Category: جرائم و حادثات

اوچ شریف باغی ٹی وی (نامہ نگار حبیب خان)موٹروے پولیس کی کارروائی،10 لاکھ سے زائد مالیتی غیر ملکی شراب برآمد،منشیات سمگلر گرفتار
سیکٹر I ایم فائیو بیٹ 23 موٹروے پولیس کی سروس ایریا کے قریب کاروائی،۔ دس لاکھ سے زائد مالیتی 303 غیر ملکی شراب کی بوتلیں برآمد منشیات سمگلر گرفتار۔،تفصیلات کے مطابق شجاع آباد انٹرچینج کے قریب بیٹ 23 کے ڈی ایس پی حسن بھٹی اور پٹرول آفیسر فہد شاہ سپروائزری گشت کر رہے تھے دوران گشت ایک سفید رنگ کی سوزوکی مارگلہ کار نمبری AD-8134 کو غفلت اور لاپرواہی سے چلاتے ہوئے دیکھا۔ کار کو روکنے کی کوشش کی گئی لیکن مذکورہ کار کے ڈرائیور نے گاڑی بھگا دی۔

جس کی اطلاع بذریعہ وائرلیس ٹائیگر ون کے افسران پٹرول آفیسر خادم حسین اور جونیئر پٹرول آفیسر جواد مبارک کو دی گئی،ٹائیگر ون کے افسران نے سروس ایریا ملتان (760NB) کے قریب کار کو روکا، جس پر کار ڈرائیور نے موقع سے بھاگنے کی کوشش کی جسے افسران نے ناکام بناتے ہوئے ڈرائیور کو پکڑ لیا۔ ڈی ایس پی بیٹ 23 حسن بھٹی گاڑی کا پیچھا کرتے ہوئے موقع پر پہنچ گیے۔

کار کی تلاشی کے دوران کار سے غیر ملکی شراب کی 303 بوتلیں برآمد کرلی گئی۔ ڈرائیور کا نام بعد از دریافت رشید بھٹی ولد حق نواز بھٹی سکنہ پاک گیٹ معلوم ہوا۔جسے مزید قانونی کارروائی کے لیے اے ایس آئی غلام عباس تھانہ مظفرآباد کے حوالے کر دیا گیا۔سیکٹر کمانڈر سیکٹر -I ایم 5 ایس پی قلب عباس نے تمام آفیسران کی کارکردگی کو سراہا اور تعریفی سرٹیفکیٹ دینے کا اعلان کیا۔

اوچ شریف باغی ٹی وی (نامہ نگار حبیب خان)ڈی پی او سید محمد عباس کا اوچشریف کا وزٹ، اہل علاقہ کی بڑی تعداد جمع، پرتپاک استقبال کیا۔ بہاولپور پولیس زندہ باد کے فلک شگاف نعرے۔ ڈی پی او سید محمد عباس، ڈی ایس پی احمد پور شرقیہ فرخ جاوید اور ایس ایچ او تھانہ اوچشریف محمد مسلم ضیاء پانچ بہنوں کے اکلوتے بھائی کے گھر پہنچ گئے۔ جس کو دوران واردات ڈاکوؤں نے بے رحمی سے قتل کر دیا تھا۔

دونوں قاتل ڈاکو گذشتہ رات دوران پولیس مقابلہ اپنے ہی ساتھیوں کی فائرنگ سے ہلاک ہو گئے تھے جو کہ پولیس کے پاس جسمانی ریمانڈ پر تھےاہل علاقہ کی بڑی تعداد نے ڈی پی او سید محمد عباس اور ایس ایچ او تھانہ اوچشریف محمد مسلم ضیاء کا پرتپاک استقبال کیا۔ بہاولپور پولیس زندہ باد اور ڈی پی او بہاولپور زندہ باد کے فلگ شگاف نعرے لگائے، پھولوں کے ہار پہنائے اور گل پاشی کی۔

بہاولپور پولیس آپ کے غم میں برابر کی شریک ہے۔ 8 خواتین کا اکلوتا سہارا جس میں مرحوم کی پانچ بہنیں بھی شامل ہیں کے قتل کے بعد تب تک سکون محسوس نہیں کیا جب تک ملزمان پکڑے نہیں گئے۔ ملزمان اپنی موت آپ مر گئے۔ بہاولپور پولیس کی طرف سے زیرو ٹالرینس پالیسی اپنائی گئی ہے۔ جرائم پیشہ افراد کیلئے واضح پیغام ہے۔ بہاولپور کے شہریوں کے جان و مال کا تحفظ ہر صورت یقینی بنایا جائے گا
ڈی پی او سید محمد عباس کی اہل علاقہ اور میڈیا سے گفتگو

