Blog

ہمارے شہداء ،ہمارا افتخار، بلوچستان میں بہادری کی نئی مثال،بلوچستان کی بہادر بیٹی نےاپنا فرض نبھاتے ہوئے وطن عزیز پر جان قربان کر دی

خضدار میں دہشت گردوں کے بزدلانہ حملے میں لیڈی کانسٹیبل ملک ناز نے جام شہادت نوش کیا،لیڈی کانسٹیبل ملک ناز 19اپریل 2026 کو خضدار کے علاقے بَجوئی میں دہشت گردوں کے بزدلانہ حملہ میں شہید ہوئیں،2011 میں ملک ناز کے شوہر عبدالغنی بھی لیویز فورس میں ٹارگٹ کلنگ کے نتیجے میں شہید ہوگئے تھے، شہید لیڈی کانسٹیبل ملک ناز کو 2013 میں شہید کوٹہ کے تحت لیویز فورس میں بھرتی کیا گیا تھا،شہید شوہر کے نقشِ قدم پر چلتے ہوئے ملک ناز نے بلوچستان کی پہلی شہید بیٹی ہونے کا اعزاز حاصل کر لیا ،شہید ملک ناز کے سوگواران میں ایک بیٹا اور دو بیٹیاں شامل ہیں ،وطن عزیز کی بقا اور سلامتی کیلئے جان کا نذرانہ پیش کرنے والے بہادر بیٹوں اور بیٹیوں کو قوم کا سلام ہو،

امریکا ،ایران جنگ بندی کے سلسلہ میں اسلام آباد ایک بار پھر میزبانی کرنے کو تیار ہے ،پاکستان واحدثالث ہے،فیلڈ مارشل سید عاصم منیر نے تین روزہ دورہ ایران کیا اور ایرانی حکام سے ملاقاتیں کیں یہ دورہ مذاکرات کے پہلے دور کے بعد ہوا، اب دوسرے دور کا اعلان ہو چکا کہ مذاکرات ہونے ہیں، امریکی صدر ٹرمپ بھی کہ چکے کہ امریکی وفد اسلام آباد آج پہنچے گا ،امریکا ایران مذاکرات کے حوالہ سے ساری دنیا کی نظریں اسلام آباد پر ہیں ایسے میں پاکستانی میڈیا کو بھی اعتماد کی فضا بنانی ہو گی، مصدقہ خبر کو ہی نشر کرنا چاہئے نہ کہ افواہیں، تجزیوں کو خبر بنا کر پیش کیا جائے

گزشتہ دورِ مذاکرات سے پہلے جس طرح دیکھا گیا تھا، اب بھی دوسرے مرحلے کے ہونے یا نہ ہونے کے حوالے سے میڈیا میں کافی ہائپ پیدا ہو رہی ہے۔ایران کی جانب سے مختلف رپورٹس سامنے آ رہی ہیں کہ ان کا وفد آئے گا یا نہیں۔اگر ماضی کودیکھا جائے تو یہ زیادہ امکان ہے کہ ایران کی طرف سے میڈیا میں اشارے اور سیاسی حکمتِ عملی کے تحت دباؤ بنایا جا رہا ہے تاکہ مذاکرات میں زیادہ سے زیادہ فائدہ حاصل کیا جا سکے اور اندرونی سیاست کو بھی مدنظر رکھا جا سکے۔ایران کے وزیرِ خارجہ کے ترجمان نے کہا ہے کہ “ابھی کوئی منصوبہ نہیں”۔ یہ اس بات کی واضح علامت ہے کہ وہ معاملے پر غور کر رہے ہیں لیکن حتمی فیصلہ نہیں ہوا،یہ ایک روایتی دباؤ کی حکمتِ عملی ہے۔ترجمان نے واضح کیا ہے کہ پاکستان اب بھی واحد ثالث کے طور پر کام کر رہا ہے، جس سے ظاہر ہوتا ہے کہ اسلام آباد اس کردار میں فعال ہے اور آئندہ دور بھی اسی جگہ ہونے کا امکان ہے۔

میڈیا کو دونوں انتہاؤں سے گریز کرنا چاہیے؛ نہ یہ کہنا درست ہے کہ مذاکرات مکمل طور پر ناکام ہو گئے ہیں اور نہ ہی یہ کہ معاہدہ طے پا چکا ہے۔حقیقت یہ ہے کہ عمل جاری ہے اور امید کی جا رہی ہے کہ دونوں وفود اسلام آباد کا دورہ کریں گے، کیونکہ دونوں فریقین معاہدے تک پہنچنے کے لیے مثبت سوچ رکھتے ہیں، تاہم ابھی حتمی فیصلہ نہیں ہوا۔

بین الاقوامی خبر رساں ادارے رائٹرز کی رپورٹ کے مطابق امریکی صدر ڈونلڈ ٹرمپ اور پاکستان کے فیلڈ مارشل سید عاصم منیر کے درمیان ایک اہم ٹیلیفونک رابطہ ہوا ہے، جس میں خطے کی موجودہ کشیدہ صورتحال اور خاص طور پر آبنائے ہرمز میں ممکنہ ناکہ بندی کے خدشات پر تفصیلی تبادلہ خیال کیا گیا۔ ذرائع کے مطابق فیلڈ مارشل سید عاصم منیر نے امریکی صدر کو موجودہ صورتحال سے آگاہ کرتے ہوئے کہا کہ آبنائے ہرمز کی بندش مذاکرات میں بڑی رکاوٹ ہے، امریکی صدر ڈونلڈ ٹرمپ نے عاصم منیر کو یقین دلایا کہ وہ اس مشورے پر غور کریں گے،

آبنائے ہرمز کو عالمی سطح پر تیل کی ترسیل کے لیے ایک انتہائی اہم اور حساس سمندری راستہ سمجھا جاتا ہے، اور اس کی بندش یا کشیدگی عالمی منڈیوں پر بھی براہِ راست اثر ڈال سکتی ہے۔

پاکستانی ذرائع نے اس خبر کی سختی سے تردید کر دی ہے جس میں دعویٰ کیا گیا تھا کہ پاکستان نے امریکی صدر ڈونلڈ ٹرمپ سے ایران کی بندرگاہوں کی بحری ناکہ بندی ختم کرنے کی اپیل کی ہے تاکہ اسلام آباد میں ممکنہ امن مذاکرات آگے بڑھ سکیں۔ پاکستانی ذرائع نے ان دعوؤں کو مکمل طور پر بے بنیاد قرار دیتے ہوئے کہا ہے کہ کسی بھی سیکیورٹی ذریعے نے کسی خبر ایجنسی، بشمول رائٹرز، کو ایسی کوئی معلومات فراہم نہیں کیں۔ذرائع کے مطابق یہ ایک منظم غلط معلوماتی مہم اور جعلی رپورٹنگ ہے، جس کا حقیقت سے کوئی تعلق نہیں۔