Author: ممتاز حیدر

افغانستان میں دہشتگرد نیٹ ورکس کیخلاف پاکستان کےآپریشن غضب للحق کی عالمی سطح پر پذیرائی ہوئی ہے

پاکستان افغانستان میں دہشتگرد گروہوں کی محفوظ پناہ گاہوں اورعسکری تنصیبات کو کامیابی سے نشانہ بنارہا ہے،معروف امریکی جریدے نے افغان طالبان اورفتنہ الخوارج کیخلاف پاکستان کی بہترین آپریشنل حکمت عملی کوسراہا،دی ڈپلومیٹ کےمطابق افغانستان میں موجود دہشتگرد نیٹ ورکس کے خلاف پاکستان کی مہم نئے مرحلے میں داخل ہو چکی ہے، پاکستان نے دہشتگرد نیٹ ورکس اور انکے سہولت کاروں کے گرد گھیرا تنگ کردیا ، آپریشن غضب الحق کا مقصد پاک افغان سرحدی علاقوں میں دہشتگرد نیٹ ورکس کو کمزور کرنا ہے ،فتنہ الخوارج اورفتنہ الہندوستان افغان سرزمین سے پاکستان میں دہشتگردی کی کارروائیاں کررہے ہیں ،افغان طالبان کمانڈرملا محمد زئی اخوندقندھارمیں فتنہ الخوارج کے تربیتی امور اور لاجسٹکس کی نگرانی کرچکے ہیں،

عالمی تھنک ٹینکس کے مطابق آپریشن غضب للحق کو فتنہ الخوار ج کی پشت پناہی روکنے،دہشتگردی کیخلاف اہم حکمتِ عملی قرار دیا گیا،ماہرین کا کہنا ہے کہ ملک میں دہشتگردی کےواقعات میں نمایاں کمی آپریشن غضب للحق کی کامیابی کاواضح ثبوت ہے،

اسلام آباد: ایران اور امریکا کے درمیان حالیہ امن معاہدے کی پیش رفت میں پاکستان کے مثبت اور مصالحتی کردار کے نتیجے میں ملک کے لیے معاشی بہتری اور بین الاقوامی سطح پر ساکھ میں اضافے کے امکانات نمایاں ہوگئے ہیں۔

بین الاقوامی خبر رساں ادارے رائٹرز کے مطابق ایران اور امریکا کے درمیان تناؤ میں کمی اور امن کی جانب پیش رفت سے پاکستان کا عالمی تشخص مزید مضبوط ہوا ہے، جبکہ ملک کو سفارتی کامیابی کے ساتھ ساتھ معاشی فوائد حاصل کرنے کا بھی موقع ملا ہے۔رپورٹ کے مطابق جو ممالک خطے میں امن، استحکام اور تنازعات کے حل میں مثبت کردار ادا کرتے ہیں، وہ عالمی سرمایہ کاروں کے لیے زیادہ قابلِ اعتماد اور پرکشش بن جاتے ہیں۔ پاکستان کی جانب سے علاقائی استحکام کے فروغ اور متوازن خارجہ پالیسی نے بین الاقوامی برادری میں اس کی اہمیت کو مزید اجاگر کیا ہے۔

ماہرین کا کہنا ہے کہ ترقی پر مبنی معاشی ایجنڈا، سیاسی استحکام اور امن کے فروغ کی پالیسی پاکستان کو غیر ملکی سرمایہ کاری کے لیے ایک موزوں مقام بنا سکتی ہے۔ امن و استحکام کی بہتر ہوتی ہوئی ساکھ نہ صرف سرمایہ کاروں کے اعتماد میں اضافہ کرے گی بلکہ تجارت، توانائی اور بنیادی ڈھانچے کے شعبوں میں نئے مواقع بھی پیدا کرے گی۔رائٹرز کے مطابق پاکستان مشرقِ وسطیٰ کے ممالک کے ساتھ اپنے تعلقات کو مزید وسعت دے کر معاشی اور دفاعی شراکت داری کو فروغ دے سکتا ہے، جس سے ملکی معیشت کو تقویت ملنے اور علاقائی سطح پر پاکستان کے کردار میں مزید اضافہ ہونے کی توقع ہے۔

سینئر صحافی و اینکر پرسن مبشر لقمان نے کہا ہے کہ اللہ کا کرم ہے، جب ہسپتال میں آٹھ نو دن لگا کر باہر نکلتے ہیں تو سب سے پہلے گرمی ہو یا سردی، بارش ہو یا دھوپ آپکو اچھی لگتی ہے کیونکہ آپ کو احساس ہوتا ہے کہ زندگی اللہ کی بڑی نعمت ہے،برا حال اسی کا ہوتا ہے جو زندہ ہوتا ہے،اللہ کی مہربانی ہے کہ اس نے زندگی ،صحت دی،میری طبیعت اب کافی بہتر ہے،یہ مجھے دکھ ہے میرے متعلق بہت سے لوگوں نے خبریں اڑانا شروع کر دیں کہ یہ ہو گیا یہ ہو گیا،کم از کم ایک دن انتظار کر لیتے،کسی سے بات تو کر لیتے میرے کسی فیملی ممبر، کسی قریبی دوست سے بات کر لیتے پھر خبریں دے دیتے، لیکن ہر آدمی چیمپئن بنا ہوا ہے کہ یہ ہوگیا یہ ہو گیا، آپ کو یہ نہیں پتہ کہ آپ سے جو پیار کرنے والے لوگ ہیں انکو کتنی تکلیف ہوتی ہے، آپ کو تو فرق نہیں‌پڑتا مجھے تو بعد میں پتہ چلے گا لیکن میرے جو دوست ہیں، رشتے دار ہیں،وہ پڑھتے ہیں یہ بہت تکلیف دہ ہے،خبر دیتےہوئے کم از کم کنفرم تو کر لیں

