Blog

‎امریکی ریاست نبراسکا کے شہر اوماہا میں چلتی ٹریفک کے دوران سڑک اچانک دھنس گئی، جس کے نتیجے میں سگنل پر کھڑی دو گاڑیاں گڑھے میں جا گریں۔ خوش قسمتی سے دونوں ڈرائیور محفوظ رہے۔
‎پولیس کے مطابق واقعہ اس وقت پیش آیا جب ایک سرخ جیپ ایس یو وی اور ایک پک اپ ٹرک ٹریفک سگنل پر رکے ہوئے تھے کہ اچانک ان کے نیچے زمین بیٹھ گئی اور چند لمحوں میں گہرا گڑھا بن گیا جس نے دونوں گاڑیوں کو اپنی لپیٹ میں لے لیا۔
‎اوماہا پولیس کے لیفٹیننٹ ڈین مارٹن نے کہا کہ یہ واقعہ انتہائی غیر متوقع تھا اور وہاں موجود افراد کے لیے حیران کن ثابت ہوا۔
‎ریسکیو اہلکاروں کے پہنچنے سے پہلے ہی دونوں ڈرائیور اپنی مدد آپ کے تحت گاڑیوں سے نکل کر محفوظ مقام پر پہنچ گئے۔ پولیس کے مطابق کسی بھی شخص کے زخمی ہونے کی اطلاع نہیں ملی۔
‎واقعے کے بعد حکام نے احتیاطی طور پر شاہراہ کو بند کر دیا ہے اور مرمتی کام مکمل ہونے تک سڑک کئی روز تک بند رہنے کا امکان ہے۔

‎برازیل کی ریاست پارانا کے شہر کسکیول میں ایک شخص پر کتوں نے جان لیوا حملہ کیا تاہم غیر متوقع طور پر جیب میں موجود فون دھماکے سے پھٹنے سے وہ کتے کے کاٹنے سے محفوظ رہا۔

رینالڈو، جو ایک کار مکینک ہے، پیدل جا رہا تھا کہ اچانک اس پر دو بڑے کتوں نے گھیر کر حملہ کردیا۔ اس نے اپنی جان بچانے کی کوشش شروع کر دی۔ رینالڈو کے مطابق حملہ آور کتوں میں سے ایک گلے کی طرف لپکا، میں نے اسے مارا، لیکن پھر اس نے میری ٹانگ کاٹنے کی کوشش کی اور میری جیب میں موجود فون کو ہی پکڑ لیا اور اس کی بیٹری پھٹ گئی۔

گو کہ یہ خطرناک تھا، لیکن اس نے مجھے بچا لیا۔ فون صرف 20 دن پرانا تھا، مگر اس سے جان بچ گئی تاہم اس سے اس کی ہاف پینٹ جل گئیں اور ٹانگ پر جلنے کے زخم بھی آئے، لیکن حملہ آور کتے گھبرا گئے۔

رینالڈو نے پولیس کو فون کیا اور ان کتوں کے مالک نے اس سے معافی مانگنے کے علاوہ طبی اخراجات اور پھٹنے والے اسمارٹ فون کی قیمت ادا کرنے کی یقین دہانی کرائی جس کی وجہ سے رینالڈو نے اس کے خلاف مقدمہ درج نہیں کرایا۔

چھوڑنے کے بعد سے عوامی طور پر کم متحرک رہی ہیں۔ اب انہوں نے اپنے خاندان کے ساتھ آسٹریلیا میں رہائش اختیار کر لی ہے۔
‎آرڈرن کے ترجمان نے تصدیق کی کہ خاندان گزشتہ چند برسوں سے سفر کر رہا تھا اور اس وقت آسٹریلیا میں مقیم ہے۔ وہ نیوزی لینڈ واپس جانے سے پہلے وہاں مزید وقت گزاریں گی اور کام میں مشغول ہیں۔
‎آسٹریلیا منتقلی کی خبریں اس وقت سامنے آئیں جب میڈیا نے بتایا کہ آرڈرن، ان کے شوہر اور سات سالہ بیٹی سڈنی کے شمالی حصوں میں گھر تلاش کر رہے ہیں۔ اس اقدام کو نیوزی لینڈ کے لیے دھچکا قرار دیا جا رہا ہے، جہاں شہری کمزور معیشت، مہنگائی اور بیروزگاری کی وجہ سے بیرون ملک منتقل ہو رہے ہیں۔
‎یاد رہے کہ 2017 میں جیسنڈا آرڈرن 37 سال کی عمر میں دنیا کی کم عمر ترین خاتون وزیر اعظم بنیں اور وہ دوسری خاتون رہیں جنہوں نے منتخب عہدے پر بچے کو جنم دیا۔ ان کی قیادت میں نیوزی لینڈ نے چھ سال کے دوران کئی بحرانوں کا سامنا کیا، اور انہوں نے ہمیشہ ہمدردی، انسانیت اور نیک نیتی پر زور دیا، جس کی وجہ سے انہیں عالمی سطح پر محبت ملی۔
‎جنوری 2023 میں اچانک عہدہ چھوڑنے کے اعلان نے عوام کو حیران کیا، اور بعد ازاں وہ ہارورڈ یونیورسٹی میں قیادت، گورننس اور آن لائن انتہا پسندی کے موضوعات پر تعلیم حاصل اور لیکچر دینے میں مصروف رہیں۔ جون 2025 میں ان کی سوانح حیات بھی شائع ہوئی۔