پیپلز پارٹی کی سینیٹر روبینہ خالد نے ن لیگ کے رانا ثناء اللہ کو جواب دیتے ہوئے کہا ہے کہ ’کچھ لوگ کہتے ہیں کہ بینظیر انکم سپورٹ پروگرام لوگوں کو بھکاری بنا رہا ہے۔ ایسے لوگوں کو اُن تمام خاندانوں سے معافی مانگنی چاہیے جو بینظیر انکم سپورٹ پروگرام سے فائدہ اُٹھا رہے ہیں۔ بینظیر انکم سپورٹ پروگرام لوگوں کو بھکاری نہیں بنا رہا، بلکہ انہیں بھکاری بننے سے بچا رہا ہے
چیئرپرسن بی آئی ایس پی سینیٹر روبینہ خالد نے پریس کانفرنس کرتے ہوئے کہا کہ بینظیر انکم سپورٹ پروگرام کی ساکھ بین الاقوامی ہے.بی آئی ایس پی دنیا میں تخفیف غربت کا سب سے بڑا پروگرام ہے.دیگر ممالک بھی بی آئی ایس پی کی تقلیدکررہے ہیں.بی آئی ایس پی کے ذریعے نادارخاندانوں کو امدادفراہم کی جارہی ہے .یقیناًہر پروگرام میں مسائل ہوتے ہیں جنہیں دورکیاجاتاہے.بی آئی ایس پی ایک کروڑ لوگوں کی کفالت کرتا ہے. بی آئی ایس پی سفید پوش لوگوں کیلئے ہے.ریاست اپنی عوام کی عزت نفس کو بچانے کیلئے یہ پروگرام چلا رہی ہے.صدر مملکت اور وزیراعظم کوبی آئی ایس پی پر پورا اعتماد ہے.ماہ رمضان کا ریلیف پیکج بھی بی آ ئی ایس پی کے توسط سے دیا گیا.وزیراعظم نے کہاہے اس پروگرام کو مزید مربوط کیا جائے.سماجی تحفظ ریاست کی ذمہ داری ہے.بی آئی ایس پی صرف مالی معاونت نہیں بلکہ تعلیمی وسائل بھی فراہم کرتا ہے.اس پروگرام میں خاص طور پر بچیوں کی تعلیم پر خرچ کیا جاتا ہے. پروگرام سے 1 کروڑ 20 لاکھ بچے تعلیم حاصل کر رہے ہیں.نادرا کے بعد سب سے بڑا پروگرام ڈیٹا بینظیر انکم سپورٹ پروگرام ہے.غریب کے بچوں کی صحت اور تعلیم ریاست کی ذمہ داری ہے، اور بینظیر انکم سپورٹ پروگرام اس ذمہ داری کو بخوبی نبھا رہا ہے۔یہ ملک صرف امیروں کے لیے نہیں ہے۔ جو لوگ یہ کہتے ہیں کہ بی آئی ایس پی کی معمولی رقم سے غریب کا کیا ہوگا، یہ سب بھرے پیٹ کی باتیں کرتے ہیں۔ لیکن جس گھر میں فاقہ ہو، اُس کے لیے یہ رقم ایک بڑی سہولت اور ریلیف ہے۔
