Category: جرائم و حادثات

ساندہ میں خاتون پر تشدد کا واقعہ، مقدمہ درج، تمام ملزمان گرفتار کر لئے گئے

ڈی آئی جی آپریشنز نے واقعہ کا نوٹس لیتے ہوئے ایس پی اقبال ٹاؤن کو فوری کارروائی کا حکم دیا،پولیس نے مرکزی ملزم آصف کے ساتھ اس کے بہنوئی امجد اور احمد کو بھی گرفتار کر لیا،واقعہ میں ملوث تمام ملزمان کو حراست میں لے کر مزید قانونی کارروائی جاری ہے،ملزمان کے خلاف مقدمہ نمبر 644/26 درج کر کے تفتیش کا آغاز کر دیا گیا، ترجمان ڈی آئی جی آپریشنز کا کہنا ہے کہ متاثرہ خاتون کو ہر ممکن قانونی تحفظ فراہم کیا جا رہا ہے،خواتین پر تشدد کے واقعات ہرگز برداشت نہیں، زیرو ٹالرنس پالیسی پر عملدرآمد یقینی بنایا جائے گا،متاثرہ خاتون کا میڈیکل کروا کر شواہد کی بنیاد پر کیس کو مزید مضبوط بنایا جا رہا ہے، عورتوں پر تشدد کرنے والے عناصر کسی رعایت کے مستحق نہیں،

بھارت کی ریاست جھارکھنڈ کے ضلع ہزارہ باغ میں انسانیت کو جھنجھوڑ دینے والا افسوسناک واقعہ پیش آیا ہے، جہاں ایک ماں نے توہم پرستی اور کالے جادو کے چکر میں آ کر اپنی 12 سالہ بیٹی کو قتل کر دیا۔

پولیس کے مطابق 35 سالہ ریشمی دیوی نے اپنے مبینہ عاشق بھیم رام کے ساتھ مل کر یہ سنگین جرم کیا۔ بتایا گیا ہے کہ خاتون ایک عاملہ (تانترک) شانتی دیوی کے پاس باقاعدگی سے جاتی تھی، جس نے اسے مشورہ دیا کہ اس کے بیمار بیٹے کی صحت یابی اور گھریلو مسائل کے حل کے لیے ایک “کنواری لڑکی” کی قربانی دینا ضروری ہے۔ملزمہ کو یہ بھی باور کرایا گیا کہ اس کی بیٹی پر دیوی کا سایہ ہے، اس لیے اس کی قربانی “نہایت مقدس” سمجھی جائے گی۔ اس بہکاوے میں آ کر ماں نے اپنی ہی بیٹی کی جان لے لی۔

پولیس کے مطابق یہ دلخراش واقعہ 24 مارچ کو ہندو تہوار نوراتری کے آٹھویں دن (اشٹمی) کی رات پیش آیا۔ واردات کے دوران ماں نے بچی کو پکڑے رکھا جبکہ بھیم رام نے اس کا گلا گھونٹ دیا۔55 سالہ ‘تانترک’ نے پھر لڑکی کی شرمگاہ کے اندر لکڑی کی چھڑی داخل کی، اور بھیم رام نے رسم کے لیے خون نکالنے کے لیے اس کے سر پر مارا۔ رسم کے لیے مزید تشدد کیا گیا اور قتل کے بعد لاش کو گھر کے باغ میں دفنا دیا گیا۔اگلی صبح بچی کی لاش ملنے پر پولیس نے تحقیقات شروع کیں۔ دوران تفتیش ملزمان نے واقعے کو ریپ کا رنگ دینے کی کوشش کی، تاہم پوسٹ مارٹم اور فارنزک رپورٹ میں اس کی تردید ہو گئی۔پولیس نے کارروائی کرتے ہوئے تینوں ملزمان ریشمی دیوی، بھیم رام اور عاملہ شانتی دیوی کو گرفتار کر لیا ہے۔مزید انکشاف ہوا ہے کہ ریشمی دیوی اور بھیم رام کے درمیان گزشتہ 10 سال سے تعلقات تھے، جبکہ خاتون کا شوہر مہاراشٹر میں ملازمت کرتا ہے اور اکثر گھر سے دور رہتا ہے۔ پولیس کے مطابق بھیم رام پر پہلے بھی قتل کے مقدمات درج ہیں


