Category: بلاگ

زباں و ذائقہ…!!!
(تحریر:جویریہ بتول)۔
زبان کا نرم لوتھڑا سب کو ایک جیسا عطا ہوا ہے،
مگر ہم اس پر فصل اپنی مرضی سے کاشت کرتے ہیں…
راہوں کو اُلجھاتی خود رو بوٹیوں کی…
یا…
اُمید کے پھول کھلاتی خوشبو کی…!!!
لوہے سے بھی زیادہ شدت سے لگتے وار سے کسی کے لیئے باعثِ تکلیف بناتے ہیں…
یا پھر نرمی کے بول سے کسی کے دل کے آنگن میں ہمیشہ کے لیئے اَمر ہو جاتے ہیں…
یاد رکھیئے کہ زباں سے نکلتے فقط لفظ ہی ہیں…
مگر وہ اپنے ذائقہ کے لحاظ سے بہت متصادم راہیں متعین کرتے ہیں…
دل میں بہت گہرائی تک اُتر جانے والی…
یا پھر دل کی نگری سے ہمیشہ کے لیئے نکل جانے والی…
انہی لفظوں میں شہد جیسی مٹھاس کا بھی احساس ہوتا ہے…
اور یہی لفظ زہر کی مانند بھی رگ و پے میں اُتر جاتے ہیں…!!!
بسا اوقات ہمارے کہے گئے الفاظ ہمارے مرنے کے بعد بھی کسی کے لیئے اُمیدِ منزل ثابت ہوتے ہیں…
اور بعض اوقات ہمارے الفاظ ہی ہماری موت کے بعد بھی کسی کی تلخی کو بڑھاوا دے رہے ہوتے ہیں…!!!
ہاں زباں سب کو نرم ہی عطا ہوئی ہے…
مگر ہم اس پر فصل اپنی مرضی سے کاشت کرتے ہیں…
ذائقہ کی لذت اور شدت کا تعین ہم خود کرتے ہیں…
کسی کا دل جیت لیتے ہیں…
کسی کے دل کو مار دیتے ہیں…!!!
کسی کی راہ میں خوشبو پھیلاتے…
کسی کی راہ میں کانٹے بچھاتے ہیں…!!!
کسی کے ہم میٹھے میٹھے…
کسی کے لیئے ہم سدا کے روٹھے…
جبکہ حکم کیا ملا تھا…؟
و قولو للناسِ حسنا…
سبھی سے بھلی بات کہو…
اپنے سے،پرائے سے…
دوستوں کے بارے،دشمنوں کےبارے…
تمہاری جنگ دلیل،حکمت اور نرمی سے زیر کرنا ہو…
ترشی،بد کلامی سے ذلیل کرنے کی کوشش نہیں…
بات سب سے اچھی…
ذائقہ سب کے لیئے بہتر…
خوشبو سب کے لیئے یکساں…
نرمی میں سب کا حصہ…!!!
برائی کو بھی بھلائی سے دور کرنا…
سخت لہجوں کے ردِ عمل میں نرم گوشہ پیدا کرنا…
جہالت کے اندھیرے اور مظاہرے میں بھی عِلم کی شمع سے روشن رکھنا…
رسول اللّٰہ صلی اللّٰہ علیہ وسلم سے اجڈ اور گنوار بدتمیزی کی حد تک گزر جاتے…
رد عمل کیا ہوتا تھا؟
محسنِ انسانیت کے لبوں پہ گہری مسکراہٹ…
اپنی ذات کے لیئے کبھی نہ بدلہ لینے والے…!!!
اخلاق کے بلند ترین منصب پر فائز…!!!
صالح اخلاق کی تکمیل کے لیئے بھیجے گئے…
یہی کسی کردار کے اَمر ہونے کی نشانی…
اور یہی انداز لاثانی ہے…!!!
زباں کا ذائقہ شیریں رکھنا…
لہجوں کی ترشی کو…
سدا ہی زیریں رکھنا…
پھر جب کڑواہٹ اور چاشنی کا موازنہ کیا جائے گا تو یقیناً فتح تمہارا مقدر ہو گی…!!!
==============================
(جویریات ادبیات)۔
¤¤¤¤¤¤¤¤¤¤¤¤¤¤¤¤¤¤¤¤¤¤

چند باتیں سماجی تنہائی اور ہماری گھریلو زندگی کے بارے میں
از قلم : محمد عتیق ، فیصل آباد

