Blog

امریکا اور ایران کے درمیان حال ہی میں طے پانے والے تاریخی مفاہمتی یادداشت (ایم او یو) کے بعد دونوں ممالک کے درمیان مذاکرات کا پہلا باضابطہ دور آج سوئٹزرلینڈ میں شروع ہونے جا رہا ہے۔

اہم سفارتی پیش رفت کے سلسلے میں ایرانی وزیر خارجہ عباس عراقچی بھی آج سوئٹزرلینڈ روانہ ہوں گے، جبکہ تہران نے ثالثی کا کردار ادا کرنے والے ممالک کو بھی مذاکراتی عمل سے متعلق آگاہ کر دیا ہے۔ذرائع کے مطابق ایران نے امریکا کے ساتھ مذاکرات کو لبنان میں جنگ بندی سے مشروط کر رکھا ہے، جبکہ یہ مذاکرات مختلف ثالث ممالک کی موجودگی میں منعقد ہوں گے۔ امریکی خصوصی نمائندے اسٹیو وٹکوف بھی مذاکرات میں شرکت کے لیے سوئٹزرلینڈ روانہ ہو چکے ہیں، جبکہ جیرڈ کشنر پہلے ہی برگن اسٹاک میں موجود ہیں۔امریکی میڈیا رپورٹس کے مطابق ایرانی وزیر خارجہ عباس عراقچی کی آج سوئٹزرلینڈ آمد متوقع ہے، جہاں وہ مذاکراتی عمل میں شرکت کریں گے۔ دوسری جانب امریکا کے نائب صدر جے ڈی وینس کی بھی جلد سوئٹزرلینڈ روانگی کا امکان ظاہر کیا جا رہا ہے۔

واضح رہے کہ امریکا اور ایران کے درمیان حتمی معاہدے کے لیے ساٹھ روز کی مدت مقرر کی گئی ہے،مذاکرات کے دوران متعدد تکنیکی، مالی اور سفارتی امور پر تبادلہ خیال کیا جائے گا، جبکہ ایران کے جوہری پروگرام، خصوصاً افزودہ یورینیم کے ذخائر اور ان سے متعلق معاملات بھی ایجنڈے کا اہم حصہ ہوں گے۔تجزیہ کاروں کے مطابق یہ مذاکرات مشرقِ وسطیٰ میں کشیدگی کم کرنے اور دونوں ممالک کے درمیان تعلقات میں بہتری کی جانب ایک اہم پیش رفت ثابت ہو سکتے ہیں۔

امریکی صدر ڈونلڈ ٹرمپ نے کہا ہے کہ پاکستانی فیلڈ مارشل عاصم منیر اور پاکستان کے وزیراعظم عظیم ہیں، پاکستانی رہنماؤں نے ایران سے ڈیل میں بہت مدد دی۔

صدر ڈونلڈ ٹرمپ کی جانب سے ایک بار پھر پاکستان کے وزیراعظم اور فیلڈ مارشل عاصم منیر کی تعریف کی گئی ہے،صدر ٹرمپ نے امریکی ویب سائٹ کو انٹرویو دیتے ہوئے کہا کہ فیلڈ مارشل عاصم منیر عظیم آدمی ہیں اور پاکستان کے وزیراعظم بھی عظیم ہیں،امریکی صدر نے کہا کہ فیلڈ مارشل عاصم منیر اپنے وزیراعظم کا مکمل احترام کرتے ہیں جو بہت خوبصورت بات ہے،ٹرمپ نے کہا کہ پاکستانی رہنماؤں نے ایران سے ڈیل میں بہت مدد دی، پاکستانی قیادت ایرانی قیادت اور ایرانی قوم کو جانتی تھی۔

بعد ازاں امریکی صدر ڈونلڈ ٹرمپ نے ایک تقریب سے خطاب کرتے ہوئے کہا کہ چینی صدر ستمبرمیں امریکا کا دورہ کریں گے، ایران کے معاملے میں چین نے بھی اہم کردار اداکیا، چین ایران سے اپنی ضروریات کا 50 فیصد تیل خریدتا ہے۔ اسرائیل کے ساتھ امریکا کے بہترین تعلقات ہیں، صدر ٹرمپ نے کہا کہ رواں سال کسی وقت دوبارہ چین جاؤں گا

امریکی صدر ڈونلڈ ٹرمپ کا خصوصی طیارہ "ائیر فورس ون” 35 سالہ سروسز پوری کرکے ریٹائر کردیا گیا، قطر کی جانب سے امریکی صدر کو تحفے میں دیا گیا 40 کروڑ ڈالر مالیت کا بوئنگ طیارہ نیا "بوئنگ ائیر فورس ون” بنے گا۔

امریکی صدر کیلئے مختص بوئنگ 747 طیارہ 35 سال سے زائد عرصے تک امریکی صدور کیلئے سفری خدمات فراہم کرتا رہا،امریکی صدر ڈونلڈ ٹرمپ نے فرانس میں جی سیون سربراہی اجلاس میں شرکت کے بعد اس طیارے سے واشنگٹن تک کی آخری پرواز کی،امریکی کمیونیکیشن ڈائریکٹر اسٹیون چیونگ نے اس پرواز کے حوالے سے سوشل میڈیا پر طیارے کی تصویر شیئر کرکے "شاباش، اچھا اور وفادار بندہ” لکھ کر "آخری سواری” تحریر کیا،امریکی صدر کا خصوصی بوئنگ طیارہ 35 سال بعد ریٹائرڈ، قطر کا 40 کروڑ ڈالر کا طیارہ نیا ائیر فورس ون بنے گا

امریکی حکومت کی جانب سے ایک سال قبل قطر کی طرف سے تحفے میں دیے گئے لگثری بوئنگ 747 طیارے کو نئے ‘ائیر فورس ون’ کے متبادل اور عارضی صدارتی طیارے کے طور پر فضائی بیڑے میں شامل کیا جا رہا ہے،ریٹائرڈ طیارہ 1990 میں امریکی فضائیہ کے بیڑے میں شامل ہوا تھا۔ اس طیارے نے جارج ایچ ڈبلیو بش سے لے کر ڈونلڈ ٹرمپ تک امریکی صدور کو سینکڑوں عالمی سربراہی اجلاسوں، اہم سفارتی مشنز اور کئی تاریخی مواقع پر سفری خدمات فراہم کیں،امریکی صدر دنیا بھر میں جہاں بھی جاتے ہیں سفید اور نیلے رنگ کا یہ جہاز امریکی صدر کی ایک متحرک علامت بن گیا تھا۔