Category: جرائم و حادثات

لاہور : پتنگ بازی کا خونی کھیل صوبے بھر کے ساتھ ساتھ بالخصوص شہر میں بھی دھڑلے سے جاری ہے۔ یہ خونی کھیل جہاں ہماری ثقافت، معاشرتی استحکام اور اسلامی اخلاقیات کو بگاڑنے کا سبب بن رہا ہے،

شہر میں افسوسناک واقعہ پیش آیا پتنگ بازی نے چھ سالہ بچی کی جان لے لی۔۔وزیراعلیٰ پنجاب عثمان بزدار نے نوٹس لیتے ہوئے سی سی پی او لاہور سےرپورٹ طلب کرلی ہے۔

تفصیلات کے مطابق لاہور میں پتنگ بازی نے چھ سالہ بچی کی جان لے لی، ساندہ میں چھ سالہ حریم فاطمہ اپنے والد کے ہمراہ گھر جا رہی تھی کہ گلے پر ڈور پھر گئی ،حریم کو ہسپتال پہنچایا گیا جہاں وہ دم توڑ گئی۔سی پی او ذوالفقار حمید نے نوٹس لیکررپورٹ طلب کرلی۔

ڈبل سڑکاں پر ڈور پھرنے سے تشویشناک حالت میں حریم کو میاں منشی ہسپتال منتقل کیا گیا، جہاں وہ جانبر نی ہوسکی۔
ذرائع کا کہنا تھا جکہ شہری عمران فیملی کے ہمراہ موٹر سائیکل پر شاہدرہ جا رہا تھا،پولیس نے ضروری کارروائی کے بعد بچی کی لاش ورثا کے حوالے کر دی،

افسوسناک واقعہ پر وزیراعلیٰ پنجاب عثمان بزدار نے نوٹس لیتے ہوئے سی سی پی او لاہور سےرپورٹ طلب کرلی ہے جبکہ ساندہ میں گلے پر ڈور پھرنے سے 6سالہ حریم فاطمہ کے جاں بحق ہونے کے معاملہ پر ڈی آئی جی آپریشنز اشفاق خان نے ایس ایچ او ساندہ انسپکٹر شرجیل ضیاء کو فوری معطل کرکے لائن حاضر کر دیا۔

ڈی آئی جی آپریشنز اشفاق خان کا کہنا تھا کہ ایس پیز،ایس ڈی پی اوز اور ایس ایچ اوز اپنے علاقوں میں پتنگ بازی ایکٹ پر عملدرامد یقینی بنائیں، پتنگ بازی سے کسی ہلاکت کی صورت میں متعلقہ افسرکے خلاف سخت کاروائی عمل میں لائی جائے گی، والدین پتنگ بازی جیسے خونی کھیل سے اپنے بچوں کو دور رکھیں،شہری اپنی چھتوں کو اس خونی کھیل کے لِئے کسی کو بھی استعمال نہ ہونے دیں۔

واضح رہے کہ پتنگ کی دھاتی ڈور پھرنے سےجاں بحق ہونے والے افراد کی اکثریت ان لوگوں کی ہے جو نہ پتنگ اڑاتے ہیں اور نہ ہی ان کا مقصد پتنگ لوٹنا ہوتا ہے، یہ خونی کھیل آئے دن کسی نہ کسی انسان کی زندگی کا چراغ گل کرتا چلا جارہا ہے۔

رپورٹ (کاشف تنویر) اسسٹنٹ کمشنر منڈی بہاوالدین ملک عباس ذوالقرنین اعوان نے شہر میں مختلف پٹرول پمپوں پر اچانک چھاپا۔
اسسٹنٹ کمشنر نے پٹرول کے گیج اور ریٹ کی چیکینگ کی جبکہ کم گیج اور زائد قیمت وصولی پر بھاری جرمانے کیے۔

لاہور:معلوم نہیں کب مر کر لاوارث لاش بن جاؤں !ٖ!!ٖ!سر پر چھت نہ بہن بھائیوں کاپیار،نشے کے شوق نے زندگی برباد کردی ۔

لاہور کے علاقے میاں میر میں رہنے والے نشے کے عادی نوجوان کا کہنا ہے کہ انہوں نے اس لت سے اپنی زندگی اس قدر تباہ کر لی کہ اب نہ سر پر چھت ہے اور نہ بہن بھائیوں کا پیار۔

