Blog

امریکی اور اسرائیلی حملے میں شہید ہونے والے ایران کے سپریم لیڈر آیت اللہ سید علی خامنہ ای کی نمازِ جنازہ کی تیاریاں اپنے عروج پر پہنچ گئی ہیں۔

ایرانی میڈیا کے مطابق نمازِ جنازہ کل تہران کے امام خمینی گرینڈ مصلیٰ میں ادا کی جائے گی، جہاں ملکی و غیر ملکی شخصیات کی بڑی تعداد کی شرکت متوقع ہے۔رپورٹس کے مطابق شہید آیت اللہ علی خامنہ ای کے جسدِ خاکی کو آخری رسومات کے لیے تہران منتقل کر دیا گیا ہے۔ نمازِ جنازہ میں دنیا بھر سے تقریباً 100 ممالک کے مندوبین، متعدد سربراہانِ مملکت، مذہبی رہنما، سیاسی شخصیات اور علمی حلقوں کے نمائندوں کی شرکت متوقع ہے، جبکہ ایرانی ذرائع کے مطابق جلوسِ جنازہ میں ایک کروڑ سے زائد افراد شریک ہو سکتے ہیں۔ایران میں امام خمینی گرینڈ مصلیٰ میں غیر ملکی وفود کی جانب سے شہید رہبرِ انقلاب کو خراجِ عقیدت پیش کرنے کی تقریب جاری ہے۔ عراق کی حشد الشعبی کی اعلیٰ قیادت سمیت مختلف ممالک کے سیاسی، مذہبی اور علمی رہنماؤں نے شہید رہنما کے جسدِ خاکی پر حاضری دی اور تعزیت کا اظہار کیا۔

ایرانی میڈیا کے مطابق امام خمینی حسینیہ میں منعقدہ الوداعی تقریب کے دوران شہید آیت اللہ علی خامنہ ای کے جسدِ خاکی کو انتہائی عقیدت و احترام کے ساتھ ہال میں لایا گیا، جہاں ہزاروں سوگواروں نے "لبیک یا خامنہ ای” اور دیگر انقلابی نعروں کے ساتھ اپنے قائد کو الوداع کہا۔سرکاری اطلاعات کے مطابق نمازِ جنازہ کے بعد شہید رہبرِ انقلاب کے جسدِ خاکی کو تہران سے قم منتقل کیا جائے گا، جہاں عوام آخری دیدار کریں گے۔ اس کے بعد میت کو عراق کے مقدس شہروں نجف اشرف اور کربلا لے جایا جائے گا، جبکہ بعد ازاں جسدِ خاکی کو دوبارہ ایران لا کر مشہد مقدس میں سپردِ خاک کیا جائے گا۔

دوسری جانب ایران کے خاتم الانبیا بریگیڈ نے سخت انتباہ جاری کرتے ہوئے کہا ہے کہ اگر امریکا یا اسرائیل نے شہید آیت اللہ علی خامنہ ای کی نمازِ جنازہ یا جلوس کے دوران کسی بھی قسم کی جارحیت کی کوشش کی تو اس کا نہایت سخت اور فیصلہ کن جواب دیا جائے گا۔بریگیڈ کے بیان میں کہا گیا ہے کہ "دشمن شہید رہبرِ انقلاب کے جنازے کو نشانہ بنانے سے قبل دو مرتبہ سوچ لے، کیونکہ ایسی کسی بھی کارروائی کے نتائج انتہائی سنگین ہوں گے۔”

ایران بھر میں سکیورٹی کے غیر معمولی انتظامات کیے گئے ہیں جبکہ لاکھوں زائرین اور سوگوار مختلف شہروں سے تہران پہنچ رہے ہیں۔ ایرانی حکام کے مطابق یہ تقریب ملکی تاریخ کے سب سے بڑے عوامی اجتماعات میں سے ایک ثابت ہو سکتی ہے۔

نئی دہلی: بھارت میں رام مندر کے فنڈز میں مالی بے ضابطگیوں کے الزامات نے ایک نئی سیاسی بحث کو جنم دے دیا ہے، جبکہ مختلف میڈیا رپورٹس اور تجزیوں میں دعویٰ کیا گیا ہے کہ مندر کو ملنے والے عطیات کے استعمال پر سنگین سوالات اٹھائے جا رہے ہیں۔