یہ تحریر صرف عامی افراد کے لیے ہے کہ خاص لوگ اس وقت کرونا جیسے مرض سے نبٹنے کے لیے گھروں میں محصور ہیں اور میرے جیسے عام لوگوں جن کو حکومت گھروں میں قید کرنے کے لیے سکیورٹی اداروں کی خدمات لے رہی ہے۔Isolation اختیار کرنا حیوان ناطق کے لیے اتنا آسان کام بھی نہیں ہے۔ میرے جیسے کم علم کو آج تک اس لفظ کی سمجھ ہی نہیں آرہی تھی آج جب پٹاری کھولی تو معلوم پڑا کہ یہ لفظ فرنچ زبان سے انگریزی میں آیا ہے اور فرنچ میں بھی اطالوی زبان سے آیا ہے۔انگریزی زبان میں تو پہلے یہ فرانسیسی لفظ Isole ہی مستعمل ہوا اور پھر وقت گزرنے کے ساتھ ساتھ Isolated ہوگیا۔جسے اردو میں تنہائی کہا جاتا ہے اور اس وقت ساری دنیا زور دے رہی ہے کہ خود ساختہ تنہائی اختیار کرلیجیے کہ اسی میں ہم سب کی بھلائی ہے۔جب کہ ادھر تو حالت یہ ہے کہ ہمارے لوگ تنہا ہوکر بھی تنہا نہیں رہ سکتے جس کا اظہار اک شاعر نے کچھ اس طرح سے کیا ہے۔فرحت احساس کا شعر ہے

