Category: جرائم و حادثات

آزاد کشمیر پولیس نے راولاکوٹ میں ایک بڑی کارروائی کرتے ہوئے بھارتی خفیہ ایجنسی ‘را’ کے لیے کام کرنے والے ایک ایجنٹ کو گرفتار کر لیا ہے جو حساس تنصیبات اور عوامی مقامات کی جاسوسی میں ملوث تھا۔

انسپکٹر جنرل پولیس آزاد کشمیر، کیپٹن (ر) لیاقت علی ملک نے مظفرآباد میں ایک اہم پریس کانفرنس بتایا کہ گرفتار ایجنٹ عرفان راولاکوٹ میں فوجی تنصیبات، اسکولوں اور دیگر حساس مقامات کی تصاویر اور ویڈیوز ریکارڈ کر رہا تھا،ملزم کے قبضے سے ملنے والے موبائل ڈیٹا سے ثابت ہوا ہے کہ وہ براہِ راست بھارت میں بیٹھے اپنے ہینڈلرز کے رابطے میں تھا۔ ملزم کو بھارت سے ملنے والے پیغامات میں ہدایت دی گئی تھی کہ وہ ایسی مساجد کی ویڈیوز بنائے جہاں شام کو افطاری کا اہتمام ہوتا ہے، اسے مسجد کے اندر، باہر اور گلیوں کی مکمل ویڈیو کلپس کے ساتھ ساتھ لائیو لوکیشن بھیجنے کا حکم دیا گیا تھا، دشمن کے ایجنٹ چھوٹے چھوٹے ویڈیو کلپس کے ذریعے حساس معلومات سرحد پار پہنچا رہے تھے تاکہ تخریب کاری کی منصوبہ بندی کی جا سکے۔

آئی جی پولیس کا کہناتھا کہ آزاد کشمیر کی سرزمین کا تقدس کسی صورت پامال نہیں ہونے دیں گے اور دشمن کے ہر مذموم عزائم کو خاک میں ملا دیا جائے گا، پولیس نے ملزم کے خلاف مقدمہ درج کر کے نیٹ ورک کے دیگر کارندوں کی تلاش شروع کر دی ہے۔

بھارت کی ریاست اتر پردیش کے دارالحکومت لکھنؤ سے ایک ہولناک اور سنسنی خیز قتل کا واقعہ سامنے آیا ہے، جہاں ایک خاتون نے مبینہ طور پر اپنے بھانجے کے ساتھ ناجائز تعلقات چھپانے کے لیے اپنی ساس کو زہر دے کر قتل کر دیا۔ پولیس نے ملزمہ کو گرفتار کر لیا ہے جبکہ شریک ملزم کی تلاش جاری ہے۔

یہ افسوسناک واقعہ لکھنؤ کے علاقے کاکوری کے ابراہیم گنج گاؤں میں پیش آیا، جہاں 65 سالہ شانتی دیوی کی پراسرار موت نے پورے علاقے میں خوف و ہراس پھیلا دیا۔ابتدائی تحقیقات کے مطابق مقتولہ کی بہو شالینی کے اپنے بھانجے کرن کے ساتھ غیر اخلاقی تعلقات تھے۔ دونوں کافی عرصے سے خفیہ طور پر ایک دوسرے سے ملتے رہے اور گھر والوں کو دھوکا دیتے رہے۔ایک روز شانتی دیوی کو ان دونوں کے تعلقات کا علم ہو گیا۔ ساس نے اس پر سخت ناراضی کا اظہار کیا اور بہو کو روکا ٹوکا، جس پر شالینی شدید مشتعل ہو گئی۔پولیس کے مطابق 5 اپریل کو شالینی نے اپنے بھانجے کرن سے زہر منگوایا۔ بعد ازاں اس نے روٹی تیار کی اور اس میں زہر ملا کر اپنی ساس شانتی دیوی کو کھلا دی۔زہریلی روٹی کھانے کے بعد شانتی دیوی کی طبیعت بگڑ گئی اور اگلے روز یعنی 6 اپریل کو ان کا انتقال ہو گیا۔تحقیقات میں یہ بھی سامنے آیا کہ شالینی اور کرن نے موت کے فوراً بعد جلد بازی میں لاش کو دفن کر دیا تاکہ کسی کو شک نہ ہو اور معاملہ خاموشی سے ختم ہو جائے۔متوفیہ کے بیٹے اور شالینی کے شوہر منوج کو اپنی والدہ کی اچانک موت پر شک ہوا۔ اس نے سوال اٹھایا کہ والدہ اچانک کیسے انتقال کر گئیں۔ شک بڑھنے پر اس نے اپنی بیوی شالینی اور کرن کے خلاف پولیس میں ایف آئی آر درج کرا دی۔

