Blog

امریکی ارب پتی شخصیت جیف بیزوز اپنی اہلیہ کے ہمراہ میٹ گالا 2026 میں اعزازی مشترکہ چیئرپرسن مقرر کیے جانے کے بعد شدید تنقید کی زد میں آ گئے ہیں۔

بین الاقوامی رپورٹس کے مطابق جیف بیزوز پر الزام عائد کیا جا رہا ہے کہ انہوں نے میٹ گالا 2026 میں نمایاں مقام حاصل کرنے کے لیے 10 سے 20 ملین ڈالر تک خرچ کیے۔ ذرائع کا دعویٰ ہے کہ یہ اقدام محض روایتی سرپرستی نہیں بلکہ ثقافتی اثر و رسوخ خریدنے کی کوشش کے طور پر دیکھا جا رہا ہے، جس نے امیر شخصیات کے بڑھتے ہوئے کنٹرول پر نئی بحث چھیڑ دی ہے۔رپورٹ میں ایک ذریعے کے حوالے سے کہا گیا ہے کہ ماضی میں میٹ گالا میں شرکت اور اہم ذمہ داریاں تخلیقی صلاحیت، فیشن میں اثر و رسوخ اور میرٹ کی بنیاد پر دی جاتی تھیں، تاہم اب اس کی نوعیت بدلتی دکھائی دے رہی ہے اور تقریب زیادہ تر مالی لین دین پر منحصر محسوس ہوتی ہے۔

سابق ووگ ایونٹ منتظم نے بھی اس صورتحال پر ردِعمل دیتے ہوئے کہا کہ میٹ گالا کی اصل روح متاثر ہو رہی ہے اور فیشن انڈسٹری میں اس تبدیلی پر تشویش پائی جا رہی ہے۔دوسری جانب شوبز اور فیشن حلقوں میں بھی بے چینی بڑھ رہی ہے۔ بین الاقوامی میڈیا رپورٹس کے مطابق کئی معروف شخصیات نے مبینہ طور پر اس سال کے ایونٹ سے دور رہنے کا فیصلہ کیا ہے، جس سے تقریب کے وقار اور شفافیت سے متعلق سوالات مزید شدت اختیار کر گئے ہیں۔

آپریشن سندور میں عبرتناک شکست کی پہلی سالگرہ منانے والے بھارتیوں کے لیے بدھ کی رات ایک دھماکہ خیز تحفہ لائی۔

اتر پردیش کے گریٹر نوئیڈا کے سیکٹر 1 میں ایک رہائشی مکان میں ایئر کنڈیشنر کے دھماکے سے زبردست آگ بھڑک اٹھی۔ دھواں کے سیاہ بادل اٹھتے دیکھ کر محلے والوں کے ہوش اڑ گئے اور فوراً چیخ و پکار مچ گئی کہ یہ تو IED بلاسٹ ہے، لوگ گھروں سے باہر نکل آئے۔ ادارے حرکت میں آگئے۔ عینی شاہدین نے بتایا کہ رات تقریباً 10:15 بجے اے سی کمپریسر میں دھماکہ ہوا جس سے آگ کی لپیٹیں آسمان کو چھو رہی تھیں۔ فائر بریگیڈ کی گاڑیاں تو پہنچ گئیں مگر سوشل میڈیا پر فوراً پاکستان نے ایک اور دھماکہ کر دیا کی تھیوریاں چل پڑیں۔ ایک صارف نے لکھا ہر دھماکہ سن کر لگتا ہے آئی ایس آئی کا کام ہے، اب تو اے سی بھی پاکستان سے کنٹرول ہوتے ہیں!

ماہرین کا کہنا ہے کہ گرمی کی شدت اور بجلی کے وولٹیج کے اتار چڑھاؤ کی وجہ سے اے سی بلاسٹ عام بات ہے، مگر بھارتیوں کا پاکستان فوبیا اتنا شدید ہے کہ ایک عام گھریلو حادثے کو بھی دہشت گردی قرار دے دیا جاتا ہے۔ یاد رہے کہ چند روز قبل دہلی کے وویک ویہار میں بھی اے سی بلاسٹ سے آگ لگی تھی جس میں جانی نقصان ہوا، اس پر بھی را والوں نے پاکستان کا نام لینا شروع کر دیا تھا۔ بھارتی پولیس نے اب تک کسی جانی نقصان کی تصدیق نہیں کی، البتہ تفتیش جاری ہے۔

ذرائع کے مطابق ابتدائی رپورٹس میں شارٹ سرکٹ کی بات کی جا رہی ہے مگر کچھ قومی سلامتی کے ماہرین اصرار کر رہے ہیں کہ یہ کوئی عام بلاسٹ نہیں، پیچھے بڑا ہاتھ ہے۔ آپریشن سیندور کی سالگرہ پر بھارت جہاں اپنی شکست خوردہ فتح منا رہا تھا وہیں معمولی دھماکوں کی آوازوں نے ان کی نیندیں اڑا رکھی ہیں۔ کیا واقعی پاکستان اتنا طاقتور ہے کہ بھارتی اے سی بھی اس کے اشارے پر پھٹتے ہیں؟ یا پھر بھارتیوں کا خود ساختہ خوف ہی ان کا سب سے بڑا دشمن ہے؟ دیکھتے ہیں کب تک "را” والے پاکستان پر الزام لگانے کا کوئی ثبوت ڈھونڈ لیتے ہیں! 

