Category: جرائم و حادثات

باغی ٹی وی کی رپورٹ کے مطابق راولپنڈی کے علاقہ تھانہ وارث خان کے علاقہ میں لڑکی کو برہنہ کرنے اور ویڈیو بنانے والا مرکزی ملزم عامر قریشی گرفتارکر لیا گیا

ایس ایچ او تھانہ وارث خان کے مطابق ملزم عامر قریشی کو متعدد ریڈز کے بعد گرفتار کیا گیا ہے جسے معزز عدالت کے سامنے پیش کیا جاۓ گا، ملزم عامر قریشی کو متاثرہ لڑکی نے معزز عدالت کے سامنےاپنے بیان میں نامزد کیا تھا،

سی پی او محمد احسن یونس کے نوٹس پر واقعہ کا مقدمہ 15 جولائ کو پولیس کی مدعیت میں درج کیا گیا تھا،واقعہ کے دیگر ملزمان ارسلان اکرم اور محسن اکرم معزز عدالت سے عبوری ضمانت پر ہیں جن کی آئیندہ تاریخ پیشی 07 اگست ہے،ملزمان کی عبوری ضمانت معزز عدالت سے کینسل کروانے کی قانونی کاروائی کے بعد انہیں بھی گرفتار کیا جائے گا،

دوسری شادی کرنیوالے ہو جائیں خبردار،بیوی کی اجازت کے بعد کس کی اجازت ضروری؟ عدالت کا بڑا حکم

دوسری شادی کرنے والوں کےلیے ایک اور شرط لگا دی گئی،

بغیر اجازت دوسری شادی، دولہا بھائی پہنچے جیل،عدالت نے سنائی سزا

دوسری شادی کرنیوالوں کے لئے بڑی خوشخبری آ گئی

لڑکی کا لڑکا بن کر لڑکی سے شادی،دلہا عدالت میں پیش نہ ہوا، عدالت کا بڑا حکم

کرونا لاک ڈاؤن، رات میں بچوں نے کیا کام شروع کر دیا؟ والدین ہوئے پریشان

لاک ڈاؤن ہے تو کیا ہوا،شادی نہیں رک سکتی، دولہا دلہن نے ماسک پہن کے کر لی شادی

کوئی بھوکا نہ سوئے، مودی کے احمد آباد گجرات کے مندروں میں مسلمانوں نے کیا راشن تقسیم

خواجہ سراؤں نے دوستی کے بہانے نشہ دے کر نوجوان کا عضو خاص کاٹ دیا

غیرت کے نام پر جوڑا قتل،ورثا کا معاملہ دبانے کے بعد بھی پولیس کا ایکشن، 25 گرفتار

سگے بیٹے کا ماں پر وحشیانہ تشدد،ویڈیو وائرل، بہو کا موقف بھی آ گیا

پسند کی شادی کا خواب ادھورا رہ گیا،غیرت کے نام پر لڑکا لڑکی قتل

خواتین کے ساتھ تشدد اور استحصال پر زیرو ٹالیرنس پالیسی ہے جس کے تحت مقدمہ پولیس کی مدعیت میں درج کر کے ملزمان کی گرفتاری کا تحرک کیا گیا،واقعہ میں ملوث تمام ملزمان کو گرفتار کر کے قانون کے کٹہرے میں کھڑا کیا جائے گا،

قبل ازیں وزیر اعلی پنجاب سردار عثمان بزدار نے راولپنڈی کے علاقے میں لڑکی سے انسانیت سوز سلوک کے واقعہ کانوٹس لیتے ہوئے آر پی او راولپنڈی سے رپورٹ طلب کی تھی،

وزیراعلیٰ پنجاب عثمان بزدار کا کہنا تھا کہ ملزمان کے خلاف قانون کے تحت سخت کارروائی کی جائے ۔متاثرہ لڑکی کو ہر صورت انصاف فراہم کیا جائے ۔ایسا واقعہ ناقابل برداشت ہے ۔ملزمان قانون کے مطابق سخت سزا کے مستحق ہیں ۔

شہر قائد میں غیرت کے نام پر نوجوان نے بہن اور رشتے دار کو قتل کر دیا

باغی ٹی وی کی رپورٹ کے مطابق پنجاب کے صوبائی دارالحکومت لاہور میں ڈولفن پولیس نے 3 رکنی ڈاکوؤں کا گروہ گرفتار کر لیا

ترجمان ڈولفن پولیس کے مطابق سٹی ڈویژن میں ہائی ویلیو 03 رکنی چھاڑا ڈکیت گینگ گرفتارکر لیا گیا،ڈولفن ٹیم 11 کا ڈاکوؤں سے آمنا سامنا ہوا،03 کس مسلح ڈاکو موٹر سائیکل پر سوار مشکوک حالت میں کھڑے تھے۔ ڈولفن ٹیم کو دیکھ کر موٹر سائیکل بھگادی اور فرار ہونے کی کو شش کی۔

