روس میں سکیورٹی اداروں نے مبینہ بم حملے کی ایک بڑی سازش ناکام بنانے کا دعویٰ کیا ہے، جس کے بعد ایک جرمن خاتون کو حراست میں لے لیا گیا ہے۔
روسی سرکاری میڈیا کے مطابق سکیورٹی اداروں نے کارروائی کرتے ہوئے خاتون کے قبضے سے دیسی ساختہ بم برآمد کیا ہے۔ حکام کا کہنا ہے کہ یہ واقعہ ممکنہ طور پر ایک منصوبہ بند حملے کا حصہ تھا۔روسی سکیورٹی ایجنسی کے مطابق گرفتار خاتون پر الزام ہے کہ وہ جنوبی روس میں ایک سکیورٹی تنصیب کو نشانہ بنانے کی منصوبہ بندی کر رہی تھی۔حکام نے مزید بتایا کہ ملزمہ کو قفقاز کے علاقے سے گرفتار کیا گیا ہے جبکہ اس سے مزید تفتیش جاری ہے تاکہ ممکنہ نیٹ ورک اور پس پردہ عناصر کا سراغ لگایا جا سکے۔