Category: جرائم و حادثات

میرپورخاص(باغی ٹی وی نامہ نگار سید شاہزیب شاہ کی رپورٹ )ادارہ تحفظ ماحولیات سندھ ریجن آفس ميرپورخاص سندھ کی ٹیم کا میرپورخاص میں بوتلیں بنانے کی فیکٹری پر چھاپہ
تفصیلات کے مطابق ڈائریکٹر جنرل ادارہ تحفظ ماحولیات سندھ (سیپا) نعیم احمد مغل اور اسٹنٹ ڈائریکٹر و ریجنل انچارج علی محمد رند کی ہدایات پر کیمسٹ شاہدالرحمان، کیمسٹ انیل کمار اور فیلڈ سپروائزر انتظار حسین کا میرپورخاص میں پرانی کاٹن فیکٹری کے نزدیک جعلی پلاسٹک کی بوتلیں بنانے کی فیکٹری پر خفیہ اطلاع ملنے پر چھاپہ جس کے دوران ممنوعہ پلاسٹک کچرے سے بوتلیں بنائی جا رہیں تھیں ۔

اس موقع پر محکمہ ماحولیات ٹیم میرپورخاص کا کہنا تھا کہ ڈسپوز ایبل پلاسٹک کی بوتلوں کا یہ جنون ایک سنجیدہ مسئلہ ہے جو پہلے ہی انسانی صحت اور ماحولیاتی پریشانیوں کا سبب بن رہا ہے۔پلاسٹک کی بوتلوں سے وابستہ ماحولیاتی مسائل پیداوار کے عمل میں شروع ہوتے ہیں۔ خام مال کی تیاری۔پولی تھیلین ٹیرفتھلٹ (پی ای ٹی) پلاسٹک کی بوتلوں کی تیاری میں سب سے زیادہ استعمال ہونے والا مواد ہے۔

انہوں نے مزید کہا کہ حقیقت میں وہ ماحول مضر اثرات مرتب کرتے ہیں ۔کیونکہ اس طرح کی بہت کم قیمت پلاسٹک کی بوتلوں سے منسلک ہوتی ہے لوگ اکثر انہیں زمین پر ضائع کردیتے ہیں زمین اور سمندروں پر پلاسٹک کی بوتلیں وقت کے ساتھ چھوٹے ٹکڑوں میں ٹوٹ جاتی ہیں۔ ان ٹکڑوں میں پولی کلورینٹڈ جیسے نقصان دہ کیمیکل شامل ہیں چھاپے کے دوران وہاں پر موجود ورکرز نے کوئی بھی معلومات دینے سے انکار کردیا ۔

سیپا ٹیم نے قانونی راستہ اپناتے ہوئے فیکٹری مالکان کو ذاتی شنوائی کے لیے طلب کرنے کا فیصلہ کیا تاکہ لوگوں کو مختلف بیماریوں اور ماحولیاتی آلودگی سے بچایا جا سکے۔بصورت دیگر عمل نہ کرنے کی صورت میں سیپا ایکٹ 2014 کے تحت قانونی چارہ جوئی کی جائے گی۔

میرپورخاص،باغی ٹی وی (نامہ نگار سید شاہزیب شاہ کی رپورٹ )ضلع میرپورخاص کرائم کا گڑھ بن چکا ہے موٹرسائکل چھیننا چوری ہونا اور ڈکیٹیاں روز کا معمول بن چکا ہے میرپورخاص کے پولیس آفیسرز آئی جی سندھ اور وزیر داخلہ کو امن و امان کے سلسلے میں غلط معلومات فراہم کر کے انہیں گمراہ کر رہے ہیں ۔