؎کسی حالت میں بھی تنہا نہیں ہونے دیتی
ہے یہی ایک خرابی مری تنہائی کی

اب دیکھیے نہ کہ یہ لفظ کتنے مراحل سے نکل کر ہم تک پہنچا ہے اب حکومتوں کا بھی فرض بنتا ہے کہ ہم پر ذرا "ہتھ ہولا” رکھیں کہ ہمیں بھی عرصہ لگے گا اس Isolation کو سمجھنے میں۔ خود ساختہ تنہائی سے امراء تو اتنے متاثر نہیں ہوے کہ ان کے کھاتے میں لاکھوں، کروڑوں بلکہ اربوں موجود ہیں۔اصل متاثرین تو سفید پوش طبقہ ہے جو موجودہ صورت حال میں نہ تو کما سکتا ہے اور نہ ہاتھ پھیلا سکتا ہے۔حکومتی امداد کے پہلے مرحلے میں تو ان کا ذکر تک نہیں ہے اور اگر آ بھی جائے تو شرم کے مارے لے گا نہیں کہ بھرم ٹو ٹ جاے گا۔ کاروبار حیات بند ہے اور لوگ دکانوں کے آدھے شٹر اٹھا کر کاروبار کرنے کی کوشش کررہے ہیں۔ چائے خانے جو کہ اب کیفے ٹیریا اور ٹی ہاوس میں بدل چکے تھے وہ بھی ویران ہیں۔یارانے، دوستیاں اور حتی کہ دشمنیاں بھی سماجی فاصلے قائم رکھ کر قائم رکھنے کی کوشش کی جارہی ہیں۔
مردحضرات جو کہ اس وقت گھروں میں موجود ہیں وہ اک تو نوکری سے تنگ ہیں کہ حالات ہرگزرتے دن کے ساتھ سخت ہورہے ہیں اور گھر میں وقت ہے کہ گزر ہی نہیں رہا کیوں کہ بقول کسے ”اپنی بیوی کے ساتھ صرف وقت گزرتا ہے جب کہ دوسرے کی بیوی کے ساتھ وقت بھاگتا ہے“۔ خیر یہ تو بات ازراہ مزاح آگئی۔ آج پاک بلاگرز فورم کے چیئرمین محمد نعیم شہزاد صاحب کی طرف سے فورم کے گروپ میں پیغام آیا کہ اس گروپ کی قلمی کاوش کی صلاحیت چھن چکی ہے اور خواتین کو ودیعت کردی گئی ہے وغیرہ۔۔اب چیئرمین صاحب کو کون سمجھائے کہ جی اس وقت خواتین کو ہی فراغت کے لمحات میسر ہیں۔ مردحضرات کو تو دفتری کاموں کے ساتھ امور خانہ داری بھی نبھانا پڑ رہے ہیں۔ یہ الگ بات ہے کہ رات گئے سوشل میڈیا پر تصاویر چڑھا کر کہا جاتا ہے کہ جی رات گئے عیاشی ہورہی ہے۔اصل میں مرد حضرات اس وقت رات کے برتن دھوکر فارغ ہوتے ہیں اور یاردوستوں کا حال احوال پوچھنے کے چکروں میں اپنی امارت ظاہر کرتے نظر آتے ہیں۔ حالاں کہ اسے "عیش” نہیں "عیش تلخ کرنا” کہہ سکتے ہیں۔ بات ہورہی تھی فورم کی جس میں اکثریت اساتذہ و طالب علموں پر مشتمل ہے اور فراغت کے اچھے خاصے لمحات بھی میسر ہیں لیکن اس کے باوجود لکھنے سے انکاری ہیں تو چیئرمین صاحب نے ہی یہ عقدہ سلجھایا کہ شادی شدہ لوگوں کی بیگمات کو عرضی بھیجی جائے جس کی سرخی کچھ یوں ہو ”درخواست بنام بیگمات معززات برائے فراہمی وقتِ تحریر بشرطِ تکمیل امورخانہ داری“ جس پر کچھ لوگوں نے ہمت باندھ کر قلم پکڑنے کی ٹھانی ہے۔ امید ہے کہ خاتون خانہ اب لکھاری احباب کو استثنا دے دیں گی تاکہ وہ دل کی بھڑاس نکال سکیں۔ اب لفظ استثنا ہی کو دیکھ لیجیے کہ اکثریت اسے ”استثنیٰ“ لکھ دیتی ہے حالاں کہ اصل لفظ استثنا ہے جس کا مطلب کسی عام حکم سے علاحدہ قرار دینے کی صورت مراد ہے۔اب دیکھیے کب احباب کو فرصت ملے اور وہ باورچی خانہ سے باہر نکل کر قلم دوات رکھ کر کاغذ پر چند لفظ لکھ بھیجیں۔ ویسے باورچی خانہ میں بھی اب توجدیدیت کی بھرمار ہوچکی ہے لفظ باورچی خانہ ہی تبدیل ہو کر کچن بن چکا ہے۔ انگریزی کا لفظ Kitchen کسی دور میں جرمن والوں سے لیا گیا تھا جو کہ انھوں نے اطالویوں سے لیا تھا۔ باقی اس لفظ پر اتنی بحث موجود ہے جتنی اماں کے ہاتھوں کھائی گئی برتنوں سے مار ہے۔ باورچی خانے کے ساتھ ہی ہمارے کئی لفظ بھی متروک ہوچکے ہیں۔ قومی و علاقائی ایسے الفاظ ہیں جن کی حالت ایسی ہے جیسے کسی طاقت ور بندے نے کسی کم زور بندے کا قرضہ واپس کرنا ہو۔ہمیں رکابی پلیٹ کی شکل میں میسر ہے،کفگیر تو عرصہ سے متروک ہوچکا ہے۔ مٹی کی سکوریاں ہوتی تھیں جو کہ ہندوستان میں اب بھی استعمال ہوتی ہیں،کُلہڑ (مٹی کا آب خورہ) ہوتا تھا، آب خورہ بھی شاید معلوم ہو آپ کو، سلفچی، آفتابہ، بادیہ، رکابی، خاص دان، کٹوری، طشتری، چنگیر تو اب بھی دیہاتوں میں چل رہی ہے، لفظ بگونہ سے تو شاید ہی کوئی واقف ہو۔ گھڑونچی بھی باورچی خانے سے متعلق تھی، صراحی خود بھی غائب ہوچکی ہے اور اب صرف صراحی دار گردنیں دیکھنے کو مل رہی ہیں یا پھر شعراء کے اشعار میں اس کا ذکر ملتا ہے جیسے کہ استاد ذوق کہتے ہیں

؎تواضع کا طریقہ پوچھو صاحبو صراحی سے
کہ جاری فیض بھی ہے اور جھکی جاتی ہے گردن بھی