نوجوان نے غیر ملکی خبر رساں ادارے کو بتایا کہ والد ایک انجینیئر تھے اور وہ تین بہن بھائی ہیں، انہیں نشے کی لت میٹرک میں سگریٹ سے شروع ہوئی اور کالج میں داخلہ لینے کے بعد دوستوں کے ساتھ چرس اور شیشہ پینا شروع کردیا۔ شوق کب مجبوری میں بدل گیا پتہ ہی نہ چلا۔ کچھ عرصے بعد ایک دوست نے ہیروئن پینے کی طرف راغب کیا اور آہستہ آہستہ کبھی کبھار ہیروئن کی عادت مستقل ہوگئی۔

رضوان کے مطابق انہوں نے بی اے فرسٹ ڈویژن میں پاس کیا تو گھر والوں کے اصرار پر بھی یونیورسٹی داخلہ نہیں لے سکے، جب ان کی شادی کی گئی تو گھر والوں کو معلوم نہیں تھا کہ وہ منشیات کے عادی ہوچکے ہیں۔

رضوان نے بتایا کہ انہوں نے پرائیویٹ نوکری بھی کی لیکن جب نشے کی عادت بڑھ گئی اور والدہ بیماری کی حالت میں فوت ہوئیں تو وہ نوکری چھوڑ کر گھر کا سامان بیچنے پر آگئے، دو سال بعد بیوی نے بھی خلا لے لی۔ ان کے والد نے تین لاکھ روپے خرچ کر کے ان کا علاج کروایا لیکن وہ اس علت سے نجات نہ پاسکے، والد کی وفات کے بعد بھائی نے رضوان کو گھر سے نکال دیا۔نشے کی لت اور گھر والوں کی نفرت کے باعث زندگی میں ہی قبرستان کو رہائش بنا رکھا ہے۔

اب بھیک مانگ کر گزارا کرنے پر مجبور ہوں ۔ تاہم اس سے جمع پیسے بھی نشے میں استعمال ہوجاتے ہیں،اب تو لگتا ہے زندگی صرف نشہ کرنے کے لیے رہ گئی ہے، معلوم نہیں کب مر کر لاوارث لاش بن جاؤں۔

دنیا بھر کی طرح پاکستان میں بھی منشیات کے استعمال میں مسلسل اضافہ ہوتا جا رہا ہے۔ شہروں اور دیہاتوں کے بازاروں یا گلیوں کے کونوں میں نشہ کرنے والے افراد اکثر عام دکھائی دیتے ہیں۔ انسداد منشیات مہم پنجاب کے کنسلٹنٹ ذوالفقار حسین کے مطابق اپریل میں لاک ڈاؤن کے دوران لاہور کی مختلف سڑکوں، باغوں اور پارکوں میں منشیات کے عادی افراد کی 51 لاشیں ملیں۔

ان کا کہنا ہے کہ یہ ایک تشویش ناک صورت حال ہے کیونکہ اس سے قبل ہر ماہ 24 سے 28 منشیات کے عادی افراد کی لاشیں لاہور کے مختلف علاقوں سے ملتی تھیں۔ اس وقت چرس، افیون، ہیروئن، شیشہ، برشاشا، شراب، کوکین اور نشہ آور امپورٹڈ چیونگ گم کا نشہ استعمال ہو رہا ہے۔

لاہور ہائی کورٹ کے سینیئر وکیل سید نوید عباس کے مطابق سابق وزیر اعظم بے نظیر بھٹو نے اپنے دور اقتدار میں 1993 میں قومی انسداد منشیات پالیسی بنائی تھی جس کے باعث کئی ادارے اور ڈرگ انفورسمنٹ سٹرکچرز وجود میں آئے۔

تاہم ان اداروں کے مابین کوئی موثر میکنزم قائم نہ ہوسکا اور نہ ہی ان اداروں میں کوئی کوآرڈینیشن تھا، جس کے نتیجے میں ڈرگ ٹریفکنگ اور منشیات کے عادی افراد کی تعداد میں اضافہ ہوتا چلا گیا۔

لاہور:ایل پی جی ٹینکر بلاسٹ شاہدرہ میں ہمارے رکشے گاڑیاں تباہ ہوئیں ، حکومت نے ذرہ بھر بھی امداد نہیں کی،باغی ٹی وی کےمطابق لاہور کے معروف علاقہ شاہدرہ میں ایل پی جی ٹینکربلاسٹ ہوئے کئی ماہ ہوگئے لیکن ابھی تک نہ تو حکومت اورنہ کسی سیاستدان نے آکرخبرلی

باغی ٹی وی کے مطابق اس حوالے سے ان بے بس اورپریشان حال لوگوں کا حال معلوم کرنےکے لیے جب باغی ٹی وی کا نمائندہ اس حادثے میں‌ جاں بحق اورزخمی ہونے والے افراد کے گھر پہنچے تو ان کے حالات سن کراور بھی زیادہ پریشانی کا احساس ہوا