مبشر لقمان کا مزید کہنا تھا کہ محمود بھٹی کو پتہ تھا میں بیمار ہوں، اس نے لوگوں سے سنا کہ بائی پاس ہو گیا خدانخواستہ ،اس نے سوچا کہ پانچ چھ ماہ اب سامنے نہیں آئیں گے تو جو کہنا ہے کہہ دوں، اب میں بتاتا ہوں کہ محمود بھٹی فراڈ آدمی ہے، جھوٹ بول بول کر زندگی گزار رہا ہے،محمود بھٹی کا کام کبھی آپ نے نہیں دیکھا ہو گا،کہیں پر بھٹی ڈیزائنر کی کوئی چیز دیکھی ہے؟ کوئی جوتا، کوئی تکیہ،کوئی بیڈ شیٹ، کوئی بھی چیز، بھٹی کا پروفیشن کے ساتھ کہیں نام نہیں ،یہ جھوٹا آدمی ہے، پاکستان میں اس نے اسی طرح کی باتیں کر کر کے چھوٹے صحافیوں کے ساتھ ،کونسے صحافی اسکے پوڈ کاسٹ کر رہے، وہ بھی پیڈ، اور کہتا کہ میں کور پر ہوں، میگزین میں ہوں،عمران خان وزیراعظم تھا،ٹرمپ صدر ہے سب کو پتہ ہے کہ وہ صدر ہے اسکے باوجود لوگ دعوے کرتے ہیں اور کلیم کرتے ہیں،فلاں کور ،فلاں کور،،،میں چیلنج کرتا ہوں، دنیا میں‌تقریبا بہت زیادہ میگزین کے کور پرآپ پیسے دے کر آئے یا تعلق کی وجہ سے، آپ نے آخری میگزین کب دیکھا زندگی میں یا کب پڑھا، لاہور میں سنڈے ٹائمز دیکھ لیں ،ہر ڈیزائنر کے متعلق جو پیج آئے ہوتے ہیں وہ پیڈ ہیں ،میں ڈیلی ٹایمز کا نام لے رہا ہوںَ پاکستان کا مایہ ناز اور مستند اخبار ہے، ساری عمر سنڈے ٹائمز ایسے ہی چلا ہے، فیشن میگزین تو چلتا ہی ایڈورٹائزمنٹ کے پیسوں سے ہے،میری جو لڑائی ہے میں اس کو قابل ہی نہیں سمجھتا کہ اسکا ذکر کیا جائے، اس نے میرے بھی بڑے بھی قریب ہونے کی کوشش کی، کامن گراؤنڈ پر جب لوگ کال کرتے ہیں تو اس طرح میں اسکے گھر کسی کے کہنے پر گیا ہوا ہوں، اب کوئی کسی کے گھر جائے تو یہ دعویٰ نہیں تو کر سکتےکہ ہمارا یارانہ ہے میں گھر چلاتا ہوں، اسکو گاڑی میں نے لے کر دی ہوئی ہے،کوئی نہیں صبر کر لیں اسکو نہیں پتہ تھا کہ میں ٹھیک ہو جاؤں گا ،میں نے اپنے وکیلوں سے رابطہ کیا ہے اور ہسپتال سے ہی کہا ہے کہ نوٹسز بھجوائے جائیں، ابھی تویہ نوٹس ہیں ،جب میں‌جاؤں گا تو میں عدالت جاؤں گا ،پولیس میں جاؤں گا، میری اس سے لڑائی یہ ہے کہ میں کہتا ہوں کہ یہ آدمی دونمبر ،جھوٹا ہے،بھٹی فرینڈ کوٹ میں معطل سزا پر ہے، سزا ملنے پر عدالت چلے جائیں اور معافی مانگ لیں تو سزا معطل ہو جاتی ہے، آپ جیل میں نہیں ہیں لیکن آپ کے اوپر تلوار لٹکی ہوئی ہے،تبھی تو اس وجہ سے وہ پاکستان بیٹھا ہوا ہے، میں نے کبھی نہیں کہا کہ یہ گرفتار ہوا ،ابھی میرا کلیم غلط ہے تو ثابت کر دے،ان اخباروں نے خبر دی جس میں بھٹی ساری جائیداد فروخت کر کے بھی خبر نہیں لگوا سکتا،میں نے ایس ای سی پی کو بھی لکھا کہ یہ دس سال تک کوئی بزنس نہیں کر سکتا، میرے اوپر پیسے لگانا اس بیچارے کی کیا اوقات ہے،اب میں عدالت جاؤں گا پھر دیکھیے گا، اس کا خیال ہے میں اسے چھوڑ دوں گا تو ایسا نہیں ہو سکتا میں تو اس پوڈ کاسٹر کو بھی عدالت لے جاؤں گا، جس جس نے بھی کیا سب کی چیخیں نکلیں گی، یہ کتاب نہیں لکھ سکتا ،کرکٹ میچ کا آنکھوں دیکھا حال اردو یا انگلش میں لکھ دے ؟اس نے بھی جوبھی کیاسب جھوٹ پر مبنی ہے،میں نیشنل ہسپتال کے خلاف بھی عدالت جاؤں گا،