لفظ قندیل بھی دیکھیے کہ اپنی اصل شکل میں کہاں سے آیا اور کہاں سے ہوتا ہوا اب متروک ہوچلا ہے۔عربی سے اردو میں اپنے اصل معنی وساخت میں داخل ہوا۔ ہمارے ہاں اک لفظ لالٹین بھی مستعمل تھا جو کہ انگریزی سے آیا ہے لیکن انگریزی میں بھی اطالوی زبان سے آیا ہے۔دست پناہ تو شاید کسی بزرگ کو ہی معلوم ہوگا۔ جدید دور کے ساتھ ساتھ اردو بھی ترقی کے زینے چڑھ رہی ہے۔ اب دیکھیے کہ اگلی نسل کتنے الفاظ مستعار لیتی ہے اور کہاں کہاں سے لیتی ہے۔
بہرحال بات ہورہی تھی اک تنظیمی بیٹھک کی جس میں سماجی فاصلے کو قائم رکھتے ہوے واٹس ایپ پر ہی بحث ہورہی تھی۔ اب یہ تو وقت ہی بتائے گا کہ کون کون قلم کو تیز کرتا ہے کیوں کہ زبانیں تو عورتوں کی تیز ہوتی ہیں۔ لکھاری تو قلم کو ہی تیز کرسکتے ہیں۔ غصہ نکالنے کے لیے اس وقت بہترین وقت موجود ہے۔فرصت کے لمحات میں قلم اٹھائیے اور قارئین پر برس پڑیں کہ قاری ہی آپ کے دکھ کو سمجھ سکتا ہے۔ ”وضاحت کردوں کہ مجھ پر مذکورہ باتیں صادق نہیں آئیں گی کیوں کہ میں اک غریب بندہ ہوں جو پیٹ کی آگ بجھانے کے لیے ہرصبح اک شہر سے دوسرے شہر نکل پڑتا ہے اور ویسے بھی جس علاقے میں مقیم ہوں وہاں قانون پر عمل کرنا روایت شکنی کے زمرے میں آتاہے۔ اور رہی بات ان لفظوں کی جو ہمیں باورچی خانے سے ملے ہیں تو عرصہ ہوا اردو زبان کی شاگردی اختیار کیے ہوے اتنا تو بنتا ہی ہے اک شاگرد کا کہ وہ کچھ لفظ اٹھا کر قاری کے سامنے رکھ دے“۔

زکوٰۃ، فرضیت اور مختصر احکام

حافظہ قندیل تبسم

اسلام ایک آفاقی مذہب ہے جو اپنے پیروکاروں کو زندگی کے ہر شعبہ میں کامل رہنمائی فراہم کرتا ہے اور زندگی گزارنے کا مثالی اور معیاری نصب العین متعین کرتا ہے۔ انسانی زندگی ہمہ جہت پہلوؤں سے مزین ہے۔ انہیں پہلوؤں میں معاشیات ہمیشہ سے ایک اہم عمرانی پہلو رہا ہے اور انسان کی زندگی کا مرکز و محور بھی۔ مالی فائدہ اور کثرت شروع سے ہی انسان کا مطمع نظر رہا ہے۔
لغت میں ’’زکوٰۃ‘‘ کا معنی پاکیزگی اور اضافہ ہے۔ اللہ تعالیٰ کا فضل اور احسان ہے کہ زکوٰۃ کی ادائیگی سے یہ دونوں فوائد بجا طور پر حاصل ہوتے ہیں۔ مال پاکیزہ بھی ہو جاتا ہے اور با برکت بھی۔

قرآن کریم میں اللہ تعالیٰ نے ان الفاظ میں زکوٰۃ ادا کرنے والوں کے اجر کو بیان کیا ہے۔

[اِنَّ الَّذِيْنَ اٰمَنُوْا وَعَمِلُوا الصّٰلِحٰتِ وَاَقَامُوا الصَّلٰوۃَ وَاٰتَوُا الزَّكٰوۃَ لَھُمْ اَجْرُھُمْ عِنْدَ رَبِّہِم وَلَا خَوْفٌ عَلَيْہِمْ وَلَا ھُمْ يَحْزَنُوْنَ ] (البقرۃ : 277)

ترجمہ: بے شک جو لوگ ایمان کے ساتھ (سنت کے مطابق) نیک کام کرتے ہیں، نمازوں کو قائم کرتے ہیں اور زکوٰة ادا کرتے ہیں، ان کا اجر ان کے رب تعالیٰ کے پاس ہے، ان پر نہ تو کوئی خوف ہے، نہ اداسی اور غم۔

زکوٰۃ ارکانِ اسلام کا اہم رکن اور دین متین کا جزو عظیم ہے۔ پیغمبر اسلام ﷺ نے دین اسلام کی بنیادی تعلیمات بیان کرتے ہوئے فرمایا:

” بُنِيَ الإِسْلاَمُ عَلَى خَمْسٍ: شَهَادَةِ أَنْ لاَ إِلَهَ إِلَّا اللَّهُ وَأَنَّ مُحَمَّدًا رَسُولُ اللَّهِ، وَإِقَامِ الصَّلاَةِ، وَإِيتَاءِ الزَّكَاةِ، وَالحَجِّ، وَصَوْمِ رَمَضَانَ "(صحیح بخاری: 8،صحیح مسلم: 111)