رپورٹس کے مطابق رام مندر کو ماہانہ تقریباً 40 ملین سے 100 ملین بھارتی روپے تک عطیات موصول ہوتے ہیں، تاہم ان فنڈز کے استعمال میں مبینہ کرپشن اور بے ضابطگیوں کے الزامات سامنے آئے ہیں۔ بلومبرگ سے منسوب رپورٹس کے مطابق عطیات کے انتظام اور اخراجات کے حوالے سے شفافیت پر سوالات اٹھائے گئے ہیں۔

بھارتی سیاسی تجزیہ کاروں کا دعویٰ ہے کہ عوام کی جانب سے مذہبی عقیدت کے تحت دیے گئے عطیات کا ایک حصہ مبینہ طور پر اپنے اصل مقصد کے بجائے دیگر مقاصد کے لیے استعمال کیا گیا، جس پر اپوزیشن اور ناقدین نے شدید تحفظات کا اظہار کیا ہے۔ادھر بھارتی خبر رساں ادارے دی وائر سے منسوب اطلاعات میں دعویٰ کیا گیا ہے کہ ان مبینہ بے ضابطگیوں سے متعلق زیرِ بحث ٹرسٹ میں مودی حکومت کے نامزد افراد اور آر ایس ایس کے نمائندے بھی شامل ہیں،

سیاسی مبصرین کے مطابق یہ معاملہ نہ صرف مذہبی عطیات کے انتظام بلکہ حکومتی شفافیت اور احتساب کے حوالے سے بھی اہمیت اختیار کر گیا ہے، جبکہ اپوزیشن جماعتیں اس معاملے پر آزادانہ تحقیقات کا مطالبہ کر رہی ہیں۔مودی عوام کی آنکھوں میں مسلسل دھول جھونک کر اقتدار بچانے کی ناکام کوشش کر رہا ہے

تہران: ایران کی پاسدارانِ انقلاب (IRGC) کے قائم مقام کمانڈر احمد وحیدی امریکا اور اسرائیل کے ساتھ حالیہ جنگ کے آغاز کے بعد پہلی مرتبہ عوامی سطح پر منظرِ عام پر آ گئے۔

احمد وحیدی نے تہران میں منعقدہ ایک تقریب میں شرکت کی، جہاں سابق ایرانی سپریم لیڈر آیت اللہ علی خامنہ ای کی آخری رسومات اور تدفین کی تیاریوں کا جائزہ لیا جا رہا تھا۔ایرانی حکام کے مطابق سابق سپریم لیڈر آیت اللہ علی خامنہ ای کی تدفین کے انتظامات مکمل کیے جا رہے ہیں۔

اس سلسلے میں سابق سپریم لیڈر کا تابوت جمعرات کی شام جنوبی تہران میں واقع امام خمینی حسینیہ کے قریب قائم تعزیتی مقام پر پہنچایا گیا، جہاں اعلیٰ ایرانی حکام، عسکری شخصیات اور دیگر اہم رہنماؤں نے حاضری دے کر خراجِ عقیدت پیش کیا۔احمد وحیدی کی عوامی تقریب میں شرکت کو حالیہ جنگ کے بعد ایک اہم پیش رفت قرار دیا جا رہا ہے، جبکہ ایران میں سابق سپریم لیڈر کی تدفین کے سلسلے میں سرکاری سطح پر تیاریاں تیزی سے جاری ہیں۔

انتہاپسند مودی کے زیراقتداربھارت میں مسلم خواتین کیخلاف نفرت عروج پر، ہندوتوا کا اصل چہرہ عالمی سطح پرآشکارہو گیا

عالمی جریدہ الجزیرہ کے مطابق مصنوعی ذہانت کوبھارت میں مسلم خواتین کے خلاف ہتھیارکے طورپراستعمال کیا جارہا ہےہندوتوا پرکاربند بھارت میں مسلم خواتین کئی سالوں سے آن لائن ہراسانی اورنفرت انگیزمہمات کا نشانہ بنتی رہی ہیں، اے آئی کےذریعے مسلم خواتین کو نشانہ بناتے ہوئے جعلی اور نازیبا تصاویراورگمراہ کن پروپیگنڈا تیارکیا جارہا ہے، بھارت میں مسلم خواتین کی تصاویراورویڈیوزکوغیراخلاقی تصاویرمیں تبدیل کرکے نازیبا مناظرمیں دکھایا جارہا ہے، صرف مئی 2023 سے مئی 2025 میں 1300ہزارویڈیوزبنائی گئیں جن میں مسلم خواتین کو نازیبا خاکوں میں دکھایا گیا ،