ڈیرہ اسماعیل خان ،باغی ٹی وی (نامہ نگاراحمدنوازمغل) فوڈ اتھارٹی کادودھ میں ملاوٹ مافیاء کے خلاف ایکشن
ڈائریکٹر جنرل فوڈسیفٹی اینڈ حلال فوڈ اتھارٹی شاہ رخ علی خان اور ڈائریکٹر آپریشنز الطاف حسین کی خصوصی ہدایت پر ڈپٹی ڈائریکٹر حلال فوڈ اتھارٹی ڈیرہ سجاد احمد نے لائیو سٹاک ڈیپارٹمنٹ کے ڈاکٹر انوار بلوچ کے ہمراہ دودھ مافیا کیخلاف مشترکہ کاروائی کی، دودھ کو لائیو سٹاک کی موبائل لیب کے ذریعے چیک کیا گیا اور موقع پر نتائج دیئے گئے

جن دودھ فروشوں کا دودھ غیر معیاری تھا اور پانی کی مقدار زیادہ تھی ان پر جرمانے عائد کیے گئے اور آئندہ حلال فوڈ اتھارٹی کے قوانین پر عمل کرنے کی سختی سے ہدایت کی گئی، ایک دکان سے غیر معیاری دودھ اور دہی کو موقع پر تلف کردیا گیا،

اس کے ساتھ ہی فوڈسیفٹی ٹیم کے افسران نے سٹاف کے ہمراہ ڈیرہ کے مشہور بازار میں اشیا خوردونوش کے معیار کو چیک کیا اور مزید بہتر کرنے کے لیے امپرومنٹ نوٹس جاری کئے ۔

ڈیرہ اسماعیل خان،باغی ٹی وی (نامہ نگاراحمدنواز مغل)غیرقانونی مچھلی کا شکار کرنے والے 9 شکاریوں کے خلاف مقدمہ درج-
غفارے والی ٹی پر غیرقانونی شکار کھیلنے والے 9شکاریوں نے منع کرنے پر ٹھیکیدار سمیت واچر کو کشتی کے چپوئوں کے وار سے زخمی کردیا، مقدمہ درج ۔

تفصیلات کے مطابق تھانہ گومل یونیورسٹی میں طارق اعجاز گنڈہ پور ولد ممتاز سکنہ کلاچی نے 186-147-149pccکے تحت رپورٹ درج کرائی ہے کہ ملزمان نعمان ولد نامعلوم ، غوث علی ولد غلام رسول ، غلام رسول ولد نامعلوم بمعہ دیگر 5/6کسان نامعلوم دریائے سندھ یونٹ ون بالمقابل ٹی غفارے والی پر غیرقانونی مچھلی کا شکار کھیل رہے تھے

جن سے جال وغیرہ اکٹھے کرکے کنارے پر لائے تو ملزمان نے کارسرکار میں مداخلت کرتے ہوئے ہم سے جال وغیرہ چھین لیئے اور مجھے اور واچر حبیب ولد رفیق بگیڑا کو کشتی کے چپوؤں سے زد و کوب کیا۔

اوکاڑہ ،باغی ٹی وی( نامہ نگار ملک ظفر ) آئی جی پنجاب ڈاکٹر عثمان انورسے ڈی پی او اوکاڑہ منصور امان اور ان کی ٹیم کی ملاقات،آئی جی پنجاب نے پولیس اسٹیشن ڈائریز کے سلسلہ میں اوکاڑہ پولیس کی مجموعی کارکردگی کا جائزہ لیا۔

ڈی پی او اوکاڑہ نے ضلع میں اغوا برائے تاوان، بلائنڈ مرڈر، ڈکیتی اور سنگین جرائم کی صورتحال بارے بریفنگ دی۔ رواں برس اوکاڑہ میں قتل، ڈکیتی، اغوا برائے تاوان جیسے سنگین جرائم کے درج 23 کیسوں میں سے 21کو ورک آؤٹ کرلیا گیا۔

اغواء برائے تاوان کے 05 کیس حل کرتے ہوئے 09 ملزمان گرفتار، مغوی بحفاظت بازیاب۔بلائنڈ مرڈر کے 08، رابری مرڈر کے10اور گھر میں ڈکیتی کے21کیسز ورک آؤٹ ہوئے۔1625اے کیٹیگری سمیت 4960 اشتہاری ملزمان گرفتار،ڈکیتی کے35واقعات ورک آؤٹ، 25ملین سے زائد مال ریکور کیا گیا

اوکاڑہ پولیس نے خواتین شہریوں کے تحفظ کیلئے خواتین اہلکاروں کے پٹرولنگ اسکواڈ“ ردا“ کا آغاز کیا۔ردا اسکواڈ میں شامل لیڈی پولیس بائیک رائیڈنگ، پٹرولنگ،ہجوم کنٹرول، سیلف ڈیفنس اور فرسٹ ایڈ فراہم کر رہی ہیں۔

ڈی پی او اوکاڑہ نے آئی جی پنجاب کو بریفنگ میں بتایا کہ ایک کروڑ تاوان کیلئے اغوا ہونے والے بچے کو 24گھنٹوں سے کم وقت میں بحفاظت بازیاب کروایا۔

