اسلام آباد ہائیکورٹ نے وفاقی دارالحکومت میں آوارہ کتوں کو زہر دینے،گولی مارنے یا تلف کرنے پر مستقل پابندی عائد کردی ہے
جسٹس خادم حسین سومرو نے اسلام آباد میں آوارہ کتوں کی آبادی کنٹرول کرنے اور ان پر تشدد کےخلاف درخواست کا 24 صفحات پر مشتمل تفصیلی فیصلہ جاری کیا،عدالت نے اسلام آباد میں آوارہ کتوں کو زہر دینے، گولی مارنے یا تلف کرنے پرمستقل پابندی عائد کرنے اور آوارہ کتوں کی آبادی پر قابو پانے کے لیے ٹریپ، اسٹریلائز اور ویکسین اپنانے کی ہدایت کی،ہائیکورٹ نے وائلڈ لائف مینجمنٹ بورڈ، سی ڈی اے اور دیگر فریقین کو پالیسی پر عمل درآمد کا حکم دیا ہے۔