ایران کے دارالحکومت تہران میں گزشتہ رات ایرانی حکومت کے حق ریلی نکالی گئی جہاں بڑی تعداد میں شہریوں نے ملک کی قیادت کے حق میں مظاہرہ کیا۔ شرکاء نے ایرانی پرچم اٹھا رکھے تھے جبکہ اسرائیل ،امریکہ مخالف نعرے اور گانے بھی ریلی کا حصہ رہے۔

ریلی میں متعدد افراد نے ایران کے سابق سپریم لیڈر آیت اللہ خامنہ ای کی تصاویر بھی اٹھا رکھی تھیں، جو فروری میں امریکا اور اسرائیل کے مشترکہ فضائی حملے میں مارےگئے تھے۔ریلی اور مظاہروں میں خواتین اور بچوں کی بھی بڑی تعداد شریک تھی، شرکا ایرانی حکومت کے ساتھ یکجہتی کا اظہار کر رہے تھے،خواتین نے پرچم بھی اٹھا رکھے تھے،خبر رساں ادارے رائٹرز کے مطابق یہ ریلی ایسے وقت میں سامنے آئی ہے جب ایران کی داخلی سیاسی صورتحال اور عوامی حمایت پر عالمی سطح پر بحث جاری ہے۔ مبصرین کا کہنا ہے کہ اگرچہ ایرانی عوام کی بڑی تعداد حکومت کی پالیسیوں کی مکمل حمایت نہیں کرتی، تاہم ملک میں اب بھی حکومت کے حامی حلقے موجود ہیں۔

تجزیہ کاروں کے مطابق بعض افراد ایسی ریلیوں میں حکومتی دباؤ، سماجی توقعات یا روایتی وابستگی کے باعث بھی شرکت کرتے ہیں، ضروری نہیں کہ تمام شرکاء حکومت کے پُرجوش حامی ہوں۔رائٹرز کی جانب سے جاری تصاویر میں ریلی کے دوران سکیورٹی کے سخت انتظامات، ایرانی پرچموں کی بہار اور حکومت کے حق میں نعرے بازی دیکھی جا سکتی ہے۔

قابض بھارتی فورسزکے بڑھتے مظالم کے باعث مقبوضہ منی پور میں آزادی کی تحریکیں زور پکڑ گئیں۔ منی پور میں اپریل اورمئی2026 میں بھارتی فورسزسے جھڑپوں کی وجہ سے حالات مزید کشیدہ ہو گئے۔

منی پور میں7اپریل کو بڑے پیمانے پراحتجاجی مظاہرے شروع ہوئے جن پر بھارتی فورسزنے سیدھے فائر کھول دئیے۔ منی پور میں 8 اپریل کو عوامی غصہ احتجاج اور تشدد کی شکل اختیار کر گیا اور بڑے پیمانے پر نقصانات ہوئے۔پرتشدد احتجاج اور جلاؤ گھیراؤ کے بعد منی پور میں ایک بار پھر کرفیو نافذ کرکے انٹرنیٹ بھی بند کر دیا گیا۔ منی پور میں بھارتی قابض فورسز کی نہتے شہریوں پر فائرنگ سے 8 سے زائد افراد ہلاک اور متعدد زخمی ہوئے۔ بڑھتی تحریکوں کو دبانے کیلئے قابض بھارتی فورسز نے منی پور کے مختلف علاقوں میں بڑے پیمانے پر آپریشن کیے۔ بھارتی فورسز کے آپریشن اور سول وار جیسی سنگین صورتحال میں منی پور کے 60 ہزار سے زائد افراد بے گھر ہو چکے ہیں۔

منی پور میں عوامی مظاہروں اور مزاہمت کے باعث معاشی سرگرمیاں معطل اور تعلیم و ٹرانسپورٹ شدید متاثر ہیں۔ ماہرین کے مطابق؛منی پور کے بے گناہ عوام مسلسل مودی کی حکومت کی جابرانہ پالیسیوں اور غاصب فوج کی سفاکیت کا نشانہ بن رہے ہیں۔ انسانی حقوق کی پامالیاں اور ہزاروں افراد کا گھروں سے بے دخل ہونا منی پور میں سنگین انسانی بحران کی واضح عکاسی ہے۔