ڈولفن ٹیم نمبر11 نے تینوں ملزمان کو تعاقب کے بعدسگیاں روڈ کے قریب گرفتار کر لیا۔ملزمان کے قبضہ سے موٹر سائیکل،02 پسٹل درجنوں گولیاں و میگزینز برآمد کر لی گئیں،ملزمان شاپ رابری، ڈکیتی و سنیچنگ جیسے سنگین جرائم میں ملوث ہیں،مزید تفتیش کے لیے چوکی سگیاں کے حوالے کر دیا گیا ہے۔

ایس پی ڈولفن راشد ہدایت کی طرف سے سیکٹر انچارج و ٹیم کے لیے تعریفی اسناد کا اعلان کیا گیا ہے، ایس پی ڈولفن کا کہنا ہے کہ ڈولفن و پولیس ریسپانس یونٹ سٹریٹ کریمینلز و ڈاکوؤں کے خلاف بر سر پیکار ہیں

موٹروے پولیس نے دو چوری شدہ گاڑیاں برآمد کرکے ایک ملزم گرفتار کرلیا

باغی ٹی وی کی رپورٹ کے مطابق موٹروے پولیس نے کامیاب کارروائیوں میں دو چوری شدہ گاڑیاں برآمد کرکے ایک ملزم گرفتار کرلیا جبکہ ایک گم شدہ لیڈیز پرس مالکان تک پہنچا دیا ۔

موٹروے پولیس کو اطلاع ملی تھی کےعلاقہ سیٹلائٹ ٹاؤن سرگودھا سے ایک گاڑی ہونڈا سیویک نمبر LED 680 چوری ہوگئی ہے جس کی تلاش مطلوب ہے ۔اطلاع پاتے ہی موٹروے پولیس چوکس ہو گئی۔ اور چکری کے قریب مذکورہ گاڑی کو دیکھتے ہی پیچھا کیا گیا اور کامیابی سے گاڑی کو روک کر گاڑی میں سوار ملزم ابوبکر سکنہ سرگودھا کو گرفتار کر لیا گیا۔مزید قانونی کارروائی کے لیے ملزم بمع گاڑی چکری چوکی تھانہ چونترہ کے حوالے کردی گئی ۔

ایک اور کارروائی کے دوران علاقہ تھانہ واہ کینٹ سے چوری ہونے والی گاڑی نمبر ANJ 192 ماڈل 2019 موٹر وے پر کرنل شیر خان انٹرچینج کے قریب لاوارث حالت میں پائی گئی جس سے موٹروے پولیس نے قبضے میں لے لیا اور علاقہ تھانہ واہ کینٹ اور مالک جنید کو اطلاع کر دی۔

مزید ایک کارروائی کے دوران موٹروے پولیس افسران کو موٹروے پر ایک لیڈیز پرس ملا جس میں دس ہزار روپے سے زیادہ رقم اور دیگر اہم کاغذات موجود تھے ۔

موٹروے پولیس افسران نے یہ اطلاع اپنے کنٹرول کو دی۔بعد ازاں ایک فیملی نے دوران سفر موٹروے پر روک کر اپنے گمشدہ پرس کے بارے میں اطلاع دی۔جس پر اس فیملی کو آگاہ کردیا گیا کہ ان کاگمشدہ پرس موٹروے پولیس کی تحویل میں ہے اور انہیں لوٹا دیا گیا ۔

کراچی: قربانی کے جانور کی چربی پگھلاتے ہوئے کڑاہی میں گر کر محنت کش جاں بحق،اطلاعات کے مطابق نیو کراچی صنعتی ایریا میں چربی پگھلانے کے دوران کڑاہی میں گر کر شدید زخمی ہونے والے محنت کش نے دوران علاج دم توڑ دیا۔

ذرائع کے مطابق کراچی کے علاقے نیو کراچی صنعتی ایریا کے سیکٹر 6 بی میں چربی پگھلانے کے کارخانے میں عیدالاضحیٰ کے دوسرے روز کام کے دوران محنت کش کڑاہی میں گر کر جھلس کر شدید زخمی ہوگیا جسے انتہائی تشویشناک حالت میں سول اسپتال کے برنس وارڈ لیجایا گیا جہاں وہ دوران علاج زخموں کی تاب نہ لاتے ہوئے دم توڑ گیا۔

ایس ایچ او یونس خٹک نے بتایا کہ متوفی کی شناخت اعجاز ولد فتح شیر کے نام سے ہوئی ہے جس کا آبائی تعلق ملتان سے بتایا جاتا ہے جبکہ پولیس نے واقعہ کا مقدمہ کارخانے کے مالک کے خلاف درج کرلیا ہے۔

عیدالاضحیٰ کے موقع پر قربانی کے جانوروں سے نکلنے والی چربی کی بڑے پیمانے پر خرید و فروخت ہوتی ہے اور شہر کے مختلف علاقوں میں چربی پگھلانے کے کارخانے میں تین دن کے لیے مزدورں کو اجرت پر رکھا جاتا ہے جو چربی پگھلانے کے کارخانوں میں لگی ہوئی بڑی بڑی کڑائیوں چربی کو پگھلا کر تیل بنا کر کنستر کے ڈبوں میں اسے محفوظ کرتے ہیں جو نہ صرف صابن بنانے میں بلکہ مضفاتی علاقوں میں قائم ہوٹل میں کھانا پکانے کے لیے بھی استعمال کیا جاتا ہے۔