معرکہ حق میں شرمناک شکست کے بعد بھارت کی پاکستان کے خلاف ایک اور مذموم سازش ناکام ہو گئی
معرکہ حق میں پاکستان کے ہاتھوں دفاعی محاذ پر ہزیمت اٹھانے والا بھارت اب بے بنیاد الزامات پر اتر آیا،بھارتی اخبارات نے سابق سی آئی اے آفیسر کی ذاتی رائے کو بے بنیاد بیانیہ بنا کر پاکستان کے خلاف استعمال کرنا شروع کر دیا،وزارت اطلاعات ونشریات پاکستان نے بھارتی مودی میڈیا کے جھوٹے ہتھکنڈوں کا پردہ چاک کر دیا،آپریشن سندور کی ہزیمت مٹانے کیلئے بھارتی جریدے اکنامک ٹائمز، ٹائمز آف انڈیا اور لوکمت ٹائمز مضحکہ خیز بیانات پر اتر آئے،گودی میڈیا نے سابق سی آئی اے افسر جان کیریاکو، کے فرضی بیانات کے ذریعے بے بنیاد دعویٰ کیا،گودی میڈیا نے مضحکہ خیز دعویٰ کیا کہ "روایتی جنگ میں پاکستان بھارت کا سامنا نہیں کر سکے گا” بھارتی جریدوں نےمن گھڑت دعویٰ کیا کہ پاکستان کے ایٹمی ہتھیار ماضی میں امریکی پینٹاگون کے کنٹرول میں تھے،
حال ہی میں عالمی برادری آپریشن سندور میں پاکستان کے ہاتھوں بھارت کی عبرتناک شکست کا اعتراف کر چکی ہے ،وزارت اطلاعات ونشریات پاکستان کے مصدقہ ذرائع نے واضح کیا کہ؛سی آئی اے کے سابق آفیسر کے بیان کا کوئی ثبوت یا سرکاری ریکارڈ موجود نہیں ہے ،ڈی کلاسیفائیڈ انٹیلی جنس بتائی جانے والی حقیقت بالی وڈ کی جاسوسی اور ایکشن فلموں سے زیادہ کچھ نہیں ،سابق سی آئی اے آفیسر جان کیریاکو ریٹائرمنٹ کے بعد سے ہی متنازعہ بیانات دے رہا ہے،پاکستان کی نیشنل کمانڈ اتھارٹی ہمیشہ سے ایٹمی اثاثوں پر مکمل کنٹرول رکھتی ہے