اسلام کی بنیاد پانچ چیزوں پر ہے: گواہی دینا کہ اللہ کے سوا کوئی عبادت کے لائق نہیں اور محمد ﷺ اللہ کے رسول ہیں، نماز قائم کرنا اور زکوٰۃ ادا کرنا اور حج کرنا اور رمضان کے روزے رکھنا۔

شریعت مطہرہ نے ملت اسلامیہ کے مالدار لوگوں کے مال میں مساکین کو بھی حقدار ٹھہرایا اور ان کی کفالت کا خوب خیال رکھا جو ایک متوازن معاشرے کی بنیاد فراہم کرنے میں معاون و مددگار ہے۔ اللہ تعالیٰ نے اپنے کلام میں زکوٰۃ کے آٹھ مصارف بیان فرمائے ہیں۔

سورۃ التوبۃ آیت 60 میں اللہ تعالیٰ نے زکوٰۃ کے مستحق افراد کا ذکر فرمایا ہے جس کی مختصر تفصیل حسب ذیل ہے:

1۔ فقراء :
فقیر وہ ہے جومحتاج اور ضرورت مند ہو،جس کے پاس درہم و دینار ،روپیہ و پیسہ ،گھر بار نہ ہو اور قلاش اور خستہ حال ہو۔

2۔ مسکین:
مسکین وہ ہے جس کے پاس ضروریات زندگی کے لیے مال اس قدر کم ہو کہ کفایت نہ کرے۔ اور اگرچہ ایسے شخص کا گھر بار اور کاروبار بھی ہومگر پھر بھی وہ باوقار زندگی کے لئے نا کافی وسائل رکھتا ہو۔

3۔ عاملین زکوٰۃ:
وہ حکام جو زکوٰۃ کی وصولی اور اس کے حساب کتاب کے ذمہ دار ہیں۔

4۔تالیف قلب:
ایسے غیر مسلم کوزکوٰۃ میں سے مال دیا جاسکتا ہے جو اسلام کے قریب آ سکتا ہو اور جس سے یہ توقع ہو کہ وہ مال لے کرمسلمان ہوجائے گا اور اہل ایمان کے دفاع میں تعاون کرےگا اس کے علاوہ نو مسلم کو بھی اسلام پرپختہ کرنے کےلیے زکوٰۃ میں سے مال دیا جا سکتا ہے۔

5۔ گردنیں آزاد کرانا:
غلاموں کی آزادی یا قیدیوں کی رہائی کے لیے جو رہائی کے اسباب نہیں رکھتے۔

6۔ ادائے قرض:
مقروض لوگوں کوقرض کے بوجھ سے نجات دلانا، مقروض غریب ہو، فقیر ہو یا بے روزگار ہو اور اپنا قرض ادا کرنے سے قاصر ہو مالِ زکوٰۃ سے اس کاقرض ادا کیا جا سکتا ہے۔

7۔ فی سبیل اللہ:
اس سے جہاد کی جملہ ضرورتوں کو پورا کیا جا سکتا ہے، اسلحہ خریدا جا سکتا ہے، زیر تربیت عسکری مجاہدین کی خوراک لباس، علاج، معالجہ وغیرہ پر زکوٰۃ کو خرچ کیاجاسکتا ہے۔

8۔ مسافر:
زکوٰۃ کی رقم کاحقدار صرف غریب مسافر ہی نہیں بلکہ غنی اور دولت مند شخص بھی اگردوران سفر زادِ راہ اور دیگر سفری ضروریات کا محتاج ہوجائے تو اس پر بھی زکوٰۃ کی رقم خرچ کی جاسکتی ہے تاکہ وہ باوقار طور پر منزل تک پہنچ سکے۔

اسی طرح بعض لوگوں کو مالِ زکوٰۃ نہیں دیا جا سکتا۔ ایسے افراد کی مختصر تفصیل حسب ذیل ہے۔

1۔ نبی اکرم ﷺ کی آل کےلیے زکوٰۃ حلال نہیں۔
2۔ غیرمسلموں کو زکوٰۃ دینا جائز نہیں۔
3۔ غنی اور صحت مند آدمی کو زکوٰۃ دینا جائز نہیں۔
4۔ والدین، اولاد اور بیوی کو زکوٰۃ دینا جائز نہیں۔