ایف آئی آر کے بعد پولیس نے لاش کو قبر سے نکال کر پوسٹ مارٹم کے لیے بھیج دیا۔ تین ڈاکٹروں پر مشتمل پینل نے معائنہ کیا۔ اگرچہ ابتدائی رپورٹ میں موت کی واضح وجہ سامنے نہ آ سکی، تاہم پولیس نے تفتیش جاری رکھی۔بعد ازاں پولیس کو معلوم ہوا کہ شالینی نے زہر منگوایا تھا۔ جب اس سے سختی سے پوچھ گچھ کی گئی تو اس نے جرم قبول کر لیا۔پولیس کے مطابق شالینی نے اعتراف کیا کہ اس کی ساس اس کے اور کرن کے تعلقات میں رکاوٹ بن رہی تھی، اسی لیے اس نے اسے راستے سے ہٹانے کا فیصلہ کیا۔پولیس نے ملزمہ شالینی کو گرفتار کر کے جیل بھیج دیا ہے، جبکہ شریک ملزم کرن کی گرفتاری کے لیے چھاپے مارے جا رہے ہیں۔ حکام کا کہنا ہے کہ ملزم کو جلد گرفتار کر لیا جائے گا۔

لاہور،لاری اڈہ پولیس کا 15 کی کال پر فوری ریسپانس ،خواجہ سراء کے ساتھ زبردستی بدفعلی کرنے والا اوباش ملزم گرفتار کر لیا گیا

ویکٹم دوست سے ملنے اسکے کمرے میں گیا تو وہاں پہلے سے موجود ملزم نے دوست کی غیر موجودگی کا فائدہ اٹھایا،ملزم قربان نے کمرے مین زبردستی بدفعلی کا نشانہ بنایا ،لاری اڈہ پولیس نے اطلاع ملنے پر بروقت کاروائی کرتے ملزم کو گرفتار کر لیا ،ایس پی سٹی کا کہنا ہے کہ ملزم کے خلاف مقدمہ درج کر کے تحقیقات کا آغاز کر دیا گیا ہے،بروقت کاروائی اور اوباش ملزم کی گرفتاری پر ایس ایچ او لاری اڈہ نسیم خان اور ٹیم کو ایس پی سٹی کی جانب سے شاباش دی گئی، ایس پی سٹی کا کہنا تھا کہ خواجہ سراء کمیونٹی پر تشدد اور جنسی استحصال کرنے والوں کے خلاف زیرو ٹالرینس پالیسی ہے ،

دوسری جانب کوٹ لکھپت، باپ بیٹے سمیت 3 افرد پر بہمانہ تشدد کا واقعہ ،کوٹ لکھپت پولیس نے 15 پر کارروائی کرتے ہوئے واقعے میں ملوث مرکزی ملزم گرفتار کر لیا،واقعہ گذشتہ رات تھانہ کوٹ لکھپت کے علاقے قینچی بازار میں پیش آیا،باپ بیٹا دوکان سے گھر واپس جا رہے تھے ملزمان نے اسلحہ کے زور پر تشدد کا نشانہ بنایا ،3 نامزد اور 4 نا معلوم افراد نے والد جاوید، بیٹے شاہزیب اور بیٹے کے دوست عثمان پر تشدد کیا،ملزمان نے متاثرہ افراد پر فائرنگ بھی کی جو معجزانہ طور پر محفوظ رہے، تھانہ کوٹ لکھپت میں واقعے کا مقدمہ 3 نامزد اور 4 نامعلوم افراد کیخلاف درج ہے

بھارت میں ایک ایسا واقعہ پیش آیا ہے جہاں شہریوں کو بلیک میل کرنے اور ان سے رقم بٹورنے کے لئے شوہر نے اپنی بیوی کا استعمال کیا، بیوی کو مردوں کے ساتھ دوستی اور پھر ان کے ساتھ جنسی عمل کرنے کے ساتھ فحش ویڈیو بنا کر شہریوں کو بلیک میل کئے جانے کا انکشاف سامنے آیا ہے