آئی جی پنجاب ڈاکٹر عثمان انور نے کرائم کنٹرول،شہریوں کو خدمات کی بہترین فراہمی پر اوکاڑہ پولیس کی کارکردگی کو سراہا،آئی جی پنجاب کا کہناتھاکہ فورس کو متحرک اور فعال بنانے کے لئے ان کی ویلفیئر اور پروموشن سے نہایت مثبت نتائج سامنے آئے ہیں،

اس موقع پراوکاڑہ پولیس کے ڈی ایس پیز ایس ایچ اوز، انچارج آئی ٹی، سب انسپکٹر لیڈی عظمت نسیم سمیت دیگر افسران بھی موجود تھے۔

سیالکوٹ باغی ٹی وی (سٹی رپورٹر شاہد ریاض)اینٹی کرپشن سیالکوٹ کی کاروائی سمبڑیال، جیٹھیکے یونین کونسل کے سیکرٹری رانا جمیل کو سی او اینٹی کرپشن ملک ندیم نے 30 ہزار کی رشوت لیتے ہوئے رنگے ہاتھوں گرفتار کر لیا ۔

تفصیل کے مطابق تھانہ سمبڑیال کے علاقہ جھٹیکے کے رہائشی حبیب احمد نے سرکل سیالکوٹ کے انچارج انٹی کرپشن ملک ندیم کو درخواست دی کہ یونین کونسل جھیٹیکے کے سیکرٹری رانا جمیل اس سے جائز کام کروانے کے عوض مبلغ تیس ہزار روپے رشوت طلب کررہے ہیں

جس پر سی او انٹی کرپشن ملک ندیم نے حبیب احمد سے ملکر ٹائم ایڈجسٹ کرکے سیکرٹری کو رشوت کے نشان زدہ پیسے وصول کرتے ہوۓ رنگے ہاتھوں گرفتار کرلیا

پاکپتن،باغی ٹی وی (نامہ نگار محمد سلیم کھوکھر )تحصیل عارف والہ تھانہ قبولہ کے علاقہ میں رات گئے چور ٹرانسفارمر چوری کر کے فرار ہونے میں کامیاب
تفصیل کے مطابق تحصیل عارف والہ تھانہ قبولہ کے علاقہ میں رات گئے ٹرانسفارمر کی چوری کی واردات ہوئی ہے ،چک نمبر 103 ای بی نور پور میں چوہدری ظفر جٹ نے زمین ٹھیکہ پر لے رکھی تھی جس کی ٹربائن سے چوروں نے بجلی کا ٹرانسفارمر رات کی تاریکی میں اتار کراس کی کوئل نکال کرفرار ہوگئے

جب صبح کے وقت چوہدری ظفر جٹ کا چھوٹا بھائی چوہدری نثار ڈیرہ پر آیا تو دیکھا کہ ٹرانسفارمر کی باڈی نیچے گری پڑی ہے اور کوائل وغیرہ غائب تھے ٹرانسفارمرچوری کی اس واردات پر اعلی حکام سے نوٹس لینے کامطالبہ کیا ہے.

اوکاڑہ ، باغی ٹی وی( نامہ نگار ملک ظفر )کئی دہائیوں سے ٹوٹ پھوٹ کا شکار لنک روڈ ملگدا چوک عوام کے لیے وبال جان بن گیا
تفصیل کے مطابق اڈہ گیمبر سے لنک روڑ ملگدا چوک گذشتہ کئی ماہ سے مرمت ہونے والا روڈ عوام کے لیے وبال جان بن چکا ہے ،انتہائی مصروف روڈ ہے جو گذشتہ کئی دہائیوں سے ٹوٹ پھوٹ کا شکار ہو چکا ہے

اس روڈ پر نہ تو ساہیوال انتظامیہ توجہ دیتی ہے اور نہ ہی اوکاڑہ انتظامیہ اس مسئلہ کو حل کرنے میں دلچسپی رکھتی ہے، لوگوں کا کہنا تھا کہ جو سفر ہم نے 20منٹ میں کرنا تھا وہ ایک گھنٹہ میں طے ہوتا ہے اور ہر ایک بندہ اپنی کار موٹر سائیکل کو پنکچر لگائے بغیر اس راستہ سے گزر نہیں سکتا،گڑھوں اور دھکوں کی وجہ سے نئی گاڑیاں کھٹارا ہورہی ہیں ۔

لوگوں کا کہنا تھا کہ پچھلے 6ماہ سے اس روڈپر پتھرڈال دیا گیاہے جو ہمارے لئے وبال جان بن گیا ہے ۔شہریوں نے وزیر اعلیٰ پنجاب اور کمشنر ساہیوال سے مطالبہ کیا ہے کہ اس کانوٹس لیکر فوری طور پر مصروف ترین روڈ ک وپختہ کیا جائے –