باغی ٹی وی نمائندہ کے مطابق اس حادثے میں پٹرول پمپ پرکام کرنے والے ایک بچے کے والدین نے باغی ٹی وی کو اپنی بے بسی کی داستان سناتے ہوئے کہا کہ جس پٹرول پمپ پران کا بیٹا کام کرتا تھا وہ توہمارے بیٹے کی موت پرافسوس کرنے بھی نہیں‌آئے ،

بچے کے والدین کا کہنا تھا کہ وہی ہمارا بچہ ہمارے روٹی روزی کمانے والا تھا ، اب ہمیں نہ تو کسی حکومتی اہلکار نے آ کر ہماری داد رسی کی ہے اور نہ ان افراد نے جن کو وہ دن رات کماکردیتا تھا

ایسے ہی ایک شہری کا کہنا تھا کہ ہمارے رکشے جل گئے جس کے ذریعے ہم محنت مزدوری کرتے تھے ، اکثررکشے والوں نے قسطوں پررکشے لے رکھے تھے ، ان کی قسطیں کہاں سے ادا کریں ، گھروالوں کے لیے روزی روٹی کہاں سے کمائیں حکومت کو مدد کرنی چاہیے

ایسے ہی مزید رکشے والوں کا کہنا تھا کہ ان کا کاروبارتباہ ہوگیا ہے ، ایک طرف کرونا تو دوسری طرف ذرائع آمدن بھی ختم ہوگئے کسی نے ہماری آکرمدد نہیں کی

لاہور: آئی جی آفس میں تعینات کانسٹیبل قتل، ملزم گرفتار،اہم پیش رفت ،بڑے انکشافات کی توقع،اطلاعات شاہدرہ کے علاقہ میں پولیس کانسٹیبل کو گولیوں سے چھلنی کرنے والا ملزم گرفتار کر لیاگیا ۔ پولیس کا کہنا تھا کہ ملزمان نے کانسٹیبل کو منشیات پکڑوانے پر بدلے کا نشانہ بنایا۔

پولیس کے مطابق ڈیڑھ سال قبل کانسٹیبل کو شاہدرہ کےمشہور منشیات فروش عابد خان اور ساجد خان نے قتل کروایا۔ کانسٹیبل رانا محمد اشفاق آئی جی آفس میں تعینات تھا۔ ‏ڈی ایس پی کا کہنا تھا کہ شہید رانا محمد اشفاق کو سات شوٹرز نے اندھا دھند فائرنگ کر کے قتل کیا، جس کی وجہ مقتول کانسٹیبل رانا اشفاق عابد خان کی چرس پکڑوانے میں پولیس کا ساتھ دے رہا تھا۔ ملزمان نے کانسٹیبل کو گھر کے باہر فیملی کے سامنے گولیاں ماریں۔ پولیس کا کہنا تھا کہ ایک ملزم گرفتار کر لیا گیا ہے جبکہ فرار ملزمان کی تلاش میں سی آئی اے پولیس چھاپے مار رہی ہے۔

واضح رہے کہ کاہنہ میں پولیس مقابلے کے دوران ڈاکوؤں کی فائرنگ سے کانسٹیبل ساجد نصیر شہید ہوگیا تھا، مقابلے کا مقدمہ ساتھی پولیس اہلکار کی مدعیت میں درج کر لیا گیا تھا،کاہنہ کےعلاقہ ہلوکی میں پولیس اہلکار معمول کے گشت پر تھےکہ اسی دوران واردات کر کے فرار ہونیوالے ڈاکوؤں کو روکا توملزمان نے رکنے کی بجائے فائرنگ کر دی جس کے نتیجہ میں کانسٹیبل ساجد نصیر چہرے پر گولیاں لگنے سے موقع پر ہی شہید ہوگیاتھا۔

کانسٹیبل ساجد نصیر ضلع قصور کا رہائشی تھا، شہیدنے پسماندگان میں بیوہ اورایک بیٹی چھوڑی، شہید کانسٹیبل ساجد نصیر کا ایک بھائی ماجد نصیر ڈولفن سکواڈ میں فرائض سرانجام دے رہا ہے۔

راولپنڈی:3 کمسن بچوں کو مار کر کراچی فرار ہونے والا باپ گرفتار،اہم وجہ سامنے آگئی ،اطلاعات کےمطابق راولپنڈی کے علاقے ڈیرہ مسلم میں بیوی کے ناراض ہو کر جانے کے بعد باپ نے اپنے تین کم سن بچوں کو جان سے مار دیا، پولیس نے اسے کراچی فرار ہونے کے دوران گرفتار کر لیا۔

