Blog

سانحہ کاہنہ،ایک ماں دکھی ماؤں کا درد بانٹنے کاہنہ پہنچ گئی

وزیر اعلیٰ مریم نواز شریف کی کاہنہ میں جاں بحق بچوں کے دکھی والدین سے ملاقات ہوئی ہے،وزیر اعلیٰ مریم نواز نے متاثرہ والدین کا درد بانٹا، پسماندہ ماوں کو گلے لگا کر دلاسہ دیا،وزیر اعلیٰ مریم نواز شریف نے متاثرہ خاندانوں سے تعزیت اور گفتگو کی،حکومتِ پنجاب کی جانب سے سانحہ کاہنہ کے دکھی خاندانوں کی داد رسی کے لئے ہر جاں بحق بچے کے لیے 20 لاکھ اور زخمیوں کے لیے 5 لاکھ روپے مقررکئے گئے ہیں،وزیر اعلیٰ مریم نواز شریف نے سانحہ کاہنہ کے دکھی خاندانوں کو چیکس سپرد کر دیے،زخمیوں کی بہترین دیکھ بھال کی ہدایت کی،
وزیر اعلیٰ مریم نواز شریف نے متاثرین کے زخموں پر مرہم رکھا، سوگوار خاندانوں کو ہر ممکن تعاون کا یقین دلایا،وزیراعلیٰ کا کہناتھا کہ لفظ کم ہیں،غم بڑا ہے،دکھی ماؤں کے آنسوؤں کا مداوا کوئی رقم نہیں کر سکتی،ننھے پھولوں کا اس طرح بچھڑجانا دلخراش ہے،دکھی ماوں کو تنہا نہیں چھوڑیں گے،آپ کے بچوں کا غم میرا اپنا غم ہے

لاہور ( ) چودہ معصوم کلیوں کی جدائی پر شہر سوگوار ہے، ہر آنکھ اشکبار اور ہر دل غم سے نڈھال کر دیا ہے۔چودہ معصوم بچوں کے جنازے ایک ایسا دردناک منظر ہے جسے الفاظ میں بیان کرنا ممکن نہیں۔ اس غم نے صرف متاثرہ خاندانوں کو ہی نہیں بلکہ پوری قوم کو سوگوار کر دیا ہے۔ان خیالات کا اظہار معروف سیاسی سماجی رہنما ڈاکٹر سبیل اکرام نے کیا ۔انھوں نے کہا یہ واقعہ ہم سب کیلئے ایک بڑی نصیحت ہے کہ والدین اپنے بچوں کو صبح وشام کے اذکار ضرور یاد کروائیں ۔ اس سے انسان اللہ کی حفاظت میں آجاتا ہے ۔انھوں نے کہا کہ اس المناک حادثہ پر ہر ماں کی آنکھ نم اور ہر باپ کا دل کانپ اٹھا ہے اور ہر حساس انسان اس سانحے پر رنجیدہ ہے۔ بچے جنت کے پھول ہوتے ہیں۔ ان کی مسکراہٹوں سے گھر کے آنگن مہکتے ہیں، ان کی معصوم باتوں سے زندگی میں خوشیاں بکھرتی ہیں اور ان کی موجودگی والدین کے لیے اللہ تعالی کی ایک عظیم نعمت ہوتی ہے۔ لیکن جب یہی ننھے پھول اچانک بچھڑ جائیں تو گھروں کی رونقیں ماتم میں بدل جاتی ہیں ۔دعا ہے کہ اللہ جان بحق ہونے والے تمام بچوں اور بچیوں کو جنت الفردوس میں اعلی مقام عطا فرمائے، ان کی قبروں کو نور سے بھر دے اور انہیں اپنے خاص رحم و کرم کے سائے میں جگہ عطا فرمائے۔ اللہ تعالی ان کے والدین، بہن بھائیوں اور تمام لواحقین کو صبرِ جمیل عطا فرمائے اور اس عظیم سانحے کو برداشت کرنے کی ہمت نصیب فرمائے۔ ہم غمزدہ خاندانوں کے دکھ اور غم میں برابر کے شریک ہیں۔ اس افسوسناک واقعے میں زخمی ہونے والے بچوں کی جلد صحت یابی کے لیے بھی دعاگو ہیں۔ یہ سانحہ ہم سب کے لیے ایک بڑی نصیحت بھی ہے۔ والدین کو چاہیے کہ وہ اپنے بچوں کو صبح و شام کے مسنون اذکار اور دعائیں ضرور یاد کروائیں، کیونکہ جب بندہ اخلاص کے ساتھ اللہ کا ذکر کرتا اور صبح و شام کے اذکار پڑھتا ہے تو وہ اللہ تعالی کی حفاظت میں آ جاتا ہے۔زخمی بچوں کے علاج معالجہ کیلئے تمام وسائل بروئے کار لائے جائیں اور متاثرہ خاندانوں کی ہر ممکن مدد کی جائے ۔

وزیراعلیٰ پنجاب مریم نواز شریف نے کہا ہے کہ بین المذاہب ہم آہنگی کے فروغ میں قومی پیغام امن کمیٹی کا کردار قابلِ تعریف ہے اور پنجاب حکومت کے اقدامات کو سراہا جانا اعزاز کی بات ہے۔

اپنے خطاب میں وزیراعلیٰ مریم نواز نے کہا کہ پنجاب میں اقلیتوں کو بھرپور تحفظ فراہم کیا جا رہا ہے، جبکہ تمام سرکاری ادارے عوام کی خدمت اور امن و امان کے قیام کے لیے بھرپور محنت سے کام کر رہے ہیں،مریم نواز نے سرگودھا میں بچی کے ساتھ زیادتی اور قتل کے افسوسناک واقعے پر گہرے دکھ کا اظہار کرتے ہوئے کہا کہ ایسے جرائم کے خاتمے کے لیے معاشرے کے تمام طبقات کو اپنا کردار ادا کرنا ہوگا، انہوں نے کہا کہ معرکہ حق میں کامیابی اور ایران امریکہ جنگ بندی پر سر فخر سے بلند ہے، پاکستان کو پوری دنیا میں عزت کی نگاہ سے دیکھا جا رہا ہے، اس عزت کا کریڈٹ وزیراعظم شہباز شریف، فیلڈمارشل عاصم منیراور ڈپٹی وزیراعظم اسحاق ڈارکو جاتا ہے، معرکۂ حق میں کامیابی نے پاکستان کو عالمی سطح پر منفرد مقام دلایا، تاہم ملک کو دہشت گردی اور معاشرتی تخریب جیسے دوہرے چیلنجز کا سامنا ہے۔ دہشت گرد عناصر معاشرے کو عدم استحکام سے دوچار کرنا چاہتے ہیں، اس لیے تخریب کاروں کے خاتمے کو اولین ترجیح بنانا ہوگا،

وزیراعلیٰ پنجاب نے علما کرام پر زور دیا کہ وہ محراب و منبر سے اصلاحِ معاشرہ، اخلاقی تربیت اور جرائم کے خلاف شعور اجاگر کریں۔معاشرے کی اصلاح کے لیے علما کا کردار ناگزیر ہے اور آنے والی نسلوں کی بہتر تربیت کے لیے حکومت ہر ممکن اقدام کرنے کو تیار ہے،اگر آپ اپنے گھروں میں محفوظ نہیں تو میں بطور وزیراعلیٰ ناکام اور نامراد ہوں کیونکہ یہ میری ذمہ داری ہے اور مجھے اس کا احساس ہے،