زکوٰۃ کی فرضیت کے لیے صاحب نصاب ہونا ضروری ہے۔ مختلف اموال میں نصاب کی تفصیل یوں ہے۔
1۔ سونے کا نصاب ساڑھے سات تولہ ہے۔ یعنی جس کے پاس سال بھر ساڑھے سات تولہ سونا کے زیورات رہے ہوں اس پر زکوٰۃ کی ادائیگی لازم ہے۔
2۔ چاندی کانصاب ساڑھے باون تولہ ہے۔
3۔سونے اور چاندی کے زیراستعمال زیورات کو بھی شامل نصاب کیا جائے گا۔
4۔مال تجارت، اور اس کا نصاب ساڑھے باون تولہ چاندی کے برابرہے۔

زکوٰۃ کی شرح:

بلحاظ وزن یابلحاظ قیمت مندرجہ بالاپراڑھائی فیصد یا چالیسواں حصہ (1/40) ہے اور یہ ایک سال گزر جانے پر ادا کی جائے گی۔

انسان اگر سوچے کہ وہ اس دنیا میں خالی ہاتھ آیا تھا اور محتاج تھا۔ اس کا وجود اس مالک عظیم کی عطاء ہے اور اسی نے انسان کے لیے اس دنیا میں ہر طرح کی سہولت، نگہداشت کرنے والے شفیق والدین عطا کیے اور بنا مانگے اس کی تمام ضروریات بہم پہنچائیں اور اس کو مال و ثروت سے بھی نوازا۔ اسی دنیا میں اس جیسے ہی کتنے بندے ہیں جن کو وہ آسائش اور کشادگی دستیاب نہیں اور کتنے ہی بنیادی ضروریات سے بھی محروم ہیں۔ اور اللہ تعالیٰ نے ان کا خیال کرنا اس پر لازم کر دیا ہے تو اسے چاہیے کہ ہوس مال و زر میں پڑ کر اپنے آپ کو اپنے ہاتھوں ہلاکت میں نہ ڈالے بلکہ اللہ کے دیے مال کو اللہ ہی کی راہ میں خرچ کر کے اللہ تعالیٰ کی خوشنودی کی جستجو کرے۔ یہی معراج انسانیت بھی ہے اور تقاضائے وفا بھی۔

زکوٰۃ، فرضیت اور مختصر احکام

حافظہ قندیل تبسم

اسلام ایک آفاقی مذہب ہے جو اپنے پیروکاروں کو زندگی کے ہر شعبہ میں کامل رہنمائی فراہم کرتا ہے اور زندگی گزارنے کا مثالی اور معیاری نصب العین متعین کرتا ہے۔ انسانی زندگی ہمہ جہت پہلوؤں سے مزین ہے۔ انہیں پہلوؤں میں معاشیات ہمیشہ سے ایک اہم عمرانی پہلو رہا ہے اور انسان کی زندگی کا مرکز و محور بھی۔ مالی فائدہ اور کثرت شروع سے ہی انسان کا مطمع نظر رہا ہے۔
لغت میں ’’زکوٰۃ‘‘ کا معنی پاکیزگی اور اضافہ ہے۔ اللہ تعالیٰ کا فضل اور احسان ہے کہ زکوٰۃ کی ادائیگی سے یہ دونوں فوائد بجا طور پر حاصل ہوتے ہیں۔ مال پاکیزہ بھی ہو جاتا ہے اور با برکت بھی۔

قرآن کریم میں اللہ تعالیٰ نے ان الفاظ میں زکوٰۃ ادا کرنے والوں کے اجر کو بیان کیا ہے۔

[اِنَّ الَّذِيْنَ اٰمَنُوْا وَعَمِلُوا الصّٰلِحٰتِ وَاَقَامُوا الصَّلٰوۃَ وَاٰتَوُا الزَّكٰوۃَ لَھُمْ اَجْرُھُمْ عِنْدَ رَبِّہِم وَلَا خَوْفٌ عَلَيْہِمْ وَلَا ھُمْ يَحْزَنُوْنَ ] (البقرۃ : 277)

ترجمہ: بے شک جو لوگ ایمان کے ساتھ (سنت کے مطابق) نیک کام کرتے ہیں، نمازوں کو قائم کرتے ہیں اور زکوٰة ادا کرتے ہیں، ان کا اجر ان کے رب تعالیٰ کے پاس ہے، ان پر نہ تو کوئی خوف ہے، نہ اداسی اور غم۔

زکوٰۃ ارکانِ اسلام کا اہم رکن اور دین متین کا جزو عظیم ہے۔ پیغمبر اسلام ﷺ نے دین اسلام کی بنیادی تعلیمات بیان کرتے ہوئے فرمایا:

