جس میں حقیقی تصاویر کو اے آئی کے ذریعے بہتر بنا کر اس انداز میں پیش کیا جا رہا ہے کہ زمینی حقائق کی تصویر بدل جاتی ہے،ایک وائرل تصویر میں ایک امریکی پائلٹ کو دکھایا گیا جو طیارے سے پیراشوٹ کے ذریعے اترنے کے بعد ایک مقامی کویتی شہری کے سامنے گھٹنوں کے بل بیٹھا نظر آتا ہے،یہ تصویر سوشل میڈیا پر تیزی سے پھیلی اور کچھ میڈیا اداروں نے بھی اسے شائع کیا، تاہم تصویر میں پائلٹ کے ہاتھ میں 4 انگلیاں نظر آئیں جس نے اس کی صداقت پر سوال اٹھا دیا،خبر رساں ادارے کی تحقیق کے مطابق تصویر میں گوگل اے آئی کے سسٹم کا مخصوص واٹرمارک (SynthID) موجود تھا، جو اس بات کی نشاندہی کرتا ہے کہ تصویر کو مصنوعی ذہانت کے ذریعے تبدیل یا بہتر کیا گیا ہے۔

    دلچسپ بات یہ ہے کہ واقعہ خود حقیقی معلوم ہوتا ہے، اسی منظر کی ایک ویڈیو 2 مارچ کو سوشل میڈیا پر گردش کرتی نظر آئی جبکہ سیٹلائٹ تصاویر سے بھی مقام کی تصدیق ہوئی، یہ واقعہ ان خبروں سے بھی مطابقت رکھتا ہے جن کے مطابق اسی روز کویت نے غلطی سے امریکی فضائیہ کے 3 طیارے مار گرائے تھے،ماہرین کے مطابق اے آئی کے ذریعے تصویر کو بہتر بنانے سے چہرے، روشنی، رنگ اور پس منظر میں ایسی تبدیلیاں آ سکتی ہیں جو تصویر کو اصل سے زیادہ حقیقت پسندانہ بنا دیتی ہیں، لیکن اس کے نتیجے میں واقعے کی اصل نوعیت بدل سکتی ہے،اسی طرح ایک اور تصویر میں عراق کے شہر اربیل کے ایئرپورٹ کے قریب ایک بہت بڑا دھماکا اور آگ دکھائی گئی، جسے ایران کے حملے کے بعد شیئر کیا گیا تھا، تاہم اصل تصویر میں آگ اور دھواں کافی کم شدت کا تھا جبکہ اے آئی کے ذریعے اسے زیادہ ڈرامائی بنا دیا گیا۔

    ماہرین کا کہنا ہے کہ چھوٹی سی تبدیلی بھی کسی واقعے کی مکمل کہانی بدل سکتی ہے اور لوگوں کے ذہن میں مختلف تاثر پیدا کر سکتی ہے،مزید یہ کہ مصنوعی ذہانت بعض اوقات ایسی چیزیں بھی تصویر میں شامل کر دیتی ہے جو اصل میں موجود نہیں ہوتیں، مثال کے طور پر امریکا کے شہر مینا پولیس میں ایک فائرنگ کے واقعے کی اے آئی سے بہتر بنائی گئی تصویرمیں ایک شخص کے ہاتھ میں موجود موبائل فون کو بعض صارفین نے ہتھیار سمجھ لیا،ماہرین کا کہنا ہے کہ اگر ایسی تصاویر کو واضح طور پر لیبل نہ کیا جائے تو اس سے عوام کا سچائی پر اعتماد کمزور ہو سکتا ہے اور لوگ اصل تصاویر پر بھی شک کرنے لگتے ہیں۔

  • افغان طالبان کے ساتھ کوئی امن مذاکرات نہیں،پاکستان کا مؤقف بدستور برقرار

    افغان طالبان کے ساتھ کوئی امن مذاکرات نہیں،پاکستان کا مؤقف بدستور برقرار

    حکومت پاکستان نے طالبان حکومت کے ساتھ امن مذاکرات کے لیے کوئی وفد نہیں بھیجا۔ پاکستان کا مؤقف واضح اور دوٹوک ہے، بین الاقوامی طور پر نامزد دہشت گردوں کو پناہ دینا بند کریں اور سرحد پار دہشت گردی کے خاتمے کے لیے ٹھوس اور قابلِ تصدیق اقدامات کریں

    مولانا فضل الرحمٰن خلیل کا دورہ مکمل طور پر ذاتی حیثیت میں ہے۔ یہ بھی معروف حقیقت ہے کہ فضل الرحمٰن خلیل کے (ٹی ٹی پی) کے ساتھ قریبی روابط ہیں۔طالبان حکومت اس سے قبل قطر، ترکی، چین اور روس جیسے ثالثوں کے ذریعے جنگ بندی حاصل کرنے کی کوشش کر چکا ہے، مگر یہ تمام کوششیں ناکام ثابت ہوئیں۔ اب بظاہر ایک اور بے بس کوشش میں انہوں نے اپنے ہی ایک قریبی ساتھی کا سہارا لیا ہے۔