ذرائع کے مطابق راولپنڈی میں تھانہ جاتلی کے علاقے ڈیرہ مسلم میں ایک گھر سے 3 کم سن بہن بھائیوں کی لاشیں برآمد ہوئی تھیں، واقعے کے بارے میں معلوم ہوا ہے کہ شقی القلب باپ نے بیوی کے ناراض ہو کر میکے چلے جانے پر اپنے بچوں ہی کو مار دیا۔

سی پی او محمد احسن یونس نے واقعے کا نوٹس لیا، تو پولیس نے ابتدائی تفتیش کے بعد انکشاف کیا کہ 9 سالہ عثمان، 4 سالہ فیصان اور 4 سالہ ردا کو پیٹی میں بند کر دیا گیا تھا اور ان کی موت بھی ٹرنک کے اندر دم گھٹنے کے باعث ہوئی۔

پولیس کا کہنا تھا کہ بچوں کی ماں ناراض ہو کر میکے گئی ہوئی ہے، والد بھی گھر پر نہیں تھا۔ پولیس نے کہا کہ تمام حقائق سامنے لانے کے لیے بچوں کا پوسٹ مارٹم کرایا جائے گا۔

ادھر ریلوے پولیس سکھر نے کارروائی کر کے بچوں کے قاتل باپ نور محمد کو روہڑی سے گرفتار کیا، ایس ایس پی ریلوے سکھر کا کہنا تھا کہ ملزم کراچی فرار ہو رہا تھا، پاکستان ایکسپریس سے گرفتار کیا گیا، ملزم نے دوران تفتیش گوجر خان میں بچوں کو قتل کرنے کا اعتراف کیا۔

عینی شاہدین کا کہنا تھا کہ قریبی رشتہ داروں نے بچوں کو گھر میں موجود نہ پا کر تلاش شروع کی تھی، جس پر ان کی لاشیں گھر کے ٹرنک سے ملیں، ایس ایچ او جاتلی کا کہنا تھا کہ بچوں کی والدہ نے بتایا کہ بچوں کے والد نور محمد نے بچوں کو ٹرنک میں بند کیا اور خود شہر سے باہر چلا گیا۔

ایس پی صدر نے بتایا کہ فارنزک سائنس لیب کی ٹیم کے ذریعے موقع سے شواہد اکٹھے کیے جا رہے ہیں، معاملے کی ہر پہلو سے تفتیش کی جائے گی، مقدمہ بھی درج کیا جا رہا ہے۔

اسلام آباد:پٹرول کی ذخیرہ اندوزی میں ملوث کمپنیوں کیخلاف کارروائی روکنے کی درخواست مسترد،چینی مافیا کے بعد پٹرول مافیا کی شامت آگئی،اطلاعات کے مطابق اسلام آباد ہائیکورٹ نے پٹرول کی ذخیرہ اندوزی میں ملوث کمپنیوں کے خلاف کارروائی روکنے کی درخواست مسترد کر دی۔

چیف جسٹس اسلام آباد ہائیکورٹ نے آئل کمپنیوں کی درخواست پر فیصلہ سنا دیا جس میں کہا گیا ہے کہ ایگزیکٹو کو ذمہ داروں کے تعین کی انکوائری سے نہیں روکا جاسکتا۔ عدالت نے پٹرول کی ذخیرہ اندوزی میں ملوث کمپنیوں کے خلاف کارروائی روکنے اور آئل کمپنیوں کی حکم امتناع جاری کرنے کی درخواست بھی مسترد کر دی۔

فیصلے میں مزید کہا گیا ہے کہ کسی بحران پر انکوائری سے درخواست گزاروں کے بنیادی حقوق متاثر نہیں ہوتے، اسلام آباد ہائیکورٹ نے پیٹرول بحران انکوائری پر بھی فریقین کو غیرضروری بیانات سے روک دیا۔

یاد رہے کہ اس سے پہلے چینی مافیا نے اسلام آباد ہائی کورٹ سے ریلیف لینے کی کوشش کی اوردرخواست کی تھی کہ حکومت کو چینی مافیا کے خلاف قانونی کارروائی سے روکا جائے جسے ہائی کورٹ نے مسترد کردیا تھا

رپورٹ (کاشف تنویر) مانو چک نہر ھیڈ سوخلی کے قریب علاقہ تھانہ پاھڑیانوالی سے نا معلوم نعش نہر سس ملی ہے اگر کوئی بھائی جانتا ھو تو رابطہ کرے
03456255100 طارق محمود گوندل انچارج چوکی چاڑانوالہ