” بُنِيَ الإِسْلاَمُ عَلَى خَمْسٍ: شَهَادَةِ أَنْ لاَ إِلَهَ إِلَّا اللَّهُ وَأَنَّ مُحَمَّدًا رَسُولُ اللَّهِ، وَإِقَامِ الصَّلاَةِ، وَإِيتَاءِ الزَّكَاةِ، وَالحَجِّ، وَصَوْمِ رَمَضَانَ "(صحیح بخاری: 8،صحیح مسلم: 111)

اسلام کی بنیاد پانچ چیزوں پر ہے: گواہی دینا کہ اللہ کے سوا کوئی عبادت کے لائق نہیں اور محمد ﷺ اللہ کے رسول ہیں، نماز قائم کرنا اور زکوٰۃ ادا کرنا اور حج کرنا اور رمضان کے روزے رکھنا۔

شریعت مطہرہ نے ملت اسلامیہ کے مالدار لوگوں کے مال میں مساکین کو بھی حقدار ٹھہرایا اور ان کی کفالت کا خوب خیال رکھا جو ایک متوازن معاشرے کی بنیاد فراہم کرنے میں معاون و مددگار ہے۔ اللہ تعالیٰ نے اپنے کلام میں زکوٰۃ کے آٹھ مصارف بیان فرمائے ہیں۔

سورۃ التوبۃ آیت 60 میں اللہ تعالیٰ نے زکوٰۃ کے مستحق افراد کا ذکر فرمایا ہے جس کی مختصر تفصیل حسب ذیل ہے:

1۔ فقراء :
فقیر وہ ہے جومحتاج اور ضرورت مند ہو،جس کے پاس درہم و دینار ،روپیہ و پیسہ ،گھر بار نہ ہو اور قلاش اور خستہ حال ہو۔

2۔ مسکین:
مسکین وہ ہے جس کے پاس ضروریات زندگی کے لیے مال اس قدر کم ہو کہ کفایت نہ کرے۔ اور اگرچہ ایسے شخص کا گھر بار اور کاروبار بھی ہومگر پھر بھی وہ باوقار زندگی کے لئے نا کافی وسائل رکھتا ہو۔

3۔ عاملین زکوٰۃ:
وہ حکام جو زکوٰۃ کی وصولی اور اس کے حساب کتاب کے ذمہ دار ہیں۔

4۔تالیف قلب:
ایسے غیر مسلم کوزکوٰۃ میں سے مال دیا جاسکتا ہے جو اسلام کے قریب آ سکتا ہو اور جس سے یہ توقع ہو کہ وہ مال لے کرمسلمان ہوجائے گا اور اہل ایمان کے دفاع میں تعاون کرےگا اس کے علاوہ نو مسلم کو بھی اسلام پرپختہ کرنے کےلیے زکوٰۃ میں سے مال دیا جا سکتا ہے۔

5۔ گردنیں آزاد کرانا:
غلاموں کی آزادی یا قیدیوں کی رہائی کے لیے جو رہائی کے اسباب نہیں رکھتے۔

6۔ ادائے قرض:
مقروض لوگوں کوقرض کے بوجھ سے نجات دلانا، مقروض غریب ہو، فقیر ہو یا بے روزگار ہو اور اپنا قرض ادا کرنے سے قاصر ہو مالِ زکوٰۃ سے اس کاقرض ادا کیا جا سکتا ہے۔

7۔ فی سبیل اللہ:
اس سے جہاد کی جملہ ضرورتوں کو پورا کیا جا سکتا ہے، اسلحہ خریدا جا سکتا ہے، زیر تربیت عسکری مجاہدین کی خوراک لباس، علاج، معالجہ وغیرہ پر زکوٰۃ کو خرچ کیاجاسکتا ہے۔

8۔ مسافر:
زکوٰۃ کی رقم کاحقدار صرف غریب مسافر ہی نہیں بلکہ غنی اور دولت مند شخص بھی اگردوران سفر زادِ راہ اور دیگر سفری ضروریات کا محتاج ہوجائے تو اس پر بھی زکوٰۃ کی رقم خرچ کی جاسکتی ہے تاکہ وہ باوقار طور پر منزل تک پہنچ سکے۔

اسی طرح بعض لوگوں کو مالِ زکوٰۃ نہیں دیا جا سکتا۔ ایسے افراد کی مختصر تفصیل حسب ذیل ہے۔