ان خیالات کا اظہار معروف عالم دین اور علماء ایکشن کمیٹی کے رہنما حافظ حفیظ الرحمن نے میرپورخاص کے صحافیوں سے بات چیت کرتے ہوئے کیا ان کا مزید کہنا تھا کہ چوریوں ڈکیتیوں کے علاوہ میرپورخاص کے پرامن شہری اپنی گاڑیاں موٹرسائیکل گھروں کے باہر چوروں کے خوف سے کھڑی نہیں کرسکتے یہاں تک کہ بھینسیں بھی چوری ہورہی ہیں جبکہ ان متاثرین میں ہم بھی شامل ہیں میرپورخاص پولیس کی کارکردگی لاکھوں شہریوں کے سامنے سوالیہ نشان بنی ہوئی ہے ۔

مولانا حفیظ الرحمن کا کہنا تھا کہ سمجھ میں نہیں آتا کہ اس ساری صورتحال کو حکام بالا سے کیوں چھپایا جا رہا ہے ، انھیں سب اچھا ہے کی رپورٹ کیوں دی جارہی ہے، میرپورخاص منشیات اور کرائم کی وجہ سے بےحال ہوچکا ہے

انہوں نے آئی جی سندھ رفعت مختار اور صوبائی وزیر داخلہ بریگیڈیئر ریٹائرڈ حارث نواز سے اپیل کی ہے کہ میرپورخاص میں شہریوں کی عزت جان و مال کی حفاظت کو یقینی بنا کر لاکھوں شہریوں کو تحفظ فراہم کیا جائے ۔

اوچ شریف ، باغی ٹی وی( نامہ نگار حبیب خان) گورنمنٹ سید شمس الدین گیلانی ایسوسی ایٹ کالج میں پاکستان لائف سیورز ٹریننگ پروگرام کا انعقاد کیاگی
تفصیل کےمطابق اوچ شریف میں گورنمنٹ سید شمس الدین گیلانی ایسوسی ایٹ کالج میں پاکستان لائف سیورز ٹریننگ پروگرام کا انعقادکیا گیا جس میں ریسکیو اینڈ سیفٹی آفیسرز عابد رحیم نے طلبا کوابتدائی طبی امداد مصنوعی طریقے سے دل اور سانس کی بحالی کے طریقے تفصیل سے بتائے

ریسکیو آفیسرز نے طلبا کو بہتے ہوئے خون کو روکنے کے متعلق تفصیل سے بتایا ، ریسکیو آفیسر عابد رحیم کا کہنا تھا کہ ٹریننگ کا مقصد شرکا ء کو ایمرجنسی سے متعلق نبرد آزما ہونے کے متعلق آگاہی دینا تھا

کندھ کوٹ ، باغی ٹی وی ( نامہ نگار مختیاراحمداعوان)شہرمیں غیرقانونی تجاوزات کے خلاف اپریشن کیا گیا
کتفصیل کے مطابق کندھ کوٹ میونسپل کمیٹی کے چیئرمین میر راشد خان سندرانی کی ہدایت پر میونسپل کمیٹی کے ایڈمنسٹریٹر مقصود احمد جتوئی نے انکروچمنٹ کے چیف سپروائیز سجاد احمدسہریانی اور اس کی ٹیم کے ہمراہ شہر کے مین روڈ اور راستوں پر غیر قانونی انکروچمنٹ اور غیر قانونی ٹھیلوں کو ہٹانے کا عمل شروع کر دیا

اس موقع پر انکروچمنٹ کے چیف سپروائیزر سجاد احمدسہریانی نے کہا کہ ہم اپنے چیئرمین میر راشد خان سندرانی کے حکم پر شہر میں غیر قانونی انکروچمنٹ کو ہٹانے کا آپریشن جاری کیا ہے اب شہر میں ٹریفک کو تجاوزات کے حوالے سے کوئی رکاوٹیں نہیں ہو گی اس پر ہم سارا سارا دن اپنی ٹیم کی ہمراہ بڑی محنت سے کام کر رہے ہیں۔