    امن صرف مانگا نہیں جاتا، اسے حاصل کرنا پڑتا ہے۔ اگر آپ امن چاہتے ہیں تو پہلے یہ ثابت کرنا ہوگا کہ آپ اس کے مستحق ہیں

  • سندھ میں بھی تعلیمی ادارے بند،شرجیل میمن نے اہم فیصلے بتا دیئے

    سندھ میں بھی تعلیمی ادارے بند،شرجیل میمن نے اہم فیصلے بتا دیئے

    سندھ کابینہ کے اجلاس میں صوبے بھر میں اسکولز بند رکھنے کا فیصلہ کیا گیا ہے۔

    توانائی کی بچت کے اقدامات کے پیشِ نظر صوبائی کابینہ نے اسکولز کو 31 مارچ تک بند رکھنے کی منظوری دے دی ہے۔فیصلہ کیا گیا ہے کہ اسکولز بند ہونے کے باوجود امتحانات اپنے مقررہ وقت پر ہی منعقد ہوں گےکراچی میں پریس کانفرنس کرتے ہوئے سینئر وزیر سندھ شرجیل انعام میمن نے کہا ہے کہ اسکولز 16 سے 31 مارچ تک بند رہیں گے،انہوں نے کہا کہ سرکاری گاڑیوں کے ایندھن میں 50 فیصد کمی کردی گئی ہے، نئی گاڑیوں اور فرنیچر خریداری پر پابندی عائد کردی گئی ہے، وزراء نے پولیس سیکیورٹی کی گاڑیاں سرینڈر کی ہیں، 60 فیصد سرکاری گاڑیوں کو 2 ماہ کےلیے بند کیا جارہا ہے، سرکاری گاڑیوں کے ایندھن میں 2 ماہ کے لیے 50 فیصد کمی کردی گئی ہے۔

    شرجیل میمن کا کہنا ہے کہ ہمارا بیانہ ریاست کے ساتھ ہے،سوچ حکومت کے ساتھ ہے، جمعہ کو سرکاری دفاتر میں تعطیل نہیں ہوگی بلکہ ورک فرام ہوم ہوگا، سرکاری دفاتر میں ریفریشمنٹ پر 2 ماہ کےلیے پابندی عائد ہوگی، غیر ضروری پروٹوکول سے اجتناب کیا جائے،کفایت شعاری کا آغاز سندھ حکومت نے شروع کیا، سندھ حکومت نے وزیراعظم کے تمام فیصلوں کی توثیق کی، سرکاری گاڑیوں کے ایندھن میں 50 فیصد کمی کی، وزراء نے 3 ماہ کی تنخواہیں اور مراعات نہ لینے کا فیصلہ کیا، 16 سے 31 مارچ تک اسکولوں میں تعطیلات ہوں گی، صوبے میں پیر سے جمعرات تک کام ہوگا، جمعہ کو ورک فرام ہوم ہے، کئی وزراء نے پولیس موبائلز واپس کرنے کا اعلان کیا، شوقیہ سیکیورٹی رکھنے والوں سے سیکیورٹی واپس لی جائے گی۔

    شرجیل میمن نے کہا کہ ملک کو درپیش چیلنجز میں سب مل کر کفایت شعاری کریں، پیپلزپارٹی وفاقی حکومت، ریاست اور فوج کے ساتھ ہے، اسکولوں میں امتحانات جاری رہیں گے، پاکستان اور ریاست کا بیانیہ ہم سب کا بیانیہ ہے۔

    صوبائی وزیر اطلاعات نے کہا کہ لیبر ڈیپارٹمنٹ نے پہلے خصوصی قانون سازی کی، اب رولز بھی کابینہ سے منظور کرالیے گئے، کاشتکاری کرنے والی خواتین کے تحفظ کے قوانین شامل ہیں۔انہوں نے بتایا کہ بینظیر ورکرز کارڈ بنانے کیلئے 50 کروڑ کے فنڈ کی منظوری دی، خواتین محنت کشوں کو مساوی اجرت دی جائے گی، کسان خواتین کو بینظیر لیبر کارڈ فراہم کیے جائیں گے، خواتین کو بااختیار بنانا، تحفظ فراہم کرنا حکومت کی اولین ذمہ داری ہے۔شرجیل میمن کا کہنا ہے کہ سندھ کابینہ نے ملیر میں نرسنگ اسکول کے قیام کی منظوری دی، ابراہیم حیدری میں 4 ایکڑ زمین نرسنگ اسکول کیلئے منظور کی گئی، کراچی کے لوگوں کو اسٹیٹ آف دی آرٹ اسپتال سے سہولیات ملیں گی، ملک میں پہلی بار طلباء کی حاضری اور داخلوں کا ریکارڈ رکھا جائے گا، موبائل ڈیجیٹل ایپ سسٹم ایک سال میں تمام اسکولوں میں نافذ ہوگا۔