1۔ نبی اکرم ﷺ کی آل کےلیے زکوٰۃ حلال نہیں۔
2۔ غیرمسلموں کو زکوٰۃ دینا جائز نہیں۔
3۔ غنی اور صحت مند آدمی کو زکوٰۃ دینا جائز نہیں۔
4۔ والدین، اولاد اور بیوی کو زکوٰۃ دینا جائز نہیں۔

زکوٰۃ کی فرضیت کے لیے صاحب نصاب ہونا ضروری ہے۔ مختلف اموال میں نصاب کی تفصیل یوں ہے۔
1۔ سونے کا نصاب ساڑھے سات تولہ ہے۔ یعنی جس کے پاس سال بھر ساڑھے سات تولہ سونا کے زیورات رہے ہوں اس پر زکوٰۃ کی ادائیگی لازم ہے۔
2۔ چاندی کانصاب ساڑھے باون تولہ ہے۔
3۔سونے اور چاندی کے زیراستعمال زیورات کو بھی شامل نصاب کیا جائے گا۔
4۔مال تجارت، اور اس کا نصاب ساڑھے باون تولہ چاندی کے برابرہے۔

زکوٰۃ کی شرح:

بلحاظ وزن یابلحاظ قیمت مندرجہ بالاپراڑھائی فیصد یا چالیسواں حصہ (1/40) ہے اور یہ ایک سال گزر جانے پر ادا کی جائے گی۔

انسان اگر سوچے کہ وہ اس دنیا میں خالی ہاتھ آیا تھا اور محتاج تھا۔ اس کا وجود اس مالک عظیم کی عطاء ہے اور اسی نے انسان کے لیے اس دنیا میں ہر طرح کی سہولت، نگہداشت کرنے والے شفیق والدین عطا کیے اور بنا مانگے اس کی تمام ضروریات بہم پہنچائیں اور اس کو مال و ثروت سے بھی نوازا۔ اسی دنیا میں اس جیسے ہی کتنے بندے ہیں جن کو وہ آسائش اور کشادگی دستیاب نہیں اور کتنے ہی بنیادی ضروریات سے بھی محروم ہیں۔ اور اللہ تعالیٰ نے ان کا خیال کرنا اس پر لازم کر دیا ہے تو اسے چاہیے کہ ہوس مال و زر میں پڑ کر اپنے آپ کو اپنے ہاتھوں ہلاکت میں نہ ڈالے بلکہ اللہ کے دیے مال کو اللہ ہی کی راہ میں خرچ کر کے اللہ تعالیٰ کی خوشنودی کی جستجو کرے۔ یہی معراج انسانیت بھی ہے اور تقاضائے وفا بھی۔

*بنتِ حوا*

*از قلم: بنتِ محمد اشرف*

اے بنت حوا سنبھل ذرا تو
یہ کس راہ پے جا رہی ہے؟
تو کتنی معصوم تو کتنی سادہ
مقام جو تجھ کو دیا خدا نے
کیوں اس سے نیچے تو آ رہی ہے
یہ میٹھی باتیں ہیں
جو تجھ سے کرتے…
نہیں ہیں یہ تجھ سے پیارکرتے !!
کیوں خود کو ان کے لئے تو…
تسکیں کا ذریعہ بنا رہی ہے
حرام ایسی محبتیں ہیں
نہیں ہے ان میں کوئی کمال رکھا
اسی لئے تو میرے رب نے بھی
نہیں ہے ان کو حلال رکھا
کیوں حکم ربی بھلا رہی ہے
یہ تو کس راہ پہ جا رہی ہے
بناحجاب و نقاب کہ گر تو
سرِبازارجارہی ہے
ابن آدم کے دل کا مرض تو
اسی طرح تو بڑھارہی ہے
بے حیائی پھیلارہی ہے
بنا کے خود کو نظارہ دعوت
پھر بھی ابن آدم پہ بد نظری …
الزام تو لگا رہی ہے
تو اس کو برا بنا رہی ہے
یاد رکھ یہ سب کر کے تو
بابا کی عزت گنوا رہی ہے
بھائی کے سر کو جھکا رہی ہے
سکون اس میں ذرا نہیں ہے
گھر اپنا جہنم میں تو
اسی طرح تو بنا رہی ہے
دیکھ اس کو ذرا جو بیٹی مسلماں کی
سات پردوں میں خود کو چھپائے سرراہ گزرتی جا رہی ہے
دیکھ کر جسے پکارے ہر اک
ارے بیٹی مسلماں کی دیکھو…
وہ شہزادی اسلام کی جا رہی ہے
اے بنت حوا سنبھل ذرا …
یہ کس راہ پے جا رہی ہے؟؟؟
"””””””””””___”””””””””””””__