واقعہ سورت کا ہے، جہاں 33 سالہ ہیرے کے کاریگر نے ایک خاتون، اس کے شوہر اور ایک ساتھی کے خلاف لاکھوں روپے کی جبری وصولی کا مقدمہ درج کرا دیا۔ شکایت گزار کے مطابق پہلے اس سے دوستی کی گئی، پھر جسمانی تعلقات قائم کیے گئے، بعد ازاں نجی ویڈیوز اور تصاویر وائرل کرنے کی دھمکیاں دے کر رقم بٹوری گئی۔پولیس رپورٹ کے مطابق متاثرہ شخص سورت کے علاقے کپودرا میں ہیرے کے کاریگر کے طور پر کام کرتا ہے۔ اس کی ملاقات سال 2023 میں ایک خاتون سے ہوئی جو اس کے کارخانے کے سامنے واقع اپارٹمنٹ میں رہتی تھی۔ بتایا گیا ہے کہ دونوں کی پہلی ملاقات ایک مندر میں ہوئی، جہاں سے بات چیت کا سلسلہ شروع ہوا اور پھر تعلقات گہرے ہوتے گئے۔ تعلقات کے دوران خاتون مختلف بہانوں سے رقم مانگتی رہی۔ متاثرہ شخص کے مطابق وہ یو پی آئی اور دیگر ذرائع سے اسے پیسے بھیجتا رہا۔ خریداری، روزمرہ اخراجات اور سفر کے نام پر بھی اس سے رقم لی جاتی رہی۔ متاثرہ شخص نے الزام لگایا کہ جب اسے معلوم ہوا کہ خاتون دوسرے مردوں سے بھی رابطے میں ہے تو اس نے رقم دینا بند کر دی۔ اسی کے بعد صورتحال بدل گئی اور خاتون نے اس پر دباؤ ڈالنا شروع کر دیا۔

شکایت کے مطابق خاتون نے دھمکی دی کہ اگر رقم نہ دی گئی تو وہ متاثرہ شخص کے خلاف زیادتی کا مقدمہ درج کرا دے گی، اس کے گھر والوں کو سب کچھ بتا دے گی اور نجی تصاویر وڈیوز سوشل میڈیا پر وائرل کر دے گی۔متاثرہ شخص کے مطابق خاتون نے اپنی دھمکیوں کو سنجیدہ ثابت کرنے کے لیے اس کے سالے کو کچھ تصاویر بھی بھیج دیں، جس کے بعد وہ شدید ذہنی دباؤ کا شکار ہو گیا۔شکایت گزار نے کہا کہ مسلسل دباؤ، بدنامی کے خوف اور مقدمات کی دھمکیوں کے باعث وہ مختلف اوقات میں مجموعی طور پر 2 لاکھ 59 ہزار روپے دے چکا تھا۔ اس کا کہنا ہے کہ رقم نہ ملنے پر سال 2025 میں اس کے خلاف ریپ کی شکایت بھی درج کرائی گئی۔مزید تحقیقات کے دوران متاثرہ شخص کو شبہ ہوا کہ یہ منظم منصوبہ بندی ہے۔ اس نے دعویٰ کیا کہ خاتون کا شوہر اور ایک دوست بھی اس سارے نیٹ ورک میں شامل تھے اور تینوں مل کر لوگوں کو پھنساتے تھے۔پولیس نے شکایت کی بنیاد پر خاتون، اس کے شوہر اور مبینہ ساتھی کے خلاف سازش، جبری وصولی، دھمکی اور دیگر دفعات کے تحت مقدمہ درج کر لیا ہے۔ حکام کا کہنا ہے کہ کیس کی مزید تفتیش جاری ہے اور یہ بھی دیکھا جا رہا ہے کہ آیا اس گروہ نے دیگر افراد کو بھی اسی طرح نشانہ بنایا یا نہیں۔