اوکاڑہ ، باغی ٹی وی( نامہ نگار ملک ظفراقبال) ٹیچرز کا سٹوڈنٹس کے ہمراپریس کلب کے سامنے احتجاجی مظاہرہ
تفصیل کے مطابق اوکاڑہ میں ٹیچرز کا سٹوڈنٹس کے ہمراپریس کلب کے سامنے احتجاجی مظاہرہ ،لاہور میں گرفتار قائدین کی رہائی کا مطالبہ ،مظاہرین میں ٹیچرز کے ساتھ ساتھ سٹوڈنٹس کی بڑی تعداد شریک ہوئی

مظاہرین کی حکومت مخالف نعرے بازی کی گئی ،سٹوڈنٹ نے سڑک پر دھرنا دے دیا ۔مظاہرین کا کہنا تھا ہمارے مطالبات پورے ہونے اور قائدین کی رہائی تک احتجاج جاری رہے گا

پاکپتن، باغی ٹی وی( نامہ نگار محمد سلیم کھوکھر) اساتذہ کا اپنے مطالبات کے حق میں ڈی سی آفس کے سامنے احتجاج
تفصیل کے مطابق اساتذہ کا اپنے مطالبات کے حق میں ڈی سی آفس کے سامنے احتجاج ،ہمارے حق پر ڈاکہ مار جا رہا ہے، ہمیں رولز میں تبدیلی نا منظور ہے۔ اساتذہ پنشن کو ختم نا کیا جائے،

اساتذہ کا احتجاج اور نعرے بازی ہمارے مطالبات نا مانے گئے تو پورے ملک میں احتجاج کا دائرہ وسیع کریں گے۔ اساتذہ نے کہا کہ مطالبات تسلیم نا ہونے تک ہم اپنے حق کیلئے آواز بلند کرتے رہیں گے

پاکپتن،باغی ٹی وی (نامہ نگار محمدسلیم کھوکھر)تھانہ قبولہ کی حدود میں ڈاکوراج قائم عوام ڈاکوئوں کے رحم وکرم پر پولیس خاموش تماشائی بن گئی
تفصیل کے مطابق ضلع پاکپتن تحصیل عارف وا لاکے تھانہ قبولہ میں ڈکیتی کی بڑی وارداتوں نے شہریوں کو پریشانی میں مبتلا کررکھا ہے

نقاب پوش ڈاکوؤں نے بہاولنگر روڈ پر سوہاوامل میں سنار کی دکان لوٹ کر فرارہوگئے نقاب پوش ڈاکوؤں نے فنگر پرنٹ سے بچنے کے لیے ہاتھوں پر دستانے چڑھا رکھے تھے،

مزاحمت پر سنار پر تشدد بھی کیا واردات کے مناظر سی سی ٹی وی فوٹیج موجود ہے جس میں دیکھا جاسکتا ہے کہ ڈکیت کس دیدہ دلیری سے لوٹ مار کررہے ہیں اور دکاندار کو مزاحمت پر کیسے تشدد کانشانہ بنایا

دوسری طرف تھانہ قبولہ پولیس کی جانب سے بلال شفیق سنار کی مدعیت میں مقدمہ درج کرلیاگیاہے

شاہ صدردین ،باغی ٹی وی (نامہ نگار شاہدعمران گاڈی کی رپورٹ )قدیمی قبرستان پیرعادل کاتقدس پامال قبرستان کو فلتھ ڈپوبنادیاگیا ہر طرف گندگی کے انبارقبضہ مافیا کی وجہ سے قبرستان سکڑنے لگا ،چاردیواری نہ ہونے سے آوارہ کتوں اور جانوروں کی آماجکاہیں بن گئیں ،محکمہ اوقاف کیلئے دربار صرف کمائی کاذریعہ بن گئی شہریوں کا حکام سے نوٹس لینے کا مطالبہ

تٍفصیل کے مطابق ڈیرہ غازی خان کا نواحی علاقہ پیر عادل مسائل کی آماجگاہ بن گیا ہے مقامی نمائندوں کی عدم دلچسپی کی وجہ سے مسائل میں مسلسل اضافہ جاری ہے دربار پیر عادل کے ساتھ ملحقہ قبرستان آوارہ کتوں و دیگرجانوروں کا مسکن بن گیا