خیبر پختونخوا کے ضلع بنوں میں پولیس نے بڑی کارروائی کرتے ہوئے افغان مہاجرین کو پاکستانی خاندانوں میں شامل کر کے جعلی شناختی کارڈ بنانے والے گروہ کو گرفتار کر لیا ہے۔ حکام کے مطابق ملزمان نے ابتدائی تفتیش میں اپنے جرم کا اعتراف بھی کر لیا ہے۔
تفصیلات کے مطابق ڈی پی او بنوں یاسر آفریدی کی ہدایت پر خفیہ اطلاع ملنے کے بعد پولیس نے چھاپہ مار کارروائی کی، جس کی قیادت ایس پی سٹی توحید خان اور ایس ایچ او ریاض خان نے کی۔ کارروائی کے دوران تین ملزمان کو رنگے ہاتھوں گرفتار کیا گیا جن میں اجمل، بادشاہ خان اور افغان شہری نقیب شاہ شامل ہیں۔
‎پولیس کے مطابق گروہ کے دو دیگر ارکان مامور اور زین اللہ فرار ہیں، جن کی گرفتاری کے لیے مختلف مقامات پر چھاپے مارے جا رہے ہیں۔ تحقیقات کے دوران انکشاف ہوا کہ ملزمان افغان شہریوں کو پاکستانی شناختی کارڈز فراہم کرنے کے بدلے بھاری رقم وصول کرتے تھے اور ایک کیس میں 28 لاکھ روپے لینے کا معاملہ بھی سامنے آیا ہے۔
‎یہ گروہ افغان مہاجرین کو مقامی پاکستانی خاندانوں کے شجرہ نسب میں غیر قانونی طور پر شامل کرتا تھا تاکہ انہیں پاکستانی شہری ظاہر کیا جا سکے۔
‎ڈی پی او بنوں کا کہنا ہے کہ جعل سازی اور ملکی سلامتی کے خلاف سرگرمیوں میں ملوث عناصر کے خلاف سخت کارروائی جاری رہے گی اور کسی کو بھی قانون سے بالاتر نہیں سمجھا جائے گا۔ گرفتار ملزمان کے خلاف مقدمہ درج کر لیا گیا ہے اور انہیں عدالت میں پیش کر کے سخت سزا دلوانے کی کوشش کی جائے گی۔

بہاولنگر ((بہاولنگر باغی ٹی وی محمد عرفان نامہ نگار )) اسپیشل برانچ کی نشاندہی پر اسسٹنٹ کمشنر کی سربراہی میں محکمہ ایکسائز نے لاری اڈا ڈونگہ بونگہ میں کامیاب کارروائی کرتے ہوئے نان ٹیکس پیڈ سگریٹ کی بڑی مقدار برآمد کر لی۔ حکام نے موقع پر موجود تمام غیر قانونی اسٹاک قبضے میں لے لیا۔

کارروائی کے دوران ملزم نوید کی جانب سے مبینہ مزاحمت کی گئی اور افسران و عملہ سے ہاتھا پائی کی گئی، جبکہ دھمکیاں بھی دی گئیں۔ واقعہ کے بعد ایکسائز انسپکٹر کلیم کی مدعیت میں تھانہ ڈونگہ بونگہ پولیس نے کارِ سرکار میں مداخلت سمیت دیگر دفعات کے تحت مقدمہ درج کر لیااسسٹنٹ کمشنر اعظم گوپانگ کی نگرانی میں کی جانے والی اس کارروائی کے حوالے سے انسپکٹر ایکسائز اینڈ ٹیکسیشن کلیم کا کہنا تھا کہ ملزم عرصہ دراز سے نان ٹیکس پیڈ سگریٹ کی فروخت میں ملوث تھا جس سے قومی خزانے کو نقصان پہنچ رہا تھاانہوں نے مزید کہا کہ ٹیکس چوری میں ملوث عناصر کے خلاف بلا امتیاز کارروائیاں جاری رہیں گی اور مزید ملزمان کی گرفتاری کے لیے اقدامات کیے جا رہے ہیں۔ حکام نے واضح کیا کہ قانون کی خلاف ورزی کسی صورت برداشت نہیں کی جائے گی۔