‎گلگت بلتستان کے ضلع دیامر میں پولیس ٹیم پر مسلح حملے کے نتیجے میں تین اہلکار شہید جبکہ ڈی ایس پی سمیت دیگر اہلکار زخمی ہو گئے۔ یہ واقعہ تھور گوئیں کے علاقے میں پیش آیا جہاں پولیس ایک اہم کارروائی میں مصروف تھی۔
‎تفصیلات کے مطابق پولیس ٹیم علاقے میں افیون کی فصل تلف کرنے کے لیے موجود تھی کہ اسی دوران نامعلوم افراد نے اچانک فائرنگ کر دی۔ حملہ اتنا شدید تھا کہ تین اہلکار موقع پر ہی شہید ہو گئے جبکہ ڈی ایس پی سمیت مزید اہلکار زخمی ہو گئے۔
‎اسسٹنٹ کمشنر کے مطابق حملے کے بعد فوری طور پر امدادی کارروائیاں شروع کی گئیں اور زخمیوں کو قریبی اسپتال منتقل کیا گیا۔ شہید ہونے والے اہلکاروں کی لاشوں کو ریجنل ہیڈکوارٹر اسپتال منتقل کر دیا گیا ہے جہاں ضروری قانونی کارروائی مکمل کی جا رہی ہے۔
‎مقامی انتظامیہ کا کہنا ہے کہ زخمیوں میں ڈی ایس پی سمیت تین اہلکار شامل ہیں جو اس وقت اسپتال میں زیر علاج ہیں۔ طبی عملہ زخمیوں کو بہترین سہولیات فراہم کرنے کی کوشش کر رہا ہے جبکہ بعض زخمیوں کی حالت تشویشناک بھی بتائی جا رہی ہے۔
‎واقعے کے بعد سیکیورٹی فورسز نے علاقے کو گھیرے میں لے لیا ہے اور حملہ آوروں کی تلاش کے لیے سرچ آپریشن شروع کر دیا گیا ہے۔ حکام کا کہنا ہے کہ واقعے میں ملوث عناصر کو جلد قانون کے کٹہرے میں لایا جائے گا۔
‎یہ حملہ اس بات کی عکاسی کرتا ہے کہ منشیات کے خلاف کارروائیوں میں مصروف قانون نافذ کرنے والے اداروں کو شدید خطرات کا سامنا ہے۔ پولیس اہلکاروں کی قربانی کو خراج عقیدت پیش کیا جا رہا ہے جبکہ عوام کی جانب سے بھی واقعے کی شدید مذمت کی جا رہی ہے۔

‎ڈیرہ اسماعیل خان کی تحصیل درازندہ میں ایک افسوسناک واقعہ پیش آیا ہے جہاں مبینہ طور پر مضر صحت حلوہ کھانے سے تین کمسن بچے جان کی بازی ہار گئے۔ یہ واقعہ علاقے میں شدید غم و غصے اور تشویش کا باعث بن گیا ہے۔
‎پولیس کے مطابق بچے ایک ایسے مقام پر موجود تھے جہاں جنگل کے قریب حلوہ رکھا ہوا تھا۔ ابتدائی اطلاعات کے مطابق بچوں نے وہی حلوہ کھا لیا جس کے بعد ان کی حالت بگڑ گئی۔ متاثرہ خاندان پہاڑی علاقے میں مزدوری کے سلسلے میں مقیم تھا، جہاں سہولیات کی کمی کے باعث بروقت طبی امداد بھی ممکن نہ ہو سکی۔
‎واقعے کے بعد بچوں کو بچانے کی کوشش کی گئی تاہم وہ جانبر نہ ہو سکے۔ پولیس کا کہنا ہے کہ واقعے کی نوعیت کو مدنظر رکھتے ہوئے مقدمہ درج کر لیا گیا ہے اور مختلف پہلوؤں سے تحقیقات جاری ہیں تاکہ یہ معلوم کیا جا سکے کہ حلوہ وہاں کیسے پہنچا اور آیا اس میں کوئی زہریلا مادہ شامل تھا یا نہیں۔
‎یاد رہے کہ اس سے قبل بھی ملک کے مختلف علاقوں میں مضر صحت خوراک کے باعث بچوں کی اموات کے واقعات سامنے آ چکے ہیں، جس نے خوراک کی حفاظت اور نگرانی کے نظام پر سوالات اٹھا دیے ہیں۔
‎ماہرین کا کہنا ہے کہ والدین کو چاہیے کہ بچوں کو غیر محفوظ یا نامعلوم جگہوں پر رکھی اشیاء کھانے سے روکیں، جبکہ حکام کو بھی چاہیے کہ ایسے واقعات کی روک تھام کے لیے سخت اقدامات کریں۔
‎یہ واقعہ ایک بار پھر اس بات کی یاد دہانی ہے کہ معمولی سی لاپرواہی بھی قیمتی جانوں کے ضیاع کا سبب بن سکتی ہے، اس لیے احتیاط اور بروقت اقدامات انتہائی ضروری ہیں۔