جگہ جگہ گندگی کے ڈھیر لگے ہیں، لوگوں نے قبرستان کو کچرا کنڈی بنا دیا ہے ، متعدد بار سیاسی نمائندوں اور محکمہ اوقاف کی توجہ دلائی گئی مگر ان پر کوئی اثر نہ ہوا ،چار دیواری نہ ہونے کی وجہ سے عوام نے قبرستان میں سے راستے نکال لیے ہیں

بارش ہونے کی صورت میں نکاسی آب کا کوئی انتظام نہیں ہے پہلے ہی قبرستان کی زمین پر لینڈمافیاء نے قبضے کیئے ہوئے ہیں اگر اس سنگین مسئلہ کی طرف توجہ نہ دی گئی تو شاید چند سال بعد قبرستان کا وجود ہی ختم ہو جائے گا

اہلیان پیر عادل جن کے آبؤ اجداد اس قبرستان میں دفن ہیں وہ سراپا احتجاج ہیں اور ارباب اختیارسے نوٹس لینے کامطالبہ کیا ہے

اوچ شریف،باغی ٹی وی (نامہ نگارحبیب خان )گورنمنٹ عربیک پرائمری سکول ٹھٹھہ وارن میں طلباء پر موت کے سائے منڈلانے لگے
تفصیل کے مطابق گورنمنٹ عریبک پرائمری سکول ٹھٹھہ وارن کی بوسیدہ عمارت جھولنے لگی،دیواروں میں دراڑیں پڑگئیں عمارت کی بنیادیں تک ناکارہ ہوچکی ہیں

سکول کی عمارت کسی بھی وقت زمین بوس ہوسکتی ہے طلباء اور والدین انتہائی پریشانی میں مبتلامحکمہ تعلیم کے ارباب اختیارکی آنکھیں بند ہیں جو کسی بڑے حادثہ کاانتظار کررہے ہیں

دوسری طرف سکول کے گراؤنڈ میں لگے بجلی کے کھمبے پر لٹکتی تاریں بھی کسی وقت معصوم طلباء کو موت منہ میں دھکیل سکتی ہیں مقامی لوگوں نے احتجاج کرتے ہوئے حکام بالا سے نوٹس لیکر سکول کی نئی عمارت بنانے اور گراؤنڈ میں موجود بجلی کے کھمبے کویہاں سے ہٹانے کا مطالبہ کیا تاکہ معصوم طلبا ء کی زندگیوں کو کسی بڑے حادثہ کا شکار ہونے سے بچایا جاسکے

شیخوپورہ،باغی ٹی وی (نامہ نگارمحمدطلال)شیخوپورہ میں سرگودھا روڈ پر میبنہ پولیس مقابلے میں پانچ ڈاکو ہلاک ہوگئے۔پولیس کے مطابق ملزمان کو ریکوری کیلئے لے جا رہے تھے کہ ملزمان کے ساتھیوں نے پولیس وین پر فائرنگ کردی۔

ڈی پی او زاہد نواز ملزمان اپنے ساتھیوں کی فائرنگ سے ہلاک ہوئے، ہلاک ڈاکو دوران ڈکیتی خواتین سے زیادتی کرتے تھے۔پولیس حکام نے کہا کہ ملزمان کی دوران ڈکیتی خواتین سے ذیادتی کے متعدد مقدمات میں شناخت ہوئی اور ان کے ڈی این اے بھی میچ ہوئے ہیں۔

ڈی پی او کا کہنا تھا کہ ہلاک ملزمان نے ایک ماہ قبل دوران ڈکیتی 2 بہنوں سے زیادتی کی تھی، البتہ پولیس حملہ آورملزمان کی گرفتاری کے لیے سرچ آپریشن کررہی ہے۔