Blog

امریکی صدر ڈونلڈ ٹرمپ نے کہا ہے کہ صدارت کے بعد وہ اسرائیل جا کر وزارتِ عظمیٰ کا انتخاب بھی لڑ سکتے ہیں۔

میڈیا بریفنگ کے دوران ڈونلڈ ٹرمپ نے دعویٰ کیا کہ اسرائیل میں ان کی مقبولیت انتہائی زیادہ ہے۔ انہوں نے کہا کہ “اس وقت اسرائیل میں میری مقبولیت 99 فیصد ہے، میں تو وہاں وزیرِ اعظم کے لیے بھی الیکشن لڑ سکتا ہوں۔”ٹرمپ نے مزید کہا کہ “شاید یہ سب کرنے کے بعد میں اسرائیل چلا جاؤں اور وہاں کا وزیرِاعظم بننے کی کوشش کروں، آج صبح میرے پاس ایک پول آیا جس میں میری مقبولیت 99 فیصد تھی۔”

یہ بیان ایسے وقت سامنے آیا ہے جب ٹرمپ اور اسرائیلی وزیرِ اعظم کے درمیان ایران سے متعلق بڑھتی کشیدگی پر اہم ٹیلیفونک رابطہ ہوا ہے۔ ذرائع کے مطابق دونوں رہنماؤں نے مشرقِ وسطیٰ کی صورتحال اور ایران کے معاملے پر تبادلۂ خیال کیا۔ڈونلڈ ٹرمپ نے گفتگو کے دوران نیتن یاہو کا دفاع بھی کیا اور کہا کہ اسرائیلی عوام اپنے وزیرِ اعظم کے ساتھ مناسب رویہ اختیار نہیں کر رہے۔

اگرچہ مختلف سرویز کے مطابق اسرائیل میں ٹرمپ کو دیگر کئی ممالک کے مقابلے میں نسبتاً زیادہ عوامی حمایت حاصل ہے، تاہم 99 فیصد مقبولیت کے دعوے کو مبالغہ آرائی قرار دیا جا رہا ہے، جسے مبصرین ٹرمپ کے مخصوص اندازِ گفتگو کا حصہ سمجھتے ہیں۔

افغانستان میں طالبان رجیم اپنے ناجائز تسلط کو برقرار رکھنے کیلئےعالمی دہشتگرد تنظیموں کی سرپرستی کا خطرناک کھیل کھیل رہی ہے

چینی صدر شی جن پنگ اور روسی صدر ولادیمیر پیوٹن کے درمیان ہونے والی ملاقات کے بعد ایک مشترکہ اعلامیہ جاری کیا گیا ہے، جس میں دونوں ممالک نے افغان سرزمین سے پنپتی دہشت گردی اور انتہا پسندی پر شدید تشویش کا اظہار کرتے ہوئے اسے علاقائی اور عالمی سلامتی کے لیے بڑا خطرہ قرار دیا ہے۔ مشترکہ اعلامیہ میں اس بات پر زور دیا گیا ہے کہ افغانستان میں پائیدار امن، مستحکم سیاسی نظم اور سیکیورٹی کا فوری قیام ناگزیر ہے، جبکہ عالمی برادری افغان سرزمین کو پڑوسی ممالک کے خلاف استعمال ہونے سے روکنے کے لیے تعاون بڑھائے۔ عالمی ماہرین کے مطابق، طالبان رجیم کی جانب سے دہشت گرد گروہوں کی سرپرستی پورے خطے کے امن کے لیے مستقل خطرہ بن چکی ہے اور روس و چین کا یہ مشترکہ اعلامیہ افغان سرزمین پڑوسی ممالک کے خلاف استعمال ہونے سے متعلق پاکستان کے اصولی مؤقف کی تائید ہے۔

مقبوضہ جموں و کشمیر میں قابض بھارتی انتظامیہ کی مسلمانوں کے خلاف بربریت اور سفاکیت عروج پر پہنچ گئی ہے، جہاں ایک منظم استحصال کے تحت جنگلات کی زمین قرار دے کر 60 کنال پر مشتمل قبائلی برادری کے درجنوں گھروں کو مسمار کر دیا گیا ہے۔

بھارتی جریدے ‘دی ٹیلی گراف آن لائن’ کے مطابق مقبوضہ کشمیر کے وزیرِ جنگلات جاوید رانا نے اس کارروائی کو وحشیانہ اور متعصبانہ قرار دیتے ہوئے کہا ہے کہ یہ مسلمان ان وراثتی زمینوں پر کئی دہائیوں سے رہائش پذیر ہیں اور اس مسماری کا مقصد ایک منظم اور ظالمانہ بے دخلی سے مسلمانوں کو خوفزدہ کرنا ہے۔ دوسری جانب ماہرین کا کہنا ہے کہ قابض انتظامیہ کی یہ ظالمانہ کارروائیاں خوف کی فضا قائم رکھنے اور آبادیاتی توازن بدلنے کی سازش ہیں، جس پر عالمی برادری مزید خاموش نہیں رہ سکتی۔

بھارت ریاست آندھرا پردیش کے وزیر اعلیٰ چندرابابو نائیڈو نے ریاست میں گرتی ہوئی شرحِ پیدائش پر قابو پانے کے لیے خاندان کو تیسرے اور چوتھے بچےکی پیدائش پر ہزاروں روپے نقد انعام دینے کا اعلان کیا ہے۔

بھارتی میڈیا کے مطابق وزیرِاعلیٰ نائیڈو نے کہا کہ اگرچہ وہ ماضی میں آبادی پر قابو پانے کے حامی رہے ہیں، لیکن اب وقت آ گیا ہے کہ معاشرہ مل کر شرحِ پیدائش میں اضافے کے لیے کام کرے،ایک عوامی اجتماع سے خطاب کرتے ہوئے آندھرا پردیش کے وزیرِاعلیٰ نے کہا کہ آبادی میں اضافے کو فروغ دینے کیلئے تیسرے بچے کی پیدائش پر 30 ہزار روپے اور چوتھے بچے کی پیدائش پر 40 ہزار روپے کی رقم ملے گی،حکومت ایک ماہ کے اندر اس پالیسی کی مزید تفصیلات جاری کرے گی۔

وزیر اعلیٰ نائیڈو کا یہ تازہ اعلان اس سے پہلے دی گئی اس تجویز کے بعد سامنے آیا ہے جس میں دوسرے بچے کی پیدائش پر 25 ہزار روپے دینے کی بات کی گئی تھی۔،5 مارچ کو وزیرِاعلیٰ نے ریاستی اسمبلی کو بتایا تھا کہ حکومت دوسرے بچے کے لیے 25 ہزار روپے دینے پر غور کر رہی ہے،تاہم بعد ازاں وزیرِ صحت ستیہ کمار یادو نے خبر رساں ادارے پی ٹی آئی کو بتایا تھا کہ حکومت نے یہ رقم تیسرے اور اس سے زائد بچوں والے خاندانوں تک بڑھانے کا فیصلہ کیا ہے،نائیڈو کے مطابق، آمدن میں اضافے کے ساتھ کچھ جوڑے صرف ایک بچے پر اکتفا کر رہے ہیں، جبکہ بعض افراد دوسرے بچے کا فیصلہ صرف اسی صورت میں کرتے ہیں جب پہلا بچہ بیٹا نہ ہو۔